6 Sep

Estd. A land of Reliability Computer leh a kaihhnawih,Blank CD-wholesaleleh retail-in kan pe chhuak reng e. Computer leitute tân Operating System kan zirtir thei. Computer zir duh tan Zion Street -2311343/2323512

Tuitu (Kâr tin Chhuak)

(An Official Organ of Electric Vêng Branch Y.M.A) Office : YMA Hall  2310168

Postal Regn No. NE - 1085

YMA chu tanpui ngaite .tanpuitu a ni .

Vol. 16 N o . 3 6 T U I T U : E l e c tri c  

Vêng chhûng  VC-te hmalaknain ni 2.9.’09 khan Health Sub-Centre kawtah PHE Department chuan tui pump thar an rawn siam.  Pu R. Vanneia (B-3) Sec-IV chu hun engemaw chen Civil Hospital ICU-ah enkawl a nih hnuin ni 5.9.’09 khan Apollo Hospital Kolkata pan pui a ni.  Pu L. Dara (B-5) Sec-III chu Grace Nursing Home-ah enkawl mek a ni a, a dinhmun a ziaawm thei vak lo.  Pu Lalremruata s/o Englaia (B-4) Sec-II chu Electric veng Health SubCentre IV-Grade atan lak thar a ni.  St. Mary’s Church chu ni 6.9.’09 zing dar 10:00 hian Bishop Most Rev. Stephen Rotluanga’n a hawng dawn.  Nl. Lalhruaitluangi d/o C. Lalhmangaiha (B-8) Sec-I chuan MZU a\angin MSW First Class-ah pass in 2-na a ni.  Np. K. Lalremmuana s/o K. Lalawmpuia (B-8) Sec-I chu ni 4.9.’09 khan Civil Hospital-ah a tonsil zai a ni.  Pu Lalventluanga (B-1) Sec-V taxi ni 31.8.’09 zana bo chu ni 2.9.’09 tlai khan KVM Hr. Sec. School bulah him taka hmuh leh a ni.  Np. Lalhriathlui d/o Lalruatkima (B-4) Sec-II chu a ka na avanga Civil Hospital-a awm chu ni 2.9.’09 khan a lo chhuak.  Pi Dosiami (B-4) Sec-II chu taksa chak lohna avangin in lamah enkawl mek a ni.

1994

Ralauva Steel Work R.Dara Building bul Grill, Steel gate, Rolling Shutter, Collapsible gate leh thir a\anga thil siam chi tinrêng kan siam thei e. Min rawn dâwr ve ngei tûrin ka ngên a che u. Proprietor Ph. No. 2328825

v Ê n g : A i z aw l   : 6 . 9 . 0 9   ( pat h ian N I )

Chhiatni Inkaihhruaina Thlan\hut : Mizo danah chuan thisen zawmpui ngeite khualkhua ami an thih a, vuina a kan tel theih loh chauhvin thlan\hut a ni \hin. He kan dan \ha tak hi hre rengin thlan\hut chin tur hi hriat chian a \ha hle. Thih champha serh : |henrual \ha/ chhungkua inpun khawm meuhva thih champha serh hi chin loh ni se. Lungphun : Lungphun hi ruai \heh nena tih bung bung kan ching thar leh ta a. Nei vak lo pawhin tih ve zel kan tum ni te pawhin a lang. A senso tlem zawnga thingpui nena lungphun mai hi a \ha. Hlamzuih : a) Mi, thla thum (Ni 90) hnuai lam a thih chuan hlamzuiha ngaih a ni ang. Mitthi kan insawngbawl dan leh in\awiawm danah, mitthi pangngai anga buaipui tur china ngaih chu thla thum chin chung lam a ni. b) Hlamzuiha thite chu an chhungten an duh a nih chuan mitthi pangngai angin an thlan chei leh lungphun pawh a pawi lo. Mikhual Thi : a) Veng chhung mi ni lo, veng chhunga an ruang lak (vui tur emaw, phurh chhuah tur emaw pawh) a nih dawnin YMA/Khawtlang hruaitute nen sawi ho/rawn hmasak tur a ni. b) Kan veng chhung a\anga hmun danga ruang thawn chhuahte chu kuang siamsak an nih bakah puan pahniha tuam \hin an ni. c) Phurh chhuah leh mai tur pawh ni se ruang nghahna ina chet \ulna leh an kal dan tur remchang dappui te, laina hnai zual pun nghal mai thu-ah te leh chawpchilha mamawh thilah YMA-ten bengvar chhuah ila a \ha. d) Tlawmngaia ruang zuitute hian mahni intodelh tum ngei tur a ni a, \ul bik taka ruang zui ngaiah chuan YMA-in zuitute zangkhaipui dan tur an rel chawp \hin ang. e) Ram dang mi, hnam dang mi, dan lova awmte thih chungchangah rel ngai awm chu YMA/Khawtlang hruaituten an rel \hin ang. Thlanmual enkawl : a) Neitu chan chang taka thlan mual enkawl hi kan zavaia mawhphurhna a ni. b) Mitthi chhungten mahni chhungte thlan tihfai leh duat taka enkawl hi kan mawhphurhna a ni tih hriain sam fai \hin ni se.



