Danbala Saski

Orain dela aste batzuk 6. eta 5. mailakoek saskibaloiko partidu bat izan genuen gimnasioan Danbala Saskigetxoen kontra. Oraingoan eskolako taldekoek irabazi genuen eta, horren ondorioz, mezu batzuk agertu ziren nesken komuneko hormetan idatzita. Imajinatzen duzuenez aurkariek idatzitako mezuak ez ziren harro egoteko modukoak. Nahiz eta gure eskolan lehenengo aldiz gertatu, gertakari hau ez da, zoritzarrez, lehena izan eskoletan orokorrean. Bai etxeetan, bai ikastetxetan, bai aisialdi ekintzetan, denok saiatzen gara tolerantziaren baloretan gure umeak hezi. Aprobetxatu dugu, beraz, berriro ere, gure ikasleei gogorarazteko moduak daudela gure haserrea bideratzeko eta, behin akats eginda, estimatu eta onartu behar dela beste taldekoek egindako esfortzua arazoa konpontzeko. Barkamena eskatu ziguten eta guk, nola ez, hartu eta hausnarketa sakona eta pertsonal egiteko proposamena luzatu genien gure ikasleei halako bat berriro gerta ez dadin. Hona hemen gure umeek Danbala Saskigetxokoei idatzitako ohartxoa.