26

Vol. XXI

Issue No. 26

TUALCHHUNG q Kan chanchinbu distributor B. Lalhmangaihzuali d/o B. Vanlalthanga, Vanpa Section chu chawlhni hmasaa VENGTHAR a semna lamah a chesual a, a ban ruh a sawh tliak. VENGTHAR enkawltute chuan pawi kan ti hle a, a dam leh vatna turin duhsakna kan hlan. Tunah B. Lalhmangaihzuali hi in lamah enkawl mek a ni. q Nl. R. Lalruatkimi d/o Zothansangi, Taitesena Section chu Class X open-ah a passed a, II Div.-ah a passed. Kan lawmpuiin a kal zelna turah duhsakna kan hlan e. q Pu Lalrinsanga h/o Rita Lalnunpuii, Taitesena Section, Aizawl Civil Hospitala enkawl pawh dam takin a lo chhuak. q Pu V.L. Ruala w/o Hmingliani, Chawngbawla Section, Greenwood Hospital-a enkawl chu a lo chhuak. q Tv. Lalnunhlua, Khuangchera Section pawh Kulikawn damdawiin a\angin dam takin a lo chhuak. q Pi Laldawnkimi w/o Lalnunhlima, Chawngbawla Section chu NEICCWA programme-in Mizoram Presbyterian Central Hmeichhe Committee aiawhin ECM Kohhran tlawhin Saihaah a kal. Ani hi tunkar khan a chetsualna lamah a kezungpui ruh a titliak a, \hat lam a pan tawh e. q Nl. Jenny Lalsangliani Khiangte d/o K. Hrangkhuma leh Nl. Lalpekhlui d/o R. Malsawma, Chawngbawl Section-te chuan Scooty thar an nei. Pu K. Lal\anpuia, Chawngbawla Section pawhin bike thar a nei bawk. q Nl. R. Lalhriatpuii d/o R. Lalhmuaka, Khuangchera Section Fin. Secretary chu ni 3rd July, 2009 hian K. Roluahpuia nen Suangpuilawn-ah an innei dawn a. Ni 30th June, 2009 hian Pu R. Lalrinngheta inah chhungkhat laina leh \henrual\ha ten an thlah ang. An section hruaitute leh member-ten an lawmpui hle. q Pu V.L. Hlupuia Parte te chhungkua, Khuangchera Section chuan Computer thar \ha tak an nei. q Pi Lalsangliani (Mami) m/o Julie Lalremruati, Taitesena Section chu Bethesda Hospital a\angin a lo chhuak.

Nikir

Thla

28th

June,

2009

Education System chungchang seminar CYMA buatsaihin nei dawn Central YMA leh Education Department tangkawp chuan Kum 2009 YMA Thupui - ‘Khawtlang Nun Siam\hat leh Zonun Zemawi Inzirtirna’ bawhzuinan Ni 3rd July, 2009 hian Central YMA Hall ah sawmbikte nen 'Inculcation of Mizo values and Ethics amongst students through formal Education' thupui hmangin Seminar a buatsaih dawn. He Seminar hian a tum ber chu vawiina kan Zirlaite Syllabus hman mek hian kan khawtlang nunah leh kan hnam kalphunga nghawng a neih dan chungchang zir chianna a ni ber dawn a ni. Programme A hmun

: Central YMA Hall, Tuikhuahtlang, Aizawl

A HUN

: 3rd July, 2009, 10:30AM to 3:00PM

Chief Guest

: Pu Lalsawta, Hon’ble Minister, Education Deptt., Govt. of Mizoram

Chairman

: Dr. R. Lalengmawia, Chairman, Education & IT Committee

Opening Song

: Ramhlun North Branch YMA Zaipawl

Report

: Pu H. Lalruatliana, Secretary, Education & IT Committee

Keynote Address : Pu JH Zoremthanga, President, Central YMA Speech

: Chief Guest

Solo

: Lalropuii Pachuau

Speech

: Pu Chawngtinthanga, Parliamentary Secretary, Education Deptt. etc.

