Issue 20

Vol. 30

Issue No. 20

YMA Tuikhuahtlang Branch Chanchinbu (Forthnightly)

TUALCHHUNG YMA CHHIATNI FUND YMA Chhiatni Fund chu khawn zawh a ni ta a, vengchhunga M izo chhungkua bakah Non-Mizo te pawh khawn tel vek an ni. Hetiang hi Section tin a`anga sum hmuh dan a ni:* Section - I : Rs. 11,470 * Section - II : Rs. 15,120 * Section - III : Rs. 9,300 * Section - IV : Rs. 8,590 Total : Rs. 44,480

CHHUNGKAW ZAN YMA Branch E xecutive Committee-in a rel angin 'Chhungkaw Zan' October 2, 2009 (Zirtawpni) zan dar 6 - 8 inkar khan hman a ni. Hemi zana chhiar chhuah tur atana buatsaih ' Z o nun z em a wi Inz i r t ir na ' lamhawi thuziak, chhungkaw tina sem hmangin hun hman a ni.

MISSIONARY TURIN KAL CHHUAK Nl. Lalchhandami (Chhaideki) d/o Upa T. Thangkima, Sec - II chu South East Asia Mission Society kaltlangin Cambodia-a Missionary hna thawk turin ni 5.10.09 khan a kal chhuak. Amah thlahna inkhawm hi 3.10.09 (Inrinni) zan khan Tuikhuahtlang Presbyterian Kohhran Biak Inah neih a ni.

10 - 23, October 2009

FAINA HAPTA - CLEAN TUIKHUAHTLANG UD & PA Department bultuma 'Faina Hapta' October 2-9, 2009 chhunga hman tura duan chu hman zawh a ni ta. Hemi hun chhung hian Aizawl khawpui chhunga Veng Fai Inelna neih a ni a, kan Branch pawhin theihtawpa hma la vein YMA Branch Executive Committee buatsaihin August 26, 2009 (Inrinni) zing dar 7:00 khan Tlangzawlah Faina Hapta - Clean Tuikhuahtlang hawnna inkhawm neih a ni. Faina Hapta hawnna inkhawm hi Pu Lalhming liana Colney, Branch Presid ent c huan a kaihruai a, Pu Lalthanliana, Minister, LAD Deptt. chuan a hawnna hun neiin thu a sawi a. Hemi hnu hian Section tinah hnatlang neih zui nghal a ni. Faina Hapta hi chhung tinten hlawk taka kan hmanzui theih nan YMA Information a`angin mahni in leh a vel tifai `heuh tura ngenna puanchhuah a nih bakah YMA hming vekin chhung tinte hnenah lehkha sem chhuah a ni a. Hnam dang (Non-M izo) te pawhin a lo hriat theih nan hnam dang `awngin lehkha pek an ni vek bawk. Tin, vengchhunga

School, Hostel leh Office hrang hrangah anmahni compound leh a vel f ai t aka enka wl t ura ngenna YMA hmingin lehkha pek a ni vek bawk a. Hemi bawhzui nan hian Oikos Little Angels School, Tuikhuahtlang chuan vengchhung kawngpui dunga b awlhhlawh t henf ai hna 8.10.2009 khan an thawk nghe nghe a ni. Faina Hapta hnatlang hi ni 2 & 3, Oct. 2009 khan Section tinah hnatlang nei lehin, LAD Motor hmangin bawlhhawlh te hi paih fai a ni a. Faina H apta kharna hun chu vaw iin ni 10.10.09 Inrinni hian hnatlang neia hun hman a ni.

Pu Lalthanliana, MoS

TANPUINA DAWNG Village Health & Sanitation Committee chuan YMA Branch Tuikhuahtlang hnenah faina kawnga hmalakna turin Rs. 2,000/- `anpuina an pe.

ZOTLANGSANG Zotlangsang Issue hmasaa tarlan tawh angin Distributor-ten Zotlangsang b ua t sa i hna tur Rs. 30/- an rawn khawn leh dawn a, Zotlangsang chhiartute neitu rilru pu chunga `hahnemngai taka min lo dawnsawn kan beisei e.

