Bma Aw: 16th March 2008

BMA AW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 11 Bangalore Mizo Associ ation

KEIMAHNI

Pathi anni Tin Chhuak Chanchinbu Date: 16th March 2008 Phek Khatna

Article

ZOZE TUIPAWLHLOH

&& Pathianni hmasa, 9th March, tlai lam dar 6 khan Chhinlung Panel Discussion Video, hmuhnawm leh ngaihnawm tak chu, BMA President, Pu K.Lalrokima’n General Editor Rev. Lalhmingchhuanga Zongte Inah a tlangzarh. He video hi a duh apiang tan lakchhawn theihin a awm e. Editorial board te hnenah a ngaihven theih.

Bangalore hi Mizoram leh a chhehvela mizo te chenna tih loh ah chuan hmun khata mizo awmkhawm tamna ber ti ila kan sawi sual tam awm lo ve. Mizoram leh hmun hrang hrang atanga kal khawmin hnathawk leh zirlai te a tam zawk chu kan ni a. Mi pawimawh tak tak, ram leh kohhran hruaitu la ni tur tha tak tak te pawh kan zingah hian kan awm ngei ang. Mizoram hmun hrang hrang, thingtlang leh khawpui atanga kal khawm kan ni a. Zirna leh inchhungkhur dinhmun in ang lo tak tak atanga kalkhawm leh mimal, ngaihdan leh rilru sukthlek inang lo tak tak te pawh kan ni ang, mizo tih thumal pakhat hian min phuarkhawm vek a ni tih erawh kan hriat nawn fo a tul.

&& Vawiin tlai lam dar 3 hian Mandya-Mysore Mizo inkhawm, Mysore-ah neih a ni a. Kan General Secretary, Madawnga Hauhnar leh Debbie Lalnunhlui te chu sawm an ni a, an zuk hmanpui a ni.

Mi ramah, hnam dang karah kan khawsa a ni a, keimahni lo hi chu min duhsaktu leh min lainattu tak tak pawh an awm chuang lo. Keimahni leh keimahni hi kan inngaihsaka, kan inkawmngeiha, a tul hunah pawh intanpui hrehlova kan awm thiama, kan inpawh nasat poh leh keimahni tan bawk a ni mai. Hnam dang zinga inchhan tak leh invengtawn taka khawsa a, kan zoze tuipawlhloh hi kan chawisan a, kan chhawmnun a pawimawh tak zet zet a ni.

&& Committee member Rev. Sairengpuia Sailo u, Pu Lalnunsanga (kum 46) chu Thawhlehni (11th March) zing 5am khan Kolasib ah kal leh pumpui thalo avangin a boral a. Hemi ni chawhnu dar 2pm ah an chenna In Nandidurg road ah thl anthut neih a ni a. Member tha hnem takin an lenpui a ni. Pu Lalnunsanga hian fa 3 a nei. BMCF INKHAWM PROGRAMME

Good Friday (21st March, 3:00pm)

Hruaitu: Tv K. Lalrinmawia Tantu: Nl. Lalropuii Special No: Sarah Lalngaihawmi Thusawi: Rev. C.Lalmuankima Changvawn : Isaia 53:5 ‘A vuakna vualtea tihdamin kan awm ta’ Easter Sunday (23rd March 3:00pm) Hruaitu: Pu RL Rinawma Tantu: Tv Obeda Lalhuliana Thawhlawm hlantu: Pi Cicilia Special No: Nl. Kimkimi Bawitlung Thusawitu: Rev. R. Lalnunzira