Paper Present

: Pu C. Lalremruata, Head, Deptt. of Education, J. Thankima College

Solo

: Lalropuii Pachuau REFRESHMENT Discussion

B.A. Result chhuakah kan veng an titha Mizoram University hnuaia Final year degree course result a chhuak a, a pumpuiah honours-ah za zela 83.62-in an pass a, general-ah za zela 86.88-in an pass. Kan veng a\anga passed kan hriatte: Nl. Rosy Lallawmzuali d/o Cosma Mantluanga - I Div. (Biology) Nl. Zohmingliani sis/o Lalchharliani - Topper in Education Tv. Albert Vanlalruata s/o Lalzarliani - 2nd Position in History Nl. Corina L. Khiangte d/o Lalrinawm Khiangte (L) - II Div (Home Sc.) Nl. Rody Lalawmpuii d/o Vanlalromawia - II Div. (Commerce) Nl. Saizampuii Sailo d/o P. C. Lalrintluangi - II Div (Commerce) Nl. Lalngilneihi sis/o Lalramnghaka Hnamte - II Div General Kan veng VCP Pu Vanlalthanga chuan passed tharte a lawmpui tak zet a, an thiamnate khawtlang tana hmanga an kal zelna turah duhsakna sang tak a hlan a ni.

1

Editor Clayton Malsawmkima Executive Editors K. Vanlalmuana F. Vanlalchhuana Production Managers Lalnunmawia J. Lalnuntluanga Vanlalhriatpuia A. Zomuana Correspondents R. Lallawmawma B. Lalawmpuia Rorelliana Thangchuailova O.B. incharge Vanlalruata Patron K. Laltuma

President Pu H. Lalsangzuala Vice President Pu Kapzawna Secretary Pu Vanlalruata Asst. Secretary Pu R. Lalhmangaihzuala Treasurer Nl. Lianzasiami Financial Secretary Pu P. C. Zonunsanga

) 9862355202 9862129585 9615028446 9862738064 9436149201 9612155830 9862559684

) 9436152926 9863071916 9862125301 9862366347 9862373203 9436156756

VDP THU LEH HLA Kan vengchhunga sualna kawng hrang hranga inlar mekte tihreh dan kawng dapa theihtawp chhuah mek VDP ten vengchhung mipuite \awiawmna nasa lehzual kan mamawh a, chumi tur chuan vengchhung mipuite kan ngen bawk a ni.

9862647678 9856526524 9862359040 9862957899 9862125301 9436193779

Zu khap chungchangah a tawp thlenga kan \an a \ul Zu chungchang sawihona leh thar thawhna thawm a ri nasa hle a, heti tak mai a ualau tak leh ngampa zawka zu chungchang khel a ni ta mai hi engvang nge ni ang tih ngaihtuah tham tak a tling awm e. Kan hnam leh kan pi leh pute nunphunga hmun pawimawh tak chang \hin a ni a, a dik. Khatihlaia hmun pawimawh tak chang \hin inthawina pawh kan bansan a, zu pawh kan bansan a ni leh mai. Mizorama zu khapna dan siam a nih khan YMA hi a khap duh pawl kan ni a, kan \anna ngaiah \anga a tawp thleng tur pawh kan nihlaiin kan member-puite zinga hetianga zu khap sawi chhiat emaw sawi hnawm an rawn inlar tam tual tual hi thil mak a tling a ni. Zu khap a nih avanga zu hmuh tur tlem lo hian hengho hi a tihuangtau zual niin a hriat a. Dan kengkawhtu lam an hnufum hle a ni tih a tilang bawk. Zu chhe in avanga thi kan tam zia sawifo hi thil zahthlak a nih bakah chhuanlam siamna khawp a tling lo tih kan hriat reng a \ul bawk. Zu chhia na na na chu in loh mai tur a ni dawn lawm ni? Zu ngawlvei kan tih tak tak hi mi tlem tê an ni ang a, a bak zu in ve hi chu nawmchen tumna lam emaw a pawl mah a, mahni inthunun zawh lohna tarlangtu a ni. Zu in keimahni a hna a thawh avanga kan ramin a tawrhna nasa tak; nupa in\henna, tualthi leh hun lova lirtheia chesual, tlakranna thlengte hi theihnghilh tawh lo tur kan ni. He khawtlang nun siam \hat nan leh Mizo nun ze mawi chhawm nun nan pawh hian theihtawpa zu kan do zel hi YMA-te tih makmawh pakhat a ni.

