Te Matagi O Te Fakaolataga

Ekalesia Kelisiano o Funafuti Te Alaalafaga o Aliki _______________________ _

Fakatomuaga E fakatalofa atu ki a koutou katoa te ‘malu o te Ekalesia i te igoa ‘malu o Iesu Keliso te ‘tou Aliki. E fakafetai tatou ki te Atua, me ko mafai ne tatou o maua te ola mo te malosi i loto i te vaiaso tenei. Ko oti ‘lei atu a te fakamanatuga o te Aso o Tamaliki, tela ne lagona fakatasi ne tatou a te fiafia i olotou fakaasiga. E uke foki a fekau taua ne aumai ne tamaliki ki te olaga o tatou. Ka ko te vaiaso tenei, ka fakatoka atu tatou mo te sua aso taua tenei mai mua nei, ko te aso ne poko ei te Alikeni i luga i Funafuti nei, i te tausaga e 1972. Tela la, i loto i te sukesukega tenei e aumai ei se fekau fakamalosi ki a tatou, ke mafai ne tatou o toe ‘kilo ki mea ne ‘tupu i aso ko ‘teka, kae tauloto mai ei a te finagalo fakaasi o te Atua mo tatou i te aso nei, mo aso mai mua. Ke manuia te fakalogologo a koutou i te alofa tauanoa o te Atua. Sukesukega Fakamolemole faitau muamua a te Tusi Faitau tenei: Esekielu 16:1-22.

Sukesukega o te Tusi Tapu Tusi Faitau: Esekielu 16:1-22 (Ne fakatokagina ne Taualo Penivao)

13 Oketopa, 2009

Te pelofeta ko Esekielu ne galue i te taimi o te tafeaga a te fenua ko Iuta (Isalaelu) ki Papelonia, i te 6 T.M.K. I te mataupu e 14, ne au’mai a nisi toeaina ma’tua o te fenua o fesili ki a Esekielu, me sea nei te tulaga ko oko ki ei

te lotou fenua i te kiloga a te Atua. Ko isi se masalosaloga o tino ki te Atua, ona eiloa ko te leva ne ‘nofo ei latou i Papelonia, kae se ‘foki eiloa ki Ielusalema. Ko te tali a Esekielu ki toeaina, ne auala atu i fakaasiga e uke a te Atua ki a ia. E tasi mai fakaasiga kona tenei ka sukesuke tatou ki ei (16:1-22). A te lasiga o fakaasiga konei e fakafoki mai ei te ata o te tulaga se tonu, tela ne fai ne tino o Isalaelu i te fenua ko Iuta. E taua te fakamasauaga a te Aliki, ke toe kilokilo faka’lei latou ki te ata mataga ne fai ne olotou tupuga ki te Atua. Fakamatalaga Konei a fakamatalaga o fuaiupu mo palakalafa i loto i te mataupu tenei. Palakalafa 1 fuaiupu (f) 1-2 : Ko toe fakaasi te Atua ki a Esekielu e uiga mo mea masei kola ne fai ne tino Isalaelu i Ielusalem. Palakalafa 2 f.3 : Ko fakaasi ne te Atua me i a Isalaelu ne ola aka i te fenua ko Kanana, ka ko ona matua (tupuga) ne tino fenua faka’tea; kae maumausolo. f.4 : I te taimi ne ‘pula mai ona mata ki te lalolagi nei, e seai se tino ne fia saga atu o tausi/fesoasoani ki ona fakalavelave mo tena fakaalofa. f.5 : A te ‘pei ki tua o te fa’kai, e fakaasi mai ei me i a ia e se manakogina io me amanaiagina ne tino tonu o ia, mo tino i ona tafa.

