Night Shift: Isang Pag-aaral Ukol Sa Mga Student Prostitutes

UNIBERSIDAD NG SANTO TOMAS Kolehiyo ng Narsing

NIGHT SHIFT: (Isang paga-aral ukol sa mga student prostitutes) Nina: Bustos, John Patrick S. Cotaco, Allen Christian S.P. Naguit, Raymond John S. Paras, Neil Patrick A. Torres, Paolo T. Unibersidad ng Santo Tomas, Kolehiyo ng Narsing, BSN 1-12 sa patnubay ni Gng. Zendel Taruc, M. Ed. Ika-11 ng Marso, 2009

I. Panimula Sa gitna ng krisis na ating kinakaharap ngayon, hindi natin maikakaila na ang kahirapan ay ang ating pinakamatinding suliranin. Dagdag pa rito ang malaking porsyento ng mga mamamayan ang walang trabaho, kaya naman maraming Pilipino ang pumapasok sa mga ilegal na gawain o kabuhayan, tulad na lamang ng prostitusyon--ang pagkakaloob ng sekswal na serbisyo kapalit ng pera. Kaugnay nito, mapapansin din ang lumalaking industriya ng student prostitution o ang pagpasok ng mga magaaral sa prostitusyon upang matugunan hindi lamang ang kanilang gastusin sa paaralan, kundi pati narin ng buong pamilya. Ngunit hindi natin maiiwasan na itanong sa ating mga sarili: ito nga ba ang sagot sa kanilang suliranin? Sinasabing ”easy money” ang prostitusyon, at maari ring masabi na ito’y nakatutulong sa pagreresolba ng mga pinansyal na problema. Ngunit kapalit nito, nahaharap naman sa iba’t ibang uri ng panganib ang mga indibidwal na pumapasok sa ganitong kabuhayan. Ang mga kabataang nahaharap sa ganitong uri ng suliranin ay natatambad sa iba’t ibang karamdaman na maaaring makuha sa pakikipagtalik. Ang mga student prostitute ay maaari ring maging biktima ng pang-gagahasa, pang-aabuso, at samu’t saring banta sa kanilang mga buhay. Dagdag pa rito, ang trabahong ito’y nagdudulot ng unti-unting pagkawala ng dignidad ng isang tao. Masasabing ang prostitusyon ay sanhi rin ng pagbaba ng tingin ng mga student prostitute sa kanilang mga sarili. Sa pagpapatuloy ng pag-ulagta ng pangdaigdigang ekonomiya, mahihinuha ang hindi mapigilang pagtaaas ng bahagdan ng mga pumapasok sa ganitong trabaho. Ito ang nagudyok sa aming grupo na magsagawa ng pananaliksik ukol sa student prostitution.

