Barack Hussein Obama Vinn Nobels Fredspris

Obama vinn Nobels Fredspris For kort tid sidan offentliggjorde Nobelkomitéen, ved leiar Thorbjørn Jagland, kven som får Nobels fredspris 2009. Då han annonserte at årets vinnar er USApresident Barack Hussein Obama, gikk det nærmast eit gisp gjennom salen på Nobelinstituttet. ”Han får prisen for sine visjonar, og sitt arbeid for ei verd utan atomvåpen. Han har fanga verdas merksemd og gitt eit håp om ei betre framtid gjennom verdiar og holdningar”, seier Jagland når han grunngjev komiteen si avgjersle. Obama har ikkje utretta noko politisk seier når det gjeld fred. Noko av det første han gjorde då han blei president var å setje fleire soldatar inn i Irak. Dette kan sjå ut til å vere litt rart for ein president som skal representere håp og fred for verda. Obama har veldig mange politiske planar for framtida av verda, og mykje av det gjeld fred. Han vil til dømes ende krigen i Irak. Han inviterar òg leiarar frå Midtausten til å komme og snakke med kvarandre for å prøve å løyse problema mellom seg. I fredprisens krav for at ein person skal kunne verte nominert, står det tydeleg at personen skal ha utretta noko unikt og stort når det gjeld framgang i verdsfreden. Obama har ikkje gjort noko av delane. Fredsprisen han har fått ser ut til å vere basert på draumane til Obama, og ikkje det han har utretta som individuell person. Mange meinar at Obama kan forandre Amerika, for ikkje å snakke om verda som svart president, i eit land der makteliten er malt kvit. ”Obama fargeleggjar det kvite hus” er ei velkjent og mykje brukt frase. Majoriteten av USA si ariske befolkning undertykka svarte heilt fram til 60-tallet. Og ikkje før nå har USA fått ein svart president i et land der klasseskilja framleis er tydeleg synlige. Eit land som startar krigar og blandar seg inn i krigar for profitt. At Obama som president har satt for seg mange gode prinsipp når det gjeld verdsfreden er ein super ting. Litt enkelt forklart; Du blir nok veldig glad og syns eg er snill viss eg seier eg skal gi deg ti milliardar kronar, men det betyr ikkje at det kjem til å skje. Du betalar ikkje mannen i kassen før du har fått nokre varar viss han seier han kjem til å gi deg varene ein eller annen gang i framtida. Eg syns det ser litt mistenkeleg ut frå komiteen si side når det var mange kandidatar som utretta meir enn det Obama har gjort i 2009. Det herskar til og med tvil blant nokre av komitémedlemmene om Obama verkelig ville klare å følgje opp sitt sterke internasjonale engasjement. Om Obama skulle få fredsprisen i ettertid, etter vi har sett korleis ting går, får han sikkert nok med problema på heimebane med blant anna helsereforma og finanskrisa. Dette kan gjøre at han ikkje vil greie å prioritere det internasjonale arbeidet tilstrekkeleg til å ha fortent Fredsprisen. I dag, torsdag den 10. desember kjem den mykje omtalde presidenten med etnisk opphav til Oslo. Fleire personar har allereie verte arrestert for å utgjere ein trussel mot sikkerheita hans. Det er masse hysteri og paranoia rundt denne saka. Vert Obama drepen i Noreg? Vert Noreg eit kjendisland etter hans besøk? Vi får sjå korleis det går.