Bullettin 4 Jubilee

Ph: 9862808800

23rd March 2009

KRISTIAN |HALAI PAWL : CHANMARI BRANCH

GOLDEN JUBILEE SPECIAL BULLETIN

Vol.No.1. 23/03/2003

Rawngbawl tura chhandam

Phek1-na

KTP Golden Jubilee L awmna La Ni 16 Mar, 2009 (Mon) zan a\anga khan Chanmari Branch K|P Golden Jubilee chu lawm \an a ni ta. He Golden Jubilee lawmna hi zanin inkhawmah a \iak ang. Tarlan fo tawh angin Souvenir tlangzarhna leh Jubilee kharna inkhawm ni 16 October, 2009 (Fri) zanah neih a ni ang. Jubilee lawmna kal meka hun hman tawh dan \henkhat te :Ni 16 March, 2009 (Mon) : Jubilee hawnna inkhawm Pu Zionparlawma, Chairman, Jubilee Org.Comm. in inkhawm a kaihruaia, inkhawm Pathian hnena hlanna hun Pi A. Lalchhandami, OB hlui hluiin a hmang a. Tv. Zoramthara, Secy, Jubilee Org. Comm. hnen a\angin report ngaihthlak a ni. Nl. Lalrinawmi, hruaitu hlui hnen a\angin fakna hla mawi tak ngaihthlak a nih hnuah Upa Lalhrangluaia, OB hlui chuan Pathian hnena \awng\aiin Chanmari Branch K|P Golden Jubilee a hawng ta a ni. Jubilee zaipawl ten ‘Halleluia Chorus’ mawi taka an sak zawhah Jubilee Album ‘Hmangaih Vangin’ tih chu Upa Rinmuana, G/S CK|P in a tlangzarh a, Jubilee Audio Album-a zai te hnenah thilpek hlanna hun hman a nibawk. Inkhawm banah hruaitu hlui leh thar thlan chhuah mi 50 ten meichher chhitna maicham a\anga inhlan chhawngin Pu PC. Thandanga, Branch K|P Leader hmasa berin Jubilee meichher a chhi kai ta a ni. Ni 17 March, 2009 (Tue) : Jubilee Sports kharna Jubilee Sports kharna Kohhran Hall-a dar 7:00 pm a neih hi Pu Lalsawmkima, Asst. Secy. Jub. Org. Comm. in a kaihruai a, Pu Rothangzuala, OB hluiin \awng\aia Pathian hnena min kawltir hnuah Extempore Speech leh Quiz hmangin Jubilee Sports neih chhunzawm nghal a ni. Hun tawp lamah Tv.R.Vanlalchhandama hnen a\angin fakna hla mawi tak ngaihthlak a ni. Ni 18 March, 2009 (Wed) : Ramthar pual Ramthar pual inkhawmna zan dar 7:00 a Biak in a neih hi Pu Lalhmingthanga (Vivala), OB hlui chuan hneh takin a kaihruai a. Chanmari Branch K|P member an nih laia Missionary a chhuak, he Jubilee hmang tura lo kal thei mi 4; Pu Sangchuana, Tv. K. Zirsangzuala, Pi Hmangaihzuali leh Nl.Lalrindiki te hnenah Jubilee thilpek hlan a ni. Nl. Ruth MS.Dawngliani’n Pathian faka zaina hun a hman zawhah Rev. Zosangliana Colney, Synod Executive Secretary i/c Ramthar hnen a\angin Pathian thuchah nung tak ngaihthlak a ni. Ni 19 March, 2009 (Thu) : Variety Programme Hemi zan Variety Programme zan dar 7:00 a Kohhran Hall a neih hi Kohhran Hall-a leng lo Kohhran mipui an pungkhawm a. Vengchhunga zaithiam hrang hrang zai bakah veng pawn a\angin Pu Joseph Zaihmingthanga leh Nl.Maggie-i ten fakna hla an sa. K|P Group hrang hrang a\angin hetiang hian hun an hmang :- Daniela - Band; Ezekiela - Skit; Jeremia - Male Voice leh Isaia - Group Singing. Tin, Kohhran hmeichhia a\angin zai leh lam ropui tak ngaihthlak leh en a ni bawk.