II. Layunin Sabi ng ilan, “money is the root of all evil”. Taliwas naman sa pahayag ng aming grupo ang kasabihang ito, bagkus ang kawalan ng pera ang pinaguugatan ng kasamaan. Dahil sa kahirapan maraming kabataan ang napapasok sa mga ilegal na trabaho gaya na lang ng prostitusyon. Ang Pilipinas bilang isang konserbatibo at Katolikong bansa, ay kinokonsidera ang prostitusyon na hindi katanggap-tanggap at kahiya-hiya. Ang paninging ito ay nagdudulot ng diskriminasyon kung saan ang mga student prostitute, na ang tanging nais lamang ay ang makatulong sa kanilang pamilya at ang makapagaral, ang nayuyurak. Layunin ng pag-aaral na itong maglahad ng mga impormasyon ukol sa kalagayan ng mga student prostitute sa kasalukayan nang sa gayo’y mamulat ang madla sa estado at iba’t ibang isyung kinakaharap ng mga student prostitute, at kahit papano’y mabago ang paningin ng tao sa kanila. Mga Kaugnay na Pagaaral at Literatura I. Prostitusyon Ang Prostitusyon, ayon sa Canadian Encyclopedia at sa West’s Encyclopedia of American Law, ay ang pagbenta o paggamit ng sekswal na serbisyo (halimbawa: oral sex, sexual intercourse) para kumita ng pera. Ayon naman sa Brainy Quotes, ang prostitusyon ay isang gawain kung saan inaalay ng babae ang kanyang katawan para sa pakikipagpagtalik sa lalaki. Ang prostitusyon ay itinuturing ng karamihang Pinagmulan: relihiyon na ilegal o makasalanan, www.google.com at ang mga prostitutes ay pinapaniwalaang mababa ang antsas, estado o katayuan sa komunidad. Sa West’s Encyclopedia of American Law, ang prostitusyon ay inilalarawan bilang isa sa pinakamatandang propesyon sa mundo. Ayon rito, ang prostitusyon ay tumatalakay sa malawak na class lines, mula sa mga mahihirap na “streetwalkers,” hanggang sa mga “abusive pimps.” Sinabi rin ng West’s Encyclopedia of American law na ang isang prostitute ay habang buhay na mananatiling isang prostitute at hindi na ito maaalis sa kanyang pamumuhay. Ayon sa kanilang pagsusuri, na taliwas naman sa pagkakahulugan ng Canadian Encyclopedia, parehong mga lalaki at mga babae ang pumapasok sa ganitong trabaho. Dagdag din nila, marami ang nahahawahan ng karamdaman (mga sexually transmitted diseases) sa ganitong trabaho. Ayon sa Canandian Encyclopedia, ang prostitute ay isang sex worker na nagbebenta ng sekswal na serbisyo. Mula naman sa isang artikulo ni Perkins (1991), ang prostitute daw ay isang babaeng pumapasok o sumusubok ng pakikipagtalik para sa pera at kabuhayan. II. Mga Salik na Naguudyok ng Pagpasok sa Prostitusyon Ayon sa Ministry of Justice Law Review Committee (2008) at sa Canadian Encyclopedia, nakikipagsapalaran ang mga tao sa ganitong trabaho unang-una dahil sa problema o suliraning pampinansyal. Karamihan sa kanila ay walang makain sa kanilang mga hapag-kainan, walang pang matrikula, o walang panustos sa pamilya.

Para naman sa ibang tao, ang pagiging isang prostitute ay isa lamang libangan. Sila ay nasisiyahan sa ganitong uri ng trabaho o di kaya nama’y sadyang mausisa at gusto lamang makaranas ng ekspiryens. Ang iba’y maaaring dahil sa impluwensya ng mga kamag-anak, kaibigan, o kaklaseng nagtratrabaho sa mga club o barikan. Ang pagkakaroon ng isang sirang pagsasama sa pamilya ay maaaring magbunsod sa pagiging prostitute ng isa sa mga kasapi nito. III. Kalagayan ng Prostitusyon sa Pilipinas Ang prostitusyon sa Pilipinas ay itinuturing na ilegal sa batas. Isa itong seryosong krimen na pwedeng magtungo pa sa panghabang buhay na pagkakakulong. Ayon sa The International Labor Organization(ILO) at The Coalition Against Trafficking in Women-Asia Pacific (CATW-AP), umabot ng kalahating milyon ang bilang nga mga prostitutes sa Pilipinas, noong taong 1993 at 1994, at 400,000 naman noong 1998. Ang prostitusyon ay nakaaapekto sa turismo lalong-lalo na sa Pilipinas, mas kilala ito sa tawag na “Sex Tourism” kung saan ang pagbibigay aliw ang dinarayo ng mga tao. Ang prostitusyon sa Pilipinas ay kumekeyter sa mga lokal na kostomer at mga dayuhan na siya namang madalas na maging kliyente ng mga nasabing prostitutes. Kahit na ipinagbabawal ang mga ganitong gawain, hindi maiiwasan ang mga ito. At kahit marami na ang mga nahuhuli, hindi pa rin nasusupil ang prostitusyon. Ang mga syudad na may mataas na insidente ng prostitusyon ay ang Angeles, Olongapo, Subic Bay, at Pasay city na karamihan sa mga kostomer ay mga foreign businessman galing sa East Asian at Western Nations (Wikipedia.org). Ang prostitusyon sa Olongapo City at Angeles City ay pinakaprominente noong panahon na nanatili ang mga Amerikano dito at magtayo ng kani-kanilang baseng pangmilitar, ang Subic Bay Naval Base at ang Clark Air Base. Nang ang Bulkang Pinatubo ay pumutok noong 1991, sinira nito halos lahat ng Clark Air Base at sinara ito ng U.S. noong 1992. Dahil rito humina ang industriya ng prostitusyon sa kalapit na lugar, ngunit noong Larawan na nakuha ng pangkat sa “Fields pinasara ni Mayor Alfredo Lim ang mga barikan na Avenue”, Angeles City, Pampanga sangkot sa prostitusyon sa Ermita sa Maynila, karamihan sa mga ito ay lumipat sa Angeles City, kung saan nakahanap sila ng mga bagong kostomer na nagsilbing dahilan sa pagtaas ng turismo sa lugar na iyon. Ibang tourist areas tulad ng Cebu ay nagkaroon din ng mataas na insedente ng prostitusyon noong mga panahon na iyon. IV. Student Prostitution o Children Prostitution Ang student o child prostitution ay mga estudyante o mga kabataang nagtatrabaho bilang isang sex worker para kumita ng pera (Cantarini, 2007). Ayon naman sa International Labour Organization (ILO), tumutukoy ito sa mga batang nasa edad na 18 at pababa. Sinabi din ng ILO (Worst Forms of Child Labour Convention, 1999) na ang child prostitution ay isa sa pinakamalupit o pinakamasama na uri na child labor. Binigyang diin sa Convention na ang mga ganitong uri ng child labor ay dapat ng itigil.

