Bma Aw: 30th March 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 13

Bangalore Mizo Associ ation

KEIMAHNI && Nimin tlai dar 6 atanga dar 8 khan SAIACS, Kothanur chuan Graduation Day an hmang a. Hetah hian an Principal Rev. Dr. F. Hrangkhuma, (kan senior Adviser ni bawk) chu thlahna hun an hmang a. Principal thar atan Dr. Ian Payne chu lakluh a ni. && Pu H. Laltlankima, Master of Theology (MS) zirlai leh a thiannu Pi Laldinpuii Hnamler, Diploma in Christian Ministry zirlai te chuan hlawhtling takin an zirna an zova. Pu H. Laltlankima phei chuan Principal’s Award (Best Thesis in terms of Creativity, Research, Clarity and Conviction) a dawng bawk a ni. && Lalmuansangi, Mount Carmel College, Vasanthanagar a BA Final year zirlai chuan lawmman ropui tak ‘Excellent Academic Performance’ a dawng. He lawmman hi BA zir chhunga zirnaa tihthat lawmman a ni a, tin, mi tlemtein hei hi an dawng pha a ni. Final exam hi tunkar chho atang hian an nei dawn bawk a ni. BMA AW pawh January - March enkawl hun alo tawp leh ta a. April – June thla chu a tharin an enkawl anga, tin a latu zawng zawngte pawh a thara lak leh a ngai tih kan inhriattir e. Thla thum lakman pawh Rs.60 a ni tawh ang. BMCF INKHAWM PROGRAMME

Pathianni (6th April 2008, 4:00pm) Hruaitu: Tv Zorina Pautu

Praise & Worship

Thusawitu: Dr. Lalrinawmi Ralte Changvawn : Sam 11:1 ‘Lalpaah chuan ka rinna ka nghat thin’

Pathi anni Tin Chhuak Chanchinbu

Date: 30th March 2008

Phek Khatna

Article VAL UIAWM (New Capital Complex panna kawng a lung bang rem chimin a delh hlumte tan he thuziak hi ka hlan e) - Rinrini Pa, Churachandpur. February 29, chawhnu herah New Capital Complex panna kawng a lung rem a chim a, hnathawktu tlangval pali— Lalvulmawia, Govt. Complex, Lalmuankima, Govt. Complex, Lalruatkim a, Chhinga Veng, leh Laltlanchhuaha, Covt. Complex te a delh hlum tih ka hriat ni chuan ka rilru in mawhpuh tur a zawng ruai ruai a ni ber mai. Hringnun hi a lo va nunrawng tehreng em ti te in ka ngaihtuah a. Mi thenkhat rinawm loh vanga hnathawktu rinawm leh taima, thalai huaisen in an nunna hlu tak an chan ta mai hi hriatthiam harsa ka ti ngei mai. Khuanu’n hringnun a lo duan dante ka thlir kir a, thu kan neih ve loh zia leh khuarel chungchangah tawngkam khat chauh pawh sawi ve theih kan neih loh zia te ka ngaihtuah chhuak a ka lung lam lam te pawh a chhe rum rum mai. Sawi ve theiin thuneihna chhete chauh tal pawh nei ni ila chuan Aizawl khawpui chhunga kuthnathawh pawh hreh lo tlangval huaisen pali te nunna chhan na tur hian lung bang rem kha chim tir lo turin a reltu hnenah hian ngenngawl takin ka ngen chiam duh ngeiin ka ring. Ni e, kha’ng tlangval lungrem chim avanga nunna chan tate kha an pamhmaiin vanglai nun hmang tan chauh tur an nih lai reng a fam khawpui min han lawi san ta mai kha an uiawm takzet a ni. Kawng tinrengin an uiawm a ni ber mai. An chhungkhat laina leh thenrual hnaivaite tan chauh a uiawm an ni lo. Mizo mipuite tan hian an uiawm a ni ka ti ve duh tlat.. Tunlai hian Mizo thalaite zingah kuthnathawh hrehna lian tak a awm mek niin kan social analyst te chuan an sawi chamchi a. Hei hi ‘modernization’ leh ‘westernization’ hri ken tel tlat ni te pawhin an sawi thin a. Mizo thalaite, khawthlang nunin a chim a a fan chhuah mekte nunah hian hei hi chiang taka hmuh theihin a awm a ni. Mizo thalaite hi kan in tih changkan tawh em avang hian kut hna thawk peih pawh kan awm tawh m ang lova. A bik takin, ka’n ti teh ang, Aizawl khawchhung a cheng thalaite phei chuan kut hna thawh hi thingtlang lam chanah an dah lian tawh hle niin a lang. Kut hna thawka inhlawh chu sawi loh, mahni inchhung sekrek takngial pawh khawih tum tawh hauh lo thalai hi Mizote zingah hian a kum telin kan pung thur thur mai a ni ber tawh a. Nilenga kut hna thawk a inhlawh a sum hlutna hre tur a mahni tha leh zung hmang ngei a sum haichhuah ve tum aiin nu leh pate thawhchhuah sa ring a nilenga thiante nen a inkawmho mai mai thlang zawk kan tam ta hle te hian lungrem chimin a delh hlum tak tlangval palite uiawm zia kha a ti chiang hle. Khawpui a cheng Mizo thalaite hian kut hna thawh a zahthlak lo a ni tih hi min zirtirtu tur kan mamawh. Thu chuan tu tu emaw te chuan an sawi kan hre fo tawh a, tawngkam thiamna hmanga Mizo (phek hnihnaah chhunzawm a ni e… )

