Tuitu 9.8.09

Estd. A land of Reliability Computer leh a kaihhnawih,Blank CD-wholesaleleh retail-in kan pe chhuak reng e. Computer leitute tân Operating System kan zirtir thei. Computer zir duh tan Zion Street -2311343/2323512

Tuitu (Kâr tin Chhuak)

(An Official Organ of Electric Vêng Branch Y.M.A) Office : YMA Hall  2310168

Postal Regn No. NE - 1085

YMA chu tanpui ngaite .tanpuitu a ni .

Vol. 16 N o . 3 2 T U I T U : E l e c t r i c  



Vêng chhûng

 Pi Lalhliri w/o Pu K. Sang-thuama (B-3) Sec-IV chu ni 7.8.’09 khan a mit (eye) entir turin Gauhati-ah a kal.  Pu Lalthanliana Branch Executive Committee Member (B-1) Sec-V chu ni 5.8.’09 khan a ke ruh tliaka thir phum lak chhuah avangin Durtlang Hospitalah dah luh a ni.  Pi Sairengpuii w/o Lalfak-zuala, Sec-V,(B-1) chu Sciatica avangin Durtlang Hospital-ah enkawl mek a ni.  Remlalliani d/o Biakchhunga (B-1) Sec-V chu ni 3.8.’09 khan a tonsil zai a ni.  Ni 28.7.’09 atanga 1.8.’09 chhunga E-VDP hma lakna. 1. Rakzu fun 25. 2. Khawzawl Bus rawk tum mi 2 man an ni. 3. Pu K. Vanlawma s/o Pasena (L) Hebron chu zu litre 31 ½ man sak a ni a, Excise-ah pek a ni.  K. Lalhruaitluangi (Seni) d/o K. Lalhmuaka, (B-8) Sec-I chu Ni 1.8.’09 khan bike in a accident a. Tunah in lamah enkawl mek a ni.  Pu Bonny Lalrinliana dawr, Church Street-a tarmit theihnghilh chuan a rang thei ang bera lam tur a ni.  Lalchhingpuii d/o Lalbiak-chhungi (B-8) Sec-1 chuan M.A (Mizo) a pass a. Mizoram pumah pakhatna a ni a. Sec-I ten an lawmpui hle.  Sec- IV kudam chahbi kawltu Pu. Lalramzauva ni tawh lovin Tv. David Lalremruata a ni tawh e.  Pu L.Dara (B-5) Sec-III chu Grace Nursing Home-ah enkawl mek a ni a. He thu buatsaih lai hian a dinhmun a tha lo.

1994

Ralauva Steel Work R.Dara Building bul Grill, Steel gate, Rolling Shutter, Collapsible gate leh thir atanga thil siam chi tinrêng kan siam thei e. Min rawn dâwr ve ngei tûrin ka ngên a che u. Proprietor Ph. No. 2328825

v Ê n g : A i z aw l   : 9 . 8 . 0 9   ( pat h ian N I )

