10

Vol. XXI

Issue No. 10

TUALCHHUNG q Pi Chhantluangi (Machhani) w/o Lalthanzama, Chawngbawla Section chu M$ta lungte awm avangin nimin khan Aizawl Civil Hospital-ah zai a ni.

|omir

Thla

8th

March,

2009

Chapchar Kut ropui taka hman tum a ni Kan Branch pawh a inpuahchah mek

q Pu R.C. Lalchhuanga h/o Lalzeli Taitesena Section chu Phing leh zunkawng \ha lo avangin Bethesda Hospital-ah enkawl mek a ni. q Pu V.L. Ruala Chawngthu h/o Hmingliani, Chawngbawla Section chu Aizawl Civil Hospital a\angin a lo chhuak. q Tv. Benjamin Lalchhuanawma s/o P. Rohmingliana (L), Vanapa Section Asst Leader chu pumna avanga Damdawi Ina enkawl chu dam takin a lo chhuak. q Pu Vanlalromawia, kan branch hruaitute chhungkua chu Vanapa section a\angin anmahni In, Khuangchera Section-ah an insawn phei leh ta. q Pu Lalhriata f/o Lalramnghaka Hnamte, Taitesena Section chu Nursing Home, Zarkawt-ah enkawl mek a ni. q Pu B. Lalkhawngaiha te chhungkua chuan Maruti (TAXI) thar \ha tak an nei. q Pi Sangchhungi w/o Sangkhuma Hrahsel, Chawngbawla Section chhungkaw thila Thenzawla zin chu a lo haw. q Pu Zohrangchhuana h/o Mizolawmi, Taitesena Section leh Nl. Lalrinengi Zote te chu Salganga hmunah Nl. Zothannguri tlawhin an thang mek. q Kan Branch Adviser Rev. Chawnghranga chu thil pawimawh tiin Mairang, Manipur Mission Field-ah a zin a, nimin khan a rawn thlen hman beisei a ni. q Pu R. Lalrinngheta, Taitesena Section chu A.D.A a\angin Divisional Accountant-ah a kaisang a. National Highway Division-III, PWD-ah post a ni. Kan lawmpui hle. q Pu R.T. Ruma f/o R. Lalremruata, Taitesena Section chu mit lam \ha lo avanga Guwahati kal pawh an lo haw. q Presbyterian Kohhran chuan an Biak in hnuaiah Sunday Sikul Hall tur an sa mek. q Chawlhhmun Presbyterian Kohhran-ah vawiin Pathianni hmang hian Central K.|.P chuan rorel inkhawm an hmang a. Kan veng a\angin Pu R. Lalremruata, Taitesena Section chu palai a ni.

YMA Hall-ah YMA Ramhlun Vengthar Branch member lam thiamten lam an zir. Ni 13 March, 2009-a hman tur Mizo kut ropui Chapchar Kutah lam tura tih kan nih angin lam hi zir a ni a. Thawh\an zan ni 2 March a\ang khan YMA Hall-ah member \hahnem tawk takin lam an zir \hin a. Hruaitute leh member-te inpekna a fakawm hle. Vengchhunga hetiang lama mi tuite pawh an rawn inlar fo va, an chungah pawh hruaitute an lawm a ni. Kan Branch hian Chawnglaizawn lam kan entir ang a. Cheraw leh Chai lâm Aizawl City Branch hrang hrang a\anga rawn kalten entir tur a nih avangin kan branch pawhin kan entir ve dawn bawk. Mizoten lo kan vah laia zum leh hriam laka him taka kan chhuah lawmna atana kan hman Chapchar Kut hi tun thlenga kan kut neih ropui ber a ni a. Chapchar Kut hmanna pui ber tur Aizawlah chuan Art & Culture Deptt. leh Central YMA \angkawpin an buatsaih dawn a, kumdanga tih \hin ang bawkin hnam zia rang pho lang thei programme ruahman a ni a, Kut Pa atan hian Chief Minister, Pu Lal Thanhawla chu hman a ni ang. Chapchar Kut hi Lammualah March ni 13 hian hman a ni dawn a, Aizawl khawpui chhunga YMA Branch te’n Sarlamkai, Cheraw, Chawnglaizawn leh Chai te an entir dawn a, Mizoram pawna Zohnahthlak hrang hrangte pawh sawm an ni a, an ni pawhin hnam lam \henkhat chu an entir thei tura beisei a ni. YMA hruaitute chuan District khawpui-ah te pawh Sub Hrqs YMA buaipuiin Chapchar Kut hi hman tum a ni a, sorkar chuan Chapchar Kut hmanna tur hian cheng nuai 10 a ruahman a, Dist. Khawpuiah te pawh sum hi Chapchar Kut hman nan hian sem rual tum nia thu dawn a ni. Kan Branch aiawha lam tur hian a duh apiang tel theih a ni a, Thawh\an zan inkhawm banah YMA Hall-ah zir leh tur a ni a, hetah hian a zir \hin zawng zawngte bakah a la zir lo, thiam sa tam tak kan la awm a, kan branch hmalakna pawimawh tak a ni tih hriain kal vek i tum ang u.

