Blah Vol- 25

Blahz:

Vol. 25

Dawtea

Marina

Atea

Stanley

Hmaa

Thupui : Zu dawn ding,nam king kiang ding,rui lo ding!

Blahtorial. India-a ka zin tum khan ‘Margema’ leh ‘Thalai aw’ chanchinbu hlui, thianpa chhiar ve atan tiin ka keng tel a.Chu ka thianpa chuan hmanni khan phone atangin, “Thu leh hla in inziahsiakna a thuziaka pakhatna latu ziah ‘Zokhawthar’ tih kha a that reuh kha le,chhiar manhla kan ti khawp a nia” a rawn ti a.Chu ‘Zokhawthar’ chu Marina ziah a ni, ka’n zawng leh ngial a,ka hmuchhuak ta tlat lo.A aiah ‘Kan nun hi’ tih hla tuahrem a phuah ka rawn vawmbei ta ringawt! Printing press ah man chawiin thil kan print tir a,tha takin min print sak avangin lawmthu sawi a tul lem lo,anmahni kan dawr avangin an lawm hle zawk tur a ni.Mahsela, u Jose-a chungah hi chuan lawmthu sawi lo thei kan ni tlat lo.Amah hian phone in kan Blah dawn leh dawn loh min rawn zawt thlap a,an e-mail a kan thawn an hmuh loh pawhin min rawn hrilh leh thlap zel.Kar khat lek min print sakna bat hi chu kan inthlahrung a niang,a thla a thlate kan han bat sak a.A print chhuah sa an press atangin min rawn hawnsak thlap bakah a changin min han ‘dah’ sak ta thin a nia,a chungah kan lawmthu lo thei lo a ni.An pu te bulah pawh min lo sawi sak teh se.Hetia a hna a tlin em em nachhan hi nupui a neih fel vang a niang,an nu hi pasal hmangaih thiam tak a ni si a! Tunkar a kan inhmuhkhawmna ah khan mit khap kar lek ka tel ve a,fanau enkawl tur nei ho tan hmun ka kian ta mai anih kha.Naupang kum 5 mi lek fing deuh chanchin ka hria Lehkhabu dawr ah khan ‘Fate enkawl dan’ tih bu lei a va tum a,a zuartupa khan a nu leh pa ten an rawn leitir anih leh nih loh alo zawt a.Chu naupang chuan, “Leitir nilo e,ka nu leh pa te hian min enkawl dan hi a dik em tih ka proof duh a ni…” a ti.A zirtir :- Naupangte hi an tet lai atangin fel tak leh tha taka enkawl tur! Naupang thangtheilo chanchin ka hre bawk tak e.Khawlai ah khan a nu khan a pua a,pa pakhat hian lawm nuih a tum a.Chu naupang chu a tum bar mai a,lawm nuih tumtupa chuan beidawng lo zet hian, “Nausen lawm nuih theih loh ka nei ngailo,” a ti vei pang pang a.Chu naupang chuan, ‘Ka nui pit ang!’ a rawn ti,a beidawnthlak viau maithei a ni.A zitir :- Fate hi hmangaihna nen tihtak zeta enkawl loh chuan an puitling tak tak thei lo! Shabbath shalom vek ule. - Dta

