Issue#13

Vol. 30

Issue No. 13

YMA Tuikhuahtlang Branch

TUALCHHUNG MLA BIAL FANG Ni 1.7.2009 khan Bialtu MLA Lt. Col. Z.S Zuala chuan Department hrang hranga mi pawimawh tak tak te rawn hruaiin YMA, MUP, Congress Unit hruaitute nen kan vengchhung a hmalak ngaihna te sawi ho a, a hmun ngei ah en ho a ni.

BRANCH HNATLANG Pu P.C Zoram Sangliana, Minister te chhungin an fanu Mary Zomuansangi'n 3.7.09 a pasal neihnaah ruai/fatu buaipui tura kan Branch min sawmna angin Ni 2.7.2009 a`ang khan member engemaw zatin an buaipui a, 3.07.09 zing a`angin member `hahnem tak ruai buaipui tur hian hnatlanga thawh chhuah a ni.

VANTLANG STEP Dr. C. Silvera leh Dr. H.C. Laldina te In inkara Step siam hna chu tluang taka thawh chhunzawm a ni a, rei lo te ah zawh fel thuai beisei a ni.

CATCH THEM YOUNG Table Tennis Coaching 'Catch Them Young' programme Ni 6.7.2009 tlai dar 4 hian neih a ni dawn a, heta tel tum te chuan Tuikhuahtlang Table Tennis Club hruaitute hnenah hriattir tur a ni a, nu leh pa ten kan nau te lo bengvar pui ila.

Motor hlauh loh hi Mimawl intihtheihna a ni. Vanglaini

Chanchinbu

(Forthnightly)

4 July —17 July, 2009

YMA History - 'YLA A Ding Ta' Pi Zaii Bangla-ah: Fur lai a nih avângin khua a chhe ang reng hle a. June ni 3 (Thawhtan) zân a ni awm e, Pi Zaii Bangla-ah Mission Sapho leh Kohhran hotu `henkhat an lêngkhâwm a. An tum rêng pawh ni hran lovin chumi zân chuan pâwl din zâi an rêl ta a ni. A hm ing tû rte an han ngaihtuah a , rei f e an ngaihtuahin an sawi. ~henkhat chuan Young Mizo Christian Association (YMCA) tih te an han rawt a, lungthlûkna tak an neih lawk loh hnuin Rev. David Edward (Zorema pa) khan, “Kristian tân bik anga kan tih chuan mi kan hip tawk lo vang a; Wales rama Young Wales Association ang deuh khuan ‘Young Lushai Association’ i ti mai ang u hmiang,” a han ti a. Chu chu lungrual takin an pawm tlâng ta a ni. A hawn ni atân June ni 15 an ruat a, an `in ta a.

leh upat thu-ah kum bithliah a awm ngai lo. Vawiin ni thlengin hei pawh hi pâwl kal dân a la ni zêl.

Hemi zana Pi Zaii Bangla-a lêngkhâwmte hi chiang taka hriat ni tawh lo mahse, hêngte hi an tel ngei a hriat a ni. Rev. David Edward (Zorema pa); Upa D. ~hianga; Rev.L.Evans (Pu Niara); Upa Chawngzika; Mis s K. Hughes (Pi Zaii); Pu Muka; Rev Chhuahkhama; Pu Vankhuma; Pu L.Kailuia B.A; Pu L.H.Liana; Upa Ch.Pasena. A reltu leh a din chhuaktute han en hian ‘Young’ han tih âwm hmêl an awm lem lo. ‘Elder’ inti awm pui puiin ‘Young’ an intih nachhan hi eng nge ni le? An sawi dânin heta ‘You ng’ hi n aupang emaw, tleirawl emaw, `halai emaw ni lovin Mizo hnam an lo sawina a ni, hmasawnna kawng zawha `hanglai mêk Mizo hnam an lo kawhtir a ni. Anmahni ho pawh khan ‘Young Lushai Association’ hi ‘Mizo `hanglai’ tiin, Mizo `awngin an sawi ve `hin a. Pawl member ni tûr pawhin naupan

