Her Ghat Par

Her Ghat Par (26 Urdu Poems)

Maqsood Hasni

Her ghaat par

Asar-e-doraan ki her ghaat par Magar’mach Aansu bahatay hain Kah Aag ka darya khoshk na ho Nafrat kay khalyan Siraab hotay rahain

Raksha Khoda par eman na rahay to Bachanay nahain aatay

Aasman say abbabeel

Indhan Daikhta andha sonta behra Saknay ki manzal say door khara Zulm daikhta hai Aahein sonta hai

Bolta nahain Kuch kehta nahain Jahunum main zaroor ja’ay ga

Bai’itnae Ab woh hum say aankh malata nahain Shaed gozaar aaya hai Apni kuch shamain London kay bazaroon main

Manta hoon Manta hoon Lamhoon ki aaghosh main Sab kuch hai Roti nazar nahain aati Wo kahaan hai, Kidhar hai?!

Anjaam Soqraat say mard-e-haq ki Dafan say pehlay Aankhoon main daikha Shakwa tha na koe shakaet Ek nasiat zaroor thi Maira anjaam daikh lo Kisi ko nasiat na karna

Khaghaz ka tokra Wo tasveer Jo mairay khoon-e-jigar say moratab hoe thi Ashkoon main dobi Keh rahi thi “Papa jahaiz” Os kay hath main Kaghaz ka eak tokra bhi tha

Shirini Shehad ki makhi say mein nay pocha Kalyoon ka ras tum chosti ho kis liay Boli, Tairay taraz-e-kalaam ki Shirini kay liay

Takalaf Dastanay pehantay thay Agalay door kay qatil Maira qatil Es takalaf main nahin parta

Majboor Oother ki Chiryoon ki conch main Bai’bas ho kar Azeem Asia Sisak raha hai Olajh raha hai

Zad main Sonay nahain daity Raat bhar machar Subh makheyaan Hukam’raan hoti hain Bimarioon ki zad main Aa giya hai Insan aaj ka

Kaisay Sajda say sar othata kaisay

Kamar par mairi Khoda-e-Arz-o-Marikh ka Moqadas paoon tha

Ala’aj Tabibo! Ghairat otaro

Mairi ragoon main Maslihat gazida hoon mein

Shagan Jahaiz ki chita pa Ek masoom larki Joor rahi thi Hina lagay hath

Jahil Ilm os ka dost Science os ki baandi Magar Aankhoon ki zoban Kab samjhta tha woh

Zara socho to Maghrab kay asiro! Zara socho to Donoon kiray sahi Machar apni fitrat main Jognu ho nahain sakta

Mohafiz Hath ko jumbash na rahay to Loot laitay hain aksar Raksha ko aa’ay hath

Harkat Bai’chint gozar ja’ay Wo zindgi, zindgi nahain

Khushi Doo laenain Khushi ko day raha hoon Jo kabhi Ras na aae mujh ko

Hathoon hath Os hotal kay Basi khanay Bai’zaeqa cha’ay Nakammi sharaab Bik jati hai hatoon hath Bara hotal honay ka Os ko sharaf hasil hai

Mehromi Mahboob ko pehlu main baitha kar Mehar-o-mah ki kirnay chora kar Aaftoon say door Pashmaan khayaloon say aazad ho kar Meh’kaday kay bich Saqi kay ro’ba’ro Mehromi par ek nazm likhnay ko tha Saqi nay mairay hissa ka jaam Mairay raqeeb ko thama diya Muskaraya bhi nahain Kah mein samjhta Pehlay mehman nibaya kartay hain

Zarorat Apni qabaein otar doo Tumharay tan ko En ki zarorat nahain Zamini khoda nay Sorakh-o-safaid maimain bajwa di hain Tum ko en ki hi zarorat thi

Agar mein yah keh doon

Agar mein yah keh doon Doo aur doo 9 hotay hain to Es main ghalt kiya hai Magar tum kab mantay ho Science nay taraqi kar li hai Doo aur doo taraqi pa kar 6 ho gay hain Teen jo reh gay hain Shamil ho jaein gay Waqt Inhain kayoon nazar’andaz karay ga

Tazaad Aankhain band thein Raam ka naam zoban par tha

Aastein main koe bool raha tha

Taraqi Tariki mehman bani ojaloon ki

Dar’haqiqat Nind na aanay say Kuch faraq nahain parta Nind main dar jata hoon Jagtay main Haal ki talkhiyaan Khoof-e-farda

Pashaiman rakhta hai Hiqiqat main Yah eak hi mosam kay doo naam hain