FAI TURA TAIHMAK CHHUAH NACHANG HRIATE HI MI ENTAWN TLAK AN NI

Vol. 30

Issue No. 20

YMA Tuikhuahtlang Branch Chanchinbu (Forthnightly)

EDITORIAL BOARD Editor

:

Jt. Editor : Patron

:

Lalrinkima  9862331191 Lalmuanpuia Sailo  9612178689 Kapthanga  9436143439

NEWS EDITORS Lalrinhlui Lalmuanpuii Jesse Lalpianpuia Boris Lalnunzova M.S. Dawngliana Baby Lalchhandami Lalngainatawma

Sec Sec Sec Sec Sec Sec Sec

-I -I - II - III - III - IV - IV

S ection - II Lalengm aw ii Mar tin Zorinmawia S ection - III Lalhm ingmaw ii J. M alsawm tluangi S ection - IV Samuel Malsawmzuala Vanlalmuanzova

: : : : : :

La lhm ing lian a C oln ey Va n l a l fe l a K ap th an g a B ob by K. Zol e np ui a Va n l a l l i a n a Lalbiak liana

Hriselna 9862589178 9862572168 9863385642 9862326320 9862597357 9862370457 9856250577

DISTRIBUTORS Section - I Reuben Lalmalsawma B. Zirnuntluanga

YM A Branch Tuikhuahtlang : Office Bea rers - 2009 P re s i de n t Vice President Se cr etar y Asst. Secretary Tr eas ur er Fin. Secretary

Vanlalmawia

Ramengmaw ia Lalsiam thari Lalhlimpuii

Lalremruati Lalchhantluangi

E - M A ILS : zotlangsang@ yahoo. co.in zotlangsang@r ediffmail.com

Edi to ri a l........... FAIN A Faina hi kan hriselna atan mai a `ha a ni lova, hei hian kan ram hmelhmang pawh a tidanglam thei a ni. Chuvangin mitin hian `an kan lak lehzual deuh deuh a, faina kawng ah tun aia ke kan pen nasat zual a ngai tak meuh meuh a ni. Tun hma a`ang tawh khan YMA chuan hma lo la `hinin veng tam tak te chuan an vengchhung hmun engemaw zat ah YMA Bawlhhlawh Bawm te an lo khai tawh `hin a, amaherawhchu a mipui lam hian kan la zawm nep deuh avangin a mipui lam zawk hi in zirtir thar leh kan mamawh a ni. Kum danga tih `hin ang bawkin kumin ah pawh UD & PA hmalakna in 'Faina Hapta' hman leh a ni a, hemi bawhzuinan hian veng hrang hrang leh khaw hrang hrangah te week hi hman ve a ni. Hei hian a week chhung mai ni lovin hun lo la kal leh zel tur thlengin nghawng nei se, a bik takin kan veng phei chu Aizawl khawchhungah pawh hmun remchang, veng fai ber ni thei kan ni a, tun a`ang chuan faina kawngah hian 'Zotlangsang' mipui te hi i harh thar ang u. Faina kawngah hian hma kan s awn thei a ni tih a lang re ng a , chhungtinte hian `an la thar tlang ila, Aizawl mai pawh ni lo, Mizoram pumah veng fai ber kan ni thei a ni. Fai hi mihring tan hian a pawimawh takzet a, sap ho phei chuan 'Fai hi Pathian anna a ni' an lo ti hial a ni. Fai hian vengchhung a ti nuam mai a ni lova, hrisel nan pawh a pawimawh a ni. Veng fai kan nih chuan veng hrisel kan lo ni dawn a ni tih hriaiin tan i han la thar tak tak teh ang u.

9 86 2 80 9 36 3 9 61 2 51 4 04 2 9 43 6 14 3 43 9 9 86 2 36 3 68 2 9 86 2 30 5 13 8 9 86 3 22 5 66 4

-

10 - 23, October 2009

Sec tion Lea der & Se cretary - 20 09 Se ctio n - I L ea de r : B . La lc h ha nh im a Se cr etar y : L a lr u a tki m a

Se cti on - I II L ea de r : M a ls aw m s an ga Se cr etar y : M aria Zothanpuii

Se cti on - II L ea de r : R . L a l l ia n tl u an g a Se cr etar y : K . La l za r li an a

Se cti on - IV L ea de r : L a l th a ng m a wi a Se cr etar y : Dr. La lro san gi

Dr. Lalthanpuii Hnamte, Director, RIPANS, Aizawl.