Diktea

Dated : 17.7.2009

I Lawrkhawm ang.  Mamani chu Lung lam thatlohna in a tlakbuak a,tha takin dam chhuak leh vat se kan ti hle mai.  Hmana Paul-a ni thin kha tun ah chuan Moshe a ni ta deih.Tun Zirtawpni hian van thiang tak kar atangin Israel leilung a rawn rap leh dawn niin thu kan dawng.Aizawla a nu leh pa-te an thawveng huai a nga,a bialnu Eden-i a lawm em em bawk ang tih a hriat.A dam chhung nun Isarel ah hian Siamtu duh danin hmang se kan ti em em.  Robin Sharon-a pawh ‘Home centre’ atangin a chhuak a,Rekhovot ah a khawsa mek.A ‘ka’ a la kal hle a,ginun hna a thawk mek.A dam anih chuan ropui takin karleh lam ah Nitzan ah Shabbath rawn hman a tum.  Ben-a Hlychho chuan Israel rampum Jail-a Essay inziah siakah pahnihna a la.kan lawmpui em em a,a rawn chhuah leh hunkan nghakhlel em em bawk.  Yom Khamishi khan LDPA chua a hnathawhnaa a thawh laiin Police in passport an dil.Passport an dilna chhan hi a hmel a that vang a nilo tih chu a thawhpui ten an hriatpui.An dilna chhan ber nia lang chu chhun khaw lum laia hnathawh naa kawr ban tlawn a hak vang niin an puh thlu ruah mai.  Marina chu tunkar khan a boss a awmloh laiin a boss chair ah power nei lemlo in a thu lal ve bar zel.A kawng erawh a tih nat phah.Police a buaina nei chuan amah kaltlang hian buaina a chinfel theih tep a nia. In zawhna te. Q : Kar hmasa NCC huang ah khan pu Joel-a kha Chairman ah in rawn puh ringawt,Diktea a ni lawni Chairman kha? – Khanan-a. A : Nia,kan rawn puh ta ringawt mai pawh a.Diktea chu President ah kan dah ta mai.Rorel a kal tluan loh hunah pawh ‘President’s rule’ a puang luah thei a,ropui deuh a ni.

Thu bengluT. LOTTO LOTTO Mihring te hi hausak chak lo chu kan tlem viau awm e, hausak thutna awlsam ber pakhat chu lotto man hi ani.Kan hnam zingah pawh lotto man vanga hausa thut chu la awm rih lo mah ila Lotto vanga Ashkelon kal ziah ka hre nual mai,an man hunah a tui chi kan inho a niang chu.Ram dang ah pawh Lotto hi an buaipui ve nasa khawp mai a, chanchin maksak tak tak pawh a awm teuh mai a, tlem a zawng lo tar lang ve mai mai ila Mi vanduai ber kan ti dawn nge vannei ber kan ti dawn, Frane Selak ,kum 1929 a piang ,Crotia rama music zirtirtu chanchin pawh hi a mak khawp mai :Kum 1962,january thla khan Selak hi Sarajevo atangin Dubrovnik panin relah a chuang a, vanduaithlak takin rel hian lei a zawh chim hlauh maia,luiah a tla lut a, mi 17 lai an boral a,Selak chu a ban ruh tliak tih loh na dang em em nei lo in a dam chhuak. A kum leh 1969 khan Zagreb atang a Rijeka pana a thlawh laiin an thlawhna kawngkhar a inhawn thut vangin an tla a , mi 19 an thih laiin Selak chu thlawhna atanga tla chhuakin buhpawl dahkhawm chung ah a tla hlauha, na em em a nei lo. 1966 pawh khan Bus accident ah a tel leh a mi pali an thih lai in ,na neilo in a chhuak. 1970 ah amotor petrol line dik loh vang in a kang thut a ,na neilo in achhuak leh. Kum 1973 khan a car a kang leh a ,hemi tum pawh hian a sam a kang ral deuh vek tih loh chu na dang a nei lo. 1995 khan bus in a su, a pilh satliah. 1996 khan a motor chu truck nen an insut pumpelh nan kham-ah a tlan liam a,amah hi tla chhuakin thingkung ah a tang a,a motor chu a hnuai feet 300 lai a lum hnuin a puakdarh vek.

