Tesina En Idioma.docx

KPARAAKO TE TKARAWO'KORE

'WOKREKU INJEÑERIYA TE PETRORIO ENE GAS TOWRIIRURICHU 'MOTNAEKO TATUPACHIRAWO TO TAKOMTISRAWONO TAMERIOKOREWO TAE'TO CONTRATO TE TAWACHRISRAWO ENE TO TAEJRORISRAWO TE WORIVIA ENE BRASIL TE TAKIMOSIRAWO TITTUJ'O TAMRIOKOREWO TE TAYEREWO 19992007 MUEPIARU MA: CRISTIAN SUAREZ RIBERA MUENAPUKORA TITTUJ’O: ING. FRANZ GABRIEL ZENTENO MUENAPUKORA TE VECHJIRIRIWO: LIC.FRANSICO MOY CAYUBA IVO-CHUQUISACA – WORIVIA Maaso - 2018

TAEMOTYORA TAMUTU I.

TANAEKCHIRAWO ............................................................................................................................... 3 1.1. 'PUESA TAEMUIRAWO TO 'MOTNAEKO ............................................................................................ 4 1.2. TAKOYAEMGIENEYORE TO TATOPRAWO .......................................................................................... 5 1.3. TAECHJIS’OGNEYRE ........................................................................................................................... 5 1.4. NAEMOTGIENE NO 'PONAGIEÑANO ................................................................................................. 6 1.4.1. Contrato .................................................................................................................................... 6 1.4.2. Contrato te tawachrisrawo ene to taejrorisrawo ..................................................................... 6 1.4.3. Contratos te taejrokgiene to gas towriirurichu ........................................................................ 6 1.4.4. Cláusulas takomnupno tae'to contratos te taejrokgiene to gas towriirurichu ......................... 7 

“Take or Pay” (TOP) .......................................................................................................................................7

1.4.5. 1.4.5.1. 1.4.5.2.

1.4.6. 1.4.6.1. 1.4.6.2.

1.4.7. 1.4.8. 1.4.9. 1.4.10. 1.4.10.1. 1.4.10.2. 1.4.10.3. 1.4.10.4.

1.4.11. 1.4.11.1. 1.4.11.2. 1.4.11.3.

1.4.12. 1.4.12.1.

1.4.13. 1.4.14. 1.4.15. 1.4.16. II.

Nakoy'e no 'chañono............................................................................................................................8 Takoy'egne je'chugne:..........................................................................................................................8

Muemtone ma tankora'i ........................................................................................................... 9 Muemtone ma tijrorikra'i.....................................................................................................................9 Muemtone ma twachrikra'i .................................................................................................................9

Tawoo'ogne .............................................................................................................................. 9 Tavirawo ................................................................................................................................. 10 Oypuka takaemtonerawo to tavirawo ................................................................................... 10 Gas towriirurichu .................................................................................................................... 10 Takoy'e química .................................................................................................................................11 Taemuirawo física ..............................................................................................................................11 Taemuirawo química..........................................................................................................................11 Takoy'e to gas towriirurichu...............................................................................................................12

Taneriorawo to gas towriirurichu ........................................................................................... 12 Eto tajichrawo etjoo'i to yacimiento ..................................................................................................13 To toomutirawo wo tyuuna takloy'e ..................................................................................................13 Tajicho to tyow'o te 'puesagiene tajitomowo ....................................................................................13

Takaemtonerawo to tasorachirawo ....................................................................................... 14 Tajichrawo to takiptsiwo. ...................................................................................................................15

Tajpuka taejrorisrawo to gas towriirurichu ............................................................................ 15 Tyow'o to gas towriiruricho .................................................................................................... 15 Tavirawo to gas towriirurichu................................................................................................. 16 Gasoductos ............................................................................................................................. 16

TAPONRERONO................................................................................................................................. 17 2.1. 2.2.

III.

Eto takoy'egne to contrato to tawachrisrawo - taejrorisrawo. ................................................ 8

TAPONRERONO TAMUTU ................................................................................................................ 17 TAPONREEGIENEJICHANO ............................................................................................................... 17

TAJICHRAWYORE .............................................................................................................................. 18 3.1. 3.2. 3.3. 3.4. 3.5. 3.6. 3.7.

TOW'OGNE ...................................................................................................................................... 18 TAMIKUCHRAWO TO TATANSIRAWO .............................................................................................. 18 TEPIASRAWO TO TATANSIRAWO..................................................................................................... 18 TAJRICHRAWO TO TATANSIRAWO .................................................................................................. 18 TAECHOKOKIRAWO TE VIKKU .................................................................................................................. 19 TAECHOKOKIRAWO TE 'NAEKO ................................................................................................................ 19 TAEJARUUWONO TE TAKAEMTONERAWONO ................................................................................ 20

1

IV.

