23 November 2008

‫ސުމުއްވުލްއަމީރު އިބްރާހީމް ނާޞިރު އަވަހާރަވުމާ ގުޅިގެން‪ ،‬ރައީސުލްޖުމްހޫރިއްޔާ މުޙަންމަދު ނަޝީދު ޚަބަރުފަތުރާ ވަސީލަތްތަކާ‬ ‫ބައްދަލުކުރައްވައި ދެއްކެވި ވާހަކަފުޅު ‪ 23 -‬ނޮވެމްބަރ ‪2008‬‬

‫ﺑﺴــﻢ اﻟﻠّـﮫ اﻟﺮّﺣﻤـﻦ اﻟﺮّﺣﯿــﻢ‬ ‫اﻟﺴّـﻼم ﻋﻠﯿـﻜﻢ‬ ‫މިއަދަކީ‪ ،‬އަޅުގަނޑުމެންގެ ރާއްޖޭގެ ތާރީޚުގައި ހަމަކަށަވަރުންވެސް ފަވާލެވޭނެ ދުވަހެއް‪ .‬ސުމުއްވުލްއަމީރު އިބްރާހީމް ނާޞިރު‬ ‫ރަންނަބަނޑޭރި ކިލެގެފާނު މިރާއްޖޭގައި ބޮޑުވަޒީރުކަން ކުރެއްވުމަށްފަހު އަދި ރައީސުލްޖުމްހޫރިއްޔާގެ މަގާމު ފުރުއްވުމަށްފަހު ވެރިކަން‬ ‫ދޫކުރައްވައި އެބޭފުޅާ ވަޑައިގެންނެވި ގޮތާއި‪ ،‬އަދި މިދިޔަ ދިގު ‪ 30‬އަހަރު އެބޭފުޅާއަށް ކަންތައްތައް ދިމާވެފައިވާ ހިތާމަވެރި ގޮތާއި‪،‬‬ ‫އެބޭފުޅާގެ ޢާއިލާއާއި އަނބިދަރިން ވިއްސިވިހާލިވެ ގޮސް‪ ،‬އަމިއްލަފުޅު ޙަޔާތް ހިތާމަވެރި ހިތި ގޮތުގައި މިދިޔަ ދިގު ދުވަސްވަރު‬ ‫ހޭދަކުރައްވަންޖެހިފައިވާކަމީ‪ ،‬އަޅުގަނޑުމެންގެ ޤައުމީ ޙަޔާތުގައި ހަމަކަށަވަރުންވެސް ޖެހިފައިވާ ވަރަށްބޮޑު ލައްގަނޑެއް‪.‬‬ ‫އަޅުގަނޑުމެންނަށް ހެޔޮ ވެރިކަން ކުރުމަށް ލިބޭ ފުރުސަތުތަކުގައި ފިތުނަޔާއި ނަފްރަތާއި ހަސަދައިގެ ބުރަހެލިކަމުގައި ބަދަލުހިފުމުގެ‬ ‫އެއްވެސް ރޫޙެއްގައި އަޅުގަނޑުމެން ކަންކަން ކުރަނީނަމަ‪ ،‬އަޅުގަނޑުމެންގެ ރާއްޖެއަށް އަޅުގަނޑުމެން މިއުންމީދުކުރާ އުފާވެރި‬ ‫ދިރިއުޅުން އަދި ޑިމޮކްރަސީގެ ރިވެތި ނަމޫނާއާއި މިސާލުތައް ލިބިގަތުމަށް އުނދަގޫވާނެ‪.‬‬ ‫ކިތަންމެ ގޮތަކުން ދެކޭއިރު‪ ،‬މިއަދަކީ ދިވެހިރާއްޖޭގެ ޤަދީމީ ވެރިކަމުގެ ފާޑު ނިމިދާ ދުވަސް‪ .‬ސުމުއްވުލްއަމީރު އިބްރާހީމް ނާޞިރު‬ ‫ރަންނަބަނޑޭރި ކިލެގެފާނަކީ މިރާއްޖޭގެ އެންމެފަހުގެ ކިލެގެއޭ ދެންނެވިދާނެ‪.