2. A awm chhan : Tlangvalhoin an hun âwlte a `ha lama an hman a, an nundânte a dik lam leh a hrisêl zawnga an neih theihna tûra fuihna a ni. Aw mdân engkimah Kristian nun dân zuiin Kristian Association angin a awm tûr a ni. Isua nungchang ang entir a tum ber a ni. He Association hian inhnialhona te, sawihona te leh lemchan te a ngaihtuah ang. Hrisêlna lamah infiamna hetiang, Hokey te, Football te, Babminton etc., neih tûr a ni ang. Inchhûng luma infiamna leh lehkha chhiar tûrte pawh neih tûr a ni ang.

Pâwl pianhmang leh a tum: Thawh`an zâna an thurêl chu an hun ruata hawng thei tûrin an hotute’n an bawhzui a ni ang. Heng a hnuaia pâwl thil tum leh kalhmang tûrte hi a hmaa lo duanlâwk ni ngei tûr a ni. Hetiang hian an ziak a. Dan: 1. He pawl hi a hming atân ‘Young Lushai Association’ tih a ni ang.

3. Member nihna : YLA thupui ber ‘Kristian nun dân’ ngaisangtu tupawh he pâwlah hian an tel thei ang. A tel man thla tin hnakhat (anna 1) pek zêl tûr a ni ang. Luh man (entry fee) duli (8 annas ) a ni ang. phek 2-na zawm

Vol. 30

Issue No. 13

YMA Tuikhuahtlang Branch

EDITORIAL BOARD Editor

:

Lalrinkima  9862331191 Lalmuanpuia Sailo  9612178689 Kapthanga  9436143439

Jt. Editor : Patron

:

Chanchinbu

(Forthnightly)

Section Leader & Secretary - 2009

YMA Branch Tuikhuahtlang : Office Bearers - 2009 President : Vice President : Secretary : Asst. Secretary : Treasurer : Fin. Secretary :

Lalhmingliana Colney Vanlalfela Kapthanga Bobby K. Zolenpuia Vanlalliana Lalbiakliana

9862809363 9436159930 9436143439 9862363682 9862305138 9863225664

4 July —17 July, 2009

Section - I Section - III Leader : B. Lalchhanhima Leader : Malsawmsanga Secretary : Lalruatkima Secretary : Lalmuanpuii Section - II Section - IV Leader : R. Lalliantluanga Leader : Lalthangmawia Secretary : C. Lalnunmawia Secretary : Dr. Lalrosangi

NEWS EDITORS Lalrinhlui Lalmuanpuii Jesse Lalpianpuia Boris Lalnunzova M.S. Dawngliana Baby Lalchhandami Lalngainatawma

Sec - I Sec - I Sec - II Sec - III Sec - III Sec - IV Sec - IV

DISTRIBUTORS Section - I Zorinngheta B. Zirnuntluanga Section - II Lalengmawii Martin Zorinmawia Section - III Lalhmingmawii Hanah Lalbeiseii Section - IV Samuel Malsawmzuala Vanlalmuanzova

Lalrinkima

Ramengmawia Lalsiamthari Lalhlimpuii

Lalremruati Lalchhantluangi

E - M A IL S : [email protected] [email protected]

