Eritrea Haddas (tigre) - June 17, 2009

ካልኣይት ሰነት

ዕልብ 24

አርቡዕ

17 ዩንዮ 2009

ቀርሰነት። ወራር ወያኔ እት ሶማል ክም ሰበበዩ። ሰፊር ኤረትርየ ዲብ ጃፓን ወደሐ ቀርሰነት። ሙባሽር ሰበብ ናይለ ንዛም ወያኔ እት ረአስ ሶማል ለሀረሰዩ ወራር ክምቱ። ሰፊር ኤረትርየ ዲብ ጃፓን አሰይድ እስቲፋኖስ አፈወርቂ። እብ ክሱስ ቀርሰነት ዲብ አጥራፍ በሐር ሶማል ዲብለ ሀድገ ወዕለ ሸርሐ፣ ዲብለ እት ሶል ዓስመት ግብለት ኩርየ ለገብአ። ውቁላም ሰብ ሰልጠት ወወካይል ድወል ለሻረከው ዲቡ ዋዕለ። ሰፊር እስቲፋኖስ። ዲብ ሰነት 2006 ሸበህ ሰላም ምድት እተ ለዐለት ሶማል። አቶብየ ዲብ ግርበት ናይለ ሰነት ሐቆለ ወ’ረተ። ምን ሐዲስ ዲብ ለትኬለመ አዋይን ክምሰል ትሸመመት እንዴ አሸረ። እሊ ቅሉዕ ወራር። ቃኑንያይ። ስያስያይ።

ታሪካይ እንሳኒ ወእቅትሳዲ ደማር ክምሰል ሰበበ እንዴ አሸረ። እብ ዐቢሁ ህዬ መስኩበትለ መንጠቀት ዲብ ብቆት ክምሰል ካረየ ወቀርሰነት ፍገሪት ናዩ ክምተ ወደሐ፣ ሰፊር እስቲፋኖስ እንዴ አትለ። ቀርሰነት እግል ትትሀወን ሐቆመ ገአት። ሰልፍ ቅርድ ናይለ መሻክል ጋብእ ለህለ እብ ሰበብ ዌራይ ንዛም ወያኔ ወአዝናቡ ዲብ ሶማል ክሉቅ ለህለ መእከይ እግል ልትሳሬ ክምሰል ወጅብ እንዴ ሐበረ። ዲብ እሊ ለትዋሌ በዳሪት ራትዐት እግል ትትነሰእ ሕኩመት ኤረትርየ ክምሰል ትትላኬ ሸርሐ፣ “ ዲብ ሶማል ክሉቅ ለህለ መሻክል። አርደት ጣፍሐት እግል ቀርሰነት ሌጠ እንዴ

አንፋር ሸሪከት ሮዳብ እግል ዓይለት ሹሀደእ 570አልፍ ነቅፈ ትበረዐው አንፋር ሸሪከት ብነ ሮዳብ እበ ነስአወ መባደረት ራትዐት። ዝያድ 570 አልፍ ናቅፈ እግል ዓይላት ሹሀደእ ትበረዐው፣ ዲበ ናይ ሰለሞት ዓደት ዲብ ውዛረት ዐመል ወራዐዮት እጅትማዕየት ሙዲር ፈርዕ ደማነት እጅትማዕየት አሰይድ ምሕረትኣብ ፍስሃዬ እተ ቀደመየ ከሊመት። አንፋር ሸሪከት ብነ ሮዳብ መጦርለ እግል ብነ ወድው ለህለው ጅህድ። እግል ዓይላት ሹሀዳእ ለወደወ ሰዳይት ክሉ እግል

ልትለየ ክም ወጅብ እንዴ አሸረ። እግል አንፋርለ ሸሪከት ሐመደ፣ እግለ ተበረዓት ለሰለመ ዲብ ሸሪከት ብነ ሮዳብ ርኢስ ማሕበር መዓወነት አሰይድ ተኽሊት በርሄ እብ ጀሀቱ። ለሰዳይት ናይ መዐነወየት ልእከተ ክም ተዐቤ እንዴ ሐበረ። ሸዐብ እብ ዓመት መአሰሳት ሕኩመት ወሰብ ረአስ ማል ህዬ እብ ፍንቲት ዶሮም እግል ልቀድሞ ትፋነ፣

ኢገብእ። እግለ ምን ቃኑን በ’ረ ለገብእ ጀለቦት ዓሰ። ተጃረት። ዐደዮት ሐሺሽ። ስለሕ ወአዳምመ ካልቅ ህለ” ለቤለ ሰፊር እስትፋኖስ። ለጋር አሳሲ ወናይ አማን ሐል እግል ልርከብ እግለ ገብእ ጅህድ። ኤረትርየ እብ ክለ ሒለተ ክም ተአይድ ወደሐ፣ ኤረትርየ። ሰላም ወአምን ናይለ ዲብ ብቆት ኩሩይ ለህለ እድንያይ ክጡጥ በሕርየት አከዶት እግል ሰላመ። መስኩበተ ወዐቦተ ምህም ክምቱ ክም ተአምን እንዴ አሸረ ህዬ። ምስለ ዲብ ግንራሪብ በሐር ቀየሕ ለህለየ ግዋሬ ድወል ወብዕዳም እዩሳም ምህም ወቀይ እግል ተአግዴ ዱሊት ክምተ ወደሐ፣ ሰፊር ኤረትርየ ዲብ ጃፓን አሰይድ እስቲፋኖስ አፈወርቂ ዲብ ደንጎበ። ኤረትርየ ድድ ወጠንያይ ናይ ሰላም ወአምን ስያሰተ ሰበት ቱ። እግል ኦሮ በዐል ደሐን ሐሽም ቅብላት ብዕድ ሐሽም ሶማል ክምሰል ኢተአይድ እንዴ ሸርሐ። ኤረትርየ ዲብ ዓም ሐል ሰላም እግለ መርሕ ናይ አማን ጅህድ ሰላም ክም ተአይድ ሐበረ፣

ዐውል 1.00 ነቅፈ

እድንያይት አምዕል መትበረዖት ደም ዲብ ኤረትርየ ትዘከረት ደማነት ለቡ ወካፊ ደም እግል ለህሌ። መትባራዕ ደም ምህም ክምቱ እብ መናሰበት እድንያይት አምዕል መትበራዕ ደም 14 ዩንዮ እተ ገብአት መናሰበት ትሸርሐ፣ ሙዲር ባንከት ደም ዲክ ይፍዴ አምላክ ተስፋማርያም እተ ቀደመየ ከሊመት። ‘’ እለ አምዕል እለ። እግለ እምበል እብ አድሐኖት አርወሐት አዳም ለረኩበ ራሐት ደሚር። ለገብአት መስለሐት ለኢልታከው ‘’ ክምርቶም ለኢትሰምዕ ስቡላም’’ እብ ምራዶም ደም ለልትበርዖ ለንሐምድ እታ ተ” ሐቆ ቤለ። መትባራዕ ደም ዲብ ዐድነ። 80% ክም በጽሐ እንዴ አሸረ። እሊ እብ ፈድለ እብ ገበይ ንዝምት ደሞም ለልትበርዖ ለተአከደ ክምቱ ሐበረ፣ ዲብ ውዛረት ዓፍየት ሙዲር ፈርዕ ከዳማት ዓፍየት አሰይድ ብርሃኔ ገብረትንሳኤ እብ ጀሀቱ። ሕኩመት ኤረትርየ አህምየት ደማነት ለቡ ደም ዲብ ከደማት ዓፍየት እብ ዓመት ወእት አንገፎት

አርወሐት እብ ፍንቲት እንዴ ፈሀምነ። ክም ክፋል ከደማት ዓፍየት ዲብ ክሉ እግል ልብጻሕ እተ ትወድዩ ጅህድ። አከዶት ደማነት ደም ምን አውለውያተ እንዴ ወዴቱ ትሸቄ ክም ህሌት አከደ፣ ወኪል መትበረዐት ደም እብ ጀሀቱ። እበ እሉ ልትበርዖ ደም አርወሐት ሕጉዛም አድሐኖቶም ራሐት ደሚር ክም ለሀይቦም እንዴ አሸረ፣ ብዕዳምመ እሊ ውዳይ ስን እሊ እግል ልታለው አትፋቀደ፣ ዲበ መናሰበት አህምየት መትበራዕ ደም ዲብ አርወሐት ወድ አዳም ለወድሕ በራምጅ ልትቀደም እት ሀለ። እብ አንፋር ሸሪከት ብነ ብድሆ ለትሰጀለት ነሺደት ክም ሀድየት ባንከት ደም ተሀየበት፣ እብ ደረጀት ዐለም እት ወክድ ዕምስነ ወወሊድ ምነ ትሳድፍ ሞት እማት። ለ25 % እብ ሰበብ ነዚፍ ክምተ ተቅሪር እድንያይት መነዘመት ዓፍየት ለሐብር፣

ሸዐብ ሰዳይቱ እግል ዓይላት ሹሀደእ እግል ለዓቤ። ርኢስ መጅልስ አ/ጋሽ በርከ አትፋቀደ መጥ-መጦረ ሕኩመት ዓይላት ሹሀደእ እግል ተዓውን ወመናበረቶም እግል ተአጥፍሕ ትወድዩ ለህሌት ጸገም። ሸዐብመ ወድየ ለጸንሐ ሰዳይት እግል

ሐረስቶት ሽዕብ እተዮም እግል ሊዚድ ኬወ ሰርግሎ ሐረስቶት ሰለስ እዳረት ደዋይሕ ምዴርየት ሽዕብ። እተዮም እግል ልትወቀል ወደማነት ነብረ እግል ለአክዶ። እት ወራታት ኬወ ፍሩራም ክም ህለው። ስክርቴር መሕበር ሐረስቶትለ ምዴርየት አሰይድ መሕሙድ ሳልሕ ሐበረ፣ አሰይድ ማሕሙድ እግል ኤሪነ እተ ሀበየ ሐብሬ። ለሐረስቶት ምነ ሐልፈ ወርሕ ማዮ እንዴ አምበተው። እብ ክላኦት ዶዘር ዲብ ልትሰደው ዲብ ሽቅየት ጀሪፍ ወዐግም ክምሰልሁመ ዲብ ወዋዮት

አርድ ካድም ትሩድ ወዱ ክም ህለው አፍሀመ፣ ምነ አስክ እለ ሽቁይ ለሀለ አርድ አልፍ ወሰማን ምእት ምትር ዕጉማት ወክልኤ አልፍ ምትር ጀሪፍ ተምም እት ሀለ። ክልኤ አልፍ ወሰማን ምእት ሄክታር ህዬ ክምሰል ትጸገአ። ወምን መትሸርሻር ትርበት ክም ተሐፈዛ ለሐበረ አሰይድ መሕሙድ። እ’በ መሕበር ሐድ 9 ምእት አልፍ ነቅፈ ማል ክም ፋግረ ኣሉ አትአመረ፣ ምን ሐረስቶት መንሸብ አሰይዳ ዘህረ ዐሊ ምስለ ሕኩመት ትወድዮ ጅህድ

እግል አከዶት ደማነት ነብረ እበ ትትቀደሮም ክም ሸቁ ዲብ ተሐብር። ዲባ ገአ ሽንሸን አርድ ሕቁቅ መሰዋት አንሳት ለከምክም ወደማን ለቡ ክም ዐለ ሐበረት፣ ሐረስታይ መሕሙድ ዐሊ እብ እንክሩ። ሕኩመት ዲብ ረዪም ብሩር ለነብር ሸዐብ። ራትዕ ክዳማት እጅትማዕየት እግል ልርከብ ወደማነት ነብረ እግል ትትአከድ ትወድዮ ለህሌት ጅህድ እንዴ ሐመደ። እግል ዐውቴሁ ኩለ ለትትቀደሮም ክም ለአገዱ ወድሕ፣

ልወቅል ክም ወጅብ። ርኢስ ምጅልስ አቅሊም ጋሽ በርከ አሰይድ ዑስማን መሐመድ ዐሊ አትፋቀደ፣ አሰይድ ዑስማን ምስል ኤሪነ ዲብለ ወደየ መቃበለት። ሸዐብ ባለዮት ዓይላት ሹሀደእ ጾር ሕኩመት ሌጠ ክም ኢኮን እንዴ ፈሀመ። እበ መቅደረቱ ለወድየ ሰዳይት እበ ትወቀለት እግል ለአተላልየ ተሐሰበ፣ ሸዐብ ምዴርየት ተሰነይ እብ ሐድ 3 ሚልዮን ነቅፈ እግል ዝያድ 200 ዓይላት ሹሀደእ ወሬፍዐት ውላድ ሹሀደእ ክምሰል አትሐደረ ለሸርሐ አደይድ ዑስማን እሊ ኦሮ ምነ ዲብለ አቅሊም ሸዐብ ለወድዮ በራምጅ ክምቱ እንዴ አሸረ። ለመባደረት ተኣምርተ ናይለ እግል ሹሀዳነ ወዓይላቶም ለህሌት እግልነ ሕሽመት ክምተ ወደሐ፣

እምበል እሊ። ክም አተላላይ ናይለ ዓይላት ሹሀደእ እግል ልትሰደው ገብእ ለዐለ ለትፈናተ ጅንስ ኬወ። እብ መናሰበት 20 ዩንዮ አምዕል ሹሀደእ ኤረትርየ። ሸዐብ ዲብለ ትፈናተ ምዴርያትለ አቅሊም ዲብ ተኪል ሸትል ሹሀደእ ወሽቅየት ዘሪበት አቅብር ሹሀደ እንዴ ትፈረረ ወቀይ ስርጉል ክም አግደ አሰይድ ዑስማን ሸርሐ፣ እንዴ አትለ “እብ ወዛረት ዐመል ወራዐዮት እጅትማዐየት ለልትመቃረሕ መራክዝ የታይም። ዲብ ራዐዮት ውላድ ሹሀደእ ዶር ዐቢ ለአገዴ ህለ” ሐቆለ ቤለ። አስክ እለ ሸዐብ ወሕኩመት ለሰርገለዉ ዲብ ዓይላት ሹሀደእ ወሬፍዐት ውላድ ሹሀደእ ለትወጀሀ በራምጅ ለትትሐመድ ፍግሪት ክም ትረከበት ምኑ ወደሐ፣

1

እስትስማር ዲብ ዝናር ዐማር እብ እቅትሳድ። ክዳማት እጅትማዕየት ዕልም ወቴክኖለጂ ለትጠወረት ደውለት እግል ትትከለቅ። ኦሮ ምነ ዲብ ሚሳቅ ወጠን ኤረትርየ ክቱባም ለሀለው ስስ አሳስያም አህዳፍ ሩእየት ወጠንናቱ፣ ርኢስ ኢሰያስ አፈወርቂ እተ ሐልፈ እያም ቅሩብ እተ ወደዩ መቃበላት። እብ ድግማን ክመ በየነየ። ሸርሕ ሐጪር ናይለ ሕኩመት ኤረትርየ እሊ አህዳፍ እሊ እግል ትሰርግል። ለትታለዮ ፍክር። ዐዳለት እጅትማዕየት ወአክዶት ሰወ አብካት ዲብ ክሉ ከፈፍል መጅተመዕ ወአርካን ወጠን ቱ፣ እምበል ሸክ። ሰወ አብካት ለትከለቀ እግሉ መጅተመዕ። ለትወቀለት ደረጀት ዐቦት እግል ለአክድ በቃዐት ታመት ቡ፣ እግል እለ ፍክረት ወሩእየት። ዲብ ለትትረኤ ፍገሪት እግል ትትበደል ምነ አተቅደረ አግቡይ። ለኦሮ ዓበዮት ቅድረት አፍረዮት ወአደቀቦት ለለአደምዕ ወቀይ ቱ፣ ሰበት እሊ ኤረትርየ። እብ መብደእ መተንካብ እት ኖስ። ዲብ መዋጥኒን ወለዘይድ ዲብ ሽባን ንየት ሽቅል ወእንድባጥ ዲብ ሽቅል እት ተአዳብር አምኣት ኣላፍ ፍራስ ዐማር ተአውሽዕ ጸንሐት፣ ዲብ አትሻፈጎት ወራት ዐማር ዶር ማርሒት ለአገድየ ለህለየ ሸሪካት ወጠን ወገራጃት ሕኩመት እንዴ አሰሰት ህዬ። ዲብ ኩሉ አርካን ወጠን እንዴ ትፈረረየ ለሸቅየ እቡ ትሩድ መትነዛም ቅዋት ኬወ ከልቀት፣ ዲብ እለን ሸሪካት እለን። ዲብ ጄሽ ወብዕድ ለህለው ፍራስ ዐማር ሸባባት ኤረትርየ። አክልለ መትሰባሎም። አፍረዮት ዲብለ ትወቀለት ደረጀተ እግል ትብጸሕ። ጋ’መት ለአለቡ ታምም ዝናር ዐማር እግል ልትዐንደቆ ክም ለአትሐዜ እንዴ ፈሀመት ህዬ። ህለ ለልትበሀል። ዲብለ አወላይት ደረጀት ሕነ ለልብለ ዝ’ቡናት ድወል ደለ መጽአ ጥዉር ቴክኖለጂ ወማሽኔሪታት ዐማር። ተኣቴ ጸንሐት ወህሌት፣ እሊ እብ ሜዛንየት ዐባይ ለአቴ ለህለ ጥውር ቴክኖለጂ ወማሽኔሪታት። ምስለ ለትመልኮ ቅድረት አዳም እግል ትጠወር ገብእ ለጸንሐ ወለህለ ወራታት አዳበሮት ፍራስ ዐማር እንዴ ትመቅረሐ። ደማነት ዲመ ለለሀይብ ፊራሮ ዐማር እግል ሕርየት እቅትሳድ ወስያደት ቱ፣ ሕኩመት ኤረትርየ። ‘ምን ሕበዘት እት ተንዱር ፍላም እት እዴ’ ለልብል’ ጠባይዕ ሐሸሾት ወተበዝር ክም ኢካርጅ እንዴ ፈሀመት። ናይ ዶሉ መሓግዝ እንዴ ከሀለት። ለርካቡ አርዛቅ ወጠን ዲብ ክእነ ለመስል። ደማነት ዳይመት ዲብለ ለሀይብ ፊራሮ ክም ለአተጅህ ለወዴት። አሳስ ጥውር ወዓድል መጅተመዕ እግል ትብኔ ለረፍዐተ መስኡልየት ክብድት ወእማነት አክል_ሕድ ምን ኣመረት ቱ፣ እብ ደሊል እግል ልትሸረሕ ክመ ቀድር። ዲብ እለ እብ ጠባይዕ ብሕቶት ወዘማቴ ለትትመረሕ ዐዳለት ለአለበ ዐለምነ። ክም ሸዐብ ወወጠን ዲብ ክልኤ እግርከ እንዴ ሐጠጥከ። በቃዐት ዕሉም ወተክኖልጅየት እንዴ መለክከ። ደረጀት አፍረዮትከ እብ ወቀሎት። ሕርየት እቅትሳድ እግል ተአክድ። ዲብ እቅትሳድ እድንየ ብቆዕ በዐል ሽርከት እግል ትግበእ። ኣብ ተስትህል ሐቆ ኢትጻገምከ። አረይ ለኢልምሕክ መላጣጥ ምን ግብአት እግል ትትባለሕ ኢትቀድር፣ ዐለም እብ ተጠውር ዕሉም ወቴክኖለጂ ዲብ ቂሾት ትትበደል ዲቡ ለህሌት ወክድ በገ። ዲብ ዝናር ዐማር ለገብእ ፊራሮ ውቅል በቃዐት ቴክኖለጂ እግል ትምለክ ለገብእ ጅህድ። እግል ፋሻት ወሐበን ሌጠ እንዴ ኢገብእ። ለአግደ ምን ጨቅጥ ወመላጣጥ እንዴ ትባለሐከ። ርሕከ እንዴ ቀደርከ ዲብ መጅተመዕ እዲነ። ሑር ወስቀት እት ኖሱ ለቡ። በዐል ዳይ እግል ትግበእ ለለአቀድር። ሸርጥ ድሩሪቱ፣ እብ መጆብ እሊ ህዬ ኤረትርየ ማልካይት ዲብ ሑዳት ድወል ሌጠ ለልትረከብ ዐባዪ ማሽነሪታት ዐማር ወእግሉ ለበቀዖ ሰብ ምህነት ፍራስ ዐማር ጋብአት ህሌት፣

