Zuzeneko_prentsaurrea_18d

ZUZEN: eskubide berdintasunagatik sarearen jaiotzaren berri emateko deitu zaituztegu prentsaurreko honetara. ZUZEN 2008ko Ekainean sortzen den pertsona eta kolektibo ezberdinen sarea da, Gasteizera eta Arabara migratutako pertsonen giza eskubideak ( eskubide sozialak, ekonomikoak, kulturalak, zibilak zein politikoak) urratzen diren egoeren salaketa soziala eta aldarrikapen publikoa da gure helburu nagusia. Kanporatze zuzentarauaren kontrako mobilizazioa batu gintuen eta hortik aurrera elkartzen jarraitu gara beste ekintzak antolatuz, adibidez paktu europearraren kontrako mobiliazioa, krisi ekonomikoa eta habar. Honekin batera, prestakuntzazko zein hausnarketarako jaurdunaldiak antolatu ditugu pertsona migranteen eskubideen inguruan eta orain arte aurkeztuko dugun Abenduaren 18ko kanpainan lanean aritu gara. Hau guztia gutxi balitz, ZUZEN sarean informazio eta esperientzien elkar trukea ematen da berdintasunezko gizarte multikultural bat eraiki nahi dugun bertakoen artean, bai migratutakoen artean baita berez Gasteizkoak direnen artean. ZUZENek ez ditu elkarteak edo kolektiboak ordeztu nahi, kolektibo horiek guztien baliabideak eta indarrak batu eta gehitu nahi ditugu, Gasteizen eta Araban horrelako gune baten falta somatzen genuen, xenofobia eta inmigrazioaren kriminalizazioaren mesedetan behin ta berriz azaltzen diren diskurtso, neurri eta lege lokal zein europearrei elkartasunezko erantzun koordinatu eta zabal bat emateko. Diskurtso, lege eta neurri horiek egiten dituzten berek baitira txirotasun egoera eta migrazio horien arduradun nagusienak, pertsona migranteen jatorrizko herrialdea baliabidez ustiatu dutenak, hain zuzen. ZUZENek independentzia ekonomikoa, politikoa eta erligiosoa mantendu nahi du eta asanbladen bitartez eztabaida, erabaki eta antolakuntzazko lan sarea eraikitzen ari da. Azkenik, inmigrazioarekin sentsibilizatuak dauden pertsona eta kolektibo oro sare honetan parte hartzera gonbidatu nahi ditugu. Bukatzeko, ostegun honetan, Abenduak 18, pertsona inmigranteen eguna dela eta, Andra Mari Zuriaren enparantzan arratsaldeko 19.30n egingo den kontzentraziora hurbiltzeko gonbidapena luzatzen dizuegu. Hona hemen manifestua: Ostegunean, abenduak 18, 19.30n Andra Mari Zuriaren enparantzan bilduko gara, migrazio mugimenduaren sinbolo izanik, denak maleta batekin juateko deia egiten dugu.

Abenduaren 18ko internazionala

konmemorazioa:

pertsona

migratuen

egun

ZUZENek eta gainerako pertsonek zein kolektiboek uste dugu: - migrazioak betidanik eman dira eta jarraitzen emango dira, gizakiaren historiaren parte baitira. Kasu askotan, Gasteiz kasu*, arrazoi ekonomikoak direla medio, zure zein zure familiaren bizi baldintzak hobetzeko; sistema kapistalistak eragindako goseaz eta gabeziaz ihesean, globalizazio neoliberal honek beti berdinei, gizarteko ahuldunei, eragiten digulako. Hauxe da Gasteizera etortzeko hainbat emakume eta gizon izandako arrazoi nagusiena. Beste migrazio batzuk bizitza bera salbatzeko ematen dira, arrazoi politikoak direla medio, gerrak direla medio, azken hauek ere herri “tipologia” berari eragiten die beti... Eta migrazioak beste mila arrazoiengatik ere badaude. - Migrazioak ematen jarraituko direla aipatzen dugu, nahiz eta Europa, EE.BB edo Israelek harresi erraldoiak eraiki, gizaki askoren hilketen testigu. Nahiz eta pertsonen kriminilazioan oinarritzen diren migrazio politikak, europar kanporatze zuzentaraua, paktu europearra, Estatu Espainolaren atzerritartasun legea geroz eta zurrunagoak eta xenofoboagoak izan, pertsonak askatasunez mugitzeko eskubidea dugu, bizitza duintasunez hobetzeko eskubidea daukagu. Guzti honegatik ZUZEN eta gainerako pertsonek eta kolektiboek, Abenduaren 18 honetan, Gasteizko bizilagunekin batera, salatu eta aldarrikatu nahi dugu: - 1.ngo mundua eta aberatsenek sistema ekonomiko kapitalista hau mantentzen jarraitzen duten heinean, eskubide sozial, politiko eta ekonomikoak mugatuak geratzen diren heinean, kolonializatzen eta Ertamerika, Afrika zein Asiako baliabideak ustiatzen jarraitzen diren heinean, migratzeko erabakia hartuko duten pertsonak egongo direla, erabaki horrek inplikatzen duenarekin... bizitza galtzea askoren arduragabekotasunaren aurrean. - Emigratzen duten pertsonak ez direla ilegalak, ez dagoela ilegala den gizakirik eta pertsona guztiak bizitza duin baterako eskubidea daukagula, jatorrizko lekua edozein delarik. - Gobernuek, politikoek eta herritarrok orokorrean, moral bikoitza utzi eta gure ongizatea pertsona inmigrante horiei esker mantentzen dela onartu behar dutela. Sektore ekonomiko garrantzitsuak eta kasu askotan zerbitzu sektorea, mantendu eta aberastu egiten dela emakume eta gizon migranteak jasan behar dituzten lan eta bizi baldintza tamalgarrien erruz. Lan eta bizi *ikuspegi 2007

-

-

-

-

baldintza jasanezin hauek Atzerritartasun legeak eraginda eta babesturik daudela. Giza Eskubideen Deklarazio Unibertsalaren 60. urteurrena aintzat hartuz mundu osoko atzerritar zentru bereziak ixtea, kartzela ilegalak baitira, pertsona errugabeak zigortuak direlako eta han bertan hiltzen direlako, poilitika migratorioen biktima izanik. Nahiz eta merkatuak pertsonak merkantzia eta lan esku merkea bezala tratatu, borrokan jarraituko dugula migratutako pertsonen eskubideak onartuak izan daitezen: osasuna, heziketa, lana, berdintasuna, etxebizitza, bozka, erlijiorako askatasuna, eta habar pertsona ororen eskubidea izan behar delako. Komunikabideak pertsona inmigranteen inguruko informazioa erabiltzean haien kodigo deontologikoak kontuan hartu eta profesionaltasunez eta etikaz jokatzeko garaia badela. Diskurtso xenofoboa bultzatzen dutela eta hori geratzeko konpromisoa behar dugula. Gasteizen bizi diren emakume eta gizonen integrazioa, soilik eskubide berdintasunetik etorriko dela.

ZUZEN eta sinatzaileak arrazakeria soziala eta instituzionalaren aurrean erantzuna emateko, salaketa soziala egiteko eta gure inguruan elkartasuna eraikitzeko konpromezua hartzen dugu. Eta gure proiektuan (ZUZEN) parte hartzera gonbidatzen zaituztegu. Gasteizen, 2008ko Abenduaren 18an