H3

‫הגיליון השבועי לכל בני מנשה‬

Mitin tan a Chanchinphek

‫בס"ד‬

h

PARASHAT: Mishpatim. Mail us:[email protected]. ‫ כ"ו שבט ה'תשס"ט‬20.02.09.

Editorial Hei le, 'B'nei Menashe Khai' tih hmingin a vawikhatna atan Chanchinphek kan rawn chhuah a, Editorial-in hma rawn hawn ve zel kan tum tawh ang. Rokhawlhna avangin 'Menashe Aw' kan han tichhuak ta lo va, mahse, 'Bnei Menashe Khai' hian a ai a rawn awh thung dawn a ni. Vanneihthlak takin ziaktu thiam tak maiin Eilat Tiyul chanchin a rawn ziak a, a ngaihthlak nawm teh a ni a. Thu leh Hla lama tui mite khan in sum miah lovin Article han thawh thin turin kan han sawm mawlh mawlh che u a ni e. Menashe fate, Pa-thian thu lama kan tui halna leh kan dang ro min rawn hnawn turin Parashat HaShavua leh Halakha te, Torah lam hriatna ti zau thei tu lam reng reng thu ziak thiam ten min han thawhpui ve thin dawn nia. He kan chanchinphek thar, 'Bnei Menashe Khai' hi Israel rama Bnei Menashe te awmna khaw hrang hranga thawn darh tura hmalak mek a nih bawk avangin, khaw hrang hranga Bnei Menashe unaute khan, in khaw lam chanchinte pawh in han thawh ve thin dawn nia aw. Shabbat Mevarkhin kan lo thleng leh ta reng mai, hriatna tihzau nan i lo chhiar teh ang u, phawt mai a. Shabbat Shalom vek u le.

SHABBAT MEVARKHIN

‫שבת מברכין‬

Kan tunkar Parasha, Parashat Mishpatim hi Shabbat Mevarkhin a lo ni leh ta reng mai!! Shabbat Mevarkhin chu engnge tih zawhna chu hetiang hian a tawi zawngin chhan lo tum ta ila a tha awm e. Kan Juda sakhaw danah thlathar – Rosh Khodesh hian pawimawhna a chang thuk em em a, chu thlathar thlen hma a Shabbat ni chu Shabbat Mevarkhin ti a koh a nih phah nghe nghe a, a chhan chu thlathar hi Bible hun lai ata tawh a Kut tenau anga ngaih a ni a, chuvangin tun thlengin thlathar hi kan la lawm thin a ni. Rosh Khodesh thlen hma Shabbat chu Shabbat Mevarkhin tih a nihna chhan pawh Shabbat ni chuan Torah chhiar zawhah Mussaf hmain ‘Birkat Hakhodesh - Thlathar Malsawmna emaw Hazkarat Hakhodesh - Thla thar tur hriattirna’ sawi thin a nih vang a ni. He mi kan sawina chhan chu chu thlathar lo her chhuak tur chuan kan tan thatna leh malsawmna a rawn her chhuahpui theih nan a ni a; amaherawhchu he malsawmna kan sawi hi Thlathar tihthianghlimna a ni lova, (thlathar ala thlen loh avangin). Mipuite hnenah ‘Thlathar a hnai ta, thla a lo thar dawn ta’ tih hriattirna a ni mah zawk a, chu Shabbat ni chuan Khazan/Shaliakh Tzibur chuan thlathar ni tur leh a thla thar hmingte a puang thin a, chu chu mipuiin kan zui ve thin a ni. Rosh Khodesh chu a lo thleng dawn ta a, Hlimna Kut, Purim pawh kan hnaih leh ta ruak ruak mai!! Rosh Khodesh thla chu Kut te anga ngaih a nih avangin mi Tzaddik tak tak te chu thawmhnaw thar leh fai ha in an in thuam thin a. Rosh Khodesh ni chuan Hallel chanve sawi thin a ni a, Takhanun sawi a ni lo. Torah chhiar tur in mi 4 koh anni a, Numbers 28:115 chhiar a ni. Rosh Khodesh hian Amidah ah leh Birkhat Hamazon-ah Ya’ale ve-Yavo belh thin a ni bawk. Rosh Khodesh hi Shabbat ni a tla a nih hlauh phei chuan chu ni chu ngaihhlut leh zual a ni a, chuvang chuan Maftir-in Numbers 28: 9-15 a chhiar a, Haftarah pawh kartin Torah chhiar Haftarah ni lovin Shabbat Rosh Khodesh ah chuan Zawlnei Isaia 68:1-24 chhiar thin a ni nghe nghe. Mussaf tawngtaina pawh thlakdanglam a nih phah nual a ni. Rosh Khodesh hi a pawimawh em em a, Lalpa Pathianin Israel fate Mitzvah a pek hmasa ber pawh thlathar – Rosh Khodesh hi a ni nghe nghe a ni. “Ha-Khodesh haze lakhem Rosh Khodashim – Tun thla hi intan thla chhiar tanna ni a ni ang,” (Num:12:1) a lo ti tawh a, Rashi hial pawhin Torah hi he Mitzvah hmasaber atang hian engati nge tan a nih loh? tiin zawhna alo siam hial a nih kha! chuvangin Thlathar hi a pawimawh em em a, Israel faten Kut ni leh thla kan hriatna bul leh hnar a ni. Shabbat Shalom vek u le.