Branch Executive Comittee thukhawm

Ni 7.8.’09 zan dar 7:00 khan Electric Veng Branch YMA executive committee chu a vawi 8-nan an thukhawm a. He meeting, Branch President Pu K.Liansanga kaihhruaiah hian Executive Member an kal tha hle a. Thurel thenkhat kan hriat awm chite chu 1. (a) YMA general conference 2009, ChalfilhGroup-in Darlawna an thlen turah hian Central YMA hruaitu thlan a ni dawn a. Hemi atana nomination siam chungchang chu thla thar (September) committee thutkhawm hunah ngun zawka la ngaihtuah an tum. (b) Kumpuan atan ‘Khawtlang Nun Siam |hat’ tih chu rawt tum a ni a. Hei hi Central YMA Office-ah theh luh tur a ni a. CEC-in rawtna hrang hrang lut chu an lo thlifim leh dawn a ni. 2. YMA Hall-a mitthi vui chungchang : Hei hi kan la tih ngai loh thil a ni a. Kan chenna hmunhma-in a zir loh avang leh mumal zawka mitthi vui hi kal pui a nih theih nan sawi hawnna angin hun hman a ni a. Executive Member thahnem takin zau takin an ngaihdan an sawi a. Thil tih ngai loh leh nghawng nei thei tur a nih avangin veng chhunga Kohhran hrang hrangte, VC leh NGO te nen mumal zawka sawiho/ inrawnkhawm tum a ni. 3. Thlanmual mawng lam enfel chungchang : Kan thlanmual hman mek, tuna kan inphumna lai vel khu a zau tawh loh avangin a thlang lama thlanmual ram khu, inphumna tlaka a lei ngheh leh ngheh loh chungchangah ngaihdan sawiho a ni a. VC ten Geology & Mining Dept. lama mi thiamte nen enho an tum avangin YMA chuan a hranpa a hmalak tul lovah a ngai. VC te hi puih an ngaih phawt chuan YMA chuan a tul ang zela puih an tum a ni.

Village Cencus Report

Mizoram Sawrkar, LAD in ruahmanna a siam angin June leh July thla chhung khan Aizawl khawpui chhung V/C Area tinah Cencus neih a ni a. Kan Vengah pawh VC ten he Cencus hi buaipuiin, a hnuai a mi hi kum 2009, Electric Veng Cencus report a ni. In awm sat - 458 Chhungkaw zat - 1228 Mihring awm zat - 6714 Mipa - 3295 Hmeichhia - 3419 Master Degree - 215 Bachelor Degree - 679 10+2 - 500 Matriculate - 2020 Annual Income - Rs. 25,59,74,380.00



Correspondents Vanremsânga, John Zoliantluanga, F.Lalchhandama P.Lalthasânga,Vânlalchhuana, R.Lalmalsâwma R.L.Rinfeli, B.Lalhminghlui, Rochhingpuii O.B. In charge : Vânlalmuana(Fin.Secy)

Editor Phone No. 9436350697 Tuitu : 2310168

Jt.Editor Asso. Editors Cir.Managers

: Lalchhuana Renthlei : Lalthankima, R.Lalthlamuani R. Lalthakima, Lalchuangliana : K.Liansânga, Lalthanzuala, F. Zokhûma, Laltanpuia Selsa

Editorial ....................................................

Vengchhung vawn thianghlim kawngah hian mitin hian mawh kan phur vek a. Fai hi a hriselin a nuam a, a changkang tih hre reng chung si hian kan fai hlei thei lo chu a ni ber mai. Hei hi a chhan ni ber a lang chu, mahni mawhphurhna a ngai lova midang tih tur a kan rilru kan put tlat thin vang a ni ber. Mahni compound piah lam a nih avang maia tihfai tumna neih miah loh hi mipuitling lo tih dan a ni. Mi thenkhat, mahni compound a nih loh chuan hmun dang tih hnawk a, bawlhhlawh paih hreh miah lo, vantlang hmun leh hma neitu nihna rilru pu miah lo kan awm thin hi a pawi hle a ni. Kan kawngpui leh vantlang kawngte mahni in leh lo kan tihfai anga tihfai hi mitin te ko a innghat a ni a, kan tihfai duh loh theuh chuan kar lovah kan kawngpuite bawlhhlawhin a khat mai dawn a ni. Hnam changkang apiangin fai hi an ngainain, an ngaipawimawh a, an in leh lo te ang bawkin an kawngpui te pawh a fai nuamin, Cinema a kan hmuh te hian a nawm hmel kan ti fo a. Heng ram changkang fai nuam tak hi amaha fai ve tawp a ni mai lova, a ram chhung a cheng mipuiten an ram vawnfai kha an mawhphurhna ah an ngaih tlat vang a ni. Sawrkar hmalakna lamah pawh a in thlau ang tih chu hriat sa a ni a. Amaherawhchu, a mi mir hrim hrim ten, an in leh a vel vawnfai mai bakah, vantlang ram vawn thianghlim kawngah an mawhphurhna an hriat vang a ni. Kan ram Mizoram pawh, a hmun hma a rem lo in, a vawn thianghlim kawngah harsatna nei thin mah ila, a ram chhunga cheng mipui te hian mahni theih ang tawkin hma la ta theuh ila chuan, ram dang ang em chuan fai lo mah se, hei ai hi chuan a thianghlim ngei ang. Chuvangin, kan ram vawnfai hi kan mawhphurh a ni tih i hre thar leh theuh ang u.