Hnam dang zinga mizo zia pholan kan tum dan hi mi tam takin kan hmuthelhin tam tak phei chuan a hriat pawh kan hre lo mai thei. Kan hnam incheina pholan leh kan hnam lâm chi hrang hrang entir te hi mizo kan nihna tilangtu chu a ni ngei mai, mahse heng hi kan hnam zia pho chhuahna tak tak erawh ani lo tih hria ila. Kan hnam zia kan pholanna tak tak zawk hi chu kan nitin nun dan leh khawsak dan ah zawk hian a ni. Mizo te chu khawtlang inrelbawlna fel tak neia Lal leh Upate rorelna hnuaia khawtlang mipui te, a thlum a al eiza, mi rethei leh chhawmdawl ngai inchhawmdawl tel tela inlungrual taka awmkhawm thin kan ni a. Lal sual leh mi rethei leh hnamchawm te hmuhsitna te pawh awm ve thin mahse kan zoze dik tak leh nghet tak erawh hi chu; mite tana tangkai tum, mi rethei leh chanhaite chhhawmdawl, khawtlang inpumkhatna leh inkungkaihna tihngheh, nu leh pa leh upate zah thiam, thian chhan thih ngam nunze mawi tak a ni tlat a ni. Heng ze mawi tak avang te hian a lawm kan rama kristianna alo luh pawh khan kar lovah mizo te kristian ah kan awm vek ni. Kan mizo nunzia leh kristian nun kha a inmil em em a, nghet taka in manin rei lo te chhungin ramhuai biakna kalsanin kan pi leh pu te kha lungsi takin Pathianthuawih ah khan an awm mai ani. He zoze tuipawlhloh hi hnam dang zingah thehdarhin chawisang ila, keimahni mizo te ngei zingah pawh hian I thar thawh fo thin ila, engvang mahin he zoze tuipawlhloh hi tihbawlhhlawh leh tihbawrhbana a awm hi I phal suh ang u. Kan ram, kan hnam kan dinchhuahna leh mite hriat leh ngaihsan kan hlawhna ah I siam ang u hmiangssss. (Editor)

Vol XIII Issue No. 11

Bangalore Mizo Associati on

Pathianni Tin Chhuak Chanchinbu

Date: 16th March 2008

Phek Hnihna

Report Editor C. Lalhmachhuana, UTC, Ph- 98453 30822

KUM 2008-2009 BMCF HRUAITU THAR

Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Pathian Rinna Nun Kan nunphung han enchian chuan, thil tih that lai hmu silova, a chhe lampang chauh hmuh hi thil awl tak mai a ni. Thil thalo te hi an langsar duh viau mai leh nghal a. Thil chhe lampang duhlova, a thalove ti a, sawisel leh sawilan reng mai hi thil awlsam tak mai a ni. Hetiang a nih hi chuan kan khawvel thil hmuh hian sual lamah min hruai thei viau ang nge, thil tha zawk duhna leh chakna min siam ang tih hi ngaihtuahnaah chuan a awm thin. Khawthlang lam kan ngaihtuah chuan rilruah thil thalo lam leh Pathian duhloh zawng tihna te, zalen lutukna avanga nun duhdahna te leh inthlahdahna nun te rilruah chuan a lo lang mai. He’ng hi kan zir tur chu a nilo tih kan chiang theuh ang. Mahse, engemawti lai hian mihring sihhnip leh ngaihtuahna hmang lutuk lo mi, khawvel thliin a chhem len mai mai theihte nunah chuan rang takin a lo lut ve mai thin. Engpawhnise, khawthlang ram ropui leh changkang takte khuan Pathian, nasa tak leh rinawm taka ring mi, mi engemaw zat an nei a. Pathian hnena thutiam thlapa ram rorelna an khawih avang khuan nasa takin an ropui a ni.(Jt.Ed)