Vol XIII Issue No. 13

Bangalore Mizo Associati on

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani Kim Kimi Bawitlung E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Mi chu a inchei danah a hriat Kan hnam tlem thu chu sawiloh, kan awmna ram bik zau zawng pawh tlem tak a ni a. Chuti chung chuan kan inzarpharhin, hmun tin rengah kan awm darh ve zel a. Hnam tlem leh naupang tak e tilo chuan a hnam upa zawk leh puitling zawk, a tam lamah pawh kan hnam let sawm chuang daih zingah pawh chanvo tha leh hmingthatna la tam tak kan awm ve zel mai hi a ropuiin, a chhuanawm thin hle mai. Khawvel thilah a ni emaw, sakhuana lam thilah a ni emaw, Mizo hnam ti hmingthatute hi an hlu thin a ni. Hna kan thawhna hmun leh kan zirna hmun hrang hrangah, mahni tan mai nilo, chhungkaw tan, hnam tan, ram tan thawh theih te, entir theihte kan nei theuh a ni. Mizote hi thil tih khawm leh inhokhawm thin kan ni a. Puipun ni khuaa awmdan te, a hun leh a hmun a zira thawmhnaw inbel dante, kan awmna hnuhma felfai zawka hnutchhiah dan te, kan zir zela kan nunah kan tihlan zel hi a pawimawh tak zet a ni. Hei hian hnamdang zingah te, kan hnathawhpui leh zirpuite hnenah te thu a sawi nasa thei zawk daih a ni tih hi vawng tlat ila. Hetiang nunah hian ‘finna, puitlinna, hmingthatna’te a awm zel ang tih ka ring tlat. (Joint Editor)