YMA

HUANG

Ni 2.8.’09 zinga thlan lai kal dan Sec-I : 15, Sec-2 : 26, Sec-3 : 22, Sec- 4 : 19, Sec-5 : 16 total-98, Kuang siam - 43. Ni 3.8.’09 khan Central YMA Education & IT Committee a thukhawm a, Branch Asst. Secretary Pu K.Lalthanmawia a tel. Ni 21.8.’09 hian ‘Cyber Crime & Mizo Society’ thupui hmangin Seminar buatsaih an tum. Pi Lalrammawii (B-2) Sec-IV chuan a pasal C.Piangvela boral ta hriatrengnan E-YMA hnenah thutthlengsei 5 a pe a, a chungah E-YMA chuan lawmthu a sawi tak meuh meuh a ni. E-YMA Sec-V te chuan sum tuak nan veng chhungah Lucky Ticket zuar leh dawn a. Tlawmngaia lo lei sak turin veng mipuite an ngen tak meuh a ni.

Hriattirna

Superintendent of Police Traffic, Mizoram Notification No. TRF-A/RO-53/2008/713 Dt 3.8.’09-in a sawi angin, mipui himna leh Aizawl khawpui chhung tawt lutuk tih ziaawm nan, Bawngkawn to College veng, Electric veng, Chhinga veng leh New Market kal tlangin engtik lai mahin 407 Truck leh a aia lian motor dah (park) phal a ni lo. He thu pek hi ni 10.8.’09 atanga thuleh awm hma chu hman tur a ni ang. Veng chhunga 407 Truck leh a aia lian Motor neite kan in hriattir a ni e. Veng chhunga Two Wheeler khalh, mi thenkhatten Helmet khum lova veng chhunga tlan kual kan ching thin a, hei hian Duty-te harsatna a siam thin a vangin tun atang chuan Helmet khum lova two wheeler khalhte chu dan anga man zel an ni ang.

Taekwondo News

5th Mizoram Poomsae Championship 2009, Electric Veng YMA Hall-a ni 3rd August a neih zawh takah 12th Mizoram Official Taekwondo Championship Aizawl Taekwondo Academy, Electric Veng atangin 2009, Electric Veng YMA Hall a ni 4th-7th August a neih heng mite hian Medal an la. zawh takah Aizawl Taekwondo Academy, Electric SUB-JUNIOR (COLOUR BELT) Veng atangin heng mite hian Medal an dawng. 1. Gold - Flora Saizikpuii (B-1) Male - Light Super Weight (62-67kg) 2. Silver - Elizabeth Vanlalpeki (B-1) Gold - Johny Vanlalruatsanga SENIOR BLACK BELT (18-30 years) Male - Welter Weight (44-48kg) 1. Gold - Joseph Lalsiama Bronze - Zonunmawia 2. Pair Champion - ATA, Electric Veng Female - Light Super Weight(59-67kg) SENIOR MASTER(31-40years) Silver - F.Lalrempuii 1. Silver - Joseph Thansanga 



YMA MOTTO

1. Hun âwl hman that. 2. Zofate hmasawnna ngaihtuah. 3. Kristian nun dan tha ngaihVol. 16 N o . 3 2 T U I T U : E l e c t r i c  

v Ê n g : A i z aw l   : 9 . 8 . 0 9   ( pat h ian N I )