PARASHAT: Shemot. Bo. Vaera.Beshalakh . Yitro. Mispatim. Teruma. Tetzave. Ki-tisa. Vayakhel. Pekudei.

"Menashe fate hi kan tranrual chuan kan lo chak deuh deuh ang" KEI LEH EILAT TIUL- Taia-pa (Chhuaka) Khauphar phur Tin, heti hi a ni a, kan hotute thahnemngaihna a zara Eilat Tiul tur tih thawm a lo rik phat atang khan engtin emaw ni ka awm huih nghal pang a ni a, a tawi zawngin ka phur chiang. A buai deuh tih thawm a awm pawh khan Tawngtaina a thawh mai ka rilruk hman deuh hial tawha. Ka fapa mawlh hi vannei ka ti khawp, ani ang rual kan nihin Eilat chu sawi loh Aizawl hming tak ngial pawh kan la hre lo, chutih laia ka fapa heti rual lekin khawvel tourist hmunpui a hmu bik tur chu ka thik tep a ni.. Pa theuh theuh Pa theuh theuh hi a lo in an loh theih khawpin ka hre ta. Deedee-i pa leh Igal-a Pa ten kal dawn trep thlenga naupang chaw tur leh TiTul vel ken tur an buaipui a, an thunkim loh an ngaihtuah buai lai khan, keini, kawmthlangpa Marina nen chuan nu berin naute thil leh pa ber thil an thun mawlh mawlh laiin ’Eilat ah THIL a to a ngem? Hotel atrangin thil leina tur a hla ang em? Ken lawksa a chi viau lo maw? Hotelah a thlawna intur a awm ang em? Kan Hotel thlennaah hnamdang tui cheng en tur a awm ang em aw? Kan room tur chu Swimming pool lan theih na ngei ni se' tih vel leh Thil man a to viau ang em ? tih lam kha kan lo ngaihtuah daih pek a sin ni..Khadaih kha asin le..Pa kan ni miau a.. Kan chhuak ta (IST) IST tih hi “Indian stupid time” tih chauhin kan lo hre thin, mahse chu chauh a lo ni lo ”Israel Stupid time “ a lo nih ve zia pawh a takin kan hre ve zel e. Mahse he mi tum hi chuan hun hman dik loh vang ringawt ni lovin, leng lo kan awm vang a ni zawk thung. Bnei Menashe te hi leng lo intlansan mai tur khawp a lungrual lo kan la ni lo tlat. Kan hnam, puitling leh naupang, nausen pawmlai thleng a a pui a nawi tum thuhmun nei a khati zat kan han chhuak khawm thei kha hnam lungrual tak kan ang ka ti. A hun tak aia darkar khata tlaiah kan chhuak tain ka hria. Mizoram anga Bus bang beng chung leh zai chunga chhuah a chakawm tehreng nen, bus bang kha ben chi a ni tlat lo. Mahse, kan hlim tho in ka hria. On a desert highway Eilat ti ropui tu ber chu a kawng kha a ni ka ti ve tlat, a RO a, a PUI bawk ni ber in ka hria. Blah Editor sawi ang deuhin Cowboy hun lai min ti hre chhuak, lung pawh a ti leng ve deuh. Mahse a hmun kha ka nel zawng a ni hauh lo. Khang hmun vela Billy The Kid leh Sudden-te ianga Pistol leh sakawr lian tak nen hmelmate bei tura eitur leh tui awm mumal lohna hmuna khawsak ai chuan khawpui chhung a car nalh tak nena len a nawm zawk ka la ring tho tho. Ka tan zawng thlalak kha a tawk viau ve. Hei erawh ropui ka ti viau, khatiang thlaler ram ro hmuna Green house zau tak tak leh hmun hring nawm hmel tak tak an siam thei kha, khawi atrang nge tui an lak? tih vel chu kei ni Israela kum hnih (2) pawh la awm lo tan chuan hriat phak a ni lo ve.