TAKOVE'SIRAWO .......................................................................................................................... 21

2

I. TANAEKCHIRAWO

To tamaemtonerawo te tavirawo to gas towriirurichu etogiene to takomnukrewo energéticastameriokorewo taemkatako te tajuusirawo eto 'wosariono; Worivia takoy'e eto pjoka tameriokorewo towriirurichu wo takechaasi tavirawo te 'pog'e ene takaemtoñuchrawo te taposraarujwo empresas hidrocarburíferas eto taejroko to: tavirawo, tavirawo te tamipuesrawo ene tomrawo; tae'to takaemtoñuchrawo eto tyomowo to takoy'e to gas towriirurichu titekpo te taetpirisrawo ene to tomrawo eto pjoka eto takijare gasoductos tae'to tavirawo.

To naechokokirawo no naposraarujwono kparaakono te Worivia ene Brasil nawoo'o nakoy'e to contrato te tawachrisrawo ene to taejrorisrawo to gas towriirurichu, etjoo'i –tayerewo to añono– takojariwo to tajichrawono te vikku te 'wosariono takuti to tajichrawono te 'naeko eto, tamutu, tayunoko to takoy'erawo to. Eto tayerewo to takaemtoñuchrawo, etotsero, etogiene to taemuirawono tomuire t'siku to taejrorisrawo, eto, eto tajochrawo to takijare “Derecho Preferente” tiono te Brasil eto etjoo'i te vioopueru taejroko to takoy'e to gas boliviano te meekaro te vchaasana 'wosare.

To je'chirawo taejaagiene te tepiasrawo to gasoducto Worivia-Brasil ene to tomrawo to gas towriirurichu te pjoka 'wosare eto takuti to taejrorisrawo etjoo'igne tae'to YPFB ene Petrobras –tatiwgiene eto to Capitalización– ene nakomesa to etjoo'ira to empresa brasileña tae'to tyow'okre San Alberto ene San Antonio. Petrobras iso etona tavirawo te tameriokorewo 280 millones to dólares, eto je'chirawina to etjoo'i to gasoducto. To tavirawo to tameriokorewo taejrokgiene to empresa brasileña takoy'e apina tajichrawo eto tawatchoyre: To tapajsirawo to tawacho to tomrawo to gas etopuka to tacho.

Worivia ene Brasil tanosji'i to naye'e te tawachrisrawo-taejrorisrawo to gas towriirurichu etjoo'i te YPFB – Petrobras (GSA) te 1996, takoy'e eto taye'emu'i 20 añono, eto, tyos'o te 1999 titekpo 2019. Eto pjoka contrato te taneku takoy'e to tomra te 16MMm3/sachonote gas towriirurichu, etotsero, tegnepo to nanoko to naemotyora te apina Adendas eto tanospo to tanug'ewo to tasiomowo contractual te taejrorisrawo te 30,08 MMm3/sachono eto juiti etjoo'i to toriwo.

3

To 1 te junio te 1999, Worivia tanekcho eto tomrawo to tatiwgieñono metro cubico to gas te 'wosariono vchawsaana eto te gasoducto Worivia –Brasil, te tajunopira to tayonra to gas movera to takoy'e licuable (etano, propano, isopentano) te ongira to tepatsiijono eto takoy'ew to 'wosare vchawsaana. Eto, eto tanekchiwo to contrato eto taejaagienpo eto calorífico eto takoy'e te 1.034 BTU/pie3, etotsero tapuemmawo 2007 eto nanoko to naemotyora te “Acta te Brasilia” eto taemuirawo to tajichrawo eto tawacho, eto tawacho takuti te poyzepa'i, to taemochaajono to uñomo takoy'e tosiomowo te tavirawo. To tawacho eto tajichrawo taye'e to gestión 2007, tajicho to takoy'e licuables etjoo'i te taviirusrawo tiono te Brasil te taena'u to calorífico te 1.000 BTU/pie.3

Worivia tanekchowo taejroko to takanareru tameriokorewo te tavirawo to tepatsiijono to gas te tayerewo to 2007 te 2010 to vchawsaana te Brasil tanekcho tawachcho to licuables eto titekpo. tyos'o te 2010, Worivia tanekcho teptsiko to takoy'e licuable to gas tae'to towrare takiptsira'i Rio Grande eto etochujcha tyomo te 'pochkoyo to gas pobre “metano”.

Tametopo to 'chopiono takanareru tameriokorewo taye'e to vioopueru te 'puesarichu to kojiono tyos'o te 2007, to tameriokorewo te vioopueru eto takoy'e to tayerewo to 8 añono to tavirawo to

gas tyuuna 'puesarichu to tawacho te Brasil wo takoy'e to takanareru

tameriokorewo tajicho to contrato te tawachrisrawo ene to taejrorisrawo tyurigenepo te apina 'wosariono.

1.1.