Ni 20 March, 2009 (Fri) : Hruaitu hlui pual Hemi zan dar 7:00 hian Kohhran Hall-ah Chanmari Branch K|P hruaitu lo ni tawh zawng zawng puala hun hman a ni a. Pu Vanneihtluanga, OB hluiin hneh tak leh zei takin kaihhruai hna a thawk a, kalkhawm ten hlimawm an ti hle. Hruaitu hluite pual a nih ang ngeiin hruitu hlui zaipawl, hmanlai chanchin sawina hun leh OB hluite chawimawina thilpek hlanna hun hman a ni. Souvenir Committee-te buatsaih ‘Golden Jubilee Documentary’ hmuhnawm tak enho a ni bawk. Ni 21 March, 2009 (Sat) : Thisen pek Jubilee lawmna pakhat atan hemi ni hian Presbyterian Hospital, Durtlang a hman tur thisen pek a ni a. Chawhma dar 11:00 a\anga tlai dar 4:30 thleng pek a ni a, mi 125 (Mipa - 99 leh hmeichhia - 26) in thisen an pe a ni. Ni 21 March, 2009 (Sat) : Pathian biak inkhawm Hemi zan dar 7:00 Pathian biak inkhawm hi OB hlui Upa R. Lalsangzuala’n a kaihruai a. Pu Saitluanga Sailo, OB hluiin Bible chhiara \awng\aina hun a hman zawhin OB hlui leh Central K|P Asst. Leader Upa C. Vanlalvuana’n Pathian fakna hla a sa a. Jubilee zaipawl ten ‘Ram zawng zawngte u’ tih mawi taka an sak zawh hnuah Upa Peter Zohmingthanga, OB hlui hnen a\angin thuchah ngaihthlak a ni. Ni 22 March, 2009 (Sun) : Pathian biak inkhawm Chawhma inkhawm chu Sunday School pangngaia neih a ni a. Chawhnu inkhawmah Pathian Biak inkhawmna hun hman a ni a. Upa R. Lalnunsiama, OB cont....next page

Phek - 2 EDITORIAL BOARD

Editor

Bj. Zonunsanga

Jt. Editors

Lalhruaitluanga Sailo M.S. Dawngkima Vanlalnghaka Hauhnar Malsawmtluanga

Cir. Managers

Lalfakzuala Rawite Rochhingpuia

Pro. Manager

Lalsawmkima

JUBILEE THUCHAH Zionparlawma Golden Jubilee Org. Com. Chairman Pathian hruaina in kan Branch K.|.P Golden Jubilee ni tak tak chu kan lo thleng ta a, a lawmna programme engemawzat hmang tawh mahila a tak tak chu vawin hi a ni. Jubilee kum kan thleng hi kan vannei a, a Jubilee ni tak tak kan thleng thei ta phei hi chu vannei tak tak kan ni. Vawin niah hian kan lawm tur a ni, Jubilee chu saltang chhuahna hun a nih ang ngeiin a hmang thleng thei te hi chu kan lawm em em tur a ni. Kan beisei leh duh ang zawng zawng hmuin chang vek lo mahila Pathian tana kan pek leh kan thawh ngaituah hian a hnen a\anga kan dawn hi lawmthu sawi mawlh mawlh na tham a ni tih i hre thar leh ang u. He Jubilee hi puitlinna lam leh inpekna thar lama min hruaitu leh hmalam zawnga kan pen \anna lo ni \heuh se. Pathian rawng hi lawm chunga bawl tura ni tih pawh i hrethar leh ang u. Vawin nia Golden Jubilee thleng zawng zawng te in zavain Jubilee chibai ka buk che u a, hlim tak leh lungrual taka in hman \heuh ka duhsak a che u.

CHIB AI CHIBAI Chanmari Branch Kristian Thalai Pawl-a member lo ni tawh zawng zawngte leh tuna la ni lai mekte, Vengchhung a Kohhran nu leh pa leh naupangte, Vengpawn lam atanga he Jubilee min lawmpui tu zawng zawng te ‘Jubilee Chibai’ kan buk a che u.

