Issue#15

Vol. 30

Issue No. 15

TUALCHHUNG CHIN/BURMESE CENSUS Central YMA-in Chin/Burmese Census nei tura min ngen angin neih a ni a. Hetiang hi Chin/ Burmese dinhmun chu a ni:1) Driver : 2 2) Awmpui : 15 3) Puantah : 9 4) Pasal nei : 1 An vaiin : 27 Heng Chin/Burmese 27 zinga 3 te hi Refugee niin, a dang zawng hi chu refugee ni lova eizawnna avanga awm te an ni a, kum 1988 - 2009 inkara Mizorama lo lutte te an ni.

CYMA CHANCHINBU Central YMA thlakip chanchinbu kan Branch-in kan lak dan hetiang a ni:Sec - I : 7 Sec - II : 24 Sec - III : 5 Sec - IV : 7 Total : 44 CYMA chanchinbu la tha Branch te hnenah hian CYMA-in kum tin lawmman a siam thin a. Kumin hi kan Branch-in kan lak `hat kum tak niin a lang. Tunah hian a sem chhuah hna hi Zotlangsang Editorial Board-ten an tum a ni.

FIMKHUR A NGAI Tunhnaiah vengchhunga in `henkhatah misual tute emaw chetna hnuhma hmuh a ni a, chhun lama innghaktu awm lohna hmunah chet tumin an che a, vanneihthlak takin pawi lian tham an khawih lo hlauh a ni. Mi sual hun remchang zawng ru reng `hinte lakah hian chhung tinte fimkhur lehzual ila a `ha ang.

YMA Tuikhuahtlang Branch Chanchinbu (Forthnightly)

1 — 14 Aug., 2009

BRANCH THUKHAWCHANG - VI July 23, 2009 (Ningani) zan Branch YMA Executive Committee meeting vawi 9-na chu Pu Vanlalzawma, Adviser te Inah khan neih a ni a, Pu Lalhmingliana Colney, Branch President chuan a kaihruai a, Committee Member 21-an kal. Thupawimawh tak tak rel a ni. Finance Reports: Tv. Lalbiak liana, Fin. Secretary hnen a`angin Branch sum dinhmun ngaihthlak a ni a, hetiangin:Income : Rs. 115,127.56 Expenditure : Rs. 79,088.00 Balance : Rs. 36,039.00 Reports hrang hrangte: 1) Table Tennis Club hmalakin Tuikhuahtlang YMA Hall-ah Naupang pualin Coaching neih mek niin member 20 vel an kal `hin a, tunah hian sikul exam avangin chawlh lailawk a ni. 2) Pu Bobby K. Zolenpuia, Asst. Secr etary c hu Miz oram Council of Science, Technology & Environment-te Public Consultation on Sanitation & Waste Management in Mizoram at Grass Root Level 23.7.09 CYMA Hall-a an buatsaihah a tel. 3) Zotlangsang semtu `henkhat an hman tak loh avangin Tv. Reuben Lalmalsawma, Sec-I leh Nl. Lalremruati, Sec-IV te ruat thar an ni. Lehkha hmuh: 1) Village Health & Sanitation Committee, Tuikhuahtlang hman turin H. Lalzidinga, Secretary VHSC hnen a`angin Rs. 1,000/- dawn a ni. 2) Tv. C. Lalnunmawia, Br. Exe. C/M & Sec - II Secretary ni bawk chu zirna avangin a pha a, Exe. Committee chuan member thar inruat tawh lovin, Sec - II Secretary atan

hian Pu K. Lalzarliana, Br. Exe. C/M chu ruat thar a ni. 3) Pu Lalchhungliana, Manager, Pres byteria n Hospital, Durtlang hnen a`angin YMA Day d enchhena Blood Donation kan pek avanga lawmthu sawina leh Donorte Blood Group chinchiahna kan dawng a. YMA Day khan Branch member tlawmngaite mipa 33 leh hmeichhia 10 in Thisen hi kan pe a ni. 4) K~P Tuikhuahtlang Branch a`angin Kohhran pawl tih bik awm lova vengchhungah 'Chhungkaw Zan' hman an rawtna chu `ha tih a ni a, tihhlawhtlin tuma hmalak mek a ni. Thurel `henkhatte: 1) C h h i a t n i f u n d k h a w n chungchang: Chhiatni Fund khawn a `ul leh tawhzia ngaihthlak a ni a. Vengchhung In tinah Rs. 100/aia tlem lovin khawn ni se tih a ni a, hei hi Branch Exe. Committee memb er-te August 15, 2009 hmain an rawn khawn ang. 2) Aurinna siam`hat chungchang: Vengchhung information cent re paw imawh tak, Aurinna siam`hat a `ulzia ngaihthlak a ni a, P.A. SubCommittee leh Branch sum vawngtute a `ul anga hma lo la tura ruat an ni. phek 2-na zawm