ክል-አርቡዕ ለትጠበዕ ጀሪደት ት

መዳልያይት

ከልሹም መሐመድ ደባስ

ናይበ

ኢጋድ። ኤረትርየ እግል ትመናክል ለተሐሬት መነዘመት! ዕድዋን ኤረትርየ ላተን ድወል። እብ ገበይ ሽንኪት አስማይ ናይለ አዝናብ ምን ገብአው ሕኔት ከጅሎ ለልትሐበኖ። እተሓድ አፍሪቀ ወኢጋድ እንዴ ትነፈዐየ ምጅልስ አምን ዲብ ኤረትርየ መንዕ እግል ልሕከም ወቀድየት ሶማል ክም ስታር እንዴ ትነፈዐየ ልትገሐለ ህለየ፣ “ ጅፈር ሀበው ምግብ ሐዜ” ክመ ልትበሀል። ጠልባሁ ለህለየ መንዕ ፋይሕ ቱ፣ ሐቴ አፍሪቃይት ደውለት እግል ስሜት እተሓድ አፍሪቀ አምበል ገበል እንዴ ትነፈዐት። እት ብዕደት ደውለት አፍሪቃይት መንዕ እግል ልትቀረር ዲብ ትትላኬ እሊ ጀርቤ ዛልም ናይ ሰልፍ ዛህረት ቱ፣ ክእነ ትመስል ምስዳር ፍጅዕት እግል ልንሰአ መዝ ለአርፈዐተን ሀይአት ሸርዕየት እንዴ ኢተሀሌ። ዲብ ኤረትርየ መንዕ እግል ልግበእ። እብ አክል እሊ ፎጃጅ መትላካይ። ዳረኮት ናይ ገሌ ዳይማት አንፋር ምጅልስ አምን ክም ቡ ለለአክድ ቱ፣ ሸርሕ ኤረትርየ ዲብ እሊ ዲብ ኒውዮርክ ገብእ ለህለ መናወራት እሊ ለተሌቱ።1. ኤረትርየ እግለ ገብአት ጀሀት ሶማልየት አስለሐት ልግበእ ወመፈጀራት ክም ኢተሀይብ። እብ እጥምእናን እብ ድግማን ተአክድ፣ ሰበት እሊ ህዬ። እግለ ድ’ደ ለትወጀሀ አሳስ ለአለቡ ሸክዋት እብሽደት ትነክር፣ ፍንቱይ ወኪል አሚን ዓም ምጅልስ ቅራን ዲብ ሶማልየ ሚስተር አሕመድ ወልድ ዐብደለ። ክመ ለልትሀደግ እንዴ ኢገብእ። ለቅብላት ኤረትርየ መጽእ ለህለ ሸክዋት ለለአክድ ሐበት ምን ደሊል ክም ኢህለ ልእም ክም ዐለ እብ ድግማን ተአትፋቅድ፣ 2. መንዕ አስለሐት መጅልስ ቅራን እብ ዋድሐት እንዴ ኬደት እግል አሃል አ’ሱነ ወጀማዐ ልልትበሀሎ ስሉሓም ሐሽምት እስላም ክምሰሌሁመ እግል ብዕዳም ሚሊሸ ቀባይል ወመናቢት ሐርብ ትሰልሕ ትወደርብ ለህሌት አቶብያ ተ፣ እሊ። እት ረአስለ ሐል ዳይም እግል ልምጸእ ገብእ ለህለ ጅህድ እግል ተዓቅድ ዲብ ስያደት ሶማል እብ አተላላይ ለትወድዩ በርጠጠዕ ቱ፣ 3. ሸክወት ኪደት መንዕ አስለሓት መጅልስ ቅራን ቅብላት ብዝሓት ድወል ብዕዳትመ ቃርበት ተ፣ 4. ምን ሐረስ እሊ መጅልስ አምን ናይ ምጅልስ ቅራን መንዕ እግል ልሕከም ገብአ ምንገብእ። ዲብለ እተ ሐልፈ ስኒን እት ሶማል ቅሉዕ ወራር ለወደየ ወእግለ መንዕ እንዴ ኬደየ እግል ውላድ ሶማል አስለሓት ለመጠየ እግል ልግበእ ቡ፣ ለአወላይት መንዕ እግል ልትሐከም ዲበ ለወጅብ ህዬ አቶብያ ተ፣ 5. መባጥር ስያሰት ኤረትርየ ዲብ ቀድየት ሶማል። ለልትዐገብ እቡ አስባብ ሸረሖ ዲብ ህለው። ገሌ ጀሃት “ መባጥር ኤረትርየ ምነ ለበዝሐት ዐለም ለተሀይቡ መፍሁም ሰበት ልትፈንቴቱ፣” እት ልብሎ ሻርሓሙ ህለው፣ ኤረትርየ። ከጠእ ክምሰልቱ እት ተአምር። ብዕዳም ዲብለ ዐሽለው ዲቡ ቅሽን እግል ትዕሸል እግል ትትቀሰብ አለበ፣ ኤረትርየ ሑር ዐገል እግል ትተበዕ ሐቅ ምን ሕቁቃ ቱ፣ ዲ’በ ሐልፈ ክልኤ ሰነት ወሰር። መባጥር ኤረትርየ ዲብ ቀድየት ሶማል ምን ሐቂቀት ለትበገሰ ወምዙን ክምሰልቱ እብ ፍዕል ተአከደ፣ ኤረትርየ። “ ሕኩማት” ዐብዱላሂ ዩስፍ ወኑር ዐ’ዴ መቃብልለ ተሀየበየን “ እድንያይ እዕትራፍ “ ሰላም እግል ልምደደ ክም ኢቀድረየ ብዙሕ መራት ሽርሐተ ረታዐቱ አክል-ሕድ ተአከደ፣እለ አዜ ለህሌት። እብ ካርጅ ዲብ ሶማል ለትቀሰበት ዲብ ገሌ ባካት መቃዲሾ ሌጠ ለትከረዐት “ሕኩመት” ለስሜተ መጅሙዐት። መቃብልለ ገብእ እለ ለህለ ትንቱን ማል ወዕስክርየት እት ደንጎበ ምነ ቀደሜሀ ለዐለየ “ ሕኩማት” ክም ኢትትፈንቴ አዜመ እምነት ሕኩመት ኤረትርያ ቱ፣ 6. ዲብ ሶማል ሐል ዳይም እግል ልትአከድ ወፋይሐት መሻረከት ለበ ሕኩመት እግል ትትአሰስ እብ አማን ትትሐዜ ምን ተሀሌ። ቅዋት ካርጅ። ደለ እለ ትሸነሀው መጅሙዐት ዲብ ቴቱ እት ሸዐብ ሶማል ምን ቀሰቦታ እግል ልትሐጨሮ ቦም፣ ሰበቡ ሀዬ። እተ ለሐልፈየ 15 ሰነት ምን ልውሕድ 15 ዶል ለትጀረበ ወለፈሽለ በሰርቱ፣ እግል ትግበእ ለበ ወኤረትርየ ለትጻገግ እግለ። መሻረከት ወቀድያት ሶማሊ ላንድ ወፑንድ ላንድ መ ለለአክድ ወለከስስ። ወላድ ሶማል ለመሉኮ ወለልትሓዎሎ ሄራር ስያሰት ዳኽልየት እግል ተሀሌቱ፣ 7. ኤረትርየ። ምን ኢመስኩበት ሶማል ለትረበሐ ሐቴመ አለበ፣ እግል ሶማል ክም ብቆት ርእየታመ ኢተአምር፣ ሀደፍ ኤረትርየ ሰላም ለትመደደት እተ ሳክበት ወእብ ውሕደተ ሶማል እግል ትርኤ ሰበት ቱ፣ 8. ዲበ ሐልፈየ 60 ሰነት እግል ሐምረጎት ሶማል ለከድመት ወሰለስ መረት ሐርብ ለፈትሐት። ቃኑንያይ እዕትራፍ ለትመልክ ወመቅርሕ ለበ ሕኩመት እግል ኢትትአሰስ ለትጻገመት ወካይናት ለሸፍተት አቶብያ ተ፣ ድድ ሶማል ወሸዐበ ምን አከይ-ፍዕል ብርእ ለኢትብል ደውለት እግል ሶማል ቅብላት ኤረትርየ እተ ትወድዩ ሐርብ ዲብ ትትነፈዕ እበ ርእየት ህዬ። ደአል ስያሰት ሌጣ ቱ፣ ለቀይድ ቀራር እንዴ ነክረት አስክ እለ ስያደት ኤረትርየ ዋረት ሰበት ህሌት። እብ አሳስ ምዕራፍ ሰቡዕ ሚሳቅ መጅልስ ቅራን መንዕ እግል ልትሐከም ዲበ ለወጅብ አቶብየ። መጅልስ አምን ዲብ ኤረትርየ መንዕ እግል ልቀርር ተጣሕር ሀልዮተ ሀዬ ምንክር ወምስትክር ተ፣

መሐመድ እድሪስ መሐመድ

ኣክባር ኣድም አቡሐሪሽ ወዓሻ ዑስማን

ለይ-ኣውት ሳምራዊት ግደ

ቴሌፎን 127298 ፋክስ 127749 ዕ.ሰ.ቡ. 247

17 ዩንዮ, 2009

9. አንፋር መጅልስ አምን መንዕ እግለ ኢክደት ደውለት እንዴ ሰ’ቀየ ወእግለ መንዕ አስለሓት መጅልስ ቅራን ክም ዋጅብ ወጠን እት ሐንቴ ቃኑን እድንየ እንዴ ኬደት እግል ትጃዜ ለወጅበ ደውለት አብሽርኪ ቤለያሀ ምን ገብእ። ትልህየ እብ ፍትሕ ቱ፣ መጅልስ አምንመ ቀድየት መንዕ እብ ገዘ ረአየ ምንገብእ። ኪደት መባድእ መጅልስ ቅራን እግል ልግበእ ቱ፣ ውዛረት ካርጅየት ኤረትርየ አስመራ 15ጁን 2009

2

ጊማይ ስያሰት መትሰባል ዶል ንብል እት ዎሮት ሀደፍ ለብናተ ንየት ሽቅል ወእግል አከዶት ለሀደፍ አክል አዪ እግል ንድፋዕ ዱሉያም ክም ሕነ ለተአርኤተ፣ ክል ነፈር እት ጋሪቱ ሀደፍ ሕ’ዱድ ቡ። ወእግል ልብጽሑ “ለአስታህል”

ለቤለዩ ተመን እግለ ሀብ ልትጠብጠብ፣ ለዐቦት ሀደፍ ተ ለእግል መትሰባል ትጌምም መ ለመትሰባል ኖሱ ቱ እግል ሀደፍ ዐውል ላሀይቡ እት ፈልሰፈት ለካሬ ህድግ ወልድ፣ እት ክእነ ለትመስል ሓለት ለእግሉ ተመን ቃሊ ትደፍዕ ጋር እግል መካስብ ብዝሓም ዶል ገብእ። ወሀደፍከ ብዝሓም ለተለዉ ዶል ገብእ ምን ክልኤ ለጋር ለነፈር እግለ ቀረድ ቃንጽ ክም ለዐቤ ሸክ አለበ፣ ጀላብ ሰኔት ሕበር መንበረት ብሕታሁ ለልትባለሕ። እግል መንገፎ ሕበር አርወሐቱ ዲብ ብቆት ለካሬ። እግል ረህየት ዲመ እብ ምራድ ኖሱ ጨባብ ወመራር ገበይ ለልሐሬ። ለምን ሓሩ ተሉ አጅያል እግል ለአባሩ ወልስነው ለትኬለመት እግል ለሓልፍ አርወሐቱ ለበርዕ ነፈር እግል ሞት ሓልፋ ቱ፣ ሴመ ኢትመስል እቱ፣ ተመን አትመሞት ቀረዱ ‘ሞት’ ክም ተ ዶል ልፍህም እግል ሞት ክም መፋግር አርወሐት ቀብበ ከ እግል ለአትሽህድ ልትዳሌ፣ እስትሽሃድ እብሊ መባልስ እሊ አርወሐትከ ጃላብ ረህየት ወመንገፎ ገቢል ፍዘ ዊደት ሌጠ ኢኮን፣ ከባደትለ እግሉ ዕንዱቅ ህሌከ ህደፍ ኣመሮት። አስባብ ወፍገሪት መትሰባልከ እንዴ ዓሬከ ፈረጎት በህለት ቱ፣ እስትሽሃድ እብ ቀፍለትከ ለሀይ ወለሀይ እንዴ ኢትደሌ እግል ትርከቦ ለትቀድር ስደፍ ለጀሬ ሐደስ ኢኮን፣ እብ ክሉ ናይ ስያሰት ወፈሀም እጅትማዕየት ውቅል ፈዛዐት ለትተልዩ ጋር ቱ፣ ፈሀምከ (አምርከ) እትሊ ጋር እሊ አክል አዩ ባሽል (ባቅዕ) ክም ቱ ህዬ እብ ደረጀት መትሰባልከ ልትቀየስ፣ ለእብ ታመት ፈዛዐት ለቀንጽ ንፈር ዲብ ምግብ ሄራር ተዐብኮ ኢልብ። እብ መትደንጋር ዐውቴ ሰእየት ኢለአትካርም። እብ ሪም ወመስደድ መሲር ግድላሁ ዲብ ሸክ ወቀየሮት ረአይ ኢገይስኒ። ሰባተት እት መብደእ ተአምርተ ጨሮት ቀረድ ወመትሰባል ተ፣ ዲብ ዐድነ ኤረትርየ እብ

17 ዩንዮ, 2009

ለትወቀለት ደረጀት መትሰባል ሰበት መብዳእ። መትሰባል ወእስትሽሃድ ዶል ንትሃጌ ለእነስኡ መባጥር ወለእንደጋግሙ ረአይ ምን ፈልሰፈት ወአክትበት ለእነስአ ኢኮን፣ ፈሀም ውላድ ኤረትርየ እብ ሰበት እሊ ጋራት ምን ናይ ክል ‘ምዕል መንበረትነ ለኢልትፈንቴ ታሪኽ ግድለ ለቀንጽ ሰበት ቱ። ሕኔት ደጋጋሞቱ ወዝያድ እግል ተወድሑ ጀረቦት ቂመቱ እግል ኢንተምትም አዚም ለልትሐሬ እቱ አውካድ ሑድ ኢኮን፣ እተ ዲብ ክል ሰነት 20 ዩንዩ ለእንዘክረ ‘ምዕል ሸሆዳነ ክእነ ለመስል ጋር ሀረሶት ላኪን ዋጅብ ቱ፣ ዮም ዝክረት ሽሆዳእ ገለድነ ዲብ ፊናሆም አጀደዶት ወአክል አዪ አውቄነ እግል ኒበል መስኡልየት ክል ምኒነ ተ፣ ሸሂድነ እግል እደረስ ወእትዐለም እንዴ ቤለ። ለእዲነ እብ ዕን ብሕተ ኢገንሐየ፣ አሀምየት ዕልም ሰበት ቀወ እንዴ ኢገብእ ዲብ ሐን እስትዕማር እምበል ሐርየት ለዘት ዕልም ጀሀል ክም ልትሐሬ ምኑ ሰበት ፈሀመ፣ ማል አክብ ወዲብ ባንክ ተእሚናት ሒደግ ለቤለ በዐል ቀረድመ አለብነ፣ ስያደትከ ወሕሽመትከ ኪድት ዲብ ህሌት አርዛቅ ሴመ ዐውል ክም አለቡ ለፈህመ ምናድል ለ’ሓርያም ጃላብ እግል ለአባሩ። ልደረሮ። ማል ልምለኮ። ልትሳረው ዓመተን ልስነው ወልሽነኖ ሰልፍ ሕርየተ ለትአከደት ሕሽም ኤረትርየ እግል ተሀሌ ክም በ ሰኒ ኣምራመ ዐለው፣ እግል እድረስ ለቤለ ዲብ ሉቐት (ጋነ) አባይ ዶል ልትጀበረ። እብ ፈህሙ ወመቅደረቱ ዲብ እንቱ እት ሐን ብዕዳም ድነን ዶል ትትወለቡ። ምድር ሐርስ አልቃም(ቀናብል) ዶል ልትዘረእ። ንዋይ ክመ ትፈረረየ ምን ኢልዐይር። እግል ሱግ ለትበገሰ ምን ኢለአቅብል። …. ሕረም እት አብያቱ ምን ልትቃጨፍ። አግሩዝ እምበል ዐገብ ምን ልትቃተል… ደገጊት እብ መሰምስ ምን ነድድ…. ዲብ ወጠንከ አስትሽሃድ ሐላል ቱ። ዲብ ኤረትርየ ላኪን ተርጀመት እስትሽሃድነ እበ ዲብ ረአስ ሸዐብነ ጀሬ ለዐለ ጀራይም ሌጠ ለልትሸረሕ ኢኮን፣ ሽሂድነ ድድ ሞት እብ ሞት ሌጠ ኢበልሰ፣ እግል ስያሰት እብ ዐውል አርወሕ ለአምጸአቱ፣ ንዳልነ ጀላብ ሀለዮት ኤረትርየ እብ ዐቢሀ ሰበት ዐለ፣ ክም እግል መተቅብለት ለትመስል እቶም ምን ትቀተለው ቀትለው ሌጠ ኢዐለት ጋሪትነ፣ እምበል ወጠን ደገጊትነመ ምን ኢነድድ። ወንዋይነ ምን ኢልትዘመት። እምበል ወጠን ክሉ ግምሽ ቱ ለቤለ ገቢል ሕነ፣ ምን እንጸግብ ወእንሰፍሬ። ምን ንሐምም ወ’ንሓዬ። ምን እንሰኔ ወደሀብ ምን ንትሰርጌ ክሉ ሐቆ ወጠን ቱ፣

“ኩሉ ሐቆ ወጠን ቱ” እንዴ ቤለ ለትዐንደቀ መሔርባይ አርወሐቱመ ሐቆ ወጠን ክም ተ ዳሊ ዐለ፣ እብለ ስቅራት እለ ለአከድናሀ ስያደተ ለትሐሸመት ሕር ኤረትርየ ዝያድ እስትሽሃድ ክም ትጠልብ ቀፍለ ምነ አለቡ፣ እስትሽሃድ ጀላብ ዐቦተ ወዐማራ ወእስትሽሃድ ጃላብ ዐቂበ፣ መትሰባል ውላድ ኤረትርየ እግል ዐቦት ወዐማር ዐድ እብ ሞት ሌጠ እግል ንርአዩ ራትዕ ኢኮን፣ ክል ሙዋጥን ምን ዕምር 18 ሰነት አስክለ ተሃንጦጥል ህሌት ጊመት ዝልም ትትቀንጠጥ። ክመ እተ ቀዳሚት መርባት አስክ ኢቀስነት ከደን ምዩይ ለሀለ መሔርባይነ። እብ ብዙሕ

ወሓይዝ ኤረትርየ

መቀየሲታት ደፍዕ ህለ፣ ዕምር ውላድ ወአትዐረፎት ዋልዴን ። ዕምር ሽቅል። ዕምር ዕልም ወድራሰት። ዕምር ማል ወብንየት መስትቅበል “ኩሉ ሓቆ ወጠን ቱ” ልብል ለሀለ ሙዋጥን እስትሽሃድ ዋልዳዩ ለቀዳም ወመዛዩ ለ’ሓር አክል አዪ ክም ተምተሙ ሰበት ልፍህም ቱ፣ ጠምጠም ወቀይ ብሕተ ወአደቀቦት ነፍስ እብ ዕን መንገፎ ወመሳልሕ ሕበር ምን ገንሐናቱ እተለ እግል ንብጸሕ ለቀደርነ፣ ምስል አፍካር ዐውለመት። ወመትመዳድ አፍካር ‘ብሕተ’ እሊ መባድእ እሊ እግል ኢልትበደል መትሰባልነ እግል ለአተላሌ ቡ፣ እብ ፍንቲት እት ሸባባት፣ “መትሓሳር ሻብ እት ስያሰት

አልአሚን ሓምድ

እብ ደረጀት እድንየ ተደሀረ።” “ሻብ እሊ ዘበን እብ መንበረት ብሕታሁ እንዴ ፈከረ እግል ርሑ እግል ልደረስ ወነፍሱ (እብ በኑ) እግል ለአደቅብ ቡ” ለልብ መባልስ ለራትዐት ሸንከት እግል ንጽበጥ ምኑ ብነ፣ ዲብ ክም ዐድነ ኤረትርየ ለትመስል ሐዳስ ወእብ ዐውል አግማም ለትረከበት ደውለት። ዎሮትከ ዲብ መጃሉ ተዐወተ ወአውቀ ምንገብእ ክምክምት ፍገሪት ክም ተአሰኔነ ሸክ ምነመ አለበ። እብ ብሕታነ እግል ነአውቄ ለንዋልዩ ሕሳል እት ጽጋደ ለበዝሕ ሙዋጥን ለትጸብብ መሽነቂት እግል ኢልግባእ መትሰባል ወእስትሽሃድ ዲብ መብደእ ዲመ ዲብ ልብነ ንክረዮ፣ ለትወቀለት ደረጀት መትሰባል ጃላብ መሳልሕ ገቢል እግል ናይ ሕበር ረህየት ወዐቦት ለገብእ ቱ፣

ዝያረት

ኤረትርየ። እምበለ እብ ሕዱዳ ለልሓልፍ ነሀር ሰቲት(ተከዜ)። ስነት እብ ገዲደ ለተንከር ውሒዝ አለበ፣ መብዝሖም ወሓይዝነ ዲብ ሒን ከረም ለኢሰረታ። ወክድ ሓጋይ ኢኮን ለዘሬ ማይ። ዐወሊ እንዴ ሐፈርካመ ቅጥረት ልኢትረክብ ምኖም ቶም፣ መበገስ ኩሎም ወሓይዝ ኤረትርየ ለወቁል ረወሪት ቱ፣ እትጃሀቶም ላኪን በናቢን ቱ፣ ለበዝሖው ምኖም እስክ ምውዳቅ ጻሓይ ገጾም ለልውሕዞ ቶም፣ እብ ቶናት ለልትመዘን ርሹድ ጨበል እንዴ ረፍዐው ህየ ሕዱድ ሶዳን ልትዐደው፣ ለካልኣይ ክፋሎም ህዬ። ለአስክ እትጃህ ምፍጋር ጸሓይ ለተንከሮ ቶም፣ እሎም ወሓይዝ እሎም ምስለ ሓለት ዝላም ቶም ለገይሶ፣ ዝላም ሰኔት ትረክበት ምን ገብእ እስክ በሐር ለአቱ፣ ሐቆ ዲብ ከበሳ ዝላም ሓዋኒት ዐለት ህዬ። እተ ዲብ ግንራሪብ በሐር ለልትረከብ ሸምሸመት እንደ ትሰተው ተርፎ፣ ምና ዲብ ቀበት ኤረትርየ ለተንክሮ ወሓይዝ እብ ሪሙ አወላይት ደረጀት ለጸብጥ ውሒዝ መረብ አው ጋሽ ቱ፣ እት ኤረትርየ ሌጣ ሐድ 440 ኪ.ም ሪም ቡ፣ አግዳ መበገስ ውሒዝ መረብ አድብር መቀራ (እት ባካት ጣለ ወዐዲ ከፈለት ) ግብለት ምን ኣስመራ ለልትረከብ ቱ፣ እብ ደዋይሕ ድባ ርዋ እንደ ሓልፈ ህዬ። አስክ ሕዱድ ኣቶብያ በጽሕ፣ እት ፍንጌ ክሳድ ዒቃ (ኤረትርየ) ወላፍራጮ( ደዋይሕ ራማትግራይ) ህዬ። ከም ሕዱድ ናይ እለን ክልኤ ደውለት ገብእ፣ እሊ ሕዱድ እሊ። ምን ዘመን “ምድር ባሓሪ” (መምለከት በሓር) ልተመር ለዐላ ቱ፣ ለ”መረብ ምላሽ” ትትበሃል ለዐለት ኤረትርየ በዲር ትትሰሜ እበ ለዐለት ጥናበት ህዬ። ምን እሊ ሕዱድ እሊ ገጽካ እንሰር በህለት ታ፣ ውሒዝ መረብ ። ምን ክልኦት ደራግ ለልትሓበሮ ዲቡ ክም ከራ። በለሳ ሙና ወዑበል እንዴ መልካ አስክ በርከ ተንክር፣ እት ባርከ ህዬ እብ ጋሽ ለትብል ስሜት ልትኣመር፣ ዲብ ደዋይሕ። ሙልቂ። ሻምብቆ። ትኮምብያ ሃይኮታ ወሰነይ ህዬ መዋጥኒን እብ ወራታ ሓርስ ብዙሕ እተይ ረክቡ ምኑ፣ ሕዱድ ክም ትዐዳመ ለአግደ ዔማት ስተይ ማይ ወሐርስ ከሰለ ገብእ፣ ምኑ እንዴ ሐልፋመ ኣሮመ ለልትበሀል ጋድምታት ሶዳን ለአረዌ፣ ከረም ደሐን ትረከበት ምን ገብእ መ እብ እትጀህ ሶዳን በሐር ቀየሕ እግል ልእቴ ቀድር፣ እብ ካልኣይት ደረጀት እግል ንርአዩ ለእንቀድር ውሒዝ ባርካ ቱ፣ እሊመ ምን ከበሰ ቱ ለልትበገስ፣ አቁርዶታት ክም ሐልፋ ህዬ። ክም ከረ ሕሊል ሃወሻይት። ሂምቦል ሆሚብ። ሀደምደሚ ልትሓበሮ ዲቡ፣ እት ደንጎባ ህዬ ዲብ ሰልዐ ለትትበሃል አካን ምስል ዐንሰባ ልትሓበሮ፣ ምስል ህዬ እስክ ሶዳን ለኣቱ፣ ውሒዝ ዓንሰባ መበገሲሁ እላ ዓሲመትነ ኣስመራ ታ፣ ምን እሊ እብ “ማይ-በለ” ለልትኣመር ባካት ህዬ ልትበገስ፣ ደቂ ዘርኡ። ዔለ-በርዕድ ቂኝዕ። ከረን … እንዴ ሓልፈ ህዬ ሃበሮታት ልደሬ እትለን ለሰሜናሀን አካናት። ማይ ዓንሰባ እንደ ትነፈዐው ጀራዲን ለለዐምሮ አንፋር ሑዳም ኢኮን፣ ምኤምረት ክመ ልብሉ። ማይ ዐንሰባ “ፊሎሪን” ለልትበሀል መዓድን ቡ፣ እሊ መዓድን እሊ ዲብ ዓፍየት መደረት ምንመ ኢለአመጽእ። መብዝሖም ማይ ዐንሰበ እንዴ ሰቱ ለልዐቡ ላኪን አንያቦም እብ ዐከር ልትደመዕ፣ ክእነ ለመስል ማዕደን ዲብ ማይ ደንጎሎ ተሓት። እክሩር (ባካት ሰገነይቲ) ወዲብ ምግብ ኣቶብያ ወንጂ ወናዝሬት ለልትበሀል ኣካናት ከም ህለ ልትኣመር፣ እግል ውሒዝ ዐንሰባ ለአግዳ ልትሓብር ዲቡ ውሒዝ ደራ ቱ፣ ዲብ ሸርኢት ለትትበሃል ኣካን እንዴ ትሓበረው ህዬ አስክ ሶዳኖም ተንክሮ፣ እሎም ለሰሜናሆም ወሓይዝ ክሎም ለዲብ እትጃህ ምውዳቅ ጸሓይ ቀንጾ ቶም፣ ምናታ። ገሌ ምን ወሓይዝ ዐድነ ክም ከራ። ላበ። ለብከ። ፈልከት ኣስራይ ወማይ ኢሎመ ምን እትጃህ ቅብለት እስክ በሐር ለልአተጀሆ ቶም፣ አምበል እሎምመ። ዐሊገዴ ወሐዳስ። ለአወላይ ም ባካት አስመረ ለካልኣይ ህዬ ምን ድዋራት ዐዲ-ቀይሕ ለልትበገሶ ቶም፣ ዲብ ዊዐ ለትትበሃል ኣካን እንደ ትረከበው ህዬ። ፎሮ እንደ ሓልፈው። እብ ፍንጌ ዙለ ወአፍታ በሐር ልኣቱ፣ እትሊ ባካት ለልትሓበሮም ኩመይሌ ለልትበሀል ምን ባካት ሰንዓፌ ለልትበገስ ማ ህለ፣ ብዕድ መ ምን ባካት ሰንዓፌ እንዴ ትበገሰው ደንከል ለልትከረው። ክም ከረ ዳንዴሮ ለልትበሀሎ ህለው፣ ዓመተን ህዬ። ብዝሔ ወእትጀሃት ወሓይዝ ኤረትርየ እሊ መስል፣

