July 25

‘Nang Malsawmna ni ang che’

Motto: * Hun awl hmanthat * Kristian nundan tha ngaihsan * Zofate hmasawnna ngaihtuah

Provisional Permit No - 25 of 2004: Vol - XVIII

Thuvawn ‘YMA chu tanpui ngaite tanpuitu a ni’

Thupui : ‘Khawtlang Nun Siamthat’

Issue No.37 25th July. 2009 (Inrinni) :

Estd. : 24. 10. 1994 Darthlalang Chanchinbu,

Branch YMA,

Serkawn :

Kartin

Chhuak

Phek 1- na

YMATHUHLA Chanchin kan lakkhawm lai hian kan veng chhung atangin heng a hnuaia kan tarlante hi Christian Hospital Serkawn-ah an awm. 1. Dr. Lalzarmawii (Naunei) Sec-II 2. Pu C.Zohmangaiha Sec-II 3. Tv. V.Thangzuala Sec-III 4. Pi Malsawmtluangi (Naunei) Sec-IV 5. Pu Thianbawia Sec-IV 6. Nl.Zodinpuii Nurse Dam taka an chhuah leh thuai kan duhsak e. Tunkar chhunga kan member Christian Hospital Serkawn-a thisen pete; 1. Pu Lalngaia Sec-II 2. Nl.Lalruatkimi Nurse 3. Nl.Saichampuii Sailo Nurse BHSS Serkawn NSS Unit te chuan C.H.S ah hian thisen an pe a ni. # District Level Students Science Seminar ‘Chandrayaan Promises and Concerns’ thupui hmanga neih zawh takah, zirlai te’n he thupui hmang hian kawng hrang hrangah inelna neih a ni a. Hetah hian BHSS ai awha tel Betty B. Lalrinfeli d/o Rev.B.Lalramhluna Sec-II chu pakhatna niin, K.Lalnunpuia s/o Pu K.Lalbiaksanga Sec-IV chu Pahnihnna a ni bawk a ni. # World Population denchhena Class-XII chin Essay, ‘Human and Nature Should Grow and Survive’ inziahsiakah VL.Malsawmi d/o Pu Saidingliana Sec-IV chu pakhatna a ni a. BHSS-ah Class-VIII a zir mek a ni. # Tunkar Thawlehni chawhnu khan NREGA hnuaiah Social Audit Community Hall-ah neih a ni a, mi 20 vel an kal khawm a ni. Thupawimawh tak tak sawi ho niin, hun rei lo teah NREGS hi tawh theih mai beisei a ni. Serkawn-ah Job Card nei chhungkua 466 kan awm a ni. # Naktuk Pathianni hian BCM Serkawn Biak In-ah, BCM hnuaia Missionary tirhchhuah neih a ni dawn a, Mi 6 tirhchhuah an ni ang. # Lunglei atanga MJA member thar mi 7 lawmluh zingah, Pu Eric Zomuanpuia Sec-III (Jt.Editor Zunzam) chu a tel ve a ni.

Darthlalang man Karleh inrinni hi Darthlalang man khawn hun a lo ni leh ta a, chhungtinte lo inring lawk turin kan inhriattir a ni.

Sumtuak Envelope: S.YMA sumtuak envelope lak khawm chu Section hrang hrangah chhiar felna neih a ni a. Heta kan sum hmuh dan chu; Section-I Rs. 2345 Section-IV Rs. 2910 Section-II Rs. 4408 Section-V Rs. 3260 Section-III Rs.1950 Total Rs. 14,873 /Section-VI te an la khawn fel chiah lo bawk a ni. Thahnemngaitaka petu zawng zawng chungah S.YMA chuan lawmthu a sawi a ni.

Inter Branch YMA Football Tournament: Sub.Hqrs.YMA Lunglei Sports Committee buatsaih Inter Branch YMA Football Tournament Dt.18.8.2009 a neih turah kan Branch pawh tel ve ngei tum a ni a. Hemi chungchang sawiho tur hian vawiin tlai Dar 4:00 hian, BCM Mual-ah football player te kal khawm tur a ni a, Player te kim taka kal khawm theuh turin kan insawm a ni.

