Yawba2006

1997-2006 CAMPS’ RECOLLECTIONS

May 26-29, 2006 Camp Hoblizelle, TEXAS

The Milestone of Kachins in the U.S.A

Chronology & Scriptures

Name:

1997 CALIFORNIA Mahte 4:4 1998 CALIFORNIA Yawhan 8:32 1999 CALIFORNIA Marku 10:45 2000 CALIFORNIA Nehemia 2:18

KACHINS

2001 CALIFORNIA Hebre 11:6 2002 CALIFORNIA Ehpesu 6:1-3 2003 FLORIDA Roma 1:16-17 2004 NEBRASKA Ehpesu 4:15 2005 CALIFORNIA Hebre 12:1 2006 TEXAS Nehemia 2:17 2007 EASTCOAST

?

USA DU JINGHPAW WUNPAWNG AMYU SHA NI A HKRISTAN DINGHKU DABANG LABAU KADUN

(A Brief Histroy of the USA Kachin Christian Family Camp)

by Rev. Dr. Yawba Lasaw

USA DU JINGHPAW WUNPAWNG AMYU SHA NI A HKRISTAN DINGHKU DABANG LABAU KADUN (A Brief Histroy of the USA Kachin Christian Family Camp) by Rev. Dr. Yawba lasaw

Camp Galaw Hpang wa ai Lam Dai ten 1996 daram hta Slg. Robin Nan gaw KBF ningbaw rai nga ai. Shi myit shingran lu ai hte maren, Northern California de nga ai manang kau mi rai nga ai: Mr. & Mrs. John Ong, Mr. & Mrs. Allen Ong, Dr. & Mrs Chit Thant and Mr. & Mrs. Eugene Wong ni hte jahkrum nna Camp jawm galaw yang mai na hku myit hkut masai. (Lahta de na myitsu ni yawng gaw Jinghpaw num la da ai ni hkrai rai nga ma ai)

U.S.A American Gumsan Mungdan California Mungdaw Los Angeles Mare kaba makau grupyin de Karai Kasang a chyeju majaw, Jinghpaw Wunpawng Amyu sha ni 1955 ning a hpang daw kaw nna du nga masai. Dai hpang 1975 ning jan ten hkan, nkau mi bai hkan du nang wa ma ai hku re. Dai kaw nna gaw, hpaji sa sharin na matu du ai ni, bungli sa galaw na hku du sa wa ai ni mung nga sai. 1985 hpang kaw nna, Chyum Jawng lung ai ni mung bai du jat bang wa sai. Yat yat masha grau grau nna du bang wa sai. Dai zawn rai nga nga yang, Buga de na karum hpyi ai laika ni du hpang wa sai. Shaloi, Saranum NHkum Nang Mai (n nga mat) gaw, marai langai hkrai hku nna ndang di ai lam ni mu wa ai majaw, Wuhpung Wuhpawng langai ngai gaw hpaw ninghtan da ra sai lam tsun shadum hpang ai. Wuhpung Wuhpawng langai myi hpe, 1985 ning Feb 3 ya shani Kachin Christian Association of America (KCAA) ngu nna hpaw hpang da masai. Dai Hpung gaw dinghku hpawng hku nna shata mi hta kalang dum nta/ apartments hkan jawm hpawng hpang wa sai. 1991 ning June hta Pasadena Hkalup Hpung hte matut mahkai nna, Kachin Baptist Fellowship (KBF) ngu shamying nhtawm matut hpawng mat sai hku re.

1.

Shawng na lang ngu na Camp hpe Northern California, Yosemite National Park makau, Tuolumne City, Silver Spur Conference Center kaw 1997 ning na July 4-6 ya du hka American mung a shanglawt nhtoi ten “Masha gaw Muk hte sha Sak Hkrung lu ai n rai” “Men shall not live by bread alone” ngu ai (Mahte 4:4) Ga baw hpe Rev. Hkun Gam Lahpai sharin ya sai. Dai hpawng hta Laklai ai hku nna, Jinghpaw Wunpawng Amyu sha Num ni a mawn sumli lam hte seng nna Duwa Shan

Lone jan sharin ya ai. Duwa hku nna gaw, Jinghpaw Wunpawng myu sha ni, Munghpawm Myen mungdan lu la na matu, PinLone Ga shaka sa la na lam hte seng nna Jinghpaw du Salang ni marai 54 hpe woi zin lum sa let, grai shakut sharang nna, woi galaw lai wa sai lam hpe azin ayang tsun dan myi ai re. Labau shang matsing da hpa re. Dai shaloi du lawm ai Du Salang ni a Sumla hpe mung garan ya myi ai.