Chawlhni hmasa (9th March) khan BMCF General Body Meeting leh Election neih ani a. General Body Meeting hi BMCF President nilai Rev. Dr. F. Hrangkhuman hnehsawh taka kaihruaiin Secretary leh Treasurer reports te ngaihthlak a ni a. Inthlanna hun hi BMCF Asst Secretary nilai Rev. R. Lalnunziran a kaihruai thung a ni. Hruaitu thar tha tak tak Pathianin BMCF te min pe leh ta a, chung mite chu: Rev. Dr. K. Sapthanga (President): Kum engemawchen Bangalorea lo khawsa tawh, ACTS Academy of Higher Education-a Lecturer thawklai ani a. Tunah hian Koramangala ah a nupui fanaute nen an khawsa mek a ni. Rev. Lalmuankima (Vice President): United Theological Collegeah Registrar hna thawklai niin, a thawhna UTC Main Campus, Benson Town ah a nupui fanaute nen an awm. Rev. C. Vanlaldika (Secretary): United Theological College-a Doctor of Theology (Old Testament) zirlai niin Main Campus ah a nupui fanaute nen an awm. Pu PS Chhuasa (Asst Secretary): Regional Manager, United India Insurance Company Ltd. Hna thawkin tunah hian a nupui fanaute nen Cooke Town ah an khawsa mek. Pu R. Lalrinawma IRS (Treasurer): Commissioner of Income Tax, Mysore niin tunah hian a nupui fanaute nen Nandidurga Road ah an awm. Dr. R. Lalrinawmi (Finance Secretary): Associate Professor, United Theological College niin, tunah hian an chhungin UTC Main Campus Benson Town ah an khawsa mek. Kan hruaitu thlan thar te hi an duhawm the thaw hle mai. Thiamna lamah pawh mi chhuanawm tak tak leh an hnathawhna zawnah pawh mi fel tak tak, kohhran leh khawtlang thatna tur atana an tha leh zung nasa taka lo thawh thin te an ni a, chumai bakah thalai te duhzawng hria leh chawhphur dan hre tak tak an ni lehnghal. Heng kan mi thlan chhuah te kaihhruaina hnuai ah hian Bangalore Mizo Christian ten Kum 2008-2009 ah rawng kan bawl tlang leh dawn a ni. An ni kaihhruaina leh thlazar hnuai ah hian thlamuang takin awmin an tana tawngtaisak bang chuang lovin I awm ang u.

Vol XIII Issue No. 11 Bangalore Mizo Associ ation

BANGALORE CHANCHIN

&& Rock ‘n’ India: Zirtawp zan khan Palace Ground ah Rock ‘n’ India Festival buatsaih a ni a. Khawvel pawha lar pha Megadeth leh Machine Head te bakah India rama Rock band lar tak tak te an che a ni. && HAL vs BIAL: Bengaluru International airport leh HAL airport te inkarah harsatna thar a thleng leh ta. Hei hian zinmite pawh a nghawng pha ta a ni. HAL airport-a Ground staff te chuan BIA, May ni 11 a hawn tur chu an zawm ta. Hei hian HAL airport lamah hnathawk indaih lohna a si am nasa hle. && Tawngtai lai tibuai: Koramangala Police station hnaihah, US atanga Pastor local James leh a thianten Pathian thute sawi a, tawngtai inkhawm an neih lain Karnataka Rakshana Vedike (KRV) te chuan an tibuai. Police te chuan Pastor James chu an chhan hman a ni. && Mau a par ve: Karnataka hmun thenkhat, Chikmagalur, Koppa, Dandeli velah Mau a par nual a. Hengte hi Forest department te chuan mau ral mai tur ven nan an la khawm a ni. MIZORAM CHANCHINTHAR

## Mizoram 2008-2009 Budget Chief Minister Pu Zoramthanga, Finance Minister ni bawk chuan kum 2008-2009 atana Mizoram Budget tur chu nimin chawhnu khan Assembly House-ah a pharh. Nakum sorkar kum chhunga sum hman tura ruahman hi a pumpuiin Rs.26,250,362,000 a ni a. Hei Non-Plan sum atan Rs.16,238,252,000; Plan sum atan Rs.10,000,120,000; NEC atanga sum hmuh tura beisei Rs.1,60,000 leh Centrally Sponsored Scheme atanga sum hmuh tura beisei Rs.11,830,000 te an ni.

