Abdellah Hamane_rubaiyat

TINAWT Tasuqelt-agi n Ɛumer Xeyyam attan sɣur-I d tunṭict tucbiḥt I rruḥ n Si Muḥend U Mḥend yakk d rruḥ n kra n win yuran neɣ yessefra s tmaziɣt niɣ I tmaziɣt, yeṭṭef-as afus, yesbedd-itt, yesselḥa-tt akken ad tidir ger warraw-is di Tmazɣa. Ad tili ad tennerni, ad tuɣal d tunṣibt am tutlayin irkelli, acku aṭas n yidim I tsuddem d waṭas n yimanen I yettwanɣan fell-as akken ad tidir. Yal tutlayt di ddunit a tt-nɣen imeṭṭawen u a tt-id-ḥyun idammen, ɣef waya, arraw umaziɣ a ṭas I ssuddmen n yidim akken ad tebded u ad tidir tutlayt-nsen. Awal-iw amezwaru ɣef wasmi ɣriɣ tasuqelt I wemsafru afarisi ameqqran I si ttzuxun warraw n Iran, akken I nettzuxu nekni s Si Muḥend U Mḥend, maca, Ɛumar Xeyyam yemsexḍa ur yemsawi ara netta d Si Muḥend U MḥEnd. Acku Ɛumar Xeyyam yettwasuqel ɣer tutlayin n ddunit merra, tin I d-yezgan ger ifassen-iw d tamezwarut s taɛrabt, yerna aṭas isuqalen I tt-id-yuran, seg-sen: Aḥmed Rami, Meḥmud Sibaɛi, Ǧamil Ṣidqi Zzahawi, Aḥmed Ṣṣafi Nnajafi, llan wiyaḍ nniḍen. Di yal tutlayt yettwasuqel aṭas n tikwal, ssuqlen-t Legliz, Fransa, Lalman, Ṭṭalyan, Ṣṣpenyul, Rrus, Pulun, Ṣṣlav, Tterk, Aɛraben, Lhend, Ccinwa, Japan, mačči d ayen ara d-bedreɣ. Ula d tamaziɣt d tutlayt yeddren am tiyaḍ, ma d nekk walaɣ yessefk-iyi ad tt-ssuqleɣ akken I tt-ssuqlen iɣerfan n ddunit merra, s yiles n tmurt n Tmazɣa, I yimarawen, I umezruy n tnettit d nnekwa. D ayen ara d-neǧǧ a d-yegri I tarwa-nneɣ yakk d tsutwin ara d-yefrurin seg-neɣ. Ma yella nessers-d tiketwa n Ɛumer Xeyyam di tcihant1, netta meskin ad fell-as yeɛfu Rebbi ttawin-t izuffan n waḍu, yakk d leryuy n tfelseft am imegda-ines. Mi ara teɣreḍ ad tafeḍ tikwal yumen tikwal yekfer. Yettemxebbaḍ gar-as d tketwa yakk d izuffan ad ak-d-iban yumen u ad ak-d-iban amzun yekfer tikwal nniḍen. Akti-s ur 1

Lmizan.

yeḥbis ara di tɣennant n wesɣan2, ula d aseɣnaw yesteqsay-it ayɣef aya, ayɣef ayen nniḍen, d timsal I wumi ur yettaf yiwen tiwwura I si ara ten-yeldi. Di tketwa-agi yerwes ɣur-s Si Mḥend U Mḥend deg wayen I dyenna : 1-Aḥeq win ixelqen d win ixennqen 2- A qessam a bu tmenqas tenɣiḍ-aɣ kull ass 3- A wi yerran qessam d aqelwac, a t-yezlu I warrac. 4- Qessam abrid-a a t-nẓer, nebɣa ad as-nehder. 5- Qessam abrid-a yewqeɛ, a t-qableɣ di ccreɛ. Ur qṣideɣ ara di tezwart-agi akken a d-aruɣ isefra n Si Mḥend U Mḥend, maca, I wakken ad uqmeɣ timcudda di kra n leryuy, netta d Ɛumar Xeyyam. Maca, mgaraden imedyazen-agi deg iberdan n ddunit yakk d tudert, Ɛumer Xeyyam yella yerwa, ddunit ur t-teẓmik ara, yella di leɛnaya umedakel-is yeɣran yid-s, yuɣalen d aneɣlaf n wedrim Ni ḍam Lmulk . Ni ḍam Lmulk -agi yella yettak-as I Ɛumer Xeyyam ayen I si ara ɛicent 20 twaculin I useggas, lǧib-is yeččur, ddunit yakk d tudert werǧin I t-teẓmek. Si Mḥend U Mḥend ala. Tudert teẓmek-it, baba-s yettwanɣa di lgerra, yemma-s daɣen. Ayla yakk d tmurt imawlan-is tettwaḥwes, yedder d ameɣbun, d amellaẓu, d amenṭar, tasa-s tejreḥ, ul-is icelleḥ, zzman fell-as yeqseḥ. Ileḥḥu si temdint ar tayeḍ, ɣef uḍar si tmurt ar tayeḍ, yesɛa yiwen gma-s di Tunes, iruḥ ɣur-s ula d winna yenker-it, akud iẓeyyer-it. Ɛumer Xeyyam ala, yella d axdim ugellid, d amassan n tegnawt yakk d yetran, yerwa yezha, yefreḥ yennecraḥ, iɛedda si tawant akin, tissit n wuzzi, yezga yeṣker. Tilmeẓyin tucbiḥin zgant s idis-is, aẓawan, ccna, ṭṭbel, lɣiḍa, ccḍeḥ. Lqedra yakk d tzemra n yellu tessemgarred-iten, Ɛumer Xeyyam zzher-is yefreḥ, ma d Si Mḥend U Mḥend sseɛd-is yeqseḥ. Ɛumer Xeyyam yella wayen I t-yessagaden, mi ara d-yemmekti lajel, tamettant, affuɣ si tudert d rekku deg uderbuz, mi d2

