Blah Vol-28

Blahz:

Vol. 28

Dawtea

Marina

Atea Sailo

Stanley

Thupui : Zu dawn ding,nam king kiang ding,rui lo ding!

Blahtorial. Thu leh hla a rauly tum hian I lawrkhawm ang tih leh Nitzan mizture hi a tlem tlangpui thinin in hre ve em?Tunkar Blah hi Mimi-i te inneihna ah kan kal ve theih loh tak hlauhin tih thu ah an inneih lawmpui nan kan hlan dawn mawni le?Kan kal ve thei anih tak leh Wedding bulletin atan kan hlan mai dawn em ni zawk? ‘Hla huang’ style kan thlak hian inlawm a hlawh viau chuan Marina’n hla chham mi (poem) a phuah pawh kha a style dang deuh hlekin kan la rawn khuainuai leh ang.In ngaihdan min hrilh hlawm ula,a tha ang.Hlaphuah thar in awm apiangin tarchhuah atan min hlan phal ve zel a ngem? Tunkar ‘NCC huang’ hi Diktea’n a nupui fanaute Kiriat Arba lama a dah chhoh vanga rawn khaichhuak kan ni ti ila in awih awm vei.Engle khawle…awh…engkhaw le le,NCC huang man to ber anih hi,a chhan in hre chak em? Hmangaihna vanga nupuite hauh tuar hnem ber tunge tihin rawn zawt thut ta hlawm che u ila,sawi chak si,sawi ngam silo in kat nuk a rinawm.Thil tamtak hi ngaihtuah tur,ngaihtuahna kan neih lai hian. ‘Val lai khamlo zuapa’ tih sak apianga amah kan sak chhan emaw inti thin khan Val lai a kham tak chhante hi in hre bik em ni? Hmangaihna sawi takah chuan Lalhmangaiha,Hma-a hi a Ivrith hming hrelo in la awm takin ‘Jonathan-a’ anih ve hi.A Thu benglut hi blahtor e-mail lama vawm chho tur hian ‘chuan’ hian a kaihruai ve phian.A hnathawk a hah lutuk loh chuan….a fapa in games a khelh zawh hmaa a muthilh hman loh chuan….an nu in…chuan,a hnathawhna ah police in Thailandi emaw tia an man loh chuan….a ni duah.He ‘chuan’ hian engchen nge min dampui theih ang aw? Tak ana,Atea hian rau lam atang ni chiah lemlo in thu a dawng tak e.Kan rawn chhuah hman lo a,kan Blah leh hmasak berah kan chhuah ngei a ngai ang.Blahz ho hian thu kan thawh vek tawh,ani chiahin ala thawh lo.Ani hi mipui hmaa thusawi ah Blahz zingah a champion ani tih hi in lo hre ve tawh em? A mak hle mai,tun tum blahtorial chu ‘makna (!) ni lova zawhna (?) hlira a paragraph a tawp tak chu le.Engtinnge zawhna ni lova makna a ka tihpawh tak ang!? Shabbath shalom ule! - Dta.

