Bible Study (clean And Unclean Foods)

“Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana ti nakaskasdaaw a lawagna.”

“Nga ammoyo a nasubbotcayo iti barengbareng a panagbiagyo, nga impatawid cadayo dagiti ammayo, saan a naaramat kadagiti agrupsa, a cas iti pirac ken balitoc.”

“No di ket gapu iti napateg a dara, daydi dara ni Cristo a cas dara ti maysa a cordero nga awan pagdacsanna ken tulawna”

“Ket ni Jehova Dios binukelna ti tao iti tapuc ti daga, ket inpuyotna ti agongna ti anges ti biag; ket ti tao nagbalin a cararua a sibibiag.”

“Ket ti met laeng Dios ti cappia pagsantoennacayo coma a maananay; ket ti nakem ken cararua ken ti bagiyo maaywananda coma amin nga awan pacapilawanda maipaay ti idadateng ni apotayo a Jesu-Cristo.”

“Ay-ayatec, siac dawatec iti Dios a rumang-ayca cadagiti isu amin a banbanag, ket adda koma salunatmo a cas met ti irarang-ay cararuam.”

“Ket agservicayo ken Jehova a Diosyo, ket isu bendiscionannanto ti taraonmo ken ti danum; ket siac iccatecto ti sakit ti tengam .”

“Ket kinunana, No ipangagmonto a sipapasnec ti timek ni Jehova a Diosmo, ket aramidemto a nalinteg iti imatangna, ket imdengamto dagiti bilbilinna,

“Dicay aya ammo a ti bagiyo isu ti templo ti Espiritu Santo, nga adda cadacayo, isu a naggapu iti Dios? Ket saanyo a kukua ti bagiyo;”

“Ta nagatangcayo iti maysa a pateg; pagdayawyo ngarud ti bagiyo iti Dios.”

“Dawatec ngarud cadacayo, cacabsat, gapu cadagiti caasi ti Dios nga ipaayyo dagiti bagbagiyo, cas daton a sibibiag, nasantoan ken macaay-ayo iti Dios; isu ti pangdayawyo a naespirituan .”

“Gapuna, uray mangancayo, uray uminumcayo, wenno uray ania nga aramidenyo, aramidenyo amin a maipaay ti dayaw ti Dios.”

“Ta sica maysaca nga ili a nasantoan ken Jehova a Diosmo, ket ni Jehova pinilinaca a maysa nga ili a cucuana a naisalsalumina, naipangpangrona iti amin nga il-ili nga adda ti rabaw ti daga.”

“Dicanto mangan ti uray ania a nacarimrimon.”

“Iti kasta rebbengyo a paggigidiaten ti animal a nadalus ken narugit, ken ti narugit a tumatayab ken ti nadalus: Ket dicayto pagbalinen a nacarimrimon dagiti cararuayo

Gapu ti animal, wenno gapu ti tumatayab, wenno gapu ti uray ania nga agay-ayam ti daga, isuda nga inlasinco a narugit cadacayo.”

“Ket dacayo agsantocayto caniac: ta siac ni Jehova santoac, ken inlasincayo cadagiti tattao, tapno dacayo cucuac .”

“Apay ngarud a gastoenyo ti pirac iti saan a taraon? Ken ti banbannogyo ti saan a macapnek? Umimdengcayo a sireregta caniac, ken canenyo diay naimbag, ken pagragoenyo coma ti cararuayo met laeng caniac, cuna ni Jehova..”

“Ket ti Dios kinunana, Adtoy, iniccancayo iti isu amin a roroot nga addaan bukel, nga adda iti rabaw ti amin a daga: ken isu amin a cayo nga addaan bunga nga agpataud ti bin-i; maipaaydanto a canenyo:”

“Ket idi babai kinunana, paadduecto unay dagiti ut-utmo ken ti panagsicugmo; iti adu a rigat ipasngaymonto dagiti annacmo; ket ti asawam isunto ti calicaguman, ket isu iturayannacanto.

“Ket ken Adan kinunana, Gapu ta inanamungam ti sao ni asawam, ket nanganca ti cayo nga inbilinco kenca a kinunac, Dica mangantoiti: daydiay: nailunod ti daga gapu kenca,; babaen ti rigat mangancanto kencuana iti isu amin nga aldaw ti pangbiagmo.”

“Iti amin nga animal a nadalus mangalacanto iti sinagpipito, ti calakian ken ti cabaiyanna; ket cadagiti animal a saan a nadalus,dua, ti calakian ken ti cabaiyanna”

“Uray ania cadagiti ananimal a nagpisi ti cucuda, ken naggudua ti dapanna, ken agngatingat, mabalinyo a sidaen.”

“Nupay casta dicayto sidaen dagitoy nga agngatingat, a nagpisi ti cucuda: ti camello, uray ta agngatingat, ngem saan a nagpisi ti cucuna, isu ti karugityo.”

“Ket ti connejo, uray ta agngatingat ngem saan a nagguddua ti cucuna, isu ti carugityo .”

“Ket ti liebre, ta agngatingat ngem saan a nagpisi ti cucuna, isu ti carugityo.”

