Thalai Entu October 2009

-1-

October 2009

Thalai Entu

Mizoram Thalai Kristian Pâwl Chanchinbu Thla Tin Chhuak

THALAI ÊNTU Kum 32 - na

October 2009

No 10 - na

Editor

:

P.Lalhmachhuana 9436383625/9862655774

Jt Editors

:

F.Lalropuia

9862982639/9863421387

:

C.Lalêngzuala

9436150844

Cir. Manager :

Rev R.Lalrintluanga 2342108/9436157131

Cir. Staff

:

Johny K.Lalchungnunga-Lli-9436191110

:

Zothansangi Aizawl

:

C.Lalhmangaihzama Ltli- 436387594

9436193963

E- mail: thalai _ entu @yahoo.co.in A man : Kum khatah Rs 60. Bu khat Rs 5. •

Thu chhuah tur chu editor Address-a thawn tûr a ni a, Agent inthlâk leh a man pêk thuah Circulation Mananger dâwr tur. •

Thu chhuah rêng rêng hi a ziaktu mawhphurhna a ni a, Editor leh Mizoram Thalai Kristian Pâwl ngaihdân a ni vek kher lo.

A chhûa Thu Awmte 1. Editorial : Thianghlimna 2. Sermon : Marthi Chan 3. Article : Tuai Theology 4. Article : Malaria Leh DDT 5. Article : Zaipâwl intihsiakna 6. Article : Zonunmawi 7. Article : Interview 8. Article : MTKP 2010 Aizawl-ah 9. Article : MTKP 2010 Inkhawmpui 10. Diary : TKP Diary 11. Danpuitlinga Innei te

-

3 4 6 11 15 24 27 30 33 34 34

-2-

October 2009

Thalai Entu

TKP DIN CHHAN Thalaite hi: 1. Kristian Tha tak ni tûra buatsaih. 2. Krista leh Kohhran tâna thawk tûra buatsaih. 3. Khawtlâng tâna mi Tangkai ni tûra fuih leh kaihhruai. 4. Pathian ram zau nân inhmantîr

TKP THUTIAM Krista leh Kohhran tan Ka chakna Isua Krista chu ring tlatin nitin Pathian ka pâwl ang a Kan Kohhran Pathian biakna leh hnathawhnaah ka tel zêl ang Khawtlâng thatna leh inunauna tinghet tûrin ka thawk ang a Krista hnênah mi dangte hruai ka tum tlat ang.

MTKP HRUAITUTE 2008 - 2010 President Vice President Organiser Asst. Secretary Treasurer Fin. Secretary Senior Advisers

: : : : : : : :

Rev Dr K.Lalrinthanga Pu Joseph Lalhimpuia Rev R.Lalrintluanga Tv P.C.Vânlalrova Nl C.Thangzîkpuii Pu R.Lalrochâma Upa R.L.Thianghlima Upa K.Lianhmingthanga

9436158852 9436147382 9436157131 9436370679 9436147760 9436157834 9436371707 9436370618

Executive Committee Members 1. Pu R.Lalengliana - 9436390719 2. Pu PC.Laldinthara 3. Pu F.Lalromawia - 9436147227 4. Pu R.Lalnghâkliana 5. Pu P.Lalhmachhuana - 9436383625 6. Tv F.Lalropuia 7. Pu B.Lalramliana - 9436157205 8. Pu T.Lalhlimpuia 9. Pu C.Lalmuanvêla - 9436148423 10. Pu F.Lalramzauva 11. Pu H.Lalrochâma - 9436156349 12. Pu Victor Lalrinawma Sailo 13. Pu Laldingliana - 9436371911 14.Tv K.Lalthlengliana 15. Nl Laltlankimi Sailo - 9862925411

Wibesite : wwwBaptistOrg.com.

943147665 9436157372 9863421387 9436150892 9862539828 9436147829 9436365717

October 2009

-3-

Thalai Entu

editorial….

THIANGHLIMNA MTKP in Zonunmawi beihpui kan thlak mek a, tun thla hi Thianghlimna thupuia kan neih thla a ni. Kawng thumin Thianghlimna hi i han sawi teh ang. 1. Zuk leh hmuam : Kan pi leh pute atanga zuk leh hmuan ti thin Mizote hian kan ni tin nunah hian zuk leh hmuan hian hmung sang tak a chang thin. Tul lova sum tam tak kan senna a nih avang hian a Pathian thu lova, taksa a eichhe bawk nen. TKP Member, Krista leh Kohhran Tan tite hian tun thla na na na chu i sim teh ang u. 2. Ruihhlo leh Nulat Tlangvalna : Hmasang atangin Zu hian kan nunah hmun a luah a, Kristian kan nih hnuah zu kan do. Tun thlengin Kohhran leh Sorkarin zu a la hnualsuat. TKP Member te pawhin zu leh ruihhlo hi kan hnualsuat ngam tur a ni. Nulat tlangvalna (Sex) lamah pawh TKP te hian fihlim kan tum a ngai. Nupa kar ni silova sex hmang thintute hi Vanram kailo tur list ah an awm. 3. I.T. hmansual : Information Technology lamah kan ram hi kan thang nasa hle. Kan khawsak leh eizawnna atan thil tangkai tak a ni. Nimahsela hman sual awl tak a ni tih hriain a hman tangkai dan kan zir a pawimawh em em a ni.Lalpa zuitute hian kan Phone ah hian Sex Video kan dah fur mai lawng maw ? Tawngkaa kan sawi ngam loh zahmawh bawlhhlawh tak tak hi SMS hmangin kan sawi thin em ? Internet hmaa kan thut hian eng website ah nge kan luh thin. Kan inenchian a ngai. Kan thiltihna reng rengah hian a thangmawi, a tha leh Pathian lawmtlak Thianghlimna a ni em tih hi TKP te hian inzawt nawn fo thin ang u. Pathian chu a thianghlim si a.

October 2009

-4-

Thalai Entu

Sermon

MARTHI CHAN ( Luka 10:41) - Zohmingliana Electric Veng Unit Lunglei. Tum khat chu Isua Krista rawngbâwla a veivahnaah khaw pakhata hmeichhe pakhat Marthi’n a lo mikhual a. Chutia damlo te tidama, ramhuaizawlte tidam Thintu, miten an pan huai huai Thin khawpa milâr a han mikhual tâkah chuan Marthi chu a lâwm hlê ni tur a ni; a mikhualpa chu zanriah tuihnai tak buatsaihsak a tum ta a. Choka lamah ei tur siamin a phe nghâl ta vat vat mai le. A buaiin a indaihlo bawk a ni ang, a unaunu Mari Isua kebula Thu a, a thusawi ngaithlatu chu amah pui tura tîr turin Isua pawh chu a ngên ta hial a nih kha. Mahse, Marthi chuan a beisei loh tak, “Marthi, Marthi thil tam tak i ngaihtuah a, i buai a nih hi: thil pakhat chauh a pawimawh e; Mari’n chan Tha chu a thlang a, chu chu laksak tur a ni lo ve” tih chhânna a dawng ta daih mai le. Isua’n Marthi a chhânna hi ngun taka kan zir chian chuan ei rawngbâwla chêt ve tum lo, Mari chu Isua’n mark a pe sâng zâwk tih kan hmu. Isuan, ‘THIL PAKHAT PAWIMAWH’ tia a sawi hi Marthi’n a hriat loh laiin Mari erawh chuan a hre fuh tlat mai. Ama hriatna dana thil pawimawhin Marthi’n Isua tihlâwm a tum a; Isua pawimawh tihin Mari lâwmna a siam ve thung. Marthi’n Isua ei tur hlui a tum laiin Isua a ei tur awm chu Mari’n a ei hlauh thung. Isua hi kan tâna ei tur tak, Chhang Nung vân aTanga lo chhuk chu a ni reng si a (John 5:27, 33-35). Isua hian ei tur kan hlui hi a mamawh lova, amah zâwk hi kan tâna ei tur tak, kan mamawh ngawih ngawih zawk chu a ni (John 4:10). Marthi hian hei hi hria ni se lang chuan a ei rawngbâwl laite chu dah Thain Isua hi a bêlbul ve ngei ang le. Isua leh Marthi te unau indâwrna chungchâng hi kan Bible hian a sawi tawi tek tawk hlê mai a. Amaherawhchu, he lai thu aTang hian Pathian hmangaihna, khawngaihna leh Pathian rilru nihphung ril tak chu fiah takin a hmuh theih a ni. Thuthlung hlui lam kan en chuan Israel fate hnênah an sualte tihbona turin Pathianin Dân chi hrang hrang a pêk thu kan hmu. Mahse, an sualte tihbona turin chung Dânte chu Israel fate khân an zâwm seng lo mai ni lovin zawm pawh an zâwm famkim thei lo. A nihna takah chuan khâng Dân zawng zawngte kha lo zâwm famkim thei teh reng pawh nise, anmahni-a Eden bawhchhiatna nun chu lakkian a ni thei chuang lo hul hual a ni tih Hebrai 8:7 kan chhiar chuan kan hre thei ang. Tin, an sualte thawi damna tûrin ran