Hei le Eilat chu!!!! Engemaw chen kan tlan hnuin an sawi Eilat chu kan thleng ta ngei a, an sawi ang hehu ni pawn ka hre lo, Khua ve mai tho a lo ni a. Mahse kan khua ve ai chuan a pui deuh chuan ka hre mai mai. Eilat khua hi Israel chhim tawp a awm a ni a, khawvel hmun dang mite tan a tourist hmunpui a nih ang bawkin Israel ram mi tan a zin khawthawn nana hmun chhenfakawm tak a ni bawk. Israel ramri a awm niin Egypt thingtlang khua Taba leh kkhawchhak lamah Jordan khua Aqaba te nen an inhnaih hle. Ramri a awm ni mahse a ralmuang hle a, kum 30 chhungin vawi hnih chiah beih a tawk ve a ni. Tunah hian mipui 46,900 vel an khawsa a ni. Eilat ah hian Egged bus a service reng mai bakah thlawhna (domestic) a service reng bawk a, Thlawhnaa zin duh kan la awm takin Tel Aviv atranga chuan man hi puitling tan $ 91(shekel 370 vel),naupang tan $ 56 leh Naute tan $ 10 chauh a ni e. B’nei Menashe Hotel (hotel Ceaser) Kan thlen hma in Hotel Kisar ah kan thleng dawn tih kan hria. A hmingah keini Ivrit thiam lo kan buai leh pek. Eng hotel tak ni ang maw tih nak laiin kan han thleng chu Hotel nuamtak, Rom lal Julius Ceaser (Lal Kaisara) hming chawia an sak Ceasar resort Hotel a lo ni a, Kisar tih ai chuan ka fiah deuh e..Kan cham chhung na na na kha chuan Benei Menashe Hotel a ni chiang khawp mai. Kan naupang ten Corridor leh tual zawl zawng zawng an chang a, kei ni puitling ho lah Lobby ah kan inkawm a inthlahrung lo lek in kan nui bawk bawk a nih kha. Kha hotel kha kan awm chhung kha chuan kan van thuin kan van ti reh lo em!! Hnamdang ho khan hnam inkawmngeih leh innel tak anga min hriatreng loh pawn Hnam bengchheng tak ang chuan min hre reng tal ang…Kan thlenna Hotel hi hotel nuam tak Lawngchawlhna atrang a Metre 500 lek a awm a ni a, a hmunin a zirin hawivelna pawh a nuam hle, a building a trang hian Edom tlang vel leh Red sea tuipui lawngchhawlh hmun te a hmuh theih nghe nghe. Room 240 awmin tuna an rating ah chuan 4 star ang a chhut a ni. Tin, room khat hi a tlangpuiin $ 191 ang vel a ni bawk. Lawng kan chuang eee!!! “Lawng chuan hi ruih a awl” an ti. Tun hma a ka la chuan loh avangin a dik nge dik lo ka hre lo a, sawi tur ka hre ngai lo. Mahse tunah chuan ka chuang tawh, hetiang thu hi ka bulah sawi leh se sawi tur ka nei ve tawh ngei ang. A chhan chu keimah ngei ka chuang ve tawh tlat, ka rui hauh lo nia, khami tuma ka chuanpui ho zingah khan lawng rui hmel ka hmu lo. Kan zingah khan rui an lo awm a nih chuan Lawng rui an ni kher lovang, thildang rui an ni ngei ang. Hemi tum hian Pu joenga leh an nu an motor chahbi bo, rilru hahna tlansan an tel ve a, an nu