2.

2

ni gaw, anhte hpe shalawt dat ai Yesu Hkristu a Tengman ai lam majing rai nga ai lam sharin ya myi ai. Dai Camp hta, Slg. John Hla Ong gaw: Banking a lam, Dr. Chit Than gaw: Space lamu ganghkau hte seng ai Hpaji, Slg. Eugene gaw Computer knowledge, Dr. Zau Htung gaw Pan Kachin a magam bungli hte seng nna sharin ya myi ai.

lang ngu na Camp 1998 ning July 11-13 ya

hta Creston mare Emmanuel Heights Camp hta bai galaw sai. Dai Camp a Ga baw gaw, “Dai Tengman ai gaw nanhte hpe shalawt dat na marin dai” The Truth Shall Make You Free (Yawhan 8:32) Bible study hpe Rev. Dr. Yawba Lasaw sharin ya mi ai hta Jinghpaw Wunpawng amyu sha ni hpe Karai Kasang gaw, Ji Jaw Nat jaw ai makam Ningsin htawng kaw na, Nchye nchyang Myi di na hpang re prat kaw na, ja gumhpraw lam hta matsan mayan re mayak mahkak kaw na, Mawai la myi ai sha n-ga, Tinang a Myit masin hta kaja wa Karai Kasang hpe Hkyela Hkrangla ai Madu re ngu hkap na ai madang de du hkra woi shadu da sai lam

3.

1999 ning

3

lang na Camp hpe Emmanuel

Heights kaw sha galaw ga ai. Dai Camp hpe July 23-25 ya du hkra galaw ga ai. Dai hpawng kaw na Ga baw gaw “Dai masha kasha wa pyi shangun ma hpe yam sha na nga sa du ai n rai shangun ma amu galaw na she du sa ai” Even the Son of man did not come to be served but to serve (Marku 10:45) Chyum laika hpe Rev. Zau Ya Lahpai sharin ya mi hta, Anhte gaw masha ni hpe grai chye yam sha ga

ai. Raitim, Yesu Hkristu du sa ai gaw, masha wa hpe shangun sha na matu du sa ai nrai, shangun ma amu hpe galaw na matu, Shi nan masha law law hpe shamai shatsai ya ai, sharin shaga ai hte hkaw tsun ai amu hpe galaw let, masha Wunawng uwa hpe daw jau ai amu galaw let kasi madun ya myi ai lam sharin ya ai. Duwa Nangzing La gaw “Jinghpaw ni hte seng ai Myi htoi ga” (A prophetic Visions for the Kachins) hpe tang madun ya ai. Ndai 3 lang ngu na hpawng hta Slg. Robin Nan gaw, anhte jinghpaw ni a Camp hpe yawng lu sa na aten hpe jawm lata la ga nga nna Mu bawng ten e tang shawn ai nna yawng myit hkrum ai hte Memorial Weekend May shata jahtum na Bat hta galaw na hku dawdan shagrin da ai hte No 4 ngu na hpawng kaw nna galaw hpang saga ai.

4.

4

lang ngu na lang na Camp hpe, Goleta Mare

Rancho La Scherpa Camp kaw 2000 ning May shata Memorial Weekend ten galaw hpang sai. Gabaw gaw “ Rawt Ga Mare hpe bai de ga” Let us Rise and build (Neh 2:18) Dai Chyum Laika hpe Rev. Hkun Gam Lahapi sharin ya myi ai. Shani na nawku hpe Rev. Dr. Yawba Lasaw woi awn ya sai. Ndai Camp kaw nna Omaha na Ramma ni du lawm hpang sai. Wunpawng myu sha ni a shachyen shaga ai lam hpe Duwa Nangzing La sharin ya ai hte Manau a lam hpe Dr. Zau htung tang dan myi ai. Camp a Kasi Tsawm Shayi/ Shadang ni hpe lata hpang sai. Kasi shayi lata hkrum ai Mary Lasaw rai nna Kasi shadang gaw Mungra Maran yan hpe Tara agyi ni hku nna lata hkrum masai re. Hpung hte H p u n g g a r a n