Ang mga kabataang prostitute ay maagang naharap sa sexual intercourse. Karamihan daw sa kanila ay napapasok sa ganitong trabaho dahil napagdesisyunan nila na suportahan ang kanilang pamilya. Ang iba, hindi na matiis at naaawa na sa kanilang mga magulang. Sisinasabi rin naman na marami ang nagtatrabaho bilang isang prostitute at hindi ito ipinaaalam sa mga kamag-anak.

V. Mga Panganib na Hinaharap ng mga Student Prostitutes Ang mga panganib na pwede nilang harapin ay maaaring pang-madalian o pang-matagalan (Hongach, 2007). Ang mga pangmadalian o tinatawag ding intermediate ay ang mga pambubugbog o pisisikal, mental, at emosyonal na pagpapahirap. Ang mga pangmatagalan naman o tinatawag ding long term dangers ay ang mga sakit tulad na lang ng Sexually Transmitted Diseases, drug addictions, adverse psychological effects, at maaari din namang kamatayan. Ang pinakapanganib o kapalit ng pagiging isang prostitute ay ang mataas na probabilidad na sila ay makakaranas ng violent assault. Maaari din silang makaranas ng rape at abuso. Natatakot ang mga estudyante na nabibilang sa ganitong trabaho na magsumbong sa mga nakakataas dahil iniisip nila na baka hindi seryosohin ng mga otoridad ang kaso at sila pa mismo ang huliin.

Pinangmulan: www.google.com

III. Paglalahad ng Sariling Pagaaral A. Metodolohiya Napag-alaman namin mula sa mga babasahing aming nasaliksik na ang mga lalawigan ng Zambales, Olonggapo, at Pampanga ang itinuturing na sentro ng prostitusyon. Kaya naman napagpasyahan ng aming grupo, kasama ng isang gabay, na tumungo sa Pampanga upang masaksihan namin kung ano mismo ang nangyayari sa nasabing kalakaran. Tinuro sa amin ng aming gabay ang daan papunta sa pugad ng mga prostityut at kami ay nakarating sa Fields Avenue sa Clarkfield, Pampanga. Dahil kami ay nasa minor na edad pa lamang , kami ay nagpasama sa aming gabay at aming tinahak ang red light district at “area” para makahanap ng aming mga respondente. Gamit ang video camera nagdokumento kami ng aming mga nasaksihan. Doon sa red light district, nakilala namin si Warren, isang callboy sa isang bar. Sa pagtungo naman naming sa lugar na kilala sa pangalan na “area”, aming nakilala si Meagan, isang disi-nuebe anyos na pole dancer na napatapak na rin sa kalakaran ng cybersex. Isa rin si Roland, isang dating student-macho dancer, sa mga naging respondente namin. Inanyayahan naming sila sa bahay ng isa naming miyembro upang makapanayam.