Pathi anni Tin Chhuak Chanchinbu

Budget pharh paha darkar 1 leh minute 3 chhung thu a sawiah Chief Minister chuan, budget thar sumte hi nakum sorkar kum tìr atanga hman tan a nih hunah, kum hmasa sum indaihlohna Rs. 8,46,500,000 rochun nghal tur a awm tih a sawi a. Mahse, 2008-2009 chhung hian Rs. 5,42,900,000 hman bàn tum a ni ang a, hei nen hian nakkum sorkar kum tàwpa sum indaihlohna awm tur chu Rs. 3,03,600,000 ah a tlâk thlâk tur thu a sawi. CM chuan, kum 20082009 chhung hian mipui phurrit siam belhna tur lam, chhiah thar lâk tumna a awm lo va, Land Revenue, Stamps leh Registration rate a pangngai hman a ni ang a, State Excise a ngai a ni ang a, Value Added Tax pawh All India VAT Empower Committee ruahmanna siam anga lâk a nih avangin a hrana ruahmanna siam a ni lo ang a; amaherawhchu Committee rawtna siam angin chhiah lâk rate ennawn theih a ni ang, a ti a. Motor chhiah, passenger leh bungrua atanga chhiah lâk leh chhiah dangte pawh a ngaia lâk a ni ang a, chhiah khawn dan erawh tha tâwka siam a ni ang, a ti bawk. Pu Zorama chuan, Rs. 2,985,800,000 hmuh theihna tur North Eastern Regional Urban Development Project, kum 20072008 a siam angin Asian Development Bank atangin Structural Adjustment Loan lâk tum a ni tih a tarlang a. Heta tanga loan lâk tur chu Dollar Maktatuai 150 a ni tih sawiin, he sum atanga Rs. 28,800,000 chu Mizoram State Road Project atan hman a ni ang a; Rs. 1,101,200,000 chu North Eastern Region Urban Development Project atan leh Rs. 1,40,000,000 chu Structural Adjustment Loan atan hman a ni ang a; heng zawng

Date: 16th March 2008 Phek Thumna

zawng hi cheng vaibelchhe 253 a tlin dawn a ni, a ti. A thusawi tlangkawmnaah Chief Minister chuan, 2008-2009 Budget ruahman tâk sawiho a nih hunah an ngaihtuahna sénga thuràwn tha tak tak pe turin Member-te a ngên a. Budget thar a pharh pah hian CM hian kumin sorkar kum kal laia sum indaihlohna phuhrûkna tur Rs. 7,720,341,000 dil belhna, Supplementaray Demand for Grants a pharh tel bawk. Chief Minister-in Budget a pharh zawh hian Speaker chuan an dan 147-na angin, Budget zirna turin Member ten ni hnih tal an mamawh tih a tarlang a; House rorelna chawlhsan rih a, kar leh Thawhtanni, March 17-a sawiho tan turin nimina Session chu a titawp a ni. (source:Vanglaini) ## MPCC leh MPC: Mizoram Pradesh Congress Committee General Secretary, Pu Lalsawta chuan, "MPC nen thawhho loh chungchang kan la sawiho ngai lo," a ti. He thu hi nimina MPCC leh Mizoram People's Party te'n Joint Press Conference an neihnaa a sawi a ni. Press mite'n MPCC leh MPC te hi Assembly inthlan lo awm turah tawhho an tum leh tum loh zawhna chhángin Pu Lalsawta chuan, thawhho chungchang an sawiho tawh tih sawi lo in, thawhho loh chungchang an la sawi ngai loh thuin a chhang a. Hemi rual hian, Pu J. Lalsangzuala kaihhruai Mizoram Congress Party chu MPCC-ah an luh leh an beisei reng tih sawiin, February thla khan an luh leh an lo beisei tawh thu a sawi a. "An lo luh thuai kan beisei a; an lo luh thuai kan nghakhlel hle a ni," a ti. Thuthar lawkhawmtute an kawm chhan ber, March 5, 1966a Mizoram bomb chungchangah party pahnihte chuan thuchhuah