hlui kaihhruai inkhawmah hian OB hlui Pu Laldinpuia Sailo chuan \anna hun a hmang a. Nl. Belinda L. Sailo hnen a\angin Pathian fakna hla ngaihthlak a nih hnuah Jubilee Zaipawl ten ‘Jerusalem ka in ropui’ tih hla mawi takin an sa a. Upa R. Lalhmangaiha, OB hlui hnen a\angin Pathian thuchah nung tak ngaihthlak a ni. Ni 22 March, 2009 (Sun) : Praise & Worship Zan dar 7:00 Pathian Biak inkhawmah hian Praise & Worship a hun hman a ni a. Inkhawm hi OB hlui Upa C. Vanlalnunga’n a kaihhruaia, Worship leader Upa C. Vanlalvuana kaihhruaina hnuaiah Pathian faka chawimawina hun Praise & Worship hun hlimawm tak hman a ni a. Inkhawm an \hahnem bawka beisei phak bakin hemi zan inkhawmah hian Pathian Thlarau Thianghlim hnathawh a lang nasa hle. Ni 23 March, 2009 (Mon) : Jubilee dar vuak Zing dar 6:30 ah Biak in tualah Bialtu Pastor Rev. C. Lal\anliana’n Chanmari Branch K|P in Golden Jubilee a lo thleng ta mai chu a lawmawm zia sawiin kalkhawm te Golden Jubilee chibai a buk. Pastorin hun a hman zawh hian Jubilee dar a vua a, Kohhran Committee, Kohhran hmeichhe OB, Branch K|P OB leh kan veng chhunga K|P OB hlui la awm ten dar hi an vua a ni (An dar vuak hi kan Kohhran dar hmasa ber, Bomb bung kha hman a ni)

JUBILEE ATANA PAWISA PE TE Heng a hnuaia mite hi/hian phal takin Jubilee atan pawisa an rawn pe a, an chungah kan lawm hle

1 2 3 4 5 6 7 8 9 10 11 12 13 14 15 16 17 18 19 20 21 22

Kohhran Committee Kohhran Hmeiche Committee Daniela Group Ezekiela Group Jeremia Group Isaia Group Nl. Lalzamliani Pu R. Lazidinga Pu V. Malsawmdawngliana Pu C. Lalhmachhuana Pu Lalthanchhunga Pu Lalhmingthanga Pu A. Lallungmuana Pu B. Daniela Pu Lalhruailiana Pu Vanneihtluanga Pu Zohmingthanga (Atea) Pu Zorammawia Upa R. Lalhmangaiha Pu B. Lalbiakthuama Zarkawt Branch KTP YMA, Chanmari Branch TOTAL

80,000.00 20,000.00 700.00 3,000.00 2,000.00 4,000.00 500.00 2,000.00 2,000.00 1,000.00 1,000.00 10,000.00 1,000.00 1,000.00 30,000.00 5,000.00 10,000.00 2,000.00 5,000.00 2,000.00 1,000.00 1,000.00 184,200.00

Phek - 3

CHANMARI BRANCH K.|.P. - TUNHMA Chanmari Branch K.|.P. din kum (1959) khan member 20 vel an ni a, thla khata inrinni zan hnuhnung berah an inkhawm \hin. Kum 1960 khan Kohhran tan sana lian pek a ni a, hei hi K.|.P. hminga Kohhrana thil pek hmasa ber a ni. Pu Lalngura (Tual Upa) chu Kohhran Committee aiawhin K.|.P. Committee-ah a \um khatna atan a tel. Kum 1961 a\angin Sande Sikul banah |awng\ai inkhawm leh Bible zirna Biak Inah neih \hin a ni. Music Committee hmasa ber chu 1963 khan K.|.P. Committee rawtna in Kohhran committee in a din. 1967 - November khan Chanmari Kohhran Zaipawl ten AIR, Aizawl ah Pu Lalengliana hovin hla a vawikhatna atan an khung. “Lungngaihna hual velin” tih leh hla dang an khung a ni. Ni 30 September, 1970 Tlai 4:30 1. Curfew hun tihdanglam a nih chinah K|P inkhawm a mumal thei lova, inkhawm neih leh ngei nise tiin an rel. Chawlhni zingkar dar 6:30 ah inkhawmna hi neih \hin nise tiin an rel. Ni 4 October, 1970 (Sun) zingkar a\angin inkhawm an nei \an. Ni 19 December, 1970 1. Bial K|P (Dawrpui Bial) a Budget Rs.25/- chu pek tlak an rel. 2. Committee member ten K|P chanchinbu Kristian |halai pakhat (a man 0:50 Paisa) lei \heuh nise tiiin an rel. 3. Ni 22 December, 1970 (Tue) zan a\angin K|P inkhawm chu thawhleh zan apiangin an inkhawm \hin. Kum 1975 khan Chanmari Branch K|P chu Dawrpui Bial chhungah a la awm a. Branch huam chhungah hian tuna Chanmari West leh Aizawl Venglai hi an la tel a ni. Branch chu Group 1,2 & 3 ah in\henin member 312 an awm. Committee thurel te :Ni 21 February (Nilaini) zing 7am - 8:35 am Branch hruaitu Tv.T.Thankhuma chu Manipur Fieldah Missionary-in ni 3.2.75 hian a kal dawn a, ni 2.2.75 hian thlahna nei ila Branch hmingin thilpek Rs.120/- man pek nise Ni 21.1.‘75 a K|P Branch hruaitu thlan tur tih chu Curfew vangin ni 9.2.‘75 (Sunday) chawhnu inkhawm banah neih zawk tur a ni Ni 18 February zing dar 6:15 Chawlhnia Cinema en ching an tam \hin em avangin a ngaimawh hle a, |halai/Upa/Pastor hovin nasa takin hma lak nise, Pathian rawn chungin in bei ho phawt mai ang u K|P General Conference ni 20-23 Feb.1975 a Champhai a neih turah kal ngei \ha kan ti a, Pu Thanmawia TMB Hire nise, a kal turte chuan mahni kal man Rs.18/- \heuh thawh tur a ni. Conference hmang tur hian ni 20 Feb. zingkarah an chhuak a, TMB Hire nan Rs.1,000/- an hmang a, Cen-