Gumamit ang pangkat ng mga instrumentong pangdokumento tulad ng video camera at voice recorder sa pagkalap ng datos. B. Representasyon at Pagsusuri ng mga Datos Sa aming paglalakad sa Fields Avenue (isang kalye papunta sa bungad ng Clark Air Base), aming napatunayan na tama ang isa sa mga nasaliksik naming datos—na bulgar at talamak ang prostitusyon sa Angeles, Pampanga. Sa mga oras na iyon, pagkagulat na may halong hiya ang aming naramdaman sa kadahilanang ubod ng dami ang mga prostityut na nagkalat at sumasayaw pa mismo sa gitna ng kalye habang nagaalok ng mga kostumer. Maging kaming mga menor-de-edad ay kanilang hinihikayat na pumasok sa barikan. Nang makapanayam na namin ang aming mga respondente, naungkat namin ang mga saloobin nila ukol sa iba’t ibang isyung kanilang hinarap at kasalukuyang kinakaharap. Kabilang dito ang kanilang dahilan sa pagpasok sa ganitong kabuhayan, mga pagsubok na kanilang dinanas o dinaranas, ang mga hindi makakalimutang karanasan at iba pa. Bago nagsimula ang panayam, hindi namin sila nakitaan ng Sina Warren at Roland negatibong kilos o reaksyon sa kanilang mga mukha; sa Sa likod ay ang bugaw nila madaling salita, masasabing palagay ang loob niya sa amin. Salaysay ni Roland, isa siyang dating student-macho dancer at callboy na ngayo’y may-ari na ng isang carwash business. Siya ay trenta’y dos anyos na at may asawang dati ring prostitute at ngayon ay may trabaho na bilang “bugaw” (manedyer ng mga prostityut, Wikipedia.com). Ayon sa kanya, hinikayat siya ng kanyang kaklase noong nasa kolehiyo pa siya. Nakadagdag pa raw dito ang problemang pampinansyal upang pumasok siya sa ganitong trabaho. Iba naman ang aming nakuhang sagot kay Meagan, isang babaeng prostityut, batay sa kanya, pumasok daw siya sa ganitong trabaho upang mag-enjoy at pangalawa na lamang raw ang pera. Lubha raw ding naka-apekto sa pag-aaral ni Roland noon ang kanyang naging trabaho sa gabi sa kadahilanang mula alas-diyes ng gabi hanggang alas-singko ng madaling araw ang oras ng pagtatrabaho niya noon. Pumapasok siya sa kanyang pinagtratrabahuhan gabi-gabi at madalas raw ay umaga na siya ng umuuwi at lasing na lasing. Dagdag naman ni Warren, kasalakuyang nagtratrabaho bilang isang macho dancer, na ang trabaho nila ay nakakataba rin dahil sa laging pag-inom ng alak kaya’t pagsapit ng umaga, matinding pagdidiyeta ang kanilang ginagawa upang mapanatili ang hubog ng kanilang katawan na nagsisilbing puhunan nila. Matagal-tagal na rin nagsilbi sina Roland, Warren at Meagan bilang mga prostityut kaya hindi maikakailang marami na silang ekspiryensya na napatunayan naman ng makulay kwento nila sa amin. Ayon pa sa pagsasalaysay ni Roland, mahirap ang naging trabaho niya. Nang itinanong namin kung papaano ang proseso ng kalakaran, ang naging unang sagot niya ay “Mahirap.” At dagdag pa niya rito, “Sa trabaho namin, kumbaga, pinapa-asa mo yung guest, parang niloloko namin. Matapos mong bigyan ng serbisyo ang isang guest o kostumer, kailangan mo pa itong makumbinse na muli kang balikan at gustuhin ka lalo para pwede mo siyang hingan ng kahit anong materyal na bagay na gusto mo: Hingi ka yung hanggat kaya niya, pabili ka ng sasakyan, negosyo.” Dagdag pa niya, “hindi kami pwedeng bumigay o ma-in love sa mga guest dahil mawawala ang pokus namin sa trabaho.” Larawan na nakuha ng pangkat sa

