Sept 6

Bungmual Weekly News Website:http://www.bungmualweekly.tk or http://www.bungmual.zogam.net E-mail : bungmual @ Yahoo.com

A publication of Young Paite Association, Bungmual Unit Vol - XXV

SUAH NO - 34

Bungmual Help Line TUAMTUAM YPA President: 9862956814 YPA Secretary: 9862020445 V/A Secretary: 9862085913 BYC President: 9436429778



pathianni

Sept. 6, 2009

BUNGMUAL

Koule kum 30 pel nailo keive ua... ~ Nu Rousang & Nu Hmuaki

Bungmual bazaar ah RCM office honkhiak in om

THU tuamtuam

Damlouhna ziak in Delhi zuan Ppl Langchinmang tapa Sangliansiam (5 months) in damlouhna khawktak a tuahziak in Imphal a Doctor te’n AIIMS/Delhi ading in referred ua, amau zanhal in Delhi ah ki enkolsak ding in kuan uhi. Kuapeuh in i thumna uah phawkni hang. Damlou Ppl Nungkhanpau of Hausa Veng damlou lupna ngak in om. Amah ahihleh, alawinu Jamboih tawh Delhi a khawsa hi ua, damlouhna ziak a innlum a ki enkol dia hong pai hidan in kigen hi. Pa N Thangzamuan Nl leh Pi Dimniang Llv te leng hoihsiang theinailou. I thumna uah phawkni. ARRIVAL: = Nu Vialkhoman w/o Pa D Biakmuanthang leh Tg Siamkhankhual Dousel Zrv te innkuan vai a Delhi zin damtak in innlum hongtung kikta uhi. = Pa Khamrousang Zrv leng asepna mun Pallel apan in vangkhua hongtung hi. Amah ahihleh, 42 Bn Assam Rifles nuai a sem ahi hi. = Pa Ven Ngaihte (Lnv) leng a om na mun Vaigampur apan Zi leh tate vehding in vangkhua hongtung hi. DEPARTURE: Tg Ginthanlun (lv) Bank Clerk in kalkhat sung vel vangkhua ah suty hong zat nung in a sepna mun Nagaland zuan in hon kiksan nawnta. A thawmhau kuahiam om dia gintak ai. Lk Chiinpi (slv) leng asepna/sinna mun Yatmal/Maharashtra ah maban sunzom ding in Sintawpni in vangkhua nusia hi. Naunei uh Kal paisa in Ppl N Thangkhanhau leh Nu Hauniang te’n New Delhi a, DDU Hospital ah a Roll no 1 na ding in tapa deihthoh huaitak nei uh chih thu kiza hi. Naumin leng Ningani nitak in phuahna nei ua, Gouzagin- GINSUANLIAN chih phuak uhi. Naudon nuam!

Bungmual town bus parking (bazaar) ah apaisa September 1 2009 in tulai Lamka leh a sehvel a kigen minthang mahmah, RCM kichi office thak ding honkhiakna om a, hiai dawr min ahihleh, “Muanlal Agency” chih in om hi. September 1 2009 nitaklam dak 1 in Bungmual Hausa Thuamkhanmang Hauzel in honkhiakna nei a, Upa N Tualzathang in

thumna tawh laan hi. RCM company in niteng poimawh van (item) tamtak bawl ua, huai dawr/office thak a van va lei a, registration bawl peuhmah in commission neivek ding uh chih ahi. Sept 2009 khasung a van( item) leikhe tampen 1st & 2nd te’ kiang ah kipahman (award) piak hiding inleng a saite’n gen uhi.