ZUK LEH HMUAMIN TAKSA A NGHAWNG DAN LEH A BANSAN DAN Zûk leh hmuam `hat lohzia hian sawi a hlawh nasa tawh hle chung hian a ti `hinte hian an la sim tak tak duh chuang lo va. Chutih rualin, taksa peng hrang hrang natna te, cancer hial pawh thlen theitu a nih bakah mi mal leh sorkar sum khawhraltirtu, kan hriat chian loh avanga kan lo nel sual a, a bawia min siamtu hi kan hriat chiana kan bansan a `ul takzet a ni. Meizûk khapna dan thar (smoke free rules) hi kum 2003-a tih chhuah a nih hnuah pawh simte puanzar a ni leh tawh a. May 30, 2008-ah tih chhuah a nih hnuah a hman `anni chu October 2, 2008 kha a ni. Heng dante hi tlangzarh a ni tawh a, meizu `hinte hi an chep tial tial tawh a ni. Zûk leh hmuama a hmanrua ber vaihlo hi hnah huaisar tak, rilru, taksa leh thlarau thlenga tawk buai thei a ni a, Diabola hmanraw `angkai tak a ni. Vaihlo hmangin khawvel hi ringtute leh ringlo mite angkhat renga nghaisain, kum tin mi maktaduai hnih leh a chanve nunna a laksak `hin. Hripui anga thih puk pukna zawng a ni lo, sum leh pai a khawhraltir phawt a, rei tak hrehawm tuar turin natna hlauhawm pui pui a thlen a, chutah hnuk a chhat chauh `hin. Vaihlo hian heti taka mihring taksa a tih khawloh theih avang hian zir a hlawh hle a. Mi thiamten vaihlo-a tur awm pawimawh tak mai Nicotine hi kum 1828 khan an hmu chhuak a, 1889-ah khan Sc ientist pahnih - Dickinson-a leh Langleyu-a ten Nicotine tur hian taksaah natna a thlen thei a nih tih an finfiah leh a. Mi thiamten an chhuat dan chuan vaihlo-ah hian tur chi sangli aia tlem lo a awm a, chung zinga chi 50 vel chuan cancer a thlen thei a, a `henin cancer thlenna kawngah a lo `anpui bawk `hin a ni. Heng zinga tur hlauhawm zual deuh deuhte chu - Nicotine, Tar, Hydroc arbons, c arbonmonoxide oxyge n luahlan theitute an awm tel a. Chuvang chuan vaihlo hi a `hat lohzia kan hriat chian bakah hre velote kan hrilh fo `hin hi a pawimawh hle a ni. Meizûk chuan thisen dawt te, pumpui, chuap leh thawkna dawt lam a tic hhe tam ber a . Lungna te le h lungphuchawla thih thutna a thlen thei a, meizu lo ai chuan meizu mi-ah a let liin a tam a ni. Pumpui-ah hian thur a ti tam a, chuvangin meizuho zingah chuan pumpuina leh pân a tam bik em em a. Heng hi a lo pân rei chuan a pawp thei a, tin, cancer-ah a lo chang thei bawk a ni. Meizu `hin chuap chu rapchung ur dum ang hian meikhu-in a ur dum huam `hin. Chuap na tna hrang hrang leh thawhah an lo vei a, chuap cancer an vei duh hle bawk a, 100 zela 90 velin an vei `hin. Hrawk leh kâ cancer natna a tichhuak bawk a, meizuho zingah natna hrang hrang hrawk leh kâ cancer a tam e m em a, ka n aw chhua hna ' Aw

