Venglai August 24, 2009

AGAPE

May,2006

1

INKHAWMPUI LIAN COMMITTEE VAWI 46-NA REPORT Vanlalsawmi, General Secretary

A hmun A hun

: :

Lunglei Venglai Kohhran March 10-12, 2006

March 10-12, 2006 chhung khan Lunglei Venglai Kohhranah Presbyterian Kohhran Hmeichhe Inkhawmpui Lian Committee Vawi 46-na chu tluang taka neih a ni a, lawmawm hle. Inkhawmpui Liana palai kal dan te leh thurel thenkhatte kan han tarlang ang e: I.

PALAI KAL DAN: 1. 2. 3. 4. 5. 6. 7. 8.

Bial 137 atangin palai Central Kohhran Committee Central KTP Synod Puipate ATTWI Member Pastor Pro Pastor Kohhran Upa TOTAL Chhimtute Kan vaiin

-

269 27 2 3 1 3 2 5 312 8 320

Pi Ngurnghaki Central Committee chu damlohna avangin a tel thei lo a, pawi kan ti hle. Kumin hian Pastor Bial hawn thar pasarih atangin Pastor Bial thar pahnih Hortoki leh Manikbond Bial atangin palai an lo kal thei lova, tin Zaite Bial atangin an lo kal lo bawk a, Bial 5 atangin palai pakhat theuh an lo kal bawk.

AGAPE

2

May, 2006

II. KUM 2007 INKHAWMPUI LIAN VAWI 44-NA: Kum 2005 March 4-a Inkhawmpui Lian Committee Vawi 45-na Chaltlang Kohhrana neih tuma lo rel tawh Kum 2007 Inkhawmpui Lian chu Champhai-Kahrawt Field-ah (Inkhawmpui Lian Comt. neih lai hian a hmun tur hi Chhangphut Field tia hriatir kan ni) Pastor Bial 5 - Vengthlang Bial, Kahrawt Bial, Bethel Bial, Kanan Bial leh Vengsang Bial infinten an thleng dawn a, tunah hian an inbuatsaihna a kal mek a ni. III. THUREL-TE Inkhawmpui Lian Committee-ah hian Bial atanga thu lut chi hrang hrang Central Committee in Floor-a kal lova a hrilhfiahte engemaw zat a awm a, chungte chu Paper-in Palaite hnenah sem vek a ni.Bial atanga thu lut Inkhawmpui Lian Committee-in a passed kan hriatawm thenkhatte: 1.

INKHAWMPUI

LIAN PROJECT LEH BUDGET

Kum 2006 Project leh Budget atan a hnuai ami ang hi ruahman a ni, hetiang in -

1) 2)

Project Women Centre atan Inkhawmpui Lian sum atan TOTAL

-

Budget Rs. 4,50,000/Rs. 1,50,000/Rs.6,00,000/-

2.

Zoram Hmeichhe Inkhawmpui Lian neih loh kum, Inkhawmpui Lian Committee neih kum hian Inkhawmpui Lian Committee hi Aizawl Khawpui chhungah nghah thin ni rawh se, tih thu a lo lut a, Inkhawmpui Lian Committee hi chu Aizawl khawpuia nghah thin ni se, tia rel a ni.

3.

Women Centre tihpuitlin nan tun aia chak zawka hma lak ni se, tih thu a lo lut a, Agenda lo lut ang hian tun aia chak zawka hmalak chu tha kan ti tlang a. Central Committee-in a theih anga chakin hma lo la zui se, kan ti.

May,2006

AGAPE

3

4.

Inkhawmpui Lian Committee thurel No. 7-na chuan Inkhawmpui Lian Fee tia kan hman thin chu kan Inkaihhruaina Bu Bung 4 General No. 1-a sawi ang zul zuiin INKHAWMPUI LIAN THAWHLAWM tia dah ni se, tiin a rel bawk.

5.

