Kabataan Sino Ka Ba Talaga Ngayon

PAMAGAT : Kabataan , Sino Ka Ba Talaga Ngayon? I.

Kabataan, iyan ang katagang ipinangalan sa iyo Ikaw raw ang pag-asa ng bayan ani Gat Rizal Ngunit bakit ngayon iakw ay tila sinasakal Sunud-sunuran at nakabulong sa rehas na bakal Hindi makawala, hindi makatakas, pumipiglas Kabataan, pilitin mong ikaw ay makaalpas!

II.

Kabataan, ikaw ay may sariling buhay May sariling mundong dapat ay iniikutan Ngunit bakit ngayon ikaw ay nakabalot Sa mga bagay na hindi mo naman ninanais Sa halip na kasiyahan, nabalot ka ng hinagpis Kabataan, kumilos ka ng ikaw ay mapakinggan

III.

Kabataan, ikaw ay isang matalinong nilalang May sarili kang isip at sariling damdamin Ngunit bakit ngayon ay hindi ka makagalaw At tila isang manikang sa susi lamang nakasalalay Walang karapatan at nawalan ng buhay Kabataan, ipakilala mo ang tunay na ikaw. KANTA:

Isang bukas ang ating haharapin Lilikha ng mundong atin May buhay na pantay pantay At ang bawat isa ay nag aalay. Isang umaga ang ating haharapin Lilikha ng taong gagayahin Marunong manalangin, isang mapagmasid Dumadama at siya’y nakikinig CHORUS: Bata, sino ka? Kumilos at sumigaw ka Ipakita mo ang iyong magagawa, Kabutihan sa iyong puso ay ipamalas, Katalinuhan mo sana’y ilabas Tandaan mo, ikaw ay mahalaga Bukas mo, ikaw ang magpapasya.