nna shingjawng ai lam ni hpe mung woi galaw hpang sai. Ningtawn ai hpung ni hpe kumhpa shagrau ngun jaw ai hku woi awn hpang sai. Ndai 4 lang du hkra na Camp mying hpe gaw KBF Camp ngu nna shamying ai hte galaw lai wa sai hku re. Ndai Camp hta Slg. Robin Nan hku nna Buga Shana shalawm ga nga woi hpang wa sai re. Ramma ni mung grai awng sharawng ai hte, Buga hpe marit dum ai hku nna, Buga yungwi nsen ni hte shapyaw let mahkawn shing jawng ai lam ni hpe galaw hpang ai hku re. Adum sha naw matsing ai lam gaw, Mung Ra hte Singnan Ela yan a Shanglawt prat ten kade daram jam jau ai hte shanhte a dinghku ni hprawng koi yen hkawm ra ai majaw, byin hkrum hkra lai wa ai mahkrum madup ni hpe sakse hkam dan ma ai shaloi anhte du sa ai ni yawng myi prwi pru let, yawn ningtsing hte rai hkam sha lai wa saga ai re.

5.

5

Lang ngu na Camp kaw nna gaw USA

Kachin Christan Family Camp ngu nna shamying hpang ai hte Creston Mare Emmanuel Heights Camp kaw sha 2001 Labor Day Weekend August 31st –Sept 3 hta e bai galaw sai. Dai shaning na Ga baw gaw “Karai Kasang Ra sharawng ai Makam Masham” The Faith that Pleases God (Heb 11:6) rai nna Rev. Gam Awng hte Sara Seng Nan Sumhka sharin ya myi ai. Laban shani na hpawng hta mung Sara La Seng gaw, Makam Maham lam hta American Eagle gaw grai kung zet, myit zen, lapyin rawng nna tsaw la ai lunghtawn hkan tsip tsip, kasha ni hpe chye bau maka re lam ni hpe shaleng dan let, makam masham

lam hta mung Karai Kasang ra sharawng ai hku myit maju jung let hkan sa ra ai lam hkaw dan myi ai. 6.

6

lang na USA Kachin Christian Family Camp

hpe mung Camp Emmanuel kaw sha 2002 ning May Memorial Weekend hta bai galaw ga ai. Dai Camp hta Ga baw hku nna:-“Karai Kasang Ra Sharawng ai Dinghku” Godly Family (Joshua 24:15bEphesu 6:1-3) Bible studies hpe Sara La Seng Labya sharin ya ai. Ndai Camp ten kaw nna gaw, Jacksonville; Florida na ni, Eastcoast de na ni hte Omaha Nebraska hkan na ni du lawm ai hte grau hkum ai hku lu hpawng mat lu sai re. Rev. Hpaula Htun La gaw, Conneticut, New Haven mare Overseas Missions Study Center kaw shata 9 Research jawng lung ngut ai hpang, ndai Camp de du lawm lu ai hte Laban shani Mungga htawn tsun ai. Israela masha ni Karai Kasang lata la ai amyu rai tim, lang hte lang

K a r a i K a s a n g

hpe shigdu dat kau ma ti mung, Karai Kasang

gaw, shanhte myit malai nna, bai madat mara ai rai yang, Jahtum Shi ra sharawng ai dinghku masha ni tai lu ai hte maren U.S.A kaw du nga ai Wunpawng myu sha ni mung, Karai Kasang hpe madat mara let, Karai Kasang ra sharawng ai amyu ni tai lu na lam aja awa hkaw ngun jaw da myi ai. 7. 7 lang na USA Kachin Christian Family Camp hpe May 23-26, 2003 Jacksonville Mare Hilliard Church Property kaw Florida Jacksonville kaw du nga ai Jinghpaw Wunpawng my sha ni hpaw ninghtan da ai “Kachin United Christian Fellowship (KUCF) kaw nna lit la ai hte jawm galaw la ga ai. Camp awng dang lu na matu madu Buga ni ja gumhpraw alu hku nna mung, ahkying aten grai jaw let mung, Shanhte nan shadu kachyawng jaw let, camp byin tai na matu nachying shakut masai. Dai Camp a Gabaw gaw: “Karai Kasang a Tengman Dinghpring ai Lam” The Righteousness of God (Roma 1:16-17) re. Ga baw a Karai Masa (Theological Concept) hpe Sara Seng Nan Sumhka