"Menashe fate hi kan tranrual chuan kan lo chak deuh deuh ang" phei chuan kan lawng chuanna kha engemaw chen a Lawng khalh te pawh hi a lo zir leh tawh a maw ni chu aww? Ka ti hial. Mak deuh mai chu a khalh sawh bik miah lo kha a ni. Lawnga chuang te pawh khan kan hre bik miah lo nia. Ani hi thil zir peih tih takah Lawng khalh te pawh hi a lo zir leh tawh a maw ni chu aw? Ka ti hial..Keini pawh lawng din hnuah pal mai ni lo Lawngkhalhna ngheng meuh a kanin post ve kha. Zanriah Blah leh B’nei Maneshe Aw editor te ei zat em ei lo mah ila ka ei hnem ve tawk tih chu ka pha lo. Bawng lei mawlh kha chhung kima ei a chak awm thlawt.. Chaw ei khama kan nu in lenchhuah phalna Ishur min pek phal aimah a ka lawm chu, ka bula an kal dawn avanga ka nuphalte pahnih an nupui ten Ishur an pe thei kha a ni tlat. Heti khawp hian an unaunu pasal min lo ring hi a ropui, an pasal te pawh ka venthat sak khawp kha. Pool kan khel a, kan khelhna bul lawka Striptease ho (lam pangai lo a lam ho) lamna a awm kher erawh rilru a la peng deuh a, hawlh luh a ti har chiang. Hemi zan a kan pool khelhna pa in ”khawi atranga lo kal nge?” tih pawh min zawh hmasa lo a “eng hna nge in thawh?’ min ti nghal ngawt kha chuan awmzia a nei chiang. Ka thiam ang ang in kan nihna ka hrilhfiah tak kha. Hrethiam tak maw? ”Et zeh” tih pawh ka telh ve nual ta ve ang. Chenna ngai loh ram fan chu!!! A tuka pa ho tuihnuai lut te kha Jeep an chuan chak loh zawk vanga tui hnuai lut zawk an ni lo tih ka hrechiang, hmeichhe lamin jeep chuan an chak lem loh vanga Jeep chuan chak lo kan nih fur hmel, Blah lam erawh ama duh thlanna vang liau liau a nih ka ring ve tawp. Nge Kham kar vela tlan kha a nel lo hrim hrim pawh kan hre lo e. Mahse ka in chhir lo, heng hmuna ka thil tawn hian P-thian thil siam ropui zia min hriat chhuah tir miau a. Tuihnuai luh zawhah khawvela ka thil chak ber pakhat kan va ti a. Pu Gerson-a min kawhhmuh Israel leh middle east a hmasa ber Imax 3D ah Three dimensional movie (film a tak tak ang a enna ka ti mai) chu kan va en a, a ropui a, mahse a hlauhawm zeuh zeuh bawk. Hetah hian tha natna deuh ka nei tlat pek, ka fanu rual lek Deedee-i ten pop-corn ei melh melh chunga thlamuang taka an en laia, kei a pa rual ka phu leh zuk zuk thin leh ka tarmit lakthlak ka chak tlat thin kha chuan ka tha a tina chiang. Ka thian ten rei lo an tih lai a rei ka ti em em kha in en ve loh chuan a chhan in hre lo ang. Hemi tlai hian hnamdang tui cheng en tum a lo chang ru khiau tute'n pa dulkiar tak leh a fanu cheng chauh an hmuh thu an sawi. Sabath Zan Hemi zan hi a ropui, kan hnampa ngeiin inkhawm a kaihruai kha a lawmawm, chaw pawh kan ei leh treuh pek kha. Sarep tui tak kan hmeh tih hi ka sawi hmaih phal lo. Tin, kan room a THIL awm hre ran a, a inhmeh dawn em avanga tlem ka paipawn chhoh tak thu pawh hi ka’n zep tel hram ang e. Sawi tur em em a awm lo. Pu Sharon ate ho nen a nutling patling Hotel