Bawm' (Vocal Chord) pawh a tichhe thei. Kal natna te, thisen sang natna te leh thazam natna te hi meizu mi-ah zu lo ai chuan vei an tam zawk tih Scientistten an hmu chhuak a ni. Zûk leh hmuanin hmeichhe taksa bik a nghawng dan hi lo sawi leh dawn ila. Mei heh tak ni khata tlawn 10 aia tam zu an nih chuan 1) Thla tin thi neih a mumal duh lo. 2) An thla tin thi neih a hul hma, kum 40 hma te hian a hul `hin, a pangngaiah kum 40-45 inkar a nih laiin. 3) Nau chhiat leh nuin a thi saa fa hrin, hlamzuih thihna a tam bik. 4) Chhul lâwngte leh chhul cancer te an vei duh bik. 5) Nau chu hrisel takin lo hring pawh ni se, âwmna benvawn an vei duh bik a, lehkha zirte pawh an harsat `hin a, a bik takin chhiarkawp zirte hi an harsat `hin. Sa hda h, Tuibur leh Pa nkhawr: Meizûk bakah sahdah leh pankhawr eikawp leh tuibur hmuam lam hi chuan Kâ leh Hrawkah a thawk ber a. Zû te nena hmeh kawp a nih phei chuan cancer natna a thlen awl lehzual a ni tih mi thiamten chiang takin an hmuh chhuah tawh bakah kâ leh hrawk cancer veite ah pawh an chin `hinte an sawiin zûk leh hmuam an lo ti nasa deuh zel a ni. Pa ss ive Smoking: Meizu `hinin puipunnaa mei a zûk hian mei zu velote khan meikhu an lo hip lut ve `hin a. Hetiang ang meikhu, a zutu a`anga lo chhuak leh an meizial a`anga lo chhuak chu meizu veloten an lo hip lut `hin a, hei hi Passive Smoking an tih chu a ni a. Meizu ngai miah lo pawh meizu `hin bulah an awm fo chuan natna hrang hrang cancer thlengin mei zu mite ang tho in an vei ve thei a ni tih hi chiang taka mi thiamte hmuh chhuah a ni. A bansa n da n: Zûk leh hmuam bansan dan awlsam ber chu - zûk leh hmuam tih loh a ni mai a, a ngawl emaw a bawiha lo a wm tawhte tan chuan nghei tak tak a harsa Phek 3-na zawmah zawm.........

Vol. 30

Issue No. 20

YMA Tuikhuahtlang Branch Chanchinbu (Forthnightly)

10 - 23, October 2009

Mizo ~awng Huang

VENGCHHUNG THUTHAR

R O Z AM A C HAW N G T HU

SECTION - I * Nl. Lalsangkimi chu a hnathawh hmun Guwahati a`angin chawlh hmangin a lo haw. * Pu P.C. Vanlalchama chuan Pulsar Bike nalh tak a nei thar. * Pi Zirkungi w/o La llungmuana Champhai zin pawh 6.10.09 khan a lo haw. SECTION - II * Pu R. Hrangkunga chu damlohna avanga inenkawl turin 29.9.09 khan a nupui Pi Chawnglianpuii leh a fapa Pu R. Lalmuanpuia te nen Vellore-ah an kal. * Pu R. Lalhlimpuia te nupa chuan a pahnihna atan 28.9.09 khan Durtlang Hospital-ah fanu duhawm tak an nei. * Pu K. Lalrinhlua (Hlutea) te nupa pawhin a pakhatna atan 2.10.09 khan Aizawl Civil Hospital-ah fanu duhawm tak an nei. * Pu Sangzuala,Office hna pawimawh avanga Delhi-ah zin chu 8.10.09 khan a lo haw. * Pu M. Lalthanzuala chu hun engemaw chen Chiahpui-ah rawngbawlna an neih hnuin 28.9.09 khan a lo haw. * Pi Lalmalsawmi w/o C. Lalsawmliana leh Pi Lallawmzuali w/o R. Lalduhawma te Guwahati zin pawh dam takin an lo haw. SECTION - III * Nl. Lallianzuali d/o J. Zonunsanga chu 2.10.09 khan a lehkha zirna hmun Chandigarh a`angin chawlh hmangin a lo haw. * Tv. Vanlalchhanhima chu Office hna avangin Lunglei-ah 6.10.09 khan a kal. * Tv. Zodinsanga s/o Lalhmingliana Colney chu Durgapurah a zirna chhunzawm turin 4.10.09 khan a kal. SECTION - IV * Pu R.L. Pianmawia a bial fanga zin pawh a lo haw leh ta. * Pi Lalnunnemi, Greenwood Hospital-a awm chu tun hnai khan dam takin a lo chhuak leh tawh. (News hi September 27 - 9, October inkara mi kan han hriat theih chinte an ni e. –Ed.)

