MAY LINUNGTARAN ANG TANAN
Ang pagwaldas sa imong bahandi Wala mo kini taga-ig pagmatngon Kay nagtuo ka nga anaa kanunay Ang gihuptan mong kaharuhay . . .
Gihimo mo ang mga kahilayan Sugal, inom ug mga bakasyones Malipayon ka nga walay tupong Samtang aduna pay kinabuhi.
Samtang nagdagan ang panahon May mga trahedya nga miabot Usa ka balatian miabot kanimo Nga mikutkut sa imong salapi.
Balatian tungod sa pagabuso Sa way tulog ug walay pahulay Ang sobrang kahilayan nga mibalik Sa naginusarang lawas nga hinulaman.
Karon milingi ka sa imong palibot Sa mga higala nga imong gikauban Niadtong mga laag sa kagabhi-on . . . Apan halos dili na sila makit-an.
Busa samtang maayo ang lawas
Ang ugma ato usab pangandaman Kay moabot ang higayon sa kalisod Wala nay higala nga motabang.