Tichuan kum 2003 khan lotto $1,000,000 lai a man ta a ni.Selak chuan “Ka hun kal tawh zawng zawng ah te khan Lalpa’n min awmpui tih ka hria a, ‘mi vanduai ber’ tih ai chuan ‘mi vannei ber’ tia hriat ka duh zawk” a ti . Austrialia rama company lar tak Doritos hlawh tam tak nei turin fakna a lang turin an sawm a ,Selak chuan a vanneihna test turin thlawhna ah a chuan duh tawh loh thu in a chhang. Michael Jackson vanga buaina! Michael Jackson thih hnu lawk khan Florida,USA a bus chuang zinga pakhat chuan a pelephone-ah Michael Jackson thih thu massage a dawng a,midang hriat turin a chhiar ri a.Chutah tak chuan inhnial buaina a tleng ta a ni.Pakhat hian ‘ Hman hmanah khan Jail a tang tawh tur a ni,” a rawn ti a.Pakhatin, “Rimawi khawvela mi turu tak kan chan ta zuk nia..” a ti bawk a.An sa dun ta phat a,an in tibuai zui ta nghal a,bus driver in police a phone a,an buaina a reh chauh.A thiamlo zawk zawkin case a nei dawn.

HAIHAWT VANGIN. Derek Ladner kum 57 leh an nu Dawn-i chuan lotto man beiseiin an number ngai an cut ve tlut tlut mai a , vanneih thlak takin 2007 kum khan lotto pound 2,395,710 mantu panga zing a mi an ni ve hlauh mai a,mi panga in an insem hnuin pound 479,142 lai an chang a ni.Kar khat aliam hnuin Derek hian a kawrchung ipte ah lotto ticket a hmu nawlh mai a ,a’n enchian chuan an lotto man tawhna ang chiah kha alo ni a.Lotto pound 2,395,710 hmun nga a then hmun khat dang chu a va lachhuak leh ta a,tichuan a man zawng zawng chu pound 958,284 alo ni ta a ni. Derek hian lotto ticket a lei, a kawrchung iptea a ah chu theihnghilhin a number ngai chiah dang a lo lei nawn avangin an man nawn ta ani.Achang chuan haihawt te pawh hi malsawmna. LOtTO VANDUAINA. William Bud Post chuan Pensylvania Lottery ah kum 1988 khan $16.2 million a man a, a man veleh hian a bialnu hluiin ‘min sem ve ngei tur ani’ tiin court ah a khing a. Court chuan sem ve tura atih angin ui chung chungin a sem a ,midang pawhin an khing ve ta sup sup mai ani.He tih nak alai hian a unaupa lah chuan a rokhawm beiseiin thah tir a lo tum ve bawk a,police ten an man hlauh.A chhung dangte ho chuan an sumdawnna a sum thawh ve tur in an kar luai luai bawk si,tumah lah chuan a hlep an sem phal leh silo.A riru hahin silai a hmehpuah avangin Jail te a tang ren rawn bawk nen,kum a vei meuh chuan $1 million a lo ba hman reng tawh nia.Tichuan Bituakh ah hming sign in a awm ve ta mai maia,a thih dawn paw’n “Lotto ka lo man ta kher kher kha a pawi ani,” ati tawp. MUMANG LAM PAWH. Tam tak chuan lotto number mumang a lo hmulawk kan awm thin a,thenkhat man tak tak an awm laiin thenkhat man lemlo pawh an awm .Toronto khua Mary Wollens kum 86 chuan a mumang ah lotto number a hmuh chu man ngei tumin a lei a, a mumang chu a rin em avangin pahnih lai a lei nghe nghe a.He number hian 2006 september ni 30 a Ontario lotery $24 million chu mi pakhat dang nen an man a,ticket pahnih a lei a vangin a zat leh zata insem loin hmun thum a then a hmun hnih $ 16 million a chang . HRESUAL PALH. Timothy O’brien chuan lotto man ngei tumin a number ngai a cut tlut tlut mai a , 1995 april thla khan tum khat chu lotto a lei lo ve khiah a.A lei loh kar tak hian $3.5 million mantu number a en chu a phu zawk mai ,a number thai thin ngei a ni si!!! A ui lutuk chuan silai a chuh lawk a ,a inkap hlum tawp mai a ni.A thih hnua an check chian chuan lotto mantu number hi O’brien a thai thin number hmasa digit li chauh a lo mil tih an hre chhuak! Loto ticket pawh kha lo lei se $47 chauh a lo man dawn a lo ni. MIHRING CLONE DUH LO. US President Barack Obama chuan mihring ‘clone’ chu a phal dawn lo tih a sawi. "Mihring clone a nihna kawngkhar a inhawn kan phal dawn lo hrim hrim," a ti. "A hlauhawm a, a dik lo hulhual a, kan society-ah hian hmun a nei lo va, society dangah pawh a nei hek lo," tiin stem cell researchu kaihhruaina khirh tak hnuaiah kalpui a nih tur thu Obama chuan a sawi.