Sepaih sap 4 hongtung

Gari pung! Nuamzel

Tangval suanhuai Khamchinpau Tunglut (Lv), Tangval Tualsonmung Tonsing (Zrv) leh Ppl Thanglianmang Hanghal-te Shillong- Barapani a North East Police Academy (NEPA) a training lel damtak in vangkhua hongtung uhi. Amau kalnawn sung in vangkhua nusia in a training na mun uh zuankik ding uhi. Tg Khamchinpau leh Tualsonmung te ahihleh, Manipur Police nuai a Sub Inspector semding hi ua, Thanglianmang ahihleh, Asst Sub Inspector ahi hi. Amau December 2009 nipi kal masapen in training zouding uh hi’n leng kigen hi. Tg Ginsuanlian Jamedar MR leng asepna mun apan in hongtung hi. Bungmual in tulel in Manipur Police nuai ah aksi nih bel (SI) Ppl Johnson (Nl) leh Pa T Kamzathang kinei lel a, tuaban ah Manipur Rifles lam ah aksi 3 belh Subedar Pa Jenkhansuan @ J K Suan (zrv) kineilel hi.

Ei khawte’ panhun thei in

CCpur district Sports Association (CDSA) saina a Ist Divisional District Football league 2009 pailel ah, Bungmual Youth Club panhun mipite’n i theihding uh deihna ziak in hiai anuai abang in hon kitaklang hi. Sept 7 2009 NLSC VS BYC – 1 pm Sept 9 2009 NLYC VS BYC- 3 pm Sept 12 2009 RACC VS BYC- 1 pm

Nu Mahajon Ngaihlun of Slv in Honda Activa thak liklek ana lei a, Pa D Suanlian (Llv) in leng Kinetic Honda neithak a, Pa Hauzachin (Clv) in leng Aizawl apan Pick-up gari hon pawtung a, Pa Ginzahau (Zrv) in leng Maruti Van thak ana leikhia chih thu kiza hi. Gari pung! Nuamzel ei.

Koppih neithak

S Lianminthang of Lamlian veng in kalpaisa Pathianni in Lalnem of Lamlian veng damsung tulpih ding in ana neihiau chih thu kiza hi. Koppih nuamsa hong hi un aw.

Hansuang honna leh Tousa gohna

Mr Khawpau hansuang honna leh Upa V Ginchinpau tung a tousa gawhna asanggam te’n apaisa September 1 2009 in Upa V Gouzachin Inn, Laiveng ah nei ua, huai ah vok 2 gou in nitaklam in tanau-lainate’n ann nekkhawmna nei uhi. Zinglam dak 11 in Rev N Vungzasin in phamsa Khawpau hansuang honna i hanmual ah nei hi.

Hon peemkhiaksan

Ppl Goukhansut of Silo-am veng te’n leng New Lamka Zion veng a a innlam thak liklek uh zousiangta in, Sintawpni in huai a teng ding in hon peemkhiaksan uhi.

RCM i chih bang hiam?

M/s Fashion Suitings Pvt Ltd of Chhabra group in 1977 in Textle business Bhilwara, Rajasthan ah RCM kichi pankhia uhi. Kum 2000 AD in p uan (textile product) kia nei in marketing system ‘RCM Business’ hon pankhia hi. Tuni chiang in product 500 val zuak in MultiLevel Marketing te lak a masawn pen khat hong suak hi. Tu’n India gam ah RCM mi le sa (distributor) million 7 sang a tamzaw om a, product te ngahtheihna ding in depot 75 val, PUC 4000 val, Bazaar leh shoppoing point 8000 val m in naktak in kaltou zel hi. Right Concept Marketing (RCM) ahoihna: 1. Company leh distributor (customer) direct a kizom 2. Distributor khat in van a leiteng in a hamphatn ading company in bawlsak 3. Khawsakna a poimawh ngahtheihna 4. Sum le pai muhkik theihna Teltheihna/Joining Kit: Rs 1320 na piak leh Coat suit than 2 piak na hiding Rs 1500 na piak leh Khelok than 3 leh puan ak than 3 leh bag piak na hiding Rs 1960 na piak leh Bed sheets (double pc 2, medium 4, bag 1) piak na hiding.

Guta om zeuhzeuh

Tulai in Silo-am veng leh Lamlian veng lak ah guta lang zeuhzeuh chih thu kiza hi. Kal paisa sung in hiai veng nihte apan inn sung van khenkhat leh mobile tanpha gukmang a om hi’n kigen a, gutate khawmial nung a chelou in suun khawvak hun a gamtang zaw uh hi’n kigen hi. Inn ngak kuapeuh pilvan ngai mahmah chih thu kiza hi.

