Bma Aw: 13th April 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 15

Bangalore Mizo Association

% BMA in member chhuanawm tak tak kan nei e. 1. Alan Lalhriatpuia, VI Sem, CSE UVCE – Infosys 2. Dennis Lalhlimpuia, VI Sem, Mech UVCE – Infosys 3. Elizabeth Zonunmawii, VI Sem CSE, Dr.AIT – Infosys 4. Jimmy L Sailo, VIII Sem, Civil UVCE – Secon Company 5. K. Vanlalruata, VI Sem, CSE, UVCE – Accenture % Tun thawhtan tlai lam dar 7:00 hian Yashwantpur Railway Station atangin kan President hlui Pu Lalrokhuma te chhung chu Mizoram lamah an haw chho dawn ta a. Bangalore Mizo society tana an hun hman zawng zawngte kha kan theihnghilh hauh loh turte zinga mi a ni awm e. A thei theiin an hawna turah te pawh tawiawm ila a tha awm e. % Kar liam ta thawlehni tlaia kan pastor chhung thum haw ta te pawh tluang takin an thleng e. % Tun thawhtan liam ta, April 7, 2008 khan Dr. AIT college a Mizo zirlaiten 6aside football tournament an buatsaih a. UVCE atangin team hnih, Ejipura, Shantinagar ‘n’ Grace Home atangin team khat theuh leh Dr. AIT tangin team 4 ten an khel a, avaiin team 8 an ni. Final-ah UVCE Team (BU lama awm te)-ten Dr. AIT senior team te hnehin an champion ta a. Champion team te hian pawisa fai hlu tham tak an dawng a ni.

BMCF Inkhawm Programme 20 April 2008

]Hruaitu:

Pi Saibuangi Tantu :Tv. Michael Lalhriatpuia Thawhlawm hlanna: Tawngtairual Spec. No: Nl. Chuauzikpuii Thusawitu: Article Huang Rev. P.C Lalduhawma

Pathianni Tin Chhuak Chanchinbu

Date: 13th April 2008

Phek Khatna

BANGALORE MIZO NU LEH PA-TE NGAIHTUAHNA B. Kapthuama Ngaihtuah chiang mang lova "It's my life" ti a, duh duha ka lo tal ve thin hian keimah mai ni lovin ka thian leh chhungte leh ka Zofa puite ngei pawh ka lo timualpho thei reng a ni tih hi ngaihtuah chian a tul hle mai. Kum zabi sawm pasarihna vela Poet ropui tak, John Donna pawh khan, 'Tumah hi thliarkar hrang kan ni lo, kan inzawm pet a, khawmualpui nen inlaichin tlang vek kan ni,' a lo ti tawh a. A dik hle mai. "Ka private life a ni," tia midangte thlir lova mahni chauh inen a, thawveng taka mahni mawnghlima ka lo len lai a, ka mitmei min venpuitu leh ka hmangai taka min zilhtute ka lo hnawl mai thin hian, ka chhungte, ka vengte, ka Zofa puite ngei pawh ka lo ngaihthah der a lo ni, tih hi hriat chian a va pawimawh em. April 6, 2008 tlaia BMCF inkhawm bana Bangalore Mizo Nu leh Pa-te tlai dar 7 thleng lai thukhawm khan, ‘its my life’ ti a, Bangalore khawpuia khawsa Zofa thenkhat, nun thlahdah taka lo khawsate avanga kan society chhe lam pan zel hi, engtinnge kan insiamthat leh ang ti a thukhawm an nih ngei ka ring. Heng mai bakah Zoram atanga hna zawng leh admission la tura Aizawla ‘agents’ kal tlanga pawisa tam tak senga lo chhuk ve ta mai mai, hna mumal pawh hmu leh si lova tei rawlai ta mai mai pawh kan tam ta hle niin a lang. Chutiang chanchin chuan Bangalore Mizo Nu leh Pa te lu a ti hai tan hle niin a lang. Kum 10 dawn lai Bangalore-ah chhung kuain kan lo khawsa ve ta a. A tir lam kha chuan Mizo hi kan tlem hle a. In puipun nikhua paw'n kan la inhre tlang hle a, “Engnge i an, in dam em, engnge harsatna te in nei em?” tiin kan inzawt nual thin anih kha. Tunah zet chuan a lu kimin 1000 chuang Bangalore khawpuiah Mizo kan lo awm ve ta a, khawlaia inhmuh nikhua paw'n kan in vaichhe thlir liam mai mai tawh anih hi. Mizo rilru leh inngaihnatna thin kha ka va ngai thin em. Dr. Rini nen chuan "A, hengte chu globalisation vang anih tawh hi, kan lo darh zau ve tawh a, inngaihsak vak hman pawh kan nih tawh loh hi," kan ti mai awm e. Mizo hi pi leh pu atanga mahni hnam chawimawi thiam leh nun dan pawh fimkhur tak kan ni. Kan mizo puite hi kan inngaina a, khawiah pawh awm ila, intikhawm tel tel, intanpui leh tawiawm hi kan nihphung a ni. Chuvangin kan society anga chhiatni thatni a inkawikhawm leh intanpui thiam hi khawvelah hnam dang an vang hle. Kum 100 chhung leka rinna kawng lamah pawh Kristian hnam tih theih khawpa hmasawn kan ni a, chu chu khawvel pum hriat kan hlawhna pawh a ni. India ramah phei chuan hnam dang ngaihsan kan hlawh ve hle a, Bangalore khawpui, India ram Kristian khawpuiah ngat phei hi chuan Mizo nih hi a zahthlak lo hle thin. Thalai duhawm tak tak, zirna leh hnathawhna lamah pawh chhuanawm tak tak kan neih lai hian min tihmingchhe thei tur lama(cont)

