K A M A R I

K A M A R I Anaking jimat awaking Hidep sare tibra pisan, teu kaganggu ku heurin eusik jalma rea. Galindeng Yasiin hawar-hawar mepende hidep dibarengan ku teuteup deudeuh lanceuklanceuk hidep nu rambay ku cai mata. Basa layon hidep digotong, dipayungan ku awan perak, bapa ceurik balilihan. Hate miris, ngajerit maratan langit, ngoceak maratan mega, beak sora garing cimata. Geuning hidep moal balik deui. Bapa ngan bisa muntang ka anu Kawasa, Gusti Anu Maha Suci, Mugia hidep dibageakeun ku mantenNA di panto sorga. Ayeuna ngan ukur tanjung nu maturan diri hidep, sugan ligar deui bareng jeung ligarna hate kuring. PILEULEUYAN ANAKING (papa & mama Tanjingpinang Nopember 2009)