Chawhchawrawi?! Kan pi pute khan thil an sawifiah thiam hle mai a,hnam fing tak,nunphung leh khawsak danah changkang tak an nih tawh a rinawm.Major A.G McCall, O.B.E., I.C.S.,Mizoram Superitendent lo ni tawh chuan, “Lushai-te chu Tibeto Burman-te nen hian bulbal thuhmun nei niin alang.Chutichung chuan tawng leh culture an nei hrang ngak reng a.Thil chiang tak nia lang chu ‘hmasang khan hnam fing zawk leh ropui zawk nen Lushai-te hi an chengho tawh thin a ni,tih a lang.Hnam fing hoten an ngaihsan em em,huaisenna te,ngilneihna te,chetze sang tak an nungchangah hmuh tur a awm tlat mai hi a mak a.Anmahni sakhaw biak dan kal zel chu Buddha leh Confucius zirtirnain a tibuai ve lo hi a mak a ni.Chuvangin Lushai-te hi hnam mawl(Savage) ni lovin hnam fing (highly cultured men) an ni mah zawk a ni.Lushai-te chuan Engkimtithei pakhat an ring tlat a…” tiin a lo ziak tawh a ni. Nihlawh,Vannei,Engthawl tawngkam tobul. Heng tawngkam hi kan hmang ve nawk nawk thin a,a rawn chhuah dan mithiamte sawi dan chu – Nihlawh : Inhlawhfain ni khatah motor hlawh se mak kan ti hle ang,motor aiin Ni khi a ropui a,’Ni’ han hlawh chu mak tak a ni.Thil awm theia ngaih loh,phu phak ni lo thil tha dawn hi ‘nihlawh’ kan tih hi a ni,a hlawh ropui hle. Vannei : Van khi a nei tihna a ni.Thil hlu tak an neih thut chuan, “Van kan nei e” an ti thin.Phu loh,neih ve tawp,beisei phak loh,a thlawna thil tha dawn kan sawina a ni. ‘Vanduai’ tih chu a vang pawh awm loa thil tha lo dawn,chanchhia kan sawina a ni.Ni ai chuan van chu ropui tak a ni,dan naranin neih theih ni lo,phu vanga neih chi pawh a ni lo,a van tla hrim hrim dawn nawlh sawina a ni ti mai ang. Engthawl : ‘Eng’ chu kan hrawk leh awm inzawmna lai vel hi a ni,hnawhtu a awm chuan thawk a har,kan ipik thin a ni.Puana kan inkhuh tlat chuan thawk a harsa a, ‘thaw a pik’ kan ti thin.Thil hrehawm,lungngaihthlak te,buaithlak chitin rengin min tlakbuakin,awm nuam kan ti lo,kan eng a pik.Thil tha loin min chim pik lai chu thil lawmawm tak a lo ni tih kan hriat thut chuan kan ‘eng a thawl’ ta huai,kan ipik a reh ta. Hming chungchang. Mizo hnahthlak chi peng hrang hrangte hi,kawlphai kan tih Burma Chindwin luikam phaizawla lo chenga,chuta tanga hmun hrang hranga kal penga mi thenkhat Mizoram leh Manipur lama thlang tla zel kan ni,tih hi kan hriatdan inang vek a niawm e.Kawlphai a an awmkhawm laiin eng tawng nge an hman? tih hi hriat a har tawh ngei ang. Kawlphai atanga an lo darhsarh hnu hian Lusei/Duhlian tawng hmangte leh Kuki/Thado/Paite/Gangte etc. te hi tuna Mizoram (Lushai Hills) leh Manipur lamah thlang an tla a.Tin,tuna Chin Hills-a la awm kan unau Pawi,Paite,Matu etc. te chu Chin Hills-ah an la chambang a.Tichuan a tawi zawngin sawi ta ila - Tiau thlanga thlang tlate leh,Chin Hillsa la chambangte leh Manipur lama thlang tla te,tiin hmun thumah then ta phawt ila. Tichuan, Chin Hills a chambangte leh Manipur lama thlang tlate tawngah chuan hming tawpa ‘a’ ‘i’ lamrik hi a awm ta lova.Eg. Thang Tin Lian etc. tiin an in ko thin.Tin,Manipur lama thlangtlate hming han thlir pawh hian ‘a’ ‘i’ a awm ve lo bawk.Eg. Thangtinkhup,Lalroutmawi etc. Mizorama cheng mizote ah erawh hming tawpah ‘a’ ‘i’ …

