Bma Aw: 9th March 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 10 Bangalore Mizo Associ ation

KEIMAHNI && Kan member Ruby Lalremruati leh Laldintluanga, UVCE a BE(Civil) zirlaite chu Sycone Company-ah hna an hmu ta. An zir zawh hian an zawm thei dawn a ni. && Nimin Inrinni khan kan member pathum, C. Lalhmachhuana, Michael Rualzakhuma leh Laltanpuia te chuan Vellore-ah damlo thisen an pe. Tlaiah an lo haw leh nghal. && Nimin Inrinni tlai lam dar 5 khan Dr. Lalrinawmi Ralte Inah BMCF pawhin kumtawp committee neiin, thu tam tak an rel. Zanriah an ei nghal bawk a ni. An hlim tlang hle. && Vawiin tlai lam hian Chhinlung Editorial Board te pawhin inhmuhkhawm hnuhnung an nei dawn a. Hemi hunah hian Thuthlurbing sawihona video chu ropui taka tlangzarh an tum. @ Chhiartute hriatthiamna kan ngen e. Vawiin BMA AW chu phek khat chauhin kan rawn tichhuak thei a. BMCF INKHAWM PROGRAMME

Karleh Pathianni (16th March 2008)

Hruaitu: Dr. Hrangthanchhungi Tantu : Nl.Lalnunpuii Lailung, Special No: Nl>Sarah Lalngaihawmi Thuchah: Rev. C.Lalmuankima Changvawn : Isaia 53:5 ‘A vuakna vualtea tihdamin kan awm ta’ Vawiin Bangalore: Boruak a lum tan deuh. Temperature a san lai berin 33 deg C a ni a, a hniam lai berin 17 deg C. Vawiin tlai 6:29pm ah Ni a tla ang a, naktuk zing 6:32am ah Ni a chhuak ang.

Pathi anni Tin Chhuak Chanchinbu

Date: 9th March 2008

Phek Khatna

Article

Mi Ramah Chuan Kan Mongolian thlahpui, Asia chhim chhak lama cheng, khawchhak ram hausa kan hmuh phakho, kan nitin mamawh tinreng kan han lakna ram hrang hrang – Thailand, Korea, Singapore, Malaysia, Pilippines, Hong Kong etc hote khian, ram inrelbawlna kawng kawngah Zofate manganna taw hang hi an lo tawk ve deuh vek a, a hun taka an rilru an siam avangin, kum 30 kal ta lek chhungin ram ropui takah an inhlangkai hman deuh vek a ni. Kum 1966-a Mizoten India laka zalenna kan sual tantirh lai vel te kha chuan, kan kawmchhak ram hausa ho khian khawvel hriat an la hlawh phak em em bik lo. Keimahni ang thovin hnam ding chhuak nih tumin chhanchhuaktu an lo zawng ve thin a, a fing hmasa apiang an ding chhuak a, chhanchhuahin an awm zel a. Chhanchhuaktu atana an mi chhar chhuah, an thlan sual ngai reng reng loh chu, ANMAHNI zel a ni. Ram Mawl Fal Pahnih Kan kawmchhakte zingah rau rau pawh khian, mahni inchhanchhuah nachang hre lo ram pahnih an la awm mek a, pakhat zawk chu Indonesia khi a ni. Islam sakhaw be ram an ni a, sakhaw dang bia, a bi kin Kristian te hi an hua in an hale m em a, kristian awmna khua chu an run a, an mipa te an thahsak a, an hmeichhia te tenawm takin an sawisa thin. Khawvela Tsunami na berin a nuai tak ram kha a ni a. Kha thil thleng kha han sawi zui mai mai ila. Tsunami tuifawnin a nuai nasatna lai ber hmun kha Sumatra a ni a, tuipui kam hnaia awm a ni. Khami hmuna cheng Kristian te kan kum 2004 Krismas kha hlim taka hm an tumin, tuipui kam hnaiah khan Puan In te an kaih a, chutia phur taka Krismas hnatlang an neih lai chuan, an chhehvela cheng muslims ho chuan an ti buai a, chung an puan In leh Pandal te chu an tihchhiatsak vek a, an um tiau a, mangang takin an siam a ni. Chuvang chuan, zalen tak leh urhsun taka Lal piang lawm turin tlang chip hmun biru lamah an insuan a, chutah chuan tuma tihbuai lovin an hmang ta nghe nghe a ni. Chutia tlang Chhipa Kristian ten Lal Isua piancham an lawm lai chuan, kha Tsunami rapthlak tak mai khan tuipui kam vel kha a rawn nuai ta ani a, muslim ho te khan buaina siam lo chu nise, kristian te pawh khan kha chhiatna rapthlak tak kha an pumpelh hauh dawn lo ani awm e. Pathian thil rel dan hi chu a chang chuan a mak thin ngawt mai. Tihtak zeta amah tih tu te Pathianin a chhanchhuahna hmanrua hi, a chang chuan hriatthiam te a har a, pawm thiam te pawh a har fo thin. Tunlai thleng pawh hian, tawrhna mak leh rapthlak tak tak te hi Pathian hian a mite chhanchhuahna hmanrua atan ala hmang thin zawng a nih hi maw. Mahni inchhanchhuah nachang hre lo ram dang leh chu kan thenawm Burma hi a ni a. Malaysia ramten khawvel hriat an hlawh phak ve hma daih khan, Burma tlangval (kan editor aia niar fe) (phek hnungah a zawm e)