'PUESA TAEMUIRAWO TO 'MOTNAEKO

Etovim'o to Worivia tyomo to gas tyuuna takoy'e licuable te Brasil tyos'o 1999 titekpo te 2007 tajicho to gasoducto Worivia-Brasil eto tavirawo to tameriokrewo tajicho to Petrobras takitswira to tajachpirawo to gas wo taswacho ene wo etina to tawacho taejaagienepo te 'pochkoypa'i to gas

tajicho to takopkirawo. Vechjis'oyre to tamoverawo to takoy'e to

licuables eto takosiuuru to taviirusra to gas te tayerewo eto pjoka taye'emu'i tanosrawyore to tawacho monetario to gas tyuuna tyomrawo ene tanosrawina to takimosirawina tittuj'okrewo to tawacho takoy'e to tepiasrawo to gasoducto ene to taemtisrawo tameriokorewo takoy'e licuables ene wo tasawacho to gas

eto tajichrawo Worivia ene

vim'oyre eto takomtisrawo to tameriokorewo taroto titowatcha to tepiasrawo to gasoducto Bolivia-Brasil etopuka taetaviko to tatupa tekmuna, taemuirawoyre to tejiorechra to

4

tameriokorewo takoy'eWorivia tajicho eto jmañono takoyemgiene eto tanosrawo tae'to contrato. 1.2.

TAKOYAEMGIENEYORE TO TATOPRAWO

Petrobras tae'to tavirawo to meriokorewo te 280 millones te dólares, eto je'chugne tepiako to tayonra to gasoducto Worivia –Brasil eto to tavirawo to tameriokorewo taerjrokgiene to brasileña takoy'e apina tajichrawono eto tawacho: To tapajsira to tawacho to tomrawo to gas etopuka tawacho te efectivo, eto Bolivia takopajuko to tawacho to gas 'puejchu tyurina to tituchrawo to tepiasrawo to oleoducto eto wo tawachch te efectivo te 'wosaretakochkoyo tajicho to préstamo. Worivia tyomo to condensado te Brasil takochane to taviirusrawo to gas towriirurichu eto takomtiko to tavirawo to takoy'egne licuables taye'e to restawo boliviano, tajicho to Contrato te tawachrisrawo ene taejrorisrawo te Worivia ene Brasil, ene tyow'o to taechjis'ogne to takoy'egne ene etjogneyre to gas te tyomrawo. To Worivia wo taemoti to takomtisrawo to tameriokorewo taejrokgiene to tawacho to takoy'e licuables eto taejroko to gas te tyomrawo. Te 14 te jewrero 2007 tajrisraapo to acta te Brasilia takijare “juitipo acta”, eto taechokokirawopo to tawacho tae'to licuables takoy'e tae'to taviirusrawo towriirurichu taejroko

Bolivia te Brasil

tae'to gas, etjoo'ina te taena'u te 8.900kcal/m3 (ocho mil

novecientos kilocaloría ter metro cubico) o 1.000BTU/P3 (mil british termal units por pie cubico). Tajicho eto jmañono vechjis'ogne taemuirawono te Bolivia takomtiko movera to takoy'erawo licuable eto wo takoy'e to tasiomowo takajugiene to takoy'egne tajitakorewo etopuka to gas tyuuna tomrawo ene takomtikgiene tameriokorewo tajicho to tapajsirawo to tawacho to gas eto takomtiko to tameriokorewo eto wo vecha eto takomtisrawo taroto takootoka to takomnugne te tameriokorewo to oleoducto Bolivia- Brasil.

1.3.

TAECHJIS’OGNEYRE

Eto 'motnaeko te tatansirawo taesopo taemuirawina vim'a to tasiomowo to takoy'egne licuables tiono te Brasil tayerewo te tayerewo 1999-2007 eto tyuri vim'a te takove'sirawo te takajugiene histórico to tasiomowono tiongiene to takoy'e licuables ene tomuire taemuirawo

5

to tawacho te pjoka gas tyuuna eto vroto vim'a to takomtisrawo to tavirawo to tameriokorewo to licuables taroto tawatchato tavirawo te gasoducto Bolivia-Brasil.

To taechjis'o to tavirawono to tasiomowo takoy'e to tasiomowo to takoy'e licuable taroto tanosrawina etona tajichrawyore te takiptsirawo etonapri'i to takoy'e eto etjoo'i to taejaagienepo to licuables ene takoy'e to metoropi tepjoka gas tiono te Brasil.

1.4.

NAEMOTGIENE NO 'PONAGIEÑANO

1.4.1. Contrato

Eto contrato eto tajichrawo jurídico eto timkosiopowo to tituchapo eto taemtone. tae'to contratos tomuire apina moponapuka taroto timkosiopawo titucha, eto to contratos takoy'e to taemuirawo etogiene, eto to contrato taroto etina unilateral etopuka bilateral.1 1.4.2. Contrato te tawachrisrawo ene to taejrorisrawo

To contrato te tawachrisrawo-taejrorisrawo eto contrato bilateral eto takoy'e (tijrorikra'i) takomesa to taejroka eto tajpuka tyurigiene ene to 'pona (twachrikra'i) tawachchoyre eto eto tasiwachowo, te tameriokorewo ene signo eto taemuemrucho.