Vol XIII Issue No. 15

Bangalore Mizo Association

Editor Lalengzuala Ph- 9972 235 314 Joint Editor C. Lalrinfela Ph- 9844 783 282 Circulation Staffs: Ruby Lalremruati R. Laltleipuii

E-mail: [email protected] Website: www.bangaloremizo.info A man (thla thum) : Rs. 60/-

Editorial Puipun nikhua in Puipun nikhua hi Mizo te hian kan ngah hle mai a. Nuam pawh kan ti tlang khawp mai, hnam lian leh tam kan la nih loh avang te pawh a niang. Puipun nikhua hi kan hmang tangkaiin tun hnaiah phei chuan talent hai chhuahna hmanraw tha takah kan hmang ta nghe nghe a, a hman tangkai dan kan thiam zel pawh a tul awm e. A tha a awm chuan a chhia a awm fo thin a. Kan puipun nikhua a tun thlenga ruihhlo nena midang zinga awm ngam mang lo kan la awm tlat erawh a zathlak hle a ni. Mipa chauh pawh kan ni ta lo, hmeichhia pawh chuti tho an ni ve ta. Hei hi kan sim tur thil pawimawh tak niin a lang. Tin, ngati teh chek nge maw ni, puipun nikhua hian hnawm hnawk paihnate hi Mizote hian kan inthlahdah tlat zel. Mahni a len chhuah a, khawlai kawng dung a hnawmhmawk paih duh miah lo hian, puipun nikhua hi chuan kan fimkhur lo fo thin. Puipun nikhua hian incheina thu hlaah kan fimkhur a ngai bawk. A bik takin hmeichhe lam tan fimkhur hi a ngai lehzual a. Hmingchhiat leh mualpho te a awl lehzual. Incheina hian kan mizia a tilang fo thin. Chuvang chuan fimkhur hi a ngai takzet a ni. Inzirna tur kan la ngah a, kan inzir zel ang a. Hnam hmel mawina hi thil ho tham teah a ni fo a, a hmel mawi lohna pawh hi thil ho tham teah bawk a ni fo.

Pathianni Tin Chhuak Chanchinbu

Date: 13th April 2008

Phek Hnihna

khawsa kan lo pungta zel hian, Bangalore Mizo Nu leh Pa te beng a verh a, ngaihmawhawm an ti tan. Zofate thatna leh hming mawina lam chu an mawhphurhna ni ngeia hriain, siamthatlehna hna chu, kut insuiha tangruala theihtawp chhuaha umzui zel an tum niin a lang. Tirhkoh Pawla thuchah hi hrereng ila -

“A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng a awm phawt chuan – chung chu ngaihtuah rawh u.” Phil.4:8. Hetiang rilru pu hian, tha leh fel nia kan hriat piah lamah Pathian hmangaihna min tirtu ni se, kan society insiamthat lam kawngah theih tawp chhuaha inpuitawn zel turin tan i la ang u.

