Tiun Chura Nggau Ruang.doc

Tiun, Chura enggau Ruang Tiun nya tau dikumbai timpuh, pengelama (panjai tauka pandak), enggau betandu-tandu (ulangan). Tiun nyadi sereta ulih dipeda ayan ba dero, kebut, jaku besehari-sehari sereta ba muzik tauka lagu ti didinga. Siti ari penteba tiun ianya penandu ti ulih ditusun berurun dikena ngasilka tukuh sereta motif. Chura ulih dikena mantaika emosyen. Chura beguna bendar dalam pengidup kitai kelebih agi ba sukut personaliti, daya idup sereta psikologi. Konsep ruang nya dikumbai endur puang ngelingi siti-siti objek, penyauh antara dua objek tauka rumbang ke bisi ba objek.

3.1 Tiun dalam seni visual Tiun ba muzik ngembuan kaul antara organisasyen enggau maya. Tiun bisi detik, bit, tekanan meter enggau tempo. Tukuh tiun tu ulih diasilka ari siti siri nilai not ti disusun dalam meter ti bepelasarka penekan kering tauka lemi. Tukuh irama ulih disadakan betandu-tandu dikena ngemanahka tiun lagu. Tu dikumbai ostinato.

3.2 Tiun ti dimain betandu-tandu Tiun dalam seni kubut iya nya pengelandik ngaga mayuh macham tukuh kubut nitihka tiun ke diberi. Iya mega ulih nunjukka kreativiti siku-siku mensia tauka sechara beraban dalam nempa enggau ngaga kubut bepelasarka konsep kubut nitihka muzik ti didinga. Kelimpah ari nya, orang ti engkebut mega ulih ngasilka rentak enggau alur(aliran) ari siti endur ngagai endur ti bukai bekenaka ruang diri tauka ruang am. Kubut tubuh ulih digaga sechara betandu tauka bisi bungai kubut tubuh iya empu bepelasarka tema enggau lagu ti dimainka. Ba dalam siti-siti lagu, bisi mega tiun ti dimainka betandu ba sitisiti frasa. Seni kubut tubuh ti betandu ulih digaga nitihka tiun tauka ulih mega bebali ngagai chura kubut tubuh ti ke bukai. Orang ti kreatif, ulih mega ngelala kubut tubuh ti nemban nitihka muzik ti didinga. Ba siti-siti aktiviti aerobic tauka dalam kubut tubuh gimrama, kubut tubuh ulih betandu ba siti-siti chura.

3.2 Chura dalam Seni Visual enggau Seni Muzik Chura dalam seni visual nyelampur chura asal, tertier enggau sekunder. Kesemua chura tu nyengenda ba genturung pendiau kitai. Chura ngembuan tanggung pengawa ti beguna dalam ngasilka komunikasyen visual ti ulih narit ati, meri empas enggau pengasai sereta tau dikumbai chura terang enggau chura enda terang. Chunto iya, chura mansau mandangka api ti benung mau lalu chura biru mandangka pendiau ai ti benung anyut enggau belubah. Chura mega mandangka pengasai ati senentang siti-siti pekara. Chunto iya, chura terang mandangka pengasai ati ti gaga lalu chura petang tau dikaitka enggau pengasai ati ti takut. Chura dalam seni muzik bekait enggau timbre muzik ti diasilka ngena kereban muzik ti bebida. Ton chura ulih dibagi ngagai terang enggau petang. Tiun ti sama ulih ngasilka ton chura ti bebida ti dikemainka ngena kereban muzik ti bebida lalu ngasilka empas emosyen ti bebida.

Ambika chunto, tiun ti diasilka ngena kereban muzik Cina er hu nunjukka pengasai ati ti sinu lalu tiun ti diasilka ngena kereban muzik clarinet ulih ngasilka pengasai ati ti rindang.

3.3 RUANG DALAM SENI VISUAL ENGGAU SENI KUBUT Konsep ruang ba seni visual bepelasarka ruang nyata tauka fizikal enggau ruang ilusyen tauka tampak. Ruang nyata tauka fizikal iya nya ruang ti bisi ba rampa; ruang tebuka (palan ti lapang/luas) enggau ruang tetutup (palan ti mit) (Peda chunto gambar 3.2)

Gambar 3.2 Ruang Ruang dalam seni kubut bepelasar ngagai tuju kitai engkebut. Lebuh tubuh engkebut, tubuh begunaka ruang dikena engkebut sekalika engkebut ba alai ti sama iya nya enda ngubah dasar (kubut ukai locomotor) tauka ba alai ti berubah ari siti endur ngagai endur ke bukai iya nya ngubah dasar (kubut locomotor). Ruang dalam seni kubut mega bepelasarka endur, kuing, tingkat enggau jalai. (bepelasar Bab 4.3.1)

Perambu pengawa ngenataika ekspresyen enggau mantaika idea nengah rentak, chura enggau ruang Topik: Kubut rangkang sereta bagi pun kayu ti ngasilka rentak, ruang enggau chura. Tema Rampa Pendiau: Kampung Ngayanka pun kayu dalam kampung ngagai nembiak nengah gambar visual, video ti direkod, penerang enggau sesi tanya saut. Sepengudah nya, nembiak diasuh ngaga kubut ti bekaul enggau pun kayu ti mantaika konsep rentak, chura enggau ruang nengah seni visual, seni muzik enggau seni kubut tubuh. Perambu pengawa seni visual 

Nyura enggau ngaga tukuh kubut pun kayu ngena chura ai ti ngembuan bemacham



chura. Chura ai ti ngasilka mayuh variasyen garis dikena mantaika bansa kubut bagi rentak, ruang enggau chura.

Perambu pengawa seni muzik  

Ngasilka gaya rentak kubut pun kayu ngena munyi vokal. Ngena munyi vokal enggau munyi ti diasilka perengka tubuh (percussion) dikena ngayanka chura pun kayu enggau rangkang

Perambu pengawa kubut tubuh 

Ngasilka kubut tubuh ti ngembuan rentak dikena ngayanka tukuh kubut dan enggau



rangkang kayu. Ngaga kubut tubuh bepelasarka ruang ti diberi

Pengawa ti udah diperambu nya tadi ulih mantu nembiak nentuka chara ngasilka rentak, chura enggau ruang bepelasarka kurikulum baka ti dibaruh tu:  

Ngelala pun kayu (matapelajar Sains) Ngasilka ripih munyi (rentak enggau chura) ti bekaul enggau rampa pendiau



(matapelajar pendidikan muzik) Mantaika kubut pun kayu ngena chura ai ti ngembuan mayuh bansa chura (matapelajar



pendidikan seni) Ngaga kubut tubuh lokomotor enggau ukai lokomotor (matapelajar pendidikan jasmani)