Toldot

‫בס“ד‬

.......‫ עוד אבינו חי‬,‫עם ישראל חי‬

‫בני מנשה חי‬ bnei menashe khai

PARASHAT HASHAVUA: VUA: Toldot

2009 ‫הילת בני מנשה כיסלו תש“ע‬ ‫עלון שבעי לקהילת‬

Nu pum chhunga insual -Allenby Sela

‫דבר תורה‬

“Tin, a nau paite chu a kawchhungah chuan an insual a, tin, ani chuan hetiang a nih chuan eng vangin nge ka dam reng le? a ti a, tichuan, Lalpa zawt turin a kal ta a.” (Genesis 25:22). He laia ‘an insual a’ tih thu hi Rashi chuan, “An nu pum chhung aṭang chuan tlan chhuah an tum ṭhin a ni,” ti a hrilhfiahin, “Ya’akov-a chu Torah zirna hmunpui Beit Midrash bula an kal lai apiangin Torah zir a chak tawh lutuk chu tlanchhuah a tum ṭhin a, tin, Esav-a pawh Milem biakna bul an thlen chuan milem biak chakin tlanchhuah a tum ṭhin a ni,” tiin Rabbi liante chuan an sawi ṭhin bawk. Shulkhan Arukh – Oreakh Khayim 90:12 chuan, “Beit Knesset kal dawnte leh Mitzvah dang tih dawn reng rengin, chak takin, a tlana tlan deuh hlawk hlawkin kal ṭhin tur a ni,” a ti a, “Shabbat ni-ah pawh hmanhmawh taka kal phal ni lo mahse, chak taka Beit Knesset lam pan tur a ni a, mahse haw leh lam chuan muang changa haw ṭhin tur a ni,” a ti. Bnei Menashe chanchinphek hmingin Shabbat Shalom kan buk vek a che u!! MAKOM MIN HAPARASHA “REKHOVOT” 2Kan Pa Abraham-a leh a fapa kan pa Itzkhak-a te chuan ran an ngah em em mai a, an ran rual zawng zawngte in tur atan chuan tuichhunchhuah hial an laih a ngai ṭhin a. Tichuan, kan pa Itzkhak-a chuan Gerar-ah tuichhunchhuah a lai a, mahse Palestim ho chuan an itsikin an thik em em mai a, kan pa Itzkhak-a tuichhunchhuah laih hah sate chu lungin an hnawhkhah sak vek ṭhin a. Mahse nakin ah chuan Itzkhak-a tuichhuhchhuahte chu an lo hnawhsak ta lova, chuvangin a hmingah 2009 ‫נובמבר‬

‫כיסלו תש“ע‬

43‘‫מס‬

Rekhovot tiin a vuah ta hial a. Kum 1890 bawr lai vel khan Poland Juda, Menukha ve-Nakhala tia invuahte chuan Israel ram lutin khua an din a, chu an khaw hmingah chuan Rekhovot tiin an vuah a, chu an khaw din chu midang tuma ṭanpuina tel miah lovin anmahni ngeiin an din a ni. Chu Rekhovot khua chu tun thlengin a la awm a, khaw lian tak a lo ni ta in zirna hmunpui pawimawh tak tak te pawh a lo awm ta hial mai. Rekhovot hi Israel ram Damdawiin lian Kaplan awmna khua a ni nghe nghe!! ‫שבת שלום‬ ‫מנשה‬-‫עיתון שבעי לקהילת בני‬

THUFINGTE Israel lal Davida fapa Solomona thufing. LALPA tih hi finna bul a ni a; Nimahsela mi âte chuan finna leh zirtirna an hmusit thin. Ka fapa, i pa zirtirna che chu ngaithla la, I nu zirtirna che chu hawisan suh. I lu atân parthi mawi tak a ni ang a, I nghawng atân thi ang ani dawn si a. Ka fapa, mi sualin an thlem che chuan zawm suh.. Kan zingah lo tel ve la, Tangka ip kan intawm dawn nia,” te an tihin, Ka fapa, an zingah chuan tel ve suh la, An kawng ata inthiarfihlim rawh. (Kan fate tan i chhiar thin ang u khai!!)