Editorial........... KHAWTLANG NUN Tunlai kan khawtlang nun hi a tlachhe ta em e han tih tûr êm êm chu ni lo mahse tun hmaa kan khawtlâng nun nêna han khaikhin chuan kan hniam zêl em maw ni chu aw a tih theih a ni. Hetih rual hian ngun taka han ngaihtuah erawh chuan tun hmaa kan nun dân leh tuna kan nun dân hi han khaikhin ngawt theih erawh chu a ni lem lo. A chhan chu tunhma te kha chuan sikul te kal ve bawk mah ila, sikul bân hi chuan khawlai len hi hna a ni tawh mai a, lehkha lah kha exam lai tih loh chuan tuman zir ngai hek lo, tunlai zirdan nena han khaikhin chuan engtinnge kan lo pass theih, tih mai tur a ni. Hunâwl kha `halaite khan an ngah em em a, tunlaiah erawh chuan `halai te hian hunawl an nei tawh mang lo a ni. Zirna lamah intlansiakna a nasa a, `henkhatte phei chu khawtlângah pawh an inhmang hman meuh lo. Tunlai leh hmanlai nun te hi khaikhin khaikhin lovin khawvel thangzelin a rawn hrinchhuah kan khawtlang nun hi engtinnge `ha zawkin tunlai mil hian kan her rem theih ang tih zawng hian ngaihtuahna hmang ila. Tunlaia kan khawtlang nuna kan siam`hat theih, nun `ha lo kan hmuh leh hriatte hi uluk zawka zir chiangin a siam`hat lamah tan la thar sauh sauh ila a `ha awm e. Kum 1994-95-a YMA in Kum puana a lo hman tawh Khawtlang nun siam`hat hi remchangah puan nawn leh hi a `ha hlein a rinawm.

YMA History - ' YLA A Ding T a' 4. Zu in chungin tumah YLA hmunah emaw, inkhâwmnaah a tel tûr a ni lo. 5. Mi nungchang mawi lo leh hrâm tlahawlhte chu member an ni thei lo. Hêng dânte hi he pâwl `hatna leh felna humhalh hlen theih nâna siam a ni a, khermei taka hman tûr a ni. 6. He pâwl hi committee-in a vawng ang. Committee-te chu President, Vice President, Secretary pahnih, Treasurer leh commitee member pasarih te an ni. 7. Kum tin Committee tir thlanna June thla vêlah a awm ang. Chumi thlangtu tûrte chu member zawng an inkhâwm ang a, an thlang ang. President, Vice President leh Secretary-te erawh chu chu mi ruala thlan `hat kher `ul an ni ve lo. 8. Treasurer-in Committee remtihpuina ang zêlin tangka a hmang ang. 9. Assistant Secretary chuan inkhâwmnaa thu ngaihtuah leh tih a piang ziakna a nei ang. (Minute Bu) 10. YLA hi ni tin lehkha chhiarna tûr leh infiamna tûr tlai 4 - 5:30 a inhawng ang a. Thawh`anni, Thawhlehni, Ningani leh Zirtawpniah te erawh chuan zân dar 9:30 thlengin hawn a ni ang. 11. Inhnialna te, Lemchan te leh Thusawi te a eng emaw tal hi hapta khatah zan khat tal chu tih zêl tûr a ni. Committee-in a ruat zêl ang. (YLA hmunpui atân chuan Mission Primary School hi hman a ni rih e).

(chhunzawnna)

memb er an a wm a, SubCommittee member an awm leh a. An inthlang nge an inruat mai tih hriat a ni lo. Hêngte hi an ni a Officer te chu President Vice President Treasurer Secretaries

- Pu Niara - Pi Zaii - Zorema pa B.A. - Pu Pasena & Pu Vankhuma Committee members Pu Buchhawna B.A. SDC Pu Sainghinga Head Cleck Pu Lalkailuia B.A. Pu Thanga Pastor Chhuahkhama Pu Hrawva B.A. Head Master Pu Zalawra Sub-Committee-te Debate & Discussion-ah Pu Vankhuma, Pu L.H. Liana leh Pu Chuauthuama Lecture & Address-ah Pu Zalawra, Pu Buchhawna leh Pu Zawla Drama-ah Pu Pasena, Pu Lalkailuia leh Pu Chawngzika Newspaper & Magazine-ah Pu Niara Competition-ah Pi Zaii, Zorema pa, Pastor Chhuahkhama, Pu Sainghinga leh Pu Hrawva Sports & Games-ah Pu Muka, Pu V.L. Lawma leh Pu Vandailova Heng YLA din tirha pawl ruangam an din dan leh kutke an invuah dan atang hian a thil tum a chiang hle. Tum ruh takin hmasawnna leh changkanna beihpui an thlak dawn a ni. Source : centralyma.org.in