Faina Hnatlang: Nimin zirtawpni zingkar khan Sanitation Committee S.YMA te chuan, Bus turning, Point Damdawin peng leh Saptui inkar tih fai hnatlang an thawk a ni. Kan khawlai a lo bal leh tan ta hle, Section hrang hrangte mahni section huamchhung theuh tifai turin kan inngen a. Tin, chhung tinte’n kan In leh a vel tifai theuh turin kan inngen a, Dawr kai te pawhin kan dawr kawt zawn te tifai theuh turin kan inngen thar bawk a ni.

Footpath siam Hnatlang: Kar hmasa Inrinni khan YMA leh TKP te’n Footpath kan siam mekah hnatlang thawh a ni. Hetah hian member 20 vel lai thawkchhuakin, leivung thiar leh thil tul ang ang te thawh a ni.

Section-III Lucky ticket: Section-III te chuan Section sumtuakna atan anbuatsaih Lucky Ticket chu karleh inrinni khian vawr a ni dawn ta a . Tlawmngaia leisak theuh turin kan inngen a ni . First PrizeRs.1000/-, Consolation Prize mi 10 tan Rs.100 /- theuh niin, a man Rs.10/- a ni.

Zirlai Exam: Second term Exam neih mek a ni a. Zirlai tibuai zawngin bengchheng siam lo turin mi tinte kan inngen thar leh a ni.

YPC Sawmna Dt.11.8.2009 atang hian Mizoram open Boxing Competition Lunglei-ah a awm dawn a, hetah hian, YPC Serkawn pawh chhuah ve ngei kan tum a, Boxer 5 (Panga) vel chhuak thei turah kan ngai a ni. Hemi atan hian YPC chuan sum a nei lo hle mai a. Kan Khawtlang a mi inphalte tlawmngaihna heng Boxer te tan hian YPC chuan Sponsorship-a zawn sak tawp mai a. Kan Boxer te sponsor thei tur chuan khawngaih a min hriattir theih chuan a lawmawm hle ang. -Sd/- Asst.Secretary, YPC Serkawn

Vol - XVIII

Issue No.37 25th July. 2009 (Inrinni) :

Darthlalang

Chanchinbu,

Editorial Board Editor

- C.Lalbiakzuala

Mb.9862611372

Kartin

Chhuak

Phek 2 - na

BCM Serkawn

Pathianni zing Pathianni zan Nilaini zan Inrinni zan

News Editor - R.Lalbiakkima Lalbeiseia Pachuau Lalruatkima Renthlei

: Upa R.Laihnuna : Upa R.Hrangkunga : Upa V.Lalrinmawia :

BCM Ramzotlang, Serkawn

- B.Lalhmangaihkima

Pathianni zing Pathianni zan Nilaini zan Inrinni zan

: Rev.Lalzuitluanga : Upa ZD.Laltawnga : Pu KL.Rodingliana : Upa H.Lalzoliana Serkawn BMP Fellowship Prog. A hmun : Upa C.Chalkhuma In Hruaitu : Pu R.Lalfamkima Quiz : Phillippi Lehkhathawn ‘Zai hona neih bawk a ni ang’ Ramzotlang BMP Fellowship Prog. A hmun : Community Hall Chairman : Pu C.Biakchungnunga Tantu : Pu R.Lalchhunga Thuzir (Zirlai 6-na) : Pu H.Hrangchhuana

Circulation Managers C.Lalbiakliana R.Lalmalsawma Production Staff Lalchhanhima Ralte David Zonunsanga K.Laldinliana V.Malsawmtluanga R.Lallawmzuala