1.4.3. Contratos te taejrokgiene to gas towriirurichu To contratos te gas towriirurichu te titekpo (twachrikra'i - tijrorikra'i) eto tanosipo to taechjis'o ene tajichrawo taejrokgiene to gas towriirurichu.

1

Renno, j. M. (s.f.). Contrato de compra - Venta de gas natural que celebran, por una parte petróleo brasileiro s.a. - Petrobras y por otra parte yacimientos petrolíferos fiscales Bolivianos - YPFB en los siguientes términos y condiciones. Yacimiento fiscales de BOLVIA.

6

1.4.4. Cláusulas takomnupno tae'to contratos te taejrokgiene to gas towriirurich  Take or Pay” (TOP) Cláusula te etona contrato te taejrorisrawo etopuka to taejrokgiene to gas towriirurichu ema ma twachrikra'i timkosiopowo to ma watcha pagar to ntasiomowo to gas towriirurichu tawoo'ogne, eto pjoka nakomnugne wo'ipuka. To takoy'erawo to tasiomowo to gas towriirurichu contratado eto takoy'e nae'no twachrikono ene ma tijrorikra'i eto tyuri to muejroko.  Delivery or Pay” (DOP) Eto taejrokgiene to cláusula “Take or Pay”; eto muemtone ma tijrorikra'i muejrokiore to tasiomowo to gas towriirurichu contratado etopuka tawatchogneyre eto tasiwachow etorichu takuti to tejiorechrawo ene to muejiko te muejrokiore to gas towriirurichu.  “Make Up” (MU) To cláusula “Make Up” taesopo takochpuka to tawacho pago tajichrawo to gas towriirurichu wo takomnuwo takuti to tajichrawo to cláusula Take or Pay (TOP). Eto, takomnukrepka 50 unidades ene tawatcho to 80 eto takoy'e etona TOP to 80, tawatcho 30 unidades to 'pona wo nakomnu; eto tajichrawo “Make Up”, tanosrawo etona eto takochpukiore to 30 unidades.  “Carry Forward” (CF) To “Carry Forward” taesopo ma twachriko maroto makoomutka to tasiomowo eto “Take or Pay”, eto makomnuyre eto etinapuka wo takopayaka to TOP ene eto pjoka wo takomnu to tawatcha to takomnuwo wo tanosrawina. To cláusula “Carry Forward”, takochane to “Make Up”, eto takopajuko to penalización tyos'o te cláusula “Take or Pay” eno no twachrikono nawatchoyre etochujcha to gas towriirurichu to nakomnugne.

7

1.4.5. Eto takoy'egne to contrato to tawachrisrawo - taejrorisrawo.

1.4.5.1.

Nakoy'e no 'chañono

a) Twachrikra'i: Ema 'chane física etopuka jurídica timkosiopowo te tawacho etopuka takitswo te tasiwachowo eto te tameriokorewo etopuka símbolo eto taemuemrucho. b) Tijrorikra'i: Ema 'chabe física etopuka jurídica timkosiopowo muejrokiore te tajpuka, takuti te tatiwgiene takoy'e to taroto'o jurídica Etjoo'i to apina etogiene: To taejrokgiene, ene tyuriyore to tajpuka tijrorikkore". 1.4.5.2.

Takoy'egne je'chugne:

a) To tajpuka: Tajpuka to takomnukrewo, eto wo tawro'o tajichrawina to takoy'egne

tanosrawo eto ene to takopkogne. Eto takoy'erawo tae'to taejrorisrawo. b) Tontawacho: Eto taechjis'o to tawacho pecuniario eto takoyemgiene to tajpuka,

tawacho to tayosiokgiene to tajpuka toriwo.

c)

Tajichgienne: Muiriji to contratos te tawachrisrawo ene to taejrorisrawo taejroko to takajugiene, eto to tawoniipi takomnu to je'china; etotsero, tae'to tanosrawo tawoo'ogne tanosrawina to ajureko eto tim'oyre to tajichrawo to takitsmorawo. Etjoo'i to taposraarujwo tajichrawono jurídicos, oni tako'e to takoy'e to inmuebles, etopuka to 'pona contratos takoy'e tanosrawina eto takomesa tanosrawina to tajrisrawo, taechjis'o etopuka to takoy'egne.

d) To je'chirawo: To taroto'ogne, eto taneku tamutu taechjis'o namutu no 'chañono

naroto'o nakoy'e to bienes naroto nawachrigia; ene to naworira, eto taechjis'o to tawacho ene to tajpuka.1

8

1.4.6. Muemtone ma tankora'i

1.4.6.1.

Muemtone ma tijrorikra'i



Mametokoyre to to taejare to takoy'e to tajpuka .



Makuneyore to tajpuka to tawachrisrawo-taejrorisrawo titekpo to taejrokgienewo.



Muejrokiore to tajpuka etopuka to takomnukrewo.