ስኣል ዝያረት።

1 ምን አቃሊም ኤረትርየ ዎሮት አቅሊም ሌጣ ናዩ መትሓፍ (ምዝዩም) ቡ፣ እሊ አቅሊም እሊ እስዉ አቅሊም ቱ? መስኡል ናይለ መትሓፍ ህዬ መን ልትበሃል ኣው ትትበሃል? ደሳሌ በረኸት-ኣስመራ.

3

ሰሊም ዑመር

ጢሾ አምር አሳስ ዐቦት ወተጠውር “ተዕሊም አስክ ብሩር እግል ልትመደድ ሚ ካድም ገብኣ ወገብእ ህለ? አሰይድ ሙሰ ለዝያድ 370 መዳርስ ለትበነ እብ ሸክል ዓም ዲብ ኣያም እስትዕማር ምን ተዕሊም ሕሩም ዲ’በ ዐለ ብሩርቱ።። ህቱ ሻረከ ወሰሃመ ምን ገብእ ቱ ውሕደት ዐዱ እግል ትትጠወር ለትቀድር። ለትብል ስያሰት ታብዕ ሰበት ህለ፣ ረውዳት ዲብ ኸላል እለን 18 ሰነት። 476 እብጹሓመን ህሌነ።። እለን ለዝያድ 85% ምነን እት ኣርያፍ ጋብኣት ህለየ፣ ነሸር ተዕሊም: ኣዋልድ ዲብ ኣርያፍ መዳርስ እግል ልርከበ ለሰጅዕ ለውላድመ ለለአቱ እቡ። ኣግቡይ ገብእ ህለ።። ዳኽሊየት እግል ኣዋልድ ሌጠ እንዴ ኢገብእ። እግል ውላድመ ገብእ ህለ።። መዳርስ እተ ባኮም ምን ቅሩብ እንዴ ረክበው። ለኣጀኒት ታዕሊሞም እግል ልዋስሎ እበ ገብአ ጅህድ። ዮም መድረሰት ለአለበ እዳረት ደዋይሕ ኣለቡ፣። ገሌ-ገሌ ቁረ ዲብ ሐቴ ኣካን ጅሙዕ ለይሀለ ገበይ 3 ሰዐት ምን ሕድ እንዴ ትሸተተ ለነብር እንዴ ተኣከበ ከደማት ለረክብ እቡ ኣግቡይ ገብእ እግሉ ህለ፣ እሊ እንዴ ሐደግከ። ዮም ተዕሊም ዲብ ኩሉ ንሹር ህለ እግል ኒበል እንቀድር” “ደረሰ ለለኣሻርክ መንሀጅ ተዕሊም እንዴ ተኣታተ ልትሸቄ እቡ ህለ፣ እሊ ከፎ ልትቀየም? አሰይድ ሙሰ። “እሊ ውዛረት ተዕሊም ኣዜ ኢኮን ለኣምበተቱ፣ ደረሳይ ለሻርክ እቱ ተዕሊም ዲብ ኣያም ሕሩብ ታሕሪር ። ዲብ መድረሰት ሰውረት ለዐለት። ወእቱ እምቡታመ ዐልነ ፍክረት ተ፣ ከዋድርናመ ዲቡ ተጃርብ ናስኣም ምናቶም፣ በስ ሐቆ ተሕሪር ብዙሕ ኢሸቄነ እበ፣። እት 2003 እበ ገብአ ተቅዪም እተ መናህጅነ ተቅዪር ወዴነ ወዝያድ ለመናህጅ ኣዜ ለጃሀዝናሁ ደረሳይ ለለአሻርክ ቱ።። ደረሳይ ለሻርክ እቱ ዶል እምብል። በዲር ለዐለ ፈሀም ደረሳይ ሐቴ ኢለኣምር። እንዴ ኣትገሴካሁ እት ፈስል ደርስ ኣምጽእ እግሉ። መደርስ ፋህም ወሙተዐልም። ወደረሳይ ህቱ ለቤለየ ለኣተንሴ። ለሐፍዝ። ወወዴ። ለልብል ዐለ ፣ ላኪን ዮም እሊ ኣማን ክም ኢኮን እብ ዕልም ተኣከደ፣ ደረሳይ እምካንየት ወቅድረት ህሌት እግሉ። እለ ቅድረት እለ ሙደርስ ከፎ

4

እት ተዕሊም ኖሱ እንዴ ሻረከ ላኣትሐዝዩ እግል ልርከብ ሰድዩ ወምካንያቱ ወቅድረቱ ለጠውር እበ ገበይ። እግል ልርኤ መርሖተ ትትሐዜ ለህሌት፣ ሙደርስ ሜርሐይ እንዴ ገብኣ ። ጣልቡ ሐቴ ኢኣምርኒ ኣነ እግል ኣድርሶ ብዬ። እንዴ ኢገብእ ከአፎ እሰድዩቱ ኣዜ ማጽእ ለህለ ወእንሸቄ እቡ ለህሌነ።። እትለ መርሓለት እለ ሳህል ምንመ ኢኮን ምን 2003 እብ ድቁብ እንሸቄ እቱ ህሌነ።። ክሉ ሙደርስ እሊ ኣስሉብ እሊ እንዴ ፈሀመ እብ ገበይ ራትዐት ክም ለኣድርስ እግል ቲዴ። ተእሂል ብዙሕ ሐዜ። ወገብእ ህለ።። ዲብ እለ ውቀት ሓጫር ለለኣትናይት ተቅዪራት መጽእ ህለ፣ ደረሰ ዮም። ዲብ ፈስል መተንስየት ሌጠ እንዴ ኢገብኦ። ሻርኮ ወበልሶ። ወፕሮጅክትታት ለሀይብዎም ሙደርሲን ከቀድምዎ።። እንዴ ፈግረው ሸርሕ ሀይቡ። እት መካትብ እንዴ ኣተው። በሓስ እንዴ ወደው ለመጽኡ። እለ ትትረኤ ለሀሌት መሻረከት ደረሰ ብዙሕ ለተኣትናይት ተ።። ተዕሊም ክምሰለ ለንኣምሩ እት ወቅት ሓጫር ለጽበጢቱ እግል ትርከብ ሳዐብ ቱ።። ለኣኑ ኣጅያል ትበኔ ህሌከ።። ተቅዪር መጽአ ወኢመጽአ ሐቆ መደት ረያምቱ ለልትረኤ ላኪን ለኣሻይር አዜ ለሀይበናቱ ለህለ ሰኒ ለለኣትናይት ቱ።። እግል ሙደርሲን ተእሂል ነሀይብ ወእቡ እንሸቄ ሰበት ህሌነ ደሐን ህለ እንብል፣”

ተሐዜ ለህሌት። እሊ እንዴ ትረኣ ሰበት ገብእ። ክሱስያተ ወመናህጀ ትወዴ።። ለናይ ዐድነ ናይ ድወል ኣሮባ። ኣምሪከ። ወሸርቅ ወቀርብ ተብዕ ቱ እግል ቲበሉ ለትቀድር ኢኮን። ናልነ ክሱስያት ቱ።። ላኪን እሊ ዲብ እንወዴ ኣወል ድራሰት ወዴነ። እተ ከርስ ዐድነ ለዐለ መናህጅ ምን ሕሪር ወሐር ሚ ንቁስ ህለ እግሉ። ወምስል ጥውር ታዕሊም ናይ ዐዶታት ዐለም መጦሩ እግል ኒጊስ ገብኣነ ምን ገብእ። ምስል ቴክኖሎጂ ተጠውር ለህለ ገብኣ ምን ገብእ። ከፎ እንዴ ወዴነ ነሐስኑ ድራሳት ወዴነ። ምኑ ኣንበትነ።። ምነ ድዕፍ ለዐለ እግልነ። ወሳድፈነ ለዐለ መሻክል እንዴ ኣንበትነ። ወእበ እንወድዩ ለዐልነ እጅትማዓት ኣራእ ኣከብነ። ወነፍዔነ።። ካልኣይት ህዬኒ መቃረነት ወዴነ። እት ዐዶታት ብዕድ ከፎ ገይስ ህለ። ወእሽወ ዐድ ሚ ባጽሐት ህሌት። ለኣኑ ዶል-ዶል እንዴ ኣኸርከ ዲብ ተኣምብት ሰኒ ቱ። ምነ ተጃርብ ናይ ብዕዳም ብዙሕ ምህሮ ኢኮን ትረክብ እሊመ ነፍዔነ፣ ከደውለት። ሐዳስ ወእብ ሐዲስ ኣዜ ነኣነብት ለህሌነ ህዬኒ። ምነ ተጃርብ ወድዕፍ ናይ ለትፈናተ ዐዶታት ብዙሕ ኣከብነ። ምስል እሊ ኣውዳዕለ ዳኽልየት ናይነ። ወምን ብዕድ ለነስኣናሁ ተጃርብ። ክልኢቱ መጦር ሕድ እንዴ ወዴነ። ናይ ኖስነ መናህጅ ህለ እግልነ። እግል ኒበል እንቀድር፣”

ለእሉ ንተበዕ መንሀጅ ተዕሊም ምስል መናህጅ ኣዪ ድወል ሸብህ?

እብ ውላድ ኻርጅ ለልትሀየብ ደርስ። እት ውላድ ዐድ እግል ልትዐዴ ሚ ካድም ገብእ ህለ?

አሰይድ ሙሰ። “መንሀጅ ሐቴ ዶል እንዴ ኣሰስካሁ። ወእንዴ ጸበጥካሁ ዲመ ለትሸቄ እቡ ኢኮን።። ዶልከ ምስለ ተጠውር እቅትሳድ። እጅትማዒ። ወቴክኖሎጂ እንዴ ትቀይሩ ወተኣሰንዩ ለትገይስ። ዳኢመን ዳይናሚክ ለልትቀየር ቱ።። ሐቴ ደውለት ንዛም ተዕሊም ሐቴ ዶል ለኣሰሰቱ እንዴ ጸብጠት ኢትገይስኒ።። ተቅዪር ምስለ ኣውዳዐት ትወዴ እቱ። ካልኣይት ህዬኒ ተዕሊም ምን ሐቴ ደውለት። ወምን ሐቴ ንዛም ለትነቅሉ ኢኮኒኒ። ክል ደውለት ናይ ኖሰ ክሱስያት ወጥሙሓት ህለ እግለ፣ ሚ ተቅዪር እተ ሙጅተማዕ እግል ቲዴ ተሐዜ ህሌት።። ሚ ቱ ለኣህዳፍ እቅትሳዲ። ስያሲ። እጅትማዒ እግል ትሰጅሉ

“ምስለ ነሽር ተዕሊም መጦሩ ሙደርሲን እግል ትርከብ። ወእግል ትጠውር በሲጥ ኢኮን።። ጅሁዳት ገብእ ህለ ላኪን ንቁስ ሀለ ጠብዐን። ዝያድ ኣልፍ መድረሰት ባንያም ህሌነ።። እግል ክሉ መራሕል ሙደርሲን እግል ተኣምጽእ እግሉ ሳዐብ ሰበት ቱ። ኣስክመ ለጅሁዳት ለእንወድዩ ለህሌነ እት ዐውቴ በጽሕ። ኣጃንብ ሙደርሲን እንዴ ኣምጻእነ። ንትዓወን ህሌነ።። ወእሊ ዲብ ኤረትርየ ለትረአ ፍንቱይ ኢኮን’፣ዐድ እንግሊዝ ኖሰ ምስል እሊ ክሉ ተጠውረ። ምን ህንድ እንዴ ኢተርፍ ተኣመጽእ፣ ኣምሪከ ምን ህንድ። ፖኪስታን ወኣርድ ብዕድ ተአመጽእ፣ ፈእሊ ንስኣት ሙደርሲን ምን ለትፈናተ ዐዶታት

(3ይወናይ ደንጎበ ክፋል)

ለህላ ቱ ዲብ ዐለም፣ ለኣኑ ክሉ ዐድ ለወዴት ምን ትወዴ። ለማሕገዘ በይነ እግል ተኣርህዩ ኢትቀድርኒ።። ፈምን ብዕድ ድወል እቡ ተኣስተፊድ። ወብዛት ጠለብ ናይ ሙደርሲን መረ ዋሕድ ድቁብ ቱ።። ምስል ንሽረት ታዕሊም ህዬኒ ለገይስ ቱ።። ክሉ ለተኣነትጁ ሙደርስ እግል ልግባእ ኢኮንኒ። ሓሎታት ብዕድ ኢኮን ለኣትሐዜከ። ዲብ ክሉ መጃላት ዶል ልትወዛዕ። እተ መጃል ናይ ታዕሊም ለትረክቡ። ለሀለ ማሕገዝከ ለለኣረዌ ኢገብእኒ።። ፈእሊ ምኑ ለልትበገስ ቱ።። ኣዜ ሕነ ክም ሓጀት እንዴ ትከበትናሀ። ዲመ እንሸቄ እበ ኢህሌናኒ።። እሊ ተጠውር ወነሽር ተዕሊም ዓሊ ገብእ ለህለ። ሐቴ ምነ ኣህዳፉ ቱ።። አዜ ባካት ስዕ ኩልየት ባጽሓም ህሌነ።። ምን ኩልያት ሙደርሲን እንዴ ረከብነ።። እት ከም ሰነት ክም ሙደርሲን እንዴ እንረክብ። ምን እሎም ሙደርሲን ውላድ ኣጃንብ ለህለው። ሚ ዶል ወከፎ እንፈግር? ለስያሰት ጣርሓመ ህሌነ፣ እበ ስያሰት ናይ ደውለት እንገይስ ህሌነ።። ካልኣይት ህዬኒ። ቅወ በሸሪየ ሙደረሲንነ ነኣህሎም ህሌነ።። ማጂስተር ለበጽሕ። ዲብ ዲግሪ ለበጽሕ። ወእተ ትወቀለት ተዕሊም እግል ሊጊስ ለቀድር እበ መርሓለት እንወዴ ህሌነ።። ክምሰልሁመ። እምብ’ለ ናይ TTI ወ ዲብ ማይ ነፍሒ ለህሌት ክሉየት። ብዕድ ድራሳት ገብእ ህለ።። ከፎ ነኣደቅቡ ወዝያደ ሙደርሲን እንረክብ ልትሸቄ ህለ።። እትለ መጽእ ለህለ ስኒን። ምን እሊ እንዴ ትኻረጅነ። ውላድ ዐድነ ኖሶም ለለኣደርሱ እበ ገበይ ክም እንብጽሕ ሸክ ኣለቡ፣” እግል ሙደርሲን ልትሀየብ ለህለ ተእሂል እት መቅደረቶም ኣክል ኣዪ ተቅዪር ለኣመጽእ ህለ? አሰይድ ሙሰ።- “ተቅዪር መናህጅ 4-5 ሀደፍ ቡ፣ ሐቴ ምነ ሀደፍ ተጥዊር ሙደርሲን። ወዲብ ተድሪስ ለህሌት ቅወትናተ።። እግል ንጠውረ። ወተጃርብ ለትትረከብ እበ ገበይ እግል ኒዴ። ሐቴ ምነ ኽጠት ዋድያመ ህሌነ።። ሙደርሲን ለነኣደርሶም ለህሌነ። ኣስክ እለ መርሓለት መተወስጠት ባጽሓም ለህለው ዲፕሎመ ለይዐለት እግሎም ክሎም ደርሰው ኣው ዲብ ድራሰት ህለው።። እት መርሐለት ካልአይት መሻክል ኢዐለ እግልነ ተቅሪበን ምን ምእት ወለዐል ክሎም ድግሪ ለበም ቶም ፣እሎምመ እግል ማጅስተር ለረክቦ እበ ብዝሐም ከርጅ ለአድረስናሆም ሀለው ።አዜ ከማን እብ ናይ ከረስኮብ ለአድረስናሆም ህለው ።በርዱ ደረጀት ማጅስተር ዲቡ ልትርኤ ህለ፣ወ እተ ደረጀት እብትደእየት ለህለው ለከሜሀ ደረጀት ሰርቲ ፍኬት ናይ ቲቲኣይ ለኢረክበው መዳርስ ዲብ ደብእ ተእሂል ገብእ እግሎም ህለ፣ እምበል እሊ መደሪሲ’ነ ሰሚናራት ዎርክ ሾፓት ልትሃየቦ ምስል

አሰይድ ሙሰ እሊ ክትብ ሐዲስ። ደረሳይ ለሸርክ እቱ ተዕሊም ለገይስ ተኣሂል ልትሀየብ፣ መዳርስ እት ልደባእ። እያ’መ እጃዘት ክልኤ አልፍ መደርስ እት ሸሀር ወሰር አው ክልኤ ሸሀር ሙደርሲን ህለው እግልነ ተእሂል ለነስኦ፣ እምበለ ዲብ ኣማክኖም እንዴ ገብኣው ነስእው ለህለው ታእሂል፣ ፈእብሊ ተቅዪር ኣመጽእ ህለ፣” ህግየ እም እት ዐቦት መንሀጅ ታዕሊም ሚ ዶር በ? አሰይድ ሙሰ።-“ህግየ እም እግል ትጠወር ገብኣት ምን ገብእ። ክሉነ እግል ንሽቄ እበ ብነ።። እለ ስያሰት እለ። በድሪ ቀደም ተሕሪር ጀብሀት ሻዕብየት ትተባዐ ለዐለት ተ።። ወዲብ ኣያም ሰውረት ለዐለ እግልነ መዳርስ ሰነት 1976 ለኣምበትናሀ ስያሰት ተ።። ወዐደድ እምካንየትለ ስውረት ህዬኒ። ክሉ ዶል እበ ትፈናተ ሉቃት እም መዳርስ ወተድሪስ ወክቱብ ተጅሂዝ እንዴ እምብል እንሸቄ እቡ ጸንሐነ።። ሐቆ ተሕሪር እተ ለትወቀለት ደረጀት ባጽሐም ህሌነ።። ወክለን እለን 9 ቀውምያትነ ዲብ መርሓለት እብትዳኢየት ነኣደርስ እበ ህሌነ። ክቱብ ጃሀዝነ እግሉ።። እለ ዐባይ መንፋዐት ሀይበት ህሌት።። እግል ትትጠወር ገብኣት ምን ገብእ። እለ ሉቀት እም እግል ተኣድርስ እበ ብከ። ተኣደርስ እበ ህሌከ ምን ገብእ። ክቱብ ትጅህዝ ወመናህጅ ትወዴ እግሉ። ወደረሰ ሉቀቶም ከም ደርሶ ትወዴ እቡ። እብሊ ኣስሉብ እሊ ህዬ ስቃፈት ትጠወር። ወለዓዳት ወተቃሊድ ናይለ ሸዐብ ልትሐፈዝ። ሰበት ኣዳም ከትበ ህለ። ወለሉቀት ትትጠወር ህሌት። ዲብ መጃል ተዕሊም ሐቴ ምነ እብ ፍንቱይ ለልትረኤ። ተጥዊር ሉቀት እም ቱ፣ ወተጥዊር ሉቀት እም ደሩሪ ቱ።። ለስያሰት ንተባዐ ለህሌነ ዓዳትለ ዐድ እግል ንዕቀብ። ክሉ ሸዐብ ሞጦር ሕድ ሐቅ ቡ እግል ኒበል። ቀውምያቱ ሉቀቱ ለትትጠወር እበ ገበይ እግሉ ራዔከ እግሉ ምን ገብእ። ወክሉ መጦር ሕድ እንዴ በጥረ ክሉ ለልትነፋዕ እበ ምን ከይራተ። ወእተ ስያሰተ እግል ልሻርክ ገብኣ ምን ገብእ። እበ ሉቀቱ ዲብ ተኣደርሱ ወእዕትራፍ እግለ ሉቀቱ። ቀውምያቱ ወእግለ ስቃፈቱ ዲብ ትሀይብ ቱ ለትወድዩ።። ሐቴ ምነ ዐባይ መጃላት ህዬኒ ዲብ ታዕሊም ተ።። ክሉ በጽሕ እበ ክሉ ደረሰ ዲብ ገጽ 10 ልተላሌ