October 2009

-5-

Thalai Entu

thisen an hmang Thin tih kan hre bawk. Hmun Thianghlimah Puithiamin ran thisen kengin Israel mipuite sual a thawi Thin. Mahse, heng inthawinate hian an Pathian laka an sualnate chu a tihbo theih loh mai bâkah Pathian lungawina famkim a thlen zo tak tak chuang lo a ni. Heti hian han sawi ta ila, Israel faten Pathian lung tihawi tuma an mahni lama Tan an lo lâk vena entîr nân Dan zawm leh ran thisena inthawina hian Pathian lungawina a thlen zo lo tak zet a ni. Pathian tihlawm tuma mihring lama theih tâwpa Tan kan lo lâk vena chiah hi Krista lâwmna chang lotu Marthi chan chu a ni. Mhring lama kan inbuatsaihna leh kan thil tihin kan sualna a lâkbo theih miau si loh avang leh Pathian lungawina a thlen theih thlâwt si loh avângin Pathian fapa Isua Krista chu khawvêlah a lo kal ta a ni. Kan phû vâng ni miah lovin khawngaihna-a khat Pathian chuan ran thisenin a silfai zawh loh kan sualte chu Krista thisenin min silfaisak a. Pathianin khawngaihna-a min rawn chhandamnaah hian nang leh kei hian thil tih sawi ve tur pakhat mah kan nei ve lo va, kan thawh pakhat mah a awm hek lo (Ephesi 2:1-10). Khawngaihtu Pathianin anchhedawng kan nihna thu min hriattîr leh chu anchhedawng kan nihna chu Krista thisenin min lak kiansak ta tih min rawn hriattirna hi lo ‘AMEN’ mai tur kan ni. Krista thisen avangin Pathian chuan nang leh keia sualna hmu tawh lovin tuma sawi buai theih loh thiam chantîrna lallukhum chu Isua Krista-in min lo khumtîr ta a ni. Chhandamna hi kan thawh chhuah ngai lovin Krista zâwkin min lo thawhchhuahsak a, keini tih ni lovin, ama thil tih zâwkin chatuan nun min lo pe ta a ni. kan finna, felna leh thianghlimna te chu Krista-in Kross-ah min khehbehsak a, Krista finna, felna leh thianghlimna te chu min lo pe ta zâwk a ni. Isua Krista chu kan tâna ei tur tak, Nunna Chhang Vân aTanga lo chhuk chu a ni. Chu Nunna Chhang Isua Krista ngei chu Mari pawh khân a hre tlat a nih kha Awle, Marthi hi Sinai tlâng Dân entirna a ni a, Mari hi khawngaihna Dân entirna a ni. Tawngkam danga sawi dâwn chuan Marthi hi Tisa Dân aiawhtu a ni a, Mari hi Thlarau Dan aiawhtu tiin kan sawi thei bawk awm e. Marthi chuan Isua chu Tisa hriatna dânin a hria a, Mari ve thung chuan Thlarau hriatna dânin a hre thung a ni. Unau duhtak, rim tak leh Thahnemngai taka Pathian rawngbâwla ke i pên lai hian Thlarau dâna rawngbâwltu nge i nih Tisa dâna rawngbawltu ? Pathian tihlâwm tumin a rawng i bâwl Thin nge, Pathian lâwmna nei chungin A rawng i bâwl Thin zâwk? Marthi chan hi i chan a ni palh hlauh a nge, ngun takin han in bih chiang teh le.

October 2009

-6-

Thalai Entu

TUAI THEOLOGY - H.Lalhmingthanga 1. Kamkeuna Eng kan ti nge ni, tlem lai deuh aTang khan mizo Thalai zingah Tuai (mipa ni reng si, inti-hmeichhia tlat) kan pung hluai mai. Khawpui apiangah tuai nih an uar zual. Tuai chungchânga inkaihhruaina thuziak hmuh tur lah chu a vâng phian lehnghal a. Kan vin-Tha-en ta ngawt hlawm a nih hi maw! Tuai saa piang hi chu an awm ve zeuh zeuh a; mahse chutiang mi chu tlêm tê, mi sangkhat zêlah pakhat pawh tling lo tur an ni. Chuvangin tunlaia kan tuai tam ber hi chu ‘puitlin hnua intihmeichhia chawp’ an ni. Pa pakhat pawh a fapain nupui atân tuai a ru pek a ni âwm a. Pa ber thinrim, tih vak ngaihna hre bawk si lo chuan, “Engpawhnise, in chhangchhiat tak tak hma hian indang vat rawh u,” a ti ringawt e, an ti!! Hetiang hi kan hmabâk tur a lo ni ta reng mai! Tun ang renga tuai an pung a nih chuan kum za dang a liam leh chuan mizote hi tuai rorêlna hnuaiah kan awm lo ang tih sawi har tak a ni. Chuvangin mi thiam zâwkte cho chhuah nân tuai chungchâng han ziah ve Tulin ka hria a. Ka ziak chhan ber zawk erawh chu tuaiho thlarau nun vensak nân leh Mizo Society vawnhim nân a ni. He thuziak hi tuai pakhat talin chhiar ngei se ka ti hle bawk. 2. Tuai Nih Hi Engnge A Tangkaina? Hmeichhe tam takin mipa nih an châk ngawih ngawih laia mipa ni sa reng hmeichhia nih châk tlat mai hi thil mak tak zawng a ni phawt mai ! Tuaiho hian thil mawi an hriain thil thar ngaihtuah chhuah an thiam (creative) phian an ti! Mipa an nih miau avângin mipa hip thei zâwnga hmeichhe inchei dân an hre khiau a, chu an thil hriat chu an intih-hmeichhiat hnuah an hmang (apply) ta hlauh Thin a ni mai thei. An creative riau avâng hian make-up hman dan leh thawmhnaw design dan vêl an thiam duh riau a. Khawvêl huap pawha Make-up Artists leh Designers lar zingah pawh hian tuai an tam an ti. Tuai an nihna chu sumdâwnna kawngah chuan an chhawr phian a nih chu. Tin, mipa inti-hmeichhia an nih avang hian boruak an ngam duh phian a. Chubâkah hmeichhia an an ve deuh roh avâng

October 2009

-7-

Thalai Entu

hian hmeichhiate dawn ang ngaihhnathiamna tam tak an dawng bawk. 3. Mizorama Tuai Lo Pun Hluai Chhan Tun hnaia Mizorama tuai an lo pun tak hluaina chhan hi eng ber nge ni ang tih hriatthiam a har hle a. Research beihna tham niin a lang. A chhan ni thei tam tak zinga tlêmtê chauh, tawi te tein lo thlirho ila. Hengte hi he thu ziaktu suangtuahna mai an ni e. (a) Genetic Disorders : Chi inthlah chhâwnnaah diklo/fello a awm thei. Hmeichhiaah hian anmahni ti-hmeichhia-tu(hormones) a awm a. Chutiang bawkin mipaah hian anmahni ti-mipa-tu (hormones) a awm bawk a. Chu’ng hormones chu mipain a neih tlêm viau (hormonic imbalance) chuan mipa rilru phawk chhuak zo lovin a lo piang a. ‘A nu em mai’ tih turin a chêtzia leh rilru putdan thlengin a lo awm ta Thin a ni. Hetiang mi hi naupan lai aTanga tuai sa ho hi an ni a, mi tlêmte an ni. An lainatawm takzet. (b) Mizo society-a value system awm mumal loh vang : Hmanlai chuan mipa fa chu mi huaisen, sa kap thei, mihrang sa hrang laka khawtlâng chhantu, buh leh bala intodelh leh taima ni turin Mizo Society-in a phût (demand) tlat a; chutiang mi nih chu mipa fa tawh phawt chuan an tum vek Thin. Tunlai Mizo Society hi chuan ngaihsân tur (value system) mumal pawh kan nei tawh lo a. Hei hian Thalaite a tikawngbo a, mi ngaihsan nih duh leh lar châk avangin mak tak takin an tal a ni ta ber mai. Tuaiho pawh hian mi hriat an hlawh duh phian asin! (c) Sapho nun dan entawnna (Westernization) : Sap mi lar-ho (celebrities) zîngah hian a ruk leh ualau tak pawha tuai an tam mai nia maw le! Chu’ng zingah chuan zaithiam lar Elton John-a pawh hi a tel ve! Pasal a nei a, “Kan pa thu thu” a ti duai zel mai maw le. British Knighthood a la nei zui ! US Senator (kan MP ang hi) zingah pawh tuai (mawngkawhur) an awm a nih kha. Hengtiangho nunphung hian kan Thalaite a man mêk a. Value system nei mumal ta lo chuan kan bawh ruak ruak mai a nih hi. Hengho avâng hian khawvêlah ‘tuai thlipui’ a tleh a, mizo Thalaite min len pai chawn chawn a ni ber mai. (d) Tuai ngaihhnathiamna a pung : Khawvêlah hian tuai/mawngkawhurho ngaihhnathiamna (social acceptance) a pung

October 2009

-8-

Thalai Entu

nasa a. Hmanni lawkah pawh kan ram khawpui ber Delhi High Court chuan ‘mipa leh mipa inkawp (neih inang inkawp a ni zawk ang chu!) hi sual a ni lo ve’ a ti a nih kha. Mizote pawh hian tuaiho hi kan ngawihsan mai mai a, kan vei zui lem lo. Mipui kan ngawih mai mai avâng hian an awmdan kan pawmpui niin an hria a, tuai an huangtau ta a niin a lang. (e) Korean film vang : Nuho chuan an haw awm ! Mahse, a ni ve thei tlat. Mizote hian Korean film kan en nasa ta hle a. An nun dân Tha leh Tha lo kan lachhâwng nasa a, kan Thalaite nun a fan hneh hle. Mizorama kan tuai tharlâmho inchei dan, make-up hman dan leh hair-style te hi en teh mah u, Korean ‘Emo’ ho style a nih fur hi ! Hei vang hian Korean-ho an tuai ka tihna a ni kher lo. Mahse Korean film hian kan tlangvalte a ti-lanu nasa ta lua chu a ni e. (f) Zonet Interview : Hmân deuh khân Aizawla Cable TV pakhat ‘ZONET’ chuan tuai (anni chuan ‘pherh’ an inti!) an kawm (interview) a, a rei fu leh nghal. Zonet lam chuan a Tha zawnga mipui hruai an duh vanga kâwm an nih a rinawm a; mahse a Tha lo lam bawk kan entawn leh a. Kha interview-a tuaiho thusawi khân kan mipa Thenkhatte rilru a hneh a ni chek ang chu, tuai an lo lang ta sup sup mai a nih hi! (g) Awm herh hrim hrim vang : Nun phung (principle) mumal pawh nei lo, a tla chawpa nung mai mai, engkim-ti-thei (Pathian ni hauh si lo) kan Thalaite zingah hian an kat nuk mai. Mi mak tih nih duh hrim hrim, a thlîrtu tâna zah chem chemna khawpa inchei ngam pawh kan ngah tawh a nia. Hetiang nunphung hian tuai a hring ve te pawh a ni mahna. (h) Nu leh pate vang : Nu leh pa Thenkhat chuan fanu an ît lutuk avângin an fapa naupang ber emaw te an hmeichhe chei fo. Koh dan te, thawmhnaw leh toys te, an hair-style thlengin hmeichhe naupang ang thlapin an sawngbâwl a, hmeichhe naupang an kawmtîr bawk. Hei hian mipa naupang chu tuai-ah a siam thei. Nu leh pate’n an duat tuai a nih ber mai chu. 4. Maksak, Dangdai, Theuneu Lo Chu!!