Tyuriyore tavirawo etjoo'igne tyurigiene.



Tyuriyore etjogne toonawyore.



Majikpoyre to tekoyemgienewo.



Majikpoyre to tajichrawo ene to takoyemgiene tayumrukwogne takoy'e tyurigiene.

1.4.6.2.

Muemtone ma twachrikra'i



Mawatchoyre to tasiwachowo.



Mawatchoyre to tayerewo to tawatchrisrawo ene to taejrorisrawo tayerewo.



Majachpoyre to tajpuka tawachrisrawo.



Mawac



Tchoyre to 30% to tawachrisrawo-taejrorisrawo.



Majachpoyre to tyuunayre ene wo tayereyre

1.4.7. Tawoo'ogne

To tawoo'ogne tajuuka to takoy'egne timechwono. Eto takomnu to ajureko profesionales, contratos ene manuales, ene to 'ponano timechrawono.

Tae'to etjoyre te contrato te tamutchujcha, tomuire tyuri timkosiopawo ene tyurina tajichrawo tajuru, taetpirikiore etopuka takitswoyre

2

eto tajpuka takoy'e etorichu. Etorichu taroto

tekiechrawina.

2

YPFB, P. B.-Y. (2007). Addendum número 4 al contrato de compra y venta del gas BOLIVIA-BRASIL . Bolivia .

9

1.4.8. Tavirawo

Tae'to ciencias tameriokorewo to tavirawo eto tamutchujcha tyurigiene eto takomnuwo tiono te 'wosare te muiripa'i. Eto tayonra etogiene to takoy'e ene/etopuka takomnugne nakoyjeko te 'wosariono te 'ponano. 1.4.9. Oypuka takaemtonerawo to tavirawo

To tomrawono etjoo'i to takiptsi te muiripa'o to 'motnaeko. Te 'pochkoyo to 'wosariono wo nakojpaka tamutu to takoy'egne takomnukrewono, eto tajicho takomnirawopor lo cual se ve en la necesidad de tepiasrawina eto jmañono tyurigieneñono takojparesrawono ene tyurina takoy'e to takomnukrewo takejrawonoetopuka wo takejrano te takojparesrawo eto.1 Etona 'wosare taroto takoy'e to takomnukrewo to tavirawo eto taponreru takojuuka to takutirawo ene takojuuko tae'to balanza taejrorisrawo te 'pochkoyo eto taworira takoy'e to tasiopra to tameriokore te tapuisra to takojparesrawo ene to tameriokorewo te 'wosare. Eto empresas.

1.4.10.

Gas towriirurichu

To gas towriirurichu eto tyos'o te fósil, eto muiriji etjoo'i te 'mo'e te 'pog'e enepuka te une. Eto pjoka tyuumutu te tarera tae'to tajiyajiwo tae'to mari te 'mo'e. Eto gas towriirurichu eto tanosjii'i te 'pog'e tajicho to mari 'chogieru eto takune to gas tjuuruka, eto tepiasrawo te yacimiento etopuka tonasirarewo.

Etjoo'i to tonasirarewo to gas towriirurichu takochane to petrório ene te 'pona etochujcha te 'pona hidrocarburos etopuka gases

To gas towriirurichu, eto combustible fósil. Tepiasrawo te hidrocarburo tpeveji etogiene takoy'e to metano (CH4) eto tatupa tiono te 70 ene 99%, eto gas towriirurichu takuti to gas takoy'e te 'mo'e ene tepiasrawo te tasiigi to hidrocarburo, etogiene, metano, etotsero muiriji timkosiopo to propano ene hidrocarburos tjitakorepono, eto je'chu timkosiopo to propano

10

hidrocarburos tjitakorepono dióxido te carbono, ene to 'pona tesioko takoy'e gas towriirurichu.3 1.4.10.1.

Takoy'e química

To takoy'e to gas taemuirawo to cromatografía taye'e gases, te takoy'epo eto tochkogne taroto etina to gas towriirurichu

To takoy'e tamutuyoreni to gas towriirurichu etono hidrocarburos parafinados 'puesarichu etogiene to metano (CH4) te tasiomowo 'puesarichu, decreciente, etano (C2H6), propano (C3H8), butano (C4H10), pentano (C5H12), etc.

Tomuire taroto takoy'e tyos'o te 'pona gases, etjoo'i te tyuumutu tyurigiene, takuti to nitrógeno (N2), dióxido te carbono (CO2), sulfuro te hidrogeno (H2S), helio (He), argón (Ar), eto tapsumo te une (H2O) ene etjoo'i mercurio (Hg) y arsénico (As).

1.4.10.2.

Taemuirawo física

To gas towriirurichu eto incoloro, to taejrewo to auto ignición te 482 te 593,3ºC . to taemotyora to tijrewo eto te 8,89 cal/cm3. Eto tajeppuwo ene combustible, to techis'o límite to tyutoko tae'to tjooveko eto 3,8 a 17%. 1.4.10.3.