Kohhran Hmeichhiate Ram pum huapa faina chungchanga hmalak mek hi chhunzawm leh ni rawh se, tih thu lo lut pawh Faina chungchanga hmalak mek chhunzawm zel chu tha kan ti tlang a, hemi chungchanga Central Committee-in thuchhuah a lo siam tawh te bawhzuiin mahni Bial leh Kohhran theuhah a theih angin hmalak chhunzawm theuh ni se kan ti.

10.

Thla thar thawhleh zan hmasa ber a tawngtai thupui tuna kan hman mek hi kum khat chhung atan chhunzawm leh ni sela. Heta tawngtai thupui kan hman mek, Kum 2006-ah Harhtharna a lo thlen theih nan tih chu Zoram pumah Harhna a lo thlen theih nan tia thlak ni se tih Central Committee atanga thu lut chu pawm a ni a; Tawngtai thupui te chu a hnuaia mi ang hi a ni :

1) 2)

Tu leh fate tan Ruihhlo ngaite leh a zuartuten an sim theih nan te, Ruihhlo dotuten Pathian tihna leh a chakna ringa an do theih nan. Hmangaihna In tan Women Centre a hlawhtlin theih nan Chhungkaw tinin Nitin Chhung Inkhawm kan neih theih nan Zoram pumah Harhna a lo thlen theih nan Hengbakah hian Inkaihhruaina Dan khawih thil chi hrang hrang te a awm bawk a, chungte chu Inkaihhruaina Dan hi siam that tum mek a ni a, a ngaihtuahtu tur Sub-Committee te kutah dah a ni.

3) 4) 5) 6) 10.

4

AGAPE

May, 2006

IV.

KRISTIAN CHHUNGKUA Kumina Inkhawmpui Lian Committee-ah hian kum 2005 chhunga Kristian Chhungkaw dinhmun tehnaa ram pum huapa kan dinhmun tarlan a ni a. Kum 1970 atanga Kristian chhungkaw dinhmun tehna ki hnih kan neih 1) Nitin chhung Inkhawm nei thei zat leh 2) Chawchhum apianga Buhfaitham thin zat hmangin rampum huapa kan dinhmun hi teh a ni. Kum 2005 January - December chhunga Kristian chhungkaw Tehnaa kan dinhmun chu Chhungkaw 79,977-ah chhungkaw - 37,365 (46.72%)-in nitin chhung inkhawm kan nei thei a, chhungkaw - 79,977-ah chhungkaw 76014 (95.04%)- in chawchhum apiangin Buhfai kan tham thei ta hi a lawmawm em em a ni.Kum 2005 January December chhunga Kristian chhungkaw dinhmun Tehnaa sang ber chu N.E.Khawdungsei Bial a ni a, anni hi a sang pawlah an awm reng a, tum nga ngawt sang ber nihna an hauh zawn tawh a, an fakawm hle. Nitin chhung inkhawm nei thin in - 494-ah In 403 (81.58%) an ni a, Chaw chhum apianga Buhfaitham thin in - 494ah In 493 (99.80) (95.04%) lai an awm a ni. Tun tumah hian Inkhawmpui Lian Committee hun hi ni 1012.3.2006 (Zirtawpni zan atanga Pathianni zan) thleng hman a ni a. Inkhawmpui Lian Committee chauh ni loin Kohhran Hmeichhe Rawngbawlna Report hun atan te, Pathian Biak Inkhawm hun atan te hman a ni a. Thupui atan “A chhe lai siam thatu” (Isa. 58:12) tih chu thlan a ni a, thupui hi chi hnihah thenin Pi K. Laltluangi, ExChairman leh Rev. Dr. R. Lalbiakmawia, Executive Secretary i/c Women ten an sawi a, Pathianni chawhnuah Rev. Chanchinmawia, Synod Moderator-in Lalpa Zanriah Sacrament a theh a, Pathianni tlai Mual inkhawm neih a ni a, Pi Vanlalnghaki, Synod Revival Speaker-in thu a sawi bawk. Pathianni zan Inkhawmah Pi Zohmingthangi, Chairman-in Pathian thuchah a sawi bawk. Tin, Inrinni Zan Inkhawm banah Tobacco leh Cancer chungchang zirho a ni a; Dr. Jane R. Ralte, OSD Health, Aizawl