VDP chu ral khata tawng mai lovin \awiawm theihna apiangah \awiawm ila. VDP hian mimal tumah a do lo va, a haw lo va, a hmelma en ngai lo va, kan zavaia him leh thlamuang taka kan awm tlan dial dial a duh zawk a ni. Chuti chung chuan lo ral en a, lo tawng a, lo cho tawk kan awm leh zeuh \hin hi a pawi ngawt mai. Thawhpuia \anpui hi kan mawhphurhna \heuh a ni tih i hre thar leh ang u. Mipui aiawha sual do va, kawng dik zawh tura mite \anpuitu, mi mangangte tana ding an ni tih i hre thar leh ang u.

VDP DUTY Vawiin chawhnu dar 1 hian YMA Hall-ah VDP hruaitu zawng zawngte kim taka kalkhawm tura ngen leh hriattir kan ni a, \hahnemngai taka member kalkhawm \heuh turin kan inngen a ni. Badge kawl mekten ken nghal tur a ni. Sd/Lalnunmawia, Secretary VDP

HMEITHAI ASSN. HRIATTIRNA Mizoram Hmeithai Association member-te Pi Lalhmuchhuaki’n chatuan ram min pansan tak avangin a chhungte ral tur a ni a, a hnuai hun leh hmun ruatah hian Ramhlun Vengthar-a Hmeithai Association member-te kal vek i tum ang u. A hun

:

Dt. 28.6.2009, Dar 3:00 PM

A hmun

:

Pu K. Laltuma In

Sd/- Zothansangi Secretary Ramhlun Vengthar MHA

Library Thuthar Dt. 4th July, 2009 Duty turte : Tv. Lal\habika

Tv. Lalchhandama

Nl. J. Lalnuntluangi

Nl. Zairemtluangi

DISTRIBUTORS Jubilee Lalremsangi, Lalruatsanga, Rebecca Rosangzuali, Zoramthara, Lallianzuala, K. Lalruatdika, Ramhlimawmi, B. Lalhmangaihzuali, Angela Lalchhanhimi, Ruth V. L. Ruatpuii, Lalrintluangi, H. Lalrintluangi, Vanlalnghaka, Judith Lalruatpuii, Wendy Lalrinchhani, Reuben Rosanglura, Lalrinchhani, Isaac Romalsawma, Ramfangzauvi, Mesak Lalhmangaihzuala, C. Rosangzuali, Lawmchhungi