Lampi sialna pailel

Village Authority te’ makaih in lampi thak ding sialna Hausa veng- Phailian border leh Hanmual kal kikawmtuahna ding sialna nasatak in pailel a, nasep telh mahmah uh chih thu kiza hi. Hausa pa’ huan taw apan pantou in Hanmual lam manawh phot ua, lampi feet 20 in lian demdom hi.

Teacher’s Day zatna nei

India gamsung pumpi ah zan Sept 5 in teacher’s Day zatna om a, i khua a school i suan mahmah Foundation School leh Hermon English School te’n leng hiai ni poimawh zatna nei ua, kipolhlimna program tuamtuam leng zang uhi.

Pek 2 na BUNGMUAL WEEKLY NEWS

SUM TAK LEH SUM LEM I tenna gam ahoihlama a khangtou bang in , a hoih lou lam ah mit a muh thei khop in a khang tou hi.Thilhoih a om chiang, a hoihlou nih leh thum in a zui zel, hiai thil hoih leh hiohlou in I Saptuam leng a peel tuan kei a, himahleh thudang geen lou in Sum toh kisai a tak/dik leh a diklou toh kisai kikum leng chi ihi. Cheng khat note ah, Secy. Ministry of Finance, Govt of India in suai a kaai.Teng nih a kipan a tung lam teng Bank note ahi a, RBI Governor in suai a kaai. Sum lem leh a tak in ki lamdan na nei mah leh hiaiteng in a kilamdang chih geen thei geih a omkei a ziak ahih leh sumlem pen akibawltawm ahih ziakin a meel itheih kei a, sumdik pen,bangchi bang meel pua hiam, chih I en ding Paper Quality: A laipeek mahmah leng laidang sanga chituam zaw deuh/khauh zaw deuh a bawl ahi. Lim chiangchiah lou:Sumdik/sumtak tengteng in Mahatma Gandhi lem chiang chiah lou, siangtak a kin am, veilampang a ngouna ah a nei chiast uh. Hiai lim chiangchiah lou Sumtak leh taklou thei chetna vanzat hoihlua khat ahi. Hiai Gandhi lim chiang chiahlou siangngellou a kinam leh bel muan moh pah mah a hoih zaw dia, himahleh note dik tengteng a leng bel kibang sisip loumah ahi. Chiamtehna khau: Sangkhat note Oct.2000 a ki bawlten “Bharat”(Hindi Script) ”1000” leh RBI chih ki gelhna khaugui, anunglam a kimutheilou a nei chiat ding uh. Hiai bang-bang in 500 note& 100 note ah leng a om vek ding. Hiai khau bel Gandhi lim a ki pan na veilam pang ah a om ding. Huan hiai Gandhi lim series omma a te ah bel sim theih louh chiamtehna khauvuak a om ding. Chih bel, “Bharat”, “RBI” “1000” chihte kigelh lou ding chihna. Kigukgelh: Sangkhatnote, zanga note ,zakhat note sawmnga noter leh sawmnga note te ah MK Gandhi lim a pan taklam ah vanlam manoh a simtouh ding in a note zah a number(a figure in) aki gelh ding. Hiai aki guk gelh pen bel, a sum note toh i mit tang phei sim a etchiang ding huchilou in a ki mukei. Laimalneuchik a ki gelh: Hiai MK Gandhi lim leh chiamtehna khau kal kikaal ah om. Teng nga leh teng sawm ah RBI chihki gelh dia note dang teng ah asum zah chiat a ki gelh dia, huai bel,magnifying glass a muhthei chauh ding ahi.