Pathianni Tin Chhuak Chanchinbu

Date: 30th March 2008

Phek Hnihna

thalaite kut hna thawk tura min hmin tumtute nunah hmuh tur a awm si loh avangin kan rilru a hmin lova, hma thar lak tumna nei lovin kan sukna ngaia suk leh mai mai kan thlang zawk. Kut hna thawk lova awm hi khawpui tlangval ziaah kan ngai nghet tlat tawh a, he kan thurin hi kan kohhran thurin ai pawhin kan vuan nghet zawk a; kan bel zawk bawk. Tute mai pawh hian lampui changkhat a intawh nikhua pawhin min zawt thut mah se bahlah miah lovin kan thurin hi chu kan sawi zat zat thei vek ang. Chuti khawp chuan kan bel tawh a. Kan bel zia hi mi thenkhatin an hriatchian loh avangin an tawngkam thiamna hmangin, an nun a hmuh tur awm si lovin, min hneh tumin thawkaphit a kut hna thawh hlut zia an sawi ve zen hi chu kan chhang kham tawh a. Chutiang mite chuan hei hi lo hre mawlh hlawm teh seMizo thalai, a bik takin khawpui a chengte hian kan mamawh chu ‘tawngkam chauh a kut hna thawk mi ni lovin an nun ngei a lantirtute hi an ni zawk. Hei vang hian a lawm New Capital Complex lungrem chimin a delh hlum tak tlangval palite kha an uiawm em em ni. Anni kha chuan an tawngkam thiamna hmangin Mizo thalaite hi Kut hna thawk ve turin min sawm lova, an nunin min sawm zawk a ni si a. Khawpui mi ni chung si a kut hna thawh an zak lo leh an hreh lo kha an fakawm ka ti thlawt mai. Ni e, mi thenkhat chuan an khawsak a panin an huntawngin a nawr vanga inhlawhfa an ni zawk lovang maw ti pawh kan awm mai thei. Dik tak chuan anni aia khawsak hniam leh berh zawkte pawh inhlawhfak tum chuang lo leh nu leh pate rilru hahna enghelh pui miah lova nilenga thaw ti veng satliah ringawt hi kan tam hle awm asin! Kan tlangval uiawmte erawh kha chuan mahni intodelh ve duhna leh nu leh pate ritphurh chhawk zangkhai duhna thinlung duhawm tak an neih avang zawkin khawpui tlangval an ni chung pawhin inhlawhfak an zak lo ngam a nih ka ring tlat. Hetiang rilru pu ngam tlangval hi kei chuan khawlai a “tunge min cho?” ti a au pawr satliah ve ringawt te ai chuan “tlangval huaisen” ti a kan sawi te zinga chhiar tel ve chiah ka ngai zawk. Mahni in chhung khawsak ngaihtuah vanga inhlawhfakna remchang hmanga nu leh pate phur chhawk zangkhai duhna rilru pu tlangvalte hi tunlai khawvel changkang leh thangchho mek zel kara “huaisen” kan tehna huang pawn a hnawl atan chuan an uiawm ka ti deuh. Khawpui tlangval ni chung si a “ka pa, ka thiante nen kan inhlawh dawn” tih pah a pheikhai zang taka mahni in lum chhuahsan ngam tlangvalte hi an huaisen lo kan ti a nih chuan kan daw duai ang. Computer Age-ah kan khawsa tawh a, inhlawhfak chu sawi loh mahni in chhung hna tul leh pawimawh ngei ngei thawh tum Mizo thalaite, a bik takin khawpui a khawsate, zingah kan van pharh tawh laiin tlangval lai, nalh khelh leh changkang nih duh hunlai tak mai a kut hna thawk zak lo mi entawn tlak tak mai Mizo thalai khawpui a khawsate zingah kan la awm tih han hriat hi a thlamuan thlakin Mizo nun kan la chhawm nung reng a ni tih a hmuh theih a. Amaherawhchu, hlemhletna leh duhamna avanga kan tlangval huaisente’n an nun an chan ta mai erawh hi chuan ngaihtuah a ti thui hle thung. Dikna leh felnain kan ramah ro a rel theihna turin kan tlangval uiawm takte thisen luang hi min kaiharhtu lo niin malsawmna thlentu lo ni zawk se tih hi ka tawngtaina a ni. (He thuziak hi www.bangaloremizo.info atanga lakchhawn a ni e. Kan website ah hian article leh thu ziak dang tha tak tak chiar tur a awm reng e.)

Vol XIII Issue No. 13 Bangalore Mizo Associ ation

BANGALORE CHANCHIN

&& Boruak a lum ve viau reng a. Mahse, ruah a sur zeuh zeuh chuan a ti ziaawm khawp mai. Khawlum lai berin 31.5 deg. Celcius a ni a, a vawh lai berin 18.8 deg. Celcius a ni. Tunlaiin kan member tam zawkte pawhin exam an nei dawn mek a. An zir nasat lai tak a ni. && Bengaluru International Airport, Devanahalli a mi pawh a hawn hun tur sawn leh a ni a. May 11 hian hawn tura rel a ni. Tam tak ngaihdanah chuan he hunah pawh hian hawn a nih an ring chiahlo, inthlan zawh lamah hawn a nih an ring.(ToI) He airport hi cheng vaibelchhe 2,500 senga si am a ni. A hmun hi Bangalore khaw chhung atangin motor-in 45 mins vel kal a ni. && Earth Hour: Nimin zan dar 8 atanga dar 9 chhung khan Infosys, Wipro, Microsoft leh Intel te chuan global warming ven nan an power hman tam zawk an ti chawl lai lawk ve a ni. Infosys te phei hi chuan India ram chhunga an hmunpuiah he hun hi an hmang vek a ni. Infosys hian thla khatah kawlphetha unit maktaduai riat lai an hmang a, ni khatah chuan nuai li hmang ang zel an ni. Darkar khat chhung an han chawl lailawk pawh hian ram tan thahnem tak a chhanhim a ni. Microsoft te pawhin khawvel pumah he darkar 1 chhung chawlh hi an hmang a ni. && Political campaign hun lai a ni a, May ni 10 a assembly inthlan lo awm tur atan party hrang hrangte an inbuatsaih nasa hle. Bangalore khawpui huam chhungah hian vote nei vaibelchhe 4 an awm a. He’ng zingah hian mipa vote nei chu vaibelchhe 2.03 an ni a, hmeichhia vote nei chu vaibelchhe 1.97 an ni.

