Krikolorifa December Aspiranten

Jow de Aspi’s! We zèn weeral december, de moingt van de iejerste snieje, of toch ni, da val nog te bezien tees joar. Tis wel de moingt van zwoar afzien vur ulle, mor oek van zwoar fiejste. Das al zoe mafkees as e’n achterdeurheid oep ê stokstje, en hie volgt te no ne kjeer et zot program veu dees periode. Rij vaailig mè de velo!

Zondag de zevesten december Vandaag koemt de Sint (den echte te wel, nie iejnen oep nen oewlifangt) neur ongs lokalen en da vieren we mè nê echte Sinnekloasvergadering. Wie nê leuke zwette piet mieneemt krijgt nê surprise. Oem ulle wa meer tijd te geve oem die verdoemde exoames veur te breije, komt den brave vingt bij ongs mor achter de vieren. Gollie wordt dus verwacht oem 4 uur, en oem half 7 meugde gollie vaneiges wir neur hus, age broaf zi gewist.

Zaterdag den dèrtiengden december Vandoag gomen ongs nekeer goewd ongtspannen. Me al diene saaien en serieuzen prietpraat in ulle kopkes, peisk dant tijd wurdt damen ies goe zottekes doen. Met deniejnen zumen nekiejr zien wie dant groewtste zangtalentjen is van ongs ollemolle. Me angder woorde, va wie da we loater nog veel geld kunnen afluizen eens datda wijveke tgemokt eet in de showbieznes. Ik verwacht ulle, volledig opgetut vaneiges in showbiezstyle, oem half 8 en oem half 10 lot ik ulle wir resten in pies.

Vrijdag de negetiengden december Ulle exaoms zin zoe goed as gedoan nou, tijd veur e fiestjen. Da moet naa just lukken dant den dag is van alle 75 joare Chiro fiestjes en der is er oek ientjen in de Las-caux dance begod. As ge goestink moest ein kunne golle dan nê biejn koeme smaaiten oep de foif!

Zondag den iejenentwingsten december Normoal geziene zitten der wir 3 haailige in azoe e glaze kot op’t plein van een groewte stad. Ik vuul der wel iet veur om die kjeirels vandoag nekiejr te gon bezichtigen. We kunnen natuurlek ni ne gangsen middag blijven staren nor drei oapen in nen bokaal, dermeej dak geire oek ies zon gon schetsen oep een goei schetsboan in die groewte stad. Ik zal ulle van teveuren, woarschijnlèk in ne meil, nog loate wete woar, wanniejr damen afspreke en oeveul centen da golle moet miepakn.

Zaterdag de zevenentwingtigsten december Dezen avongd is er een avongdwandeling georganiseerd vuer al ulle kennissen, vèr of dichterbij, tmokt ongs nieten uit. Ne brief mè miejr info zulle golle nog krijgen. Ik kan under wel al aonraaje: zorg da olle bottines goe ingeloewpe zèn!

Zondag den achtentwingtigsten december Vandoag gomen ies iet nuf en iejl specioal prubere. We gomen ne zondag iniejnknutsele, volledig van en deur en veur Aspirangten. Tzou goe kunne dant vandoag ni de normaal Chiro-ure zin, da hoewrde gollie nog wel van.

Zondag de vierden januari Deze zondag zulle golle ulle tofste laading moete missen. Ik zen ulle ni beu, mor ik zen me niefjoar woarschijnlijk ten al wa oep zwier gewist, en tis oek veu mie bekangst zoevèr daze mie gon kwellen me veul te moelèke vroagen. Dus moekik vandoag nogwa me maaine kop boven m’n boekskes gon hangen. Tspit mi. De mazzel!

Zoalig kerstfiejst en een gelukkig niefjoar! Drei dikke bezen! Ungder Miss uit et boerengat Eva Natasja Ketele El Goethik