YLA Hruaitu hmasate: A tira an invuah dan chuan Officer an awm a, Committee

(YMA History, Bung 2)

Vol. 30

Issue No. 13

YMA Tuikhuahtlang Branch

VENGCHHUNG THUTHAR

Chanchinbu

(Forthnightly)

4 July —17 July, 2009

Mizo ~awng Huang R OZA M A C HAWN GT HU

SECTION - I * Pu Vanengmawia, hna `ul buaipuia Delhi-a zin chu 21.6.09 khan a lo haw. * Tv. Malsawmtluanga s/o Dr. H.C. Laldina chu a zirna hmun Guwahati a`angin chawlh hmangin a lo haw. . * Nl. Lalruatpuii d/o Vanlal Tlana pawh a zirna chhunzawm turin 30.6.09 khan Delhi a pan. * Nl. Lalengpuii (Te-engi) c/o Ramsangpuii chu a zirna hmun Guwahati a`angin chawlh hmangin a lo haw. * Nl. Lalhlimpuii d/o Vanhnuaithanga chu a zirna hmun Bangalore a`angin chawlh hmangin a rawn haw. * Tv. Andy Lalrinawma chu accident avangin Aizawl Civil Hospital-ah enkawl mek a ni. SECTION - II * Nl. Lalruatsangi d/o R. Lalduhawma chu a zirna hmun Guwahati a`angin chawlh hmangin a lo haw. * Pi Kailiani chu a unaupa, R. Sangthuama, Republic Veng in 23.6.09 khan a boral san. * Pu Lalrinliana, mi mal thila Lunglei-a zin pawh dam takin a lo haw. * Nl. Christina Lalthanpuii (Achachi) d/o K. Lalhmachhuana chu a zirna hmun Kolkata-ah a chhuk leh tawh. SECTION - III * Pu C.L. Ruala, MP (Lok Sabha) Lunglei leh Lawngtlai lama zin chu tluang taka a rawn haw leh hnuin tunah Delhiah a awm mek. * Tv. Zodinsanga s/o Lalhmingliana Colney chu a zirna hmun Kolkata a`angin chawlh hmangin a rawn haw. * Nl. Lianzuali d/o J. Zonunsanga chu a zirna chhunzawm turin Chandigarh-ah 4.7.09 khan a kal. * Tv. David Lalrinmawia, s/o B.C. Biaktluanga chuan Karizma Bike thar nalh tak a nei.