17 ዩንዮ, 2009

መሐመድ እድሪስ

ሕርየትነ ግድላሀ መሪር። ገበየ ረያም ወዐውለ ቃሊ ቱ! ጄሽ ሸዕቢ እብሊ ህጁማት እሊ ኢትገሰ። ህጁማቱ ዲብ መዳይን ወብሩር አዜደዩ። ሰእዮብ ዐውቴ

ሸዐብ ኤረትርየ ወሰከ። ጄሽ ሸዕቢ ምን ዳይም ድፍዓት ወኬንመ አባዩ እግል ለአድምዕ ክምሰል ቀድር ሸክ ኢገብአ፣ ሰነት 1984 ምን ሰልፈ ዲብ ደንጎባሀ ዐውቴታት እንዴ ትሰርጌት ተመት፣ “ዐውቴ ስነይ ወቅብለት ሳሕል። አባይ ወዴናሁ ገረድም። ገረድም” ለትበሀለ እቱ አውካድቱ፣ ሰነት 1984 ግራሀ ክምሰል ሀበት ወሰነት 1985 ክምሰል ትከፈለት ጄሽ ሸዕቢ ለናይ ተሕሪር መዳይን ህጁማቱ አተላለ፣ ዲብ ዮም 7/7/1985 ዲብ ኢትትረዴ ወኢትትቀደር ትትበሀል ለዐለት ባርንቱ ሻፍፍ ለዐለ ጄሽ ዐዶ እንዴ ገልሐ ባርንቱ ሐረረ፣ ባርንቱ ሐቴ ምነ ዲብ ሰነት 1978 ለኣኢተኦአወተ ጀርቤ ለገብአ ዲበ ዐለ፣ እተ ወቅት ለሀይ ጄሽ ሸዕቢ ምስል ደቅብ ጄሽ አባይ ለልትመጣወር ሰበት ይዐለ። ባርንቱ ምነ ሑዳት ለኢተሐረረየ መዳይን ኤረትርየ ምንመ ዐለት። ሐቆ 8 ሰነት ለታ ጄሽ ሸዕቢ ዲብለ ገብእ ለዐለ ወራራት

እንዴ ትሰሐለ ወደቀበ ሰበት መጽአ። ለናይ ሰነት 85 ህጁም ባርንቱ ላታ ምን ስዖታት ይሐልፈ፣

ሐቆ ተሕሪር መዲነት በርንቱ። አባይ ረአስ አሬር ሰበት ሀንጦጠለ። ወባርንቱ ህዬ እግል ጄሽ ሸዕቢ ለትወጤት እስራተጅየት ሰበት ተሀሌ እግለ። አባይ

ጄሽ ሸዕቢ ምን ባርንቱ

ተሕሪር ባርንቱ ኢትወሐጠ እግሉ። ምን ከለ አቶብየ ወምን ገሌ አርካን ኤረትርየ ሀለ ለልትበሀል ጄሹ ወጥዋሩ እንዴ ጎረተ። ባርንቱ አው ሞት ለቤለ ዲቡ ሐርብ ሞት

እት 8ይ ወራር ለትሰለበት ድባበት ኣባይ

17 ዩንዮ, 2009

ወሐዮት ወደ፣ ለባርንቶ እግል ልብለስ እብ እንክር ሻምብቆ ወማይላም ገብእ ለዐለ ትሉሉይ ሐርብ ህዬ

እት ረአስ ጄሽ አባይ ከሳር ክቡድ ሰበበ፣ በራጊድ ኦሮ ከም ወበራጊድ ኦሮ ለዐሬ፣ ላሊ ወአምዕል ለይለአትካርም ሐርብ ፍንጌ ጄሽ ሸዕቢ ወጄሽ ዐዶ እግል መደት ወርሕ አተላለ፣

እትለንስሕብ (1985)

ጄሽ ሸዕቢ ክልዶል ለደርቡ ወትረሽዱ ለለአምር። እብለትራየመ ንዳል ዐውቴ ክምሰል ትመጽእ ለለአምን። ሐቆ ህጁም እንሰሓብ ወሐቆ እንሰሓብመ ህጁም ክምሰል ለሀሌ ዲብ አርወሐቱ ለደምን ወዲብ ደንጎበ እበትራየመ ግድለ አባዩ በረግዕ እንዴ ወደ ዲብለ ናይ ካቲመ ሀደፉ ክምሰል በጽሕ ሸክ ሰበት ይዐለ እግሉ፣ ከሳር ጄሽ አባይ ተሕሪር ባርንቱ ወሐቆሁ ለአተላለ ህጁማት ወድፈዕ።- 4200 ማይታም። ዝያድ 6000 ሕኩራም።ወ1050 ህዬ አሲሪን አክሰረዩ፣ ምን መምተለካትመ። 15 ደባበት 9 ናይ 122 ሚሊሜተር ጥውር መዳፍዕ ለብእቱ የም ለአለቡ አስለሐት።

ሄራር ጄሽ ሸዕቢ እግል መካይን። ወጥውር ኣላት እትሳላት ትሰለበ፣ 2 ሚግ 21 ጥያራት ሐርብ። 17 ደባበት። 5 ድሩዓት። 4 ናይ 122 ሚ.ሜ. መዳፍዕ 7 ዙ 23 ረሻሽ ወ 55 ለትፈናተ መኣክይን ህዬ ደመረ ምኑ፣ እሊ እግል ንዛም ደርግ ለዐበ ከሳርቱ ለዐለ፣ ጄሽ ደርግ ዲብ እሊ ሐቆ እንሰሓብ ለገብአ ህጁማቱ ወቅብላት ወራራት ጄሽ ደርግ ለወደዩ ሕሩባት ስሙድ። እስትዕማር ክምሰል ምን ቅርዱ ክምሰል ለሀንቀልቅል ወደዩ፣ እብ ፈድል እሊ ልትረከብ ለዐለ ዐውቴታት ሰውረት ኤረትርየ ዲብ ከደነ ደውለት ገብአት፣ ዲብለ ሓጥጥ ድጌሀ መሳንዕ በኔት። ገራጃት ወመአሰሳት ዓፍየት ወተዕሊም ጠወረት፣ ጄሽ ሸዕቢ ሐቆሀ ዲብ ድዋራት ባርንቱ እንዴ አውተደ እግል ዝያድ ወርሕ ለአተላለዩ ህጁም ወህጁም ምዳድ እት ረአስ ዐዶ ቅያስ ለአለቡ ከሳር እንዴ አጅረ እግል ዶሉ ምነ ጻብጡ ለዐለ ባርንቱ ወድዋራተ እግል ዝያደት ደማነት ወዐውቴ እግል ለአንስሕብ ቀረረ፣ እንሰሓብ ምን ባርንቱ እግል አባይ ናይ ዶሉ ጭሮርሕ ትንፋስ ሀበዩ። አፉሁ እንዴ መልአ እግል ለአደፋርስ ሰደዩ፣ እብሊ ለትናየተ ጄሽ አባይ አዜመ ክመ አመሉ ወራር እግል ለሀርስ ትባደረ፣

ተሕሪር ባረንቱ (1985) 8ይ ወራር።8ይ ወራር (ወራር በሕሪ ነጋሽ) እግል ለሀርስ አትናየተዩ፣ ደርግ አዜመ ምነ ቀዳም ፋሽል ወራራቱ ኢደርሰ፣ ጄሽ ሸዕብየት ክሉ ዲብ በርከ ለሀለ ሰበት አምሰለ ህዬ እብ ርደእ-ርደእ ወሰዔ-ስዔ አስክ ጀብሃት ነቅፈ ወቅብለት ሳሕል ትባደረ፣ ጄሽ ሰውረት እንዴ በድረ ዲብለ ዔጻት ሰውረትነ ላቱ ድጌነ እግል ልእቴ፣ እሊ ወራር እሊ ዲብ ዮም 10ኦክቶበር 1985 አምበተ፣ ሳምናይ ወራር አስክ ዮም 4ዲሰመበር ሰነት 1985 እብ ሰልሲቱ ጀብሃት በህለት ቅብለት ሳሕል። ነቅፈ ወሐልሐል አተላለ፣ ወሐቆ ናይ ስሙድ መዋጀሀት ህዬ ለቀዳም ሐው ዐረ። ጠንሸ፣ ለእብ እንክር ቅብለት ሳሕል ማጽእ ለዐለ ጄሽ ዐዶ ዲብ ግርበት ሰነት 85 ኖሱ እብ ላሊ ጨልቀ ምነ፣ ከሳር አባይ ዲብ 8ይ ወራር።- 6407 ማይታም። 9928 ሕኩራም። 142 አሲሪን ከስረ፣ ምን መምተለካትመ። 7 ደባበት። 1900 ምግባይ ወከፊፍ አስለሐት ትሰለበ ምኑ ወ15 ደባበት ህዬ ጨበል ርንቦ ገብአየ፣ ወእብሊ ለዲብ ሰነት 1978 ለአምበተ ወራራት ደርግ ካቲማሁ እብሊ ወራር እሊ ገብአ፣ ሐቆ ሳምናይ ወራር ህዬ ለቴለል ከፎ ገብአ?

ልተላሌ

5

ዘህረ ዐሊ አውኪር። “አቦቼ ዳፍአት። ለትመጽእ ሰንበት ንኢሽ ክሊነ ውላድ እሊ ደገ ዲብ ሐቴ አካን እግል ንትፋገዕ ወአምዕል ሹሀዳእ ምስ እግል ንዘከረ ስቱታም ህሌነ፣ እሊ ህዬ እብ መናሰበት አምዕል ናይለ ፍራስ ሹሀዳእነ እንወድየ ህሌነ፣ ክመ ክልዶል እንቲ ለተሐብሪናቱ ወትዳጊሙ እግልነ ክምሰልሁመ ዲብ መድረሰት ለእንደርሱ አምዕል ሹሀዳእነ ምን ክሉ አምዕሎታት ለቀሌት አምዕልተ፣ ሰበት እሊ ሕነ ለዋልዴንነ ህለው ምስል እሎም ለዋልዴኖም ጀላብ እለ አምዕል እለ ቤዛነ ለሐልፈው እግል ንዘከረ ወምስሎም እግል ንግመል እንዴ እንቤ ስታት አፍገርነ፣ ህቱ ህዬ ክሊነ ዐስ-ዐስር ነቅፈ እንዴ አትፋገርነ። ዐሲር። በስከዊት ወሐለዋት እንዴ ትዛቤነ ምስል እሎም ዲብ ከብድነ ለህለው ውላድ ፍራስ እግል ነዐይደ ናውያም ህሌነ፣ እምበለ ናይነ ሸምዕ ህዬ እግል ክሎም ሐት ሐቴ ሸምዐት ዙቡያም እግሎም ህሌነ፣ ቀደም እለ እንርሕም ዲቦም ወንትመሳነዮም ዐልነ፣ አክለ ዲብ ነዐቤ ጊስነ ከእንዴ እንፍህም ወመስኡልየት ዲብ ትትሰምዐነ እንገይስ ሰበት ህሌነ። ምስለ ስናትነ እንዴ አምሐበርነ ወዐልነ ወተሃጀክነ ምን ገብእ። ሕነ ዐቅልነ ልትረየሕ ወመልህያምነ ግድዔ ኢልትሰምዖም፣” አቦቼ ዳፍአት። “ዲበ ሐልፈ ሸሀር ዒድ ሕርየት ዐየድነ፣ ሕርየት እብ ከአፎ ክም መጸት። ሚ መስደድ ክም ዐለ። ወሚ ሓለት ክም ተዐዴነ። ወእት ኣክር ሕርየትነ ክም ረከብነ። ለዘት ሕርየት ህዬ ከአፎ ክምተ ምስል እስትዕማር ዲብ ትትቃረን ሓኬኮ እግልኩም፣ ሕርየት ላኪን ብላሽ ክም ኢትትረከብ ኣምራም

አውኪር ወአቦቶም ዳፍአት

ህሌኩም፣ ሕርየት ዐውላ ቃሊ ወለዘተ ጥዕም ተ፣ 24 ማዮ ህዬ ፍሬ 20 ዩንዮ ተ፣ ዕስራ ዩንዮ ምን ኢተዐሌ 24 ማዮ ወኢተዐየደት ውላጄ አውኪር፣ ፍህማምዬ ህሌኩም?

አውኪር። “ማዮ ቀደም ዩንዮ ኢኮን ሀለ አቦቼ ዳፍአት እብ ከአፎ ትቃዪሮም ህሌኪ? አቦቼ ዳፍአት። “ለሸሀር ኢኮን ለእሉ እቃይር ህሌኮ ወልዬ ብድሆ፣ ለፍሬ አው ፍገሪት ናይለ አምዕል ተ፣ እንዴ እግል እታሰአለኩም። 20 ዩንዮ አምዕል ሚ ተ? አቦቼ ዳፍአት። 24 ማዮ ህዬ አምዕል ሚ ተ? አውኪር። ሕርየት፣

አምዕል

ዒድ

አቦቼ ዳፍአት። አይወ ውላጄ አውኪር፣ ሕርየት እብ ቀላል ኢትረከበት እንቤ ኢኮን፣ እስትሽሃድ ሐቆ ይሀለ ሕርየት እብ መቅጠን ብሩድ ኢትትረከብ፣ ሕርየትነ ህዬ ህያብ ቅረዲት ኢኮን፣ ፍሬ መሪር እስትሽሃድ ወከዐይ ደም ቀይሕ ተ፣ ምን አስተሽሀድነ ሕርየት ረከብነ፣ እስትሽሃድቱ ለሕርየት ወልደ፣ ሰበት እሊ አምዕል ፊቃዶ ሹሀዳእነ 20ዩንዮ ተ፣ አምዕል ዝክረት ሕርየት ህዬ 24 ማዮ፣ ሰበት እሊቱ 24 ማዮ ፍሬ 20 ዩንዮ ለእቤለኩም ተ፣ 20ዩንዮ እግል ትግበእ ለትሐሬት እቡ አስባብ ህዬ ተአሙሩ ማሚ? አውኪር። 24 ማዮ ኤረትርየ ለትሐረረት ዲበ አምዕል ክምሰልተ ነአምረ፣ እለ 20 ዩንዮ ላኪን አስክ አዜ ኢትሰአልናኪ እበ አቦቶ? አቦቼ ዳፍአት። ተአሪክ እብ ሐቴ ድግም ኢልትከለስ፣ አክለ ፈቀድኩም ከትሰአሎ

ውላጄ አውኪር፣ ክሉ ዕሎታት ስኒን ሕሩባት ብዝሓም ሹሀዳእ ነሀይብ ዐልነ፣ ዲብ ሳድስ ወራር ላኪን አባይ ክሉ ዴሽ ሰውረት እግል ለአብዴ ሰበት ትበገሰ። ክሉ ለሀለ እግሉ ዴሽ ወምነ ትመክረሀ ወትሰመመ አስለሕ እንዴ ከማከመ ክሎም ሰብ እኪት ሴድየቱ እንዴ ሓየበ ዲብ ጀብሀት ሐርብ ወጅሀዩ፣ ፋርስ ዴሽነ ላኪን ለመረ ወለትመክረሀ ክሉ ሰበት ለአፈሽል ዐለ እሊመ ወራር እሊ እብ ዐውቴሁ አፍሸለዩ፣ ዲብ እሊ ዶል እሊ ቱ ህዬ ለበዝሐው ሹሀዳእ ለደፍዐነ፣ ወ20 ዩንዮ ናይለ ሳድስ ወራር ለገብአ እተ ስነት 1982 ለድቁብ ወራር እብ እስትሽሃድለ በዝሐው ምን ሹሀዳነ ለፈሽለ እተ አምዕል ሰበት ዐለት ቱ። አምዕል ሱሀደእ እግል ትግበእ ለተሐሬት ወእት ክል ሖል

ደለ ክድናሀ ደም . . .

ምን ገጽ 8 ለአተላለ

እለ። እት ፍዓልየተ ሸክ ክም ኢሀለ እግል ሙጅተመዕ ኤረትርየ ወዐለም እብ ደመን ወለህበተን አርአየ፣ ምንእነ (ለታርፋም ሀሌነ) ለትጠለብ ሀዬ እግለ ህተን ሐድገያሀ እማነት እንዴ ሓጠጥነ እንዴ ኢትገምም እብ ተማመ እትለ መጽእ አጅያል ሓለፎተ። ክምሰልሁመ ውላደን ወዋልዴነን ራዐዮት ወእብ ጭምብወ ክም ኢልሽዕሮ መትጻጋም ክምቱ ሐቆለ ፈሰረት። ሲስተር ባህጉ ዲብ ደንጎበ። እለ ራክባመ ለሀሌነ ረህየት። መሳዋት ወዓዳለት ዲመ እግል ትንበር ወእት ሰኔት እግል ትወስክ ክመ ብቀል ሸትል ርዕዮ ለአትሐዝየ ትቤ፣መስኡልየት ራዐዮተ

17 ዩንዮ, 2009

ሀዬ እተ አዜ ቀንጽ ለሀለ ጂል ተሐልፍ ሰበት ሀሌት አማነት ሹሀደ እግል ልትከበት እግል ንዐልሞ ወንሐብሮ ክም ወጅብ አትፋቀደት፣ እሊ ጂል እሊ እበ ሀለ ቴለል እድንየ ንየቱ እንዴ ኢለትሐጭር ወሰእየት እንዴ ኢበትክ ወጠን እት ብናሀ ወስያደተ እት ልሓፍዝ። ዐቦት ወመሳዋት እግለ ለሀንእ አፍካር እግል ልንከር ወጅብ፣ እግል ሕርየት ወስያደት። ጀለ መሳዋት ወዐዳለት እጅትማዕየት ውላድ ወአዋልድ ምስል ከድመው ወምስል አስተሽሀደው፣ አዜመ እሊ አግማም እሊ ኦሮ እንዴ ኢተርፍ ወኦሮ እንዴ ኢለሐልፍ ምስል ሸቀው ወአውቀው ምንገብእቱ ጋን ሹሀደ ለሰክብ፣ መራር ለኢለአምር

ለዘት ጥዕም እግል ለዳውር ሰበት ኢቀድር ቀዳምያም ለአስተሽሀደ እሉ ሀደፍ ወለከሀለወ መራር አክል ሕድ ክም ለአሙረ ወም’ረ እብ ደሚሮም ክም ለአዳውሮ እግል ኒዴ ብነ። ዝያድ ሀዬ አዋልድነ መሳዋትነ ኖሰን ሐቆ ኢሓፈዘየ እተ ወዋጅብ ዐውል ኢደፎአየ እተ ሐር እቅባለትመ እግል ለሀሌ ክም ቀድር እንዴ ኣመረየ እግል ልትጻገመ ሹሀደ እማተን ወሐዋተን እማነት ሓድጋት እለንተን፣እለ ሐቆ ትቤ ሲስተር ባህጉ ጊላጋብር። እት ረአስለ ሕኩመት ለተሀይበ ሰዳይት ለእት ዐድ ወኻርጅ ለሀለው ኤረትርዪን ዓይላት ሹሀደ እግል ልራዑ ነስእዎ ለሀለው መባደራት ኩሉ እግል ልትለዮ ለወጅብ ደሚር ለለሰክብ ውዳይ ስን ክምቱ ወደሐት፣

ሹሀዳነ ንዘከር እተ ለህሌነ፣ ሰበት እሊ እለ ዕለት እለ እብ ስሜት ናይ ክሉ ለዕሎታት ለብዕድ እግል ትትዘከር ለትሐሬት፣ አውኪር “ከ20 ዩንዮ ሚ

እግል ኒዴ ዲበ ብነ ትበይ አቦቶ?” አቦቼ ዳፍአት። “አዜ ህዬ ውላጄ አውኪር እንትም እብ ቅድረትኩም ታእሪክ ሹሀዳኩም እግል ተኣምሮ። ወአማኖቶም እንዴ ትከበትኩም ግራሆም እግል ትስደው መስኡልየትኩም ሰበት ተ ተረዶ፣ እለ ለእለ ነስአኩም ለትትሐመድ ምስዳር ተ፣ ምስሎም ዶል ትውዕሎ። ህቶምመ ዝያድ ክሉ እበ መሐበርኩም ገምሎ ወዋልዴኖም ለአስተሽሀደው እግሉ ሀደፍ ልፍህሞ፣ ወክመ እለ ትበው እብ ግድዔ ኢልሽዕሮ፣ አዜመ እግል እትፋኔኩም ውላጄ አውኪር። ዮም ሌጠ እንዴ ወዐልኩም ምስሎም ኢተሀሙሎም፣ ክልዶል ደለ ዲበ ልትሐገዞ አርትዕዎም፣ ዝያድ ክሉ ህዬ እንትም ዲብ ድራሰት ክልኢቶም ዋልዴንኩም ለአፍህሙኩም ገብኦ፣ ህቶም ህዬ ለዎሮሆም አው ክልኢቶም ሰበት ኢለሀሉ እግሎም ሰዳይቶም ምንኩም ተ፣ አትሐፉዞም፣ እብ ፍንቲት ዲብ እለ ከረም ክልኩም ምስል ሕፈዞ፣ እግል ሰነት ሓሪት ህዬ ምን አዜኩም ምስል እንዴ ገብአኩም ቅርኦ ወዛክሮ ረቢ ልስዴኩም ውላጄ፣”

