Balak Ko.docx

Balak Nako Rowena Montaño Nabati na ba nimo ang tinuod na gugma? Nabati na ba nimo ang kalipay na way susama? Kung wala pa, ali, paminaw na, Aduna koy balak sa inyo iistorya;

Sa akong pag tulog niining papag kong gamay, Nahuna hunaan nako akong buotang nanay; Inahan kung mag pangga, walay pus-aw walay pag lubad, Kada gab-i naanad ko nga siya ang katapad;

Kung ako ginadaman og mahadlok usahay, Mga iro nga naga taghol sa bintana kong gamay; Kahadlok mawala lang kung hugot ang pag hupot Mga bukton na mapinanggaon sa ako magpulopot;

Pag mata sa buntag mabati mong pag atiman, Sa akong mama daw lupig pa si wonder woman; Mumata siya’g sayo para lang lutuan ko, Ngit-ngit pa sa gawas, oras alas kwatro;

Dayon pukawon ko sa niluto niyang sudan, Pagkaong maka dasig akong masimhotan; Pag bakod nko, diretso kos kusina, Akong nanay asa? Gunit akong uniporme, sa sala namalansa!

Dili jud malupigan kining akong inahan, Maski akong papa kami gibiyaan; Di nimo makita nga siya nag antos, Pag baligya’g gulay isuroy, pandugang sa gastos;

O nanay, o nanay, ako nagapasalamat, Sa walay puas mong gugma, sa ako gipahimamat; Di man nako mapalit ang mga mamahalong bulak, Unta imong dawaton kining akong simpleng balak.