‬‬ ‫އަޅުގަނޑުމެންނަށް އެކިލެގެއާއެކު އިރާދަކުރެއްވިއްޔާ މިނިންމެނީ މިރާއްޖެއަށް އަޅުގަނޑުމެން މިއުންމީދުކުރާ އާވެރިކަމުގެ އުސޫލު‬ ‫ގެނައުމުގެ ކުރީގައި އޮތް ޒަމާންވީ ޤަދީމީ ދިވެހި ވެރިކަމުގެ ފާޑު‪.‬‬ ‫އިބްރާހީމް ނާޞިރުގެ ވެރިކަމުގައި އެބޭފުޅާ އަޅުގަނޑުމެންގެ ޤައުމަށް މި ދިވެހިރާއްޖެއަށް ނުހަނު ގިނަ ޚިދްމަތްތަކެއް ކޮށްދެއްވާފައި‬ ‫އެބަހުރި‪ .‬އަދި ހަމައެހެންމެ އެބޭފުޅާގެ ދިގު ވެރިކަމުގައި ރާއްޖޭގެ ރައްޔިތުންގެ ތެރެއިން ކިތަންމެ ބަޔަކަށް ނިކަމެތިކަމާ ހިތާމަޔާ‬ ‫ހިތްދަތިކަން ލިއްބައިދީފައިވޭ‪.‬‬ ‫އެހެންނަމަވެސް‪ ،‬ހެޔޮވެރިކަން ކުރުމަށް އަޅުގަނޑުމެންނަށް ލިބޭ ފުރުސަތުތަކުގައި އެފުރުސަތުގެ ބޭނުން ނުހިފައިފިނަމަ އެތައް ޒަމާނެއް‬ ‫ވަންދެން އޭގެ ހިތި ތަޖުރިބާ‪ ،‬މުޅި ރައްޔިތު އެކީ އެބަކުރަންޖެހޭ‪.‬‬ ‫‪ 1978‬ވަނަ އަހަރު އިބްރާހީމް ނާޞިރު ވެރިކަން ދޫކޮށްލެއްވިއިރު‪ ،‬ހެޔޮ ވެރިކަން ކުރުމުގެ ފުރުސަތު އަޅުގަނޑުމެންނަށް ލިބުނު‪.‬‬ ‫އެފުރުސަތު އަޅުގަނޑުމެންނަށް ގެއްލި ދިޔައީ އަޅުގަނޑު ދަންނަވާނީ ހަސަދަވެރިކަމާއި ފިތުނަޔާއި ނަފްރަތުގެ ނުރަނގަޅު އާދަތައް‬ ‫އަޅުގަނޑުމެންނަށް ކުރިއަށް ނެރެވުނީތީ‪.‬‬ ‫އަޅުގަނޑު އުންމީދު ކުރަނީ އަޅުގަނޑުމެންގެ ހުރިހާ ރައްޔިތުން މިއަދު އަޅުގަނޑުމެންނަށް ލިބިފައިމިވާ ހެޔޮ ވެރިކަން ކުރުމުގެ‬ ‫ފުރުސަތުގެ ބޭނުންހިފައި އަޅުގަނޑުމެންނަށް އާއުންމީދަކާއެކު އެހެން ގޮތަކަށް އުޅެން ފެށުމުގެ ނިޔަތް ގަނެވި އެގޮތަށް އަޅުގަނޑުމެންގެ‬ ‫ދިރިއުޅުން ކުރިއަށް ގެންދެވޭނެކަމަށް‪ .‬ސުމުއްވުލްޢަމީރު އިބްރާހީމް ނާޞިރު ރަންނަބަނޑޭރި ކިލެގެފާނަށް ސުވަރުގޭގެ ނިޢްމަތް‬ ‫ދެއްވުމަށް މާތްރަސްކަލާނގެ ޙަޟްރަތުގައި އަޅުގަނޑު ދުޢާ ދަންނަވަން‪ .‬އަދި އެބޭފުޅާގެ ޢާއިލާއަށް ކެތްތެރިކަމަށް އެދި ދުޢާ‬ ‫ދަންނަވަން‪.‬‬ ‫اﻟﺤﻤـﺪ ﻟِﻠّـﮫ ވަރަށްބޮޑަށް ޝުކުރިއްޔާ‪.‬‬