RAM THIANGHLIMAH ZIN Mis sion Founda tion Movement leh Sorrow Tour `angkawp buatsaihin 3.10.09 khan Ra m T hi a nghlim (Is rael, Pales tina, Egypt leh J ordan) ni 10 chhung fang turin hnuaia tarlan kan veng nu leh pate hi an zin chhuak a. October 16, 2009-ah Aizawl lo let leh tura beisei an ni. Kan veng a`anga zin chhuakte chu:1. 2. 3. 4. 5. 6.

Pu Vanlalzawma leh Pi C.L. Remtluangi te nupa Dr. C. Silvera leh Pi Lallawmzuali te nupa Dr. H.L. Malsawma leh Pi R. Laltlaii te nupa Pu Vanlal Tlana leh Pi Liansangpuii te nupa Pu Lalthankunga Pi Sanghnuni

Phek 2-na chhunzawmna.....

hle a. Chuvangin chuan rilru leh tih takzeta tih a ngai a ni. Pathian thu chuan, 'in taksa chu Thlarau Thianghlim In in ni e,' min ti a. Heti khawpa min tibawlhhlawh leh tikhawlo theitu, hriat loh avanga hriselna leh sum leh pai min paihtirtu chu kan do tlat dawn lawm ni? Zûk leh hmuam nghei tirhah chuan kar hnih khat chhung tal chu sa leh thil thlum nghei a `ha a. I nghei theih loh pawhin ei tlem la, theithur ei tam la, tuisik thianghlim in tam la, zûk leh hmuam nghei a lo `hatzia mite hnenah sawi fo la, chu chuan nasa takin chakna a pe ang che anga, harsatna awm lovin i nghei hlen thei mai ang. Vawiinah tlawn 10, naktukah tlawn 5 i tih chhung chuan i nghei lo vang. A thlakna ngaihtuah miah bawk lo la. Kan lo hrisel zawk nan leh sum leh paia kan lo intodelh theih zawk nan zûk leh hmuam i do tlang `heuh ang u.

Adj. + Noun nge Noun + Adj.? Vawk, beng hlai deuh mai nei hi Saivawk nge Vawksai? Mizo `awngah chuan dan naranin adjective (word mal) hi noun hnungah a awm `hin. English-ah erawh chuan noun hmaah a awm thung. e.g. Pen `ha = good pen; tui sa = hot water. Noun pawh adjective (noun tifiahtu) anga hman anih huan noun hnungah a awm tho `hin. Vawksai chu vawk a ni a, Sai anna a nei a ni. Sai chuan a hmaa Vawk chu a tifiah a ni. Saivawk a nih chuan Sai tihna a ni ang. A hranga kan daha, Sai vawk kan tih chuan Saiin Vawk a nei a, chu Vawk sawina chu a ni ang. Mahse adjective chu phrase (thu mal pakhat aia tam) a nih chuan noun hmaah dah `hin a ni. Mipui inkhel entu ti lovin Inkhel entu mipui tih tur. Mipui inkhel entu kan tih chuan, Mipui an inkhel a, chumi entu chu tihna a ni dawn tlat. Tichuan, thlaler hmun anin Lawngin an va kal hrang ta a. (And they departed into a desert place by ship privately.) Mark 6:32. He Bible chang kan chhiar hian Isuan mipui sangnga a hraina hmun kha thlaler niin kan hre mai thei. Thlaler hi Mizo-in awmze pahnih neiin kan hmang a, noun a nih chuan Vaivut hmun tihna a ni a, adjective a nih chuan fianrial tihna a ni. Mizo ang bawkin Sap pawhin desert hi noun leh adjective in an hmang ve a. Sap `awngah chuan noun hmaah adjective a awm a, Mizo `awngah erawh chuan noun hnungah adjective a awm tih kha hre reng ila. Desert place tiha Place hi noun a ni a, desert chu adjective a ni tih a hriat theih. Mizo `awnga kan leh dawn chuan adjective chu noun hnungah dan a ngai a, hmun thlaler tih tur a ni ang. Kan Bible-ah Saptawng kalhmangin adjective an lo dah hmasa palh hlauh mai a. Hei vang hian mipui sangnga khan vaivut hmunah chaw an ei emaw kan tih phah thei a ni. Mizo `awng kalphung pangngaia dahin hmun thlaler ti ila chuan tumah kan buai lo tur a ni. Chutiang zelin, ‘Lawng ata a chhuak a, thlaler hmunah a kal hrang a, ava `awng`ai a,’ tih ang te pawh.