October 2009

-9-

Thalai Entu

Hetia tuai an lo pun deuh hluai takah chuan hmeichhia ang chiahin incheina leh mawmawh neuh neuh an lo ngah a, a leina tur pawisa an lo nei sêng bîk si lova; an taksa hmangin sum an tuak ta Thin a ni awm e, nawhchizuar ang hian. Tlangvalho zingah lah chuan tuai mutpui ve hrim hrim châk pawl an lo awm ve leh tlat ni awm a ni. Thil intihre deuhte phei chuan Mizorama College leh University zirlaite zîngah tuai nêna sex hmang Thin rawlthar/tlangval an tam tawh mai an ti. Sâwn man chawi hlauhawm ve hek lo le! Tin, zirbingmi Thenkhat chuan Mizoram hmun hrang hranga Jail tang hmeichhiate hi an tan aTanga rei vak lovah nupa angin an inkawp (lesbian) nghal deuh vek an ti. Hetiang hi kan Zoram Kristian ram dinhmun chhe lam chu a ni si a. Maksak, dangdai, theuneu lo tak a ni! A râpthlâk bawk. Lalpa’n engtin ngai ang maw ? 5. Tuai Hian Vanram An Kai Ang Em? He zawhna hi kan chhan dan a inang lo nuai mai thei. Thil pawi ber zawk chu, tuaiho hi tuai an nihnaah hian a tawp mai lo a, mawngkawhur-ah an chang deuh zel hi a ni. Tuai hian an mipatpui an ngaizawng tlangpui a, hmeichhia chu an ngaizawng ngai meuh lo. Anmahni lo duhtu mipa an tawn fuh hlauh chuan ‘mawngkawhur’ nih chiah an hmabâk tawh. Hmeichhia inti-mipa (patil) ho pawh chutiang chiah chuan an hmeichhepuite lakah an awm Thin. Tirhkoh Paula’n vanram kai lo tur list a siamah chuan ‘mi hurte leh mawngkawhurte’ an tel (I Kor.6:9). Heta ‘mi hurte’ tih hi King James Version-ah chuan ‘effeminate’ tih a ni a. Chumi awmzia chu, mipa ni si hmeichhia anga awm, mizovin ‘tuai’ kan tih hi a ni (Oxford Dictionary en la). Tin, ‘mawngkawhurte’ (Gk.Arsenokoites; Eng : homosexuals / sodomites /pederasts) tih hian mipa chauh ni lovin hmeichhia leh hmeichhe innei (lesbian) pawh a huam vek a ni (DARB). Chuvangin tuai leh patil hi mawngkawhur group-a mi vek an ni, an kawppuite pawh. Rom 1:26-27 a mihring fate sualna zîngah pawh khan heng kan sawi takte hi a tel vek a. Sodom khua Pathianin a tihboral chhan pawh kha ‘homosexuality’ tho hi a ni (DARB). Hurna sual hi Lalpa’n a ngaizam mai mai ngai lo; inlamlêt a, an sim hlauh a nih loh chuan. ‘Tuai nih’ hi Setana’n hremhmun kal tura mihringte thiam taka a thlêmna hmanrua a nih mai hmel. Dam chhûng rei lotea tuai nihna

October 2009

- 10 -

Thalai Entu

hian chatuan hremhmunah a la hnûk lût ngei dâwn si a. Fimkhur a va ngai em! 6. Engtia Tihreh Chi Nge Ni Dâwn Le? Ka hre bik chiah lo. Tuai siam That leh hi thil namai a ni lo tawp ang (chempui tuai fuh lo mai mai pawh siam fuh a har viau zel hi). Mipui kan Tanrual hle a ngai ang. Rawtna tlêm ka rawn chhawp chhuak e. (a) Chhungkuaa inzirtîr : Mihring nunah chuan chhungkua hi a pawimawh ber fo. Inchhûngkhurah tuai nih pawizia leh zahthlâkzia te inzirtîr uar ila, khauh deuh taka fate enkawl pawh a Tul ang. Hetianga chhung tinin kan tih theih chuan tuai an pun zel loh ka ring. (b) Vantlângin hnualsuat ila : Hmanlaiin mizo zîngah sâwn/falak an tlêm hle – mipuiin an hnualsuat tlat avangin. Hetiang deuh hian tuai hi hnualsuat ila, an tawmim mai ang. Hei hi rilru chhe zawnga sawi ka ni lova, anmahni lainat vang zâwk a ni. Tuna kan en dan hi chu anmahni kan lawm zâwk emaw tih tur a ni tlat! A la pawi thui ang. (c) Kohhrana inzirtîr : He Setana hmanrua hi hneha a awm theih nân kohhranhoten TawngTaina nên Tan la ila. Thalai pâwl leh nuhote’n Tan han la se, a sâwt khawp ang. (d) School-a inzirtîr : Zirtirtute’n school-ah naupangho hrilh ngun se. A Tul a nih chuan, ‘tattoo nei reng reng admit loh tur tih’ ang hian ‘tuai reng reng admit loh tur’ ti mai se. Primary aTanga Plus Two thleng kan kenkawh chuan boruak a danglam daih ang. Naupang rilru-ah kawng dik kan tuh a ngai a ni. (e) Media hmangin : Tuai awm lohna society ni hial thei turin chanchin thehdarhtu (media) lam hian uar takin mipui min zirtîr se. Mipuiin rilru hmunkhat pu ila, ngaihsan tur dik inzirtîr ila, a Tangkai khawp ang. I unaute thlarau chhanhim tur hian far khat tal chu i ni ve dâwn lâwm ni?

October 2009

- 11 -

Thalai Entu

MALARIA LEH DDT Dr. H Lalchungnunga DDT (Dichloro-diphenyl-trichloro-ethane) hi kum 1874 daih tawhah khan Othmar Zeidler-an a siamchhuak a, India ram hian kum 1944 aTang khan Malaria do nân sipaiho zingah a hmang Tan a, kum 1946 aTangin pilot project angin mipui tân hman a ni. A tîr lam chuan a hlawhtling êm êm a, India sawrkar leh WHO, UNICEF leh USAID te inrâwn tlângin NMCP (National Malaria Control (khuahkhirhna) Programme) an lo din ta hial a ni. Malaria do nâna DDT hman hian kum 1958 bawr velah chuan kawngro a su hle a. India sawrkarin Malaria vânga kumtin sum tam tak a hloh thin chu lo tlahniamin Malaria do nâna cheng maktaduai sawmli lai sêng Thin chuan sen a hnehin cheng maktaduai zahnih zet hlâwkna a hmuh phah hial niin chhût a ni. DDT hi rannung dang pawhin an huat êm avângin natna dang tam tak -Hripui (plague), KawThalo leh Santên angte pawhin a tlakhniam phah nasa a. He project hi a hlawhtlin tak êm avâng hian Malaria chu umbo theih mai inbeiseiin NMEP (National Malaria Eradication (umbona) Programme) an din ta hial a; heta an hmanraw pui ber chu DDT kah a ni. He Programme hi hlawhtling dâwn viau va a lan hnuah kum 1970 chho khân Malaria chu a lo pung chho leh ta hluai mai a, kum tin Malaria vei zat 50,000 vela tla thla tawh kha 10,00,000 chuang zetin an vei leh ta mai a. Hei hi a chhan tam tak a awm theih laiin a pawimawh ber chu thosikapte inthlahdah vâng niin an hria a. In zawng zawng an kâp tawh 1o va, a endiktute pawh an lo inthlahdah bâkah mi in va kah balh sak leh va tih rimchhiat hi thil nuam 1o tak a ni bawk nên. Chu bakah chuan mi tam takin thosi kah hi duh lovin thosi kah laia in 1o kalh ta mai an tam thei hlê bawk a ni. Mi Thenkhat chuan an bathlâr leh chhek in leh ran in te chauh an 1o kahtîr Thin bawk a. Hetih lai hian hmun Thenkhatah chuan thosi chi khat An- culicifacies te chuan DDT an lo haw ta lo bawk a, State 18 (district 286) laiah thosiin DDT a haw tawh lo tih an hmuchhuak ta bawk a. Heng bâkah hian heng hun lai hi ram hmasâwnna kal chak lai a niin kawngpui sial hna te, reI kawng siam te leh tuikhuah siam hna thawh nasat lai a niin hetiang hna thawka ram lama khawsa tam tak te chu thosikap hian an thlen ve phâk loh vang te pawh a ni ang. Heng bakah hian Malaria Pf vei an pung tual tual a, an