‘I ngaihtuah chiangteh ang u’ Serkawn Branch YMA-in hun engemawti atang tawha an kal pui; pem lehkha leh In luah Report hi zep thu chenglo, kan ngaipawimawh tawk lo viau a ni. Ngun taka kan ngaihtuah chuan he danhi YMA tan a thil tangkai taka sawitur chu ni lo mahse, kan khawtlang inrelbawlna fel leh thil tha zawk anih beisei a, hetiang ruahmanna siam pawh hi a ni, atih theih awm e. Kan ngaih pawimawh loh leh kan zawm that loh avanga veng hming tichhia leh kan khawtlang tana harsatna min thlentu pawh sawi tur an awm zeuh zeuh tawh a ni. Tu nge kan inluah tu te ? khawi atanga lo kal nge? eng vanga lo pem nge ? tih te pawh kan hriat atul. Sorkar hnathawk, zirlai, leh hnawthawhna avanga kan luah tir a nih chuan thu hranah dah ta ila.Hnathawh pawh nei mumal lo pemlut ringawt ang phei chu kan ngaihven leh zual a pawimawh. Hetiang mi te phei chu Pem lehkha an neih loh phei chuan luah loh tir ngam pawh a ngai a ni. Tin, VC te pawhin ngaihtuahna zau zawk kan sen a ngai. Hetianga lo pem, Pem lehkha an neih loh phei chuan, Ration Card, Job Card, Epic siam leh thil dang dangah pawh khauh zawka an chungah hma kan lak pawh a tul hle a. Sorkar duh dan pawh a ni. Ruihhlo do Co-ordination committee hmalakna a, kan khawtlanga Kohhran leh pawl hrang (NGO) te nen inkawmkhawmna neih anih khan pakhat chuan, “In luah tir tu te hian kan In an luah hian intiamkamna (Zawm tur) siam thin’ tha atih thu a sawi a. Hei pawhhi thil tih chi tak a ni. Kan In luah tu te hi thenawm khawveng tana hnawksak leh ruihtheih thil zawrh, rukruk kawngah pawh an inhnamhnawih thei a ni tih hria ila, intiamkamna kan siam chuan, keimahni tan mai nilo kan khawtlang tan thil tha tak a ni ngei ang. A hun laia kan tih loh chuan a reiah chuan a harsatna chin a awm tawh thin a ni.

Serkawn :

KOHHRAN PROGRAMME

Joint Editor - ZD.Lalnunmawia Mb.9436157169 K.Lalruatkima Mb.9436154185

Manager

Branch YMA,

LAWMPUINA Pathian hruaina a Serkawn Unit TKP chanchinbu Juniper-in, Dt.26.7.2009 (Pathianni) a kum 22-na hmel inhmuhnaah lawmpuina kan hlan che u a. Pathian hruaina a inrawngbawlna tluang taka inkal zel theihna tur leh Editorial Board member-te thawhhona tha zawk in neih zel theih nan duhsakna kan hlan che u a ni. Darthlalang Editorial Board Serkawn Branch YMA

‘GENERAL KNOWLEDGE’ *

February 1865 hi history ah thla bial zan awm lohna thla awm chhun a la ni.

*

Lemziak lar tak mai, Monalisa an tih fo hian mit hmul a nei miah lo mawle. Hei hi a chhan chu he lemziak hun lai, Renassaince hunlai khan hmeichhe ho khan mit hmul ziah kawn vek hi fashion a an lo neih vang a ni a. A hun lai fashion milin Leonardo da Vinci khan a lo ziah avangin Monalisa pawh hian mithmul a nei lo a ni.

*

Passenger phur thlawhna lian ber a an sawi fo thin Boeing 747 hian fuel gallon 57,285 laia tam thlawk turin a mamwh a ni.

*

Music ngaina inti Mizote zinga lar lem lo tak a tum thiam pawh ui hum zat lek, kan ngaihsan khawthlang rimawi lama miril te’n an tum thiam em em leh rimawi huang a hmun sang tak an chantir thin Violin hi a te hle na a a siam nan hian thing chi hrang hrang 70 chuang an hmang a nih chu mawle. A len zawng ngaihtuah chuan mak tih loh rual a ni lo.

Vol - XVIII

Issue No.37 25th July. 2009 (Inrinni) :