sharin ya nna, Gabaw a shingdu labau (Historical background) lam hte seng nna Rev. Gam Shawng sharin ya nhtawm, Ga baw hpe ta tut sak hkrung lam hta kaning rai jai lang asung jashawn na lam hpe sharin ya myi ai. Ndai hpawng hta, Shawng de na anhte a Sasana Sarakaba England a kasha John England sa du lawm lu ai. Duwa La Wom mung sa du lawm ai hte “Ji Dwi Tsun Dan Na” nga ai Ga baw hte tsun dan sharin shaga la myi ai. Du ga de byin nga ai mabyin masa lam ni hpe mung, kade nna yang sha du sa wa ai Salang Dum Daw La hku nna tang shana dan myi ai. Ndai Camp hta zuphpawng shara de ten tup tut e du ai ni hpe Kasi Shayi shadang lata ma ai hta Peter Lasaw Kasi Shadang hku lata hkam la nu ai. Buga Shana hte Atsam Madun shingjawng ai lam ni hpe mung grai myit ra sharawng na zawn rai shang lawm madun dan myi ai. Madu Jacksonville bu ni grai shaman da ai laklai htawngka ni hte mung hkalum la myi ai. Manau shadung 7 lang Camp kawn manau shadung hpe hkrak rai galaw nna Htunghking bu hpun palawng ni hte hkrak rai bu hpun ai kau myi hte malawng maga gaw, tinang bu hpun ai hpun palawng ni hte grai kabu pyaw ai hte jawm ka ga ai.

Mu Bawngban ten:- Kachin Christian Association of America myitsu ni hku nna, KCAA a lam hpe tsun sang lang dan ma ai. Ga san Ga htai ten jaw nna woi bawngban ai hpang, Asan sha chye lam na ai lam n nga ai majaw, matut nna ra ai lam ni hpe jahkum shatsup nna 8 lang na Camp hta bai tang madun na matu na lam tsun jahpra let naw tawn da saga ai. Matut nna hpang shaning na Dabang hpe kanang galaw na hte seng nna bawngban ga yang NebraskaOmaha ni shanhte kaw sha-ang yang mai na re lam tsun shawn ma ai hte maren Omaha de sha-ang dat sai. Ndai zawn rai hkrum ai ten hkrum ai ten hta Poi Daw mung galaw yang kaja na re lam tang shwn ai hpe myit hkrum shagrin da ga ai. 8. 8 lang na Camp hpe Nebraska Mungdaw, Omaha mare ninghtawn Linwood Camp Moses Merrill kaw May 28-31 ya du hkra galaw ga ai. Camp a Gabaw hku nna “Hkristu hta Kaba Rawt Wa Ga” (Ephesu 4:15) Ndai 8 lang ngu na Jinghpaw Hkristan Dinghku Dabang hta Chyum Laika sharin ai lam hpe, Jahpawt shana Nawku woi ang State shagu de na ni hpe manap jau jau kaw nna, Hkristu hta Kaba rawt wa ai lam hte seng nna, hkrang shala (Drama) hku nna lajang sa wa na lam, tau hkrau lajin shatsam da ai hte

maren woi awn galaw lai wa sai. Chyum laika Sharin ai lam hpe kaga alak mi n galaw sai. Ndai Dabang hta laklai ai lam kaba 3 hpe First Kachin Baptist Church of USA Hpung Up wa hku nna woi galaw ai gaw:

(1) Mahkawn Choir Shingjawng Poi Choir shingjawng ai lam hte seng nna, jau jau kaw nna Buga hpung ginra ni de Shawa Mahkawn No. 450 Hkristu Hta Rawt Wa Ga – Ga:- Saranum Kaba Dashi Hkawn Tsin hpe woi mahkawn shing jawng ai shaloi, Jacksonville Buga ni No. 1; First Kachin Baptist Church of Los Angeles ni No. 2; Eastcoast Sinpraw ginwang ni No.3 hte dang la mat wa masai. Choir Ninggang Kaba hpe gaw: Mr & Mrs Tu Hkawng yan Jaw ra ma ai re. Ndai Ninggang hpe matut manaoi 3 lang dang ai ni madu la na hku re ndau shana da ai re.