Nilaithawh`an/Nilini/Ningani : Thursday hi Ningani tih bâkah, Nilaithawh`an leh Nilini tia sawi a ni bawk. Kârkhata ni hming te hi hmânlai tak tak chuan, kan pi puten an nei lova, naktuk, naktip, nakthai, nakthiam, nakkun, nakdak tiin kârkhat chhung chu an sawi kim ve mai a. Zosapte lo thlen hnuah a ni mal te te hming hi chu phuah ve chauh a ni. Pathianni a hnathawh loh tûr tih an sawi chuan an lo lam hnai an ngaihtuah a, ‘kan va `ul awm ve,’ an ti a ni awm e. Kârkhata ni hmingte chu awmze nei zêlin an phuah a, mahse, Thursday chu phuah mai tûr remchang an hriatloh avângin, kârkhata a ni zat, ni ngana a nih avângin, Ningani an ti ta nia sawi a ni. Hun a lo kal zêl a, Kristian an lo tam hle hnuah, Nilaini hi awmni atân an hmang leh ta a. Ningani ah an thawktan leh a, chuvângin mi `henkhatin Nilaithawh`an tiin an sawi ta niin sawi ani bawk. Ningani chu phuah hmasak zawk a ni chêk a ni ang. Ziak ah pawh hman a ni a, tun thlengin official-a hman a ni ta. Mi `henkhat chuan Nilaithawh`an hi phuah hmasak zawk nia hria an awm bawk. A enga pawh chu ni se, a hmasa zawk inchuha buai buai ai chuan, ziakah tea hman zawk Ningani hi hman mai ni se, a `ha mai. Nilini tih hi mi tlemte in an hmang bawk. Thursday sawi nâna Nilini tih chu sawirem a har deuh. Pathianin thil a siama, a ni sarihna a serh kha, Pathianni hi emaw an ti a nih hmel a, an hre sual deuh a ni ang. Pathianni hi Lal Isua thawhlehni, Sabbath dawta ni hmasaber a ni. Nilini tih hi chu a hmang `hin te pawhin hmang lo thei se. Rinni/Inrinni : Inrinni (Saturday) hi mi thenkhatin Rinni an ti mai `hin. A tawiin lam a awl phian a, khawlai `awngah chuan lo hmang pawh ni se a pawi lem lo thei e. Mahse, Vantlâng hmaah leh Biak Inah te, ziakah te chuan a pumin Inrinni tih hram hram a `ha ang. Rinni kan tih mai chuan, Thianni, Tanni, Lehni etc. kan la ti mai ang a, a fel lo ang. Hmangphung : A tihdan tûr hmangphung kan hre lo khawp mai. Hmangchang hi hman `hin a ni a, hmangphung erawh hi chu tute tihsual emaw a ni ang.

SECTION - IV * Nl. Baby Lalchhandami (News Editor) leh Nl. Zonunsangi d/o K. Lalsiama te chu 3.7.09 khan Lunglei-ah an zin.

VIGILANCE SUB-COMMITEE

* Dr. Lalkhawngaihi chu a hnathawhna avanga Champhaia awm tura tih a nih angin thla hmasa khan a hna a zawm fel.

Mission Veng V/C -in Vigilance Sub-Committee din tura min rawn tihna chu Pu Zolawra Hnamte VCP, Mission Veng kaihhruaina hnuaiah Ni 26.6.2009 ( Z i r t a w p n i ) zan dar 8:00 khan Branch President, Pu Lalhmingliana Colney Inah Tuikhuahtlang vengchhunga pawl hrang hrang kal khawm chuan a din a, a hnuaia mite hi hruaitu atana ruat an ni.

* Nl. Lalbiakzuali, phai lama hun engemaw chen chama kal pawh 26.6.2009 khan dam takin a lo haw leh ta. (News te hi June 20 - July 3 inkara mi kan han hriat theih chinte an ni a, News te hi news Editor-te tan pawh hriat a har avangin tumah inthlahrung lova mahni inbengvara Zotlangsang enkawltute phone no. ah hian hriattir thin ni se a lawmawm hle ang. - Ed.)

PASS THAR Tunhnaia Mizoram University Degree Course Exam-a hlawhtling te Zotlangsang Editorial Board -in kan lawmpui takzet a, an kal leh zelna turah duhsakna kan hlan e. Kan veng a`anga hlawhtling kan hriat te 1.

K. Lalthazuala s/o K. Lalsiama

Sec -IV

B. Com (Hons.)

Heng kan tarlan baka hmiah palh kan la awm chuan tumah inthlahrung lovin inhriattir zel thei ila, a lawmawm hle ang.

Chairman Vice Chairman Secretary Asst. Secretary

: : : :

Pu Biaktluanga Tv. Lalbiakliana Tv. Boris Lalnunzova Pu C. Lalhmunmawia

Vigilance Sub-Committee Tuikhuahtlang, Office Bearer-te hian Committee member tur an ruat ang.

