Chanmarians Chanchin

CHANMARIANS H. Thantluanga

J

anuary ni 30, 1982 (Inrinni) Chanmari Pastor Bial KTP Conference nghahna hmun, Ramthar Presbyterian Kohhran Biak In a\anga Lammual pana YMA Chhang Football Final-a programme pawimawh neia kal, khatih laia kan Branch YMA President Pu B. Daniala chuan a kalpui Pu J.H Ramnghinglova hnenah chuan Chanchinbu hi buatsaih ila, keiin sum lam ka tum ang a, i buaipui peih ang em? tiin a suangtuahna chu a han phawrh hlawl mai a. Chutiang thil lo phurpui em emtu Pu J.H Ramnghinglova nen chuan a buatsaih dan tur chu an rel chawpchilh nghal ta der mai a, A tirah chuan inthlahrung angreng takin Pu Sangluia te n Tv James-a sem atan, chutih laia sap\awng bulletin chhuak Soon hming \awmin Hmanhmawh an siamsak a. An hman chang changa an chhuah avangin, a hnuaiah Hmanchangly tih an ziak bawk a. Rin ai takin miten an lawm ta phian a. Hunbi nei fel deuh zawka an chhuah tak hnu chuan, Hmanhmawh tih ngawt mai chu a remchang ta lova, Pu B.Daniala n Chhungkaw Inleng tih a rawt a. Pu J.H Rama chuan Aizawl a mite pawh Aizawlites an ti a, Chandmary-a chengte chanchinbu chu Chandmarians ti ila tiin fiamthu deuhin a rawt a. Pu B.Daniala chuan, A thu hi ngaihnawm phawt sela, a bu hming hi chu a pawimawh ber lo ve, lo buatsaih phawt teh tiin a ngen ta a. 19.3.1982 (Zirtawpni) a ni a, chawhnu dar hnih velah stencil pahnihah chuan Pu J.H Rama chuan a han chhu zo ve mai a, hming a la nei lova. Pu B.Daniala n thuneihna a pek angin, CHANDMARIANS tih chu PL H/S naupang

pakhat, Jonah Lalmalsawma Pachuau stencil-ah chuan an ziahtir a. A tuk ni 20.3.1982 ah chuan Zoram Hmeichhe Inkhawmpui Lian Chanmariin an thlen tur buatsaih hnatlangah an sem darh ta a ni. Hetih lai hian KTP leh Kohhranin mahni puala chanchinbu chhuah an la neih loh avangin Chanmarians hi information lak nan an hmang niin a hriat. Chanchinbu hi Argus Cyclo Printerah her \hin a ni. Chanmarians hi kartin ph>k hnih chhuah \hin a ni. Lak man Rs. 1 niin, copy 400 her \hin a ni. Editor hmasa ber chu Pu J.H. Ramnghinglova a ni a, Jt. Editor chu Pu Lalsangluia Sailo niin Cir. Manager chu Pu B. Daniala a ni. Hetih lai hian typewriter-a chhut chhuah zel a ni a, a head chu stencil-ah ziah a ni \hin a, a ziaktu a hrang angin a head pawh style hrang hranga ziah a ni \hin. Hmanchangly sem darhtu ber chu tuna Chanmari west lama awm, Tv James Lalchhuanthanga hi a ni. Hetiang hian Februry ni 19,1982 a\angin April thla pum buatsaih chhoh a ni. 1.4.1982 ah chuan Durtlang Damdawi In-ah Editor chu admit a ni. Hetih hun lai hian Branch KTP in Official Organa hman an rel a, Committee chuan enkawl an huphurh avangin an rel thlu ta lova. Pu B.Daniala bawk chu Damdawi In-ah chuan A hei Pa Ram, kan Chanchinbu hi tihnun ka duh si a, KTP hian a enkawl theih loh pawhin CBYMA hian enkawl ila, buaipui zui teh a a rawn ti a. Chutih lai chu Pu JH Rama chu CBYMA ah Secretary a ni a, President-in chutia a han tih takah chuan hnial ngam lovin, Kan tang tlang zel a niang chu tiin a chhang a. Tichuan he chanchinbu hmuchhuaktute duhdan angin Chanmari Branch YMA chuan May, 1982 atangin a neitu nihna a chang chho ta a, Chanmarians tih hming chawia Chanmari veng chhungah chhuah chhunzawm alo ni ta zel a ni.

Chanmarians Editor ni tawh te:1. 2. 3. 4. 5. 6. 7. 8. 9. 10. 11. 12. 13. 14. 15. 16. 17. 18.