1

Editor Clayton Malsawmkima Executive Editors K. Vanlalmuana F. Vanlalchhuana Production Managers Lalnunmawia J. Lalnuntluanga Vanlalhriatpuia Correspondents R. Lallawmawma B. Lalawmpuia Rorelliana Thangchuailova O.B. incharge Vanlalruata Patron K. Laltuma

President Pu Lalchharliana Vice President Pu H. Lalsangzuala Secretary Pu Vanlalruata Asst. Secretary Pu R. Lalhmangaihzuala Treasurer Nl. Lianzasiami Financial Secretary Pu P. C. Zonunsanga

) 9862355202 9862129585 9615028446 9862738064 9436149201 9612155830 9862647678 9856526524 9862359040 9862957899 9862125301 9436193779

Chaw eikhawm kan ti mah mah em? Tam tak chuan, “A ho em mai! An phala an siam duh a hnu a ei tal kan tum lohvin?” in ti ngei ang. A dik! Buaipui hah ngai lova chaw ei an siam, lo eisak chu kan tihtur a ni mai. Chutih rual chuan kan chaw ei min siamsaktute kan nawr dan em em erawh kan inenfiah deuh chu a ngai lo maw? Mi vengin engtin chiah nge hetiang hi an lo kalpui \hin tih lam rilruah a lang lo. Mi vengte min awh berna chu chaw eikhawm mai kan sam hi a ni. Kohhran leh khawtlang, pawl zawnga chaw eikhawm kan rawt a, kan siam nghal mai thei hi mite chuan min awt. Kan inkungkaihna a \ha zawk niin kan hria a, a \ha khawpin a lang rih(?) Kan ngaihtuah chiang em? Kan vengah V/C kan thlang a, a tling tharte lawmpuina tura thilpek ken khawm aiin tihhekna ngaihtuah thiam kan tam zawk tlat! Chutiang bawk chuan miin sorkar hna emaw, eng hna emaw a thawk thar a, hlawhtlinna duhawm tak a chang \hin a, lawmpuina thilpek hlan ai chuan, ‘Chaw show rawh,” kan ti a, kan nawr sek sek fo. An lo tih dan \hin a nih avangin inhnar pawh a hrehawm a ni maithei e. Hetiang nikhuaah emaw, hnatlang neih nikhuaah emaw, hun rei zawk kan hman dawn nikhuaah emaw chaw ei ri zing lutuk hi kan zawngchhang zel ang tih hlauhawm tak a ni a, sum thawh khawm ngaih changte hian hrehawm lo ti tam tak kan insiam thei a. Kan nawr chhuahte tan phurrit kan siamsak thei a ni.

) 9862555428 9436152926 9862125301 9862366347 9862373203 9436156756

Vanapa Section Vawiin hian Blanket suk man an khawn dawn a, a la pe lo zawng zawngte lo inring \heuh turin section hruaituten an ngen a ni. Taitesena Section Tunlai hian bukna leh BP check-in Section huamchhung an fang meka, la tih leh zel an tum. Tlawmngaih chhuaha lo \anpui tute hnenah lawmthu an sawi. Chawngbawla Section Ni 12 March, 2009 (Ningani) zan hian Variety Show ropui tak neih an tum a. Hemi huna item nei thei tur kan hriat theih chinte chu 1) Roluaha (Comedian) 2) C. Vanlallawma (Comedian) 3) Laldanglovi (Youth Icon 2007 top 10)] 4) Amy Lallawmsangi (Zostar 2008 top 3) 5) Andrew Lalengkima (Rapper) 6) H. Lal\hakima (Artiste) 9) Mami Varte (Artiste) Heng bakah hian veng pawn a\angin zaithiam lar tak tak sawm belh mek zel a ni. He Variety Show hi vengchhung mipui zawng zawngte en \heuh turin kan in sawma, chutih rualin heng ang hunte hi kan veng hmel lanna tur a ni tih hriain tumah rui buai leh buaina siama, \hing taka che leh au vel awm lo hram turin kan inngenin kan inchah lawk bawk a ni.

KEIMAHNI Kristian |halai Pawl; Ramhlun Vengthar Branch chanchinbu ‘K|P AW’ chuan March ni 26, 2009 hian a kum 25-na a lawm dawn a. He hunah hian VENGTHAR editorial board-te chu a bik taka sawm kan ni a, kan lawm hle. A theih anga \awiawm ngei pawh VENGTHAR chuan a tum a ni.

