7th June 2009

An Official News Letter of Presbyterian Church, Ramthar Veng Kohhran Kantu : Vol. 23

Issue No. 33 : Ramthar Veng Presbyterian Kohhran Chanchinbu

Vawiin Programme

Chawhma (Dar 10:00)

S.S. Zirtur : Inneihna leh in\henna Chhiar tur : Marka 10 : 2 - 12

Chawhnu Inkhawm (Dar 1:30) Pastor Bial fan Programme Baptisma leh Lalpa Zanriah Sacrament Buatsaihtu :Rev. Dr. Chawnghmingliana, Bialtu Pastor Sermon : Pro. Pastor, Jehu Laldintluanga

Zan inkhawm (Dar 07:00) Pastor Bial fan Programme Sermon :Rev. Dr. Chawnghmingliana, Bialtu Pastor

K.|.P. Fellowship Hruaitu : Tv. R. Zosangzuala |antu : Nl. Lalbiaksangi Kumpuan Thupui zirho Sawitu : Tv. Lalhmunsiama Khiangte

Y.F.C. FELLOWSHIP PROGRAMME Hruaitu : Tv. Lalhmunsiama Khiangte |antu : R. Lalremruata Thawhlawm khawntu : 1) M.S. Dawngkimi 2) Ramngaihzuali Thawhlawm hlantu : K. Lalhmingsangi Solo : Zonuntluangi Hruiatu in Programme hlimawm tak a rawn buatsaih ang.

NAUPANG CHAWHNU INKHAWM (Pastor Bial fan Programme a nih a vangin, Naupang Chawhnu Inkhawm a awm lovang. Naupang zawng zawng Biak Inah Inkhawm vek tur a ni.)

PAVALAI PAWL PROGRAMME Vawiin tlai dar 06:00|awng\ai Inkhawm Hruaitu : Pu H. Lalramhluna

THAWH|AN ZAN |HALAI INKHAWM 06:30 - 07:00 P.M. : Praise & Worship Hruaitu : Pu Rualzakhuma |antu : Nl. Mary Lalhlimpuii Thuchah : Pu Lalthanga (CK|P. Comt. Member)

THAWH|AN ZAN PAVALAI INKHAWM A hun A hmun Hruaitu |antu Thusawitu

: : : : :

Zan Dar 7:00 Pu Sawichhunga In Pu B. Thanglawta Pu Biakremthanga Pu P.C. Lalrinchhana

THAWHLEH ZAN HMEICHHE INKHAWM Hruaitu : Pi P.C. Zaihmingthangi |antu : Pi H. Lalmuanpuii Thusawitu : Pi Lalrawngbawli |awng\airual

7th. June, 2009

HMA I SAWN ZEL ANG U Upa Vanlalsawma Siakeng

“ E n g p a wh n i s e l a , k a n t h l e n c h i n a \ a n g khan hma i sawn zel ang u.” (Phil.3:16) Ringtute hi thlen chin a\anga hma sawn zel tur leh \hang zel tur kan ni a, kan dinhmun \heuh heng a hnuai a\angte hian ilo in enfiah dawn teh ang. 1. Rinna kawngah : Naupian \ha pangngai chu zawi zawiin taksa leh rilru lamah a lo \hanglian a, hma sawn zelin a tawpah a lo puitling \hin. Kan Thlarau lam nunah pawh hei hi kawng dik a ni tho mai. Hmana tawng sang tak, tuna kal ngaihna hre der lo; thlarau thilpekte pawh dawng \euh tawh, Pathian pawhin a hman em em tawh si, tiam chin thleng hlei thei lo kan ni em? Kan pianthar tirh lai vel hi kan tawn san lai ber anih chuan keimahniah Thlarau rah hmuh tur a vang duh khawp ang. Rinna kawnga kan intlansiaknaah pawh hian chak taka tlan pur pur leh hmasak fal nul nul ai chuan tiamchin thlen ngei a pawimawh zawk. Kawng laka chauh leh thep ral mai mai ai chuan muangchanga tlan a, a tawp thlen a \ha zawk fo. Chak taka tlana kawng laka peng bo leh \hin kan ni em? 2. Inkhawm lamah :Biak In a inkhawm hi Thlarau lam chaw \ha kan dawnna hmun, a aia hmun \ha awm chuanglo a ni. Chaw ei tura chawei dawhkan kan pan peih lo a nih chuan damlohna kan nei a ni \hin. Biak In lama kan kal peih loh viau hi chuan thlarau lam nunah damloh rukna kan nei a ni duh khawp mai! A tidam theitu awmna Biak In lam pan leh vat mai hi damna kawng awmchhun a ni. 3. Thilpek lamah : Ananymous-a chuan, “Pathian ram rawngbawlna atana i pek chhuah zat a\angin i thlarau nuna i pachhiat dan leh i hausak dan ka thliar thei ang,” a ti a. Sawi rik awm chuang miah lova kan thlarau lam nun tarlanna Darthlalang \ha ber chu kan thilpek danah hian a ni fo \hin. 4. Rawngbawlna lamah : Kohhrana chanvo \ha leh mawhphurhna sang tak chelh ve vung si, ti \ha peih tak tak lo nih ai chuan midang \ha zawk turte kawng ken thiam mai hi a \ha zawk fo. Mahnin kan ti \ha peih lo a nih pawn midang dal kher hi kan awm dan tur a ni lovang. Phur a chhuah laia midang tan a hnawk sak lek lek khawpa inpe sang, rei tlin leh silo nihte hi rawngbawltute kan invenna tur a ni. Tlangval pakhat chuan a bialnu hnenah, “Sipai thuah sarih pawh i tan chuan ka tawn tlang ngam; ruahte hi muzuk fei angin rawn sur mahse i tan chuan ka do han \hak mai ang” a ti a. A bialnu chuan, “Anih leh zaninah rawn leng lawk ta che” a ti a. Tlangval chuan, “Aw, ka rawn tum dawn nia ruah a sur loh chuan,” a ti. 5. Midangte tana luanchhuahna kawngah : Tui luang chhuak lo chu a bawlhhlawh \hin angin, ringtu leh Kohhran luang chhuaklo chu a bawlhhlawh ngei ngei \hin. ‘Taksa tan chaw \ha ei vak vak si, thlan tla khawpa che chhuak leh silo chu an hrisello thuai \hin’ a ni. Pathian malsawmna kan dawn phu tawk tala chet chhuah veleh hi kan awmdan tur a ni ngei ang. Kan Thlen chin a\ang hian hma i sawn zel ang u.