Palakalafa 3 f.6 : Ne maua atu ne te Atua kae koi ola. E seai sena mea e mafai o fai. E seai se poto/atamai/malosi mo puipui/tausi tena olaga. f.7 : Ne puke atu te Atua o tausi a ia ke oko eilo ki tena matua. Ne toka faka’lei a te fenua, kae e seai sena ‘puiga mai ona fili. f.8 : Ne fai te Atua mo ona ‘pui e tausi ei Isalaelu. Ne ‘sai ei te la feagaiga; ke fai te Atua mo olotou Atua, kae fai latou mo tino (fenua) o te Atua.

Palakalafa 4 f.9 : Ne faka’ma Isalaelu ne te Atua mai te agasala. Kae tuku atu ke nofo i a ia te ‘mana, tela ko te Agaga o te Atua. f.10-14: Ne teuteu/fakagaligali Isalaelu ki te maumea o te Atua. Ne avaka foki a ia ne te Atua ki se tulaga fakaaloalo/takutakua, tela ne iloa/matea katoa ne malo/fenua i ona tafa. Palakalafa 5 f.15 : Mai tena tulaga maluga ne fakapuli ne ia te Atua, kae fakataua ne ia a nisi fenua mo olotou atua.

f.16 : Isalaelu ko se iloa ne ia tena tulaga, e pela mo te la feagaiga mo te Atua. f.17-19: Isalaelu ko fakaaoga ne ia te maumea o te Atua mo fai ana manakoga.

kamata ki te faigofie. Ko te Atua fua e faigofie ei a tulaga katoa. • Ke manatua te Atua i tulaga katoa o te olaga, i te fai ne tatou o tena finagalo i auala katoa.

Palakalafa 6 f.20 : E se gata fua i te sonafai ne ia o te maumea o te Atua, kae ke oko foki eiloa ki mea kola e pele i tena loto, ko mafai foki o tuku atu ki tupua faapaupau. f.21 : Ne talia foki ne Isalaelu ko tino (tupulaga) o te fenua ke tapuaki kae tautali ki tupua faapaupau. f.22 : Mai tulaga masei ne fai ne Isalaelu, e puli i a ia o toe kilo ki ona tua, me ko ia ne kamata mai pefea. Ko puli i a ia te tulaga fakaalofa tela ne ola mai ei a ia.

Mo te Aso o te Matagi • Te Alikeni se auala o fakatokaga a te Atua mo se fakamoemoega taua.

Akoakoga • Sa fakamatamata i ‘tou gali, malosi, maumea, mo tou poto. Kae ke fai mo auala e iloa malosi ne tatou te Atua. • Kafai ko ‘nofo tatou i ne tulaga ‘lei, ke sa puli i a tatou a tino kola ne fesoasoani mai, maise i te kamataga o te olaga/taumafaiga. • Ke mo a e puli i a tatou a te olaga kamata. E seai se fakamoemoega e

•

Mai te seai ki te iai; ne faite ei ne te Atua a te fenua mai pokotiaga o te Alikeni, ke fai mo nofoaga o te Malo o Tuvalu.

•

I te tulaga maluga ne fakaeke atu ne te Atua; ke manatua Isalaelu mo tena mea ‘se ne fai.

•

Ke manatua te Atua i o’tou olaga. Avatu te vikiga mo te fakafetai i fuataga o ‘tou galuega mo te loto talitonu.

Fakaotiga Ko fakaoko atu alofaaga o te Ekalesia a tatou ki a tatou katoa, maise tatou ko se mafai o fakatasi ki tapuakigafai. Ko te Atua e iloa ne ia a ‘tou fakalavelave. E iloa foki ne ia a ‘tou loto taki tokotasi. Kae taua te fakamanatu mai a te Atua i te tusi ne sukesuke ne tatou, me e taua te manatua te Atua i tulaga katoa o te olaga. Me ne ma’losi io me ne vaivai tatou, ke manatua faeloa ne tatou a ia, aua e maua ei ne tatou a te tokagamalie i o’tou loto mo ‘tou mafaufau.

Ke fakamanuia te Atua ki tiute mo galuega o te vaiaso, e pela foki akoakoga a fanau i te alofa o te Atua.