Hmaa

Diktea

Dated : 7.8.2009

In zawhna te Q : Nitzan lam hawia nitin zantin ka zun pawhin awmzia a awm silo a,Ma O’tzur (Madini te in lam) hawi hian ka zunna ka sawn mai dawn em ni le? Chulo ah in k’u-i khan shabbath hmang turin min sawm duh bawk silo. - Dika. A : Nangpui roh hi,i lerh kawh e.Dawhthei takin han nghak tlauh tlauh ta la,a zia mai ang! Q : U Maseni hi tunlai a dam em?A chanchin in rawn chhuah tawhlo hian chhan a nei chiang. - Maheri of Maalot. A : A chhul lam thalo kha a that tawh chuan a dam e.A chanchin kan rawn chhuah tawh loh chhan chu,an pa hi tlawn a ngai miau alawm! Q : Mizo-Israel-Christian maw?Mak deh duah duh dawn hle mai.A chhan bulpui han chhuichhuak teh u a,in ngam loh pawn Sharon Khuma kha fuihpawrh teh u. – Marema of Kiriat Arba. A : A mak deh duah duh dawn anih hi.A chhan bulpuite chu keini te chuan chhui mah ila kan chhuichuak thiam ve teuh lo mai.Sharon Khuma chuan , “ Politics a inrawlh tlatin ka hria,ka inrawlh lo mai ang,” a ti! Q : Jimmy Lallianmawia hian hla a phuah ve em?A phuah anih chuan Hla huang ah rawn zep lut ve teh u. - Tete-i of Chafon. A : Hla phuahmi a nih loh vangin a phuah lo..Mi hlaphuahsa hi lungleng deuhin sa hlerh hlerh se a inhmeh ber alawm! Enge an sawi? * I lakluh aia tlem hmang la,tichuan lei i ba ngai dawn lo nia. – Yiddish Thufing. * Kum hian amah ngawtin hlutna a nei lo;ngiahtuahna hman leh inthununna tel lo chuan…. – James Truslow Adams. * Mi kal muang chu ka ni nain hnungtawlh zawng chuan ka kal ngai lo a ni. – Abramham Lincoln.

Thu BengluT. Kum 9 mi Jayla: thih hmaa pasal nei duh. Hmeichhe naupangte hian an pasal neihni tur duhthu an sam fo thin a,inneihkawr var mawi tak hak a an hmangaih tak te nen ropui tak a mipui hma a inneih te an mitthla thin ,mahse Southlake a hmeichhe naupang kum 9 mi Jayla Copper tan chuan hei hi a rem ve tlat lo.Amah hi kum hnih lai cancer (leukemia)lo vei tawh ani a,doctor te chuan kar tam a daih an ring tawh lo,mahse Jayla hian pasal atan a duh a nei tlat.Jose Griggs, Dallas Children's Medical Center a damlo ve tho a kawmngaih em em chu “Ka ngaina in ka hmangaih ani” ati.A duhthusam tih hlawhtlin nan hian mi tamtak in pawisa an thawh khawm a Jayla leh Jose chu ropui takin an innei ta ani.

in a vap chu Spanish Satellite chuan khawvel pawnah a han dah ani.Tin,an nu vap pawh a hnu kum sawm ah khawvel pawnah bawk kahchhuah leh ani. Angel Pantoja: Amah vuina-ah dinve a duh. Angel Pantoja Medina : Puerto Rico ami chuan a thih hunah a ruang chu hlimhmel taka amah vuina a dintir ve tur a duhthu alo sam tihpuitlin nan, a nu chuan a sun hun nithum chhung an inah a fapa ruang chu NY lukhum leh sunglass bun chungin a din tir.A unaupa Carlos chuan “Angel hian athih hnuah pawh lungkham neilo leh hlimhmel tak a lan hi a duhthusam ani”a ti!

A ui tan $12 million hnutchhiah .