May,2006

AGAPE

5

in min zirtir a, palaiten kan hlawkpui hle. Pathian Biak Inkhawmah hian a tir atangin zaipawl, Bial Kohhran zaipawl, Kohhran zaipawl, Kohhran Hmeichhe zaipawl a awm reng a, heang bakah hian Pi Lalsangzuali Sailo chuan zaia rawngbawlna a nei thin bawk. Inkhawmpui Lian Committee hi Pathianin Thlarau Thianghlim awmpuina kan dawng hlein kan inhria thusawituten an sawi thain chanvo neitu apiangten an chanvo tha takin an hlen thei a, a lawmawm em em a ni. A thlengtu Lunglei Venglai Bial Kohhran te inbuatsaihna a tha hle a, Presbyterian Kohhran mai bakah Kohhran hrang hrangte pawh an tlang a. Organising Committee-te insiamin Sub-Committee engemawzatah an inthen a. Mahni chanpual theuh hlen turin an tangrual a, Inkhawmpui Lian Committee hi fel leh tha takin an thleng a, Inrinni tlaiah palai zawng zawngte tan chawhlui an buatsaih nghe nghe a ni. Inkhawmpui Lian Committee hi kum dangah chuan Aizawlah ni khat awha neih a ni thin a. Tun tumah hi chuan a bik takin ni thum chhung hman a ni a, palai zahnih chuang zet kal velna tur motor-te harsa dawnin Central Committee chuan a hria a, palaite kal lam leh haw lama an kalna tur Bus panga leh Sumo pakhat a ngaihtuahsak nghe nghe a (palaite chuan man erawhchu Central Comt.in pe loin an awmna Bialin a peksak thung). Hetiang hian Inkhawmpui Lian Committee Vawi 46-na chu Pathian hruainain a thlengtute inpekna leh thawhrimna te, Pastor Bialtin atanga palai lo kal te leh Central Committee-te nen tangrualin tluangtak leh hlawhtling taka zawh fel a ni.

a. Hei hi Sam Paula Secretary AICC sawi a ni.

6

AGAPE

May, 2006

Hriat zau nan: INDIA RAMAH KRISTIANTE AN CHEP India rama cheng kan nih mai bakah India mi kan ni a, India rama chengte hi sakhaw hrang hrang bia kan ni a; chuvang chuan India sawrkar pawhin sakhaw zalenna hi a mite tan a siam a ni. Amaherawhchu, Hindu sakhua betuten heti tak mai a Kristiante tihduhdah a an turtir thin mai bakah an mahni do dal zawnga kawng tam taka hma an la thin hi keini Kristiante hian an thil tum leh hmalak dan hi kan hriatthiam a, kan tawngtainaah pawh kan hriatzui fo atan tarlan tul hlea hriain kan han tarlang leh dawn a ni. RSS mi firfiakten January ni 13 khan Christiante Domakonda khuaa Nizamabad-ah pian cham an lawm laiin an tibuai a; Pastor David Sunivas Balrajee (amah hi christian a ni) chuan a fanu birthday a lawm a, a Christian puite a sawm khawm a, Balrajee leh a thian pangate chu an tawngtai laiin RSS mi sawm lai an inchhungah an lut thut a, an nghawngah thamin a inchhunga atangin pawnah an tham chhuak a an vaw bawk. RSS lam tang Mohan Reddy chuan mi hrat khawkheng hruaiin Pastor David-a leh a thiante chu an sawisa hrep a, Pastor David-a phei chu nikhaw hre lovin a awm a, a dang pali chu na takin an hliam bawk a ni. Pastor David-a chu an sawisak hnuin an bikeah an phura an Hindu pathian nu bulah an paih a, chuta tang chuan police station-ah an kal a Pastor David chu an pathian nu lem a pawhthler avanga sawisa an ni, an ti hlauh a; chulai hmuna mite chuan David-a chhuat a tlu reng an hmuh chuan damdawiinah an kalpui nghal. Ganali Reddy Inspector of Police chuan heng mi pakhua te hi a mantir a, thubuai a siamsak nghe nghe a ni. Andra Pradesh hi Congress lalna a ni a, an Chief Minister chu Christian a nih avangin BJP leh RSS ho chuan, heng Christian Missionary-te hi a ti zalen lutuk a ni, an ti a. Tichuan Pastor pahnih David leh K. Isaac Raju te chu Hyderabad-ah May, 2005 khan rawng taka thah an ni a; June 6, 2005 khan Pastor pakhat chu Andra Pradesh-ah a ruang chhar a ni bawk.

