Normas Ranking Club Tenis Negreira

NORMAS DO RANKING DO CLUB TENIS NEGREIRA 1.- Poderá participar quen queira. 2.- Todos os partidos xogaranse ó mellor de tres sets, coas normas da federación galega de tenis (pódense consultar en www.fgtenis.net). 3.- Nos comezos do Ranking ordenaranse os participantes pola súa clasificación nas ligas recentemente rematadas. Os participantes non clasificados ou novos quedarán situados no último lugar e por orde de inscrición. 4.- Cada xogador poderá retar como máximo ós CINCO xogadores que estean por riba del no Ranking. Se gaña, ocupará o lugar que tiña o xogador retado, desprazando ó perdedor ó seu posto. Se non gaña, queda no lugar onde estaba. 5.- Se o partido o gaña o xogador mellor clasificado, este subirá un posto, máximo un por semana, agás os dez mellores, que manterán a súa posición. 6.- O xogador que durante 1 mes non acepte retos, baixará un posto, dous no segundo mes, tres no terceiro... e así sucesivamente (excepto lesión, caso no que manterá o posto durante tres meses). Do mesmo xeito, o xogador que non acepte tres retos sen causa xustificada, descenderá un posto no Ranking. 7.- Os resultados deben comunicarse polo gañador do partido mediante: a) Comentario do resultado na propia páxina web (preferiblemente). b) mensaxe de texto ó telefono do coordinador da páxina. 8.- A páxina web actualizarase todos os Luns. Introduciranse os resultados por orde cronolóxico de aviso dos partidos xogados. Os resultados non comunicados na semana en que se xogou o partido non se terán en conta. 9.- No transcurso da actualización do Ranking, no caso concreto de que un xogador ó ascender ou descender de posición á praza do seu contrincante, esta xa estea ocupada por outro xogador, (exemplo perdeuna ou gañouna nesa mesma semana), ocupará a inmediatamente inferior no caso de ascenso, e a superior no caso de descenso. 10.- O Ranking do xogador manterase toda a semana (de luns a luns) independentemente dos partidos xogados na mesma. 11.- A organización poderá en calquera momento modificar estas bases para o bo desenvolvemento do Ranking.