Taemuirawo química

To takoy'e química to gas towriirurichu eto takochane to hidrocarburo parafinicos alcanos, etotsero tittuj'okrewo muiriji takoy'e to química to takoy'egne takijare impureza takuti to CO2, N2, to une, to takoy'e to oxígeno ene to takoy'e to azufre.4

3

determinar un tratamiento aplicable remoción de dióxido de carbono . Bolivia . cuellar, R. z. (2013).  Tesina análisis del gas natural de la planta de carrasco mediante la cromatografía de gases ,para

11

1.4.10.4.

Takoy'e to gas towriirurichu

Tajitakorewo molecular to gas (PMg): Eto takochane to tajitakorewwono moleculares te etonapri'i to takoy'e to gas towriirurichu. To unidades to tajitakorewo molecular eto jmañono: Kgr/Kmol ó Lb/lbmol. Gravedad específica (GE): Eto takuti to tajitomowo eto takoy'e eto timechwo. Tanosrawina takuti to takutkoko sustancias, eto takomnu takutkoko etjoo'i etorichu to tatumewo ene to taejrewo.

Tajitomowo to: Eto takuti to masa ene to tasiomowo to sustancia te takarawo'irawo. Tepsitasirawo to gas (ug): Eto takuti to tayuchtiko ene tajiikotiwo to taechtisrawo, tanosrawo to tasiomowo to uñomo 'puejchu takoy'e to tayamrisrawo (tepsitasirawo tyurigiene). Tajichgiene to takopchasrawo to gas (Z): Eto tajichrawo to taetpirisrawo timosiopo tae'to ecuación tamutu tae'to gases ene takoy'eyre takitsmorawo tasoracho to tasiomowo te real te moles te etona gas to tatumewo ene to taejrewo, to tasiomowo tawoo'ogne takomnugne etorichu to masa te gas takuto to tajichrawo to tatumewo ene to taejrewo. Tajpukla to tasiomowo to tepiasrawo to gas (Bg): Eto tajpuka takuti to tasiomowo to gas tae'to yacimiento te tatumewo ene taejrewo takoy'e to tsiomowo etorichu masa te gas te taena'u eto tajichrawo tyurigiene tatumewo te 14,7 lpc y 60 °F. 4 Etosiomowo etogiene (v): Eto taechjis'o takurtu to tasiomowo takomnugne tae'to masa te gas, eto, to tasiomowo takiptsi taezto masa. Taye'e to gas tawoo'o eto inverso taye'e tajitomowo.. 1.4.11.

Taneriorawo to gas towriirurichu

To gas towriirurichu te taposraarujwo tajichrawo, taechpojriko te taposraarujwo tajchrawo, etjoo'i tanosrawo te pjoka.

12

1.4.11.1.

Eto tajichrawo etjoo'i to yacimiento

Eto gas towriirurichu takejwo etopuka takochane to petrório tae'to 'mo'e 'pog'e, eto taneriorawo te: Gas tuowriirurichu takochane: Eto to gas towriirurichu eto takochane to petrório eto tonasirawo towriirurichu, eto tajichrawo uñomo (gas solución) etopuka tepiasrawo to taye'emu'i (gas capilar).

Gas wo takochane: Eto gas etjoo'i tajina tajichrawina to petrório tae'to etona tonasirawo towriirurichu. 1.4.11.2.

To toomutirawo wo tyuuna takloy'e

Tayunoko to tasiomowo to tyuuna tejikwo takoy'e to gas towriirurichu, eto pjoka taneriosrawo takuti:



Gas tasukorewo



Gas towriirurichu titve (sweet gas )

1.4.11.3.

Tajicho to tyow'o te 'puesagiene tajitomowo

To tamoverawono to takoy'egne eto wo takaejra to tajitomowo takuti to, butano ene pentano, to gas towriirurichu eto taneriosrawo te: Gas towriirurichu tyuuna: Eto gas towriirurichu eto takoy'e to tyurigiene tasiomowo to hidrocarburo eto wo takejra tajitomowo takuti to propano, butano, ene pentano, eto takoy'e etona towrare te takaemtoñuchrawo to gas eto takochpukiore to takijare uñomo towriirurichu (LGN). Etono uñomono te gas towriirurichu (LGN), eto tasiigiono te propano, butano, pentano

ene

to

'pona

hidrocarburos

tjitakore

etona

producto

tamuugie'e

te

takaemtoñuchrawo to gas towriirurichu.

13

Gas towriirurichu tyooji: gas towriirurichu wo takoy'e etopuka takoy'e ongira to hidrocarburo, eto takochpusrawo takuti to producto uñomo. Eto gas towriirurichu tyooji, eto metano takoy'e ongira to etano. Eto gas eto takomnu to industria eto tyomo te gasoducto. Eto tyuri vechjis'a to tasiomowo takoy'e to gas etochujcha te tatupa, te pjoka, eto tatupa tamututo takoy'e tyos'o te propano inclusive.