May,2006

AGAPE

7

December 1998-a Dangs-ho hmuna Biak In leh Mission School beih a ni khan mi hriatlar a hlawh a, kha mi atang kha chuan RSS ho awmna hmunah chuan Christian-te tihduhdahna leh tihthaihna a hluar ta hle a. Pawl anga hriat tham deuh deuh Hindu, Jagran Manch te leh Vanvasi Kalyan Ashram an tihte chuan “Hinduise” an tih mai Dangs hmun ngaw hmun pika cheng te, Bhils, Konkanis, Varli leh Tribal ho zingah hma an la nasa hle a. 1980-a Ramjanmabhoo mi pawl chet dan ang zulzui deuhin, an hmanlai thawnthu Ramayana hmangin hnam ze thar an rawn chher chhuak a, Advasi hmeichhe pakhat Shabari hmingin pawl an din a; Hindu sakhua advasiho an lo let lehna hmanraw remchang taka ngaiin leh Christian-te do let nan he nu hming hi remchanga hmangin pawl an din ta a ni. October, 2004 khan Shabari Mata Mandhir an tih mai chu an Head Quarter Ahwa atanga 33 km a hla Subir tlangah chuan hmun an buatsaih a, chu an temple sak chu Rama leh Lalimanan Shabari an tawhna hmun hriat reng nana sak a ni. Chu temple-ah chuan BJP leh RSS-a an hotu lawk deuh deuhte leh RSS-a an hotu pa ber K.S. Sudarshan leh Gujarat-a an Chief Minister Naremdra Modi te chu temple tlawh ngun pawl tak an ni. Chu temple hlawhtling taka an ngaihah chuan RSS-a an mi pawimawh deuh deuhte hmalak nain “Shabari Kumbh Mela” an tih mai chu an buatsaih a. Chanchinbu Indian Express-in a sawi dan chuan, Hindu sakhua hian amah dotu lian deuh deuh pahnih a nei a, pakhat chu Islam sakhua a ni a, a dang leh chu Christianna hi a ni, a ti. Heng anmahni dotu bakah hian khawvel pum huapa tan lak a ngaih thu a ziak tel bawk. A dona atana tum li lai Kumbh Mela an lo buatsaih tawh a, a tum ngana tur “Sabhari kum leh Mela” an buatsaih chhan chu Christian-te chet dan beih let nana tih a ni. Gujarat-a Dangs hmunah