corridor chhuata naupang ho nen thu sawp nuaih chunga kan in kawm khawm ang kha kha hotel khan a tawn ka la ring lo. An lo awm tawh a nih pawn a zing lo viau ta ve ang. Hnam dang ho pawh khan min rawn en ve deuh chuan ka hre mai mai. Inleng duhawm Hemi zan dar 11:30 vel atranga ka inleng pa mawlh mai khan he ka tour hi ka tan chuan a va ti hlu em. Blah editor a lo lenglut teh mial a. Min kawm duh vanga lo leng nge, ka sawm lai a ka THIL sawi vang a lo leng tih pawh ka hre lo. Mahse hemi zan hian thil tamtak ka la hriat ngai loh erawh ka hriat belh teuh thung. Khawvel finna leh P-thian thu ah erawh hepa ka kawm vang hian khapkhat pawhin hma ka sawn ka hre lo. Hemi zan a a thusawi zawng zawng hi sawi chi ni lo mahse, a pualin thu ziak dawn i la chu “ka inlengpa inpuanna”ka ti ngei ang. A haw hnu chuan mut pahin "Hepa hi midang angin a hmuh zawh loh avanga leng rei chu a lo nih loh hi” tiin tui takin ka muhil ta a ni. Ka fanu nulat thleng a a lo la tlangval a nih chuan, a lakah ka thlahthlam hauh lo ang le. Shabbat chu kan khua nen a danglamna a awm teh chiam lo, tlemin alum deuh e tih mai lo chu. Haw kawng A hun takah kan chhuak ta in ka hria, kal lam nen a danglam teh chiam lo, kal lam a kan zawh loh zel kawngpui sir kan zawh chho tih mai lohah chuan, kal lama ”On a light desert highway” ti khan haw lam erawh ”On a dark desert highway” a lo ni ta thung. Zanah kan haw miau a. Hemi tum hian inchhuanna deuh mai ka nei, kei aia thanghnih lian teh meuh a Ramthianghlim lo zunkhum hmasa tawh tenen a a vawikhatna atan a Eilat kan hmu rual hi in sawi thei tur ka va ni em!! He kan tiul hi kan nupa a kan dawnkir changa pawi kan tih tak ber a chu kan lenchhuah chang leh thil kan tlawh chang a kan Fapa Agala kan lo ti thu lo kha. Thil a hmuh duh tehlul nen. Kal leh hun chuan ding chunga nawr kan tum tawh. Hotute leh trawngthiam zawk ten hetianga Kan hnam tiul hautak tak min buatsaih sak tute leh a buaipui tute hnenah lawmthu an sawi ngei tur ah ka ngai a, hun lo awmzel tur ah lungrual taka tiul ho hi uar a lo tha a nih hi. Ka hriatchhuah changa khawvel mite nawmsip bawlna hmuna kan tiul ka ngai vawng vawng thin hi “Aigupta sabel ngai” ah chuan min ruat sak lul suh u. Kan hmandan a dang tlat. (Tai-a pa hian tun tum chu chhiar tur min hlui ve deuh chuan kan hria!! Pinui hnu a kan Hotel awm te kha rawn tawng ve se chuan sawi tur a ngah leh zual awm!!Ha!!ha!!) Rawn thawn zel thin rawh, i Talent dawn na kawng tak a nih hi, I lo in zep rei hle mai!!