(2) Munghkrum Manau woi manau ai Munghkrum Manau hte seng nna gaw, Duwa Marip Tu Lum woi awn ai hte jau jau kaw nna, nau shawng ni Bu hpun na Lunghpau Lawng ni hpe First Kachin Baptist Church of America, Omaha Hpung ni lit la ya ai hte Chaingmai de na htet la ai re, yawng a matu re majaw grai chyeju dum ga ai. Dabang ten e Rev. Dr. Yawba Lasaw hku nna gaw shatsam da hkrum ai hte maren, atsawm rai aKyu hpyi majai ap nawng ya let grai htap htuk ai hku nna lu galaw hpang la saga ai. Du sa ai ni yawng Htinghking bu hpun palawng ni hte grai myit ngwi myit pyaw ai hte shang manau lawm lu sai re. Nabraska Ginwang American Hkalup Hpung ginjaw Amu madu jan nan mung dai kaw du lawm nna grai yu kabu ai lam tsun ai. Ndai manau gaw Jinghpaw Wunpawng Myu sha ni hku nna USA kaw shawng na lang ngu na labau shang Manau rai sai hpe matsing da mai nga ai. (3) Yesu a Shana Shat Sha Poi Hkristan Hpung Manang kau mi mung lawm ai majaw, 7 lang ngu na Jacksonville Dabang hta hpaji jaw tang shawn ai hpe ndai 8 lang na Dabang hta Yesu a Shana Shasha Poi hpe mung rau sha jawm sha ga ai. Woi awn ai Sara ni gaw, Rev. Hkun Gam Lahpai, Rev. Maran Yaw hte Rev. Dr. Yawba Lasaw ni rai ma ai. Ndai hpawng hta, Malu masha hpe madu Buga-Omaha Jinghpaw Hkalup hpung masha ni grai n-gun dat ai hte daw jaw myi ai. Malu sha mung matsing na daram mu ai hku daw jaw myi ai hpe malap n lu na saga ai.

Laksan Tang dan ai lam:USA nga WP myu sha ni a shawng lam:Madung bawngban ai lam langai mi gaw,USA nga WP myu sha ni a shawng lam magup sumhpa ni hpe jawm jahkrup bawngban ga ai. Matut nna naw bawngban ra ai majaw, 9th lang Camp hta bai shakre la na myit hkrum da ga ai. Dr. Maran La Raw mung Kachins American and Friend a lam hpe tsun dan let, ya yang Wunpawng Buga de technical know-how hpaji myu hkum hpa ra taw nga ai lam hpe tang dan myi ai. Shan la hku nna EEDY hpe hpawn ninghtan da let Wunpawng Buga de shachye shachyang ra ai Hkai lu hkai sha lam, Ramma ni hpe mung masa lam, amyu sha lam, ni hte uphkang hpaji lam ni sa du sharin ya nga ai lam hpe dang madun ai sha n-ga sumla ni hte hkrak madun dan myi ai re. Lahpai Nang Kai gaw Ecology and Spirituality ngu ai ga baw hpe tang dan ai hte WP myu sha ni anhte a shinggyim nga sat nga sa lam makau grup yin hpe anhte hku nna, grai chye na ai hte lit nga ai hte maren makawp maga hkan sa ra ga ai lam hte dai ni gaw anhte a Wenyi sak hkrung lam a matu mung grai ahkyak ai daw kaw shang lawm nga ai lam tang shana dan myi ai. Howa Duwa Michael Ja La mung WP buga hpe kaning rai makawp maga nna woi galu kaba sa wa ra sai lam hte Computer hpaji ni hte research grai chye galaw ra saga ai. Dai zawn re hpaji ni hpe aten n shama ai sha ya