Leona Helmsley;khawvel mi hausa tawntaw ,Helmsley Hotel neitu leh New York in sang ber Empire stete building neitu chu kum 2007 khan a boral a.A unaupa Alvin Rossenthal chu $10 million a hnutchhiah a,a tute pali zinga pahnih chu $5million ve ve hnutchhiahin a tute pahnih dang chu a chhan sawi loin cheng khat mah a pe ve lo.Hetih mek lai hian a Ui ‘Troble’ tia a koh chu $12 million a hnutchhiah thung.Hemi baka a sum la chuang maktaduai tamtak chu ui enkawlna hmun hrang hrang tanpui nan a la dahhrang hram. A ui enkawl tur hian Lekic, chu kum khat a $60,000 in rawih ani a,a ven nan kum khatah $100,000 leh chaw man $1,200 leh tihfai vel nan $8,000 te ruahman ani. He Ui Troble hi a thih hunah $1.4 An nun pasal dang aneih leh chuan a ro a khawm thei million man thlanin saksa ah phum tur! ang. Thih hnu-ah an nu tan pangpar. Kum 1841, khan German hlaphuah thiam,Heinrich Heine Jack Benny chuan a thih hnu ah an nu chu nitin rose kuang nula nasa ve tak mai chuan Eugenie Mirat nupui atan a nei a. khat dawng ziah turin ruahmanna alo siam thlap mai a ,kum An nu chuan thil engkimah an-na tur a hmu hi ani ringawt 1974 ,chrismas-a a thih tuk atangin an nu Sayde Marks mai a, an nupa chuan hlimni hmel an hmu mang lo ani ber. chuan pangpar hi dawng tan in ahnu kum 1983 a a thih ni Kum 1856 a Heine a boral chuan a in leh rosum zawng thlengin nitin an pa hian pangpar ala thawn ani. zawng chu an nu Mirat hian pasal dang a neih leh chauh in a nei thei ang tiin thurochhiah a siam ani. Engvangin maw? A nupuiin a ro a khawm duh chuan nitin zial tlawn Heine chuan “Tichuan ka thih hi mipakhat talin pawi anti nga a zu tur ani. ngawih ngawh dawn tih ka hria ani” ati. Samuel Bratt chu zial heh ve tak thin ani a, mahse an nu’n zial zuk a phal loh tlat avangin uitak chungin a nghei A vap khawvel pawna paih duh. thei hram ani . Kum 1960 khan Samuel hi a boral a,a khawvel deng chhuak khawpa hlawhtling ‘Star Trek’ flim thurochhiah ah chuan a nupui hi a sum Pound 330,000 a siamtupa chuan Science Fiction an ngaihsan em avangin a hnutchhiah a, mahse he pawisa dawng tur hian an nu chuan ruang chu halral a,a vap khawvel pawna dah turin nitin zial tlawn nga a zu ziah tur ani zu ti mauh a. thurochhiah a siam a,heihi kum 1997 khan tih hlawhtlin sak Hmeichhe ngaisang lo. Iowa ukil Zink chu kum 1930 khan a thi a, hmeichhia a ngaisang lo viau nitur a ni.Thurochhiah ah chuan ,a fanu chu $5(Dollar nga) pek tur ani a,a sum neih dang zawng zawng chu ‘ZINK WOMANLESS LIBRARY’(hmeichhe tel lo library) siamnan a hman tur’ a ti.He library ah hian hmeiche thuziak reng reng,article emaw essay emaw thawnthu pawh a awm tur ani lo a.Member ah pawh hmeichhia an tel tur ani lo a ti.Tin, library kawngkhar ah ‘Hmeichhe luh phalloh’ tih a intar tur ani ati bawk.A fanu cheng nga chauh dawngtu chuan court ah he thurochhiah hi pawm lo tur a ngen hlawhtlin avangin ‘hmeichhe tello library’ chu din ani ta lo ani.

