Hsa Shillong Golden Jubilee Report, 2007

By Pu Ramthienghlim Varte, Shillong.

October 15, 2007 chun Shosho Tham Memorial Hall( Central Library Hall ti a ei hriet lar) a GOLDEN JUBILEE lawmna dar vuok ri chu Shillong a Hmar students chau nilovin hotu le thuoitu hai na kawtkhar hawngna ding chun an ringtawk hle ni ka ring, in ring hman hma in Hall bit hmurin mipui an hung fuonkhawm ta a..Tulaia ei hlasak thiem inlar zuol Manipur,Assam,Meghalaya le Mizoram a inthawk fiel angin an hung deu vawng bawk leiin khuollien hung hma chu hla ruoi the in mipui anlo in awi a, lawm a um kher el. Zingkar Jubilee lung mawi emem el eini hai bubit na laitak Madanrting,Shillong -21 a mi popo hmu le lawn pum khawma an tiem thei dinga phun ania, hilai hmun remchang emem phaltaka lo petu Pu (Upa) Neisel le Jubilee lung le mawitaka ker le ziekhai tumtu ama Pu Rohminglien Buhril IFS lawm an um. Hnam an chawimawiin anin pekzo na hi students le thang hung thar pei haiin hung hrezuol pei an tih ti ka ring tlat. Khawvela lung tha le mawi mak taktak hieng zozai um lai, ramhnuoia rannung haiin an nuom le an ek khum,an zun khum,an sir hriel tu khawmin an hlut ngai derlo kha tha tamtak sengin ei laksuoka Pu Muonsung le mi tlawmngai iemani zatin duot theipatawpin a mawi thei danding popova an hriethai thawkhawmin an buoipui Jubilee lung hi vawisunni a inthawk lung hlu, lung mantam pa Jubilee lung ahung ni tah Tuta inthawk chu Hmar hai khawm Meghalaya rama chawngpu ei nina le a khuo le tui ei nina mihai hmu thei le awlsam taka hriet le tiem thei eini GOLDEN JUBILEE lung hi a hrilfie tu a hung ni tah . Chu hawngna chu Rev Hrilrokhum Thiek in a hmanga, Jubilee lung hawngna thu cha tawite kha mi popovin hrevawng inla nuom ava um de.

Mipui a sang tel Hall in a kengnaw hai le Jubilee lawmna hla ruoi the a khuollien hungtlung hma Jubilee lawmna hla - Hairehai,Khetlei bawkte, Chhingmittla a chamreng, Hmar tlangval ngei,Ponto, A tlawnin mi hmangai ve la,lo pawmve tawpel kati che,tihaiin Hall sung chu lalna a chang chieng kher el. Inri bungbung,vaninrum angel dittawk lova Donbosco school kai ngaizawngnu sansuok dinga Hmar tlangval Pistol puokruk le dttawka hei in vilik kuolvelin Hall a mipui hei in awi lek lem kha chuh mipui an sukhlim hle a, taksa bung iemani bek sukchanglo an um chun mithi thlarau neisi ni el antih. Lawmna ni