… BMA Executive Committee Kohna Naktuk tlai lam dar 5:00 hian BMA Executive Committee pawimawh tak koh a ni a, member-te kal theuh kan tum dawn nia. A hmun : Rev. Dr. K. Sapthanga In, Koramangala A hun : 5:00pm

BMA Website-ah Advertisement tih theih Vanneihna a inhawng e! Bangalore Mizo website-ah Advertisement - mimal leh pawl thilte tih theih a ni a. He vanneihna pumpel loh tur hian lo inring rawh le. A hrechiang duh tan a mawhphurtu – Tv. Thara Tlau, Tv. Benjamin leh Tv. Zualtea te biak pawh theih reng an ni e. Hriattirna: Hengte hi BMA Asst Treasurer, Nl. Blessy hnen atangin lei tur ala awm e. Copy a tam toh loh avangin lei duh tur chuan ngaihven hma nise. BMA Directory - Rs.50/Chhinlung - Rs.50/BMA Constitution Bu – Rs.25/Bangalore Mizo News. % Chawlhni hmasa inkhawm ban khan Bangalore Mizo Nu leh Pate an inhmukhawm a, thu pawimawh tak tak an ngaituah a ni. Bangalore a Mizo thalaite nungchang mawi lo an vei zawngte sawihoin, hmalak dan turte ngaituah ngai nia an hriat thu te an sawi a. Kan nu leh kan paten hetianga hma min lakpui hi thalaite tan chuan a lawmawm hle a ni. % Nimin tlai lam khan BMCF Executive Committee an thukhawm a, thu pawimawh tak tak an ngaituah a ni. Tun tum committee hi tun term a an vawikhat committee-na a ni. Member-tena kan hriat tur awm chi te a awm chuan remchang hmasaah rawn tihchhuah kan tum ang. % Vawiin tlai inkhawm ban hian BMA Silver Jubilee Sub-Committee an thu khawm dawn a. Nakum April thla tantirh atanga lawm tan tur BMA Silver Jubilee tur chungchang an ngaituah leh dawn a ni. Budget atan hian cheng nuai hnih leh sing nga lai a ni a. Member-ten a thawh chhuah kawngah nasa taka hma kan lak tlan a ngai dawn a ni.

Vol XIII Issue No. 14

Bangalore Mizo Association

Bangalore Chanchin % Vawiin boruak pawh a lum chho leh viau dawn. Kar tluanin boruak a lum chho tial tial a, vawiin hi boruak lum lai berin 33oC a ni ang a, a vawh lai berin 21oC. Naktuk pawh hetiang tho hi a ni dawn a ni. % Bangalore International Airport Limited BIAL pawh thlaleh, May 11 hian rokhawlhna danglam tak a awmloh chhuan hmantheih tura hawn a ni dawn. % April 8 zan khan American khualzin Larry Alfred (52), Vice President of Enterprise Electronic Corporation chu a hotel thlennaah a room thenawm a thleng ve Infosys a thawk nula Anita Gardiner (33) chu pawngsual tumin a roomah a luh khung a; mahse hotel a thawk te chuan nula chu an rawn chhan hman a, Police hnenah Alfred hi hlan nghal a ni. Mizoram Chanchin % HSSLC Result chhuak. April 10 khan HSSLC result chu tihchhuah a ni a, Candidate 4585 zingah 2655 pass-in, pass percentage hi 57.91 a ni. Stream tina topper-te chu heng mite hi an ni. Science: Pronoot Kumar Barkakati (St Pauls) Arts : Lalchhanhimi (Home Mission School) Commerce: Florence Lalduhsaka (Oikos Higher Sec.School) Vocational: Joseph Vanlalchanchinmawia (St Pauls) % Ni 7 leh zan 7 Ram tana chaw ngheia tawngtai. Ni 7 April 2008 (Thawhtanni) atang khan kar khat chung Tuipang Salem Kohhranah ram tana chaw ngheia tawngtaina ni 7 leh zan 7 chhung awh neih a ni a. He hun hmang tur hian Aizawl leh Lunglei atangin rawngbawltu engemaw zat an tel phei a. He hun hmang tur hian Tuipanga kohhran hrang hrang Salem ECM, Local ECM, Electric ECM,LIKBK,UPC (NE), IKK,Salvation Army,Maraland Presyterian, UPC (Mizoram) leh CCI(M) kohhrante chuan a huho in chaw ngheia tawngtai rualna an nei a ni.LAWRKHAWM

