Lekin

Lekin… College kaa semester ye final hai, soch rahaa huun himmat se aaj sunna hii daaluun apnaa fasana - e- dil tum se maanguun kuchh lamhe main apnii Khaatir aaj ijaazat de de gar seene kii dharkan

mausam kii kuchh baat karuun, kuchh shahr kii tum se baatoN baaton men apne haalaat bhii kah duun vo saari poems jo tum par kahe hain main ne arz karuun aur un men dil kii baat bhii kah duun

vo saari batein jo likkhe thie mein ne tumahre liye aaj vo saari parh kar tum ko Khud hii sunaa duun aaj uthaa duun pardaa har ik raaz se apne vo jo ab tak seene men hai, tumhen bataa duun

ho saktaa hai tum bhii dil hii dil men mujh se batein kiyaa karte ho, kahne se darte ho shaayad mere ulfat ke paighaam ko paa kar tum haan kah do aur mirii dunyaa hii badal do

lekin… lekin ye bhii to mumkin hai, aur koii ho mere jaisaa deevaanaa chaahat men tumhaarii aur samete apnii saarii himmat vo bhii kartaa ho ye sub kuch kehne ki tayyaarii naa.insaafii hogii us ke saath barii ye gar main tum se tum ko maanguun aur paa bhii loon ik jazbaa rah rah kar mujh se ye kahtaa hai pahle saa Khaamosh rahuuN, hoNToN ko sii loon sab ko khawbon kii tabeer mil jaatii ho aisaa is dunyaa men aaKhir kab hotaa hai laakhon Ghunche be.chatKhe hii murjhaate hain ek agar phir murjhaa jaaye to bhii kyaa hai! ZASH