ani ang hrima hmun hranghranga Jubilee lawmpuina thu le hla hung in hlanve hai eilo lawmve zie suklangna kutben,lam le a hlim thei angtak lawm chu mipui maw ana; A boruok invir anga kut,ke sukchanga khek rakrak khawm ni seksek ei umdan le thaw danin midang a sukbuoinaw phawt chun khawlai hmuna khawm sakhuo thil ani am, nunphung le inzawl khawvel/khawtlang thil - suol an nawh. Chuongchu Hnama misiemtu ei tawng le nunphunga ei chawimawi na le ei nina mihai hmuthei dinga ei suklangna darthlalang pawimaw ani lem ti hi hreseng eitiu. Dr D.D.Lapang Chief Minister,Government of Meghalaya khuollien thuhril –Pathienin mihriem a siemdan ah mani hma senga thawding mawphurna ami pek seng, Mahatma Gandhi hai anga hmangaina le tumru taka hlen hi vawisuna students le mipui fekhawm hai popo kuoma HSA golden Jubilee lawmna a ka thucha kei khawma zawm ngei tuma kalo thawve hlak chu ani – ti a hril le dangdanghai kha ei theida lo dingin kohran thuoitu tamtak hai pulpit sermon nekin a ropui lem ka ti. Mi chun an sir le nina ram chanchin an hril hlak an nawm. Leh,hun iemani chen hnungin, tuhin Pi Thansingpui HSA thuoitu loni ta hlak hla a dittak sak dingin - hei ti ruolruol chun kutben riin a hungzui nghala, stage a in hmawlo devin a hei kaia, a hlasak ding HSA MOTTO ti a hei puonga, miin anri thei popo an thaw lai Perkhuong Hollow Guitar la in ama ngeiin a per a SININ,HRILIN.SANIN.THUOIIN, SERVE THE NATION,HNAM RAWNGBAWLIN Pu J.C Thangsiem in kum 1980 a HSA khawmpui na a Hmar Student thlarauva a piengtharna thu tisa a hung inchang hmu thei a alo siemngei kha anih.A thunawna tana a hei sak zet chu ami tawkdan a danglamin mipui an to thuopel.Thu nisien hla nisien lo ngaitla tu hai fakkhawp ni ding chun mani ngeiin harsatna annawleh thildang dang eilo tuorpui le inbichil pui nuna inthawk ani a ngai reng anih. Pi Thansingpui hi Pu (Upa) Buongneikung (B.K.Buongpui) a nuhmei,HSA kan thawve lai theitawp le thahnemngai taka thawve hlak anna, pathien a piengthar mitha le HSA a piengtharna thatak nei anni leiin an kawla um an hawia, hiengang mihi ni thei seng inla pathien le hnam tadingin ava tha awm de. Sakhuo puithiem thenkhat hnam in pumkhatna le in thuruolna mani kohran pawl tanghma maichama in hlan nuom mi le hnam hmangai a in hril a takrama pawl hmangai lem si hai chun ka thil ziek hi an man fuk nuom ka ringnaw leiin lem harsa ting anta, an awrbawka in tang ngei a tih. An tlirna tukver chu kohran pawl litebim a inthawk ani sia.

Khawvel hnam tin lai chawi eitiu HSA, Sienkhawm ei mawina hrezing eita Sin eita,hril eita,san eitiu,

Thlierbik neilo pawl HSA

HSA a hrata,a liena a thiltum chiengtaka hre a thuoitu nidingin Pu J.C.hmangin fekhawm hai fielna a siem ani a, hi organization hotu a lientak a inthawk tu el khawm hnam chawisangtu,an hnuoina dawmkangtu ni thei ding le ei milien, kohran thuoitu le mipopo hai inpak hlaw thei khawp nungchang entawn thlak ni dingin hotu hai fimkhur hle ding anih. Ei mawphurna hi Hmar hnam chunga an nghattlat leiin mawinaw taka ei in khawmpui chanchin hai le activities dangdang mi hril le chanchinbu a in tiel hi um ngai naw sien a tha. HSA dam zing raw se.Tlierbik neilo pawl Hmar hai popo keikhawm tu ani sia. (C)2007 Hmar Resources Online& Sawrtui Monthly magazine. Hmar Students Association, Shillong chuh kum 50 zeta el alo chuongkai vurvur el ta a; Golden Jubilee lawmna programme buotsaiin thuoitu hai an buoi mapmapa. Hiengang hun lawmum tawnghi thil awlailo tak ani leiin le mihriem nun fedan pangai a ding khawma Jubilee nawkchu ka hmangphak tannaw ding ani ti ka hriet leiin ngai pawimaw le phurtaka thangdingin kalo in buotsai ve a.Hiengang students hai thilthaw changhin nulepa le kohran thuoitu thenkhat haiin ei tlathlam deu hlaka, a firfiek deu hai lem chun Kaisar thil ang ela ngaia thang nuomnaw pawl khawm eila um ni a ka hriet leiin hi programme hi ngai pawimaw tawk lovin mipui tlawm taluo pal eita, hnam muolpho pal ati ti kan lau khawpela,khuollien dinga fiel Dr D.D.Lapang Chief Minister,Government of Meghalaya ani bawk si.