October 2009

- 12 -

Thalai Entu

inkaichhawng zel a, chutih lain Malaria Pv vei zat erawh chu a tlahniam ve thung a. Damdawi lam supply a tha vak lova, India leh Pakistan indo nghawngin tuialhthei man a tisâng bawk si; DDT hi petroleum aTanga siam chhuah anih avângin sawrkarin DDT a nghei lehnghal vei nên. Hun rei tak Malaria avanga thi an awm tawh loh hnuah kum 1974-ah khân mi 3 an thi a, kum 1995-ah phei kha chuan mi 1161 lai an thih thu report a awm leh ta mai a, kum 2000 khân hei hi 941-ah a tlahniam leh a ni. Amaherawhchu kum tinin Malaria vei chu chawhrualin mi 20,00,000 vel lai an tling a ni. Malaria Research Centre, New Delhi chuan DDT bâkah thosi hlo chi dang hma:n theih tur a dap reng a, nimahsela sum lamah te harsatna a awm avângin an hna hi a kal chak thei vak lo a ni. Bioenvironmental Control an tih hi hmun Thenkhatah chuan a Tangkai hle a; hei hian thosi pian theihna tihtlêm te, EPS polystyrene beads hmanga thosi note thah te, sangha te, thosi note ei chi dah te leh Engineering hna Thenkhat tidanglama thosi pian theihna tihtlêm te a huam a ni. Ama’rawhchu Mizoram angah te hi chuan lui leh mau hmun, Malaria semdarh thei chi thosi pian theihna a tam êm avângin a chunga sawi ang hi chu khaw chhûnga in leh lo enkawlna bâkah chuan thil hmantlâk tak a ni rih lo mai thei e. Thosi lo pun dan te, an Thanlen dante leh an nungchang te hi khaw awm dan hian nasa takin a hrîl thei a, khaw lum te, ruah sur te, boruak hnawng leh sik leh sa leh thli tam dan te hian thosi pun dan hi a ti danglam thei a. Khaw lum nasa leh ruah sur tamna hmunah chuan thosi an piang tamin an puitling hma bîk a, chutih rual chuan ruah sur nasa tak chuan thosi note tam tak a len bo ve thei bawk a ni. Nikuma ruah sur tam pawh kha kan vanneih pui a ang hle a ni. Kum hmasa aiin Malaria thihpui kan nei tlêm a. Sri Lanka-ah chuan kum hnih lai ruahtui an hmuh mang loh hnuah a kum thumna aTang chuan kum 5 chhung zet mai ruahtui an dawng tam tain luite chu an lian ta reng mai a. Chutih lai chuan Malaria semdarhtu thosi chi khat Anculicifacies te chu an vang hman hlê an ti a, Malaria vei pawh an awm mang lo a ni. Ama’rawhchu hemi avâng hian kawng lehlamah chuan mipuiten taksaa Malaria do theihna (immunity) an lo tlachham hman a, Malaria hrilêng (epidemic) a hlauhawm ta hle thung a ni. Chutiang chuan kan ram sik leh sa hian nasa takin Malaria tam leh tlemah nghawng a nei Thin a ni. Malaria dinhmun hi ram chhûnga mi chengte khawsakna (economic) dinhmun leh a dona kawnga hmalâk danah hian a innghat thui hle a. Entîr nân Europe ram chu a hausa a, an ram zau tak chu lo neihna atân vah

October 2009

- 13 -

Thalai Entu

dar a ni a, ramhnuai, thosi bihruk theihna a tam lo va. Khâwl thil (technology)-ah an san tawh avângin mihring tha ni lovin khâwl hmangin hna an thawk nasa a, thingtlâng lamah mihring an tlêm a, khawpuiah in leh lo a changtlun bâkah thosi pianna tur a awm vak lo va, chubâkah ran vulh an ngah avângin thosiin mihring an seh tlêm bawk a ni. Chuvangin kan economic dinhmun te a lo That chhoh zel a, kan in leh a vêl vawn fai nachâng hriaa kan taksa tâna Tha chauh eia in kan uar chhoh ze1 chuan kan ramah Malaria a lo tlêmin a awm chhun khuahkhirh pawh a aw1sam hle tawh dâwn a ni. Kum 1962-ah khân Rachel Carson chuan DDT chungchâng 1ehkhabu a ziak a, chutah chuan DDT hian ramsa leh nungchate bâkah mihringah thil Thalo tam tak a thlen nia a sawi avângin mi tam takin DDT hi an hlau ta a, chuvang chuan environmentalist tam takin DDT hi an sawisel a, khawvêl aTanga tih bo an duh ta hial a ni. DDT dotute zînga langsar ber WWFN (World Wildlife Fund for Nature) te puh dan chuan DDT leh a êk chhia (metabolite) DDD leh DDE te hi ran taksaah chuan an thauvah inchhêk khâwlin taksa khâwl pawimawh zawng zawng tihtheih a ti khawlo thei niin an sawi a. Sava Thenkhat phei chuan an mang phah tawhin an sawi a; mihringah pawh mipa mipatna tichaklo thei hialah an puh a ni. Mizoramah pawh hian DDT That loh zia chungchângah titi lêng vâk belhchian dawllo fe fe tam tak a awm mêk a ni. Hetiang a ni chung hian tun thlengin DDT hlauhawmzia finfiahna tak (scientific proof) a la awm chuang lo va. US National Cancer Institute chuan DDT aiin Coffee hi cancer thlen theitu chak zâwk a ni an ti ! Kum 50 lai DDT kah hnuah pawh a kaptute pawhin DDT vanga insawiselna leh chhuanlam an neih hriat a ni 1ova, a siamtu company Hindustan Insecticides pawhin an hnathawkte, ni tina DDT khawih Thinte pawh mi dangte aia an hrisel loh zawkna an hre hek 1o. USA-ah pawh DDT an hman chhûng zawng khân sava lamin an mang phah chu sawi loh an hriselloh phah awm an hre 1o a ni. Kum 1972- a US Environmental Protection Agency-in scientific hearing a phûtnaah pawh khân Presiding Judge Edmund Sweeny chuan ‘DDT khap (ban) a Tul chhan finfiahna fumfe (scientific proof) engmah a awm 1o ve’ a 1o ti tawh a. Nimahsela, politic leh thil dang eng eng emaw avâng tea nasa taka nawrna a awm zui zel avângin kum 2000-a Stockholm Convention chuan DDT siamchhuah leh hman chu Appendix B-ah a dah ta a. Hemi awmzia chu DDT hmang duh ram te chuan hman phalna lak a 1o ngai ta a, ram 29 zinga ram 3 - India,

October 2009

- 14 -

Thalai Entu

China leh Russian Federation te chauh DDT hman an phalsak ta a ni. South Africa-ah pawh Malaria dona hlawhtlinna chhan ber nia lang pawh DDT kah a ni a. Thawkkhat laia an ram Health Department-in DDT kah an tihtâwp thut aTang khan Malaria hrileng a lo thleng ta vak mai a, kum 2000-ah khân an mangangin DDT hman phalna dil thar lehin DDT chu an hmang leh ta a; chubâkah Malaria damdawi chhuak thar Artemisin leh Sulphadoxin + Pyrimethamine te nên nasa taka Tanlain Malaria chu an khuahkhirh leh thei ta hram a nih chu! Hetiang thil hi tunah Mizoram hian hmangin thosilen damdawia chiah nên nasa takin Tan kan la mêk a ni. Malaria dona kawngah hian kan ko thlâkin khaw tina VC leh tlawmngai pâwlte hian bul tumin Health Department hi a kaihruaituah ngai ta chauh se a hlawhtling zâwk ang em? Entirnân Tlabung leh a chhehvêlah hian dil a khat tlat tih theih a ni a, heng dîl aTanga thosi piang chhuak tam tak hi thunun tur chuan mipui vantlâng chet a Tul tlatin a lang a ni. Kan ramah Mautam Tam a 1o thlen chhoh mek lai hian Malaria dona kawngah thu kan awih a kan Tanrual a Tul lehzual hlein a lang a ni. (Source - Hriselna)

………

- 15 -

October 2009

Thalai Entu

ZAIPAWL INTIHSIAKNA JUDGE -TE COMMENT

BCM hnuaia Christian Music Committee huaihawt rampum huap zaipawl intihsiakna kan zo chiah a, Zaipâwl ten kan dinhmun tlangpui kan hriat nan leh hma kan lo sawn theih zawk nan endiktute comment-na I ngaithla teh ang: LENKHAWM HLA: Aizawl West Khuangpu âw a tê deuh. Khuangpute Tan dan a duhawm vak lo. Khuang bengtute combination pawh a Tha viau e. Bunghmun Hla key a sang lutuk, khuangri a ring hle. An tlêm avângin zai a ngaihnawm pha lo. Bungtlang ‘S’ A sâng lutuk - harsatna a awm. Khuangpui ben dânin duhthu a sâm lo deuh. Chaltlâng Mut a tichhuak mai a khuang leh an âw a in chawih tâwk viau. Khuangte vawtuin a dîm deuh. Chanmari Lawngtlai Hla hril a muang mah mah. Hla thu lam chian an tum lutuk em ni. Duh aiin Khuangpuin amahin a sa rei. An zai a ngaihnawmin an thiam viau mai. Hla hriltuin a uluk hlê mai. An zai chang mah mah. Chanmari vengthlang Hla a muang nâ a, an sa tho, min tiharh sawng sawng. Khuang leh zai a That viau laiin hla hril key dik lo hi a pawi hle. Hla key a Tha tâwk, hla hriltu aw key a tawkin a chiang Tha hle.

October 2009

- 16 -

Thalai Entu

Darzo A key a hniam deuh, an Tang theilova an sa dul, khuang a sirah ni lovin a laiah vuak nise. Hla hril leh hla key a inmil tâwk lo. Khawhar ina zai an ang. Khuangpui leh khuangtê a inchawih tâwk lo. Electric ‘N’ Hnahthial Hla lak a ring Tha, hla hril leh a key a inmil, aw a rual Tha. Khuangpu an nei Tha khawp mai. An zai ri a ngaihnawm viau. Khuangpuin zaipui châkawm takin hla a la. Imanuel Lawngtlai Khuangtê a zawi lutuk. Khuangpu an nei Tha vak lo.Hla hriltu aw a te deuh. Zai a hul deuh tlat. IBC Buarpui Hla hril a ring fiah Tha. An zai a ngui deuh a ni. Lunglêng Hla hril a Tha. Khuang an bêng Tha khawp. Aw a rual mahse zai a dul deuh. An zai a ‘hnun chalh’ lo deuh Mualbu Kawnpui A key a sâng lutuk. Hmeichhe hovin a sang laiah an tlin chiah lo deuh. Hla thu lam a fiah hlel deuh. Hla hriltu key a dik, mipa an Tang lo deuh niin a lang. Ramhlun North An uar lo deuh. Khuangpui pu in a la lo hi a va dik lo êm. Mut an ti chhuak lek lek. Khuang bêngtute combination a Tha lo deuh. Ramhlun South An uar rual Tha. Khuang ri duh angin a in chawih lo. A muang naa min tiharh riau. Hla hriltu aw a tê deuh Ramrikâwn Duh aiin zai a khawng deuh. Khuangte vuak ri a mawilo deuh.

