Parodija Tri Godini Vlada

SOCIJALDEMOKRATSKA MLADINA NA MAKEDONIJA ul. Biha}ka br.8; 1000 Skopje; Makedonija tel.: (02)3293-138, faks: (02) 3293-139

Пародија по повод навршувањето на 3 години Влада на ВМРО-ДПМНЕ на чело со Никола Груевски Водител: Добар ден на сите, јас сум Вашиот денешен водител Миленко Груевски. Ви должам едно извинување од мојот драг колега Слободан Томиќ кој требаше да ја води оваа свечена манифестација. Тој е оправдано отсутен, мораше да ги подигне 90-те илјади евра што му ги должи МТВ во најкраток можен рок. Денес, во соработка со невладината органицација „Осиромашуваме“ во чест на 3 годишнината од владеењето на пастирот наш Никола Груевски, решивме да избереме 3 најмонументални дела кои зборуваат и опоменуваат за постигнувањата на оваа Влада во областа на економијата и подобрување на животниот стандард. И секако, да му доделиме 3 награди на нашиот пастир Никола за 3-те години лаги и осиромашувања. Локација: БИК Водител: За осиромашување на земјоделците, за тепањето на млекопроизводителите и за уништувањето на нивните животи, ја доделуваме третата награда, нашиот БИК. Наградата ќе ја додели млекопроизводителот од Могила. Го поканувам пастирот да ја прими наградата. Млекопроизводител: Од овој бик 3 пати дневно млеко да пиеш, пастиру наш вековен!!! Груевски: Многу сум среќен за наградата. Се заблагодарувам на Гордана Јанкуловска за тоа што ги тепаше земјоделците, на мојот драг кум Ставревски затоа што не им даде пари и на себе затоа што 3 години ги лажев и уште ќе ги лажам!!! Водител: Ве молам да се префрлиме кај следниот објект – чистачот на чевли

Локација: Чистач на чевли Водител: За осиромашувањето на вработените во текстилната индустрија. Нашиот премиер-пастир овозможи многу вработени во текстилната индустрија да се занимаваат со оваа благородна професија и со тоа да придонесат за почисти чевли на граѓаните на Македонија, се разбира, доколку ги имаат. Втора награда – магистратура. Наградата ќе ја додели нашиот поранешен текстилен работник ... од Штип!!! Го поканувам пастирот да ја прими наградата. Груевски: Ставре, оваа награда немаше да ја добијам да не беше и твојата катастрофална економска политика!! Или не, најзаслужен сум јас, бидејќи 3 години лажам !!! Локација: Просјак Водител: Прва награда. Оваа престижна награда е за зголемување на невработеноста и сиромаштијата, за поскапените цени, за пропаднатите инвестиции, за украдените пари и безброј реклами. Наградата за особени промашувања во економијата и осиромашување на македонскиот народ ќе ја додели овој просјак жртва на нашата катастрофална економија. Груевски: Оваа награда ми е најдрага. Заслугата е само моја. Јас успеав за 3 години да упропастам се, дури и да ветам 8 милијарди. Јас успеав во тоа што го ветив, УСПЕАВ ДА ГИ ОСИРОМАШАМ ГРАЃАНИТЕ!!!