Hla huang! (Tuntum kan hla huang chu a style tlemin kan thlak danglam,chhunzawm zel chi ni tak maw? – Bl). Zawhna : ‘Nang nena Lendun’ tih hla,pu Meshak Israel-a phuah kha a chepa kai atangin sakhi thingchung lawn chho la,a hla thute hrilhfiah nghal ang che. Chhanna : He hla hi hla lar tak a ni lem lo a,Gush Kativ mi leh Blah vol.26 chhiar pha chin deuh chauhin an hria pawh a ni thei.A hre ve lo kan tam zawk avangin duh dan danin kan ziatkawlh ang! He hla phuahtu,pu Meshak Israel-a hian he hla hi Gush Kativ-a an awmlaia a phuah a ni a,Lengzem hla a ni.Amah hi mi lungleng leh khawhar thei mi tak a ni a…..ti ila dawt kan sawi duai tihna a ni ang.A naupan laiin ‘zawng sihsiam sual’ titawk pawh lo awm mahse,an demawm lem loh maithei.A tleirawl chhuahtirh hian ‘Van Damme’ a ang hle a,a an lohna chu a hnar ah leh a hmel ah chauh a ni.Chutiang khawpa mi hrisel pawh chu ni mahse,he an sawi Hmangaihna hian alo hmer vuai ve thei viau tih a hla atang hian a hriat theih. Pu Meshak-a (ti deuh chhen teh ang!) zaithiam tiha sawi tur ni lemlo mahse a aw hi a tham nalh ru riau. ‘A zaithiam lo a,zai a thiam’ an tih ang chi kha a ni bawk.Israel radio vel hian amah hi rawn hrefuh se,fakna hla satu atan an lak mai pawh thil rinawm tak a ni. He hlaa lendun puia a sawm nen hian tunah lengdun tawhin nupa inkawp chawi-mawi tak an ni a,fapa pawh pakhat lai an nei.Tunah an nu hian a chhang tur a pai mek a ni.Tuna an fapa hi alo thanlen hunah a pa a chhun chuan zah a hre vak lemlo a nga,a nu a chhun erawh chuan a kawlh viau maithei thung. Awle,tunah a hla lam luhkhung tawh ila.A chang khatna ah ‘Ka lawmna ka hlimna ber’ tiin peh hel lem loin a hmangaih em em-i chu a’n ti nghal tawp mai a.He thu atang ringawt pawh hian a thiante ho in engvanga ‘Lalzamlova’ ti nge an nih a hriat theih awm e.Mahsela,tunlai chhanah nula va rim duk duk a,thiante insawi luhtir ai chuan a pa tawh zawk ve pah reng thung. A thunawn hi a thluk..oh..a thu a nalh em avangin a vaiin ka’n dahchhuak law law teh ang : Tiang ang renga hmangaihna, Ka tawng ngailo he leichin ah. Min dem lo la ka di, ‘Ka hmangaih che’ tiin ka hlan a che. A va ropui em!A thu chhakchhuah tawh zawng zawngah chuan Tiang ang renga hmangaihna… a tih hi ala dik ber awm e tih an nupa hrechiang ho chuan kan hria e . Khawvel mi ropui tamtakte pawh hmeichhia vangin an lo kur ngi ngiai tawh hlawm a,tlakchhiat phah

pawh an tam awm e.Samson-a an hneh theihna chhan pawh hmeichhia vang a tih theih awm ang.Cleopatra-i chanchin vel pawh chu sawi a tul lo.Amah pu Meshak-a hian he hla a phuah lai hian amah hrechiangtu inti te chuan hmangaihna ngaihsak lemlo leh tah pawh tap ve theilo hmuhin an hmu maithei.Mahsela,alo ni awkawng bik lo tih chu a hla chang hnihna en hian a hriat mai. Hmangaih biahthu a bialnu chu a’n hlan tawp mai a,lawm taka alo pawmsak avangin‘ Lawmin ka tap ruai e!’ zu ti nia le! ‘Chung Khuanu thil duan hi, A tha ka ti ka sawisel lo.’ a han tithei mai hi chu mi awhawm ve tak chu a ni.A rukin alo sakhaw mi ru phian ani tih pawh a ngaihruat theih ri riai awm e.Fanau maltluan chawia Es…oh…lendun pui atana Khuanu hnena a dilna chu chhan-in a awm a,chhungkua an din ve ta.Chhungkaw hlim tak an nih chhoh zel theihnan hla te phuah belh zel se a tha ang,Fapa puak hla te pawh phuah zel rawh se. Zawhna a ‘a hla thute hrilhfiah nghal ang che’ tih hi chu hnawl mai ang u.A hla thu han en hian hrilhfiah ngai khawpa thu harsa hman engmah a neilo a,a simple mawl nalh zaih mai. Hmanlai! (Gush Kativ awmlai hla kan chinglet a,lung a leng laklawh. ‘Haihawt Association’ din chungchang kha rawn vawm bei leh law law teh ang. Bl.) Mi rinawm tlet tlawt hnen atanga thu kan dawn danin Rav. Saptaia bula thawkte chuan Haihawt Association an din a,an hruaitute pawh an lawk tha ber ber hle.Kum 2005-2006 chhunga an hruaitu an thlante chu heng ho hi an ni :Chairman : Pi Thani Vice Chairman : Pi Thanghliri Secretary : Pi Zawmi Asst. Secretary : Pi Kungi Treasurer : Pi Dari Speaker : Pi Dovi. Tin,senior adviser atan Pu Vana thlan an tum a,an nominate a,a hnial loh ngei an beisei.Sum tihpun nan an talent mipui hma ah show thuai an tum bawk. An thiltumte han tarlang lawk ila :1) An bungraw neih zawng zawngah a neitute’n an hming an ziak vek a nga,an phone no. an ziak bawk ang. 2) Heng an bungraw tihbo lo hmutute chuan pekir leh zel tura ngenna siam a bawhzui. 3) Haihawt hi piansualna anih loh zia uar taka tlangau pui. 4) Scientist-te hnena haihawt damdawi siamchhuahna tura tanpuina pawisa pek. (An thil tihtum an puitlin hma in Gush Kativ atanga pawhchhuahin kan awm a,kan awm hrang ta nuaih bawk si.Hetih vang hi a niang,u Joel-a pawh hi ala hawihawt tluan zel ni! -Bl).