Pathi anni Tin Chhuak Chanchinbu

&& Bangalore University chuan kum 2008-2009 chhunga an budget atan cheng vaibelchhe 140 an ruahman. Nikuma an budget chu cheng vaibelchhe 30 laiin a khum a ni. Infrastrusture vel atan cheng vaibelchhe 20.3 ani ang a, Research leh project fund atan cheng vaibelchhe 6.88 a ni ang. Kolar hmuna Post Graduate centre siam nan cheng vaibelchhe 5 ruahman a ni a. Cheng nuai 50 chu mipa leh hmeichhe hostel siamna atan ruahman ani. Tin, museum siam nan cheng nuai 50 ruahman a ni bawk. Kum 5 kalta atang khan he’ng zirnate hi siam a ni bawkElectronic media, apparel technology, women’s studies, life science, fine arts leh PG in geoinformatics. He’ng tih chhunzawm zel nan hian cheng nuai 75 ruahman a ni bawk. MIZORAM CHANCHINTHAR

## Ch. Chhunga Bus Terminal hman tan a ni ta. Cheng nuai 1836.55 senga sak, kum 2007 January ni 29-a Mizoram Chief Minister Pu Zoramthanga’n a hawn tak Ch.Chhunga Bus Terminal, Thuampui a mi chu March ni 28 tlai atang khan hman tan a ni. Pu Richard Zothankima, Secretary, Ch. Chhunga Bus Terminal Management Committee chuan technical report pein, He Bus Terminal hi a tir chuan LAD hnuaia enkawl niin, UD&PA Department a lo pian takah chuan an enkawlna hnuaia a awm tak thu leh a sak chungchangah NBCC Ltd. enkawlin Southern Engineer Works Constructions Ltd., Hyderabad te sak a nih thu a sawi a. He building hian basement, ground floor, first floor, second floor leh third floor a nei a, a zau zawng hi 7320 sq. meter niin basement ah car 45 dah theih a ni

Date: 30th March 2008 Phek Thumna

a, ground floor ah bus 15, first floor ah restaurant, passengers waiting hall, driver retiring room, office, ticket counter, dawr unit 3 a awm bawk a. Second floor ah dawr unit 42 leh show room 5 a awm bawk. Third floor ah office leh thil hrang hranga hman tur hall zau fe fe 3 awmin mipa leh hmeichhe inthiarna changtlung tak tak floor tinah dah a ni a. Power sub station, passenger lift leh bungraw khai chhohna tur lift a hranga siam a ni bawk. A hman dan tur chungchangah dan (regulations) mumal taka buatsaih a ni a, a bikin khualzin tana tangkai thei tur leh Aizawl khawpui traffic tawt lo ziaawm nan leh sumdawnna hmunpui ni turin ADA chuan theihtawpa hma a lak thu leh Mizoram State Transport Authority in order a chhuah angin March 28, 2008 atanga Night bus/Tourist bus chhuak reng rengte chu Ch. Chhunga bus terminal atanga chhuak vek tawh tura tih a ni a, ticket agent te pawhin ticket booking counter nei vek tawh tura hriattir an ni tawh nghe nghe. (source:buannel) ## Hnam Rûn bulah Bomb a puak. Thawhlehni, 25th March 7:55pm a Hnam Run bula Bomb puak chu Assemby House-ah pawh sawichhuah niin Home Minister Pu Tawnluia chuan Statement a siam. MPF (Mizoram Poor Federation) Vice President leh Treasurer te bomb puak vangin man an ni a. MPF thuchhuah chuan March ni 25 zana Hnam Run bul bomb puak avanga an Vice President leh Treasurer man an ni chu hriatthiam harsa an tih thu an tarlang. MPF chuan an thuchhuahah chuan March ni 26 hian Emergency Meeting an nei.