Correspondents Vanremsânga, John Zoliantluanga, F.Lalchhandama P.Lal\hasânga,Vânlalchhuana, R.Lalmalsâwma R.L.Rinfeli, B.Lalhminghlui, Rochhingpuii O.B. In charge : Vânlalmuana(Fin.Secy)

Editor Phone No. 9436350697 Tuitu : 2310168

Jt.Editor Asso. Editors Cir.Managers

: Lalchhuana Renthlei : Lalthankima, R.Lalthlamuani R. Lal\hakima, Lalchuangliana : K.Liansânga, Francis Lalnunmawia, F. Zokhûma, Lal\anpuia Selsa

Editorial ....................................................

Psychologist ho chuan mihringte hi nu pumchhunga kan awm lai a\angin thil kan zir \an a ni an ti a. Nu pum a\anga kan lo chhuah a\ang phei chuan zirtur hlirin min lo hmuak a. Kan chenna inchhung leh kan chenna khawvel boruak kaihhruaiin kan lo puitling chhova. Kan entawnte nundan a \hat leh \ hat loh a zirin kan nunah a lang chhuak \hin. Mihring hi midangte nena inzirtawn kan nih avangin mitin mai hi zirtirtu dinhmunah kan ding \heuh a ni. Chuvang chuan midangten kan nunah zirtur leh entawn tlak an hmu em? Zirtirtu \ha nge ka nih a, zirtirtu entawn tlak loh ka nih in chhut \heuh ang u. A bik takin nu leh pa te phei chu naupangte inzirna hmasa ber kan nih avangin nun dan pawh uluk a ngai hle a ni. Kan fate awmdan tura kan duh ang chiaha kan nun kan hman a pawimawh. Chakai nufa kal dan inzirtir ang leka a zirtirtu turin kal dan tur zirtir si lova fate kan dem leh ringawt \hin hi mahni mawng hlim kan ni tih i inhria ang u. Nu nau pai laiin fa hmel\ha leh duhawm neih a duh avangin khum bulah milem leh thlalak mawi tak tak an tar \hin a. Hetiang hian kan fate mi \ha leh duhawm ni thei turin nu leh pa te hian kan nunah eng ang milem leh thlalak nge entawn tur keimahniah kan tarlan ve i inen \heuh ang u. Banga nautelem tar pawhin a la piang lo mah a tih danglam theih chuan mihring taksa leh rilru pangngaia lo piang ve tawh chuan rilru leh ngaihtuahna zawng zawng nen pawh a hruai danglam vek thei ngei ang. Chuvangin mitin hian mite zirtirtu kan ni tih inhre \heuhin, kan nuna mite zir leh entawn atana kan duh loh siam \hat ngai ang ang siam \hain zirtirtu \ha nih \heuh i tum ang u.

(Veng chhung chhunzawmna)  Zohmangaihi d/o T.H. Zarliana (L) (B-1) Sec-V chu a rilphir paih a nih hnuin a dam \hat theih loh avangin karleh lamah Civil Hospital-ah zai \hat leh a ni dawn.  Rev. J. Vanlalhnuna (B-3) Sec-IV chuan ni 2-6.9.’09 khan Tlungvel Vengthar Kohhranah Crusade a nei a, K|P member 13 in an \awiawm.  Pi Chalnguri w/o Taimama (B-3) Sec-IV chu hun engemawchen Greenwood Hospital-a enkawl a nih hnuin ni 4.9.’09 khan dam takin a lo chhuak.  Pu Ngurdingliana, kum 30 chu ni 3.9.’09 khan Du rtlang Hospital-ah a boral a, a ruang hi a nu, Pi Luri (B-1) Sec-V inah lak a ni a, zan dar 9:00 ah an khua Ratu ah phurh chhoh a ni.

YMA

HUANG

Pu K. Liansanga President, E-YMA chhungkaw thila kar khat chhung zet Kolkata a zin chu ni 4.9.’09 khan a lo haw. Thlanmuala thlan lai te leh thlan siam ten an hriat tur tarlanna Notice Board chu siam mek a ni. Ni 24.9.’09 a Chief Minister Running Trophy hnam lam intihsiakna ami tur chu E-YMA Hall-ah zir mek a ni a, E-YMA aiawha tel tura ruat te duh angin kan la kim lo deuh \hin a, tlawmngaia veng tana rawn pen chhuak hram turin kan inngen nawn leh a. Hnam lam lama tui mite inthlahrung lova rawn tel turin kan inhriattirin kan inngen bawk e. YMA Hall sak chhunzawm tur chu ni 7.9.’09 a\ ang hian hna \an tum a ni a, choka lam la zawh loh chu hna hmasa a tur a ni.