lamrik a awm ta a ni.Hemi ngaihtuah hian Lushai Hills a cheng Lusei/Duhlian tawng hmangte chauh huan ‘a’ ‘i’ hi an telh a ni.Heihi a tha em em a,an hming an sawi hian mipa nge hmeichhia an nih kan hre nghal thei zel a ni (Heng thu ziah ho hi mi hran hran ziah atanga laktawi a ni e. - Dta). Tawng tih hausak nan. RF Mawia pa,Malaysia ami chuan, ‘Mithiamte chuan tawng hi kum sawmnga hnuah a danglam a, kum za hnuah chuan a inthlak thin an ti. Khawvel ram hrang hrang leh hnamtinte hian thu leh hla (Literature) kan nei theuh va. Chu thu leh hla a phusa ber leh a ngulpuite chu thalaite kan ni ti ila kan sawi sual em em awm lo ve. Chuvangin tawngin hma a sawn zel tur chuan thalaite kan pawimawh ber kan tithei ang. Khawvelah hnam tam tak ten an tawng an humhalh loh avangin tunah hian tawng sang tamtak chu vuiliam a boral an awm mek zel a ni’ tiin a ziak a. Chutichuan hei,tunah Israel ah kan lo khawsa ta a.Kan mizo tawng hi a ral mai a hlauhawm avangin tawngkam thar,hman nuam leh hman awlsam tur chi kan han duang ve chhin a.Chungte chu Maroa-te pafa ang : A awmzia chu - mi inang lutuk sawina a ni. ‘Zawnga fian phel ang’ tihte kha chu a sei deuh duah a,a buaithlak. Maroa-te pafa ang’ han tih zaih mai hi chuan a chiangin a awlsam bik em em bawk si.Eg : ‘Nangni unau chu in va han inang teh lul em.Maroa te pafa an sawi ang mai lah ni che u a. Lalmami intih cher tum ang : Thil letling/linglet hlauh sawina. Eg : Nanga intih thau tum ve hi,Lalmami intih cher tum an sawi ang mai i ni,i cher ang tawlh tawlh a. Pinhas-a shiur pe ang : Tui zawng leh hriat zawng tak tui tak maia sawi bawrh bawrh sawina a ni. Eg : Zoram buai chanchin sawi tawh hi chuan ani saw chu a phur thei a nia,Pinhas-a shiur pe a iang a,a sawi tawp hleithei thin lo. Maseni rawngbawl ang : Hei hi chu mi fak thiam tak sawina a ni deih,a in tuha lo hle naa hman a nuam viau thung.Eg : Kan kawmthlangnu hian Maseni rawngbawl a iang a,a bula awm te hi a nuam a nia.A der tih pawh hre reng mah ila,min sawichhiatna ai chuan min fakna hi ngaihthlak a nuam zawk pah reng. Diktea hna thawr thawk ang : Lawngawi lo sawina a ni. Eg : Eng hna pawh thawk ila lungawi taka thawh zel tur.Diktea hna thawr thawk ang mai mai a awm hi a tha lo. NCC committee thuchhuak ang : A taka thiltih awm mang silo a thawm ring satliah sawina.Eg : Ani thusawi ve saw chu bengkhawn chi a ni lo,NCC committee thuchhuak an sawi ang chauh a ni,engmah thutak hla-taka lak chi a ni love. Tun tum atan chuan duhtawk rih ila,a rawn thawh belh theih zel a nia.  Nangma tana i dah that chu a bo a,i pek chhuah chu i nei reng zawk. – Axel Manthe  Mahni nunhlui lungawi taka thlir let theih chu damchhung vawihnih hmannawn tluk a ni. – Martial  I lakluh aia tlem hmang la,tichuan lei i ba ngai dawn lo nia. – Yiddish Thufing  A hmuingil lai aiin a harsat lai zawkin i thian chu tlawh ching zawk ang che. - Chilo