hkyak hkyak nan galaw hpang wa ra saga ai. Dai zawn rai tam sawk chye la ai hpaji ni hte anhte Buga ginra de shachye shachyang na lit chye la wa ra saga ai nga aja awa tsun dan myi ai. Ga Tsun Shingjawng ai lam “Amyu Shada Myit hkrum Yang sha, Masha Amyu Langai mi Galu Kaba Wa lu ai” 9. 9 lang ngu na Dabang hpe Los Angeles, Blue Jay Alpine Camp and Conference Center kaw May 27-30, 2005 du hkra galaw lai wa saga ai. Ndai Camp hta buga ginra hpe myit dum ai hku nna, Du sa wa ai Masha ni hpe Hpung 4 garan nna, Mali hka, Nmai Hka, Danai Hka, Uru Hka ngu shamying jahpan la nna, dabang ten e lam amyu myu hku shingjawng hkat shangun ai hku re. Camp Ga baw gaw “Yesu hpe Azi yu Let” (Heb 12:1) Ndai ga baw chyum ga hpe Sara Labya La Seng hku nna sharin ya ai. Ndai Camp hta galaw sa wa ai lamang ni gaw:

1. Chyeju Dum Manau 2. America du Jinghpaw WP Hkristan ni a Shawng Lam bawngban 3. Poi Daw jawm hkam la ai. 4. Special Educational Lectures (a) Educationa Lecture – Sara Kareng Seng Awng (b) Occupational Lecture – Sara Sengnan Sumhka 5. Kachin Cultural Knowledge – Shadang Maran La Hpum 6. Laban Nawku Hpawng 7. Memorial Day Masat Nhtoi ni hpe woi galaw lu ai hku re. Chyeju Dum Manau- L A de nga ai WP myu sha ni hta manau hte seng nna, hkrak rai woi awn lu na masha tam yak ai rai tim, Omaha kaw na myitsu Maran Mung Ra, Lazuk Awng Hkum, hte Mung Gyit bai Jacksonville na Kinraw Lat Awng ni nau shawng ya ai hte Manau komiti yawng a malai Dr. Yawba Akyu Hpyi majai ap nawng ya let nau baw hpang saga ai. Duwa MaripTu Lum gaw manau hta ra ai hpaji lam amyu myu tsun sang lang ai hte ka Manawt hkrang ni hpe du hkra Email hku shagun ya ai hte Karum ya myi ai. Ndai manau hpe Chyeju Dum Manu ngu ga, Omaha kaw gaw Munghkrum manau ngu saga ai ngu ga, Omaha kaw gaw Munghkrum Manau ngu saga ai ngu jawm myit hkru let galaw ai hku rai sai. Grai marit maroi nga ai hte grai htap htuk ai hku shangut la lu saga ai. Anhte L.A. makau grup yin de nga ai kaga amyu rai nga ai American, Myen, Indonesia Hkalup hkan na myitsu sara ni hte American Baptist Churches, Pacific Southwest Ginjaw rung na Dat Kasa Slg. Steve Roblee mung du lawm ai hte Laban Nawku hpawng shani Ginjaw Mu madu a Numhtet ga mung shaga ya sai. America du Wunpawng Amyu sha ni a Shawng Lam hte seng nhtawm, lai wa sai 8th lang na Camp hta n shangut da ai magam hpe bai matut hpawng na hku myit hkrum da ai hte maren Rev. Gam Awng Lahi gaw

grai myit su myit gawp ai hte Tingnyang Up shara la ya ai let, hkut hkut nai nai jawm bawng ngut ai hpang, Yawng myit hkrum ai hte USA Jinghpaw WP hpung langai hkrak hpaw ninghtan da na matu yawng kabu gara daw dan saga ai. Dai Hpung hpe woi shabyin na matu Shabyin Shatai Komoiti ngu nna, Lawu de na myit su ni hpe lata san da saga ai. Wuhpung Shabyin Shatai Komiti 1. Ningbaw - Duwa Brang Seng Zinghkang (Hkamja lam a majaw hpyi hkring da ai) Ningtau Ningbaw (1) Rev. Dr. Yawba Lasaw (2) Slg. Robin Nan 2. Amu Madu - Sara La Seng Labya Ningtau Amu madu (1) Saranum Maureen Nangzing (2) Slg. Ja Dan Li Bawmwang 3. Treasurer - Slg. Jan Margaret Nan 4. Malawm ni: Forida Slg. Ja Dan Li Bawmwang Slg. Bawk Htun Tsinyu Slg. La Dumdaw Rev. Gam Shawng Maran Northeast (Virginia, Maryland, D.C Pennsylvania & New England) Sara Seng Awng Kareng Shd. Awng Seng Du Nding Saranum Nahpaw Hkaw Ja Duwa Tang Gun Dingra Slg. Brang Di Myitung Texas Sut Nau Ndayu