Hriattirna

Directorate of Economics & Statistic Deptt. of Birth & Deaths Rules Mizoram chuan chhungtina mawhphurtu/ hotu apiang ten mahni inchhungkhura piang leh thi an awmin, mahni veng/ khua Registration of Birth & Deaths hnena pian/ thih a\ anga ni 21 chhunga report ngei tur a ni, in report lo chu dan anga hrem theih a ni ang. Hemi hunchhunga in report te chu a thlawnin Certificate pek an ni ang. Huntiam chhunga piang/ thi report lote chu ni 22 liam a\anga thla khat chhunga mahni veng/ khua RBD phalnain Rs. 2/- chawia register theih a ni a, thla khat a\anga kum khat huamchung chu Addl. Chief Registrar hnenah phalna dil hmasak tur a ni. Kum khat ral tawh chu Magistrate 1st Class hnenah phalna dil hmasak tur a ni. July1985 hnu lama Damdawiina piang/ thite chu record vek a ni tawh a, in lama piang/ thi registered tawh te record vek a nih tawh avangin Directorate of Economics & Statistic (RBD Section)-ah Certificate lam theih a ni. Vawikhat pian/ thih thu report hi dam chhung daih a ni a, chhiattawh leh tihbo palh a awm pawhin pianni/ thihni/ date of registration dik tak sawiin Certificate a lak chhuah theih bawk a ni. RBD in a pekchhuah chauh hi Dan in a pawm a nih avangin, mitinin pian/ thih thu report hi ngaih pawimawh tur a ni. Sd/- F. Emanuel Biakthanchuanga Secretary

‡ Lirtheia chuang (passenger) te tan mei zuk khap a nih angin, a khalhtu tan pawh inang reng a khap a ni. ‡ Zan lamah Taxi fare aia sang la \hin te chu thuneitute hnenah report la, hrem lovin an chhuak lovang.



YMA MOTTO

1. Hun âwl hman \hat. 2. Zofate hmasawnna ngaihtuah. 3. Kristian nun dan \ha ngaihVol. 16 N o . 3 6 T U I T U : E l e c tri c  

v Ê n g : A i z aw l   : 6 . 9 . 0 9   ( pat h ian N I )

Hriattirna

Article

Mizo \awng kan hman dik loh langsar zualte (Chhunzawmna)

kima

R.Lal\ha-

Naupang/Nopang : ‘Naupang’ tih mai tura ‘Nopang’ ti hi an awm leh tlat \hin. ‘Nopang’ ni lovin ‘Naupang’ tih tur a ni e. Tunah/ Tun hunah : ‘Tunah’ tih mai turah tun lai hian a bik takin Kohhrana inhmang tak takte hian ‘Tun hunah’ an ti fo mai. ‘Hman hunah’ ti lova ‘Hmanah’ kan ti mai ang leh ‘Nakin hunah’ ti duah lova ‘Nakinah’ kan ti mai \hin ang hian ‘Tunah’ tih fel et mai tur a ni. Tui hal, Mut chhuak/ Tui in hal, muthilh chhuak ‘Ka tui in a hal, ka muthilh a chhuak’ tih hi naupang chhe \awngkam a ni a, puitling tan chuan ‘Ka tui a hal, ka mut a chhuak’tih mai zawk tur a ni. Chutih rualin a dik zawk hi naupangte hrilh hriat ran a \ha khawp ang. Dan leh hrai/Dan leh dun : ‘Dan leh hrai’ tih hi dan leh thupek, inawpna dan leh rorelna dan tlangpui, tiin a sawi theih a, ‘Dan leh dun’ tih hi a dik lo. ‘Dan leh hrai’ tih lo pian dan chu heti ang hi a ni. Hman laiin khawtlanga Buh tehna tura Kho (Fawng) ang reng ‘Dan’ an tih leh ‘Hrai’ an tih chu hawh theihin Zawlbukah an dah thin. Chumi ngei chuan Buh chu an teh \hin tur a ni. Chumi hmang ngei tura thupek a nih avangin dan leh thupek sawi nan ‘Dan leh hrai’ an lo ti ta a ni. Entirna : Mi tu pawh Dan leh Hrai pawisa lo chu hrem ngei tur an ni. Chumai bakah/ Chulo bakah : Thusawi kar laka thil dang sawi belh nan ‘Chumai bakah’ kan ti \hin a ni ngai a; amaherawhchu tun lai thangthar \henkhatte hian he \awng kauchheh aiah ‘Chulo bakah’ zuk ti \hin a maw le! He \awngkam hi a dik lo hul hual a, sim vat chi a ni e. Chawhma,Chawhnu/ Chawhma hun, chawhnu hun : Chawhma, chawhnu kan tih hi Hun sawina a nih tawhsa avangin ‘Hun’ tih hi belh leh \alh a ngai tawh lo. Entir nan : “Chawhnua thusawitu tur chu Upa Bela a ni ang,” tih mai turah, “Chawhnu huna thu sawitu tur chu Upa Bela a ni ang,” tih duah hi a chuangtlai khawp mai; ‘Khaki Uk’, ‘Keima Mi mal Private Individual’ tih ang vel a ni. Kan sawi uar duh deuh a nih pawhin ‘Chawhma hunah/Chawhnu hunah’ tih ai chuan ‘Chawhma lamah/Chawhnu lamah’ ti ila a ziaawm zawkin a lang. Ngeih/Ngaih : Damdawi kan ei kan \hatpui hian, “Ka damdawi chu ka ngeih hle mai,” kan ti \hin a; hetih lai hian thangthar \henkhatte erawh chuan, “Ka ngaih,” an ti leh tlat \hin, a zia lo hle a ni. Heti 