ህግየ ወ’ላዲት ተ እትሊ ናይ ዮም ደርስነ። እብ first በህለት ሰልፍ ለትብል ከሊመት እንግሊዚ እንዴ ወዴነ ለትፈናታ ሕስቦታት እግል ንርኤቱ።እብ መአምበት first ለትብል ከሊመት ሰልፍ ክሉ ኣኽር ሸይ ለትብል መዕነት በ፣ Our athlete Zerisenai came first in the race. እምቤ ምንገብእ። አትሌት ዘርእሰናይ እተ ጅግረ አወላይ ፈግረ በህለት ተ፣ came first አወላይ ፈግረ፣ እት ብዕደት ሕስበት ኣትየት ምንገብእ ህዬ። እብ አወላይ ደረጀት ለትብል መዕነት ተሀይብ፣ I will came out later. I must finish my home work first. ሐሬ እግል እፍገር ቱ። አሰልፍ ላኪን እተ አወላይ ደረጀት ዋጅብ ቤቼ እግል አትምም ብዬ፣ where did you first meet your husband? ኣምቤ ምንገብእ ህዬ። እግል በዐል ቤትኪ ምዶል ቱ እግል ሰልፍ ወክድ ለኣመርክዩ ለትብል ተርጀመት በ፣ አው ኣብ ብዕደት መሰል ሐቆ ረኤናሀ አነ ኖሼ እትለ ጀሪደት ክእነ እግል ኢበል እቀድር። In this Newspaper, there are many people I would like to thank, first, …Kalshum/ Mohammed/ Abuharis/ wed mender etc.. እትለ ጀሪደት እለ ብዝሓም እግል ሐምድ እፈቴ። አሰልፍ ላኪን ከልሹም/ መሐመድ/ አብሐሪሽ ወድ መንደር ወለመስሎም፣ ወለመስሎም እግል ኒበል ሐቆ ሐዜነ ህዬ first and foremost ለልብል ተዕቢር እግል ንትነፈዕ እንቀድር፣ I a writer but I am a journalist first and foremost. አነ ካትብ ምንመ አነ። ዝያደት ክሉ ላኪን ሱሕፊ አነ፣ ዲብ እለ እግል ነኣመረ ለብነ ለገብአ ልግበእ ሽእ ሙባሽር ረኤካሁ አው ሰምዐካሁ አውመ ኣመርካሁ ምንገብእ። first hand: ክ’መ ህሌት እንዴ ኢትቀይር ዶል ትትነፈዕ እባ ቱ፣ he gave me a first hand information. ህቱ መዕሉማት ሙባሽር ሀቤኒ። ሰበት እሊ። I was the first to hear about the matter. ለከበር አወላይ ለሰምዐኩው አናቱ ለበህለት ተ፣ እብሊ አስሉብ እሊ እንግሊዝ እግል ንድረስ ምን ነአሰብዴ ብዙሕ ወክድ ዋድያም ህሌነ፣ but first of all I have to be very grateful the Tigre Newspaper. ቀደም ክሉ ላኪን እት ጀሪደት ትግራይት ለህሌት እዬ ሕሽመት ሰኒ ወቅል ክምተ እግል ኣምር ብዬ፣ ግርማይ ደበሳይ አስመራ

6

እዋን ፊቃዶ ደሚር ወሰኣል ነፍስ

አቡከ አየ ሀለ? አስተሽሀደ፣ እግልሚ? እግል ወጠን፣ ሑከ ህዬ አየ ሀለ? አስተሽሀደ፣ እግልሚ? እግል ወጠን፣ ሕትከ አየ ህሌት? አስተሽሀደት። አስተሽሀደ። አስተሽሀደው፣ እት ክል ዓኢለት ኤረትርየት ለህሌት ድግምተ፣ ክል ቤት ልብዘሕ-ልውሐድ እግል ሕርየት ተመን ቃሊ ደፍዐት፣ እብ ስድፈት ለአቴከ ዲበ ቤት ዲብ ብናሀ ዶል ተአቀምት። ናይ መድሐራት ሱረት እንዴ ኢትገብእ ናይ እስትሽሃድ ሸሃደት ተ ለእለ ትርኤ፣ እለ ቤት እለ ከም ለገብኦ ገብእ ደፍዐት እት ትብል

ክለ ወጠን ቱ፣ ዝክሩ ወታርፌሁመ እት ሐቴ ዓይለት ለተርፍ ኢኮን፣ ፍዘ ወጠን ሰበት ሐልፈ እብ ክል-ሙዋጥን ልትፍቀድ፣ እት እዲነ ለቀሌት ሓጀት አርወሕ ተ፣ ክምስለ ብዙሕ እዋን ለትበሀለ ቅያስ ወዕስመ አለበ፣ ወድ ሚን ኣደም እግል ልትዓፌ ወሰኒ እግል ልንበር ቃሊ ወረኪስ እንዴ ደፍዐ አርወሐቱ ራዔ ወከባክብ፣ እግል ስራይ ወዕላጅ ለነአበድዩ ወእንከስሩ ማል ለቀለ ወለዐባቱ፣ ክሉ እብ ቅድረትነ እግል ንውደዩ ለእንቀድር እንወዴ፣ እግልሚ ርሕ ቃልየት ሰበት ተ እግል ንንበር እንዴ

ተሐስብ እንዴ ዐልከ ምን ሐዲስ አስከ ብነ ተአቀምት፣ ፈታይ ጼዋሁ ለዐለ አብ። ሰእየት ቤት ለዐለት እቱ ብክር መስኡልየት እግል ልርፈዕ ልዳሌ ለዐለ ወድ ሕደጋት እዴ። ፈዳቢት እም ዕያል እግል ትግበእ መስኢት ለዐለ እተ ድንግል ምን እሎም ዎሮት ወእት ሰሩ ህዬ ክልኦት…ሰለስ… አርበዕ ወዝያዳሁ ሐልፈው፣ ጀላብ እሊ ወጠን እግል እሊ ሸዐብ። ጀላብ እለ ሕርየት ወጀላብ እለ መስኩበት፣ እስትሽሃድ ላመ ዘዐተ ኖሰ ክብድት ተ፣ እብ ሰሓቅ። ትልህየ። ደአል። ሆርየ ወዕላል ኢኮን ለትትረፈዕ ወትትፈቀድ፣ ክቡድ ሜዛን ወተርጀመት ትድርት ብእተ፣ አክለ ሜዛናመ እብ ብላሽ ለትትረፈዕ ኢኮን፣ ለክልመት ዲበ ትፈቅድ ዲቡ ወክድ እብ ደሚርመ ምስለ እግል ትሄርር ለአስትህል፣ ምስለ ለልትጻበጥ አስማይ ሰሜ ዲብ ህሌካመ ደሚርከ እሎም ለልዘከር እግል ልግበእ ቡ፣ ፍላን ወፍላነት አስተሽሀደ አው አስተሽሀደት ዲበ ትብል እቱ። ፍላን ሀደ አው ፍላነት ተሀዴት እበ ትመስል ዘዐት ኢኮን ለልትነጠቆ፣ ስሜት ኦሮት ሽሂድ ዲበ ትረፍዕ ዲቡ ወክድ። ፍላን እብ ሐያቱ ምን ለሀሌ አየ ገብእ ወበጽሐ? አክልምን ገብእ ወህለ? እግልሚቱ ገብእ ህዬ ምን ፈትቹ ወስነኑ ለትፈንተ? ዲብ ትብል እግል ትፈክር ብከ፣ ክሉ ለአስተሽሀደ ነፈር ምነ ትፈናተ ዓይለት ቱ ለመጽአ፣ እስትሽሃዱ ላኪን እግል ሐቴ ዓይለት ሌጠ እንዴ ኢገብእ። እግል

እምቤቱ፣ ዕምሩ 100 ሰነት ለበጽሐ 120 ሰነት እግል ልውዴ እት ረቢሁ ልደዔ፣ ክሉ ዕምሩ እንዴ ፈነ ግራሁ ሐቴ ለይሐድጋመ ግሁፍ ዲብ እዲነ ሰበት ገብእ። ረቢ ዕምሩ እግል ለአዚድ ልተምኔ፣ ትምኔት ክሉ ወድ አዳም ህዬ ዕምሩ እግል ሊሪም እግል ልምበር ወልዳይም ለሐዜ፣ እስትሽሃድ ላኪን ቅብላት እሊቱ፣ ምን ቃኑን ክልቀት ወደሚር እንዴ ትባለሐከ። ፍዘ ብዕዳም እግል ትግበእ። ምን አጅል ብዕዳም እግል ትሕለፍ አርወሐትከ ጀላብ ርሕ ብዕዳም ትቤዜ ከሕኔት ዕምር ጥዉል አስክለ ዕምርከ ለለሓጭር ሀደፍ ትሄርር፣ ፋርስ ለእግል ፈርሀት ወሞት ለጋብህ ቱ፣ ፈርሀት ወሞት እንዴ ሸነከ ህዬ አምበል ሐመጣማጥ ለሐልፍ፣ ዮም ሐርብ ህለ ዲበ ልትበሀል እቱ ወክድቱ ምን እድንየ ለልሳረሕ፣ ፋርስ ሞት እት ልርእየ እት ልሰሐቅ አስከ ገንድል፣ ሕኔት ብዕዳም ኖሼ ኢሙት ልብል ከእብ ነፍሱ ልትበረዕ ወአርወሐቱ ቤዜ፣ እለ ብትክት ጎማት እለ ዲበ ነስእ እቱ ወክድ ህዬ። እት ደሚሩ ሚ ዐለ ገብእ? ለፈትዮም ውላዱ። ዋልዴኑ። ሐው። እም-ዕያሉ። አቃርቡ ወመሳኒቱ ህለው፣ እብ ዐባየ ህዬ አርወሐቱ፣ እበ ብዕድ እንክርመ ሸዐቡ ወወጠኑ ልትረአዩ፣ ህቱ ሐቆ ህለ ወጠኑ ወሸዕቡ ክም ኢለሀሉ። ህቱ ሐቆ ይሐልፈ ዐዛብ ክምሰል ኢተሐልፍ ሰበት ለአምር ላኪን። ለብትክት ጎማት ነስእ ከእት ልርኤ ወሰምዕ ለክሉ መክሉቅ

7

ተአፈርህ ሞት እንዴ ኢትነቅሙ ኖሱ ልሼበየ፣ እትሊ ሞት ወሐዮት እግል ትቀርር ለዐበ ፍርድ ክምቱ ሸክ ኢወዴ፣ አርወሐትከ እግል ሞት እግል ትፍረድ ህዬ ሚ ለትመስል በታከት ናስእ ክምምሰል ህሌካቱ፣ ምን ብዝሓም ኦሮት እግል ልትሐሬ። እግልሚ እግልዬ ለልብል ሽዑር እግል ለሀሌ እሉ ትታከዩ፣ ሰበቡ ምስል እተ እንገብእ እቱ ብዕድ ነፈር እንዴ መጽአ ኦሮት ነፈር እግል ልስዴኒ ሐዜ ህሌኮ ዲብ ልብለነ እብ ሸፋግ ለገይሱ አለቡ፣ አሰልፍ ሕድ ትገንሕ። ብዕዳም ብዝሓም እት ህለው እግልሚ እበይንዬ ለልብል ሽዑርቱ ክምሰልሁ ለወዴከ፣ ለልትላኬ ህለ ነፈር ህዬ ክልኤ ሰለስ ክም ደግመ ኦሮት ስቡል ፈግ እንዴ ቤላ ተለዩ፣ እለ ኦሮት ልስዴኒ ልትሌኒ ለትብል ዘዐት እት ሞት ዶል ገብእመ አክልአዪ ወደቀበት መስለኩም? ዐቢ እ’ለ ሰኒ ድቅብ ክምተ ላታ ሸክ አለቡ፣ ብዝሓም ላኪን ትባደረው እተ፣ ሽሂድ ጀላብ ብዝሓም አርወሐቱ ለቤዜ ወለመጤ ፋርስ በህለት ቱ፣ እብ አሳስ እሊ ሹሀደእ ኤረትርየ ምን ቅያስ ወለዐል ብዝሓም ቶም፣ አምበለ ክልዶል ለእንፈቅዶም ዲብ ጀብሃት ሐርብ ለሐልፈው ፍራስ። እብ አባይ ዲብ ልትዐዘቦመ ርሖም ለሰበለው ቅያስ አለቦም፣ ቀደም ንዳል ኩፈሕ ሙሰለሕ ወግራሁ ለአስተሽሀደው ላጽሓም ብዝሓም ቶም፣ እሎም ክሎም እት ቤዘ ወጠን ወሸዐብ ለሐልፈው ሹሀደእ ኤረትርያ ቶም፣ ሹሀደእ እት እምብል ንላከዮም ወዝያደት ክሉ ህዬ ለክብድት እማነቶም እግል ነአትምም ንትቀሰብ፣

ርሑ ለደፍዐ እግልከ ዕዳዩ እብ ሚ ትፈድዩቱ? ርሑ ለደፍዐ እከ ርሕከ እግል ትድፈዕ እሉ ወአስተሀለ፣ ምናታ ሹሀዳነ እሊ ዐቢ ዕዳይ እሊ ኢትሰአለውነ እቡ፣ እ’ለ ምን ኣመረውቶም አስክ ሞት ለትባደረውነ ወእግል ነሀሌ ርሖም ለቤዘው እግልነ፣ ምስለ ህቶም ለወደው እግልነ ዲብ ልትረኤ ገርዘ ናይለ እብ ፈድል እስትሽሃዶም እብ ሐያት ለህሌነ ሑድ ቱ፣ ክመ ህቶም ርሖም ለመጠው ርሕነ እግል ኢንመጤ ለመሐከውነ፣ ውሕደትነ እንዴ አተረድነ ለሰለመውናተ ወጠን እግል ንብኔ ወነዐምር። እብ

አባይ ምን ሐዲስ እግል ኢንትከየድ። ክምሰልሁመ ዓይላቶም ክም ዓይላትነ እግል ንርኤ። እማነቶም እብ ተስትህል እት መዓል እግል ነውዕል ወእብ ዐቢሁ እት ክል ምስዳርነ ወእት ክልበልሸምነ እግል ንፍቀዶም ወፈድሎም እግል ኢነአብዴ ለአስትህለነ፣ ብዝሓም ምኒነ ዕያሎም እግል ንብጸሕ ውላዶም እግል ንከባክብ ወንጣስስ ገለድ ኣትያም ሕነ። ለነቅሰት እግል ነአትምም እብ ዐቢሁ ህዬ ለከም ሀድየት ሀበናተ ወጠን እብ ውሕደት እግል ንዕቀበ ወንጠውረ ብነ፣ እት ቆልከ ኢሰበትከ እንዴ ትቤ ለትሸኬነ መሕከመት አለብነ፣ ምናተ ምነ ለተአኬ ናይ ደሚር መሕከመት ህሌት፣ እትሊ እት ገለድነ ለሐጠጥነ ህሌነ። ምን ገለድናመ ለንትሸኬ ኢንትሐገል፣ እት ገለድነ ሳብታም ለህሌነ እንወድዩ ለህሌነ ዋጅብናቱ፣ አግደ መስኒ አው መለሀይ ሽሂድ ዐልከ ምንገብእ። እግለ እበይነ ለተርፈት ቤቱ ምንከ ወኬን ለለቀምተ አለቡ፣ መሰለን አነ እስትሽሁድ ምን እገብእ ዕያልዬ ወዓይለቼ ከፎ ወህለው እንዴ እምቤ እግል ንጌምም እንቀድር፣ ሐቴ ቤት አርበዕ ርክን በ፣ እት ክሉ አርካነ ስወር ሹሀደእ ናይለ ምነ ቤት ለአስተሽሀደው አብ። ወል። ሑ ወእም ሐቆ ህለ። ለቤት ክምሰል እም ናይለ ሹሀደእ ምን እነሰአ። እለ ቤት እለ ለእም በህለት ለወጠን ተ፣ እሎም ሹሀደእ እሎም ምን ኢገይሶ ለወጠን ወኢህሌት፣ ወጠን ሐቆ ይህሌት ህዬ እብ ሐያቱ ለተርፍ ወኢህለ፣ ለግረ ክሉ ውላደ ለተርፈት ዋልዳይት ሬፍዓይ ለትሐዝየ፣ እት እማትነ ዶል ነቀብልመ ብዙሕ ለለትዐጅብ አዋይን እንረኤ፣ እግል መሰል ሐቴ ው’ላደ እግል ሕርየት ለትበረዐት ኤረትርየት ዋልዳይት ንየተ እንዴ ሓጨረት እንዴ ትከርከመት እግል ትንበር ትታከየ፣ እበአማን ላኪን እሊ ኢጸንሐ፣ ለዋልዳይት ግድዕት ወስፍልልት እት እንተ ክሉ ለሳደፈየ መሳድድ እንዴ ከሀለት። ግብእት እት እንተ ክም ኢግብእት

ወጅህ ባርህ እግል ተርኤ ትጀርብ፣ ምን ርሕመ ለፈግረው ውላደ ላኪን አካኖም ዐባይ ክምሰልተ ምን ከብደ እግል ትቅርኡ ኢትቀድር፣ ለልትለአክ እለ ጅነ ትትላኬ ዲብ ህሌት እንዴ አትሐተፈት ስሜትለ እት ከብደ ወደሚረ ተውስ ለህለ ሽሂድ ወልደ ትትላኬ፣ ምናተ እት ባካተ ክምሰልሀ አው ዝያዳሀ ዓኢለት አው ለደበአት ቤት ህሌት፣ ሰብአ አየ ምን ጌሰውቱ ገብእ ለደበአት? አስተሽሀደው፣ ከእለ ቤት እለ ናይ ምን ተ ገብእ ወእተየ ትትረከብ? ቤት ፍላን ወዕልታንተ እንዴ ትቤ እግል ትፈንትየ ኢኮን፣ ዓኢለት ኤረትርየት ተ፣ ዲበ ጊስካሁ ሽብር ወጠን ህዬ ትጸነሐከ፣ እለ ቤት እለ አው እለ ዓኢለት እለ እት ክል ሽብር ኤረትርየ ለህሌት ተ፣ ጀምዕ ናይ ክሉ ሽእ ነቲጀት ቱ፣ ዐውል ናይ እሊ ክሉ እስትሽሃድ ህዬ ሕርየት ቱ፣ እሊ ሸዐብ እሊ ሕርየቱ አክለ እብ ርምቅ ወቅረዲት ለረክበወ ኢኮን ለዘተ ለለአዳውር፣ አክለ ቃሊ እስትሽሃድ ለደፍዐናሁ እግለ እግል ንርአየ ብነ፣ ሹሀዳነ ዲብ 20 ዩንዮ አው 24 ማዮ ሌጠ ኢኮን ለእንፈቅዶም፣ ማሌ ሹሀደእ ደፍዐነ አምዕል ሹሀደእ ተ፣ ዮምመ አምዕል ሹሀደእ ተ። ፈንጎሕመ እተ ክምሰልሀ፣ ዮም 20 ወርሕ 6 ሌጠ እንዴ ኢገብእ እት ክል ዮም። ወርሕ ወሰነት ቶም ለአስተሽሀደው፣ እሎም ሹሀደእ እሎም ህዬ እት ክል ደቂቀት ወሳዐት እግል ልትፈቀዶ ወልትዘከሮ ቦም፣ ሹሀዳነ እብ ዕላል ወሆርየ እንዴ ኢገብእ እብ ደሚር ወፍዕል እግል ንፍቀዶም ብነ፣ እብ ፈድለ ሹሀዳነ አርወሐቶም እንዴ መ’ጠው ለሄደውናተ ሕርየት። እንሸንን ወንትሐበን ህሌነ፣ እብ ፈድሎም እት ሰላም ወመስኩበት እነብር ህሌነ፣ ለህቶም ተክለወ መንዴረት ሐንቴ ጽላለ ነዓዝል ህሌነ፣ ፈድሎም ምን አልባብነ ወደሚርነ ኢበዴ። ሹሀዳነ ቃልያም። ሹሀዳነ ሕሹማም ሹሀዳነ እት አልባብ ክልናቶም፣ ዝክር ዲመ እግል ሹሀዳነ፣ አብረሃም ተስፋልኡል

17 ዩንዮ, 2009

ከልሹም መሐመድ

ደለ ክድናሀ ደም ሽሂድ በ ሓይሳም ቄርአት ጀ.ኤ ሐ. ምስል ሲስተር ባህጉ ጊላጋብር እት ውዛረት ዓፍየት ዕዱ በናመጅ ዳፍዖት ቲቢ ወኤች. ኣይ.ቪ እት ክልኦት አርእስ ሀደግነ፣ አዋልድ አንሳት ወምህነት ለኸስስ ክምሰልሁመ እብ ሰበት እስትሽሃድ እብ ዕን አንሳት ሙናድላት ለለርኤ፣ እትለ ናይ ዮም ጥብዐት እብ መናሰበትለ እለ ፈጅር ሰንበት ንኢሽ ለትዘከር ምዕል ሹሀደ እተ ካልኣይ አርእስ ለወዴናሁ ህድግ ካትባም ሀሌነ፣ ለአወላይ አርእስ ሀዬ እት ጥብዐት ሓሪት እግል ንቀድሞቱ፣ ክል ዕጨት ወእመነት ሽሂድ ብነ ሐንቴሀ ምን ቤለ ፈናን ሙሰ ሳልሕ ሐቁ ወገበዩ ሀለ፣ እለ ኣርደት ኤረትርየ ደም ለኢቀጥረ ወዓጭም ለኢትፈርተተ እተ አኬነት በ ምን ልትበሃል እግል ትዕሺሽ ሌጣ ቱ፣

ሲስተር ባህጉ ጊላጋብር

ሲስተር ባህጉ ጊላጋብር ሙናድለት ሰነት 1977 ተ፣ መዕነት እስትሽሃድ ከአፎ ወሸርሐክየ እምቤለ “አነ ክንዶእ ለእባቱ እለ ’’መስዋእቲ ዋጋ ናይ ሓርነት እዩ ኣብ ቃልሲ “ለትብል ሕላየት ብዙሕ እፈትየ፣ ማሌ ቅሩብ እሎም መሻቂቼ እብ ክርን ልግበእ ወእብ ፋጻ ሓቴ ምዕል እንዴ ኢትቢለ ውዕለት ይእንቲ ልብሉኒ ዐለው፣ ኣነ መዕነት እስትሽሃድ እብ ከሊማት እግል እውሰፎ ይእቀድር፣ ሀለዮትነ እብ ኢሀልዮቶም (ሹሀደ) ተአከደት፣ እሊ እግርነ እንዴ መልአነ እንገናድል እቱ ለህሌነ ሸዋርዕ። እተ ምን ለዐል እንርእዮ እቱ ለሀሌነ ጨበል እው ቅጥራን እግል ንብዴ አለብነ። ለጨበል ኖሱ ደም ወዓጭም ሹሃዳ ቱ፣” እት ትብል አደሐ እት መዓለ ወላሊ እት ሕልመ ዲመ እት አልባበ ክም ሀለው ወእማነቶም እግል ትሓጥጥ ገለድ ለኢበሌ ክምበ ሸርሐት፣ ሹሃደ ኤረትርየ ሻቦም ወሽያቦም አንሶም