Vol XIII Issue No. 10

Bangalore Mizo Associ ation

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Editorial

Website: www.bangaloremizo.info

Kum 2008-2009 atan Bangalore A Man: Thla Thum atan Rs. 45/-

Editorial… Kan Pi leh Pute thurochhiah zinga pawimawh leh tha berte zinga mi thenawm do aiin khawsarih do a thlanawm zawk tih hi ilo bihchiang lawk teh ang. Chhungkua ah, khawtlang ah, kohhran ah, pawl ah te hian a chhunga awm te leh chengho te hi inlungrual tlang tak leh inhmangaih tawn dial diala kan khawsak ho hi a pawimawh tak zet a ni. Kan khawtlang sual do tur te, kan rama corruption do tur te leh kan society hrim hrim siam tha tur hian a chhunga cheng te hi kawikawm thin ang thapa kan tanrual a ngai a ni. Enge an sawi… ## Nizan Boney M concert chu a nuam lutuk… kan hun lai min ti hre chhuak a… hla pakhatah chuan a lam loh theih loh. – Pi Rinpuii ## Zirtawp zan khan tennis ka va en ve a, Serena fan rinawm tak ka nia… N tih inziak ka ken ve ngei kha. Mahse, N hian awmzia a nei dang mai thei… Tunkar Zirtawpni hi ka birthday la ni zui a. – James

Pathi anni Tin Chhuak Chanchinbu

Date: 9th March 2008

Phek Hnihna

U Than chuan UNO-a chungnung ber General Secretary dinhmun alo luah daih tawh a. Chu mai a ni lo, Burma ram khi khawvel zah kai khawpin alo hausa thin a. Sorkar pakhat rau rauvah buh thar hnem ber, thawnchhuak hnem be rte pawh an ni thin. An ram leilung (soil) that (fertile) zia te, tualto thing an neih mawi zia leh neih tam zia te, an an lei hnuaia Oil tha ber chi a tlin chhah zia te hi khawvelin a hail ova, an mahni pawhin an hai hek lo. Mahse an ram inrelbawl danin a han zir lo tak tak mai chuh kum 20 chhung lekin chak lutukin an tlachhia a, tunah chuan khawvela ram rethei ber, hmuhsitawm ber te zinga mi Laos ten en khian khaikhin an hlawh vel mai mai tawh a ni. Tlai khaw hnu ah chhanchhuah hna thawh tumin mipui an han inhawrhkawm chiam a, “A che che sih hlawkah” tih ang mai khan, ram si am that tuma inhawr khawm University zirlai rualte chuan silai kaw hmawr an hmachhawn a, College tualah thisen a luang zeih zuih a, an inchhan chhuak zo chuang lo a. Nasa zawkin an han bei leh a, inthlanna ah hneh deuh maiin mipui thlawp pawl te an han chak a, mahse an Lalnu Estheri tur emaw an tih chu tuipui kama in te reuh te ah pawn chhuah khapin an hreng bo leh daih a. Nitin chhiatna lam kawng an zawh zel bawk si a, an mangannain a vawrtawp a thleng ta takzet a, an sakhaw puithiam rual Buddist Monk-ho an lo pen chhuak ta hial a. Puansen an sin a ngawi rengin kawng an zawh a, thuneihna chu civil mi te kuta dah turin sipai rorelna-a hotu te chu an nawr a. Nasa takin an ram mipui te hian an tuar mek a ni.Burma rama puithiamho khian an ram mipui te chhanchhuak tur khian ang chen nge an beih anga eng ang hmanrua te nge an thawh zel dawn tih chu a hriat loh a, an chhanchhuah mial chuan, an ram leilung chunglang hausakna te, an ram leilhnuai hriak dak hluk te hmang khian, tunlai thiamna nen tan han khawh thei hlauh se, kum rei lote chhungin Switzerland of the East min nih khalh leh daih mai ang. (He Article hi tunlai Mizorama lehkhabu lar tak Zoramah Khua A Var Ang Em? tih K. Sapdanga, Editor Vanglaini buatsaih atanga lakchhawn a ni e.) %% Mizoram Legislative Assembly Budget Session, tun thla ni 11 a tan turah chuan bill 10 vel beisei zingah bill 1 a luh tawh bakah zahna 526, unstarred question 132 leh Private member Resolution tur 28, Zirtawpni thleng khan a lut tawh. Assembly bill lut hi Industry Department put luh tur, "The Mizoram Industrial Area (Management, Regulation and Control) Bill 2008 a ni. %% Agriculture Minister Pu H.Rammawi chuan tunkar tir khan a bial chhung khaw thenkhatte a tlawh. Minister hian Hnahthial Maudarh khawhnuaia a Department chan Minor Irrigation in Hills Slope Terrace an laili mek chu chawlh pahin a en a. Target Area 10 Ha. a nih laiin tunah hian 7.7 Ha. zawh tawh a ni. %% Pi Manuni (SAIACS) chu tun chawlhni liam ta khan a pa Raldothanga (61) chuan lungphu chawlin a boralsan. Khawhar chhungte Pathianin awmpui se.

BMA Office Bearers: President : Pu K. Lalrokima Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joar Panzela Secretary i/c Cultural Secretary i/c Academic & Human Resources : Lalrothara Tlau

: Rev. PC Lalduhawma : James Lalrintluanga : Thaarie Hnamte : Obeda Lalhuliana