Gas connection nei miah lo chhungkua te tan Gas connection book theih a ni a. Ratin Card phek hma lam xerox a, phek hnung lamah photo ID xerox leh tur a ni. Pianni leh kum bakah House No ziak lang bawkin mahni bialtu VC hnenah thehluh tur a ni e. Chhungkua a tu emaw ber hminga connection nei tawh tan dil buai a ngai lovang. Computer hmanga uluk taka check tur a nih avangin connection nei tawhte chu pek an ni dawn lo a ni. Sd/- Lalchhuana Renthlei Secretary, , Village Council/ Court : Electric Veng

P.L. Art

Marble leh Granite lung kherna hmun Chanmari, Ramhlun Road Aizawl, Thlalak pawh kan ker thei e. Veng chhung mite chu duhsak bik an ni ang. Contact No. (3-1)

H. Lalthanzama 0389 2328848 9862132182, 9612307909

Notice

The Alpha Skills Institute of ICFAI University, Mizoram invites application for Spoken English Course ( three months ) and Computer Course ( six months ). Application forms will be available at the Office during Office hours from 1st September, 2009. Montly fees will be Rs. 300/- pm. No admission fee. Course will be started on 16th September, 2009. For details, contact : The Alpha Skills Institute, ICFAI University Mizoram Building, Chaltlang Dawr kawn, Aizawl. Ph : 9612166708, 9862575100, (2-2) 9856836080, 9862133075, 9612163906

Thingzai mamawh tan

TKV-ah duh ang ang thlan tur a awm e, lo kal la rawn thlang ve ta che. A thlang hmasa sa vannei !! Lalthangzuali Electric TKV (3-1) Ph: 9862339746 ang sawi nan chuan ngaih ni lovin ‘ngeih’ tih \hin tur a ni e. Thawhtanni, Thawhlehni, Nilaini, Zirtawpni : Heng chawlhkar khata ni awmte hi tun lai \hangthar \henkhatte hian \awngah leh ziakah pawh lam tluan peih lovin ‘Thawh\anah, Thawhlehah, Nilaiah, Zirtawpah’ ti mai mai an tam ta hle. Chuti ang deuh chuan a Sap\awngin i han ti dawn chhin teh ang. Mon-ah,



Vol. 1 6 N o . 3 6

T U I T U : E l e c tri c  

v Ê n g : A i z aw l   : 6 . 9 . 0 9   ( pat h ian N I )

INLAINAT TAWN LEH INPUMKHATNA HI DINCHHUAHNA A NI 









Khawvela mipui rorelna sorkar lianber India ram hi huan zau tak, a chhunga pangpar chi tinreng parvulna hmun nen tehkhin \hin a ni. Chitin hnam tin, pian leh murna \obul inanglo, pianhmang leh vunrawng thlenga inang lo, sakhaw biak hrang dan pui pakhatin a hung khawm, India ram inpumkhatna atan nang leh kei hian mawhphurhna thui tak kan nei. Hnam puanzar pakhat hnuaiah hnam hla pakhat sa a inlungrual leh inngeih taka lenho hi India ram ngelnghehna a ni. Zoram bikah pawh chibing, hnam bing leh khaw bing sawi lova zofa hnahthlak zawng zawngte pheikhai rual taka hmasawnna kawng zawh hi hnam anga kan dinchhuahna bul tur a ni.

Issued by : Directorate of Information & Public Relations Government of Mizoram : Aizawl IPR No-73 Published

and

E d i t e d b y P. M u a n a R a l t e o n b e h a l f o f Printed at the Gilzom Press, Electric Veng, : Copy 1000.



EYMA,

Aizawl