Vol. 30

Issue No. 13

YMA Tuikhuahtlang Branch

Chanchinbu

(Forthnightly)

SSA MISSION

4 July —17 July, 2009

CENTRAL YMA THAWHHONA thuthlung

Thawhhona turte :



Naupang sikul kal rual (kum 6 - 14 inkâr) kal lote dapchhuaha a theih ang ang sikul an kal theihna tûr ngaihtuah.



Rualbanlote enkawl chungchângah SSA leh YMA-ten a theih ang angin hma an la ho ang.



Zirna siam`hatna kawngah hma an la ho anga, SSA Mission-in Central YMA kaltlangin a theih leh remchan angin Group YMA-ah Awareness Campaign a nei `hin ang.



SSA Misison leh Central YMA-te thawhhona hi Dt. 27th February, 2007 a`anga in`anin Dt. 31st March, 2012 thleng a ni ang.

MHIP DAY HMANG DAWN

VC SURVEY

Tuikhuahtlang MHIP te chuan MHIP Day denchhenin vawiin ni 4.7.2009 tlai dar 3:00 a`angin Basketball Court leh hmun remchang laiah thing leh pangpar phun an tum a, July 6, 2009 (Thawh`anni) MHIP Day-ah intihhlimna hun Tuirial Picnic Spot, Hydeout-ah an nei dawn a, member-te a tam thei ang ber kal tûrin an inhriattir a ni. Hemi nia Picnic-a kal tûrte chu zing dar 9:30-ah Tlângzawlah kim taka chhuahkhawm tûr a ni a, dâr 10:00-ah chhuah hman ngei tum a ni. MHIP member zawng zawngte hlim taka MHIP Day hmang tûrin thawh chhuah i tum ang u.

Zotlangsang thangkhâwk........ "Zotlangsang kan hmu leh `hin a hlimawm thei khawp mai..." Ramduhsanga@ Bangalore

Mission Veng Village Council huam chhûnga chêng chhûngkuate hriatchian lehzual nân vêngchhûnga chêng Mizo leh Non-Mizo huamin chhungkaw report kimchang tak lak a ni. He survey hi pawimawh leh `angkai tak a ni a, chhiatni thatni mai bakah pawikhawihna thilah vêngchhûng mi nia inchhalte an nih ngei leh ngei loh fiah nâna `angkai tak tûr a ni. Zotlangsang hmun danga thawnte hriat tur Zotlangsang hi Dâk-ah (hard copy) leh email (pdf)- in member hmun danga awmte thawn `hin an ni a. Heng kan thawn `hinte hian an hmuh ngei kan beisei rualin an hmu ngei tih chhân lêtna email/phone/chhungte hnên a`anga hriat a nih loh chuan hmu ngai lo anga ngaih an ni dawn a, thawn zêl a remchâng dawn lo a ni. Hetih rual hian thawn zêl la duh leh thawn thar tur neite tân pawh inhriattir theih reng a ni e.

SYNTEGRA EDUCATIONAL COUNSEL ADMISSION GUIDANCE 2009-2010

Courses are recognised by Join committee of UGC, AICTE, DEC, Govt. of India. Chennai-a University leh College tha ber berah, hengah te hian Admission kan tih sak thei e :Degree Courses (BA, B.com, B.B.A, BCA, B.Sc etc.) Post Graduates Courses (MBA, MCA, M.Sc, M.A, M.Com etc.) Engneering (all branches) Medical (MBBS, BDS, BPT) & Hotel Management etc.

No Entrance Test, Direct Admission, 100% placement, Free Counselling. (1-1)

AIZAWL ADDRESS : Branch Office: R. Hautluanga Building, Ground Floor, Upper Republic, Aizawl, Mizoram. Mobile: 9612377137, 9612377140

Head Office: (Chennai) Mob: 09282344399, 09884344399

Published by : YMA Tuikhuahtlang Branch & Printed at J.P. Offset Printers, Tuikhuahtlang, Aizawl. C-370.