2

Hming hi buaipui tham a tling ta ngawt mai! Keini’n kan hming kan chhuan em em laia hming hnaisai lo nei anga inngaia lam tual kal kual pup pup tawk lah bo lo! |henkhatin hriatpuitu neiin dan hremite hmaah an hming an thlak thul. Kan khawvel hi chu le! A tawi, a sei, a mawi, a \hing i hriat hmaa i put a nih avanga tun thlenga lungawi taka i put hlen tak i hming hi hnaisai lo ni turin i lo pawm ve ta mai em? Mak ve deuh mai chu Hming hian kan nihna a sawifiah fo va. ‘Palian ve tak, hmel \ha vung kha,’ tih ringawt hian ka nihna a sawifiah zo lo. Palian, hmel\ha vung kha an lo tam phei chuan tunge ka nih a hriat mai theih loh va. Ka hming ngeia min lam khan ka hmel an mitthla nghal a, chu chuan ka nihna zawng zawnga sawifiah nghal thei tlat a ni. Buaipui ngai hming Hnam hrang hrang zingah hming inang kan tam lutuk hi buaipui tham a ni. Columbia Encyclopedia 2000 edition-in a tarlan dan chuan khawvela mihring maktaduai 50 te hian hming inang an in\awm a, chu chu Muhammed tih hi a ni a, he hming hi hming in\awm tam ber a ni. Hetiang tak hian Mizo hminga hming kan hman tam ber hi hriat ni lo mah se hming in\awm hi kan tam ve hle awm e. Mi 20 bawr awmho na let letah hi chuan ‘Puia’ han ti ngawt ila pahnih vel tal hi chu an lo hawi e an ti! Mizo hming anga lamsak Kan vengah Robert tih hming pu kan awm nual a, threnkhat chu Bât puia te an nih laiin Bât-a te an ni bawk. Kan buaithlak deuhna chu Sap hming ni na na na Mizo hming anga inkoh kan ching hi a ni. John-a pawh John-tê kan la ti hram nia. Robert chu ‘Bob’ tiin an ko mai a, keini erawh chuan Bâtpui te kan la ti ang tak deuh deuh va! Duhthawh deuh chuan ‘Lal Clay’ te pawh min ti nawk mai. Keini lah chu kan han eih lauh zel mai bawk si a! A hming neitute pawh hian kan duh tuilo ve bawk a ni ang e. Kohna atana kan duh sawi a \ha Kan venga ka awmtirh hian ‘Kima’ tiin min ko. Pu Tuma pek hian ka farnu boral thlalakpui hunah, ‘Kima

leh a \hianten lakpui se,’ tiin a puang a. A puang sual lo, midang min hre hmasatute min lo koh dan a ni ve miau a. Ka \hian hmun dang a\anga lokalte khan ka putea \hianten an lakpui dawn emaw an tia, an awmhmunah min lo thlir veuh veuh. A hnuah pawh KIMA kha ka ni reng a, ka tlangnel ta deuh va, min koh dan tur ka sawi a, KIMA min ti ka tawng leh ta lo. Mizote hi hming ni lova inkoh ching tak kan ni. Kan hming \ha hi kan thaichhe fo. Entirnan \hianpa Laltea hming \ha chu Lalrinsanga a ni a, Patea pawh Lalhmangaiha... an tam mai. Hnam dang chanchin sawi leh lawk ang - Sapho chuan an nupui te, an fate an ko duat \hin. Entirnan an fanute chu ‘sweetheart’ emaw an ti mai a, an fate chu ‘honey’ tiin emaw an ko leh mai. A chang chuan ‘baby’ te pawh an ti hnâp \hin. Chu an inkohna chu chhungkaw bilah a ni a, an sikul kainaah te, an khawlai kalnaah te, an hnathawhnaah te midangin an ko ve ngai lo.

Dawn Tisei A upat tawh em avang chuan a thiam thil a thawh ve thrin mitiri hna chu chawlhsan zai a rel a. A hnathawhpui leh a thawhnate hnenah chuan chawlh a tum thu leh a nupui fanuate kianga a hun hman a tum thute chu thiam takin a sawi naa a rilru tak chuan hlawh nei lova awm chu hrehawm dawn riauvin a inhre lawi a. Amah ruaitute chuan an hnathawktu zinga thiam leh taima ber chutia a han bang mai tur chu an ui hle a, chelhdin zel dan tur ngaihtuah ngaihna pawh an hre lo. Trawngkam thra tak chuan uina thu chu an han hrilh a. Ani erawh chuan thiam takin a upat a chhuanlam a, a hnathawhah a rilru a pek tak tak tawh loh thute chu zep miah lovin a hrilh ta leng a. A hnathawhnate chuan a hnathawhlai tê chauh chu thawk zo hram turin an ngen a, an ngenna chu zahawm a tih em avang chuan hnar ta lem lo chuan chu in chu a sak chhunzawm ta a.

MITIRI!