Hla huang. ( Tun tum chu hla huang han siam ve khauh teh ang.He’ng hla-te hi Gush Kativ-a kan awm laia ‘Thalai aw’ chanchinbu ah kum 2005,may ni 13 khan kan chhuah tawh.Marina hian A hun laia kan khawsak dan a sawi chhuak thiam zet mai. ‘He khawvelah hian thil thar reng a awm lo,’ an ti a,kan thuchhuah hnu pawh kan rawn chhuah nawn kan rawn chhuah nawn mahna.Hetih vang hi alawm,tum hma kum zali vel lai ral tawha Shakespeare-a thu leh hlate pawh tun thlenga an la zir tlut tlut ni. ‘Torah’ a ‘hla thlankhawmte’ chu sawi thu cheng lo! - Dta) Kan nun hi. Marina Hmar. Hlim ten kan leng ram nuam ah, Kan tihturte hlen zelin. Kan lungawi em kan chan hi? Ngaihtuah chiang ang leng zawng ten. Lamtluang kan chhui ni chhun ah, Pisa pui kai awm nem maw. Kan chan tawk phiah fung leh hawl fung, Kan hawl fai e tleidang run. Zam ngailo val a nam rum rum economica, Tleitir biangno a sen thei lo Alei’ kawmah. An chhip le le kan nu ten mi hak hlui, A luangliam ta kan vawm bawm. Vengtu hmeltha val lungleng, A kiu rel rel i khawl te. Chhan zai rel rawh annemi, Mahriak shomer rei loh nan. An kal del del kan nu te, Tunge damlo leh ta ni? An lam siau e lanu leh val rual, An thawm thang ri a ring ngei tu piancham nge ni ang le? An thu bial thin kan pa te,Arvith hma ngei hian, An sawi ning lo an hril seng lo,Zoram thang vel hi. Kei ka lungkham annemi, A sen thlum thin ka tawnah. A zunzam tuar zo lo hian, Chhingmit ka meng thei der lo mai! Romei. Ees Bee band. 1. Romei zing riai karah i hmel a lang, Suihlung lentu mai i ni. Tawnni herchhuak leh se ka di, Chutin hmangaihna ka hlan ang che. Lo let leh la kan vangkhua ah hian, Chutin ka lawm a kim ngei ang. 2. Runrem pui tura’n ka sawm a che, Samang inthen tawh lo turin. Hlimte’n i leng dun ang aw, Hai ang tar thleng pawhin. 3. Chun leh zua hrang thin mahse, Vawng zel nang e tiamthu di. Fam dairial kan chan thleng pawhin, Chuailo par iangin vul zel se.

Chhawrpial run maw?!