J.H Ramnghinglova .......... 1982, 83, 84 K.Chhawnthuama ............ 1985 Vanneihtluanga ................ 1986 Lalsangluia Sailo .............. 1987 Lalramzauva .................... 1988, 89 R.Lallianzuala .................. 1990 Lalnuntluanga .................. 1991 (Jan & Feb) Lalzamliana Sailo 1991 (Feb atangin) 1993 (May atangin) Peter Zohmingthanga 1992-93 (Jan-May) 94,95 Laichhuanmawia ............. 1996, 98 R.Lalthanmawia ............... 1997 C.Vanlalvuana .................. 1999 Vanlalpeka Hnamte .......... 2000, 2001 C.Vanlalnunga.................. 2002, 2005, R.Lalsangzuala ................ 2003, 2004 Pu Lalzabiaka .................. 2006 Lalengliana ...................... 2007 Lalduhawma .................... 2008

Hmasawnna Chanmarians a chhuah \an lai hian Computer a la awm lo va, thil chhut nana an hmanraw neih \hat ber chu Typewriter a ni mai a, a chhutuin a thiam leh thiam lovah a innghat thui hle a ni. A head hi stencil-a kuta ziah ni \hin a, sulhnu \ha leh \ha lo kar a hla duh khawp mai. A chhuah \antirh lai khan khawtlang, KTP leh Kohhran lam chanchin chhuahna a nih avangin a phek hmalamah YMA thil pawimawh leh kohhran leh VC hriattirna te chhuah \hin a ni a, thupui fun taka siam a ni lem lo. A

buaipuitu te n an ruahman angin mi tihlim thei zawng leh fiamthua inkahna lam chi hmuh tur a tam hle a ni. Kum 1983 hian a head hi scale nena uluk taka teha rin thlap niin a felfai \ha hle a ni. 1985 -a YMA Golden Jubilee khan Phek 4 a chhuah chu Chanmarian din tirh atan a vawi khatna a ni. Hmasawn duhna avangin a phek hi tihpun tumin an bei fo a, Chanmari Branch YMA-in hun pawimawh deuh a neih chuan phek 2-a tihpun a ni deuh zel \hin a, he an phek tihpun hian rei a daih theih meuh lo. 1992 atang chuan regular takin phek 4 a chhuah a ni ta \hin a ni. Kum 1987 hian tuna Chanmarians kalphung ang deuh hian chhut niin, phek hmasa lamah a Headline te, Branch Report leh thil pawimawhte chhut lan \hin a ni a, phek hnung lamah hian Editorial leh Article tawi te te an ziak \hin bawk. Chanmarians hi kum 1982-1989 thleng hian Pathianni zing tin regular taka sem a ni lo a ni mai thei, February 4, 1990 hian Branch Committee chuan regular taka chhuak turin Editorial Board-te hi a ngen a ni. Tunah chuan regular takin Pathianni zing tin a chhuak tawh a, a chhuah tantirh kum 1982 atangin vawiin thlengin a copy la neih kim vek a ni. Chanchinbu chhut nan hian current a awm loh chang pawh a hman turin UPS tha tak a awm tawh a. Tin, HP Laser Printer 1260 te, Scanner te hi Chanmarians tan thil pawimawh tak a lo ni chho ta a ni. A chhuah tantirh lai kha mimal kuta awm a nih avangin Pu James Lalchhuanthanga, tuna Chanmari West-a awm ta hian a sem lauh lauh \hin a. YMA Chhang lo indinin hun eng emaw chen anni n an sem a. Hun a lo kal zel a tunah chuan YMA Chhang awm tawh lovin Section tina hruaituten anmahni Section huam chhungah a sem awm an hriat naupangte ruatin an semtir \hin a ni. Chanmarians semtu naupangte hi Pathianni zing kar hian an hah hle \hin a, Pathianni tuk tin hian khawchhia pawh sawi lovin taima takin an sem \hin a, heihi hriain hun eng

emaw chen atang khan Editorial Board Member-te chuan an pualin Editorial Board-te inthlak hun February ah present \ha tak leh chawhlui an buatsaihsak \hin a ni.

Khawl thluak nei chhawr tan a ni Chanmarians hi veng chhung YMA Chanchinbuah chuan a chhuak hmasa ber nia hriat a ni a. Tin, Computer-a chhut hmasak ber a ni bawk. Mizote hian Computer kan hmelhriatna a la rei lo hle a, Dot Matrix hmanga Stencil-a a print theih leh theih loh hi kum 1992 a Editorial Member-te hian an ngaihven hle a, Dot Matrix hmang hian a print theih ang a tih ngaihtuah chungin a head chu Pu Lalhmingthanga (Vivala), Sec-III hnenah an print-tir ta a. 4.10.1992 Chanmarians head chu Computer hmanga print hmasak ber a lo ni ta a ni. Mahse hemi kum hian a chhung thute chu typewriter hmang veka chhut a la ni. Thiamnate lo pung zelin Chanmari Branch YMA pawhin kum 2000 chuan Computer a lo nei ve ta a, hemi kum tawp atang chuan mumal takin Computer hmanga chhut a lo ni ta a ni. Computer hi Chanmarians tan hian pathum hman a ni tawh a ni, a hmasa ber chu kum 2000 khan Pu Vanneihtluanga leh Pu Lalhmingthanga (Vivala) ten pawisa inthawh tawmin an lei a, hei hi rei tak chhung hman a ni. Kum 2006 kum tawp lam khan Pu R. Zatawna, Section II chuan printer nen a thawh a, hei hi kum 2007 khan hman a ni a, hemi kum tawp lam hian Chanmarians Office chu misualin rawkin Computer-te hi ruk bo a ni ta a, hemi a nih avang hian Branch YMA chuan a thar kumin 2008 ah a lei leh a ta a ni. Tunah chuan Chanmarians hi changtlung takin buatsaih a ni tawh a, YMA Hall-ah hian Office tha tak a awm tawh a ni. Chu bakah Chanmari Branch YMA ina Official taka a pawmpui a layout chu tihdanglam loh loh turin a pass tawh bawk a ni.