Maidadagdag dito na maari pa nila itong ikapahamak—ikapahamak dahil karamihan ng mga guest nila ay may asawa’t kapag natuklasan ang relasyon nila, maaaring hindi lang kulungan ang ikahahantong nila, kundi kamatayan din. Kwento pa niya, nagkaroon na ng pagkakataon na tumalon siya sa palabas ng bakod ng kaniyang guest dahil nasa labas na mismo ng bahay ang asawa ng kostumer niya at galit na galit na kinakatok ang pintuan ng bahay dahil sa hinalang may ginagawang pagtataksil ang asawa nito. May katrabaho rin siya dati na nakaranas nang magtago sa aparador sa bahay mismo ng kanyang kostumer dahil nasa labas mismo ng aparador ang asawang pulis ng kanyang guest at may hawak-hawak na baril habang kinokompronta ang asawa nito. Depensa niya, ang may kasalanan ay ang mga guest na may asawa na at hindi sila, dahil kung hindi sila naghanap ng aliw sa kanilang mga dancer, hindi sila magkakaproblema ng ganoon. Nang kumustahin naman namin ang relasyon ni Roland at ng kanyang asawa na dati ring isang prostityut, wala naman daw silang nagging problema ukol sa trabaho. Dahil sa pahayag ng magasawa, nahinuha ng grupo na tinuturing ng mga respondente na hiwalay ang trabaho sa kanilang personal na buhay. Karaniwan lamang raw na ganoon ang magiging kilos ng mga may asawa—ang maghanap ng kalinga mula sa mga prostityut sa dahil kadalasan ay hindi nila mahanap ang kanilang inaasam na “mainit na pagmamahal” mula sa kanilang mga asawa, buhat ng wala lagi sa bahay ang asawa dahil sa trabaho o dahil sa hindi pagkakaunawaan sa isa't isa. Mula rito, nahinuha ng grupo na ang pagproprostityut ay may salik ng panloloko at pambobola sa guest at nagtataglay ng masidhing mga epekto tulad ng paghihiwalay ng magasawa at ang tuluyang pagkabuwag ng pamilya. Si Meagan, isang prostityut Naitanong din naming kung nagkasakit na siya dahil sa kaniyang trabaho. Sagot naman niya ay “hindi”. Nagkakaroon daw sila noon ng weekly checkup o ang tinatawag nilang smear para sa seguridad nila pagdating sa kalusugan. Sabi niya, kailangan din ang pagpapacheck-up para na rin sa lisensya nila bilang mga dancer na nakikisalamuha sa iba’t ibang tao: mga babaeng nasa kabataan pa, mga ginang na, at maging mga bakla, nagiging kostumer nila. Salaysay naman ni Warren na siya ay nahawa na ng STD na tinatawag na Gonnorhea at napagpasyahang magself-medicate at huwag nang pumunta sa doktor dahil sa hiya. Mahihinuha ng grupo na ang mga balor tulad ng “hiya” ay hindi pa rin nabubura sa ating konserbatibong kultura Ayon kay Roland, naging napakalaking tulong naman raw sa kanya lalo na sa pamilya niya ang kinitang perang nanggaling sa pagtatrabaho niya bilang isang macho dancer. Doon niya kinuha ang pangkain nila sa pangaraw-araw pati na rin ang pambayad ng upa sa bahay. Hindi niya ikinaila na naging stepping stone niya rin iyon para makapagtapos siya ng pag-aaral sa kolehiyo’t magkaroon siya ng sariling negosyo ngayon. Ang payo naman niya sa mga nagbabalak at sa mga nasa ganoong trabaho na, ‘’Tutal andyan ka na rin lang, trabauhin mo na. Magpursigi ka lang ng magpursigi. Magpursigi ka para pagdating ng araw, at least, nagtrabaho ka man sa ganyan, sasabihin nila sa’yo, ‘at least yan, nagtrabaho yan at gumanda ang buhay.' Hindi yung nagtrabaho siya dyan pero wala pa ring nangyari sa buhay niya.” Sa kabuuan ng aming panayam, masasabi naming naging sinsero at tapat ang aming mga respondente sa pagsagot. Nagkaroon ng oras na seryoso ang aming pag-uusap, at nagkaroon din naman ng tawanan. Mula dito, mahihinuha namin na kuntento sila sa trabahong napasukan at kinabibilangan nila. Tama nga ang nasa datos namin: ang kadalasang dahilan ng pagpasok sa ganitong trabaho ay kahirapan. Nagiging isa sa mga paboritong pasukan ng mga