Darthlalang

Chanchinbu,

ZIRTIRTU F. Lalhmangaihthanga Darthlalang Issue hmasa lamah te Tlabung Bial Zirna chungchang tarlan ani a. A ngaihnawm ka tih mai bakah kan dinhmun chiang takin tarlan a ni. Chhiar chhuak satliah mai lovin a hlutna thuruk man chhuah tum ila kan khawtlang tan a tha dawn hle in ka hria a ni. Zirna kawngah hian zirtirtute hi kan hmehbel deuh ringawt thin a, an ni ber lo tih a lang a. Lungthu pathum – zirtirtu, zirlai leh nu leh pa te hi an san mar tlan loh chuan zirna hian hma a sawn tak tak thei lo a ni. Tin, khawtlangah pawh ‘zirna’ boruak kan siam thiam a tul hle bawk a ni. Lungthu pathum zingah hian Zirtirtu dinhmun i han en bik lawk teh ang. Zirtirtu dinhmun hi a sang hle. Naupang te’n an chezia an zira, an suk thlek lam an hawi duh khawp. Hmanlai leh tunlai zirtirtute dinhmun han thlir ta ila, danglamna nasatak a awm tih kan hre thei awm e. Engvangin nge Mizoramah zirtirtu dinhmun hi khawtlang ngaihah a tlak hniam tak le? Lo ngaihtuah chiang ve la, han chhui dawn teh le. A nihna takah chuan englai mahin zirtirtu (Guru) dinhmun hi a la hniam lo. Zirtirtu dinhmun san zia leh mi ramte’n an duh tui zia tlem i han en teh ang. Kan thenawm Tripura State-ah khuan training sa thlapin, enchhin hun (probation period) kum hnih/thum vel hlawh tlemte la in an thawk phawt thin a. Enchhin hunah hian zirtirtu tlak an nih chuan an la nghet thin a; an that vak loh chuan an thlawn tir leh mai thin a ni. An ngheh hnu pawh hian an hlawh chu Mizorama zirtirtu te aiin a hniam hle a ni awm e. Mahse mipui lam chuan an ngaihluin an dah sang hle mai. An dah sang a ni tih a lanna pakhat, ho ang reng tak bawk si tarlang ta ila. Khawi ilo kalnaah zirtirtu a ni tih an hriat phawt chuan, “Zirtirtu kha seat lo kian rawh u” an ti mai thin nia! Kan zirtirtute ho hian an hlawh ve ngai em le? Anni chu hlawhlo zia pawh an ni lo, an nunin a zir tlat a. Zirtirtu chuan Ual au takin Kuva, Meizial, Sahdah (an ti thin a nih pawhin) an ti ngai lo. Zu phei chu an khawih thiang lo tluk a ni. Hengbakah hian dawt leh hlemhletna lakah an fihlim a. Fel fai (smart) takin school an kal thin a ni. Dan leh Hrai khauhtak, khuah khirhna hnuaiah, zirtirtute chu zalen takin an thawk mek a ni. An ti teh fo bawk a, Foreign lam i han hrut ve thuak teh ang. Finland ram khu khawvelah chuan Zirna lamah an sang viau a. An ramah khuan zirtirtu an duh uluk hle a ni. Doctor nih aiin zirtirtu nih a har zawk tlat nia! Zirtirtu in chherna (Teacher education) kan tih hi, kum 1852 atang khan an lo nei tan tawh a. University hnuaiah thuang hnih - Education of Teachers for Secondary Education leh Education of Teachers for Elementary Schools te an kal pui a. Heng zirna inah hian Professor chinin zirtirna, zirtirtu te hnenah an pe thin a ni. Zirtirtu thlan dan tlem han tarlang ta ila, hetiangin: 1. An thiamna neih zawng zawng leh experience naupang zinga an neih tawhah. 2. A pahnihna hian kawng thum a fun tel leh a- Test, Social interaction and Communication skill. 3. Hemi pal tlang te hian personal interview khirh tak an pal tlang leh a ngai bawk a ni. Classroom Teacher leh Subject Teacher an awm hrang a. Classroom teacher chuan pawl hniam lam, pawl 1 – 6

Branch YMA,

Serkawn :