Vol XIII Issue No. 11 Bangalore Mizo Associati on

Pathianni Tin Chhuak Chanchinbu

… intawm siamin, MNF ten independence an puan avanga India-in Aizawl leh khaw dang thenkhata bomb an thlâka tawrhna leh manganna chu pawi an tih thu leh, khami tuma thi leh chhiatna tâwk zawng zawngte an tawrhpui thu an sawi a. Chutih rualin, hetiang a thlen chhan chu MNF thiltih "Politik Him Lo" ah puhin, kha thil kha a demawm thu leh, MNF te chuan mipui an bum nia an hriat thu an sawi bawk. MPCC leh MPC te chuan, Chi ef Minister Pu Zoramthanga'n, "Independence kan lo hmu lo kha a lo tha daih zawk a ni. Hei hi Pathian hruaina zel a lo ni," tia a sawi leh si chu demin, March 5, 1966 leh Mizoram buai kum 20 chhunga Mizo mipuite tawrhna zawng zawng chu a lo-thlàwn lehzual hle nia an hriat thu an tarlang a. Rambuai kha MNF cho chhuah a nih avangin, Aizawl leh khaw thenkhat bomb avanga India sorkar thuphá chawi tura phût a nih ang bawkin, MNF pawh hian Mizo mipuite laka ngaihdam an dìl hi an tih âwm hliah hliah a ni, an ti. MPC General Secretary Pu Rosiamngheta pawhin thu sawiin, kumin Assembly Budget Session tan nia Governor thusawi chu loneitute tana hnemhnânna awm lo, "Chhûm tui pâi lo ang a ni," a ti a. Governor thusawi chu cheimawi chawp thuchah (decorated message) a nih thu leh, MNF sorkar chu 'Tui let hnua Synod-in a khak hnem ber sorkar a nih thu a sawi bawk a. Chanchinbu mite'n Synod-in 'Corruption do kum' a puan khum kha eng sorkar nge? tia an zawhna chu, "Synod kan zawt a, Corruption Do kha sorkar lai vang a ni lo tih min hrilh," a ti bawk.

Date: 16th March 2008

Phek Li na

INFIAMNA English Premiere League point dinhmun: (as on 12th March, 10pm) Position 1 2 3 4 5 6 7 8 9 10

Club Arsenal Manchester United Chelsea Liverpool Everton Aston Villa Portsmouth Blackburn Manchester City West Ham United

Played 29 28 28 29 29 29 29 29 29 29

GD +36 +43 +30 +33 +23 +15 +11 +3 +1 -4

Point 66 64 61 56 56 49 47 46 45 40

English Premier League: Zanin inkhel turte: Fulham v Everton Man. City v Tottenham Pathianni (23rd March 2008) Zan inkhel turte Man. United v Liverpool Chelsea v Arsenal UEFA Champions League Quarter Final: 1st April 2008 Roma vs Manchester United Schalke vs Barcelona 2nd April 2008 Arsenal vs Liverpool Fenerbahce vs Chelsea

## 50% Concession: Mizoram Sorkar chuan Mizo Zirlai te tan MIZORAM HOUSE hrang hrangah thlen man 50% concession a pe dawn tih GAD Secretary-in a sawi. Concession hian dormitorya thleng te chauh a huam dawn a, room dang erawh a huam lovang India Ram Khawvela Mi Hausa (Billionaire) Tamna Ram 4-na… Kar hmasa chhuak Forbes Magazine’s annual list of billionaires in a tarlan danin India ram hi khawvela billionare ngah ber ram palina niin billionare 53 an awm a, US in ngah berin 475 a nei a, Russia in dawtin 87 a nei a, Germany pathumna niin 59 a nei thung. Billionaire top ten ah hian India mi te; Lakhsmi Mittal (4 th ), Mukesh Ambani (5 th ), Anil Ambani (6 th) leh KP Singh (8th ) te an tel a ni.

Hemite anga nalh hi i duh ve em? Beauty Planet, Cooke Town ah mipa tan Hair Color, Pedicure, Manicure leh Facial te tih theih tawh asin. 17th March atanga 19th March thleng special discount an pe lehnghal mawle. Nalh leh luck I duh ve leh ve loh a ni mai. Ph- 9886738975, 9341080948.

BMA Office Bearers: President : Pu K. Lalrokima Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joar Panzela Secretary i/c Cultural Secretary i/c Academic & Human Resources : Lalrothara Tlau

: Rev. PC Lalduhawma : James Lalrintluanga : Thaarie Hnamte : Obeda Lalhuliana