Mizote pawh hian chhungkaw inkohna bik kan nei a. A langsar zingah ‘Mama’ tih te ‘Patê/Nutê’ tihte hi thlangchhuak ta ila. An unau zinga tê ber emaw a nih avang te, an duat em avangtein an ko duat bik a, chu chu hriain midangte pawhin kan ko chhunzawm ta zel a, an hming tak bo \hakin an larpui ta zawk a ni. Lalhmingliana chu a chhungten kohna turin ‘hmingte’ tih an duh a. ‘Liana’ lo tihsak \alh duh tawk pawh kan la awm tho mai. Kohna tur kan zawt a, ‘Hmingte min ti rawh,’ a ti lawm lawm chung pawhin ‘Liante pawh ti che ila a sual dawn loh chu,’ kan la tihsak \alhte hi kan sim a hun tawh a, a changkang lo a ni. Hengah hian ngaihtuahna nasa zawk kan hman a \ul tawh hle mai. Hming inkohna tur kan inphuah lai a, a ni lo zawk chhungkaw koh duatna bil kan chawilar tlat hi chhungkaw lam leh \henrual \hate thiam loh a ni. Inkoh dan tur hi inthlahrung hauh lo va inhrilh \hin tur a ni a, koh ve mai hi midangte pawhin kan tihtur a ni. courtesy soulnpeace.com

A hna a thawh zawh ni chuan hna neitu chuan a in sak chu a rawn endik a, a thlek vang vang hnuah kawngkhar chahbi chu putar hnenah chuan pe in, "Kha le, i hnathawh hah manah hei chu i nei thei ang,' a ti ta mai a! Mak a ti kher mai. A zak bawk si. Ama in tur a lo sa reng a lo ni a. Aw... \um dang aia uluk lo leh mawi lo taka a sak a ni a, a tawpna tur tia \ha zawk leh uluk zawka a lo sa ta lo chu a inchhir ta hle mai a. Hei hi hringnun zin kawng chu a ni. Kan awmna hmun apiangah kan chenna tur kan sa a, theitawpa \haa sak tum chu tlem tê chauh kan ni. Kan eizawnna hmunte hi kan awmna tur atana kan sak a lo nia. He putar angah hian indah chhin la, ni tinin i chenna tur i sa a, i thawm reng bawk a. I nun nawmna tur i ngaihtuah reng bawk \hin. Hringnun hi mahni hmalakna hmanga sual ngai leh siam ngai, chei\hat ngai leh thawm \hat ngai a ni tih i hriat hunah vawiina i sak hi naktuka i chenna atan i hmang tih i hria ang.

