Ingurunearen Aldaketa... Ikasleen Ikuspegitik

3.- INGURUNEAREN ALDAKETA... IKASLEEN IKUSPEGITIK: NOLA ERAGITEN DUTE TEKNOLOGIA BERRIEK UME ETA GAZTEENGAN. Izenburuak dioen bezala, bideo honek, gizartean (hots, gure ingurunean) gertatzen diren aldaketak ikasleek nola jasotzen dituzten islatzen du. Argi dago teknologia gure egunerokoan oso murgildua dagoela, batez ere, ume eta gazteen artean; generazio aldaketa nabaria gertatu baita eta egunean zehar era desberdinetako teknologiak erabiltzen ditugula. Baina horren aurrean hainbat galdera sortzen dira, batik bat, teknologia hauen erabileraren ingurukoak; hala nola: lotuegiak al gaude teknologia berrietara? Kontsumismoarekin lotua al dago? Erabilpen egokia egiten ari al gara? Horregatik, arazo, galdera, zalantza,... hauen aurrean teknologia zein modutan eta zein helbururekin erabiliko den finkatzea ezinbestekoa da; izan ere, sormena, komunikazio egokiak, pentsatzen ikastea, norberaren pentsamenduak islatzeko modu berria bezala,... bultzatu nahi izatea izan daitezke hauen erabilera egoki baten oinarri. Garrantzitsua da horretarako, irakasleak arlo honetan formatzea, haurrei helburu pedagogiko jakin batzuekin teknologia berrien inguruko berri emateko eta erabilera egokia bultzatzeko.