October 2009

- 17 -

Thalai Entu

Shalom (Aizawl) Khuangpu in a vaw zawi, a nawr kal tawk lo deuh. A tirah hla hril a fuh lo deuh. Khuangpui pu ngeiin hla a la tur a ni. Hla hriltu âw a fiah tâwk lo. Aw key a sang mah mah. Hla hriltuin a key a thlâk daih-a style a ni mahna. Sikul Veng Mizo lengkhawm zai leh key sang lutuk a inhmeh lo, bass tur a nih loh avângin zai tuina a tibo thei. An tlêm nâ a an zai ring. An thiam dan a rual, an zai ring bawk. Salem (Lunglei) Zai a hnun hnang thlarh lo deuh. Mipa âw a zawi deuh. Khuang a bai leh zauh Thin. Zai hrim hrim chu a mawi mahse an tui lem lo. An tam ber naa an zai a zawi. Serchhip Hla hriltu aw a tê deuh, hla key a sâng deuh. Zemabawk Hla lâk a hniam hret a, hniam raihin an zai. Hla hril key a dik lo.

SOLFA HLA (ZAIRU LALPA FAKIN): Aizawl West Expression a Tha khat. Bass in a hneh lo deuh, a flat fo mai, blending erawh a Tha. An presentation a Thain a hmuhnawm khawp a, zaipâwl dang tân an performance hi entawntlâk a ni. Conductor in a conduct Tha khawp. An zai hmêl a hmuhnawm hlê. Bunghmun Blending a Tha lo. Alto a zawi. A note sâng laiah âw a chak tâwk lo.

October 2009

- 18 -

Thalai Entu

Bungtlang ‘S’ An tlêm deuhva, an ngam sarh lo. Blending a Tha tâwk lo. Hmasâwn thei tur tak erawh niin an lang. Chaltlâng Fak hmel an pu lo e. Bass a zawi deuh. Soprano âw a pui lo deuh. A blending a Tha. Thaw an la zing mah mah. Chanmari Lawngtlai Soprano âw a rual Tha lo. Zaipâwl beiseiawm tak an ni. Tempo a constant lo deuh. Soprano in ‘m’ note an tlin lo deuh. Flat tlêmtê a awm. Chanmari vengthlang Bass a zawi deuh. Formation leh blending a inmil Tha hle. Note sâng ah âw a mawilo deuh Darzo Vawrh tlin zawh loh lai an nei nual. Electric ‘N’ Hnahthial Tempo a rang tulh tulh, ngaihthlâk a hahdam lo, zaipâwl beiseiawm tak an ni. ‘f’ an phak lo deuh. Thu lam nat zawng a rual lo. (Zai,Fak) r’u tih lai an lam na mah mah. Imanuel Lawngtlai Zai Tan hun an thiam lo em ni. Tenor leh alto in an hnehlo deuh. An zai a vîn deuh. IBC Buarpui Contralto in a hneh lo deuh, conductor in zir tur a la ngah deuh. Soprano zîngah aw sharp an awm. Lunglêng

October 2009

- 19 -

Thalai Entu

An zai hmêl a hmuhnawm, an âw a rual Tha, bass in an hneh lo deuh. Contralto in half-note an sa fuh lo deuh Thin. Lam nat loh zâwk tur lam na. e.g Zai-weak accent, r’u – strong accent tur an ti letling hlauh. Mualbu Kawnpui An tlêm deuh a ni. Hla an thiam bel lo deuh. Ramhlun North Thu lam dan a Tha. A note sâng ah an âw a dik. Tenor a Tha a mahse an dîm mah mah. Ramhlun South Tempo an vawng Thalo deuh. Facial expression a Tha hle, an Tangrual bawk. Ramrikawn Bass an zai kum. Shalom (Aizawl) Tempo an vawng Tha lo deuh. Voice a chak Tha hle. Soprano ah thluk nei fal hlek an awm Thin. An âw a in chawih Tha, an zai hmêl a hmuhnawm hlê. Note sang lai – ‘van mi’ a Tha. A thu an lam Tha. Sikul Veng A thu lam a Tha. A note sâng ‘van mi’ lai a Tha. Salem (Lunglei) Head voice a Tha. An âw a zangkhai tawklo deuh. A cheimawina a Tha thawkhat. An zai kum. Voice quality a Tha thlâwt. Soprano ah aw lang fâl an awm, formation a fuh lo. Soprano âw a rual lo deuh. Serchhip Blending a Tha tawk lo. Soprano a ring fal deuh. Zemabawk

October 2009

- 20 -

Thalai Entu

Ending a Tha viau, vuak 6 ah conductor vaiin awmzia a neilo.

SOLFA HLA (NANGMA THIL ROPUITE AN SAWI) : Aizawl West Thaw la lova sak tur an zawm lo- broken phrase. Chang khatna an sa Tha. Chau aw a tam deuh. Conducting a Tha, ngaihtuahna an sêng tih a lang. Bunghmun Chang khatna a Tha.Tenor leh alto a zawi, an zai a tîm. An tlêm hlê nâa an Tha ve reuh tho. Head voice an hmang Tha lo deuh. Note sâng an sa Tha vak lo. Soprano aw chak fâl a awm. Bungtlâng ‘S’ Aw a chak lo, thaw lâk dan a dik lo, thu lam dan a fuh lo. Chang khatna a rual lo. An tim mah mah. An rawn tel thei hi a lawmawm hle. Chaltlâng Bass in an hneh lo, ending a ring mah mah. Aw a rual tâwk lo. Head voice in duhthu a sâm lo. Thaw lak an uluk tâwk lo. Tenor zai a ngaihnawm. Chanmari Lawngtlai Staccatto, thlûk chhum hmuk hmuk lutuk deuh, Bass in an hneh lo mah mah. Conductor a ding sang lutuk a; an chhoh en nasa. Changkhatna in duhthu a sam lo. Soprano an Tha danglam. Chanmari vengthlang Thaw la lova sak mai tur thaw an la kher hi a Tul lo. Vawikhat a flat zeuh. A sâng laiah Soprano aw a rual Tha tawk lova an in control zo lo lek lek. An zai Tha viau e. Thaw lâk a zing mah mah. Tenor in an hneh lo deuh. An thiam viau ani. Darzo

October 2009

- 21 -

Thalai Entu

Soprana âw a sîn mah mah. Bass a ri ham ham, Bass nei Tha pâwl tak an ni ang. Note sângah tling lo a awm zeuh zeuh.

Electric ‘N’ Hnahthial An aw hman dan a Tha. Blending pawh a Tha e. Zaipawl discipline a Tha. An head voice a mawi lo deuh. An âw a pui fu mai. Head voice in duhthu a sam lo deuh. Bass an ziaawm. Lam nat tum lutuk vangin mawi lo lai a awm zeuh zeuh. Imanuel Lawngtlai Chang khatna an sa Tha lo deuh. IBC Buarpui An zai a tim, an ngam sarh lo. Ending ‘ve’ a Tha. An âw a tê deuh. Note tum fuh loh a awm zeuh zeuh. Solfa sak dik loh awm zeuh zeuh. Lungleng A Tha tluangtlam viau. An chuk nghut nghut deuhvin a lang. Chang khatna a Tha. Thaw lâk a rual lo fo. An zai rual Thain an uar rual hle. Soprano an Tha hle, conductorin zir tur a la ngah deuh. Vocal power an nei Tha hle. Mualbu Kawnpui Soprano in an tlin lo, thaw lak hun a dik lo fo. Conductor training an mamawhin a lang. Ramhlun North Zai Tha pangai an ni e. Chang khatna a rual lo deuh. Note tling lo a awm zeuh zeuh. Bass aw hriat a har, chau aw a awm leh Thin. Soprano âw a rual tâwk lo. Ramhlun South

October 2009

- 22 -

Thalai Entu

A climax an siam Tha. Facial expression a Tha. Changkhatna aTanga insawi (taksa chet) a rem chang lo. Huming an hmang a, mahse a lo chhuahna a pawnlâng deuh. Chang khatna an sa Tha viau. An ang zau Tha. Thaw lak tlêma uluk a ngai. Creativity a lang. An aw a rual Tha a, creativity a Tha thlâwt. A muang laiah âw a zangkhai lo deuh. Ramrikawn Aw control a Tha tawk lo. Bass an chau rau deuh. Note tum fuh loh /phak lo a awm zeuh zeuh. Slur laiah an lam na lutuk deuh. Shalom (Aizawl) An zai Tha hle, a note sang lai (Lalpa a petu…) ah aw vên deuh ngai an nei. Taksa insawi lova sak chi hla a ni lo maw. An zai Tha fu mai. An hmuhnawm, nuam an tih hmel. Creativity a lang hlek. Sikul Veng Thaw lak hun a dik lo- broken phrase a awm. Chang khatna an sa Tha viau e. Salem (Lunglei) A dang aiin a zia deuh, voice control a Tha, soprano a ring bîk lek lek. Opera style an hmang a zai a ti fiah lo deuh a ni. Head voice tlêmin control deuh se. Soprano âw fâwn fâl a awm leh zauh Thin. Ending a Tha. Conductor quality a lang, a Tha. Hymn a nih avânga expression awm lo lutuk a Tha lo. Chang 3 na tawp a flat. Aw a zangkhai tâwk lo deuh. Serchhip Soprano âw a ring deuh mah mah a zai a inchawih Tha ta lo a ni. Chang 3 naah ‘f’ an sa tling lo zeuh zeuh. Zemabâwk Tenor in a melody an sak lai in a ring Tha tâwk tur a ni. An âw a inchawih Tha viau mai. Chang khatnain duhthu a sâmlo deuh. ‘f’ leh ‘m’ an sa hrang lo fo mai. Thaw lâk a zing mah mah.