La Hpum Maran Sara La Seng Labya Nebraska Shd. Mung Ra Maran Rev. Hkun Gam Lahpai Dr. Naw Mai Maran Tennessee Sara Gum Jat Saga Northern California Shd. ELa Singnan Saranum Labya Htoi Ra Saranum Nang Bawk Shadip Zau Seng Southern California Rev. Dr. Yawba Lasaw Duwa Brang Seng Zinghkang Slg. Zinghkang Robin Nan Slg. Hpauyam Naw Tawng Laban Shani Nawku Hpawng hpe Rev. Dr. Gam Seng Kabu Gara Shiga hkaw tsun ya myi ai. Poi Daw Galaw ai lam Yesu a Shana Shat sha Poi hte seng nna, Rev. Hkun Gam hpe woi awn ya na matu lajin da ai hte maren jau jau kaw nna lajang da ai hte maren, Dr. Gam Seng hpe saw la ai hte apyaw alaw rai jawm lu hkam la ga ai. Educational Lectures Hpaji shachye shachyang ai hkaw tsun la hte seng nna, Tinyang up tai ya matu Howa Duwa Michael Ja La hpe karum hpyi da ai hte

maren, du jan hte rau ndai camp de lu lawm nna woi awn ya myi ai. Sara Karen Seng Awng gaw, What is Education? ngu nai ga baw hpe tam sawk nna tang madun ya mi ai. Sara Seng Nan Sumhka gaw, “What is Occupational Education?” Kan Bau hpaji ngu ai gaw hpa rai ta? Ngu ai ga baw hpe anhte USA kaw matut nga mat wa ni rai sai majaw, madung hku nna n chye n mai re kan bau hpaji amyu myu nga ai lam hpe tang madun let Karai ra sharawng sut masa lam, kaja ai hte n kaja ai lai hku nna hka shakap la ai lam (ga shawn: mawdaw hte dum nta mari nna hka kap ai lam gaw hka kaja re) ni hpe ginhka dan ai lam, credit scores kaja hkra gara hku gawgap shachying la ra ai lam, tinang lu da ai ja gumhpraw hte sutgan ni hpe gara hku law htam wa hkra arang chye bang ra ai lam, Hkringsa sha na ten a matu gara lai ladat hku nna mahkawng hpang ra ai lam, American ni a lapran hta bungli galaw sha ai shaloi chye na tawn da ra ai lailen ni, bungli kaja/tinang hte manu ai bungli/tinang pyaw dum ai bungli lu hkra gara hku shakut ra ai lam, bungli madu ni a myit mada ai lam, magam bungli galaw ai shaloi hkan sa ra ai lam ni hpe tang matsun ya myi ai. Jinghpaw Wunpawng Hkunghking Shadang Maran La Hpum gaw, shi matsing da ai hpe, USA du nga ai Jinghpaw Wunpawng myu sha ni hku nna n mai malap kau ai anhte amyu sha ni a hkringhtawng ni hpe tang madun jahprang la myi ai. Memorial Hpawng Masat Galaw ai hte seng nna gaw, anhte a Kahpu kawa rai ai ai Slg. Zinghang Brang Seng woi awn ai hte Laban shani Nawku ngut ai hpang 3:00pm hta e Alpine Camp ndaw pa layang e woi galaw sai. Dai hpawng hta Shawng de na 101 Dukaba Stewart Power nan du lawm ai hte, “Jinghpaw Wunpawng buga