KOHHRAN KANTU (KARTIN CHHUAK)

VOL No. XXIII

ISSUE No. 33

"Editorial

BIAK IN ZAHAWMNA

Kan ramah hian kan hmun swrh leh zah ber chu Biak In hi a ni a. He hmunah hian Tisa leh Thlarauva kan mamawh, ei tur tak kan hmu a ni. Mihring rilru a dam loh chuan taksain a tuar a, chutiang bawk chuan Thlarau nun pawhin a tuar a, a chauh phah \hin a ni. Kan Thlarau mamawh, chaw tak chu hmuh tumin Biak Ina kan kal a, Pathian aw kan ngaithla \hin. Hei vang tak hian rawngbawltute pawhin mahni inbuatsaih fimkhur a ngai reng a ni. Tunlai khawvel \hang chho zelah hian mihring nun hrim hrim hian takna leh dikna a hloh ve tial tial a. Sakhaw nun pawhin a tlak hniam phah hle. Pathian biak Inkhawm awmzia te, a puithuna te, a takna te kan hlamchhiah hret hret zel niin a lang a. Hei hi a bik takin |halai naupang deuh zawkte zingah a ni zual. Pathian Biak Inkhawm laia lo titi te, |awng\ai laia men ruk te hian Pathian kan zah lohzia a tilang a ni. Inkhawmna bakah in lamah nu leh pate hian kan fate leh naute hi Biak In zahawmna leh Pathian biak awmzia inzirtir thar leh ila. Chu chuan nun tak, nun nghet min neihtir thei a ni tih hi sawi thar leh ila a \ha hle.

MAY 2009 PATHIAN RAM THAWHLAWM REPORT TLANGPUI Pathian Ram Ramthar Tualchhung

-

Rs. 2,56,980/Rs. 1,54,180/Rs. 2,01,537/-

Total

-

Rs.6,12,625/-

Buhfai\ham Thawktu Chawmna Inneihna Sacrament

-

Rs. 38,300/Rs. 78,000/Rs. 440/Rs. _

Grand Total

- Rs.7,29,365/-

Ip sem zat Ip lut zat Ip lut p.c.

- 681 - 619 - 91%

Bial Hrang hrang Ip lut percent Bial 1 2 3 4 5 6 7 8 9 10 11 12 P.c. 95 99 84 94 90 88 88 84 90 87 91 97 IP LUT PERCENT KHAIKHINNA THLA 2008 2009 January 82 84 February 80 88 March 82 92 April 81 82 May 82 91 Averg. 81.4 87.5 Note: Pathian Ram Thawhlawm Ip lut percent 80% target a nih laiin kumin hian thla tinin kan phak theih avang leh May 2009 thla phei hi chuan Bial hrang hrangin kan phak vek a. Chumi bakah Thawhlawm belhkhawm Cheng Nuairuk a tlin phak chuan lawmawm kan tih \hin hle laiin tun thla hian Nuai sarih zet kan han hmu thei hian Pathian Ram Thilpek chungchangah Kohhran chhungkaw tinte \hahnemngaihna kawngah hma kan sawn zel a ni tih tilangtu a ni a, a lawmawm takzet a ni.