Ddin.

D acu n lfayda yellan di tmenɣiwt yakk d nnger, acku, nnger n tidet yurǧa-yaɣ a d-yas weḥdes, ayɣef ara nnadi fell-as nekni. Xeyyam mi d-yuɣal ɣ er wuzzi, ulaḥed tukkeẓt ideg ur t-idyebdir, lbenna-s tettseḥḥir, ala win I si yessettuy iman-is deg wayen i d-iteddun ɣur-s, yes-s kan I yettaf ṣṣber ɣef wayen la iḍerrun, yessifsus tiɛekmin ẓẓayen ɣef lerwaḥ iɣef zgant lemḥun. D uzzi di tmuɣli-s I yeslufuyen I wulawen inedfen, ijerḥen la ttneẓẓifen s ufus leggaɣen d ddwa deg-s I ttafen. Di tmuɣli n Ɛumer Xeyyam win ur neswi uzzi werǧin yeɛreḍ ayen yelhan di ddunit. Mi yenneḍ ɣ er lecyax d yemrabḍen d limamat d yergazen yesserwa wesɣan, yebɣa ad asen-yessuref, ɣas ma jerḥen-t u nnan-d fell-as ayen yellan d ẓẓur. Ard yuɣal s imazanen7, widak I d-yewwin ajenwi d umenɣi ger yemdanen, ssawlen s yisem n tmella8 yakk d rreḥma, di taggara ad tuɣal d nneqma, d isaffen n yidim zgan, ttazzalen si tfekkiwin n talsa, asɣan zeddigen yuɣal d tukkerḍa, d aḥwas d asnaref, d timenɣiwin werǧin frant arma tqum lqiyama. Imazanen nnan-d kra n wawalen, di taggara-nsen, uɣalen ar ddaw wakal, mmuten am nitni am wiyaḍ. Ɛumer Xeyyam mi t-ɣriɣ lliɣ di lḥebs, ggulleɣ gar-I d yiman-iw ar asmi ara ffɣeɣ si lḥebs ad sweɣ uzzi, ad ṣekreɣ u a tt-xebḍeɣ arma uɣaleɣ am ucettiḍ, di taggara nedmeɣ ur xbibḍeɣ ara, uɣaleɣ deg wayen I d-nniɣ, a d-hedreɣ u a d-aruɣ ɣef wayagi di tinawt nniḍen ur ssiɣzifeɣ ara awal di tezwart-agi fell-awen. Ma Xeyyam yettnadi kan amek ara yefreḥ, u ad idegger urfan n ddunit, u ad yerwel ɣef tlufa n tudert, yettnadi kan ala ayen yelhan, yumen s tmettant, yeẓra ala netta I d tidet. Kra yellan di tudert ad ifak, yettfaraṣ kan temẓi yakk d tillumẓi, yeẓra iman-is yerǧa-t nnger, ad yerku si ddaw wakal, acku, yettuseɣnew seg wakal u ad yuɣal ɣur-s. Tasuqelt-agi n Ɛumer Xeyyam akken I d-nniɣ d tunṭict sɣur-I d tucbiḥt I rruḥ Si Mḥend U Mḥend, I rruḥ n kra n win yuran neɣ 6

Tarbaɛit. Lambiyya. 8 Rreḥma. 7