Letter to Editor LetterLllll

Article

Zonun mawi hi Mitthi tawh anga koh koh chi a ni lo

Tuitu

Bonny Lalrinliana “Zonun, Zonun mawi tap tapin ka au ding zo silo. Aw, Zonun, Zonun mawi liam lovin la cham rih hram rawh aw”. Uluk takin, khawngaih takin he hla thu hi lo chhiar nawn leh teh aw. A hla hi sawisel ka tum lo, fak chiamna tur pawh ka hre chuang lo. Ka sawi duh ber lai chu he hla thuin Zonun mawi Mizote thinlunga atuh dan tha lo riauva ka hriatna lam hi a ni. Engtinnge Zonun mawi hi kan hriat? Mi tam takin Zonun mawi hi thil nung leh che thei kal bo thei, tlan bo thei, auh kir leh theih, koh vaka koh hawn theih, tih lungawi loh leh tih lunghnura mual min liamsan tum a kal liam ta ang mai ni ten kan ngai emaw aw ka ti thin. Kan hriat thelhna avang hian Zonun hi a lo mawi lo reng tawh zawk a ni. Chuvangin Mizote hi mawi takin i nung leh ang u tih mai zawk tur niawm tak a ni. Zonun mawi hi thil nung leh che thei vak vel thei ni lovin nungchang/ nundan phung mai a ni. Dang thler dawn dawn pawhin au vak vak mah la a lo kir lo vang. I mittui zawng zawng luangral thak pawhin tap pur pawhin au la i tah chhuak lo vang. Zonun dan mawi chhawm nung mektu nunah chuan Zonun mawi mualzapui min liam san rawh aw tiin au vak vak mahsela a awrawl a seng thlawn mai a ni. Tute nunah emaw hmuh tur a awm tawh loh avang khan Zonun mawiin a liamsan a ni lovin Zonun mawi kha ama’n a liamsan zawk a, Mizo tih dan aia Hnam dang nun dan a thlan zawk avangin Zonun mawi chu amahah a lang chhuak tawh lo mawi zawk a ni. Zonun mawi chu nangmahah a awm renga a lanchhuah tirna hun leh hmunah i lanchhuah tir leh tir lohah zawk a innghat a ni. Ral leh lam kai tep tawh koh kir tum a auh auh chi a ni lo va, mual min liamsan tawh mitthi koh taka koh chi pawh a ni lo, Mizo nundan mawi tak kan hriatsa,a huna hman tangkai mai hi a ni. A koh a koh haw chi ni lovin mahni phak tawk sang ber, rinawmnaahte, aia upa zahnaahte, huaisennahte, tlawmngaihnaahte, taimaknaahte lantir nachang kan hriat mai hi Zonun mawi chu a ni. Vawiinah hian i nuna Zonun mawi awm chu lantir turin leh parchhuahtir turin he veng, Electric veng hian a ko mawlh mawlh zawk che a ni, engtin nge i chhan let ve dawn le?