October 2009

- 23 -

Thalai Entu

Ka khaikhâwmna Zaipâwlte anmahni tâwkah an zai Tha vek mai, Tualchhûng Zaipawl standard atân chuan a Tha mah mah emaw ni. Kohhran hruaitu leh mipuiten Kohhran zaipâwlte chu thiam taka zai ai mahin Pathianni inkhâwm apianga zaia rawngbâwlna neih leh inkhâwmna (worship) a mipui zai tihhmasâwn te hi min beisei dân a ni mah zâwk a. Thiam taka hla pahnih/pathum thlaruk chhûnga zir thiam nge Tha rei lote chhûnga hla thiam tam leh hla rem tam tih hi bûk ngai tak a ni. Lenkhawm hla bîkah chuan, intihsiakna anih avângin hla key lak sual/duh loh deuh hlek key a lak a thiang lo. Kan lenkhawm hla sak a ngaihnawm vak loh tlangpui. Kan zir tlêm a kan ngaihthah tih a lang. Lengkhawm hla sak dan leh khuang vuak dante hi zir fê tham a awm tih kan hriat a Tha. ‘Nangma Thil ropuite an sawi’ tih hla hi ‘hymn’ hla puithu deuh a ni a, dynamic vocal expression, kan pe thiam tâwk lo deuh vek, music arrangement in a keng lo alawm kan ti mai thei. Chang khatna te kha ‘piano; emaw ‘mezzopiano’ a sak rem tak si kha Thenkhat chuan an rawn wholesale nghal. Chang hnihna ‘enteh ‘ tih kan lût hi a rang/hot phut lutuk deuh. Music arrangement zir loh nge, Bass solo leading part a chaklo (zawi) vek, music-in a hliah Thin a ni ber. ………..

ž MTKP 2010 Inkhâwmpui Aizawla neih turah TKP Unit a tam thei ang ber kal turin kan insâwm nawn leh a. TKP Unit Zaipâwl zai thei tur chuan Tun thla chhungin (October) MTKP Organiser hnênah Lehkha in hriattir tur a ni. ž

Thalai Entu hian RNI kan neih loh avangin a thawnchhuahna lamah harsatna kan tâwk a. Thla tin Rs.5000/- dâwn sen a ngai Thin a. Tunah hian Delhi lamah RNI Permit dîl mêk a ni a. RNI kan neih theih nân TKP Member ten Pathian hnênah i dil ang u. BCM chanchinbu ah chuan RNI hi Kohhran Beng hian 1972 khan kan lo nei tawh a ni.

October 2009

- 24 -

Thalai Entu

ZONUNMAWI ( Khawnge Tlawmngaihna ? ) T.Lalthianghlima Ramthar Unit Pi pu te chena an hrilhfâk, Zofate nuna bet tlat zonunmawi tih leh a chhûl chhuak tlawmngaihnain a chhunzawm tun thlenga thâmral tûra kan la phal loh, thei leh thei lova kan la chelh din ngawr ngawr ;a Then a zar kan bosal tawh thu hi a ni, tlangaupui ka chak ve teh tlat ni. Vâl upa leh pasalTha ten eng qualification mah nei si lova an mahnia Pathianin remhriatna a pêk aTanga khawtlâng an lo enkawlna avângin tun thlengin Zofate zîngah par a chhuang zel chu a nih hi. Chu chu maw? Zonunmawi (Tlawmngaihna) subject practicala tih nghal theih a ni. A bîk takin chhiatnia kan insawngbâwlna hmunah te, Thatnia kan inlawmpuinaah te, kan harsat mangan laia kan inTanpuinaah te, Krista nunmawi leh chanchin Tha, kan culture-a Zonumawiah hian hnuhma hrawl pui pui hmuh tur a awm a ni. Zonunmawi chungchâng ziah dâwna hmaih ka phalloh, tun hmain Mizote chu Lo neia eizawng kan ni a, hlothlawha inlawm an hrât hlê a ni. InTanpui tawnna pawimawh tak a ni bawk. He inlâwmna hmunah hian mi tlawmngai leh tlawmngailo a hriat bîk an ti Thin. Hlo thloa an inlawm-tawnnaah te hian mahni hlo an thlawh aia nasain an Tang Thin. Tak tak ni maw ! An hlothawlh laia ruah a surte hian a ruaitute’n chawlh rawt mahse, chawl love, ruah leh râlte chu kan do pangngai a lâwm, Upa in ni a sat leh herâwt ang, ruah a sur leh aitê ang an tih kha an ti a, an Tang sauh sauh Thin a ni. An hlo thlawhna hmunah fanghma, dawnfawh, etc lo let hel hul mahse ‘ei rawh u, i ei ang u’ an tihloh chuan an ei mai ngai lo. Ei rawh u an tih pawhin ka châk love an ti hram Thin. Puipunna a eikhâwmna hmunahahte bâr hmasatu an ni ngai lova (Zonunmawi) upa berin an bar hma chuan... ? kham hnuhnung ber nih an tum ngai hek lo. Sa leh râl lakah pawh tlanchhe mai lovin mi aia tlawngai nih tumin an inpe (nun an thap) ngam a, him taka awm duh hle mahse tlawm-ngaihna avângin tawrh an hreh lova, min chhandamtu’n suala kan bopil mai phal lova min chhandam angin

October 2009

- 25 -

Thalai Entu

chhan-chhuaktu nih tumin an tha an tichak a, an bei hrâm hrâm Thin a ni. Tunah chuan khawnge Tlawmngaihna kan ti a, kan bosal lek lek tawh a ni. Hnamdang ten min chhawm nun sak kan hlau tawh lova, an duh lo chung chung kan pem buhbel lo chauh tawh a ni. Zonunmawi tlawmngaihna chu Fanghma chhîp an thlawh Thin angin kan inthlawh thui siak a, ral lehlamah kaitîr phet tumin Tan kan la a, a hming pawh kan thinlung aTangin a hla tial tial ta a nih hi. !! Zanlaiah mitthi dâr a lo ri a, rizai tlawhthlâk tawpa kal chu sawi loh, kan pang kan let thawk a, kan inkhuh Tha sauh sauh va, mumang chhunzawm leh tumin kan hnâr zui ta fo mai. Hnathawhna hmunah thlan tihtlâk kan hlau tawh a, Thalai khupzawi nih kan hreh lova, ruah a surin Labour khaw Tha kan ti a, chawlhna tur kan zawng ruai Thin. Ei tur a awmin sakeibaknei rilTam eitur zawng phiruai an sawi angin chan loh hlauvin kan bân tha kan tichak a, nu nau pawisawilo kan nêk tlu buan buan lawi si!!. Mi tlawmngai deuhte chu pa darben kan tum nghal ringawt tawh a ni. Tv PC.Rova of MTKP Asst.Secretary (Zonuna tia an koh duat) an han hmanhmawh loh teh reng nên, nula tlangvâl vawikhat mah khawhar Ina la leng ngai miahlo leh thlân laihnaa la kal ngai miahlo ten nupui pasal neih an hmanhlel a, rit aiin zâng kan chawi chak a, zirna lamah nise tlawmngaihna pawimawh zia bosal vek khawpin kan thiam a, kan taksa in dâwl lovin kan nunna hial pawh chan ngam khawpin zu leh ruihhlo ngaih lamah Thahnem kan ngai a, tha khûr dur dur chung pawhin kan zawng hram hram peih leh lawi si. Khawvêl hi zawng khawvêl a ni... ! Chhiatni Thatniah nei nung fate kan bawh huam huam a, rethei leh pachhiatte hrilh zawng a hai a ni. Khawnge Hnemtu tiin an ring an fân a, mit pawng pawr pawr khawpin a ni min zawn Thin ni. A ni, kan mizo tlawmngaihna hian a ni kan inhnemin kan inthlamuan fo a ni.

October 2009

- 26 -

Thalai Entu

Kan hnam innghahna pakhat Tlawmngaihna (Zonunmawi) hi tuin nge par vultîr zel ang le ? A chhûnga cheng zofate Zonun - ze mawi neitute hian a chul mai tur phal lovin kan zotlâng ram nuamah hian keini Thalai Kristian Pâwl-te hian kan awmna hmun Theuhah kan thutiam hre rengin khawtlâng Thatna leh inunaunna kan tingheh zel theih nân i parvultîr zel ang u. Tlawmngaihnain hlemhlêtna a umbo a, duhâmna a chhilh a, rinawmna Thianah a siam a, chawimawina nopui dawng tûrin hmingThatna a khum a, kan tha a tichak a, huaisenna min pe a, chu tak chu midangte tan malsâwmna nih theihna a ni.

………………..

ž Dt.18 - 20 September 2009 khan Tawipui Unit TKP chuan MEET an hmang a. MTKP aTangin Tv PC.Vanlalrova Asst.Secretary chu speaker atan hman a ni. Pu R.Lalengliana Executive Committee Member MTKP chuan a Tawiawm bawk. ž

Dt.25 - 27 September 2009 khan Haulawng Bial TKP Inkhawmpui LamThuamthum Biak Inah neih a ni a. Rinawmna thupuiah hmangin Tv PC.Vanlalrova Asst. Secretary chu Speaker atan hman a ni. Inkhawmpui hlung tak Haulawng Bial hian an hmang. ž November 2009 aTang hian Krismas lam hawi thuziak kan rawn chhuah Tan dawn a. TKP Member ten Krismas lam hawiin thu han ziak leh chur chur rawh u le. Krismas leh Kumthar Induhsakna SMS pawh a remchan chuan kan rawn tilang ang. Rawn thawn rawh u.] …….