ወተብዐቶም ደሞም ሀድር ኢበደ። ዮም እለ ሕነ እብ ፈድሎም ረኣስነ እንዴ ረፍዐነ እንገንድል ህሌነ ዲብ ትብል ዕንታተ መልእ ወሸርብ ዐለ፣ ሲስተር ባህጉ ጊላጋብር እት ጀሃዝ ዓፍየት ጀብሀት ሻዕብየት እት ጀብሃት እማም ምን ገብእ ወእት ምግባይ ሕክምነ ሸቄት፣ ሽባን መለምል ሐንገሎም እብ መዳፍዕ እንዴ ትፈጭፈጨ አርወሐቶም ሰበት ኢፈግረት “ሕክምነ ምን ባጽሑ ላቱ ለሐዩ” ምነ ትብል ሰእየት መልሂቶም እንዴ ጾረዎም ሕክምነ ክም አብጸሐዎም እግል ልድሐኖ ዲብ ትትዐላበጦም እት እዴሀ ለጠልመወ ሑዳም ሚቶም፣ ለፍራስ እት ገጽገጸ ልትጋየሶ ክም ሀለው ሀዬ ምንለ መትረባብ ገኖበተ ወማልኦት ዕንታተ እግል ትትአከድ ትቀድር፣ ለቀለ እስትሽሃድ ኣርዋሐት ለዲመ ኢተአቀብል ሂበት ምንማቱ እት ወልወል ለዐል ዲብ ሀሌከ ለልትደፈዕ እስትሽሃድመ ዶል-ዶል እግለ ትደፈነው ለለአረቅብ እግል ልግበእ ቀድር፣ ሲስተር ባህጉ ክመ ትብሎ። ለጀለ ሕርየት ወመሳዋት ምን አንሳት ለትጠለበ እስትሽሃድ ዝያደት ቡ፣ ጀ.ሸ. አዋልድ አንሳት አክል ውላድ-ተብዕን ሐቀን ወዋጅበን እንዴ ኣመረት እለን እግል ልናድለ። ልትሓረበ ወለአትሓርበ። ልነዝመ ወልምረሐ። ልዐልመ ወልሕከመ ቅድረት ክምበን አፍዘዐተን ወአትአመረተን እት ኩሉ መጃላትለ ንዳል ክም ሻርከ ሀዬ ወዴተን፣ ህተንመ ለገበይ ክም ተጠለቀት መሳዋተን እብ ሽቅል እት ዐመል እግል ለአርእያሀ ከሊማት ለኢልትካብብ እሉ አንዋዕ ምን እስትሽሃድ ጠልበ ምነን፣ “እት ንዳል ኩሉ ጅንስ

መዓበዪ ኣጀኒት ሓወልዕ (1980)

17 ዩንዮ, 2009

እስትሽሃድ ትደፈዐ፣ ክም ኩሎም ሐወን አርወሐተን ቤዘየ፣ ጠቢዐትመ ንዳል ሐዜተን፣ አንሳይት እግል ትክሀሎ ለኢልትሐሰብ ዝሩፍ ከሀለየ፣ ጅነ እት ርሕመን። 300 ረሳሰት ለቡ ክፉፍ እት ሕቀተን። መንዱቅ እት መርከበን መልሂተን እግል ኢልትወቀጾ ግራሆም እንዴ ኢተርፈ ለአስተሽሀደየ ሕዳት ሚተን” ትቤ ሲስተር፣ አማንተ ዐምሳት እንዴ ገብአት እለ ትሸነህኮ ወእለ ጼኔተኒዲ ልጽናሕ እነ። ዕርፍ ወከሬርመ ክም ኢናየ እንዴ ረኤቶ ምነ እግሉ ፈግረት ሀደፍ። ንዳል ወቅታል ጀለ ተሕሪር ኤረትርየ ሐር እግል ኢተአቅብል ከእግል ኢትገሴ ክመ ፉፊት እግል ትትመሰልቱ ለትጻገም፣ ለእት ርሕመ ራፍዐቱ ለሀሌት ጅነ አስክ ኖሱ ለአስእል አውመ አስክ እስትሽሃድ መጽእ እግል ኦሮመ ኢተአስእል፣ ዐምሳት አነ ወምን ድፈዕ ክረዉኒ ዔብ እታተ፣ ለእብ ሐያትከ እት ሀሌከ ለልትደፈዕ እስትሽሃድ አንሳይት እት ረአስለ ክም አመተ ለትርእየ ሓለት ንዳል “ ምን ሽፍረ እንዴ አሬመት እት ከደን ዲብ ሐወ እግል ኢትትሐበር ለሀለ ጨቅጥ ናይለ ሙጅተመዕ ወእሊ መሓለኪት እንዴ ባተከት እግል ተአድምዕ ክም ትቀድር እግል ተአርኤ ወተትአምን ለሀለ ተሐዲ። ወለት እት ንእሸ እግል ትትገብሸልበ። እግል ትትገልበብ ወትሰተር በ ለልብል አፍካር ሙጅተመዕ እንዴ ኢከረዐ ስለሕ ለረፍዐት ወለናደለት አንሳይት አነ እለ ምስዳር እለ እግል ኖሰ ክም እስትሽሃድ እርእየ፣ እት ዐርቀይ ሕጽኖት ሐድገየ ከናደለ ምን ልትበሀል የምክን ኢልሐድስ እትነ። አብእስተን እት ዐርቀይ ሕጽኖት ለሐድገየ ከሜዳን ለፈግረየ ላኪን አነ ብዝሓት አምር፣ ሙነዘማት ጀማሂር እንዴ ዐለየ ልበን አስክ ሜዳን ሱጉም ዲብ እንቱ እምበል ረዳሀን ክም ለአትሀድወን ሙናድሊን እተ ዐዶታት ዶል መጽኡ ገበይ ክም ረክበየ ሕጽኖተን እንዴ ሐድገየ ለፈግረየ ሕዳት ኢኮን፣ እተ ንዳል እግል ኖሱ ምስል ሑከ ሙናድል ኦሮ ብላይ እንዴ ትነጸፍከ ወኦሮ ብላይ እንዴ ትከደንከ እት ከናሌ ጨብቢብ እት ድፈዕ ነቢር እብ ሕልምመ ልትረአየን ለኢነብረ እብ ኖሰን እት ልዐይሻሁ ሸይ ዐጂብ ቱ። እለ ሓለት ሓዳስ እግል ልምለከ ለተዐደያሁ ተሐዲ ሀዬ ቀሊል ኢኮን” ትቤ ሲስተር ባህጉ፣ እግለ “ጠቢዐትመ ንዳል ሐዜተን” ለቴለል ዝያድ ዲብ ትወደሐ ሀዬኒ ሙናድሊን ዲብ ሜዳን ቀበትለ እሳት ክም አዳም ፈቱ ወልትሃደው፣ ለርሒመት ወዒን ፍቲ ላተ አንሳይት በዐል ሻመ ወጼዋሀ ምን

ለስተሽህድ ክም አመተ እብ ዝክረት ሹሀደ እንዴ ሳረሐቶ አዳም ለኢልርእየ እምብዕ ከርስ ትነብዕ፣ እብ በርናመጀ ልግበእመ ሱድፈት ው’ላድ እንዴ መጽአ ምን ድፈዕ እንዴ ትከሬት ሐቆ ወልደት ወገሌ እያም ምስል ውላደ ጸንሐት። ዶል ለሐርብ ቀንጸ ለእሉ ተሐቅፍ ወትቀማቅም ጸንሐት ው’ላደ ምስለ ግራሀ ለመጽአየ እማት ነኣይሽ እንዴ ሐድገቶ እት ድፈዐ ተአቅብል፣ እሊ ሀዬ ው’ላደ እንዴ አቤት እንዴ ኢገብእ ለሀደፍ ለአምጸአየ ወለ እማነት ለክሪት እተ ሰበት ትትረአያቱ እንዲኢኮን ኤረትርያይት ሙናድለት ክም ወላዲት ርሒመት ወክም ሙቃትለት ናጭገትተ፣ እ’ትለ መደት ደሐን እንዴ ገብአከ ዶል ተአትዋይኖ ለኢገብእ መስል፣ ሙናድላት አክል አዪ ራድያት ወጃእራተን ለልብልመ ኢልትሐገል፣ ላኪን ለውላድመ እግል ለሀሌ ወእት ሕርየት እብ ሰላም እግል ልዕቤ ሰልፍ ለወጠን እግል ተሀሌ ሰበትቱ ክምሰልሁ ወድየ ለዐለየ፣ ለግራሀን ሐድገያሁ ውላደን ሀዬ ሰፈላሉ ወፍቲሁ እት ከብደን እንዴ ደፍነያሀ ክም አመተን ልትሓረበ ወገነዲት ድፈዕ ረፈዐ፣ ለአስተሽህደየ ተርፈየ። ወምዕለን ለትዘሐረተን እብ ደሐነን አውመ ሰር እንዴ ገብአየ ምድር ክም በርደ እት ውላደን አቅበለየ፣ እብ አማን ሀዬ ርሒማት ወእት ሸዐበን ግቡላት ምን ገብአያቱ ነፍሰን አረይ ሰፈላል ወስርቤብ እንዴ ወደያሀ እግል ውላደን ምን

ገብእ ወኩሉ ሸዐበን ደውለት ሙስተቅለት ክም መልክ ለወደያሁ፣ ለምን አንሳት ሙናድላት ለትጠለበ እስትሽሃድ እበ ናይ ሜዳን ኢደወ። ሐቆ ሕርየትመ ለከብደ ገብአ፣ እምበል ዕስክርየት ብዕደት ምህነት እግል ልምለከ በክት ለኢረክበየ ምን ቅዋት ድፈዕ እንዴ ትሳረሐየ ሐያት መደንየት እግል ልትዐለመ። ለመስከነየ እብ ኩሉ ግድዔሀን ዓይለት እግል ሊጹረ። ለኢወልደየ ውላድ እግል ልርከበ። ለህዱያት ሐዳረን እግል ለአተላሌ። ምህነት እግል ልጽበጠ ከድራረን እግል ልክረዐ ለአረያሁ መዕጸም ወከህላት። እግል ስያደት ወዐማር ወጠን ለትሰበለያሁ ሲስተር ባህጉ ክም እስትሽሃድ ትርእዮ፣ እት ሙስተቅለት ኤረትርየ አዋልድ አንሳት ወውላድ ተብዕን አክልሕድ ቶም እግል ኦሮቶም ለገዜ ወእግለ ካልእ ለጨቅጥ ቃኑን ኢሀለ፣ እግል አንሳይት ለልትሓውን ወለዘልም እብ ፍዕል ልግበእ ወከንፈር ምኑዕቱ፣ ውላደን ወጠንየተን እግል ለሀባሁ። ምድር እግል ልምለከ። ሰብ ዳር ወማል እግል ልግበአ። እግል ሰወ ሽቅል ሰወ ማህየት እግል ልትደፈዐ እብ ቃኑን ወደስቱር ለሰብተ ሕቁቅ በን፣ እሊ ላኪን ምህዲ እንዴ እንቱ ኢትከረ እተን፣ አማንተ። ማርሒት ዓድለት ገበይ ዓድለት ተአጸብጥ ለገበይ ላኪን እብ አማን እተ ልትሐዜ ሀደፍ ለተአበጽሕ ክምተ እብ ዐመለን አከደያሀ፣ መሳዋት ናደለየ እለ። አስተሽሀደየ ዲብ ገጽ 6 ልተላሌ

8

ዐለም ሽባን

ጣህር እብራሂም እዛዝ

ምን ሹም ዓሊ ሀበይ እት ሞዳዩ ዐገል ስያሰት ወ እቅትሰድ ደውለት እርትርየ: እት ሕልም እንዴ ኢገብእ፣ እት ቅድረት-ኖስ ለአተንከበናይ ዮም ሐጪር መሻክል እንዴ ትዐደ። እት ረዪም ለአቅመተ ዳይም ሐል ለመድድ ሩእየት ለትአሰሳ’ት። ለ’ዮም ሰኒ ወአማን እብ ውላደን እንዴ ትበነየ ለዐጅባከ ለሀለየ ድወል ካርጅ። ህተንመ እብ ዱረን ድቡራት ለዐለያተን። ብዙሕ መራሕል ድብር። ሐገሌብ። ሕሩባት ወ ጀፋፍ እንዴ ጋብሀያ። እብ ፈድል ውላደን ዮም እት ደማነት ለቡ እግል ብዕዳም ለለዐጅብ ወለአተምኔ ውቁል ሜዳን ተጥዊር በጽሐየ። ራትዐት ወ ለትትበጸሕ ሩእየት እንዴ ከረየ። እብ ውሕደት መዋጥኒነን ወ ረከዞት እት መቅደረት ኖሰን ሰበት አተንከበየ ለበጽሐያሀ መርሐለት’ተ። ለ’አማን እለ ሐቆ ገብአት። እንታ’መ ሐቆ ሕርየት ታርፍ ለሀለ መጃላት ዐማር ዐድከ እብ ለትሽብህ ገበይ እንዴ ሸቄከ። ሕርየት እቅትሳድ ዐድከ እግል ተአመርዴ ጅሀድ። እንተ ለሐደግካሀ ወጠን ምን እግል ልብነየ ትሐስብ? እንተ ሐቆ ሀረብከ ለመጽኦ እጅያል እት ለኢልትፈገር ድብር ትሐድጎም ህሌከ በህለት’ቱ፣ እብለ ገበይ እለ ሙጅተመዕከ እት እስትዕማር እግል ልንበር በህለት’ቱ። እስትዕማር እብ ውላድ ካርጅ ሌጠ ኢኮን። እስትዕማር ድብር’መ ምኑ ለኢትሐውን ሽንርብ ትከሬ ዲብከ፣ ሰበት እሊ። ታሪክ ኤርትርየ ወ ዐገል ስያሰተክልነ እብ ዕንታትነ እንሽህዱ ክመ ህሌነ እግል ናይ ዶሉ መሻክል እንዴ አስተሕመለ፣ እት ረዪም ሙስተቅበል እብ ለገብአት ትግባእ ገበይ ለኢትትደመር። እብ ክሉ ጀዋንብ መናበረት መዋጥኒነ እብ ረህየት። ሰላም ወ ዐዳለት ለነብሮ ዲበ ናይ አማን ሕርየት ለቡ ሙጅተማዕ እግል ብንየት ሰበት’ቱ። ክሎም ሸባባት ምንኬን እሊ ዮም ልትርኤ ለሀለ ነአይሽ መታክል መንበሮ እንዴ አቅመተው። እት አከዶት ሩእየት ናይ ረዪም ሙስተቅበል ወጠንነ እብ በርሀት ወዳሐት ወ ነስሐት ቀልብ እግል ልሻርኮ ዐገል ስያሰት ደውለት ኤርትርየ ለለትፋቅዶ ወፊነ ሹሀዳ ለትጠልቦ ምኒነ ዋጅብ’ቱ፣ምን ቴለል ታሪክ ተእሲስ ኤረትርየ

9

ክም ዱለት እንዴ ፈገርነ። አሀምየት ወጠን እግል መዋጥን ህዬ ሚ ቱ? እትሊ ዮም ለህሌነ ዲቡ ዘበን። ምን ሕኩመት ለገብአት ትግባእ ዱለት በረ ላቱ። ናይ ወጠን አለቦም አርድ ኣበደን ኢሀላ፣ ለገብአት አርድየት እትለ እድንየ እት ሐንቴ መራቀበት ናይ ሕኩመት ህሌት እት እምብል። ለገብኣ ነፈር እት አርድ ለነብር ህዬ እት ፍንጌ ናይ ሐቴ ደውለት እድንየ እንዲኮን። ምኑ በረ ለነብር ኢሀለ በህለት ቱ። ምን ዱለትከ እስክ ዱለት ብዕደት እግል ትትዐዴ ልትቀደር ገብእ። ምን ለገብአት ትግባእ ዱለት በረ ላኪን እግል ትህሌ ኢትቀድር። እሊ መትዐዳይ ምን ዱለትከ አስክ ብዕዳት እብ ቃኑን ዎክ’መ ህዬ እብ ሀረብ እግል ልግባእ ቀድር። እስክ ድወል ብዕዳት እንዴ ትትዐዴ። ለናዬ።ሕቁቅዬ። ዋጅብዬ።ሕሽመቼ……. ለትብሎ ምልክያትከ ላቱ እብ ዐውል ለኢልትመን ራሐት። ሰላም። ለውቀት ሐበን ወ ሕሽመት ነቅስ ምንከ፣ ሰበቡ ህዬ እተ ብዕዳም ለአሰሰወ ወለመሉከ ደውለት እግልከ እብ ለኢዋፍቅ ቀዋኒን እንዴ ጠይዐከ ሕሽመትከ ወሕቁቅካ እንዴ ሰለምካሆም። “ገብርኩም እንዴ ገእኮ እግል እምበር ክም ምራድኩም ደዉኒ” ትብሎም ህሌከ፣ እት ዝሕረት ወ አክያራት ውላድ ብዕዳም እንዴ ተሓበርከ ነብራሆም እግልትትመወን። ላዝም ሕሽመትከ ዲቦም ተአዘብየ ህሌከ ሌጠ እንዴ ኢገብእ። እግል ዝያድ ዐማር ውላድ ካርጅ ነሐርከ ወ ኣምር ወመቅደረትከ በደል እት ዐማር ዐድከ እግል ዓዶም እብ ዐውል ባክስ ተአዘብዮ ህሌካ፣ ናይ አምር ወ ነሐር መቅደረትከ እንዴ አዝቤካ’መ ህዬ ሕሽመት አለብከ ወሐበን።ክልዶል ገብር እንተ፣እብ ቅብላተ፣ መቅደረትከ እት ዐድከ ምንትትነፋዕ እበ። እት ቀድየትከ ኖስከ በዐል ወሓክም እንዴ ገእከ። “ተሓይስ ተሓምቅ” እት ትብል ሕቁቅከ። ሕሽመትከ ወዋጅብከ እበ ለልትአከድ እበ ገበይ በሮከትመርሕ፣ ዝያድ ጣፍሐት መናበረት። ራሐት። ሕሽመት።ሐበን።ወእት

ደንጎበ ህዬ ዳይም ምንከ እት ኣጅያልከ ለልትዐዴ ደማነት ለቡ ተጥዊር እንዴ መደድከ ትነበር። ሜልካይ ሕርየትከ። ነፍስከ። ቀድየትከ.. እግል ትግበእ። እግል ትፍረሕ ወትሽነን ላኪን እት ዐድከ እንዴ ሰበትከ ወ ሰከንከ እግለ እት ብጋሰት ለሳድፈከ መታክል እብ ጅህድ ትሩድ ወ መትሰባል እንዴ ጋባህከ መንግአት ጭሮርሕ ሰእየት እግልትክሰት ለአትሐዜ፣ እብ ዓመት ፍንቲት መንበሮ ዐድከ ወዐድ ጋነ ክእኒ እት ለዓል ለዘከርናሁ ዲብ ገብእ። እስክ ሀረብ ለለኣተጅሆ ሸባባት ኤረትርየ ለልሓሉፉ መሻክል ወአከይ መካይድ ምኑ እንዴ ፈንቴከ ለልትርኤ ኢኮን፣ “እት ድወል አሮበ ወቅብለት አምሪከ ውቁል ሕቁቅ ወድ ሚን-አድም ለልሓሽም ዲሞቅራጥያይ ቀዋኒን ቱ ምዱድ ለሀለ” እግለ ለልብል ምስሉይ እት ዐመል እብ ለትፈናታ አግቡይ ምንኬኑ እንዴ ሓልፈ ግልቡቡ ለህለ እግል አስተዕመሮት ድወል ድሁራት ለሀደፉ ዐገል ስያሰት እግል ንፍሀም ዋጅብ መስለኒ፣ድወል ለጥዉራት እግል ዳኢመን ለትወቀለት እዴ እንዴ ጸብጠየ። ምግብ ክሉ ጃንብ ዐቦት እንዴ ገብአየ እግል ልአተላልየ።ወለብዕዳት ህዬ ናየን ኬድመት ወ መትከብተት ጭቅመተን እንዴ ገብኣየ እግል ለአተለልየ ምን አማን ለሬመ ሓራም ቱ፣ ክሉ ለደርሰ ወለበ’ ወድ ኤረትርየ ሐቆ እስክ

እስትሽሃድ ዐውል ወጠን

4ይ ክፈል ድወል ጥዉራት ጌሰ። ላመ ተርፈ እብላ ዎክ እብ ሌሀ እት ሓንቴ ምልክየት ወእስትዕማር ነብር ህለ በህለት’ቱ፣ እት ደንጎበ ዐዱ ለሐድገ ኢልትሐሸም ወ እት ዐዱ ለተርፋ። እብ ለትፈናተ አግቡይ ክሎም አግብር ውላድ ካርጅ ገብኦ፣ ወዳኢመን እምበል ሕቁቅ። እዴ ጥዉራት መስተዕምረት ለማጤቶም’ተ እትገንሖ ነብሮ፣ እት ድወል ውላድ ካርጅ እንዴ ሰከንከ መሳዋት እግል ትርከብ፣ ምን ቃኑን በረ እንዴ ጀሪመት ሳደፈተከ ዋጅብ ትርከብ ለብከ በክት ሰኒ ድሁር ዎክ ህዬ ሐሰት ቱ፣ ገብር ክልዶል ዎክ ሐቅ ናቅስ ዎክ’መ ህዬ ሴመ ሐቅ አለቡ፣ እምበል ሐቅ ወዋጅብ ህዬ ሕሽመት ኢህሌት ወሐበን፣ ዝሉም ዲብ እንተ ትነብር፣መዋጥኒን እብ ገበይ ቃኑን እት ዐድ ጸሮም ነብሮ ህለው ምንገብእ። ምን ለገብአት ትግበእ እግል ትሳድፎም ለትቀድር ጀሪመት ሕጌ ለትገብእ እግሎም ወለትትጻገግ እግሎም ደውለቶም’ተ፣ ደውለትከ እንዴ ነከርከ ምን ገበይ ቃኑን በረ እበ ለገብአት ሓለት ደውለትከ ሐቆ ሐደግከ ላኪን፣ ጀሪመት ወዴ ሰበት ህሌከ። ሕቁቅከ እግል ልትሐሸም ሕጌ ለትገብእ እግልከ ጀሀት ኢሀሌት ወዝሉም ዲብ እንተ ትነብር፣ ልተላሌ