Chanmarians lak man Chanmarians l^k man hi kum 1982 - 1989 hian 0.25 paise leh Rs. 1/- a ni a, kum 1990 atang in Rs. 2/- a tihsan niin kum 1993 kum atang hian Rs. 50/- a tihsan a, tunah chuan Rs. 100/- kum khat lakman a ni a, hei hi Section hruaituten an buaipui a ni.

Crossword Crossword hi a awm \anna a rei ta hle. 1984 April thla a\ang khan \an niin a lang, a hming atan REM DIK te, PUZZLE te, vuah \hin a ni a, lawmman atan hian Chanmarians thla khat l^k man free te, Rs. 20/- te siam a ni \hin a, kum 2000 hnu lamah chuan lawmman atan Rs. 50 leh Rs. 100 siam a ni a, heng lawmmante hi Branch hruaitu a remchang ten an tum bakah, advertisement hmuh atangin pek \hin a ni.

Belhchian dawl lo Hei huang hi kum 1982 atanga \an tawh niin, veng chhung mipuite lawm zawng tak mai a ni a, Chanmarians hmuh veleha mite en hmasak a ni \hin. Nula leh tlangval, nu leh pate tana pawi sawi lo a nih avangin Chanmarians a chhuahte hi chu mi \angkai leh mi fel tak, khawtlang tana \hahnem ngai tak te an ni deuh zel. Huat thuah an la ngai lo va, an nuih pui tlawrh tlawrh \hin zawk a ni.

Sunna, Advertisement, Inneih Sawmna: Kum 1982 a\ang khan Advertisement leh Inneih sawmna hi Chanmari Veng mipuite hnena hriattir nan Chanmarians ah chhuah a lo ni tawh a. Tuna kan hman lai mek Sunna tih hi kum hmasa lamah chuan Vanduaina Lusunna Awmlai tiin emaw a hming hi phuah a ni. Hei pawh hi kum 1982 atanga hman \an a ni. Kum khat chhunga mitthi sun zat hriat nan \angkai taka hman a ni.

A chhutna/herna hmun A chhuah \antirh atangin mimal Inah chhut a ni a, hun rei tak chu Pu Lalnuntluanga te in leh Pu R. Lalzidinga te ina chhut a nih hnuin YMA Hall-ah chhut a ni ta ngar ngar a ni. A herna hmunte pawh Argus Cyclo Printer, Rawite Publication Chanmari West, Vanglaini News Hq. Sunset View, Chanmari, JR. Brothers Publication & Book Binding Treasury Square, Chanmari Branch YMA ahte Duplicating Machine hmangin her a ni \hin a, Computera chhut a nih a\angin mawi takin tun thlengin LV Art, Chanmari-ah Offset-ah an print zur zur ta mai. A tira 400 copies a chhuah chu a kum telin tihpun hret hret a ni a, tunah hian 850 copies lai chhuah a ni ta. In tina lut ang tluka ngaih a ni.

Lawmman lakte Kum 2001 khan Sangkamlova Memorial Award, I&PR ina a buatsaihah Lawmman Pahnihna kan dawng. Kum 2002 kumah Sangkamlova Memorial Award, I&PR ina a buatsaihah lawmman 4 na kan dawng bawk.

Silver Jubilee Silver Jubilee lawmna inhmakhuana atan leh a kum 23-na denchhenin May 30, 2004 khan Chanmarians chu colour-in phek 6-a chhuah a ni a, hei hi a vawikhatna leh a awm chhun a la ni. May 11, 2007 khan a kum 25-na (Silver Jubilee) chu lawm a ni, Chanmarians lo enkawl tawhte zawng zawng tan chawhlui buatsaih a niin, an puala zan lama function siamah Certificate mawi tak pek an ni. Veng chhung leh veng pawn atangin Chanmarians enkawltu lo ni tawhte an kal \ha hle.