Ni 14.3.2009 Library Duty turte 1. Tv. Lalchhandama 2. Tv. R. Lalnunpuia

3. Nl. J. Lalnuntluangi 4. Nl. Corina L. Khiangte

DISTRIBUTORS Jubilee Lalremsangi, Lalruatsanga, Rebecca Rosangzuali, Zoramthara, Lallianzuala, K. Lalruatdika, Ramhlimawmi, B. Lalhmangaihzuali, Angela Lalchhanhimi, Ruth V. L. Ruatpuii, Lalrintluangi, H. Lalrintluangi, Vanlalnghaka, Judith Lalruatpuii, Wendy Lalrinchhani, Reuben Rosanglura, Lalrinchhani, Isaac Romalsawma, Ramfangzauvi, Mesak Lalhmangaihzuala, C. Rosangzuali, Lawmchhungi

2

V/C HRIATTIRNA Aizawl Development Authority (ADA) Building Regulation 2008 hi hun engemaw chen hman a nih hnu hian ennawna a \ul lai apiang siam\hat tuma ni a; hemi chungchanga rawtna nei duh apiangte chuan March ni 12, 2009 aia tlai loah VCP hnenah thehluh tur a ni

THLANMUAL FUND Thlanmual Fund khawn mek zel a ni a, a khawntute pawhin \hahnemngai taka khawn zel turin kan inngen a ni. Chutih rualin kan khawn tawh sa la thehlut ve lo ten a bu kengin Pu K. Lalmawipuia hnenah thehluh zel bawk tur a ni e. Hei hi a khawntuten i ngai pawimawh ang u. sd/Secretary

|hal khawro - |hal khawro lai hi kan In chhehvela kan bawlhhlawh chhek khawl hal ral na atan hun \ha tak a ni a. I mutbu eg. Blanket leh puan liante, kawrlumte suk faia, phorona hun \ha tak a ni. He hun \ha hi i bawhpelh chuan furpui khawhnawngin a rawn nangching che ang a, i mutbu leh i puanliante kha an lo rimchhiain an lo hmuar palh ang e. I bawlhhlawh chhek khawmte kha ruahtui / tuihawk ten in kawmthlangte leh vantlang kawngah te a lenchhuak ang a; chutah zet chuan faina kawnga in chhungkaw dinhmun ruahtui hmangin vantlang hriata pho lanin a awm dawn a ni. Zah nachang in hria ang em le? Hausa in khawl changkang tak tak in Inchhungah hungin, chawhmeh tui tak tak hmeh \hinin, Handset changkang tak tak hum chhuakin, inkhawm peih viau mah la; i biak Pathian khan i \awng\aina a chhang kher lo maithei. A chhan chu in kawmthlang lama chengte leh vantlang kawngte in ti bawlhhlawh a, natna hrik thehdarh a, mi hriselna ti derthawngtu in ni tlat alawm ! In chhungkua khan sawihoin \ang tlangin hma han la nghal teh u. Ruahtui a tlak tam hma ngei hian in In chhehvela bawlhhlawhte kha in huanah halral ula, mi Inluah in nih pawhin in bawlhhlawhte kha \ha taka funin bawlhhlawh paih Motor-ah te paih \hin ang che u. In bawlhhlawh halralna d
“Khua leh tui \ha nih in duh chuan \hal khawro hunlai hi bawlhhlawh halral nan hmang \hin ang che.” Dawn Tisei

ZAHNA HNUHNUNG

St Louis, Missouri-a company pakhat office kawngkharah chuan “He company \han zelna tura tibahlahtu pakhat a boral a, pindan chungah vuina inkhawm vawiin chawhnuah neih a ni ang, company-a thawk zawng zawngte tel vek tura ngen kan ni e,’ tih hi a lo intar a. A tirah tak chuan an hnathawhpui chutia a han boral chu hrehawm an ti hle a. Pindan chung an thlen hnuah chuan tunge an hmalakna tur tikhaihlaka tibahlahtu tih hriat an chak hlawm em em thung. Pindan tawpa kuang chu an thlir \hap a. Intlar chung hian chu kuanga mu chu zahna hnuhnung lantirna hun an hmang dawn ta a. A mal tê tê chuan kuang chu an hnaih hret hret a. Kuang chhunga mu an han hmu zet chu tumah reng an \awng thei lo! Ngawi rengin an thlir tlawk tlawk a. Kuangah chuan darthlalang lian zet hi an mut zar a, tah chuan an thla an hmu a ni. Darthlalang chungah chuan, “Nangmah hi a ni hmasawnna tur tibahlahtu chu,” tih hi a lo inziak kulh zui! Hei, kawngpui hi thla khat pawh ral hmaa rawn thawm nial nual a ni! Chuti chung pawh chuan kan la dim lo \huai \huai khawp mai. Rawra kan dah a, kan bun hnan hmiah. Chumai a la ni lo, kawng dang ping ngam khawpin mi kan zah zo lo! Vengchhung hruaituten hma in lak loh chuan kawng \ha kan nei dawn lo!