Pu Editor I chanchinbu ni 2.8.’09 a chhuak ‘Theihai tui pump phase-2 zawh a ni ta’ tih thu ziahdan chungchangah khan thil hriat sual palh awm thei in ka hria a, rawtna ka han siam duh a ni. Entirnan, kan veng hian hun rei ve tawh tak atang khan street, area hming mawi leh nalh tak tak eg. Hebron, Elim, TKV, Hermon, Church Street, etc. kan nei a, hei hi hman uar ni zel ta sela thang leh thar zel te leh kan venga rawn awm thar te tan pawh a bengvar thlak hle, dawn a ni, Chawlhni hmasa chhuak a mitlawmngai te awmna area sawi nana Electric vengthlang tih hman chungchang kha a ni, ka hriat sual loh chuan ‘Electric Vengthlang’ tih chu Presbyterian biakin hminga hman niin ka lo hria a, he biakin hian area felfai tak a nei a, a area chhungah hian he kohhran a lawi lo leh a kohhran mi nilo pawh an awm nual ngei ang. Tichuan mitlawmngai te awmna area sawi nan khan street, area hming, kohhran area hming nilo ka han sawi tak area hming ang chi kha, section zawnga sawi a remchang lo a nih pawh in, hman ni zawk thin ta se YMA chanchinbuah chuan a in hmeh zawk ngei ang. A tawp berah chuan Tuitu, kan veng YMA chanchinbu, chhiartute hi kohhran hrang hrang a awm kan ni tih hi a thu chhut dawn emaw te hian, in lo tih thin ang tho in, ngaihtuah thin ni zel se tih hi ka rawn share che a ni e, veng tana i thawhnate ngaisang tak leh zah tak chungin. Ka lawm e. David Zonunsanga Golden Street Electric veng

Lawm thu Sawina

Ni 17.7.’09 zing dar 9:50-a kan nu Laiawrhi Hnamte kum-85 min boral san ta chungchangah lawmthu sawi tur tam tak kan nei a. A ruang hi kan inluah Electric Hermon-ah lak niin kan khua Bungtlangah phur chhoh a ni a. Hemi chungchangah hian Electric Veng Branch YMA ten kuang mawi tak min siam sak bakah puan ten min han tuam mawi a. Heng bakah thil tul zawng zawng min tih sak vek bawk a Tin, thenawm khawveng leh min hmangaiha, min lainat tu then leh rual tha duhsakna chi tin reng min petu zawng zawng chungah leh Electric Veng Branch YMA te chungah lawmthu kan sawi tak meuh meuh a ni.



In khawngaihna dawngtu K.Satawka leh a fate Bungtlang Chhim Veng

Vol. 1 6 N o . 3 2

Hriattirna, Fakna etc..

TUITU : Electric 

v Ê n g : A i z aw l   : 9 . 8 . 0 9   ( pat h ian N I )