Vol XIII Issue No. 13

Bangalore Mizo Associati on

Pathianni Tin Chhuak Chanchinbu

## MZP ten Vaivelh chungchang an sawifiah. March ni 27 khan Mizo Zirlai Pawl (MZP) chuan Aizawl Press Club ah chanchinthar lakhawmtu te kawmin tunhnaia hnamdang pakhat an zilhhau chungchang an sawifiah. MZP te chuan tunhnaia hnamdang pakhat an zilhhau chungchanga thu diklo thehdarhtu chu Health Dept. a officer pakhat Hnamdang supplier nena inkawm ngeih tak ani a, amah pawh hi Health Minister tih lawm tuma phe reng ani tiin an dem thu MZP te chuan an sawi a. Minister pawhin he vai supplier dawt phuahchawp hi a pawm dawn anih chuan Mizo te minister nilovin vai supplier diklo taka supply hnathawktu tana Minister hna thawkah an ngaih tur thu a sawi a ni. MZP chuan hemi chungchanga Press Release an si amah chuan March ni 20 zing dar 10 ah he vai supplier hi chhuanlam hrang hrang a siam hnuah an office ah a leng lut a, MZP te chuan hawihawm taka lo dawrin a hna chungchang te an sawipui a, bungraw tha leh rintlak chauh supply turin an hrilh a, tunhnai maia bungraw thalo chungchang Assembly House a an sawi leh MLA in press Conference a ko hial chu thalo an tiin Mizo te thawh theih chu Mizo te ngeiin thawk se an duh thu an lo hrilh a, an thusawi hi he vai supplier hian engahmah a ngailo a, a awmdan ang hian tu bulah pawh awm se an ngaitheilo vek ang tiin MZP thuchhuah chuan tarlangin, an insum zo ta lo tih an tarlang a, na lova a chhuak tur pawh tha taka an inthlah thu an thuchhuahah chuan an tarlang. Pawisa dil turin Ravi Arora hi an sawm lo a, cheng nuai 10 chhuhluih an tum bawk lo tih MZP te chuan sawiin an sum ngiat ang a pek duhloh avanga sawisa ang a sawi chu thu diklo a ni a. He vai hi humtu leh a thlavang hauhtu an awm avanga hetiang thil hi thleng ta a ni an ti. ## Kohhrana Mizo tawng hman chungchang seminar neih a ni. March 27 nileng khan Pi Zaii Hall, Synod Conference Centre-ah Synod Literature & Publication Board (SL&PB) buatsaihin Kohhrana Mizo Tawng Hman chungchang Seminar neih a ni. Seminar tanna hi Synod Moderator Rev. Dr. H. Vanlalauva’n kaihruaiin hunserh a hmang a. Seminar-ah hian Resource person, Upa C. Sangzuala’n a paper buatsaih “Kohhrana Mizo tawng hman chungchang” tih chu chhiarin Respondent Upa R. Lalzuia’n a sawihawng zui nghal a, chawhnu lamah sawihona neih zui a ni.

Date: 30th March 2008

Phek Li na

Pathian Biak Inkhawm kaihhruaina leh Kohhran huang chhunga Mizo tawng hman dan dik tawk lote sawichhuakin tawngkam hman dan dik zawkte sawiho a ni. Seminar-a tel tur hian Aizawl khawpui chhung Pastor leh Pro. Pastor te, Kohhran aiawh l eh mi bik engemaw zat sawm an ni a, mi 140 lai an tel thei a. Graduation Day: Vawiin tlai inkhawm ban lamah hian UTC a zirlaiten Graduation Day an hmang dawn. Kan member thenkhatte leh kan President kalchhuak ta te pawhin an zirna an lo zo dawn ta e. A thei thei chuan i lawmpui ang u, BMA member-te chu min sawm vek e. $$ Hlawhtling taka zirna zo Bangalore-a kan member zawng zawngte, BMA AW Editorial Board te chuan kan lawmpui che u a, hmalam hunah hlawhtlinna duhsakna sang ber kan hlan bawk a che u. INFIAMNA English Premiere League point dinhmun: (as on 28th March, 6pm) Position 1 2 3 4 5 6 7 8 9 10

Club Manchester United Chelsea Arsenal Liverpool Everton Portsmouth Aston Villa Blackburn Manchester City West Ham United

Played 31 31 31 31 31 31 31 31 31 31

GD +49 +32 +35 +31 +22 +11 +12 +4 +2 -3

Point 73 68 67 59 57 50 49 49 49 44

English Premier League: Zanin inkhel turte: Liverpool v Everton Tottenham v Newcastle United UEFA Champions League Quarter Final: 2nd April 2008, Nilaini 02:00am Roma vs Man. United 02:00am Schalke vs Barcelona 3rd April 2008, Ningani 02:00am Arsenal 02:00am Fenerbahce

BMA Office Bearers 2008-2009: President : Vice President General Secretary : Mâdawnga Hauhnâr Asst.Gen. Secretary Treasurer : Rebecca Lalmalsawmi Assistant Treasurer Secretary i/c Sports : R. Lalremruata Secretary i/c Cultural Secretary i/c Academic & Human Resources : Lalrothara Tlau

vs vs

Liverpool Chelsea

: Pu Joshua Lalrempuia : Lalengzuala : Blessy Sailo : Terence Lalthlamuana