NEWS

NEWS NEWS NEWS

NEWS NEWS


. Tunkar Oneg Shabbat ni pah fawm a Seudat shlishit tui tak eina Pu Sharon-a te inah a awm dawn a, Pu Sharon-a nupui Pi Suzie-i pa-Moshe (Thangchhuana) Sharon Shabbat Azkarah den chhen a sawm annih avangin mitin te'n kan ngai pawimawh theuh dawn nia. Oneg Shabbat a kal thin bakah zau zawkin mipui an sawm a, nu leh pate zawng zawng paw'n a chhim theih vek!! Kan Oneg Shabbat neih thin hi a hun hre lo kan lo la awm takin tlai lam Dar:4:00-ah tan thin a ni a, kan tui dan leh thlarau a tlak that dan a zirin Shabbat pelh fe thleng hlim takin kan zai in kan ei ho thin a ni!! A sawm tute inah Maariv neih nghal thin a ni a, tin, Havdalah pawh hman nghal thin a ni!! Kan Oneg Shabbat neih thin hi kan Rav Muller-a paw'n min hriatpui a, "Ka hman chang chuan ka rawn chhim pui thin ang che u ang a, amaherawhchu ka hman reng ang tih chu ka sawi thei bik lo a ni" tiin Oneg Shabbat pawh hi min rawn chhim pui tawh nghe nghe!! Oneg Shabbat sawm tute chuan a bikin sawmna a pek theih bawk!!
. US President hlui, George W Bush, pheikhawka vawmtu, Iraq chanchinbu mi, Muntadar al-Zaidi -a chungchang ngaihtuahna chu thla leha chhunzawm tura tih a ni a, ram dang hruaitu tibuaia puh a nihna thubuaiah hian thiam loh a chan chuan kum 15 thleng tantir theih a ni ang. A ukilte chuan, America-in kum 2003-a Iraq a beih hnua an ram dinhmun chu a chhiat em avangin, an ram mipui rilru natzia, a thiam dan angin Zaidi-a hian a lantir ve mai nia sawiin chhan an tum a, court-a a inlanna hmasa berah hian Zaidi-a hi mi tam takin an lo lawm a, a koki-a Iraq hnam puanzar bat chungin court hi a pan a ni. Zaidi hi man a nih hnuah khan nasa taka sawisak nia sawi ni mah se, a lan danah chuan a hrisel hmel hle a, na nei awm pawhin a lang lo a ni. Roreltu chuan Zaidia chungchang hi thla leh ni 12-ah ngaihtuah chhunzawm a nih tur thu a puang a, America President-in Iraq a tlawh kha sorkar dan ang thlap nge tlawh satliah tih chungchangah, Iraq sorkar thuneitute thu zawhfiah phawt a ngai

NEWS NEWS

NEWS NEWS

tih a sawi. Amah tantute chuan, Zaidi-a hian Bush-a hi thah a tum lo tih an sawi a, khawvel khawiah mah, pheikhawka invawm hlum an la awm ngai lo tih sawiin, Bush-a hi thah tum ni se, pheikhawka vawm lovin hmanraw dang a hmang ngei ang, an ti a ni. Bush-a pawh kha thil thleng khan a tibuai tehchiam lova, a hnuah phei chuan fiamthu thawh nana hmangin, amah an vawmna pheikhawk chu number 10 niin a sawi a ni.
. Israel sorkar chuan Hamas mi firfiakten Israel sipai an man an chhuah hma chuan, Gaza a kharna a hawn loh tur thu a sawi a, hei vang hian Egypt bul tuma Israel leh Palestinian ho inkara hun rei tak awh tur, inkah haina thuthlung siam beisei mek chu a tlawlh a rinawm thar leh ta nia ngaih a ni. Israel thuchhuak thar hi Hamas chuan a duh lo hle a, Hamas hian Gaza panna kawng, Israel-in a khar mek chu hawn a nghakhlel hle a, January thlaa Israel nena an inkahnaa thil chhiate siam that thuai a nih theih nan he kawngpui hi hawn thuai a tul tih a sawi. Palestinian Prime Minister, Fatakh pawla mi, Salam Fayyad chuan Gaza-a thil chhiate siam thatna tur sum chu Gaza mipuite hnenah direct-a pek a nih tur thu a sawi a, heti a nih chuan Hamas ho pawimawhna a titlem hle dawn bawk a ni. Israel sipai, Sergeant Gilad Shalit hi kum 2006 khan Hamas ho hian ru bovin an hreng a, tun thleng hian an la chhuah lo a ni. He sipai hi chhuah a nih hma chuan Israel-in Gaza a kharna hawn loh rawtna, Prime Minister Ehud Olmert-a siam chu Israel Security Cabinet member 11 chuan lungrual takin an pawm a ni. Lamang let a i lo kir hun tur hi kan va han nghakhleh tak em!! Chung P-thian zatah i lo let leh vat kan ring!! Chak takin lo awm zel ang che!!Hashem in veng tlat che rawh se!! , Shabbat luh:

Editor: Deedee-i Pa Contributing Editors and Correspondents tur heng khuaah te hian kan mamawh a, a theih tur chuan Editor in han hriattir dawn nia. Jerusalem: Afula: Ma'a lot: Kiryat Arba : Upper Nazaret: Sederot: Beit El: Carmiel: Ofra: "Article thawh theih reng a ni bawk e"

Jerusalem Tel-aviv Beer-Sheva Nitzan

4:49 5:10 5:02

Shabbat Chhuah

6:07 6:09 6:09

Mike in an puang thin lo ngaihthla mai rawh u!!