October 2009

- 27 -

Thalai Entu

INTERVIEW TunTum chu Thalai Entu leh Nl R.Ramhmangaihzuali Electric Veng, Lunglei inkawmna kan rawn tilang dawn a. Nl R.Ramhmangaihzuali hi Mizo hmeichhia India ram aiawha Hockey China rama khel a ni a. Mizo hmeichhia a tihmingThat mai bakah TKP te min chawimawiin a nunah TKP ten entawn tur tam tak kan nei a ni. Thalai Entu = T.E

Nl R. Ramhmangaihzuali = Nui

TE = Hei Nui Thalai Entu Editorial Board chuan India ram aiawha China rama Hockey khela i han kal chungchangah rawn kawm zawk che kan duh a. Nui= E a ni maw ? Lo leng rawh u, hlim takin inkawm ang u khai. TE = A hmasain pian leh murna chhungkaw chanchin min han hrilh hmasa teh ? Nui = Aw le, Ka pa R.Lalnghaksanga (L) a ni a. Ka nu hi K.Lalvuani a ni a. Electric Veng, Lunglei-ah kan chhungin kan khawsa a. unau 5 kan ni a, mipa 3 leh hmeichhia 2 kan ni. A naupang ber dawttu ka ni bawk. Lunglei ah ka piang a, kan hnam hi Ralte a ni bawk. TE : Engtinnge India National Team-ah i luh mai theih dan kal kawng min han hrilh teh ? Nui = Kum 2005 khan Hmeichhe Hockey khel Thinte Sports Authority of India (SAI) hotute Lunglei-ah lo kalin Hockey khel thiam SAI Camp-a Training tur an rawn zawng a. Trail-naah ka tel ve a, Lunglei aTangin keimah chiah lak ka ni a. Tichuan Thenzawl ah Sports Authority of India (SAI) hnuaiah Camp-ah chuan ka va awm ve ta a. Camp aTang hian thiamna tam tak kan zir chhuak a, Mizoram aiawhin hmun hrang hrangah kan kal a. India ram State 10 velah te ka khel tawh a. Delhi, Bangalore, Orrisa, Punjab leh Haryana te hi a lar zualte chu a ni. Tichuan heng State hrang hrang ten National Level-a kan khel hi Player-te ngun takin an lo en a.

October 2009

- 28 -

Thalai Entu

Under 18 ah National Player ni turin Mizo 2 kei leh LalroThuami Mamit a mi chu thlan kan ni ta a ni. TE = Tichuan Natinal Player i lo nih hnu chuan eng angin nge Training in neih a, a Tul huna koh mai theih turin Thenzâwl-ah chuan in awm mai em ni ? Nui= Awm mai love India Coach YS Chauhan leh IS Gill te hruainain National camp Lucknow ah thla 3 leh a chanve Training kan nei leh a ni. Mak ang reng tak chu Coach reng reng hi Mipa vek an ni a, Manager ah hmeichhia Soy Hellen a ni daih thung. TE = A nih leh Mizo 2 chiah in awm a, camp a in awm laiin chi inthliarna ( Mizo hmuhsitna lam) a awm em ? Nui= Awm hran love, unau ang maiin kan inkawm thei vek a, kan induhsak em em vek mai. A nuam khawp mai. Ei leh In lamah pawh harsatna kan tâwk lo. Ei tur an siam te hi tui ti takin kan ei thei vek mai. TE = A nih leh thawmhnaw lamah te hian Uniform leh Inkhelhna hmanruate in dawng Tha em ? Nge nangmahniin in intum Thin? Nui= Practice-na hmanrua te chu kan dawng vek a, kawr suit, pheikhawk te pawh kan dawng vek. Chubâkah Hockey stick te pawh hman tur a awm bawk. Chu bakah Casual Dress te pawh min tum bawk. TE = Tichuan Eng hunah nge China ramah chuan in han inkhelh tak chu le ? In han chak tluang bawk em ? Nui=July 2009 khan Sanghai khawpuiah Asian Women Hockey Champianship under 18 a ni a. Sri Lanka 20 - 0 in kan hneh a. China 2-2 in kan draw bawk. Thailand 10-0 in kan hneh bawk a. Tichuan Semi Final kan lût a. Tichuan Korea in 5-1 in Semi Final ah min hneh a. Third Place Japan nên kan khel leh a 3-1 in Japan chuan min hneh leh ta a , India chu palina kan ni ta a nih chu. TE = Engnge China ram chu i hmuh dan ? A mi chêngte nun dan leh Tul i tih ang angte khawngaihin min han hrilh leh teh ? Nui= Hunawl kan nei tlêm hle a, sawi tak ang khan Inkhel tura kal kan nih avangin lenchhuahna hun kan nei vak lova. Bazar-ah te

October 2009

- 29 -

Thalai Entu

chuan kan va kal ve a, tin, an hmun pawimawh hrang hrangte tlawhna hun kan nei ve a. A nuamin a changkâng ka ti khawp mai. A fel fai a, a mi chêngte an faiin an polite hle bawk. Tin, pitar leh putar te pawh incheina lamah an awlsam hle a, kekawr bul leh T.Shirt an ha a, an zangkhai vah maiin ka hria. Tin, an ei leh in a tui ka ti lutuk a, ka ei Teuh zel. A hrisel hmel bawk si a.Tv lama kan hmuh ang hi an ni maiin ka hria. Chakai te, Kaikuang te an ei nasa hle bawk. Tin, Korean leh Chinese te hi keini aiin ei thei deuh vek niin ka hria. TE = A nih leh Hockey ah chuan engnge in phak lohna han sawi mai tur i hria em ? Nui= An skill a Tha em em a, an fit bawk a. Tin, speed ah kan tluk lo deuh niin kan hria. TE = A nih tak chu. Hun chep tak karah inkawmna hun min siamsak a, i chungah kan lawm e. I kal zelna turah duhsakna kan hlan a che. Nui= Kei pawh ka lâwm e. Nui hi TKP Electric Vêng Unit Lunglei Member niin Thenzâwl a SAI Camp ah a awm a. Hetia India ram aiawha Hockey Player a ni hi nula chhuanawm tak chu a ni pha a ni. October thla hian National Level-ah a khel leh ang a. Olympic thlenga khel thei turin amah hian tumruhna a nei a ni. Mizoram Sorkar chuan pawisa engngemawzatin a Tanpui bawk. Tin, Lunglei District DC chuan a Tanpui bawk. Amah chawimawina hunte a siamsak bawk a ni. A mah phone hmanga bepawp duh tan hetiang hi a ni e. Nl R. Ramhmangaihzuali (Nu-i) Camp : Thenzawl Phone: 09863650693 …………………

October 2009

- 30 -

Thalai Entu

MTKP 2010-AIZAWL-AH Upa J.Lalramzauva Senior Adviser TKP Pangzawl Bial

Friday têka zîng TawngTai kan bâng chu Hqrs. lam hawia lehkha ziak a Tul avângin Dining Table-ah ngei uluk taka ngaihtuahna hmangin lehkha ka ziak mial mial a. Chutih lai chuan kan Bial TKP Secretary Pu PL.Lalmuankima fapa lo kalin “A pu, hei a pain zu pe rawh a ti” a rawn ti a. Ka han la a, kan en nâk chuan, ka rei maw ! chu lehkha chuan min Thawngin thinlai muhnu lunglen a kai thova, kum tam tak liam tawh a mi thil tam tak min hriatchhuah tir a, ka khawloh phah Tep a ni. I rilruin eng thil chu ni maw i lo ti hman a law ? A awm reng mai, ka han hrilh ang che : MTKP 2010 Aizawl News Buleetin Issue No 1 an tih kha maw le. Chu lehkha chuan ka ngaihtuahna a luah hneh em avangin ka lehkha ziak lai pawh chu dahin chu MTKP 2010 Aizawl News Bulettin chu ka chhiar ta mial mial a. Kum 2000 AD aTanga chhiar a kum 9 / 11 na pawh ni lo, a kum 10-na chiah, 2010 AD a kan ram khawpui ber Aizawla “Krista Leh Kohhran Tan” ti Thintu TKP Memberte Inkhawmpuina tur atâna inbuatsaihna thu Tha tak tak, ropui tak tak leh duhawm tak tak han chhiar chuan rilru a hnehin ngaihtuahna min neih thuitîr hlê mai. Thalaite khawvêl kan ti a, an Thatlohna laite kan sawi duh êm êm a, an thiltih That lamte kan sawi leh duh si lo. He khawmpui dawng tura Thalaite inpêkna leh hnathawhte a nasat zia leh ropui zia hi hretu ni tûrin lo ngaihven ve teh. Kan Thalaite hi an awm mai mai lo a sin. Kum 200AD a MTKP Inkhâwmpui Aizawla nghah a nih dan te pawh kha MTKP History-ah thil pakhat ni thei tlata ka hriat ve avângin ka han sawi hlek teh ang. Kha khawmpui khân keimahah thil pakhat theihnghilh theih loh tam tak tak mi lo hnutchhiah ve bawk nên. MTKP Inkhawmpuiapiangin in-khawmpui dawl dîl ang awm ziah a, mahse, engtizia nge 1994-a Lunglei Bazara MTKP khawmpui kan neih khân khawmpui dawl dîl an awm tlat lo. MTKP Inkhawmpui rorelnaah hian Pathian zârah vawi engemawzat ka lo tel ve tawh a, hemi Tum ang reng renga ka hrilhhai ka la hre lo.