Mimi-i’n pasal a nei dawn. Khawvel hi a mum ani tih a chiang leh ta.Mimi-i’n pasal a nei dawn a,kan lawmpui chiangkuang.A pasal hi ‘enga?' tihpui theih chu nise an wedding bulletin kan han siam tur a nia leh.An hriat lohin heti lamah hian kan lo siam mai dawn em mia’ng? Amah Mimi-i hi kan hmuh lohna a rei tawh hle mai.Israel kan thlentirh,Jerusalem-ah Yeshiva-a kan zirlai kha chuan ala in la nula lo asin mawle.Zakzum ang deuha lan te kha a thiam a.Zan khat chu a powder diak(!) inhnawih kha alo paw deuh hlek a niang,a hmai a hup zankhua.‘Thil var lam a ngaina vak lo anih dawn hi’tih ngaihtuahna chang reng reng kan lo hre lo a! Ni 27.8.09 a pasal atana neih a tum hi Ethopia lam unau ani a,a hming chu an inneih card ah an ziah kha,lo en ve mai rawh u.A hmel kan la hmu lo naa,rin dan kan nei.Aizawl lama kan thianpa pakhatin, “Mipa chu hmelchhia kan awm thei tak tak lo,kan chhiat poh leh kan pa ani mai,” a ti a.Chuan thianpa pakhatin, “Mahse..hmel pa leh lutuk hi chu hmeichhia hian an rap deuh thin a…”a ti.Chuan,Mimi-i pasal tur hi a hmel a pa viau kan ring a,na tawrh huai hmel tak anih tel ngei pawh kan ring.A vun colour chu amah la hmu lo mah ila a mitthla theih mai. Warning: An inneihna ah hian kan kal anih chuan Matana ken theihnghilh loh tur.Israel-ah kan awm rei ve ta deuh deuh a,kan fing ve ta deuh deuh.Enge kan fin ve tak deuh deuhna maw? Ele,inneihna-a kal hian present pe lova kal a nuamlo tih kan hre ve tan mawle.Khulh tur pawh an chhawp nual ang,rui khawpa kan in anih pawhin buainan hman loh tur.Fiamthu a lang tlat. ‘An Sunday school-ah khan Evi leh Adam-a chungchang kha an zir a niang.Naupang pakhat chuan an zirtirtunu hnenah, “ Ka pa chuan ‘Zawng thlah kan ni’ a tih si,” a ti a.An zirtirtunu chuan, “I pa te lam chu Zawng thlah pawh an lo ni maithei a,chutiang lam ka ngaihtuah lo…..” a ti ta zek a. Chuan,Khupah laiin he fiamthu hi ngaihtuah chhuak miah lo turin mitin kan warning che u a nia! Duhsakna. Nupa inkawp rem tak ni chho zel turin duhsakna kan hlan a,chhungkaw puitling leh hrisel tak din chho se,hlim tel ngei bawk se kan ti.Tin,Mimi-i hian a pasal tur hi fa hrin sak teuh se,an pa aia vun colour da zawk ni vek bawk teh se. Love is…. Anmahni hi a hring a hrana han kawm kan chak viau naa,kan inhlat bakah an phone no. kan nei silo a.Chuvangkhan,an khaw lama pa pakhatin, “Kan khua ah chuan ‘Love is blind’ tih kha ‘Love is black’ tihin kan hmeichhe ho tan kan thlak sak,” a ti!