Lalthaa ( Hei thianpa Lalthaa,‘ the hmm!!’ editor (Mizoram ami) in min rawn theh e,lo seh hmeh teh ang u.A chhang let duh tan a chhan let theih a nia! – Dta) ‘Kan zotlang ram nuam hi chhawrpial run i iang e’ tih hla hi chu a nalh ka ti,mahse ka pawm lo. 'Chhawrpial run’ hi tuman a awmzia an hrilhfiah thei chiah lo a.Mahse,ram nuam,ram tha,vanram pate ang deuh chuan an pawm deuh fur si a.Ram nuam,ram tha a ni meuh em? tih hi sawi ka duh deuh chu a ni a,kei chuan a tha ka ti meuh lo. Pu Vawmphunga khan, “Ram tha chu thlawhna,rel,motor,lawngin apawh vek theih hi ani,” a ti a,a dik ka ti tlat mai.Kum zabi 21 naah pawh rel ala rawn lut thei lova,kan airport hi a changkang lo riau an ti.Ruah sur nasa,chhum zing a vanga tum theih loh hi chu dan alawm.Lo hal khuk vanga an tum theilo hi chu….nia,sum a awm chuan Rel mai maite chu a la rawn lut dawn khawp mai a,a chuan man a tlawm a,thilphurh man a tlawm bawk a;Tlawng luite hi a tihdan ala awm maithei a nia. Heti khawpa ram chhengchhia,tlangram ah pawh kham sang pui pui,hetiang rama Seifa te kan awmna chhan hi chu kan dawih vang?A dik maithei a,kan tlem vang zawk a niang.Kawlphai an rawn thlen khan an aia huai,Kawl an lo awm tlat a.Thlang an tla zel a,Hringchar phai an zuk thleng leh a,anni aia huai zawk an lo awm leh a.A hmarchhak deuh ah Meitei an lo awm bawk si,a thlanglam an ti leh a,Bangladesh ho an lo awm leh a,tuman an luah peih loh tlangbawkah chuan kan awm alo ngai ta anih chu.Pawi ka tih ber chu kan pu Chhura khan alo vaw zawl tlem lutuk hi a ni.Hetiang State pakhat ve rengruangah te hi chuan phaizawl ram pharh tha tak tak te chu awmve bawk awm,playing ground tur pawh kan nei mumal thei lo chu a ni e.Khelmual tha Lammual lah sipai ta a ni si. Japan ral lianin Mizoram an suasam lo kha mihlim ho chuan ‘kan tawngtaina Chunglam ami in a chhang’ an ti a,enge i ngaih ve dan?Kei ka ngaihdan chuan Japan it tham kha Mizoten kan neih loh vangah ka ngai,leh tlat mai a.Khang hunlai kha chuan kawngpui lah metal loh,chutah ala te em em zui bawk a.Han hawi vel ila di-in hlir kha ani mai a.Manipur te chu Japan ho pawhin an it a niang,an bei chat mai anih kha.Keini ram ve ah chuan engmah awm hek lo,buhfai lah chu tih tham awm bawk silo,an it tham chu awm se chuan an rawn che ve tho law’ng maw? BLAH & THE HMM!! Ka thinlai mu hnu a kaitho thar leh dawn alawm,han ti ho ila,nuam dawn asin.Nangnichu Computer nen a nia,kei chu KUT ZIAK kha a nia.Blah (the Blah nalh zawk lo maw?) chu Detective Denga thawnthu ami hming in ruk a nia,ruk rukah chuan a pawilo pawl tak ani awm asin.The Hmm!! pawh hi chutiang tho,ka hmuh/ka hriatna chu Tluangte Hnamte chanchinbu ‘Leihringnun’ ami kha.Horrorscope tawpna lamah khan a mi ngei zawng deuh kha a kah tir thin,a hming neitu chu LUMA THE HMM!! Kan upa tulh tulh a,tleirawl an tha telh telh a,lenna tur a vang tulh tulh bawk a;fin vang bik pawh ni lovin engemaw ( Ees Bee band hi Ben-a leh Meshak-a leh David Ben-a te an chang chuan thu te hi a tlang duh zek a,kan hawihawt tulh ni ta in ka hria,a dik em?He hla hian Thalai pawl thu leh hla tulh bawk a.Hei hi Khawvel a ni! inziahsiaka hla phuaha pahnihna a hauh.Tih leh hunah Awle,han ti ila,mi tih loh dan pawh ani bik lo a.Tunah ban pakhatna nihna hauhtu hla phuah kan rawn ti leh ang. – Dta) hla ilo sa ang u!