Khawi aṭangin nge Torah zir hi Mitzvah a ni tih kan hriat? Halakha – Talmud Torah Chapter 1, Halakha 8 ah chuan tihian ziak a ni. Israel mi zawng zawngte chu mi hausa emaw, mi rethei emaw te pawhin Torah an zir tur a ni a, Pianphunga rualbante leh rual banlo te pawhin, ṭhat lai leh upat hun pawhin, mi rethei, mite ṭanpuina Tzedaka dawnga nung pawhin, tin, pa, nupui fanau neitawhte pawhin chhun leh zanah Torah zirna hun an in siam tur a ni. ‘Chung chu chhun leh zanin i sawi ṭhin tur a ni’ ti a Joshua 1:8 a kan hmuh ang in. (Baba Matzia 84a): Israel-te hnenah chawimawina lallukhum pathum buatsaih a ni a, chungte chu: Keter Kehuna – Kohen nihna lallukhum – Puithiam Aharon-a chan ang kha. Keter Malkhut – Lalna lallukhum – Lal Davida chan ang kha. Keter Torah – Torah lallukhum – Hei hi Israel mi zawng zawngte tana buatsaih leh neih theih a ni. Torah Tziva lanu Moshe, Morasha Kehilat Ya’akov ‘Mosia chuan Torah min pe a, Jakobho mipui tan roluah tur’ Devarim 33:4 a kan hmuh ang khan. (Rambam Hilkhol Talmud Torah Chapter 3, halakha 8.)

EDITOR DAWHKAN ATANGA THLIR VELNA: “Ya’akov-a chu Torah zirna hmunpui Beit Midrash bula an kal lai apiangin Torah zir a chak tawh lutuk chu tlanchhuah a tum ṭhin a, tin, Esav-a pawh Milem biakna bul an thlen chuan milem biak chakin tlanchhuah a tum ṭhin a ni,” tih Rashi hrilhfiahna hi Rabbi Yikhezkel-a Modzitz mi chuan a zirtirte hnenah ti hian a hrilhfiah chhawng leh a, “Ya’akov-a chu Torah zirna hmunpui Beit Midrash bula an kal lai apiangin Torah zir a chak tawh lutuk chu tlanchhuah a tum ṭhin a, mahse a unaupa Esauva chu a upa zawk a nih avangin Ya’akov-a chhuahna tur chu a dang tlat a, a nih chuan Esauva chhuak tur chu tunge dal ve ta ang le? Esauva chu a duh chuan chhuak thei reng a ni a, mahse a unaupa Ya’akov-a’n Beith Midrash a thlen theihlohna tur a nih phawt chuan Avoda Zara hmu pan a tlan chhuak nghal ruak ruak lovin a unaupa chu a theihpatawp a dan a duh vang a ni” tiin a hrilhfiah a ni. Chuvangin Torah zirtur chuan buaina tam tak pal tlang a ngai a, Torah lam a hma kan sawn dawn veleh min dal tu lian tak tak an lo chhuak truk truk mai a ni anti!! Eng ang pawn keimahni chhunglam atangin dodalna chhuak mahse Torah lamah Thalaite kan in tuai thar hi a tul em em a, Esauv-a hian min dal hneh reng dawn lo a ni tih hria in, tan in la thar leh te’ng u hmiang!! Anih leh engvanginnge Ya’akov-a chu Torah zirna hmunpui Beit Midrash bula an kal lai apiangin Torah zir a chak tawh lutuk chu tlanchhuah a tum ṭhin le?!! Kan Mithiamte 2009 ‫נובמבר‬