Kartin

Chhuak

Phek 3 - na

Mitthi In singsak chungchang - R.Hmingliana Mi an thihin, tlangval tlawmngai leh bengvar te’n an in chhung an singsa fel zung zung thin a. Hei hi thil tul tak niin, Mizo tlawmngaihna lantirna langsar tak pawh a ni. A mawhphurhtu ti zawnga kan sawi dawn chuan, makpate leh tu/fate mawh a ni nghe nghe a. Mahse, chutiang mi awm remchan mai loh hun leh chutiang ti tur nei ve chiah lo chhungkua te pawh awm theih a ni a. Chuvangin, a tul hun leh a tul dan azira che nghal zung zung tur, tlangval leh pate pawh an lo awm thin hi, mizote min timawitu an ni a, kan vannei hle a ni. Amaherawhchu, thil kawngkhat ngaihtuah ngun deuh ngai a awmin ka hre vea, chu chu hei hi a ni. Tunlaiah chuan, mitinte hian in chhung hi kan rem uluk ta hle hlawm a. Pindan bang leh Furniture leh thil hlu tak takte pawh kan hung ta fur hlawm a. Heng thilte hi, uluk deuh leh dimdawi taka kan thiar sawn a pawimawh hle mai. Veng thenkhata tlangval thenkhatte chuan, engmah ngaihtuah chiang lem lovin thil an ti ta rum rum thin a. Pindan bangte an pawt ri tuar tuar a, an kar phawng dawrh dawrh a. Hmun rem lem lo takah an va dah chawrh chawrh a. Chutiang deuh reuh chuan, TV/Fridge cte pawh an ti a. Hei hi a pawi angreng khawp mai, “Thil tha ti” an nih reng lai khan, thil tihchhiat an nei nual thin a. Mitthi chhungte tan thil pawi fe fe a awm fo thin. Chuvangin, tlawm kan ngai ta sa sa, thil pawi thleng tel kher lo zawngin chet tum thin ila a tha ngawt ang. Kang thelh ang zia zanga hmanhmawh em em a tul lem si lova. Mitthi chhungte tan thil lawmawm lehzual kan thlen a ni bawk dawn si a. an zirtir ber a. Master’s degree, education subject-ah an nei ngei tur a ni bawk. An Class naupangte kawng engkimah an kaihruai thei ngei tur a ni. Classroom Teacher an nih angin an class naupangte zirlai zawng zawng an kutah a awm a ni. Subject teachers te hi chuan pawl 7 – 12 ah subject hnih aia tam an zirtir ngai lo thung a ni. An subject-ah Master degree an nei ngei tur a ni. Tin, kum 1995, atang khan Kindergarten Zirtirtute pawh University degree nei an ni ngei tur, a ni bawk. Kan ram (a bikin Mizoram ) din hmun han ngaihtuah ve teh le. Zirtirtu nunphung te, Nu leh pa te’n zirtirtu kan en dan te leh khawtlang pawhin kan en dan te. Lehkhathiam lamah pahnihna kan ni kan tih lai hian ‘mithiam rintlak’ kan tam em? Kan veng pawh hian Centenary hial kan lawm ta a, enge kan dinhmun le?

Vol - XV No.No.37 2 .3rd November , 2007 (Inrinni) Vol - XVIIIIssue Issue 25th July. 2009 (Inrinni) :

: Darthlalang Darthlalang Chanchinbu, Chanchinbu, Branch Branch YMA, YMA, Serkawn Serkawn :: Kartin Kartin Chhuak Chhuak

Phek 43na Phek - na

VC HRIATTIRNA

SERKAWN PARK - Rinkima pa Teh ngawt a ! BCM hruaitute’n kan khawtlanga pawl, VC leh Kohhrante berawna BCM mual, park nuam tak ni tura an buatsaih mek hian hming ala nei chiah loin a langa, Serkawn Park ti rih mai ang. Kan hotute’n hming mawi tak an la phuah turah ngai ila. Kan khaw laili takah kohhranin ram thawl tha angreng tak a nei hlauh hi kan vanneih phah hle a. Mimal ram ni tase chuan a hnawkhnai ve tawh ngawtin a rinawm. Tunah hei, nausen atanga tar chaklo thlenga kan mamawh em em, len khawthawnna hmun tur BCM-in min han buatsaih sak leh ta a, Centenary mual nen, lawm teh ang u. Mizoramah hian veng laili taka park nuam tak nei veng dang awm ve tak ang maw ? Kan veng hi Missionaryte din a ni bawk a, a malsawmna pawh kan la chhawm zel a ni ber awm e. He park hi a puitlin hun a nghahhlelhawm khawp mai. Phul hring dep chung, thingbuk mawi tak tak hnuaia Krismas ruai theh a chakawm tawh hle a, kumthar mual programme hlei hlei hman a chakawm ta. Zing leh tlaiah mi zawng zawng tan exercise lakna duhthusam a ni dawn a, chhun ni sat laia chawlhna nuam a ni tur hi, a thlakhlelhawm zualna a ni awm e. A nih dan tur a nih hunah chuan U’teho pawhin kawppui an dap chung dawn a nia aw, a chhan chu inneih ni a thlalakna hmun duhthusam a nih dawn a, a chakawm dawn tlat ! He park hi sikul a ni dawn. Public place a awmdan mawi min zirtirtu tur a ni Thil mawi, tha leh changkang min kawhhmuhin a hlutzia min zirtirtu a ni bawk ang. A tawi zawngin, min tichangkang dawn a nih chu. Thil dang tamtak pawh a la awm a nia, kan sawi seng lovang. A hma a engtih nan maha nuam lo, mi tlemtein ball pet nana an hman thin kha mi zawng zawng tan rohlu a ni dawn ta e, duat leh zah takin i enkawl phawt mai teh ang u.