8

AGAPE

May, 2006

11-13 February, 2006-a neih leh tum a ni. February 11, 12, 13. 2006-a an tum dan chuan Hinduho nuai sarih lai tel tura ngaih a ni a. Hindu Society ven him, a bik takin Vanavas ho leh a bul hnaia thingtlanga awmhote tan a ni deuh ber a. Christian Missionarieshoin ramdang atanga tanpuina nen an sakhuaa inlet tura an beihna avangin harsatna hmun hrang hrangah an tawk a ni, an ti a. Heng Tribal ho zingah hian an rawngbawlna chu a hluar a, tribal leh tribal ho zingah inhmelhuatna an ti chhuak a, chu chuan inlakhrannate leh inrikrapna a thlen a ni an ti. Kan sawi hma lama Christian lo vuan tawh te chu Hindu sakhuaah lak let tumna a lian hle a. He Shabari leh Kumbh Mela kum 4 dan zel a an neih hi Christian Missionary te hnathawh do let nana hman raw tha bera ngaih a ni. He lai hmun hi Hinduhoten an sakhaw hmun thianghlimah an hmang zui ta a, amaherawhchu, tun thlengin Kristian pakhatmah Hindu sakhaua be tura lak let theih an la nei lo an ti a, a ropui hle, kristiante nghet taka an din theih nan tawngtai zel ang u. Christian Missionaries te chuan heng RSS ho chet danah hian engmah an sawi chhuak duh lo a engmah an sawi chhuak lo a, mahse a hmun an buatsaihna hmuna chengte tan erawh chuan an chimawm a, nunphung a ti buai hle a ni. Lalman Bagula khuaa cheng sawi dan chuan temple an sakna epa awmte chuan an tawrh nasat zia an sawi, Kumbh Mela an buatsaih phei chuan a ti hreawm leh zual a, an khawsak dan leh an nunphung an tih khaihlak nasat sak hle a ni.

_______

May,2006

AGAPE

9

HRIAT ATAN 1.

ZIN REPORT

1)

April 11, 2006 (Thawhlehni) chhungin Chhinga Veng Bial huapin Leadership Training neih a ni a, Pi Zohmingthangi, Chairman, Nl. Lalrinkimi, Co-ordinator leh Pi Thangseii, Committee memberten an hmanpui. Leadership Trainingah hian mi sawmruk chuang zet an tel thei a, a lawmawm hle. Chhinga Veng Bial hi kum 2006 Synod Inkhawmpuiin Bial thar a hawn zinga tel kha ni a, Bial hruaitute leh member-te pawh an phur tlang hle. Leadership Training hi Bialtu Pastor leh kohhran upaten an tawiawm a, he programme hi Bial chhung Kohhranten an hlawkpui ngei beisei a ni.

3)

April 18-23, 2006 chhung khan PCI Biennial General Assembly Vawi 37-na leh Revival Centenary Celebration Presbyterian Church Mairang-ah tluang taka neih a ni a. Pi Zohmingthangi, Chairman chu PCI Executive Committee leh PCI Assembly palai leh Revival Centenary lawm turin a kal a. Tin, Pi K. Laltluangi, Ex-Chairman pawh PCI Assembly palai leh Revival Centenary lawm tur hian PWF aiawhin a kal bawk. PWF Standing Committee atangin Nl. Lalrinkimi, Pi Zokhumi Vankung, Pi Zapari leh Pi K. Lalliantluangi te bakah hmeichhia 25 vel kal turin Synod-in a ruat a, Central Comt. atangin Pi Hmangaihthangi, Pi Vanlalpawli, Nl. Vanlalsawmi te an kal.

3.

Kum 2005 Synod Inkhawmpui chuan Mizoram chhung leh ram pawnah Pastor Bial a hawn belh a, chung zingah chuan Khawpuichhungah Bial thar pali a tel ve a; chungte chu - Mission Vengthlang Bial, Chhinga Veng Bial, Thuampui Bial leh Leitan Bial te anni. Kohhran Hmeichhiaten kan Inkaihhruaina Dan dinglai mekah

10

AGAPE

May, 2006

khawpui chhung Pastor Bial tin atanga Central Committee member inruat tura tih a nih angin heng khawpui chhung Bial hawn thar Bial pali te atang pawh hian Central Committee member turte rawn inhriattir tura ngen an nih angin member turte hriattirna kan dawng a, hetiangin: 1) Pi Thangseii, Bial Chairman (Leitan Pastor Bial); Pi Vanlalthangi, Bial Com. member (Chhinga Veng Bial); Pi Darveli, Bial Chairman (Thuampui Bial) leh Pi K. Vanlalrawni, Bial Secretary (Mission Veng Bial, Mission Vengthlang Bial hawn thar zawkah hian Central Committee an awm tawh avangin, Mission Veng Bial zawk atangin Central Commitee member tur hi ruat a ni) te chu Committee-in a rel angin Central Committee Vawi 367-na (Inkhawmpui Lian Committee zawha Central Committee hmasa ber)-ah an rawn tel. 4.