‫כיסלו תש“ע‬

43‘‫מס‬

‫מנשה‬-‫עיתון שבעי לקהילת בני‬

chuan Nu pum chhunga Naute a awm lai hian Pa-thian Vantirhkohvin Torah a zirtir thin anti bawk sia, Vantirhkoh Torah zirtirna chu duh thawh lovin Beith Midrash-ah kher chuan zir a duh a mi? Ni love, kan Pa Ya’akov-a chuan a u misual tak Esauv-a bul a Torah zir ai chuan a u Esauv-a awm lohna hmun a Torah thlamuang tak a zir a duh vang zawk a ni an ti. Heta tanga kan thil zirtur chu misual min tibuai thei lak a kan in thiarfihlim thiam a pawimawh zia a entir a ni. .....‫הקל קול יעקב והידים ידי עשו‬ A aw chu Jacob-a a ni si a, a kutte erawh chu Esauv-a kut a ni si” a ti a..... Kan zingah Inkhawm peih tak, thulh ngai reng reng lo kan tam ang a “A aw chu Jacob-a a ni si a” tih ang in Shiur kal te pawh kan peih viau a ni thei mahse Chadakah Mitzvah pek te, ngilneihna te leh Lashon Hara sawi lohna te,tin, Kosher thil ngaihpawimawh lamah te kan chak leh si loh chuan “A Kutte erawh chu Esauv-a kut a ni si” tih kan hlawh mai dawn a ni. Kan aw chauh kan tih Jacob-a, kan nunchangin Esauv-a nun a phawh leh si chuan kan Mitzvah tih te’n awmzia an nei lo ang a, Esauv-a nun iang a Jacob-a Torah zirtur tibuai tu leh daltu nilova, kan aw chauh lo kan nun dan thlengin kan Pa Ya’akov-a nungchang mawi hi i entawn ve ang u!! Esauva hnen atanga kan zirtur pawimawh tak pakhat awm ve chhun chu Nu leh Pa a chawimawi thiamna leh a zah thiamna kha a ni, a pa Itzkhak-a bul a a kal dawn a piangin a kawr special bik a ha ziah nghe nghe anih kha!! Mahse kha misual tak kha a pa in a hmangaih em em mai si a, chuvangin a thil sual tihte a pa Itzkhak-a’n a hmuh loh nan leh a hriat sak loh nan Pa-thian in kan Pa Itzkhak-a kha a mit a ti fiah lo a ni kan mithiamte chuan an ti a, a chhan chu a fapa hmangaih em em in a ma kawng zawh lova sual kawng a zawh a hmuh chuan a tuar zo dawn lo tih Lalpa Pa-thian in a hriat sak a ni. “Nitin Judate chu vawithum an in khawm thin a, chungte chu Shakharit, Minkhah leh Arvit-ah te a ni a, heng kan tawngtaina te hi: Shakharit kan Pa Avraham-a hnen atangin kan zir a, Minkhah Kan pa Itzkhak-a tangin, tin, Arvit kan Pa Ya’acov-a tangin” tih Vallai Oneg Shabbat-ah kan zir hova. In ka haw hnu chuan kan bih chiang mai mai chhin a, Kan Pate hming theuh khan an tawngtai hun a lo sawi reng mai tih ka hmuchhuak leh 2009 ‫נובמבר‬

‫כיסלו תש“ע‬

43‘‫מס‬

hnuhnawh a, hetiangin: An hming theuh zel hawrawp pahnihna hi lo enchiang ta ila: Avraham- ‫אברהם‬- a hminga hawrawp hnihnaah chuan Bet ‘‫ ’ב‬a awm a, chu chuan ‫ בוקר‬tih a entir a, zinglam tawngtaina Sakharit kan lo nei ta thin a ni!! Itskhak-‫יצחק‬ a hming a hawrawp hnihna chu Tzadei ‘‫’צ‬ a ni a, chu chuan ‫ צהרים‬chhun a entir a, Minkhah kan lo Pray ta thin a ni. Ya’akov‫ יעקב‬hming hawrawp pahnihna chu Ayin ‘‫’ע‬ niin chu chuan Erev a entir a, Maariv kan lo pray ta thin a ni. Eng pawh nise Kislev thla kan lo chuang kai leh ta bawk a, kan Kis (Ipte) chu Sum tam takin lo khat tran se, kan Lev (Thinlung) chu lawmna leh hmangaihna in lo khat teh se, tichuan Kislev thlaah hian hlim leh lawm takin Khanukah kan hmang thei dawn a lo ni...reng e!!! Hriattirna Karleh Yom Shlishi khian Irgun Or Le Bnei Menashe te hmalakna in Mizo Rav Gurion Sela’an Nitzan tlawhna a nei dawn a, mipui a duh apiang kan kal dawn nia!! Tun tum Oneg Shabbat Pu Yonathan David-a te inah neih tur a ni e!!

Tunkar kan Chanchinphek hi hun lo tak a kan chan tak Pi Siampuii leh Shimon Gin te Gan Eden a nuam tak a an chawlh theih nan kan hlan.......

‫מנשה‬-‫עיתון שבעי לקהילת בני‬

‫ה‬.‫ב‬.‫צ‬.‫נ‬.‫ת‬

SHABBAT SHALOM!!

‫עיתון שבעי לקהילת בני‪-‬מנשה‬

‫מס‘‪43‬‬

‫כיסלו תש“ע‬

‫נובמבר ‪2009‬‬