Pathianni Tin Chhuak Chanchinbu

% DRUGS hmansualna Aizawlah pung. Tun hnai chho hian Aizawl bikah drugs a tam leh ta hle mai. Heroin (No.4) phei chu a man a tlawm em em mai lehnghal a. Drugs khawih thar an tam a, a recover thenkhat tlu leh an awm nual bawk. Ti thar (new user) zingah kum tling lo (under-age) an awm nuk mai bawk. 2007 HIV Sentinel Surveillance-ah phei chuan injecting drug users zingah HIV a sang leh ta luah mai bawk (a bik takin Aizawl leh Champhai-ah). Hei hian syringe inhman tawm a hluar leh tawh tih a tilang bawk.MISUAL.COM % Serluia sangha turin hrai. Mizoram depa awm, Cachar vai nia hriat mi 16 leh an thurualpui Mizo pakhatin Nilai zan khan Serluia sangha turin an hrai a. Vairengte-a Police hotute hnen atanga thu dawn danin, sangha hraitute hi hemi zan hian Saiphai VDP ten an um a, mi 2 chauh an man thei a, mi dangte chu ramhnuaiah an tlanbo a ni.MIZOSERVER % Dan Thar. Mizoram sorkar Law & Judicial Department Secretary in thuchhuah a siam angin Mizoram Compulsory Registration of Marriages Act, 2007 chu April 1, 2008 atang khan Mizoram puma hman turin Governor in a pawmpui.DIPR % Thuneituten Traffic dan an bawhchhe nasa hle. Aizawl City Traffic Police Duty-te chuan Aizawl khawpui chhunga No Parking Zone an siam chuan tupawh a huam thu an sawi a; mahse No Parking Zone-a thuneitute motor ding thin erawh chu an man ngam lo tih an sawi. Heng motor inhungte hi Traffic Police Duty-te chuan dah sawn turin hrilh mah se, a khalhtute chuan an pute'n an dahtir ni-a sawiin an dah sawn duh lo va, Traffic Police Dutyte pawhin tih ngaihna hre lovin an man ngam lo a ni. Traffic Police Duty-te chuan VIP, Police hotute, sorkar Officer lian leh an nupui-te chuan No Parking chu an pawisa miah lo tih an sawi a, hau mah se engah mah an ngai loh thu leh an vau let zawk thu an sawi

Date: 6th April 2008

Phek Thumna

a, an tana a that dawn loh avangin an hai der mai mai zawk niin an sawi a ni..MIZOSERVER % HR & LN puhna sawifiah. Human Rights & Law Network (HR &LN), Mizoram in Dynamic Consultancy neitu Pi Catherine Lalhmachhuani Mission veng chu mihring hmanga sumdawngah puhin Kulikawn Police Station ah FIR an thehlut a, he thu hi thu dik lo leh dawt anih thu te, a eizawnna tihchhiat leh tihhmingchhiatna chu ngawihbopui a tum loh thu Pi Catherine-i chuan a sawi ani. Pi Catherine-i chuan Mizo thalai 60 zet Bangalore leh Chennai ah hna an hmuhsak tawh thu sawiin, March thla tawp khan Bangalore MAA Security Service Pvt Ltd. a thawk turin mipa 16 leh hmeichhia 4 an thawn thu a sawi a. Security ah Rs 5,000/- an laksak a, chumi hmang chuan rail a an chuan man an peksak ani. April 2 khan Bangalore thlengin, interview an nei a, hmeichhia pahnih chu saptawng leh hindi an thiam loh avangin an tling lo va, a tling pahnihte chuan an thiante an tlin loh avanga thawk duh bik lovin hmun dangah an kal bo ta vek ani ati a.Security a Rs 5,000/- an dah pawh an kal bo si avangin pek let theih anih loh thu a sawi bawk.Human Rights & Law Network hian mihring hmanga sumdawnga an puhnaah vawikhatmah an la hmu lo niin Pi Catherine-i chuan a sawi a. Company a Security guard hnathawk turin saptawng leh hindi thiam a ngaih hu an kal hma in a hrilh thin ani. Hmeichhia pahnih hian tawng an thiam lo a, an tlin loh phah a, hemi chungchangah hian an chhungte vui vai na chu HR &LN chuan an la vung ta nia a rinthu Pi Catherine-i chuan a sawi a. Mizo thalai hna a hmuhsak thin avanga lawmawm a tih rualin, a chhuahchhe zawnga inpuhna chu na a tih thu a sawi bawk.MIZOSERVER % CM zin hawng hlawhtling. Chief Minister Pu Zoramthanga chuan Union Minister hnen atangin Assam Rifles te sawnchhuahna tur leh zokhawsang lama an inbenbel nan a mamawh tur vaibelchhe 145 nuai 17 sanction lehkha a hawn.