INNEIH LAWMPUINA Kan Branch member Nl. Baby Lalchhandami d/o R.C. Lalthlamuana, Sec - IV leh R. Malsawmtluanga, s/o R.Sangkhuma, Khatla Veng te chu October 16, 2009 (Zirtawpni) dar 2:00 PM khian Khatla Presbyterian Kohhran Hall-ah an innei dawn a, Zotlangsang Editorial Board-ten lawmpuina kan hlan a, fanau maltluan chawi dun turin duhsakna kan hlan nghal bawk a ni. Nl. Baby-i hi kan Branch YMA chhuanawm tak a ni a, tunah hian Zotlangsang News Editor (Sec - IV) chanvo chelh lai niin, Library Sub-Committee leh Section - IV Committee member `angkai tak a ni mek a ni. Kan Branch tana nula chhuanawm takte zinga mi khiangawia liam mai tur hi kan ui rualin kan lawmpui em em bawk a ni.

SUNNA 

Upa Rolala, (kum 48) UPC, Model Veng' Branch chu 28.9.09 khan Cancer avangin a boral a, a tuk ni 29.9.09 chhun dar 12:00-ah Mission Veng thlanmualah vui liam a ni. Khawhar chhungte T hlamuantu P athianin venga awmpui turin Zotlangsang Editorial Board-in d uhsakna kan h lan.

Vol. 30

Issue No. 20

YMA Tuikhuahtlang Branch Chanchinbu (Forthnightly)

Tuikhuahtlang Welfare Committee Thuchhuak 1. Tuikhuahtlang Vengchhungah Zû leh Ruihtheih thil reng reng lak luh leh zawrh phal a ni lo. Hetiang ti lui an awm chuan thuneitute kutah hlan an ni ang. 2. Tuikhuahtlang Vengchhungah rawn pem lut tur reng reng te chuan an awmna hmasa a`angin YMA leh VC-ah lehkha thehlut hmasa tur a ni. 3. In neituten an in luahtu turte duhtui deuh tura ngen an ni a, an mizia leh kawsak phungte lo zirchiang hmasa tura ngen an ni. 4. Naupang leh tleirawl tupawh Ruihtheih thil - Zû, Ganja, Correcting Fluid, Drugs etc. an tilai man an nih chuan an chungah action lak a ni ang.

LAWMPUINA Ka is ang: Pu David Lalthantluanga, MC S Sec-III chu Und er Se c re ta r y, Rura l De ve lopme nt Deptt. a`angin Deputy Secretary , Rural Development Deptt.ah a kaisang a, Zotlangsang Editorial Board-te chuan kan lawmpui takzet a, a hnathawh zelna turah duhsakna kan hlan nghal bawk a ni.

10 - 23, October 2009

BASKETBALL COURT Ni 26.9.2009 (Inrinni) zingkar khan Basketball & Volleyball Court siam hna kalpui mekah Branch YMAin hnatlang a ko a, member 20 bawr vel zet kan thawk chhuak thei a, a lawmawm hle. He hnatlangah a hmun laihzauh hna leh leivung paih hna thawh a ni. Hetih lai hian PHE Deptt. chuan Tuikhuah hung hna thawk turin hma an la `an mek a. Basketball Court Area baka hmun awl la awm, la hman `angkai kan tum mek pawh an rawn hung tel ang tih hlauhthawn thilah Branch hruaituten a `ul angin chak taka hma min lakpui turin PHE Minister leh PHE Chief Engineer-te hnenah pawh ngenna lehkha an thlen tawh a ni. He lai hmun hi vengpa hote leh Minister awm `hinte pawh khan a hmun ngeia kalin kan hmalak mekna te pawh min phurpui hle a. Chu mai ni lovin kan Chief Minister kalta pawhin he lai hmun hi Green Area/Open Space atana zuah turin a hmun ngeiah hian kan YMA hruaitute a lo hrilh tawh a. He lai hmun hi veng neitu rilru pu takin Infiamna hmun atana kan hman zel hi min duhpui takzet a ni.