BUHFAITHAM : Buhfaitham-ah hian Synod-in kum tinin

hmuh beisei zat a siam thin a. Kum 2005-2006 chhunga sum hmuh tur Budget a beisei zat chu Rs. 440,00,000/- a ni a, kan hmuh zat chu Rs. 4,99,53,427/- a ni. Budget khumna hi Rs. 59,53,427/- a ni a, a lawmawm hle. Synod-in kum 2006 - 2007 Budget atan Rs. 47,000,000/- a dah leh a ni. Buhfaithama Budget kan tlin thei thin hi Bial tin, Kohhran tin leh chhungtinte tanrualna rah a ni a, a lawmawm em em a ni. Kum 2006-2007 Budget pawh hi tlin leh ngei tumin Pathian rinchhanin in tang tlang leh teh ang.

May,2006

AGAPE

11

12

AGAPE

May, 2006

Hriselna Huang I PERIOD A NORMAL EM? - Dr. Lalhmingliana, MD Gynecologist Civil Hospital Thla tin thi neih dan hi a inang lo thei hle mai. Thenkhatin a hun chatah an neih laiin thenkhat chu a insawn reng mai bawk. July thla khan ka damlo en pakhat chuan chhul paih turin min rawn ngen a, a chhan ka zawh chuan, thi neih a lo peih tawh loh vang a lo ni! Hmeichhe tam zawk chuan chhul paih chu sawi loh, thla khat lek pawh thi nei lo/mumal lo se, a chhan hriat duh vangin an lokal vat thin. Thenkhat tan ninawm viau thin mahse, I period neih that leh that loh khan chungril lam fel leh fel loh a entir tlat si a, a hun taka i thi chhuak thin khan i chhul khawl a thawk tha tih a entir bakah, fa pawh i duh chuan i la neih belh thei tih a lantir a ni. Doctor hriat ang zawng zawng chu hriat rual a ni lovang a, eng emaw chen tal i hriat ve erawh a ngai. I period a buai deuh hleka i mangan zel loh nan, thi neih kaihhnawih ‘thuruk’ thenkhat hriat tlan atan kan tarlang ang e: i) Period laia taina - Normal chin : Thi neih hma leh neih tan ni a tai nuam lo/tai mar deuh teng tung hi a normal khawp mai. A nawm loh chhan hi hormone-Prostaglandin-in chhul tihrawl ti tangin, chul chhunga thil tlingte nawrchhuah a tum vang a ni (Chhul tihrawl a tan contraction reng rengin na a siam thin) Oral pill (Chhangkhatna damdawi) ei thinte hian na an nei nep bik thin a, a chhan chu chhul bang (Endometrium) a pan thin a, a pan chuan thi chhuak tur a tlem a, chhul tihrawl a tang nep thin.