7th. June, 2009

Phek-2

KOHHRAN NEWS

Editorial Board Editor : Lalrodawla 9862770039 Jt. Editor : Lalfakzuala 9862473218 Cir. Manager : B. Lalsangpuii 9862326747 News Editors : F. Lalbiakthuama, Lalnuntharmawia, Pc. Siampuii, Lalnunchami, R. Laltlanmawii, Zothanpari

PATHIANNI

= Vawiin hi Pastor Bial Fan Programme a ni a, Sunday School a pangngaiin neih a ni ang a, Chawhnu Inkhawmah Lalpa Zanriah & Baptisma Sacrament neih a ni ang. Baptisma chan tir tur nei chu Nu leh Paten inkhawm pui ngei tura beisei an ni a, Inkhawm pawh thutna remfel te a tul thin avangin mipui aia kal hma deuh turin kan in ngen a ni. = RL & RC. dilna Form mamawhte tan kan Biak In enkawltu Pu Vanlalbela hnenah leh Kohhran Secretary hnenah lam theih a ni e. = Ni 6-7.06.2009 chhung hian Bungkawn Kohhran Biak Inah “Pavalai Revival Meet 2009” neih a ni a, Speaker-ah Rev. Lalsangbera, Kulikawn Bialtu Pastor hman a niin, kan Kohhran atangin Pavalai Pawlte engemaw zat an tel a. Programme hlawhtling tak an hman beisei a ni. = Mission Foumdation Movement chuan October 2009 chhung hian Mizote tan Israel Ram (Ram Thianghlim) zin theihna a buatsaih leh dawn a; kan Kohhran a\anga kal ve duh kan awm chuan hengte hi hriattur \ulte a ni; i) Mi pakhat tan Rs. 80,000/- (Cheng Singriat) in tum a ngai a. ii) Passport neih ngei a ngai a. iii) Mimalin, Visa, Interview a ngai lova. iv) Sap\awng thiam lo tan pawh harsatna a awm hran lo. v) Hei bak hrechiang duh chuan Kohhran Secretary hnenah emaw, Ph. No. 2345400 / 9862558637 (Bawngkawn)ah te zawhfiah theih a ni.

.

K|P HUANG



Kan member Tv. Lalmuanpuia (Mampuia) chu LPS.-in a buatsaih Pro Fight-ah Light Wt.- Champion niin kan chhuang em em a, hei hi kan \awng\aina Pathianin a chhanna a ni tih hriain Pathian hnenah lawmthu i sawi mawlh mawlh ang u. Member dangte pawhin kan Talent te hi Pathian min pek a ni tih hriain,Pathian leh kan Veng leh Branch ti hming\hatu atan hman i tumin \an ila zual zel ang u. Tv. Lalmuanpuia (Mampuia) kan lawmpui tak zet zet a ni.  Upa Lalrinmuana, General Secretary Central K.|.P. kal tlang a lehkha kan hmuh angin, Association for Voluntary Blood Donation (AVBD) Mizoramin June 12 (Zirtawpni) 2009 Dar 09:30 AM - 04:00 PM a I & P R Auditorium-a Workshop for Blood Donor Motivators an neih turah K.|.P. Branch 20 thlan te a\angin Mi 2 zel Branch aiawh a tel tura ngenna kan dawn chu, kan Branch a\anga tel turin, Pu Vanlalhruaia, Treasurer leh Tv. P.C. Lala, Committee Member te chu ruat an ni.  Naktuk zan Inkhawmah hian Central-a kan hruaituten min rawn tlawh dawn a, Inkhawm kal hmaah leh kal Inkhawmah \an ila ang u. Kan Branch hmel lanna tur a ni tih i hre \heuh ang u. MAY THLA CHHUNGA FAITH PROMISE LUH DAN Bial 1 2 3 4 5 6 7 8 9 10 11 12 P.c 79 64 74 77 46 42 50 58 69 50 57 72 Note: A pumpui luh dan 61% a niin, Rs. 22,325/- lai mai hmuh a ni a, a lawmawm hle, Member ten \an i la zel ang u.

RAMTHAR COMMITTEE NEWS 2Vawiin Sunday School banah Kohhran Committee Room-ah Faith Promise chhiar tur a ni a, Bial neituten ngaipawimawhin, \hahnemngai takin i khawn \heuh ang u.

MASIHI SANGATI FELLOWSHIP NEWS Sangha kan zawrhna man kha vawiin tlaiah thehlut vek tura ngen leh hriattir kan ni.

Published and Edited by The Kristian Thalai Pawl, Ramthar Veng Branch, Printed at the El Hrahsel Offset Printer, Ramthar Veng, Ph: 2340835