masha ni American Hpyen hpung hta 10,000 jan lawm ai hte Japan hpe gasat ai shaloi grai magrau grang ai hte shang lawm nna American ni hpe karum la ai hpe galoi mung n malap ai lam tsun ai. Dai hpe myit dum let, ya Jinghpaw mungdaw hkan Hkai lu Hkai sha mai ai hkai nmai ni hpe hkai sha lu na matu galaw nga ai lam tsun shana dan myi ai. Dai shani saw shaga da ai hte maren Enterprise News shiga dap ni mung sa du shang lawm let Shi Laika hta bang ya masai. Ndai 9 lang na Dabang kawn prat madang hpe hkan let Digital Projector- Powerpoint presentation ni hpe Sara Seng Nan Sumhka hku nna jawm woi lang hpang sai hku re. Ka matsing ni hpe du hkra yawng mu lu matu Powerpoint hte htawng madun dan ai lam hpe mu lu sai. 10 Lang ngu na Camp hpe gaw, 9 lang ngu na Dabang Mu Bawng ten e myit hkrum da ai hte maren, Taxas Mungdaw DallasFordWorth de bai galaw na hku jawm myit hkrum da saga ai. Ndai 10 lang ngu na Dabang gaw, matut manoi 10 lang tup lu galaw na ahkang jaw ya ai Karai Kasang a chyeju hpe shakawn ai hku nna, galaw na re. Jinghpaw Wunpawng amyu sha ni America kaw tinang a Buga hku

nga mat wa ra sai majaw, Asak hkrung lam hta chye la ra ai hpaji amyu myu hpe sharin jahpat la ra wa sai. Dai majaw anhte a myit jasat madang ni hpe shatsaw la ra saga ai. Karai Kasang hpe kam sham ai lam hta myit maju jung nna kam sham sa wa ra sai. Dai lam ni yawng hpe sawn dinglik yu nhtawm, Ga Baw hpe “Anhte a Bunghku hpe Bai Gaw Gap Ga” Nehemia 2:17 hpe madung dat nna sharin hkamla na hku lajang da ai. Karai Kasang Israela masha ni hpe Egutu mung e shaning 430 ning ting mayam yam ai kaw na shalawt la ai. Lagat jahku hte Ngachyu lwi ai Hkanan mungdan e du ai hpang mung Karai Kasang a Ga n madat, kaga amyu num la, shanhte a nat hpara ni hpe kam sham mat wa re majaw, Babelon Mung de shaning 70 tup bai mayam yam banwdung hkrum mat wa ai kaw na, Karai Kasang gaw Shi a mauhpa Hpung Shingkang a majaw kaga amyu hkawhkam ni nan Yerusalem Bunghku bai wa gaw na matu lajang dat ai lam hpe la kap nna sharin la na hku re. Taxas kaw Wunpawng amyu sha ni nau wa n law ai rai tim grai shakut ai hte Gat dut poi ni galaw rai ma ai. Dai hta n-ga, Sara La Seng Labya hku nna, USA nga Wunpawng Amyu masha ni a shawng lam hte seng nna bawngban na zuphpawng a matu mung ahkying aten grai jaw ai hte ra ang ai laili laika ni hpe jahkum shatsup re ai lam ni hta n-ga, Wuhpawng WuhpawngShabyin Shatai Komiti malawm ni hpe du sa na matu tau hkrau shana shaga da ai lam ni a majaw mung chyeju dum ga ai. Dallas Morning News shi laika hta mung Dabang a lam hpe hti hkai dan na lam na lu ai majaw mung kabu ai. Kaga lit shatsam da hkrum ai ni mung grai shakut nga ma ai.

Edited and compiled by- Sara SengNan Sumhka

Camp a Yaw Moi (Past)

Lani mi hta U.S.A du Jinghpaw ni yawn camp lu galaw hkra

(1) Makam Masham ngang grin hkra (2) Htunghking laili laika mazing na (Present) (3) Lam shagu hta bawngring galu kaba wa hkra (4) Daidaw Buga hpe n malap na

Ya

Shada ai Lam Madung

U.S.A du W.P amyu sha ni lani mi na aten hta yawng hkrum nna Camp lu galaw hkra di ga!

3rd Camp Sumla ni

4th Camp Sumla ni

6th Camp Sumla

7th Camp Sumla ni

7th Camp Sumla ni

8th Camp Sumla ni

9th Camp Sumla ni