courtesy: inspirationpeak.com

|henkhat chu an \ap a, \henkhat an kun tlawk tlawk a. Anmahni ngei chu a ni an hnathawhna kawnga hmasawnna tibahlahtu tih an inhre chhuak a, an zak a, an inchhir a. Mahni hmun \heuhvah chu thil chu hre rengin hmasawnna lo thleng tur chu an lo hmuak ta hlawm a. Hotuten i zia an thlaksak thei lo che a, i duh dan an thlaksak thei hek lo. I duh dan thlak danglam tur chuan NANGMAH i pawimawh ber tih i inhriat reng chuan hmasawnna a ni emaw thil dang tam takah tibahlahtu che an tlem ngawt ang.

LAWMTHU SAWINA Ramhlun Vengthar Congress Unit chuan High School \anpuina atan L.A.D. tender an hmuh hmasak ber min pe a. Hetianga vengchhung sikul tana \hahnemngaite chungah hian Vengthar High School Headmaster leh staff te kan lawm hle a ni. Headmaster & Staff Ramhlun Vengthar H/S

3

Mahatma Gandhi, India hnampa ti hiala kan hriat, khawvelin a theihnghilh tawh loh tur bungrua avangin khawvel mit Antiquorum Auctioneers, New York-a awmte chungah a fu a. Antiquorum, lilamna hmunah hian India hnampa, Mahatma Gandhi-a bungrua zinga a tarmit, a chappal, sana ipa ah chi leh a thil eina thleng \henkhat a awm a. Hemi chungchang hian India ram hruaitute leh Gandhi chhungkaw kal zelte lu a tihai takzet a, engtia han neih let leh nge theih ang tih chu an ngaihtuah ber a ni. Duhaiin chanchin a nei thui hrep! Ziak zel ang - Chutia India ram manganga a awmlai chuan zu zuar hausa tawntaw Vijay Mallya, i hmelhriat dan tur chu - Kingfisher zu siamna neitu, Kingfisher Airlines neitu, Force India (F1-a India team)-ah Chairman, Mohun Bagan leh East Bengal Football Club sponsor-tu, Indian Premier League-a The Royal Challenger, Bangalore USD maktaduai 11.6-a leitu, United Racing and Bloodstock (Sakawr intlansiakna lama tui mite)-a chairman ni lai a ni a. USD tluklehdingawn 1.2 vel sum nei anga chhut chuan Gandhi-a bungruate hi USD maktaduai 1.8-in a lei ta a ni. Hetia lilam a chhan hnu lawk hian, “Sorkar lam chuan hriattirna min pe hran lo na a, hetia kan hnam ro hlu lilam a, mi kuta a awm mai tur hi ka lung a chhe tlat a, ka sum a che lo thei lo,” tiin press mite zawhna a chhang a. 2004 kum khan Tipu Sultan, India rama lal ropui tak ngunhnam chu London-a lilamna hmun a\angin a lo lei tawh a ni. Hetiang a lo nih tak avang hian India ram chu lawmin a zuang a, a au hial. A bik takin Gandhi-a thlah kal zel Tushar Gandhi leh Tara Gandhi Bhattacharjee te chu an lawm a. “Kan theih tawp kan chhuah a, hetianga India ram hmangaihtu a rawn inlar hi mak kan tiin kan lawm hle a ni,” an ti. Eng dang vang a ni lo. Vijay hian heng India ro-te hi India sorkar hnena hlan a tum vang a ni. Gandhi-a khan 1929-a a thurochhiah a ziah khan a thil neih ang angte chu Navjivan Trust kutah a hlan a, hetianga a hlan hnuah New York lam daiha a bungraw lo kawl a ni ta mai pawh hi mak a tling. Vijay hian a neitu nihna neiin lei tawh mah sela tunah hian a kut a la thleng thei rih tlat lo! America sorkar lam chuan an kutah kar hnih vel an kawl phawt a ngai a, a leitu leh a leinate indawr deuh nual a la ngai dawn ni awm tak a ni. A enga pawh chu ni se, kan kuta Gandhi ro tlema zawng a awm hi thawk huaina tham chu a tling reng reng e. Pakistan-ah Bomb puak Pakistan-a kawng hulum lai, Peshawar Budh Bair hmunah nimin khan bomb chak tak a puak a. Civil mi pakhat bakah security mi 7 an thi. He bomb hi thihchilh bomb hmanga tihpuah ngei a nih rin a ni a, thu chiang kan tarlang hman lo.

Khua a lo \hal a, mi tinte kangmei chhuak thei lakah fimkhur \heuh tura ngen leh hriattir kan ni e

printed @ technosys offset, bawngkawn, aizawl copies - 350

4