Kha teng alak man Rs 10/- chauh

Kipahthugenna

EBC Lamka North Division nuai a BYF khawmpi 3 veina Central Lamka (South) Biakinn a omlai a, Bungmual BYF te’ painang Pa Langhauthang Shoute in a gari (town bus) kimantak a hon zatsak ziak in a tung ah kipahthu Bungmual BYF member tengteng in kigen hi. Sd/- M Kamsuanmung, Secretary

Naupang curfew

Young Paite Association Bungmual Unit in i khawtang bawlhoihna ding ngimna leh naupangte’ maban ding etna in naupang curfew kibawl a, nulepate, tuailaite leh Nam heutute apan kipahpihna leh kithuahpihna thupitak kingah hi. Huchih lai in, tulai in naupang zalen tamtak om in, nitak khawmial nung a khawlak pawt muh ding naupang bangzahhiam om nawn man in BYPA in poi kisa mahmah a, hiai tungtang ah volunteer khah in pan kila nawn ding hi. Nulepa te’ ban ah Saptuam makaite’n leng naupang kepna a YPA panlak hon kithuahpih ding in hon kingen hi. – Secretary Information & Publicity YPA/Bungmual.

BWN kum 25 chingta

1984 kum a heutu masate’n Bungmual khua le tui itna ziak ban ah khawsung kithuzak tuahna dia ana pat uh Bungmual Weekly News tukum in kum 25 chingta hi. Tu in BWN Editorial Board leh YPA/ Bungmual in BWN Silver Jubilee bangchi lop ding hiam chih ngaihsun lel ua, hiai ding tawh kisai in tunung sawtlou in YPA Bungmual executive committee meeting sap hiding in kigen hi.

Damdawi leite pilvan ngai

Tulai in Lamka leh asehvel ah damdawi hunbeisa (expiry date) kizuak tamtak om a, computer tungtawn in company phuahtawm (fake company) min bawl tawm in damdawi buuk a lehkha kibelhsa khokkhia in, a bawltawm sticker pen belhkhum pawl om chih thu om a, thil omdan tulai in Lamka a Pressmen te’n naktak in enkai lel uh chih thuguk kiza hi. Ging in hotdam in na om ding! Unaupa Chinlenthang Naulak of New Lane in leng hun bangtanhiam private school ah asepnung in i khua a om Border Road Traffic Force (BRTF) nuai ah Computer Operator sem chih thu kiza hi.

 Aluck leh luck lou kal ah lemthu leng hen - Lia Biakngaih Lnv  Lawmte muang a i vazuih leh pawtna ding leng hon theihpih lou uh, ki vaakvaai himai... – Tg Archie Pau Lv  Pau, ken tulai hun ka nei tawmlua a ahi.  Sim Card leh ATM card kibang hia le?

intelligence Agency Report:

 Apaisa Pathianni Aug 31 2009 nitak dak 9 vel in Leipi bul ah tangval muanhuai sim phetphut khat, amel tawh kilawm hetlou in kap huphup a, papi (sepaih pension) khat in bangchi oi, a va chih leh, ka ngaihzawng nu’n honkhen vial a, dendrite ka hip ek hiven chi’n dawng. Tangval pa pe’n kikhop taima mahmahte’ lak a 1 chi chenchan uhi.

– Tg Kapish Siam Hsv

 Huai chih di’n chuh sa lak ah anteh alim pen voi. – K Siamboi Clv  Bawngsa leh voksa mixed a kihuanna lak ah Khamlal in ak taw phun leh Ui mei nekha eive. – Tg Soisang Lnv  Na kihouna uh houtheilua. Voksa nekkawm a Kom kuva hai anuam pen voi. – Lia Gouching Llv  Nang lah na chang set, kei lah ka chang set, ei 2 kigawm taite – Tg Muanlian Nl  Mauna, mauna ngen hi kei leenna

- Lia M K Zam Zrv

 Ka Zaideih aw Dove te kiang ah va leeng in. – Tg Velthianlal Llv  A lut lam in mi suse lou a, a pawtlam in mi susia ahi chih na theih chiang un nah on kithuahpih thei pan ding uh. – Tg J K Siam Clv  Naute’n hon neihsan! Check deuh di himai. Tangval kisa aw leh. – Tg Khupzachin Llv  Phungzathang, Hangkhanlian, Manga chih te khawng in kei theih zah kim khat leng thei teuhkei un teh – Lk VZP  Eimah voi maw Pau.