October 2009

- 31 -

Thalai Entu

(Khatih laia kan MTKP President Rev Chalhlira’n ropuina ramah min lo chawlh san nen, ka va ngai em ).Inkhawmpui dawn dîl awm ta lo chu MTKP Executive-in a lo ngaihtuah turin kan dah a. An nin Bial 7 ah MTKP khawmpui in dawng thei em ? tiin lehkha a sem a. Chung aTanga dâwl thei tur Bial 3 ah hetiang hetiangin ruahmanna fel tak an siam a. 1996 -ah Thingsai, 1998 ah Zotlang (Serkawn) 2000 AD ah Aizawl tiin. Hei hi 2000 kuma Aizawla MTKP Inkhâwmpui nghah a lo nih dân chu a ni. Khanglai huana Aizawl khawpui chhûnga TKP Member dinhmun thlîr khân an la tam lo ve si a, an inpêkna kha ava lo ropui em !! 1998 kum te han thailan tâkah chuan hemi kuma Serkâwn Biak Ina TKP huang aTanga ka rorêl hnuhnung ber tur a ni tih hre reng chunga Pu Chairman ka tih laite kha aw.. ka va han ngai tak em !! Ngawiteh, 200 kuma Aizawl Macdonal Hill a MTKP Inkhâwmpui kan hmante kha, dânin min hnawtchhuak tawh mahsela, Krista Leh Kohhran Tan Over Age a awm lo tiin ka kal ve leh ngawt a. Ka va inchhir lo tak em !! Kan Khawmpuina Pandal kha mitthlâ-ah a cham reng mai. Kawngkapui tin mai kha BMS Missionary hming an puttîr vek mai te kha a va ropui tak em !! Sunday tlai Fellowship kan hman Tuma Upa C.Zorema Senior Adviser MTKP (Ropuina rama min chawlhsan ta) thusawite kha thinlungah a nung reng mai. Tihian a sawi a, “Helai hmunahbhian Pu Buanga leh Sapo Upa khan puan In an kaih a, Mizote chuan sap vakvai an ti. An vakvai lo. zofate hian chanchin Tha kan lo hriat a, hma kan lo sâwn a, tun dinhmun kan lo thlen theihna tur atân hian a ni zâwk” tia lungchhe tak leh mittui tla zawih zawih chunga a sawi laite kha ava ngaihawm em !! Khgawmpui Tiak dâwn zân Pathianni Zân dâr 10:00 pelh tawh a, Pandal la khat deuh hmur chunga khawmpui palaite’n “Ringtute u lawmun lut rawh u, in chatuan hmun Vanah” tih hla tui taka kan sak laite leh Upa C.Zorema thusawite kha ka chhingmit khâr a nih hma chuan ka theihnghilh theih ka ring lo. Ka ngai Thin êm a ni. Helam chu tawk mai se. Kum 2010 MTKP Inkhâwmpui Aizawla lo awm tur atâna inbuatsaihna hi a va ropui em !! Cheng nuai sawm panga an Budget chu tihlawhtling turin TKP Member ten hma an la mup mup mai. An hmalâkna zawng zawng inhrilh vek sên a ni si

October 2009

- 32 -

Thalai Entu

lova, News Bulletin kha lo chhiar ve mai teh. Issue No.1. kha an hmalâkna hlîr a ni e. Krista leh kohhran Tan Thalaite u theihtâwp lo chhuah zel teh u. Kan Thatlai hun a rei si lo. In thawhrimna chu Lalpaah chuan a thlâwn dawn si lova. “MTKP 2010 KRISTA NEN” ti chung zelin TawngTaina nên theihtâwp chhuahin Tan ila thar zel ang u. Zoram hmun hrang hranga TKP Member te u, hetiang taka kan unauten MTKP 2010 atâna an inpêk leh buatsaih lai hian inthlahdah taka lo awmin, khawmpui kal hunah Bus Fair ka neilo te i lo ti vel ang e. A zahthlak dâwn em mai. Unit suma Motor hman ngai lo turin lo intodelh la, lo inpeih rawh. Pathianin rem a ti a, ka dam a nih chuan kei pawh “Krista Leh Kohhran Tan” rawn inchhirchhuah ve leh ka tum ang. Mak min lo ti suh ang che u. TKP ah Over Age awm mahse, Krista leh kohhran tân Over age a awm ve lo. Mi lungleng ve te. MTKP 2010 Krista Nên.

………………….

October 2009

- 33 -

Thalai Entu

MTKP 2010 INKHAWMPUI COMMITTEE REFRESHMENT COMMITTEE Budget : Rs. 2,50,000.00 ( Nuai hnih leh Sing Nga) Convener : Upa C. Lalnunnema Secretary : Pu K.Lalrammuana Memberte : 1. Pu Lallungawia 2. Pu T.Rochunga 3. Pu Lalhmangaihzuala Sailo 4. Pu J.Lalsawmliana 5. Pu Zosangliana 6. Pu lalthantluanga 7. Pu J.Lalvohbika 8. V.Lalthanpuii 9. J.Lalhmangaihzuali 10. Maggie Ralte

- BCM Shalom - Central Baptist Church - BCM Saron - BCM Kanaan - BCM Kanaan - BCM Armed veng - BCM New Capital - Chanmari - BCM Chaltlang - BCM Ramhlun - BCM ramhlun South - Central Baptist Church

11. R.Lalbiakngheti - BCM Shalom 12. Michael C.Lalmuanpuia - BCM Ramhlun South 13. Jonathana - BCM Immanuel 14. SL.Ngursailova Sailo - Central Baptist Church 15. C.Laldampuia - BCM Ramhlun 16. ZD.LalTanpuia - BCM Republic Vengthlang

ž Dt.4.September 2009 khan Sub.Hqrs YMA leh MTKP Tangkawpin Zonunmawi Beihpui (Seminar) Saikuti Hall Lungleiah neih a ni a. Rev Dr.K.Thanzauva GS BCM leh Pu K.Sapdanga President MJA te chu Resource Person an ni. TKP Unit leh YMA Branch hrang hrang aTangin hruaitu engemaw zat Hall khat tlatin kan kalkhawm a ni.

- 34 -

October 2009

Thalai Entu

TKP DIARY ž

West Phaileng Bial

Dt.1 - 3 May 2009 khan West Phileng Bial TKP chuan Inkhawmpui an nei a. Kum 2009 - 2010 chhunga an rorel leh hruaitute chu hengte hi a ni. 1. Missionary support nan Rs. 1500/- dah 2. Pastor Quarter-ah Cushion leh a cover dah nise 3. Thalai Entu Missionary tan Copy 5 laksak 4. 2009 chhungin Bial hruaitu ten Unit tin tlawh chhuah 5. 2009 chhungin Bial Sports Meet neih 6. Bible ralchhan buatsaih 7. Missionary puala chawnghei TawngTai neih 8. Member tin ten Bible bu pumpui chhiarchhuah Theuh tum nise Hruaitute President

:

Pu C.Lalnunthara ( Dinthar Unit)

Vice President

:

Tv Vanlallura Hrahsel (Electric Unit)

Secretary

:

Pu Lalramthanga Sailo ( Bethlehem Unit)

Asst.Secretary

:

Pu Johana (Electric Unit)

:

Pu Dawngkima (Bethlehem Unit)

Treasurer Fin.Secretary Senior Adviser

: Tv Lalhlimawma (Dinthar Unit) : Upa Vanrammawia (Bethlehem Unit)

West Phaileng Bial ah hian TKP Unit 7 an awm Thin a, Bru Baptist Church din a nih tak avangin Unit 3 chiah an ni ta a. member pawh an tlem ta duai a. Member 120 vel chauh an ni ta ni.

- 35 -

October 2009

ž

Thalai Entu

Thorang Bial

Thorang Pastor Bial TKP chuan Kum 2009 - 2010 chhunga an hmalak dan tur rorel thu passed leh an hruaitute chu a hnuaia mi ang hi a ni. 1. Missionary support nan Rs. 2500/- dah 2.Thalai Entu leh Baptist Today Copy 5 ve ve Missionary laksak 3. Bial huap Meet (Pastor quarters sak) neih 4. Home Missiona ah work camp neih 5. TLM ah Patron Member nih 6.MMEM ah Life Member nih 7. Kum 2009 chhungin a tam thei ang ber Thingphun nise 8.Home Missiona thawhtute tan leh TKP Member Biak In thleng phak lote tan chawnghei TawngTai neih Budget Rs. 24400/Hruaitute President

:

Tv Saikunga Sailo

- Thenhlum Unit

Vice President

:

Rbt.Lalthangpuia

- Dampui S Unit

Secretary

:

Rbt.K.Laldanglova

- Thenhlum Unit

Asst.Secretary

:

Tv Saihmingthanga

- Thenhlum Unit

:

Rbt.R.Vanlalsiama

- Kawnpui W Unit

Treasurer Fin.Secretary

: Tv Krosparmawia

- Dampui S Unit

Senior Adviser

: Upa Lalremsiama

- BCM Kawnpui

Upa Darrolala

- BCM Thenhlum

Thorang Bial ah hian TKP Member Mipa 272 leh Hmeichhia 108 an awm mek a ni.

ž

Dt.16.Aug.2009 khan Seling-ah T.K.P Unit a ding thar.

- 36 -

October 2009

Thalai Entu

ž Dt. 29.August 2009 (Inrinni) Nileng khan TKP Haulawng Bial leh YMA Tangkawpin Zonunmawi Beihpui Haulawng-ah neih a ni a. Pu PC.Lalthanliana Minister chu khuallian a ni a. MTKP hruaitu leh Sub.Hqrs. YMA hruaitu, Central YMA hruaitute an kal bawk.Pu Vanneihtluanga Aizawl Chanmari, Pu JH.Zoremthanga President Central YMA leh Rev Dr.K.Thanzauva ten thu an sawi. Zaithiam engemaw zat in he hunah hian mipuite zaiin an awi bawk. ž

Dt. 30.August 2009 (Pathianni) Nileng leh zan ah Tawipui Bial TKP chuan Zonunmawi beihpui Programme siamin YMA Sub.Hqrs hruaitute leh MTKP hruaituten he hun hi an hmanpui bawk. Zaithiam engemaw zatin he hunah hian mipuite zaiin an awi bawk.

ž

Dt. 29.August 2009(Inrinni) tlai khan Kum 2013 a MTKP Inkhawmpui thlengtu tur Haulawng Bial leh MTKP hruaitu ten Joint Meeting Pu PC.Lalthanliana Minister hovin neih a ni a. Fund Rising Committee din a ni a. MTKP Inkhawmpui 2013 a Fund Rising Committee Member atan heng mite hi thlan an ni. Chairman Vice Chairman Secretary Asst. Secretary Treasurer Fin.Secretary

: Vanlalruala : : : :

- LamThuamthum Unit

H.Lalramenga - Bethel Unit Lalbuatsaiha Sailo - LamThuamthum Unit V.Lawmkima - MualThuam Unit PC.Lalbuatsaiha - LamThuamthum Unit

: PC.Lalnunsanga

- Lalveng Unit

…………….

DANPUITLINGA INNEI TE (Kan Chawimawiin Kan Chhuang Che u) Muansangpuia Chawngthu BCM Keltan Pangzâwl

leh

Salom Remsangpuii Dt.11. 03. 2009

Laltlanzova

leh

K.Lalchamliani

BCM Diltlang Lalhmachhuana Sailo BCM Venglai ,Lunglei

Dt. 30.04.2009 leh

H.Rothangpuii Dt.09. 07.2009

…………………..