estudyante ang pagiging prostitute dahil sa madaling kumita ng pera dito. Ngunit sa kasamaang palad, marami ang hindi nagtatagumpay dahil karamihan sa mga ito nakakabuntis ng guest, o kung hindi naman ay nabubuntis mismo ng guest. Maraming suliranin ang maaaring masalubong ng isang estudyante sa ganitong trabaho, ngunit sa kabila nito, ayon na rin kay “Roland”, maraming aral ang matututunan ng isang kabataang pumapasok sa ganitong klase ng trabaho. IV. Konklusyon, Rekomendasyon, at Bibliograpiya A. Konklusyon Sa kasalukuyan, hindi natin maikakaila na laganap ang kahirapan sa ating bansa. Maraming pamilya ngayon ang walang makain sa kanilang hapag-kainan, walang disenteng tirahan, at walang permanenteng pinagkakakitaan. Lumobo din ang bilang ng mga kabataang hindi maipagpapatuloy ang kanilang paga-aral dahil sa kakapusan. Kung hindi nama’y pinagsasabay nila ang pagaaral at pagtratrabaho. Ang iba’y estudyante sa araw, waiter o waitress naman sa gabi. Ang ilan ay naninilbihan bilang mga clerk sa library ng kanilang mga unibersidad. At may mga ilan na nagtratrabaho bilang mga prostitute. Mababa ang tingin ng ating komunidad sa mga prostitute. Ngunit naitanong na ba natin sa ating mga sarili kung ginusto ba nila ito? May magagawa pa ba sila? Nais ng pangkat na sa pananaliksik na ito, maiiba ang mga pananaw ng madla sa mga student prostitute. Sa aming pag-aaral, natukoy namin ang dahilan ng ilang mga estudyante kung bakit sila napasok sa kalakarang ito. Natalakay din ang iba’t ibang isyung kinakaharap ng mga nasabing student prostitute. Napag-alaman ng aming grupo na kadalasa’y napapasok ang mga kabataan sa ganitong uri ng kabuhayan unang-una dahil sa kakulangan sa pera. Hindi nila ginustong mapasok dito ngunit dahil sa mabilis ang kita, na nakakatulong sa pagtitipid ng oras, napilitan silang makipagsapalaran. Ang mga student prostitute ay mga mag-aaral din gaya natin. Kung tutuusin masmabuti pa silang mga estudyante kumpara sa atin. Sila’y determinadong makapag-aral at makamit ang kanilang pangarap, mula’t rin sila sa matinding pangangailangang makatapos upang maiahon ang kanilang mga pamilya. Naugnay man sa ganitong propesyon, ang mga kabataang ito’y nagpakita ng matinding pagsasakripisyo para sa kanilang pamilya at pagsusumikap upang makamtam ang kanilang mga pangarap sa buhay. Nawa’y seryosohin ng lipunan ang mga isyung kinakaharap ng mga kabataang ito upang mabigyang kalutsan ang kanilang mga problema nang sa gayo’y sila’y makapagbagong buhay. B. Rekomendasyon Kaugnay ng nasabing konklusyon, buong pagpapakumbabang inererekomenda ng aming grupo ang mga sumusunod: a. Para sa mga estudyanteng nagigipit at nangangailangan ng pinansyal na suporta, sana’y pagisipan ninyong mabuti ang mga desisyon na inyong gagawin upang matugunan ang inyong mga pangangailangan. Nawa’y lubos niyo nang naunawaan ang mga masamang dulot ng mga trabahong mabilis ang kita gaya na lamang ng prostitusyon.