tral K|P zawmna Rs.10/- an pe a, CK|P a an Budget chu Rs.90/- a ni. Ni 7 March (Zirtawpni) zing dar 6:15 (Sharp) Bial K|P a kan Project Rs.30/- chu Branch Treasurerin lo pe se Ni 1 May zing dar 6:15 K|P Branch leh Group OB te Joint Committee chuan Faith Promise chungchang an rel (Kan hriat danin Chanmari Branch K|P hi Mizoram puma Faith Promise ching chhuak hmasa bertu niin kan inhria a, ni 1 May, 1975 a Branch Committee leh Group OB te inpawlhona huna an sawiho hi Minute Bu a hmuh theiha ziah lan hmasak ber a ni) KUM 1975 ..REPORT :Ni 9 May, 1975 khan Republic HSS Field laiin an inhlawh a, Rs.70/- an hlawh. Ni 7 June 1975 (Sat) khan hun rei tak a\anga an lo er tawh 'Mike System' \ha zet mai chu Rs.1802/- in an lei a, a tuk ni 8 June, 1975 (Sun) ah a hlanna hun an hmang. Ni 20 August, 1975 khan Central K|P a Branch Budget Rs.90/- hlan a ni. COMMITTEE THUREL TE... Ni 16.6.75 dar 6:15 zan Committee chuan Ramthar hapta a chhuah hman turin sumtuak nan Drama chhuah nise tiin a rel a, an thurel bawhzuiin Upa Lalhrangluaia leh Pu Lalngurawia ten Drama an ziak.Upa Lalhrangluaia’n Ramthim (Manipur) Budget ngaihtuahin ‘Setana hnathawh leh Pathian ram rawngbawlna hna Mizoram chhunga miten an ngaihtuah leh an thawh dan' tih leh Pu Lalngurawia ziah 'Tlangval pakhat hremhmun thlangtu chu' tihte an ni. Heng Drama te hi ni 7 July, 1975 zanah zir \an a ni a, Ramthar Week ni 13-20 July, 1975 chhunga neihah an chang a ni. Ni 14 August, 1975 (Thu) 6:15 am - Kan Drama zir velah hian kan dang a ro theiin kan rim tawng \hin a, Squash emaw. thingpui emaw tih theih \ha kan ti. Ni 18 August, 1975 zingah Biak In sak nan Kohhranah Rs.2300/- hlan a ni. Ni 23 October, 1975 (Thu) zan dar 7:50 - Inrinni (25/10/75) ah Tv.C.Thansiama te inah zaipawl inelna dt.26/10/75 a Ramhlun 'N' a lo awm tura mi zirna neih tur a ni a. Hla zir hi nileng tur a nih dawn avangin chaw ei ho \ha kan ti a, Buhfai no 1 leh a chanve leh thingfak 1\heuh keng ila kan ti. Ni 6 November, 1975 (Ningani) zan dar 6:30(sharp) - Bible Exam siam leh nise, a bu atan Timothea I & II na. zawhna siamtu atan Rev. L. Z. Zolawma nise \ha kan ti. UPA THLAN - Kohhran Upa thlan chungchangah chuan, Kohhran Upa Committee ten an lo rel tawh a, "Tun \um atan chuan Nomination siam lo ila" tih a nih avangin engmah sawi zawm theih kan nei lo.

Phek - 4

Hun hmasa lama K|P activity hrang hrang te hi han thlir la, an inpekna a van hlu em. Hun liam ta te thlir kir changin an lung a leng ve ngei ang..........