May,2006

AGAPE

13

Thi neih taina tana nachawkna tha ber chu Prostaglandin ti tlem thei - eg. Ibuprofen (Brufen), Mefenamic acid (Meftal spas) te hi an ni. A nat chhung nihnih/khat lo ei mawi rawh, a hlauhawm loh. Kawl reng mai rawh. Mi thenkhatin thi a tichhuak tha thei lo an tih hi a dik lo. Tichhuak tha thei lo ni lovin, thi insiam a tih tlem thin vang a ni. Tui luma inbual hian a ti ziaawm thei a, rilru leh taksa a hahdam a pawimawh hle bawk. Rilru hah emaw taksa hah emaw te hian a letin taina an tuar nasa zawk. Normal lo - Hna thawh thin pangngai ti thei lo khawpa na, damdawi pawhin a chhawk zawh loh a nih chuan, a normal chiah lo tihna a ni mai. A bik takin, tunhmaa na ngai lo tun hnua na thar phei chu ngaihpawimawh lehzual a ngai. Thi neih laia na siam nasa thei tak mai chu ‘endometrosis’ a ni. Chhul bang (Endometrium) ang hmun dang - entirnan - chi bawm, chi kawng, pum chhung etc.,ah te a lo awm ve hian natna a siam thin a, chu chu ‘endometriosis’ tiin an vuah. Chhul atanga thla tin thi neih rualin Endomentriosis awmna hmunah khan thi a chhuak ve thin. Chi bawmah thi a tlin phei chuan bawk lian pui angin a awm thin. Endometriosis bakah hian natna hrik vang te, chhul bawk Fibroid vangte in taina a zual thei bawk. ii) Period laia thi chhuak - Normal chin - A tir lamah thichhuak a tam tur a ni; tichuan, a tlem chho tial tial ang. Kan tarlan tawh angin chhangkhatna eite hian chhul bang a pan a, thi chhuak pawh a tlem sawt thin. Zaah pakhat (1%) phei chuan thi an nei lo hial thei. Kum khat chungin vawi hnih khat chu thi neih tam tum i nei ang. hei hi a chhan chu i ‘chi’ chhuah loh vang a ni. Thil hlauhawmah kan ngai lo. ‘Chi’ a chuah loh hian hormone - ‘oestrogen’ a chhuak tam thin a, chu chuan

14

AGAPE

May, 2006

chhul bang a ti chhah lehzualin, thi chhuak a tam phah em em thin. A rawng hi chu, a sen lar emaw a sen duk lam emaw a ni thei. Chhuak mai lo va chhul chhunga a tlin phawt hian a lo khar deuh thei a, chu chu thi chhuah rualin khar angin a lo chhuak ve thin - a tam loh chuan hlauhawmah ngaih loh tur. Normal lo - Darkar hnih khat chhunga i pad (e.g. staufree) hman lai thlak a ngai zel a nih chuan a normal lo hle a ni mai. A tlem leh lutuk a nih pawhin a normal chuang lo. I period a tam lutuk a nih chuan a chhan zawn chhuah a ngai. A thlentu pawimawh ber mai chu, Iron tlakchham vanga thisen (haemoglobin) tlem hi a ni. Thisen tlem chu an dâng a, an chau ngawih ngawih a, thawk kham lo angin an awm thin. Iron pekin tihdam mai theih a ni. Hei bakah hian chhul bawk - Fibroid, ti chawr polyp, endometriosis leh thyroid hnathawh dik loh vangin thi neih a tam thei viau bawk. iii) Period hun bi - Normal chin - Thi neih hi thla tin ni inang chat chatah neihkher tur a ni lem lo. A normal chin chu ni 22 atanga ni 35 inkar hi a ni a. A tlem berah ni 22 inkar, a tam berah ni 35 inkar hi normal-a ngaih a ni. Entirnan : July ni 2-ah thi nei ta la, ni 24 dana nei thin i nih chuan July ni 26-ah i nei leh dawn a, thla khatah vawi 2 i nei ta a; mahse a ‘normal’ a ni. Thla tin i thi neih kha a hma hret hret zel ang.Ni 35 danah i nei a nih erawh chuan, thlatin a tlai zel thung ang. A pawimawh ber chu ‘regular’ takin i