CONSUMER ASSOCIATION HRIATTIRNA Southern Gas Agent-ah Gas Connection ti duh tan heng a hnuaia mite hnenah hian ngaihven theih a ni. 1. Pu C.Lalsawmliana 2. Pu HC.Nghinga 3. Pu K.Lalnuntluanga

Housing Loan Hmu Sorkar (LAD) chuan housing Loan hmu turte a thlang fel ta a, kan veng atang pawhin heng a hnuaia tarlan te hian an hmu ve a, kan lawmpui hle a ni. A lian A te 1. Pu Pc.Lalbuanga 1. Pu Pc.Lalpianthanga 2. Pi F.Lalriliani 2. Pu K.Zodinsanga 3. Pi T.Lalhluni 4. Pu Pc.Lalhmunliana 5. Pu Laltlanzauva 6. Pu Pc.Hmingliana

DC Lunglei hnen atanga kan thu hmuh angin, heng a hnuai mite hi Serkawn mipui hriatah kan han tarlang a nge. 1. Lunglei Town chhungah ran ke pali nei leh ar va tumah in an chhuah tur a ni lo. 2. Ui nei zawng zawng te’n khawlaiah chhuah lovin an thlung vek tur a ni. 3. Mi tumah Ciggarette leh vaihlo atanga siam Tiranga,Tez, Parag, Genz,Harpal leh pan masala leh thial chi reng reng naupang kum 18 hnuai lam hnenah hralh loh tur a ni. 4. Mi tumahin zirna in( Educational center) bul 100 yard aia hnai ah cigarette leh vaihlo reng reng an zuar tur a ni lo. 5. Mi tumah puipunna hmun ( Public Places )ah Meizial an zu tur a ni lo. 6. Mi tupawh phalna(licence) neilova silai kawl reng reng te chuan August,2009 chhung ngei in Police Station ah Deposit tur a ni. August,2009 hnu a Licence neilo silai man a nih chuan dan anga na taka Action lak a ni ang. 7. Mi tupawh Sipai ( Army) Uniform ang chi reng reng hak phal a ni lo,ha lui an awm a nih chuan dan anga hrem theih a ni. 8. Electoral Photo Identity Card (EPIC) la nei lo te chuan tun thla (July) chhung hian Election Office Lunglei-ah siam tir tur a ni. -Sd/- H.Thanchianga Secretary, Village Council Serkawn

JOB CARD Hun rei lo teah NREGS thawhleh tur a ni a. Chhung tinte’n mahni Job Card kawl theuh tur a ni a. Section tinte’n heng a hnuaia tarlan hnen atang hian tunthla chhung ngeiin la chhuak turin kan inhriattir a ni. Section-I & II - Pu K.Zodinsanga Section-III - Pu Lalrammuana Section-IV - Pu K.Hrangkima Section-V &VI - Pu H.Thanchianga

Darthlalang ti ti Tun tum Darthlalang hi... I chhiar zawh vek chuan; Characters(15327), Words (3419), Sentences (205) i chhiar tihna a ni ang. Hemi chhiar chhuak tur hian minute eng zat nge i hman ?? Peka of Sec-III pawhin Mimi Lalzamliani sak ‘Khuanu leng ruat loh Di’ tih chu a duh ve ngang a niang..... Article ziak thin te chungah lawmthu kan sawi mawl mawl e. Kan khawtlangin kawng hrang hrang a hma a sawn theih nan, ‘ In tin deng Darthlalang’ hi hman tangkai i tum theuh ang u. Kar hmasa Issue, khawl lam chiangkuan loh avangin a fiah lo thenkhatah aawm a, a pawi kan ti hle, in mi hriatthiamna kan dil e.

Published and Edited by C.Lalbiakzuala for and on behalf of Branch YMA, Serkawn : Printed at BPP Serkawn ,

500 Copies