Eto taechjis'o eto pjoka tajichrawo, eto wo takejra to tanosrawo te tatiwgiene, etona gas eto tyuuna te timecho to toonawo taetaviko to 7%.

1.4.12.

Takaemtonerawo to tasorachirawo

To tapuisra eto teptsiko to uñomo te gas towriirurichu (LGN) te gas licuado te petrório (GLP) ene gasolina towriirurichu.5

Gas tasiomowo takoy'e metano, etotsero takoy'e to tajichrawo 'nug'e te 'pona hidrocarburos. Moverano eto jmañono hidrocarburos muiriji tiptsikwono takuti uñomo te gas towriirurichu.

Gas towriirurichu takoy'e to tatupa tanug'ewo to tasorachirawono tjitakoriono (etano, propano, butano ene pentano), eto takoy'e to tijre. Te pjoka takaemtoñuchrawo takoy'e:  Gas towriirurichu tyooji: (metano ene etano) eto tyomo te gasoductos tae'to tawachrisrarewo.  Uñomo te gas towriirurichu: (propano, butano, pentano ene to tjitakorepono) eto tyomo te poliductos titekpo te towrare tasorachirawo.

 'Pona takoy'egne: Une, azufre ene to 'pona wo toonawina eto wo takoy'e to tawachina te taejrorisrawo.

14

1.4.12.1.

Tajichrawo to takiptsiwo.

Tatumewo to takiptsirawo: Eto tajichrawono tyuripono te takiptsisrawo, eto taemuirawo to takochpusrawo to uñomo, muiriji etjoo'i eto tatumewo 'nug'e te takiptsirawo te etonapri'i tajichrawo.

Etjoo'i takoyemgiene, te takopajukop to tatumewo te takiptsirawo te gas to tajitomowo, to takochpusrawo to uñomo tjuuko. Etotsero, eto takomnu to tawacho tameriokorewo te tasiomowo to uñomo, tae'to tatumewo

extra taroto takomnu to tyomyore to gas. To

taroto'ogne to teptsikra'ono tomuire tejiorecho tajicho to tatumewo te takiptsirawo, te tajuuko to taroto'owo takochpusrawina to gas ene to 'pona. Taejrewo te takiptsirawo: To taejrewo te takiptsirawo timkosiopowo te jmañono tajichrawo: eto te takoy'e to tapajsirawo to taejrewo tae'to takiptsirawo, takojuuko to takochpuko to uñomo tae'to takiptsirawo.

1.4.13.

Tajpuka taejrorisrawo to gas towriirurichu

Takiptsiwo to gas towriirurichu tyooji (tasiigi tajicho to metano ene ongirano to, tyomo ene titekpo nae'no nawatcho te tuwono tanug'ewo, 'puesa ene tpajko to tatumewo, etjoo'i to 'pona apinano tajichrawono taejrorisrawo, tittuj'okrewo takoy'e takuti takoy'e eto jmañono: 

Gas natural comprimido (GNC)



Gas natural licuado(GNL)

1.4.14.

Tyow'o to gas towriiruricho

Etjoo'i tae3'to tepiarichu te 'mo'e 'pog'e takijare tonasirawo te gas, trepiasrawo tawosi te tepiasrawo to petrório.

15

1.4.15.

Tavirawo to gas towriirurichu

To gas towriirurichu tavirawo trae'to tonasirawo te 'mo'e 'pog'e topenowo te 500 m titekpo to 3500 m.

1.4.16.

Gasoductos

Eto tepiasrawo tawoo'ogne eto tyomrawo te ewire, eto jmañono tuwono te giero takutorogi to tamiro'u tyomo to gas etoka takomnukrewo, tyos'o te yacimientos titekpo te nawachris'o, eto tuwono takoy'e to red troncal etogiene redes secundarias ene redes te tasorachirawo industrial, comercial ene domiciliaria.

16

II. TAPONRERONO

2.1.

TAPONRERONO TAMUTU

Tatupachirawoyre to taemtisra to tameriokorewo to contrato te tawachrisrawo ene to taejrorisrawo te Bolivia ene Brasil tae'to takimosirawo tittuj'o tameriokorewo te tayerewo 1999-2007

2.2.

TAPONREEGIENEJICHANO

 Takoomut'sirawoyre to takanareru to restawo Boliviano eto tajichrawo to tomrawo te Brasil tayerewo 1999-2007.  Takoomut'sirawo to 'chojriikowo te takojparesrawo tomrawo te Brasil tae'to takoy'egne físicas ene químicas.  Takimosirawoyre to tavirawono to tittuj'okrewo tameriokorewo tae'to tajichrawyore Henry hub

17

III.

3.1.

TAJICHRAWYORE

TOW'OGNE

Eto pjoka 'motnaeko te tatansirawo eto te gas tyuuna eto tomrawo te Brasil tae'to gasoducto Bolivia-Brasil 3.2.