b. Para sa mga kasalukyang nagtratrabaho bilang isang student prostitute, sana’y huwag kayong mawalan ng pag-asang mapabuti ang inyong kalagayan. c. Para sa madla, sana’y maging bukas ang inyong kalooban sa kalagayan ng mga student prostitute nang sa gayo’y inyong maintindihan ang kanilang kalagayan at kahit papaano’y magbago ang tingin ninyo sa kanila. d. Para sa mga mananaliksik, sana’y inyong pagibayuhin ang pananaliksik sa pamamagitan ng higit pang relevant na mga datos, pagdaragdag ng bilang ng mga respondent, at pagpapalawak ng sakop na respondent, nang sa gayo’y higit pang mapalawak ang kaalaman hinggil sa mga student prostitute. C. Bibliograpiya Ambrogi, R. J. (2008). Porn Star, Hooker, Law Student. Nakuha noong Enero 3, 2009 sa http://legalblogwatch.typepad.com/legal_blog_watch/2008/08/porn-star-hooke.html Bangkok Post. (2001). More students selling sex for extra cash. Nakuha noong Enero 3, 2009 sa http://www.thailandlife.com/thaiyouth_39.html Bullough, V. L. "Prostitution in the Later Middle Ages. " Sexual Practices and the Medieval Church. Ed. Vern L. Bullough and James Brundage. Buffalo: Prometheus Books, 1982, pp.176-86. Cantarini, A. (2007). Child Prostitution in the Philippines. Nakuha noong Enero 3, 2009 sa http://www.slideshare.net/andrea1129/child-prostitution-in-the-philippines2 Farmer, B. (2007). Cambridge students 'work as prostitutes'. Nakuha noong Enero 3, 2009 sa http://www.telegraph.co.uk/news/1565748/Cambridge-students-‘work-as-prostitutes’.html Hickenbottom, I.L. (2002). Prositution: Then and Now. Nakuha noong Enero 3, 2009 sa http://www.cwrl.utexas.edu/~ulrich/femhist/sex_works.shtml Hongach, W. (2007). National Center for Missing & Exploited Children. Nakuha noong Enero 3, 2009 sa http://www.missingkids.com/missingkids/servlet/PageServlet?LanguageCountry=en_US&PageID=1494 Hughes, D.M. (2007). Factbook on Global Sexual Exploitation The Philippines. Nakuha noong Enero 3, 2009 sa http://www.uri.edu/artsci/wms/hughes/philippi.htm McLeod, D. (2008). PIMPS IN SCHOOLS: Boys running prostitution ring in four institutions. Nakuha noong Enero 3, 2009 sa http://www.jamaica-star.com/thestar/20080118/news/news1.html Montaldo, C. (2007). Prostitution: A Victimless Crime?. Nakuha noong Enero 3, 2009 sa http://crime.about.com/ad/a/prostitution.htm Perkins, R. (1991). Working Girls: Prostitutes, Their Life and Social Control. Nakuha noong Pebrero 15, 2009 sa http://www.ncjrs.gov/App/publications/abstract.aspx?ID=133758 Riva, M. (n.d.). Prostitution in the Middle Ages. Nakuha noong Enero 3, 2009 sa http://www.brown.edu/Departments/Italian_Studies/dweb/society/sex/prostitution.shtml The Canadian Encyclopedia. (2007). Prostitution. Nakuha noong Enero 3, 2009 sa http://thecanadianencyclopedia.com/index.cfm?PgNm=TCE&Params=A1ARTA0006521 West Encyclopedia of American Law. Prostitution. Nakuha noong Pebrero 15, 2009 sa http://www.answers.com/topic/prostitution Wikipedia.Org Encyclopedia. (n.d). Prostitution. Nakuha noong Enero 3, 2009 sa http://www.aboutsociology.com/sociology/Prostitution Wikipedia.Org Encyclopedia. (n.d). Prostitution in the Philippines. Nakuha noong Enero 3, 2009 sa http://en.wikipedia.org/wiki/Prostitution_in_the_Philippines Wikipedia.Org Encyclopedia. (n.d). Prostitution of children. Nakuha noong Enero 3, 2009 sa http://en.wikipedia.org/wiki/Prostitution_of_children Worst Forms of Labour Convention. (1999). Worst Forms of Child Labour Convention, 1999 (No. 182), Article 3. Nakuha noong Pebrero 15, 2009 sa http://www2.ohchr.org/english/law/childlabour.htm#wp1046402