ደብረጼን ገብረኣብ

እብ መሕበር ወጠን ሸባባት ወደረሰ ኤረትርየ ለትትዳሌ ሰፍሐት

እት እድንየ ለገአትከ ዐውል በ፣ ዐውል ቃሊ ወረኪስ፣ መንበሮዬ እግል ንኢሽ ወዐባይ ዐውል ተሐዜ፣መንበሮ እግለ ኖሰ ላኪን ሚ ተሐዜ? መንበሮ ሰልፍ ወምንለዐል ክሉ ሑርየት። ሕሽመት ወሐበን ተሐዜ፣ አግደ ሀዬ ሑርየት! ሑርየት መዕነት ወጠምጠም መንበሮ ዝያድ ለተአጥዕም ተ፣ መንበሮ እምበል ሑርየት ምን ኢመንበሮ ብዙሕ ኢትትፈንቴ፣ አከይ መንበሮ ምን ክሉ ሰበት ተአኬ፣ እት እድንየ ለገብአ መክሉቅ እግል ሑርየቱ ለለአስትህል ዐውል ደፍዕ፣ወድ ሚንኣድም ሀዬ ምን ወጀደ አስክ ሃዲልዮም እግል ሑርየቱ ለትፈናተ ዐውል ደፍዕ ጸንሐ ወሀለ ወምንሐር እላመ እግል ልድፈዕ ቱ፣ ሸዐብ ኤረትርየ ምን ወክድ ረዪም በዲር ወእብ ለትፈናተ አንዝመት እስትዕማር ቀደም ደውለት ግብአቱ ወሐር ሀዬ ረአሱ ቀደም ምስል ምጽአት ጥልያን ወመተሳስ ደውለቱ።ጀላብ ሑርየቱ ዐውል ቃሊ ዲብ ደፍዕ ነብረ ወነብር ሀለ፣ እሊ ግድለ እሊ ሀዬ ምን ዶል እት ዶል እት ልትደቀብ ወልትፈረህ አተላለ፣ እት መደት እስትዕማር አቶብየ ምን ንዛም ሀይሌ ስላሴ እንዴ አንበተ ሸዐብ ኤረትርየ ወእብ ፍንቱይ ሸባብ ኤረትርየ እግል ሑርየት ወጠኑ እብ ለትፈናተ አግቡይ እብ መትሰባል ናደለ፣ ሸባብ እብ መስቱረት እንዴ ትነዘመው ግድለ ስያሲ መርሐው። ደረሰ ወሸቃለ ሙዛሀራት መርሐው ውነዐር ሀረሰው... ወብዕድ የም አለቡ ንዳል ስያሲ ወደው፣ ሰእዮብ እሊ ንዳል ስያሲ ሰኒ ክም ትከሽፈት ሀዬ ግድለ እብ ስላሕ ሐረው ወአርወሐቶም ጀላብ ወጠን ሰበለው፣ ዲብ 1961 ሰውረት ሐቆለ ተአሰሰት ሸባብ ምን ክሉ እንክራት ኤረትርየ ሌጠ እንዴ ኢገብእ ምንለትፈናተየ ድወል እስክ ሜዳን ወሕዘው። ሰውረቶም አግመለው ወመህሮቶም እንዴ ሰወድ አባዮም ገርመሐው፣ እሊ ላኪን እብ ስሂለት ወእብ ሽቅል ወዐውል ቀሊል ለንዴ ኢገብእ። እብ ሰበሎት ርሕ! እብ እስትሽሃድ ጀላብ መባድእ ወአህዳፍ! እብ ጀላብ ሑርየት! እብ ጀላብ ወጠን! ሸባብ ኤርትርየ ደረሳይ መድረሰቱ። በዐል ትጃረት ትጃረቱ። ሐረስታይ ገርሀቱ ወበዐል ንዋይ ንዋዩ እንዴ ትፈንተ ምግደ ሰውረት ሰሕነ ወእት ኬዋሀ ወሊካሀ ትሓበረ! ፍደ ወጠን ርሑ ሰበለ፣ ለትመጽእ ሰንበት ንኢሽ 20 ዩንዩ አምዕል ሹሃዳነ ተ፣ አምዕል ፊቃዶ ሐበን ወዐውል ሀለዮት ወጠን! ከእብለ ምናሰበት ሸባባት ገለድነ ነሓጥጥ! ልተላሌ

17 ዩንዮ, 2009

አቅብር ሹሀደእ ምን አየ አስክ አየ? ሐርብ ለልአጀርዩ ናይ ሙጅተመዕ። ደማነት ነብረ ክምሰልሁመ እት ሐንገል ወድ ሚንኣደም ልግበእ ወአርወሐት ብዝሓም ሕያያም ለልአጀርየ መደረት ለእብ ፍንቱይ እግል ንሳምዩ ለእንቀድር ጋር ቱ፣ እብ ምራድከ ልግበእ ወእብ ጀብር ለትአትዩ ሐርብ አርወሐት አዳም እግል ትድፈዕ እቱ ላዝም ቱ፣ ኩሎም እብ ፈራሰት ወኤማን ለልአስተሽህዶ ምሔርበት እግለ መጽእ አጅያል ለጸንሕ ታሪክ እንዴ ገአው ቶም እት አልባብ ለነብሮ፣ አቅብር ሹሀደእ ህዬ ጅንስየት ናይ ኦሮ ገቢል ወደውለቱ ለሽርሕ ቱ፣ እተ ሐልፈ ወቅት እትለፈናተ ሐርብ ለትሰጀለ ስጃላት ክመ ለሐብሩ። እብ ሕድት ከሳር መክሰብ ብዙሕ እግል ልትረከብ ለሀደፉ ሌጣ ቱ፣ ለተክስሮም ምሔርበት ፍገሪት ዐውቴ ክምቶም

እሙርቱ፣ እግል ልግበእ ህዬ አቅብር ሹሀደእ ምዶል እግል ልትበኔ ክም አምበተ ንርኤ፣ እተ ረዪም ወቅት እት ሐርብ ለአስተሽሀደው ምሔርበት ሹሀደእ ሰኒ መቃብር ወእሙር አግቡይ ጽብጠት ይዐለት እሎም፣ እት 19ይ ክፈል ዘመን ቱ ህዬ አቅብር ሹሀደእ እግል ልትበኔ ለአምበተ፣ ቀደም እሊ ወቅት እሊ። እት ክቡድ ልግበእ ወቀሊል ሐርብ ለአስተሽሀደው ምሔርበት። እት ድፍዖም ሌጠ ልትሐደጎ አውመ እብ እሳት ነዶ ክም ዐለው ልትአመር። ለበዝሐው ምኖም ላኪን ለረፈዖም እንዴ ሐግለው ድራር ጋባት ወአራዊት ገብኦ ዐለው፣ ውላድ ግሪክ ላኪን ቀደም መትወላድ ነቢ ዒሰ ዐለይሂ ሰላም ምስል አትራክ እትለ ወደዉ ሕሩባት እግለ አስተሽሀደው ዲብ ሐቴ ሕፍረት እንዴ ቀብረዎም እብ አዳም ክም ልትዐቀቦ ወዱ ዐለው፣ ዲብለ እግል

ዝያድ 100 ሰነት ለአተላለ ሐርብ ብሪጣንየ ወፈረንሰ እግለ ዲቡ ለአስተሽህዶ ለዐለው ምሔርበት ቀብር ሰኒ ወሐበን ይዐለ እግሎም፣ ብሪጣንየ ላኪን እግለ ትቀተለው መስኡሊን አው አቃርብ ነገውስ ላቶም ሹሀደእ እብ ማይ ሕፉን እግለ ስጋሆም እንዴ ሐጽበው እግለ ዓጭሞታቶም አስክ ለንደን እንዴ ነድአው ዲብ አብያቶም ቀቡሮም ክምሰል ዐለው ልትአመር፣ ሐቆ እሊ ፈረንሳመ እግል መይቶ ምነ ለዐለው ዲብ ባካት አብያት ክስታን እግል ልቅቦሮም አምበተው፣ ሐቆ እሊ ስኒን እሊ አግቡይ አቅብር ሹሀደእ ዲብ ሰኔ ወሕሽመት ናይለ ለአስተሽህዶ ዲብ ትትወቀል ምንመ ጌሰት ልሰዕ እሙር ሸክል እንዴ ጸብጠ እግል ለአተላሌ ላተ ኢቀድረ፣ ውላድ አሜሪከ እግል ሕረየቶም እተ ናድሎ ዲቡ ለዐለው ወክድ ላኪን

ጢሾ አምር አሳስ ዐቦት . . . ምን ገጽ 4 ለአተላለ ለትገይስ እበ ሰበት ተ። ዶር ናይ መናህጅ። ዶር ናይ መዳርስ ዲብ ተጥዊር ናይ ሉቀት እም መራ ዋሕድ ድቁብ ቱ።። ዲብ ድወል ኣፍሪቅየ ታሐት ሳሕራእ ለህለየ። እበ ድራሳት ለገብአ። ሐድ 2,500 ሉቃት ህለ ልትባሀል።። ምን እሊ ክሉ ሉቃት እሊ። ለልትነፈዖ እቡ ለህለው ዲብ መዳርስ። ምን 13% የሓልፍኒ።። ለሉቃት ብዕድ ልትደረስ የሀላኒ።። ኣዜ ሚ ተ ለሞሲበት ለትመጽእ። መሰለን ኣዜ ዲብ ድራሳት ለልቡሉ። ቀደም እለ ኣስክ 10 ኣልፍ ገብእ ሉቃት ዐለ።። እንዴ በዴ እት 6 ኣልፍ ባጽሕ ህለ።። እተ መጽእ ዐስር ወከም ሰነት ህዬኒ ምን 5080% ምን እሊ ሉቃት እሊ ልትሀምሽ ህለ። ከበዴ ህለ ልብሎ።። ከኣዜ እለ ሚ ተ ለተርኤከ። ሉቃት በደ ምን ገብእ። ለቀውምያት ስቃፈተ ወዓዳተ ትበዴ። ወእተ መጃል ለዐለ ተጠውር ነሐግሉ፣ እንክማሽ እትለ ቀውምየት ቀውምየት እለ መጸ ምን ገብእ ህዬኒ። ለቀውምየት እለ መጦርለ ካልኣይት ቀውምየት ኢትርኢያኒ በህለት ቱ።። ሉቀተ ትትጠወር የህሌትኒ።። እሊ ክሉ መሳይብ መጽእ።። ፈንሕነ ስያሰት ሰሕየት ንተባዐ ለህሌነ። ዲብ ተጥዊር ሉቀት እም ባጽሓሙ ለህሌነ እንጃዝ በሲጥ ኢኮንኒ።። ኣዜ ኣንብተ ወለሓሶስየ ህለየ ድወል ኣፍሪቅየ።። እግል ነኣድርስ ብነ ሉቀት እም እንዴ ትባህለ ፍንቱይ ድራሳት ገብእ ወልትኣታቴ ህለ።። ኣግደ ወራታት ቅስም ዓም ታዕሊም ከፎ መስል? አሰይድ ሙሰ።-“ለቅስም ዲብ መዳርስ ዶር ዐቢቡ፣ ለኣዕማል ለምህመት ሐቴ ተጅሂዝ መናህጅ ተ።። ምን ረውደት ኣስክ 12 ለህለ መናህጅ እግሉ ለለኣትሐዜ

10

ሹሀዳሆም እተየ ወምዶል ክምሰል አስተሽሀደዎም እሙር ስጅል ሹአሀደእ ይዐለ እሎም፣ ለዲብ ሰነት 1866 ፍንጌ ሕኩመት አሜሪከ ወቬርጂንየ እትለገብአ ሐርብ ኖስ-ኖስ አረይ ቀትል ለገብአው ዐሳክር አዳሞም ፍንቱይ አቅብሮም እግል ልርአው ወታሪኮም እግል ልስመዖ ዲብ ልታከው ክምሰለ ጅንስየቶም ለኢተአመረት እት ሐቴ ሕፍረት ቀብረዎም፣ እሊ ምስለ ዲብ ዮም 17/06/1862 እብ ዕጋል አሜሪከ ለተዐለነ አዋጅ ብንየት መቃብር ሹሀደእ ዝያደት ተርጀመት ወሕሽመት እግል ልርከብ አምበተ፣ አማንቱ አዳም መይት ታሪኩ ላኪን ኢመይት። ለሓለፈዩ ወቀይ ህዬ ፍገሪት ናይ ኦሮ ሀደፍ ወመሲርቱ፣ ዲብ ዐድነ ኤረትርየ ረኤነ ምንገብእ ሐቅ ወፈድል ሹሀደእ እትለትወቀለት ደረጀት እንዴ ትሰቀለ ዳይም እት እንቱ ነብር ህለ፣ ሰበቡ ህዬ ዋልዴነ ውላድነ። ማልነ ወዳርነ እንዴ ኢልብሎ ጀላብ ዐዶም ወወጠኖም አርወሐቶም ሰቢል እንዴ ወደው ትቤዘው አስተሽሀደው፣ ሰበት እሊ ሕሽመት ሽሂድ

ምን አብዕቦታትነ ለጸንሐ ለለአሸንን ወለትሐብን ሰዋልፍ ወዐዋዲ ሰኒቱ፣ ሕርየት ለአምጸአው ላኪን እግል ልርአወ ወለዘተ እግል ለአዳውሮ ለኢቀድረው ፍራስነ እብ ፈድሎም ሰበት ረሄነ ወአማደድነ። ኣብ ይሀለዮቶም እግል ነሀሌ ሰበትቅ አደርነ። እብ ፈድል እስትሽሃዶም እንሸንን ወእንገንድል ሰበት ህሌነ ታሪኮም ምን ጂል ዲብ ጂል እግል ልትዋረስ መስኡልየት ክልነ ምን ገብአት። ዮም እት ዳር ሐበን ወሕሽመት እንዴ ከሬናሆም። እብ አቅብሮም ንትሐበን ወእንሸንን ህሌነ፣ እሊ ምንገብኣቱ ህዬ ዲብ ክል ዐድ። ዳሕየት። ምዴርየት ወመዲነት አቅብር ሹሀደእ እንዴ በኔነ እብ ሕሽመት እንራዕዩ። እንከልቡ። ነእገምሉ ወአክለ እሉ ረኤነ እብ ሹሀዳነ እንፈቅድ ወእብ ወቀዮም ንትሐበን ለህሌነ፣ ኣማንቱ እስትሽሃዶም እግልነ ሐበን ቱ ወሸረፍ ሰበት ሀቤነ። ወህቶም ምን ኢለአስተሽህዶ ሕነ ሰበት ኢነሀሌ አቅብር ሹሀዳነ እግል ነሐሽም ናይ ደሚር መስኡልየት ብነ፣ መሐመድኬር ዕስማን ጅምዕ(ኪንግ) አስመረ

ሳ ሕ ል

ክቱብ ከትብ ወጠብዕ። ወእት መዳርስ ሳርሕ። ወመታበዓት ወዴ፣ ነውዕየት ተዕሊም ራኣቅብ፣ሱፐርቫይዘራት እንዴ ነድኣ። ተጠውር ተዕሊም ታብዕ። እግል ሙደርሲን እበ ፋግር ለህለ መናህጅ እግል ልሽቀው። ነሳይሕ ወእርሻዳት ለሀይብ ወራቅብ፣ እምትሓን ሳምናይ ፈስል ራቅብ ዓለ ሙስተዋ ኣል-ወጠን ወዲብ ኻርጅ ለህለየ መዳርስነ፣ድራሰት ከፎ ትገይስ ህሌት። ወሚ መሻክል ሳድፈነ ህለ። እንዴ ቀይም ተዕሊም ለልትደቀብ እቡ ኣግቡይ ወዴ።። ውሕደት ህሌት (ዩኒት)pre-press እግል ተጅሂዝ ክቱብ ለትሸቄ። እግል ጥባዓቱ ለለኣትሐዜ ጋራት ክሉ እንዴ ወዴት። ዲብ መጥባዐት ትነድእ፣ ዲብ ክሉ መዳርስ ለህለ መክተባት መታባዐት እንወዴ። ወለለኣትሐዜ ክቱብ እንሳርሕ። ዲብ መትነፈዖት እበ ክቱብ። እርሻዳት ወተጥዊርለ መካትብ(ላይብረሪ) እንሸቄ።። ቅስምነ እሊ መስል ወራታት ወዴ።። ለቅስም 90 ለገብኦ ኣዕዳእ ለቡ ኦሮ ምነ ሓምስ ኣቅሳም ውዛረት ታዕሊም ቱ፣” መስኡል ቅስም ዓም ተዕሊም ዓም ኣሰይድ ሙሰ እት ደንጎበ ሚ ፊነ ተሓልፍ? አሰይድ ሙሰ።“እብ መናሰበት ዒድ ተሕሪር እትሊ መጃል ምህም እግል

ንህደግ ለረከብናሀ ፍርሰት እብ ኣማን ዐባይ ተ፣ ሰልፍ እግል ሸዐብ ኤረትርየ። በኪት ዒድ እስትቅላል ሰነት ሰላም ወተጠውር ትግባእ እነ እብል፣ ሕኩመት ዶር ተዕሊም እት ተጥዊር ሙጅተመዕ ምን ኣመረት። ለዐቤት ሜዛንየት እንዴ ከሬት እግሉ ትሸቄ ህሌት።። እሊ እህትማም ለይረክበየ ድወል ብዝሓት ተን፣ ሸዐብ እሊ እንዴ ኣመረ። እበ ዐደዳ ሒለቱ እግል ልሻርክ። ኣጀኒቱ እግል ለአድርስ ወምን እሊ ክሉቅ ለህለ መጃል እግል ልትነፋዕ እትፋኔ።። ተዕሊም እግል ውዛረት ተዕሊም ሌጠ ለለርኤ ኢኮን።። እዳራት ኣቃሊም ዶር ዐቢ በን ዲብ ነሽር ተዕሊም። ወዶረን ወድየ ህለየ።። መጃልስነ ወክለን መኣሰሳት ሕኩመትመ ዶር እግል ልተልሀየ በን።። ክሉ ዓይላት መስኡልየት እግል ልትሐመል ቡ።። አደርሶም ህሌኮ። ሓቅዬ ከሬኮ ምንዬ። ጅናዬ ሳራሕኮ። ኣብላዕኮ ወአስቴኮ እንዴ ቤልከ። ለልትጠለቅ ኢኮን።። ከር’ሰ ቤት እብ ተርቢየት። ኣኽላቅ። እህትማም ድራሰት። ጅነ ከፎ ገይስ ህለ መታባዐት ናይ ዋልዴን ዶር ዐቢ ሰበትበ። ክሉነ እህትማም ለትሐዜነ፣ እለ ኽልቅት ለህሌት ፍርሰት ዲብ ኣርድ ብዕድ ብዙሕ ኢትትረከብኒ።። ላዝም እግል ንትነፋዕ እበ እትፋኔ፣”

መንዘል ንዳል ወታሪክ - ሳሕል መስከብ አስል ሓኬ እግልዬ ታሪ’ከ - ዌረት እግል ተአክጅል ወዳግም እነ ዐጃይብ - ሐት-ሐቴ አስእል አትዋይነ ቀዳሚት - ውዳይ ዌረት ለፋሽል ኩሉ ብርብር ለወቀይ - አድብር ወለ ቀላቅል ከአፎ ዐለ ምስልከ - ወለመቃትል፣ ሳሕል መንዘል ንዳልቱ - ወሕጌ ሰውረት ሳሕል ዐዶ አባይ ቱ - ወፈታይዩ ትትከበት ዝናር አማን ወኤማን - ልቡስ ረአስለ ወርከት ሳሕል ዔማት ውርስ ቱ - ተንክር ክመ ሻከት ኩሉ ዲብከ ተሐየበ - ደለ በጽሐ ለሸበት ሳሕል ቤለ ከትሰአለ - ምን ቀላቅል ወኣውለት ተልቡስ ቤለ ወግውሐ - ‘ግል ልድለየ ለሓለት አጀኒቱ ሐድገ - እት ትትባኬ ለዓይለት ወአቡሁ ሐድገ - ሻይብ በዐለ ጸገት ኢትዋለበ ለማሉ - ንዋይ ምልእት ለሐረት ዳንደ ተርፈ ብጣሩ - ሚ ዶል አቴት ለገርሀት ለሞት ሐረ ወመእከይ - ሐጠር ቤለ ወውሕደት፣ ሰፍለሌኒ አነ ሳሕል - እሊ መሓዛቱ ኩሉ ምሉእ ምን ታሪክ - አድብሩ ወለሳሳቱ ወኩሉ ምሉእ አሸግር - ለበኖም ሰሕነው እሳቱ ኩሉ ምሉእ ለአስለሐት - ሹቱት ዲበ ረሃባቱ አስለሐት ሲቬት ወአምሪከ - ወለኢመትዐዋቱ ሽባን ለበልዐት ሐዞተ - ሐጠር በዲር ወርሳቱ ርሕ ለእቅባለት ኢገሜት - ወዮም ሞላይ ጻብጣቱ እብ ሐር ዝቡጥ አለቦም - እምበል እብ ረአስ ብሶቱ እምበል ሴፈ ወመስተይ - ለረሓት እበ ሐፍያቱ ብለዕ ኦኮን ወስታይ - ወመቅጠን እበ ሃላቱ ሳክባም ህለው አውኪር - ሳሕል እት ክል ጃዋቱ፣ ሰክቦ ህለው እት ሕሊል - መሓዛት እተ ተሓታቱ ሰክቦ ህለው እት ድፍዓት - ሐ’ነ ሓጥጥ ሳትሮታቱ ሰክቦ ህለው እት ሀረም - ሳሕል ሐ’ነ አብዓቱ ክዑይ እቱ ለእንግዖሆም - ወሱቡር ዓጭሞታቱ ወደም ሳቲ ቱ ሳሕል - ለፈልሕ ምነ ሻካቱ ኢንትረስዑ ለታሪክ - ለምን ፍራስ ጻንሕናቱ፣ ሳሕል ምድር ምሔርበት - መስከብ ሹሀዳናቱ ዑስማን ሐጃጅ ቤት ምህሮ ዋርሳይ ይከኣሎ ሳወ

17 ዩንዮ, 2009

መሐመድ አቡበከር

ዳዊት ሀይሌ ካስ ሹሀደእ ነስአ ፈደሬሽን ዐጀላት አቅሊም ምግብ እግል ፊቃዶ 20 ዩንዮ አምዕል ሹሀዳእ። ክልኤ ሳምን ለወደዩ ብድረ ዐጀላት እብ ዐውቴ መትባድራይ ፈሪቅ አስቤኮ ዳዊት ሃይሌ (ካንቸ) ተ’መ፣ ሰንበት ዐባይ መትባድረት 1ይት ደረጀት እግል እትመሞት 72 ዱረት

እተ ለወደዎ ብድረ ክልኤ ቮላተ ዱሉያት እግሎም ዐለየ፣ እት 36ይት ዱረት ወእተናይ ደንጎበ፣ ናይ ሰልፍ ዮናታን መስፍን። ወዳዊት ሀይሌ ክልኢቶም

ምን ፈሪቅ አስቤኮ እት ልትዐወቶ። ሜሮን ርእሶም ወመርሃዊ የማኔ ምን አዱሊስ። ሜሮን ሰለሙን ምን አስቤኮ ወፍሬቃልሲ ደበሳይ ምን ኤሪ-ቴል አሰሮም ተለው፣ እት ደንጎበ ህዬ። 1ይ ዳዊት ሀይሌ (አስቤኮ) 2ይ ናትናኤል ብርሃኔ (አስቤኮ)

3ይ ሜሮን ርእሶም (አዱሊስ) 4ይ ሚካኤል ትኩእ ኤሪቴል። 5ይ መርሃዊ የማኔ ወ6ይ አሮን ፍቱይ ተዐወተው፣ እብ ጀምዕ ንቃጥ ክልኢተን ሰነብት