NCC Huang. Sa rawh chungchang. Tunlai sangha man tura Tuipui lama kal peih kan awm mang silo a,khofesh gadol te alo hnai leh ta bawk si nen,sa rawh (barbicue) lam han sawi deih teh ang. Meihawl. Meihawl chhem dawn hian a chhemna bik khawnvartui hmanglo a thing nawia kan fawhkaitir chuan a thing a lin fel hunah chauh meihawl dah tur.A chhan chu a khuk duh bakah meihawl a uihawm.A thingnawi ala alh si,meihawl a ling tawh si,sa ala rawh chi si loh.Meihawl a ling thlawn a nimai. Reshet. Reshet hi Mizo tawngin kan Duhlian thiam bik lo.Enge anih erawh kan hre theuh.A mangal (sa rawhna bawm?) a mei a alh lai khan a mangal ah khan dah tur a ni. Chutichuan. Kan han sawi ho hi chu in hre vek,kan sawi leh tur pawh in hria,mahse kan sawi tho ang.Sa kan rawh reng rengin a meiling hi sa lutuk tur a ni lova,a sat lutuk chuan a pawn lam a ut huam a nga,a chhung lam a hmin tak tak si lovang.Sa rawh dawn reng reng chuan a rawhna tur bulah tui inchhawp tur ani a,mei a rawn alh veleh tuia kut hnima a mei kha zuk theh hlum thin tur.Ar thla rawh phei chuan a ngai nasa lehzual.A chhan chu,thau a nghah a,mei lingin a’n hem khan a thau a tla a,a alh duh bik.Meialh a rawh lahin a ut muat ringawt lehnghal. Kan sa rawh dan hi. Keini ho hian sa kan rawh reng rengin a sen deuh thap loh chuan kan ei duh lo,kan ten.Steak rawh te hian,reshet ah kan han dah a,a chunglama a tui tling a rawn awm khan let thawk ila.Chutia leh thawk hnu ah a sa kan leh hun awm vel ah khan han let leh thawk ila,ei nghal bawrh bawrh tur.Ar thla hi kan rawh hnem ber a,vil ngun a ngai ber bawk.Ar thla rawh hi chuan leh zung zung tur ani a,tlema a sen deuh thep khan thur nalh tawh tur.Keini ho Al ha-esh sa ei duhdan hi chu,sarep ei nen kan inang reng a tih theih awm e.A ut deuh thap loh chuan ei kan tum lo.Aw,hetiang thu pawimawh ziakthiam tur hian tawngkamte hi han thiam ila aw.Anih loh leh a tak ngeia inhriat theihna turin Sa lo lei ula,Al ha-esh pui che u in va chakawm tak em! Nitzan mixture. Menakhem Ilan chuan Bar Mitzvah alo tling ve ta der mai,kan va Mazal tov tak em.Tun Shabbath shakharith inkhawm zawhah khu’tah chawhlui an buatsaih dawn niin thu kan dawng.Tlangval fel leh mi chaddik tak rawn ni chho mawlh turin duhsakna kan hlan e. Karleh Sunday zan, 9th /8/09 khian In sathei zawng zawng (Zakai) zan dar 9:30 ah thurel a inhmuhkhawm tur a ni. Kan khaw Mazkir Lior Kalfa ho in, ‘in sak theih dan tur chanchin sawi ho’ tih vel a ni. Puitling ho kha chu kal vek i tum ang u.Heihi ziak inhriattirna hnuhnung ber a ni.A hmun chu Snif Ariel (Pu Avin te in bul) ah a ni. Ate Sela California zin chuan, “Helam chu a boruak a dang zak mai,”a rawn ti a niawm e.An nu hnenah a sawi ve a ngem aw ?