– Pa Kamdouthang Slv

 Mihing bang a tel hiam vingveng tel mai maw? – Ppl PK Muan Zrv  Ngaihzawng neiloute hong paikhawm un, tawldamna kon pedia, na koppih ding uh hon kawk muh ning. – Ppl Suanpau Lv  Ash! Tulai chu lung leen na ngen… lungleen na ngen - Mahajon Nianzamawi.

Saptuam Programme Bungmual EBC Sept 6 2009 (zinglam dak 10) Hunuk: G Khankham Thilpiak lantu: Upa T Langzathang Spl No ; TBYF Nipi skul sinsaktna; Sinsaktu Hunkhakna: Upa N Nengkhandal

BYF/Bungmual (10th Sept 2009) Hunkem: Tuankhankhual Patna thumna: Nianzamawi Thawhlawm donna: Paukhankhual leh Kapthianmang Mipi thumkhawmna: Spl no: Hangsuanlal Thugenna: Upa Dr N Paulginthang Hunkhakna:

gmual n Bu

- Tg Muamuang

 Thei thuuk ka duh hetkei. Nahtang chih khawng. – Tg Thanggoumang Clv

Nitak biakna program Hunuk: Upa S Thangzagou Thialpiak (proj) lantu : Upa T Chinzagin Splno: TBYF Thugenna: Upa Dr Tualkhankham Hunkhakna: Upa T Tunkhansong

Number size: Note diktatten No. leh laimal kikim chiat a nei dia number khat hiam, Laimal khat chituam deuh neite bel muanmoh pah ding mah ahi. A dik te number size leh a diklou te number size kikim lou ahi.

Dorcas/Bungmual EBC Sept 11 2009 biakna program Hunuk : Nu Khawlvung Pantu: Nu Nianglian Thohlawm dongding: Suanching leh Jamkhongai Lantu: Muanliankim Thugenna: Vungkholian Hunkhakna: Khuangpu dingte: Chingngaihlian leh Awnkhanman Daniel thumna pitu: Sept 6: T Chinkhansuan BCD/Devotion pitu 06/09: Tabitha (6 am) BC Nangpoo (9:15 am) BETHANY EBCC (Sept 5-6, 2009 sung Revival crusade program zang ua, Sept 10-12 sung leng Tualsung Dorcas Seminar- cum -fellowship program zangding uhi. Detail program kimulou a, BWN ah kisuah theilou hi.)

KHUAL & MUAN’S COLUMN:

 Foreign tangval khat in Zoar veng ah nungak khat hon

Chairman: K. Thangdin

9ua ten bang say ???

BRTF ah seem

A pawng a ki gelh: Gandhi lim, RBI seal, Guarantee leh Promise clause, Ashoka Pillar Emblem, RBI Governor suai hiai teng a ponga gelh ahi 20/50/100/500/1000 te ah.Huai om dan bel ikhutin awlin khoih leng ki thei ding hi.

heel a, numei nu’n Bungmual tangvalte haithei lua ua, Welcome khollou ka hi chi vial a, huai in Tangval khenkhat te’ hatang thak sak mahmah. Gamdang suak i ngaihnatna laisung teng i gam ah khantouhna a om keiding chihna ai diam? Hehehe.

Its a publication of YPA Bungmual Unit

Khenkhat te’n Kapish chi’n non thei uh, a tamzaw te’n Siam Christian chi’n non thei uh, ka gen tam nawnta keiding, Siam Naulak ka hi a, ka kiim le kiang ah fans hunkhop nei mihing khat ka hi chih alang mai.

Editor : K K Valte

Thriamuan: Khual, tulai in siik souhman leh gari bawlman ginatak in na la ut kei vial a, MDC tuh sawm na hi ngeingei di maw? Khualpu:

Asst Editors : S. Paukhanmuan & Pauthianmuang

Nang kon chi zaw ve, na Chief Agent dia non deihziak a siik se late kiang a ka ut zahzah a na gari sia zuakthei dia phalna hon pia neive.

Cir. Manager : Kaizamang