ዳዊት ሀይሌ ምን ፈሪቅ አስቤኮ እብ 35 ንቅጠት 1ይ እት ልትዐወት። ወድ ፈሪቁ ዮናታን መስፍን እብ 31 ንቅጠት 2ይት ደረጀት ፈግረ፣ መትባድራይ ፈሪቅ ኤሪ-ቴል ላቱ ፍሬቃልሲ ደበሳይ ህዬ እብ 24 ንቅጠት 3ይ ተዐወተ፣ እብ ደረጀት ፈሪቅ ህዬ ፈሪቅ አስቤኮ እብ 94 ንቅጠት ቀልበ፣ ምን መትባድረት 2ይት ደረጀት ፈሪቅ ኤሪ-ቴል እብ 44 ንቅጠት እት ልትዐወት። እብ ብሕተ። መክሰብ ደበሳይ። ሜሮን አማንኤል ወብርሃኔ መልኣኬ ሰልሲቶም ምን ፈሪቅ ኤሪ-ቴል ቀልበው፣ ምን አዋልድ ለቴሚካኤል ፍሰሃዬ። ሰናይት አርአየ ወሰብሌ አለሙ ተዐወተየ፣ ዮሴፍ ሀይሌ። በረከት እመሀጼን ወበሺር ሳልሕ ምን 3ይት ደረጀት ለተዐወተው መትባድረት ቶም፣ እምበል እሊ ምን መትባድረት ዐጀላት ማውንቴን-ባይክ ምን ዉላድ ሐበን ገብሬትንሳኤ። ኣቤል መንግስተኣብ ወሄኖክ ብርሃኔ እት ልትዐወቶ። ምን አዋልድ ሰላም ሰለሙን። ዮርሳሌም ገብሩ ወሰላም አብረሃም ቀልበየ፣

መትዳላይ ኩረት እገር እግል ኖርወይ ካፕ

መፈወድየት ርያደት ኤረትርየ ምስል ለትፈናተው መስኡሊን ኩረት እገር እዲነ እንዴ ትሳዴት ምን ዮም 14 አስክ 16 ዩንዮ ሰነት 2009 እት አስመረ ሜዳን ቺቼሮ ትልህየ ኩረት እገር አጀኒት ዕምር 12—13 ወዴት፣ ለመፈወድየት ፍረቅ አጀኒት ክመ ናይ 90ታት እግል አትሐሶሰዮት ወእብ ደረጀት ዐለም መትጃግረት እግል ልግብኡ ከድም ክም ህሌት ተሐበረ፣ እብ አሳስ ሐብሬለ

ለጅነት እሊ ጅግረ ክም ተ’መ። እትሊ ትልህያታት እሊ እዴ ዛይደት ለአርአው መተልህየት። እብ ደረጀት ወጠን እት ሕሩይ ፈሪቅ እንዴ ትከምከመው እት ትልህየ ኩረት እገር አጀኒት Norway cup 2009 እግል ልሻርኮ ገበይ እግል ትጥፈሕ እግሎም ክም ቱ ተሐበረ፣ ጅግረ ኩረት እገር አጀኒት ስካንዲናቭየ ሰነት-ሰነት ለገብእ ወብዝሓት ድወል ለሻርከ እቱ ትልህየ ኩረት እገር አጀኒት ወሸባን ቱ፣

በሐር ቀየሕ ደውሪ ኩረት እገር አ/ምግብ እንዴ ኢተምም ዐውቴሁ አከደ

ሰንበት ዐባይ ፈሪቅ በሐር ቀየሕ እግል ፈሪቅ አዱሊስ እብ አሮን ዘካርያስ ወእድሪስ እስማዒል ክልኤ ጎል እንዴ ሰጀለ 2—0 ሰበት ቀልበዩ። ደውሪ ኩረት እገር አቅሊም ምግብ ሰነት 2008/2009 እግል ልትመም 3 ሳምን ታርፋቱ እት ህለየ። ሻምፕዮን ገአ፣ ቀደም እለ ትልህየ እለ ደንደን እግለ እት 19 ደቂቀት እብ ዮሴፍ ግዴ ጎል ለሰጀለ ፈሪቅ አ’ታሕሪር እብ ሮመዳን መሐመድብርሃን ወፍልሞን ብርሃኔ ክልኤ ጎል እንዴ ሰጀለ 2—1 ተዐወተ እቱ፣ ተስፈ ህዬ እግል ዕዳገ

ሐሙስ 3—1 ቀልበዩ፣ እት ደውሪ ኩረት እገር አቅሊም ምግብ ምን ሀዳፌን ዮናታን ጎይተኦም (ገዘባንደ) ወሲራክ ገብሬዩውሃንስ (ዕዳገ ሐሙስ) ዐስ-ዐስር ሐቴ ጎል እንዴ ሰጀለው እት መርሑ። ስራፌኤል ተስፋሚካኤል ምን ማይተመናይ 9። መዓዉየ ዑመር ምን አ’ታሕሪሕር ወተስፋልደት ጎይተኦም ምን ፈሪቅ አዱሊስ ሰም-ሰማን ጎል ህለ እግሎም፣ ደውሪ ኩረት እገር አቅሊም ምግብ ከሚሽ 18 ዩንዮ ምን ሳዐት 2።00 እንዴ እንበተ እግል ለአተላሌቱ፣

አ’ነስር ወአ’ልህላል እብ ሕድ ለሸብህ ንቃጥ 1ይ ደውሪ አትመመው ህዬ። ዐዋቴ ወገዘባንደ1—1። ኢተዐብር እግል ላልምበ 2—1። ዳርሰላም እግል ዐድሓባብ 4—0። ዐርኮከብ እግል ተስፈ 3—1። ወመጋርሕ እግል አልሙርቀኒ 3—0 ተዐወተው እቶም፣ እት ብዕድ ከበር ፈደሬሽን ዐጀላት አቅሊም ዐንሰበ እግል ሰልፍ ዶል ጅግረ ዐጀላት ኮሮኖ-ሜተር ወደ፣ ምን 3ይት ደረጀት ሮቤል ጎይተኦም። ሙሰ ዐብዱላሂእ

1ይ ደውሪ ኩረት እገር መዲነት ከረን ናይ 1ይት ደረጀት እብ ዐውቴ ፈሪቅ አነስር ተ’መ፣ ፈሪቅ አልህላልመ ምነ ለወደየን 6 ትልህየ ክም አ’ነስር እት 5 ትልህየ እንዴ ተዐወተ ወእት ሐቴ ትልህየ እንዴ

ትቀለበ 15 ንቅጠት ምንመ ጀምዐ። አ’ነስር እብ ጎል ዜደዩ፣ ምን ፍረቅ 2ይት ደረጀት። ኪሰሪ እግል ኮከብ 4—2። ደሴት እግል ደንደን 4—1 ቀልበዎም፣ ምን 3ይት ደረጀት

ሐብሬ ትልህየ አስመረ ከሚሽ 18/06/09 ገዘባንደ ወአክርየ 2።00 ማይተመናይ ወዕዳገ ሐሙስ 3።45 ሰንበት ዐባይ 21/06/09 ተስፈ ወሲቲ-ሰንተር 12።00 አዱሊስ ወአ’ታሕሪር 1።45 ደንደን ወበሐር-ቀየሕ 3።30 ኮንፈደሬሽን ካፕ አረቡዕ 19/06/09 ስፐይን ወዒራቕ 5።00

17 ዩንዮ, 2009

ግብለት አፍሪቀ ወኒውዚላንድ 9።30 ከሚሽ 18/06/09 አሜሪከ ወብራዚል 5።00 ምስር ወጥልያን 9።30 ሰንበት ንኢሽ 20/06/09 ግብለት አፍሪቀ ስፐይን 5።00 ዒራቕ ወኒውዚላንድ 9።30 ሰንበት ዐባይ 21/06/09 መስር ወአሜሪከ 9።30 ጥልያን ወብራዚል 9።30

1ይ ደውሪ ፈረቅ 1ይት ደረጀት ፈሪቅ ትልህየ ጎል ንቅጠት ወበኪት ጃብር። አ’ነስር 6 10 15 ምን 2ይት ደረጀት አልህላል 6 8 15 ሀብቶም ዬዕብዮ። ስቴለ 6 2 12 ጀማል ተስፋሚካኤል ላሳል 6 -4 7 ወመርሃዊ ገብሬስላሴ። ዋሊኩ 6 -4 5 ምን 1ይት ደረጀት ዐንሰበ 6 -5 4 ህዬ። አክሊሉ ተድለ። አ’ሳሕል 6 -7 3 ሼከዲን ኢብራሂም

ወዐብዱነዒም እድሪስ ቀልበው፣ እት ትልህየ በስኬት-ቦል። ደህላክ እግል ደንደን 45— 43 መጋሪሕ እግል ዐንሰበ 54—50። ወላሳል እግል ናትነ 60—50 ተዐወተው እቶም፣

ትልህየ ኩረት እገር ኮንፈደሬሽን ካፕ ለእብ ኮንፈደሬሽን ካፕ ለልትአመር ትልህየ ኩረት እገር ሰነት 2009 እት ግብለት አፍሪቀ ገብእ

ህለ፣ ኮንፈደሬሽን ካፕ እት ክል አርበዕ ሰነት ለገብእ ትልህያቱ፣ እትሊ ጅግረ እሊ ሻርከ ለህለየ ድወል እት ክልኤ መጅሙዐት ህለየ፣ መጅሙዐት ሐቴ። መስር። ኢጣልየ። አሜሪከ ወብራዚል እት ገበአ። ግብለት አፍሪቀ። ኒውዚላንድ። ኢራቅ ወስፐይን እት መጅሙዐት ክልኤ ህለየ፣ ሰንበት ዐባይ 14 ዩንዮ ግብለት አፍሪቀ ምስል ኢራቅ 0—0

እት ልትፈናተው። ስፐይን እግል ኒውዚላንድ። 5—0 ቀልበዎም፣ እት 5—0 ለተመት ትልህየ ስፐይን ወኒዮዝላንድ ሀዳፍ ፈሪቅ ሊቨርፑል ፈርናንዶ ቶረስ ሰለስ ጎል ሰጀለ፣ ሕሩይ ፈሪቅ መስር። እብ ሕሩይ ፈሪቅ ብራዚል 4—3 ምንመ ትቀለበ ማሌ ለሀ አትኒን። እግል ብራዚል እንዴ ትመጣወረ አስክ 90 ደቂቀት 3—3 ዑዱል ምን ዐለ መቅደረቱ አከደ፣ ኢጣልየ እግል አሜሪከ 3—1 ቀልበዩ፣

11

ምብረሕ ምን ሚ ሰበብ ትመጽእ

የም አለቡ ጅንስ ብርሕአ ህለ፣ ብርሔ እት ለበዝሕ እዋን መትከፍካፍ ጭገር እግል ነአብጥ’ሩ ይእንቀድር። ወስራይመ አለቡ፣ አዳም እብ ክሱስ ብርሔ ብዙሕ ልትሃጌ። ገሌ ምኖም ሰበቡ እብርቱ ልብሎ እት ህለው ሰሮም ህዬ ሐብሬ ውቅልት ደረጀት ዐቅል ቱ ልብሎ፣ ለአማን ላኪን ምን እሊ ሀገጊት እሊ ትትፈንቴ። ወእብ ቀ’ላል ህግየ ብርሔ መትከፍካፍ ጭገር ቱ እት እንብል እግል ንሽሩሑ አው ንውሰፉ እንቀድር፣

እት ለበዝሐ እዋን ለልትረኤ ብርሔ ልሙድ ገብእ እት ሀለ። ጭገር እግል ልትከፍከፍ ለአነብት ። አውመ ህዬ እተ ምግብለ ረአስ ክብት ምብሸሕ ለትመስል ክሎሊት ለአነብት፣ አውመ ለጭገር ምን ለትፈናተ አካናት ረአስ እትልትከፍከፍ ገይስ። ወእለ ሓለት ለሓሪት ምን ኩለን ለሓላት ለትኬለመት ተ፣ ምብረሕ እብ ውራሰት መጽእ። ወለ በዝሐ ወቅት እት ሰብ ተብዕን ተ ለልትሬኤ፣ አንስ ህዬ ለጂናት ናይለ ውራሰት ኣስክ ውላደን ለዓድያሁ ወለአወርሳሁ፣ ብርሔ ልትረኤ እቱ ወቅት ለነፈር ምን ለሚዱ እንዴ ሐልፈ እግል ልውደዩ ለቀድር ጋር ሐቴመ ኢሀለ፣ ሻፍገት ምብረሕ እት ዕምር 25 ሰነት ተአስተብዴ። ወእት ቀደሜሁመ እግል ትትሬኤ ትቀድር፣ ኦሮት ምን አስባብ ሻፍገት መብረሕ

እማነትና ቱ እሊ ሰለስ ሐርፍ ህቱቱ ሐበንነ ወእቡቱ ንዓርፍ እቡቱ ለእምሕል ወእቡቱ ለነሓልፍ ኣቤ ስሜቱ ለርፍዕ ኣማውር ኢካልፍ

እት ፈርወት ረአስ ለገብእ ዐደም ዕናየት አው እህማል ቱ፣ ክምብረሕ እግል ነአብጥረ አው እግል ንሳርየ አውመ ህዬ እግል እብ ምልሃሁ ክም ልትቀደም እግል ንውደዩ ለእንቀድር ጋር ቱ፣ ሐት-ሐቴ ዱር ላቱ መብረሕ እብ ሰበት ለትፈናተ እንትሃባት ፈርወት ረአስ እግል ትምጸእ ትቀድር ወዱር ለሓለት እለ ትትሸ’በህተ ህታመ እግል ትትሀወን ወለጭቀር ምን ሐዲስ እግል ልብቀል ቀድር፣ ለጭገር እብ ምልሃሁ ልትከፍከፍ ሀለ ምን ገብእ ላኪን ነቃስ ናይ ተቅድየት ሀለ በህለት ቱ፣ ብርሔ እምበል እሊመ እብ ሰበት ድዕፍ ፈርወት ረአስ ወካልእ ለትፈናተ ሕማማት ናይ ረአስ እግል ልምጸእመቀድር፣

ኢንትረስዑ ለሽሂድ ራፍዓም ሕነ እማነት ንጣስሱ ው’ላዱ ሕጻን ልግበእ ወ ወለት አብሽርኪ ኒበለ ላመ እሉ ዋልደት ንራዕዮም ክሊነ እግል ልትነጅው ምን ሀመት፣ እግሎም ምንዲ ሀብናሀ ረፍረፈት ለበንዴረት ወእግሎም ምንዲ ትፈንቴነ ጠ’ለት ለዕጨት ወእግሎም ምንዲ ትፈንቴነ በርደት ለአርደት ምን ደሞም አርወዋ ውላድለ 9 ቆምየት አየ ህሌት ሽምብሬብ ኢትዓርፍ ወኢተኣከርር ዶለ ህጁም ተአለምቤ ሕጌ ኢኮን ወሳተር ዲብ ልሳዔ ትረክቡ ዲብ ለአጨልቄ ወበጥር ቀጣፋቱ ተአጀግሕ ወዕምሩ ተሓጭር፣ አየ ሀለ መንደላይ ሰሓቁ ወለ ዕላሉ አየ ሀለ መንደላይ ህጅኩ ወለ ደአሉ ኣየ ሀለ መንደላይ ድግድጋ እባ ክላሉ ሽሂድ ትብል ከሊመት ንርፈዐ ዲብ ፎቃይ እማነት ክልናተ ይከኣሎ ንግበእ ወ ዋርሳይ ወእማነትነት ክሉት መደርስ ወለ ደረሳይ እማነት ክሉ ገቢል ድግለል ወለመንደላይ፣

ዩስፍ እድሪስ አሚር

ቃራት ዓለም

ኣፍሪቃ ብዝሒና ድወል። 53 ሙስተቅላት ላተን ዐዶታት ትከምክም፣ መሳሐት። 30.319.000 ኪሎ ምትር ሙረበዕ ትበጽሕ፣ ብዝሔ ሸዐብ። 650.000.000 ነሰመት ገብእ፣ ከሳፈት። 21 ነፈር እት ክል ኪሎ ምትር ሙረበዕ ትገብእ፣ ምግባይ መትወቃል። 750 ምትር ትበጽሕ፣ ለትወቀለት አካን። ደብር ከለምንጃሮ (ዲብ ታንዛንያ 5895 ምትር ምን ለዐል በሐር)፣ ለሬመ ነሀር። ነሀር ኒል

6695 ኪሎ ምትር ለረሐበት ደውለት። ሱዳን (2.505.813) ኪሎ ምትር ሙረበዕ፣ ለዐቤት መዲነት። ካይሮ

12 ምልዮን ነሰመት፣ ለበዝሐ ሱካን ለብእተ ደውለት። ናጄርያ 115.3 ምልዮን ነሰመት፣ አግ’ደ ሙህም ላቱ መሓሲል ሐርስ።ሽንራይ። ማሼለ። ዘይቱን። ዕነብ። ቃንጨ ሹከር። ተመር። ፉል ሱዳን። ሙዝ ወጉጡን፣ መዓድን።ብትሮል። ፈሐም። ሐዲድ። ነሓስ። ደሀብ። ማስ። ፎስፋት። ክሮም ወቀስዲር፣ ዩስፍ እድሪስ አሚር

እግል ዝያድ አምር • እት ዐለም እብ ብዝሔ ሞት ለትረአ እቱ ዘመን እት ወቅት ካልኣይ ሐርብ እዲና ቱ ለዐለ፣ ዲብለ ምን ሰነት 1939-1945 ለገብአ መሪር ሸፍ ዓመተን ምነ እትሊ ሐርብ እሊ ለሻረከየ ድወል 70 ሚልዮን አዳም ቤት አማኑ አተ፣ ምን እሎም ለ17 ሚልዮን እት ሐርብ ለሞተው ዐሳክር እት ገበኦ። ለ7.5 ሚልዮን ምኖም ዐሳክር ናይለ እት ወቅት ለሀይ እተሓድ ሶቬት ትትበሀል ለዐለት ደውለት ቶም፣ • እንዴ ኢለኣትካርም እግል ረዪም ስኒን ለአተላለ ሸፍ ለእት ፍንጌ እንግሊዝ ወፈረንሰ ለገአ ሐርብ እት ገብእ። እሊ ሐርብ እሊ ምን ሰነት 1338-ሰነት 1453 ጸንሐ፣ አመበል አትካራም እግል 115 ሰነት አተላለ ባህለት ቱ ፣ እሊ ሐርብ እሊ እት ዐለም እብ ‘’ ሐርብ ምእት ሰነት ‘’ ልትአመር፣ • ለሐጭራ ወቅት ለነስአ

12

ሸሂድ

ሐርብ ህዬ ለእት ሰነት 1896 እት ፍንጌ ብሪጣንያ ወ ዛንዚባር (ዮም ክፈል ተንዛንያ ግብለት ለህሌት) ለገብአ እት ገብእ ለሐርብ እት አውካድ ሰዓት 9።00 ምን ገጽ ኣስቡሕ እንዴ አምበተ እግል 40 ደቂቀት ሌጠ አተላለ፣ ወእብሊ ህዬ አስክ እለ እት ዐለም

ለሐጭረ ሐርብ ትበሀለ ልትሰሜ፣

እንዴ

• እትሊ አዜ ለህሌናሁ ወቅት ምን ኩለን ድወል ዐለም እብ ብዝሔ ዐሳክር እት ኣወላይት ደረጀት ለትትረተብ ደውለት ቻይና ተ፣ ዓመተን ብዝሔ ናይ ዐሳክረ 3,950,000 ገብእ፣

ገሌ ምና እሙር በዋቢር በሐር * ታይታኒክ እት ዮም 15 ወርሕ አርበዕ ሰነት 1912 እት ቀበት ሙሒጥ ሞስል ናይ በረድ ደብር ለትዳገሸ እት ገብእ። እሊ ባቡር እሊ እበ ለጀረ እቱ ሐደስ 1513 ሙሳፍሪን ምን እለ እዲና እብ ሞት ፈንተው ፣ * ካሊፎርንያ እት ወክድ መትወሓጥ ታይታኒክ ሰበት ኢረድአ ዐገብ ለትበሀለ ወለትሐመ ባቡር ቱ፣ * ካርፓሸያ እት ወክድ መትወሓጥ ታይታኒክ እት መንገፎሁ ለትፈረረ ባቡር ቱ፣ * ሰቫና እሊ ባቡር እሊ ለእግል ሰልፍ ወቅት ምሒጥ አትላንቲክ ለትዐደ ባቡር ቱ፣ * ሳንተ ማርያ ክሪስቶፈር ኮሎምቦስ ዐለም እግል ሊዱር (ልክለል) ለትነፈዐ እቡ ባቡር ክምሰል ቱ ልትአመር፣ ሳልሕ ዓብደለ መንደር ምን እድንያይ መከረዪ ጥያራት ባጽዕ

አይወ! ደዓ ኒዴ እግሉ ዋልዳይት ወለ ዋልዳይ ህቱ ምን አስተሽሀደ ረህየት ረክበ ለሞዳይ ወህተ ምንዲ ደፈነት ሰብ ናይ ገአነ ወዳይ ሹሀዳነ ጀነት ለሀቦም ንደዔ እሎም እት ሞላይ እንሸአለ ጀነት ተአትባርዶም ተሐሰብክከ ሞላይ፣ ዳይም ዝክር እግል ሹሀዳና ብ. ዐብደለ ሓምድ ልባብ - ዓሰብ.

ወርሕ ጁን (6) ዲብ ታሪክ ኤረትርየ 9 ጁን 1990 ቀትል 30 ሽባን ዲብ አስመረ 20 ጁን 1991 አወላይት ምዕል ዝክረት ሹሀደእ እንዴ ገብአት። ዲብ ክል ሖል ናይ እለ አምዕል ወወርሕ እብ ክምሰልሁ ትተላሌ ህሌት፣

ለዘት ህግያነ

ሽንራይ ለቡ ደቃቅ ኢለሐግል።እለ መሰል እለ ርዝቅ ሐቆ ብከ። ለገብአ በሰር እንዴ ትነፈዐከ ምሽክለትከ እግል ተአርሄ ክምሰል ትቀድር ተአፍህም፣ ዔማት ክታብ እፈ

ሰኣላት ተክተት 10/09 እብ ስምጥ 1. እማነት 4. ገንሐ (ገጽ ግረ) 10. ምን አቅርን ‘ሐ’ ልትሸቄ (ገጽ ግረ) 11. ባብ ቤት አልቦ 13. ምን አተባቃር አዋልድ 15. ምን መዳይን አሮባ፣

3

1

4

እብ ታኪ 2. ማይ ራግእ (ገጽ ለዐል) 3. ምን ደዋይሕ ምዴርየት ሐመልማሎ 5. ምን ዐዶታት ጋሽ በርከ 6. ሕት ወለት እም 7. ምዶልቱ ሰላት ብዝሓም ትውሕድ ወሰላት ኦሮ ትብዘሕ 8. ሜዛን ከበሮ ሻባብ ወሻባት 10. ምን ሐቴ ልንእሽ ዕልብ (ገጽ ለዐል) 12. ለተጠቤ ሰሬረት 14. 10 ኩንታል ምስል

2

7 13

8 11 15

5

6

9

10 14

12

እድሪስ መሐመድ እብራሂም(ወድ ራብዐ) ሀበሮ ጸሊም 17 ዩንዮ, 2009