Tuikhuahtlang Vigilance Sub-Committee

Ph. D hmu tha r: P i A u d r e y L a l d i n p u i i d / o M . La l t ha nz u a l a , Sec-II chuan NEHU a`angin Political Science-ah 'Doctor of Philosophy' a hmu thar a, a thesis chu 'Traditional and Modern Democratic Political Values and Process of Governance in Mizoram' tih a ni. Pi Audrey-i hi kumin May thla khan Shillong-ah pa s a l ne iin ka n ve ng c hhua hs a n ta wh ma h s e , a hlawhtlinna chhuanawm leh entawntlak tak hi Zotlangsang Editorial Board-te chuan kan chhuangin kan lawmpui takzet a ni.

Ni 8.10.09-a Tlangzawla Gas lo thleng tura ngaih lo thleng ta lo chungchangah khan thil awmdan chu hetiang hi a ni: Gas an rawn sem dawn reng rengin V/C emaw khawtlang hruaitute hriattir hmasak ngei ngei tur tih a nih laiin hriattir hmasa lovin an rawn kaltir a. Gas sem tur hi Driver-ten Tlangzawla sem atan chuan tlem deuhva an hriat avangin Dr. Lalvawna kawtah anmahni thuin an lo sem ta mai a ni. Hetiang thil a thlen avang hian Tuikhuahtlang Vigilance Sub-Committee-te chu Ngaizel-ah va kal nghalin Manager hnenah thil awmzia va sawipui a ni a, hemi avang hian 9.10.09 khan Tlangzawl-ah Gas rawn sem leh a ni.

YMA GEN.CONFERENCE

PAWISA CHHAR

October 20-22, 2009 chhunga hman tur YMA Gen. Conference vawi 64-na, Darlawna hman turah kal tumte chu Branch O.B. te hnenah hming a la pek theih zel a ni.

Pawisa engemaw zat chhar a ni a, a ti bo chuan a pawisa zat chiang taka sawiin Pu Tlangthanpara (Sec-III) hnenah tun thla ni 17 hma ngeiin lam tur a ni a, hun tiam ral hnuah chuan sawi buai theih a ni lo vang.

FAINA HAPTA Faina Hapta kan lo hmang zo l eh ta, mi tin huapzo 'Fai na Thu- in- chhang' Part - I Zawhna Chhanna Zawhna Chhanna

: : : :

Zawhna : Chhanna : Zawhna : Chhanna : Zawhna : Chhanna : Zawhna : Chhanna :

Khawnge bawlhhlawh i paih ang? Bawlhhlawh bawmah. Engtin nge veng fai ber kan nih ve theih ang? Fai leh thianghlim ngainat inzirtir zel ila, tibaltu ni lovin tifaitu ni tura kan `anrual `hap chuan kan ni ve thei ang. Tute nge fai ngaina lo an awm em? Awm e. Amahni chu an fai a, mahse bawlhhlawh paih dan zirtir an la ngai khawp mai. Engtin nge kan zirtir ang? Bawlhhlawh bawm kawhhmuh tur a ni a, chutah chauh chuan thil eina kawr te, zuk leh hmuam eina nawite paih `hin turin kan hrilh ang. An zawm duh angem le? Mi hawihhawm leh thuawih thei tak an nih chuan an zawm thei em em ang, tih kan ring. Faina kawngah tute nge bul `antu ni ang? YMA hruaitute...oh...ni bik lo, Nang leh Kei.

ADMISSION OPEN Nu leh Pa duh tak, Heng zawhnate hi han chhang teh ? * * * * *

I hmangaih, i fa kha a rilru chak se i ti em? Thil chikna a tla chham em? Mahni inrintawkna a nei tha tawk em? A careless i ti maw? Mathematics subject a hlau em?

An zirlai pangngai tibuai si lova heng zawng zawng chhanna hi a awm asin!!! Chu chu ALOHA hi a ni. Saturday-ah chauh class kal thin a ni ang. Contact : 2301870 / 9862576998

TUIKHUAHTLANG FAI TAKA VAWN HI VENG NEITU MAWHPHURNA PAWIMAWH TAK A NI Published by : YMA Tuikhuahtlang Branch & Printed at J.P. Offset Printers, Tuikhuahtlang, Aizawl. C-370.