3

Jackson chanchin dangdai!! Michael Jackson, rimawi khawvela sulhnu ropui ber hnutchhiahtu thih chanchin hian khawvel a barakhaih a, khawvela search engine lar ber Google pawh a barakhaih chiang kher mai. Ningani chhun dar 1:00 (Kan ramah chuan Zirtawp zing dar khat) vela boral chanchin hriat duhin khawvela internet hmangtuten internet an ching let nasa lutuk a, Google pawh hun reilote chhung tlawh pawh theih lohvin a jam! Google hi siamchhuah a nih a\angin buaina a la tawk lo niin mi thiamte chuan an sawi a, Michael Jackson thih thu thang hriatchian duh an tam avang hian internet a muan phah nasa hle a, Twitter lam pawhin an tuar viau a ni awm e. A tirah chuan Google lam hian internet a\anga beitu an nei emaw an ti hman a, Michael Jackson thihna thu hre duhtuten a hming hmanga Google hawn an tumna nasa lutuk avanga buai a ni tih a hnuah an hre chhuak chauh a ni. Jackson-a te unau aw hi danglam tak, sin deuh rit ret an ni vek a, aw thum chhil chhel an awm lo! An naupanlaiin a pa Joe Jackson hian kut a thlak nasa thei hle a, naupan têt a\anga in chhung hrehawm ti taka hmang tluan a ni a, an hah leh hah loh pawh sawi lo va concert leh tour neihtir \hin a ni. Khatia a rawn lar chhoh tak tak khan album hit tak tak a rawn nei chho va, Off the Wall leh Thriller hmangtea khawvel a virpui khan a vir nasa lutuk nge maw ni a tlukna lamah a hnar a sawh tliak a, a siam danglam tir nasa lutuk a, tuna a hnar hi a nei ta a ni. Mi tam takin a vun rawng ngainepa vun rawng thlak angah an ngai a, an hnualsuat a, an chirhtheh bawk. Mahse Jacko hi chutiang a ni lo va, a nihnaa chiang leh midum MTV-a rawn pholangtu pawimawh tak a ni. Amah hian vun natna tihdam theih loh Vitiligo an tih, vun var natna kan tih ang chi a vei a ni. A dinhmunah khan han ding ila, lar vanglai taka a vun a ran avang khan hetianga hmai thlak ta mai duh hi an tam ve hle ang. Hand - Foot & Mouth Disease hri a leng leh e Hman deuhvah a chanchin kan ziah vak tawh kha, kut, ke leh kaa durh awm ang chi kha tunhnaiah China ram hmar lamah nasa takin vei an pung leh a. He natna avang hian Kindergarten zirlai 100 chuang zet chu pawn chhuah tir ngam lova ina khung an ni. Hohot-ah hian mi 2700 chuangin kuminah ringawt hetiang natna hi an vei tawh a, April thlaa mipa naupangin a thihpui tih loh chu mi dang thihpuitu an la awm rih lo nia sawi a ni. Sawi tawh angin heng natnate hi inkaichhawn awlsam tak a ni a, uluk taka enkawl a \ha a ni.

BAWNGKAWN PASTOR BIAL ZAIPAWL MUSIC VIDEO Bawngkawn Pastor Bial Zaipawl Music Video lei duh tan Tv. K. Vanlalmuana hnenah lei theihin a awm ta e. A man Rs. 150 chauh a ni. contact: 9862129585

Perfect Hardware Training & Software BCT-3 & BCT-4 etc. Training kan pe thei a. Electronics leh computer lama background la nei lo tan Free Class kan pe tel thei bawk. Mobile phone hlui kan lei thei na a hriatchian loh thil lei kan hlauh avangin customer-te hnenah kan dilchhut deuh \hin a, in hriatthiamna kan ngen e. Proprietor K. Lalremsiama R.S. Building Industry Peng. Contact 9862769842

RAN VACCINE Ran hrileng laka venna Vaccine la duh tan kar leh inrinni hian lak theih a ni dawn a, a ti duh chuan inhriattir theih a ni e. P.C. Parlawma 9862647388

LAWMTHU SAWINA Kan nau Vanlalngaia Kum 2 S/o NC Lawmkima Lungkawlh ni 13.6.2009-a a boral chungchangah khawtlang mipuite leh YMA-te \anpuina leh duhsakna kan dawng nasaa kan lawm tak meuh a ni. YMA-in kuang mawi tak kan phu loh min siamsak a kan lawm em em a. Mimal tin hnenah lawmthu kan sawi seng lova hei hi kan lawmthu sawinaah min lo pawmsak turin kan ngen tak meuh che u a ni. Tin, tha leh zung sum leh pai leh hun hlu tak senga min buaipuitu zawng zawng chungah thinlung takin lawmthu kan sawi a. Lalpan a let tam takin malsawmnain a vur let ngei ang che u tih kan ring tlat a ni. In khawngaihna dawngtu N.C. Lawmkima te chhung Lungkawlh leh N.C. Duhpianga te chhung Ramhlun Vengthar

AN VA TI ROPUI EM!! Hmun kan nei zim a, kan hre tlai bawk si! Kan veng Street Light tihenna kawnga sulsutute chungah lawmthu VENGTHAR chuan kan sawi ve tawp e. Hun dangah a aia thuiin kan ziak ang.

printed @ technosys offset, bawngkawn, aizawl copies - 350

4