May,2006

AGAPE

15

nei em tih hi a ni. A tlangpuiin ni 3 atanga ni 5 chhung thi an nei thin. Mi thenkhat chuan tlem an nei phawt a, ni 1 a reh a, an nei leh a, Awm thar thut a nih lem loh chuan normal-ah ngaih a ni. Normal lo - I period khan ni 7 aia rei a nih emaw ni 2 aia rei lo emaw a nih chuan a normal lo tih hriat tur. A chunga kan ziah angin, thla khatah vawi 2 neih chang a awm thei; mahse, vawi 3 aia tam chu a neih theih loh hrim hrim. Vawi 3-4 i nei anih chuan dik lo a awm vang a ni mai. Thi neih mumal lo siamthatna’n chhangkhatna (Oral pill) hi a tha hle. Chhul bawk - Fibroid nei te hi chu zai an ngai thin. Thyroid (arpuar) dik loh vanga thi neih dik lo hi chu damdawi hmanga enkawl mai theih an ni. iv) Period laia pum puar - Normal chin - Thi neih laia pum puar i nei ngai em? I Jeans hak thin leh i zungbunte a lo tawt ta vek mai maw? A hlauhawm em? Hlauhawm lo - Hormones-in taksa atanga tui chhuak a tih tlem vang a ni, a reh leh mai ang. Tui in tam la ( a tlem berah no 6-8), period dawn leh Period laiin chi ei tlem bawk la, thlan tla thei turin exercise la bawk la - a ziaawm sawt mai ang. doctor phalnain zun tamna ei ngaih chang a awm bawk. Normal lo : Period zawh hnuah pawh i pum puar a reh lo a nih chuan Doctor hmuh a ngai thung. Pum tha lo emaw Lactose Intolerance emaw vang a ni thei. Ei leh in tih danglamin a tih reh theih. Pum puar rei tak i nih phei

16

AGAPE

May, 2006

chuan chi bawm bawk (cancer hial pawh) a ni thei. Kawngna, chau ngawih ngawih leh rihna hloh i nih chuan in-chekup ran a tha. v) Period thei lo - Normal chin : I rai vanga thi nei lo i nih chuan zun test atangin a hriat theih mai a. Chuti a nih loh chuan rilru hah lutuk emaw taksa hahlutuk (Super Stress) avangin thi neih loh a awm thei - a hlauhawm hran lo. Exercise lak natsat lutuk emaw cher lutuk/thau lutuk emaw avangin period loh theih a ni bawk. Hmeichhe hormone - Orestrogen hi taksa thau leh chi bawm atanga insiam a ni a, cher chuan Oestrogen a nei tlem a, thau chuan a nei tam leh lutuk bawk si a, oestrogen tlem lutuk leh tam lutuk emaw hian thi nei lovin a siam ve thei. Normal lo : Rai bawk si lo, rilru leh taksa hah bawk si lo, thla thum aia rei thi neih bawk si loh chuan ngun taka in check-up a ngai. Thyroid hnathawh dik lo emaw, chi bawm bawk (Ovarian cyst) emaw vang a ni thei. Enkawl harsa vak lo ve ve a ni thung. Mi tlemteah chi bawm hnathawh tha lo (Premature ovarian failure) avangin thi neih a tawp thei bawk. Kum 40 tlin hmaa thi hul an awm leh zauh thin nachhan chu he natna vang hi a ni. vi) Thi hul - Normal chin : Kum 40 pelh hnu, kum 55 tlin hma si a i thi a hul a nih chuan normal-ah ngaih a ni. Normal lo : Kum 40 tlin hma a thi hul chu Prema-

May,2006

AGAPE

17

ture ovarian failure vangin a awm thei a. Kum 55 pelh hnuah pawh thi i la nei a nih chuan in-check up uluk hle a ngai. A ti tlai theitute chu, chhul bawk - Fabroid, zunthlum leh chi bawm bawk (Oestrogenic tumour of ovary)etc. Zunthlum bawk si lo, bawk nei bawk si lo a nih pawhin chhul ziaha Biopsy lak hrim hrim a tha. Chhul cancer a hlauhawm avangin chhul paih mai pawh a pawi lo.