“Ket ti babuy, ta nagguddua ti kukuna, ket nagpisi ti dapanna, ngem saan nga agngatingat, isu karugityo.”

“Iti lasag dagitoy dicayto agsida, ket ti natay a bangkayda dicayto sagiden; carugityo ida .”

“Dagitoy dagiti adda cadagiti dandanuma mabalinyo a canen nga uray ania nga adda pigar ken sicsicna cadagiti dandanum, cadagiti baybay, ken cadagiti carcarayan, mabalinyo a sidaen .”

“Ket dagup dagiti awan pigarna ken sicsicna iti baybay, ken iti carayan, iti dagup dagiti aggaraw cadagiti dandanum, ken iti amin a nabiag nga adda cadagiti dandanum, carimonyo ida.”

“Ket carimonyonto ida; dicayto sidaen dagiti lasagda, ket dagiti bangkayda a natay ket carimonyonto.”

“Uray ania nga awanan pigarna ken sicsicna cadagiti dandanum, dayta macarimon cadacayo .”

“Amin dagiti an-animal a nagpayac nga agcaradapda cadagiti uppat a sacsacada, carimonyo dagiti.”

“Nupay casta mabalinyo a sidaen amin a nagpayac nga agkaradapda cadagiti uppat a sacada, nga adda ti luppoda, isu a paglagtuda iti daga;”

“Uray dagitoy mabalinyo a sidaen ida: ti dudon ken ti cakitana, ti pattanglod ken ti cakitana, ken ti curiat ken cakitana, ken ti patinggi ken ti cakitana.”

“Ta, adtoy ni Jehova umayto a siaapuy, ket dagiti luganna cas danto la alawig; tapno ipaayna ti pungtotna a sirurungsot, ken ti panangtubngarna a buyogen dagiti darang ti apuy.”

“Ta babaen ti apuy ni Jehova tungpalennanto ti panangocom, ken babaen ti campilanna, agpaay ti amin a lasag; ket ti papatayen ni Jehova adudanto.”

“Dagiti agsantificar ken agugor iti bagida met laeng a mapan kadagiti minuyongan, iti licudan ti maysa iti tengnga, a mangan ti lasag ti babuy, ken ti macarimon, ken ti marabutit, isuda mapucawdanto a sangsangcatonos, cuna ni Jehova.”

“Isuna laeng a dicayto canen ti dara: ibucbucmonto a cas danum iti daga .”

“Isu nga adaywanyo banag a naidaton cadagiti saan a pudno a dios, ken ti dara, ken ti animal a nalmes, ken ti pannakikamalala, ket no agaluadcayto cadagitoy a banag, naimbagto ti aramidenyo …”

“Idin imbagada ken Saul, a kinunada, adtoy dagiti tattao agbasolda ti maicaniwas ken Jehova, ta iti daydiay canenda agraman dara…”

“Gapuna, uray mangancayo, uray uminumcayo, wenno uray ania nga aramidenyo, aramidenyo amin a maipaay ti dayaw ti Dios.”

“Dica mingmingan ti arac no nalabaga, no cumilapkilap iti uneg ti copa. No agpababa a silalammuyot”

“Panungpalanna cumagat a cas la uleg, ket sumippit a cas carasaen.”

“Ti arac managrabrabac, ti naingel nga inumen mangringringgor; ket siasinoman a mailawan kenkuana saan a masirib.”

“Dicay ammo aya a dagiti nakillo didanto tawiden ti pagarian ti Dios? Dicay coma maallilaw: uray dagiti mannakiabig, uray dagiti agrukbab cadagiti ladladawan,

Uray dagiti manakicamcamalala, uray dagiti binabai, uray dagiti tumulad cadagiti Sodoma.”

“Uray dagiti mannacaw, uray dagiti naagum, uray dagiti managbarbartec, uray dagiti managtabtabbaaw, uray dagiti managpapaanak, saandanto a tawiden ti pagarian ti Dios.”

“Dawatec ngarud cadacayo,gapu cadagiti caasi ti Dios nga ipaayyo dagiti bagbagiyo, a cas daton a sibibiag, nasantoan ken macaay-ayo iti Dios, isu a panagdayawyo ti naespirituan.”

“Dicay ammo a dacay ti Templo ti Dios, ket ti Espiritu ti Dios agtaeng cadacayo.”

“No siasinoman a tao dadaelennan ti Templo ti Dios, isu rebbaento ti Dios, ta ti Templo ti Dios ket nasantoan; ket dayta a Templo dacayo.”

“Nagasat dagiti nadalus ti pusoda; ta makitadanto ti Dios.”

“Yantangay adda cadatayo dagitoy a carcari, ay-ayatec, agdalustay koma iti isu-amin a kinarugit ti lasag ken espiritu nga an-anayentayo ti kinasanto iti panagbuteng iti Dios.”

“Mabalinac dagiti amin a banbanag gapu iti daydiaymamapig sa kaniak.”

Healthy-Nasalun-at Happy - Naragsak Holy - Nasantoan