TAMIKUCHRAWO TO TATANSIRAWO

Eto pjoka tatansirawo eto taemuirawo te tamikuchrawo to takarawo'irawo cuantitativo taechjis'o to tavirawo to tatupa je'chu to tasiomowo to gas tomrawo, takuti tomuire te takimosirarewo, interpretación, taechjis'o, taechjis'o to tavirawono tatupa to cromatografía te gas. 3.3.

TEPIASRAWO TO TATANSIRAWO

Vim'o tamutu to takimosirawono to tatoprawo etjoo'i. To tatansirawo tanosrawo eto tae'to tepiasrawo NO-EXPERIMENTAL eto tawoo'oyre tatupachirawo to taemtisrawo to tameriokorewo to contrato te taejrorisrawo te Bolivia ene Brasil tae'to takimosirawo tittuj'okrewo te tayerewo 1999-2007.

3.4. 

TAJRICHRAWO TO TATANSIRAWO

Taechjirisrawo: eto tittuj'okrewo takoomut'sirawo eto takoy'e to tavirawo to metoropi tyos'o te taechjirisrawo tatutpirucho nae'no 'chañono timkosiopowono te pjoka takarawo'irawo.

 Tayoserisrawo: tisopovi vkoy'e to tavirawono, taechjis'okriono tyurigiene te tanosrawo to

tayoserisrawo,

tayoserisrawo

nae'no

'chañono

naemoti

pjoka

tatansirawo

takove'sirawono, internet

18

3.5.

Taechokokirawo te vikku

Eto tituchrawo eto pjoka tatansirawo vechokoko te horarios libres te takaemtonerawo te takarawo'irawo eto vjachpoyre to orientación no timitkora'ono taye'e 'wokreku enopuka tinapukora'ono tawoniko to 'wokreku, eto tomuire taejroko to 'motnaeko nae'notittuj'ono eto takimosirawo takepo timechrawyore te 'wokreku eto takunewopo to tajuusira to tatansirawo. 3.6.

Taechokokirawo te 'naeko

To tepiasrawo eto pjoka 'motnaeko te tatansiraw, tawoo'o takoomut'sirawina to metoropi tae'to ANH “agencia nacional te hidrocarburo” to tavirawo to tatupa to gas tomrawo, 'chañono naemoti eto pjoka contrato ene to taejrorisrawo to Bolivia-Brasil, tae'to taechokokirawo mue'ma tinapukora'i ene te 'wokreku eto taemotirawoyre etorichu tepiasrawyore to takoomut'sirawo to tavirawono te tyow'okre te tatansirawo.

19

3.7.

N 1

TAEJARUUWONO TE TAKAEMTONERAWONO

ACTIVIDAD

NOBIEMBRE

DICIEMBRE

ENERO

FEBRERO

MARZO

ABRIL

MAYO

JUNIO

Trancurso

Trancurso

7

de tiempo

de tiempo

para

para

recolecion

recolecion

de

los

de

los

datos

de

datos

de

JULIO

Elaboración del perfil de

7

tesina 2

Presentación del

borrador

del perfil de

17

26

Revicion

tesina 3

Asignación de

asesores

26

/tribunal 4

Etapa de

26

9

revisión y aprobación del perfil 5

Desarrollo de la

tesina

a

9

diseño final 9 Trabajo de

Solicitud de trabajo

campo

de campo

campos

6

Presentación del

tiempo establecido para tener datos

de

campo

campos

8

borrador

al 95% 7

Aprobación

18

de la tesina y PEP en castellano e idioma 8

Presentación

29

de documento (empastado y otro requisito Programación

29

de defensa Periodo

de

defensa

de

trabajo

de

2-13

grado

20

IV.

Takove'sirawo

determinar un tratamiento aplicable remoción de dióxido de carbono . Bolivia . cuellar, R. z. (2013).  Tesina análisis del gas natural de la planta de carrasco mediante la cromatografía de gases ,para Renno, j. M. (s.f.). Contrato de compra - Venta de gas natural que celebran, por una parte petróleo brasileiro s.a. - Petrobras y por otra parte yacimientos petrolíferos fiscales Bolivianos - YPFB en los siguientes términos y condiciones. Yacimiento fiscales de BOLVIA. YPFB, P. B.-Y. (2007). Addendum número 4 al contrato de compra y venta del gas BOLIVIA-BRASIL . Bolivia .

21

VARIABLE ANALISIS TECNICO

CONCEPTO GENERAL ESTUDIO DE LAS DIMENSIONO CARACTERIAS DE UN SISTEMA

DIMENSION

INDICADOR

INSTRUMENTO

DELIMITA LAS PROPIEDADES FISICAS QUMICAS DEL GAS A ASER EXPORTADO

POTENCIA HP PROP. GAS PODER CALOR

DATOS DE COMPRESION DEL GASODUCTO MEDIANTE SOLICITO HISTOA MEDIO SOLITUD DE PROPIEDADES FISICAS A LA ANH

ANALISIS ECONOMICO

22