Vol XIII Issue No. 14

Bangalore Mizo Association

Pathianni Tin Chhuak Chanchinbu

Khawvel % Hollywood actor hranghlui Charlton Heston boral. !959 a thiamtak maia Ben Hur film changa Oscar Award hial lo dawngtu, Charlton Heston chu 8 April 2008 khan a boral. Ben Hur bakah hian Ten Commandments, Planet of the Apes, 55 days of peking tihte chu a film lar zualte an ni. % San Diego Governor Arnold Schwarzenegger chuan tun hnai a America danpui a gay marriage ban tumna chu a pawm loh thu leh, inthlan lo awm tura thlantlin anih chhuan he dan pui hi ban anih loh nan theihtawp a chhuah tur thu The Log Cabin Republicans, America Gay community lian ber inhmuhkhawmnaah a sawi a ni. % Kum 1976 – 1990 chhung a Ireland President hna chelh thintu Patrick Hallery chu kum 84 mi niin nimin April 12 khan a boral. % US President George W Bush chu kan hmalawka Olympics, China rama neih turah a hmun ngeihah an ram infiam mite tawiawm turin a tel ve dawn tih White House thupuangtu Scott Stanzel chuan a sawi. Bush a hi an ram hruaitu dang leh ramdang hruaituten China in a Tibet chhunga a chetdan duhlohna lantirnan he Olympic-ah hian kal lo turin an nawr a; mahse Bush-a thupuangtu chuan he olympic-a a telve avanga China ram chetna a demna a nep chhuanglo tih a sawi a ni.


1939 : Hindustani Lal Sena (Indian Red Army), British bei tura India rama pawl din ni.

% Zoramah K.Kawla thar. Zo hnahthlak zinga goal ven thiam ber tia sawi thin chu K. Kawla kha a ni awm e. Amah ringawt pawh khan a vanglai chuan mipui tam tak a ko khawm thei a, a goal ven thiam avangin Mizoram piah lam Kolkata thleng thlengin hriat a hlawh a nih kha. India aiawhin Bangladesh-ah a kal a, Mohamedan SC hming pawhin goal a lo veng ve tawh thin. K. Kawla hnung zuiin tunhnai lawk khan Mizo tlangval pakhat chu goal veng turin Tahan atangin Mizoram a rawn pan ve leh ta nawlh mai. A hming chu F Vanlalhruaia a ni a, K Kawla thar a nih theih leh theih loh football tuipuitute’n an thlir mek.MISUAL.COM % Nimin khan Indian Davis Cup captain Leander Paes leh Mahesh Bhupathi te inkawp chuan Japanese Takao Suzuki leh Satoshi Iwabuchi cu 7-6(2), 3-6, 6-3, 6-4 a hnehin World Group Play-Off atan India team an qualify pui. Fing-tometer (i mawl nge i fing?): 1. Ni in min chhun a, mahse thla ka nei lo? 2. Mihring zawng zawng hmun 4 thena hmun khat ka that tawh? 3. A siam tuin a mamawh lo: A lei tuin a hmang lo a; a hmangtu in a hrelo? 4. Engtik lai pawh a thlawk reng, mahse khawiah mah kalsan ngai lo?

Chengrang:


Ka nakruh bo ka hmu ta. – Tv. Zorama




Kolkata-ah ran ngo zawngin ka han liam mai tang nge. Tin, ka lo kir leh ang. - Tv. Thara




KR Puram lamah hian vawksa hmui hmer chauh a awm lo, thil dang pawh a hmui ve tho. – B-a AIT


1997 : Tiger Woods an khawvela golf Master Tournament latu naupang ber a nih ni.
1960 : German Footballer ropui Rudi Voller pianni Infiamna % Nizan inkhel result: Birmingham 1 – 1 Bolton 1–0 Derby 0–6 Reading 0–2 Sunderland 1 – 2 Tottenham 1 – 1 Portsmouth 0 – 0

Phek

Zanin inkhel turte: 7:30pm Liverpool – Blackburn 9:00pm Manchester United – Arsenal

On this day
1829 : British Parliament in Freedom of Religion, Roman Catholic kohhran hnena an hlan ni.
1892 : Sir Robert Alexander Watson-Watt, Scottish inventor ropui pianni.

Date: 6th April 2008

Verse of the day: Everton West Ham Aston Villa Fulham Manchester City Middlesbrough Newcastle

Insual bur bura ruatheihna in ai chuan Inrem taka chaw thing bar khat eina a tha zawk. Chhiahhlawh fing taka che chuan fapa, mualphona thlentu chungah chuan ro a rel anga, Unau ro zingah chanvo a nei ang. Thufingte 17:1-2

BMA Office Bearers 2008-2009: President : Vice President : Pu Joshua Lalrempuia General Secretary : Mâdawnga Hauhnâr Asst.Gen. Secretary : Lalengzuala Treasurer : Rebecca Lalmalsawmi Assistant Treasurer : Blessy Sailo Secretary i/c Sports : R. Lalremruata Secretary i/c Cultural: Terence Lalthlamuana Secretary i/c Academic & Human Resources : Lalrothara Tlau