CHATUAN RAMAH

Spoken English zirna

Spoken English bik atana Training chhuak zirtirtu, Multi National Company hrang hranga trainer lo ni tawhten thiam tak leh hneh takin Class an la tan ta e. Dynamic Education (DynEd) US Based Computer Vanlalngena, Kum 72 atanga Spoken English zirna, Mizorama nei chhun kan ni e. Pu Vanlalngena hi Pu Lalkila (Kawnga) (L) leh Pi Admission : 10:00 am - 4:00 pm (weekdays) Vanhnuaithangi (L) te fa 4 zinga an fa 4-na niin kum 1937 khan Saichal khuaah a piang a. Kum 1958-ah Pi HERO MINDMINE franchisee RAPID ASCENT Roliani nen an innei a. Vanduaithlak takin Pi Roliani Below Veraz & Vanso Technocraft hian ni 14.12.’93 khan Asthma natna avangin a boralZarkawt main street, Aizawl. san a ni. Ni 15.11.’96 khan tuna a nupui Pi Vanlalruati Contact us at: (389)-206551 (0) nen hian an innei a. Pu Ngena hian fapa 6 leh fanu 3 9862996294 (M) a nei a ni. 9862366721 (M) Pu Ngena hian zirna lamah chuan BA a pass a, (3-3) 9612083098 (M) sawrkar hna hrang hrang a thawh hnuah a thiante Pu Joe Ngurdawla (L) Ex-MLA leh Pu D.R. Zirliana te nen thawnthu bu an buatsaih thin a. A lehkhabu chhuah Lawmthu sawina Kan tupa Robert Lalrinsanga s/o Saithanhnuna, zinga lar zual deuh te chu ‘Lalngo, tah ka bang dawn Kolasib Diakkawn boral chungchangah YMA leh lo’, ‘Ka di ve kha’, ‘Hmangaihna mak’ tih te an ni. veng chhung mi min lainata min buaipuitu zawng Mizoram UT a nih atang khan politics-ah a inzawng chungah lawmthu kan sawi tak meuh a, hmang tan a. Hotute duhsaknain nihna pawimawh puana tuamtu te leh a ruang chunga pangpar mawi hrang hrang a chelh thin a. Kum 1987 MLA General tak dahtute zawng zawng chungah leh a kuangmawi Election khan Suangpuilawn bialah thlan tlin a ni taka min siamsaktu YMA leh a ruang Kolasib thlenga a. Kum 1989 MLA Election-ah a bial ngaiah bawk zuitute zawng zawng chungah lawmthu kan sawi tak Congress ticket-in thlan tlin a ni leh a. Congress an sawrkar avangin Deputy Speaker-ah dah a ni meuh a ni. Mimal tin hnenah lawmthu kan sawi sen loh a, chumi hnuah ZIDCO leh ZOHANCO Chairman avangin Tuitu chanchinbu kan lawmthu sawina hi ah a dah a ni. Kum 1984 VC inthlanah thlan tlin niin VCP-ah min lo pawm sak turin kan ngen a che u. a awm a, VCP a nih chhung hian E-YMA Hall hmun PC. Saptawna neihna atana sulsutu pawimawh tak a ni nghe nghe Bial-5 a ni. Kum 2005 vel atang khan TB natnain a tlakbuak a, BP sang natna a vei tel bawk a. Tichuan ni 29.7.’09-a a SOYA BEAN MILK Office bang chu a BP sang avangin an kawt step-ah a (Bekang Hnute) Taksa chakna chitin awmkhawmna, damlo chaklo, tlu a. A lu a sawh a, nikhaw hre lovin a awm nghal a. naupang, naupai leh nau pawm tan te chaw tha. BP Civil Hospital pan pui nghal a ni a. Doctor ten enkawl sang, Blood Sugar vei te tan pawh in pawi lo. Lei tur nghalin ICU-ah dah luh a ni a. A dam leh theihna turin doctor leh nurse ten theihtawp chhuahin an a awm reng. enkawl a. CT Scan tih nghal a ni a. A thluakah thisen hmun hnihah a lut tih hriat a ni a. Heti chung hian Hre chiang duh tan :- J. Lalmuanpuii phai lamah Helicopter-a phurh mai tum a ni a. Mahse Ph. No - 2301542 khawih chet ngam a nih loh avangin engmah tih C/o K.L Lianchia theih a ni ta lo a ni. A lu hi a lo sawh nat em avangin Bial 4 doctor leh nurse ten theihtawp chhuaha an enkawl EFC Hriattirna chungin ni 2.8.’09 zing dar 6 khan a nupui fanaute Ni 10. Aug. 2009 (Thawhtan) zing dar 6:00 hian chu a lo kalsan ta a. Tlai dar 3 ah Electric Veng thlanGovt H/S Field-ah EFC 3rd Division practice tur a ni mualah vui a ni. a. Player te kim taka kal turin kan inhriattir a ni e. Hetiang veng pa kan chan hi kan ui tak meuh a Sd/- C. Lalnunfela ni. Secretary, EFC Published

and

E d i t e d b y P. M u a n a R a l t e o n b e h a l f o f Printed at the Gilzom Press, Electric Veng, : Copy 1000.



EYMA,

Aizawl



Hriattirna

Electric Veng Branch YMA hnuaia bungrua- te hi mumal zawka enkawl a nih theih nan te, a bothlau tur ven nan leh a tlo zawk nan a hawh duhte chuan Branch/ Section Office Bearer-te hriattir hmasak thin tur a ni a. Hei hian chhiat ni bik a huam lo vang. A baka hmang duh-te chuan hruaitute hriattir ngei tur a ni e. Engmah inhriattir lawkna awm lova bungraw hawh tumten harsatna an tawh palh pawhin tuman an sawi buai thei lo vang. Secretary, E-YMA