Vol. 30

Issue No. 15

EDITORIAL BOARD Editor

:

Jt. Editor : Patron

:

Lalrinkima  9862331191 Lalmuanpuia Sailo  9612178689 Kapthanga  9436143439

YMA Tuikhuahtlang Branch Chanchinbu (Forthnightly)

Section Leader & Secretary - 2009

YMA Branch Tuikhuahtlang : Office Bearers - 2009 President : Vice President : Secretary : Asst. Secretary : Treasurer : Fin. Secretary :

Lalhmingliana Colney Vanlalfela Kapthanga Bobby K. Zolenpuia Vanlalliana Lalbiakliana

9862809363 9436159930 9436143439 9862363682 9862305138 9863225664

1 — 14 Aug., 2009

Section - I Section - III Leader : B. Lalchhanhima Leader : Malsawmsanga Secretary : Lalruatkima Secretary : Lalmuanpuii Section - II Section - IV Leader : R. Lalliantluanga Leader : Lalthangmawia Secretary : K. Lalzarliana Secretary : Dr. Lalrosangi

NEWS EDITORS Lalrinhlui Lalmuanpuii Jesse Lalpianpuia Boris Lalnunzova M.S. Dawngliana Baby Lalchhandami Lalngainatawma

Sec - I Sec - I Sec - II Sec - III Sec - III Sec - IV Sec - IV

DISTRIBUTORS Section - I Reuben Lalmalsawma B. Zirnuntluanga Section - II Lalengmawii Martin Zorinmawia Section - III Lalhmingmawii Hanah Lalbeiseii Section - IV Samuel Malsawmzuala Vanlalmuanzova

Lalrinkima

Ramengmawia Lalsiamthari Lalhlimpuii

Lalremruati Lalchhantluangi

E - M A IL S : [email protected] [email protected]

Editorial........... MIZO NIH HI A LO NUAM BER MAI Mizote hi kan inpumkhat `ha a, hnam dangten an tih miah loh tur tam tak kan ti a, hei hi ngun takin han chhut ila. A zarzotu tan phei chuan Mizo nih tluka nuam leh `ha hi a awm dawn emaw ni chu aw...Hetiang kan nih lai hian `henkhat hnamdang ngaisang tlat kan la awm `hin hi a pawi a, hengho hi chuan an Mizo nihnaah an la chiang tawk lo hle niin a lang. YMA memberte hi kan Mizo nihnaah hian i chiang ang u. YMA pawh hi a fir telh telh dawn niin a lang a, veng `henkhatah phei chuan fir tawh tak a ni. Mizo thlah ni lo chu YMA member-ah ziah luh a har `alh tawh ang a, hei hian a hrin zel tur chu invui leh thlanmual chungchang thlengin a la nghawng ngei ang tih ring ila. Tunah ngei pawh veng `henkhatah chuan an vengchhung member list-a awm lote chu kan member pawh a ni hleinem tih `awngkam chhakchhuak te pawh an awm nual tawh a ni. Kan venga chengte erawh hi chu kan vannei a, tun thlengin member listah pawh awm lo, India khua leh tui pawh ni lo (foreigner), amaherawhchu tunhmaa thlahtute avanga a hminga inti Mizo ve ringawtte pawh chhiat an han tawh chuan engmah enhranna awm miah lovin kan la buaipui zel a. Tin, mikhual deuhte pawh kan venga vui an nihin vengchhung mi dik tak anga kan la cheibawl thei zelte hi a lawmawm em em a ni. Tin, kan member `halai thlanlaite lah an thawk chhuak `ha em em `hinte hian Mizo nih a tihnawm mai bakah kan vengchhunga chengte min tihzahawm phahin min thlamuan tak meuh meuh a ni.

BRANCH THUKHAWCHANG - VI 3) YMA Chhang Convener: YMA Chhang Convener Tv. C. Lalnunmawia a remchan zui tak loh avangin Convener thar atan hian Tv. Lalremruata, Branch Exe. C/M chu ruat a ni. 4) Pem lehkha chungchang: Pem lehkha pek chhuah leh dawn chungchangah fimkhur a ngai hlein Branch Committee chuan a hria a. Hemi rual hian Inneitute pawhin kan In luah turte Pem lehkha an neih chungchangah fimkhur lehzual tura hriattir nawn leh kan ni. Tin, Pem lehkha pek chhuah chungchang pawh hi V/C ah khauh zawka kal tura thlen

(chhunzawnna)

tum a ni a . YMA Gen. Conference Agenda atana theh luh tura hmalak tum a ni bawk. 5) Cens us leh House No. siam`hat chungchang: Veng chhung Census leh House No. siam`hat tum a ni a, Pu Bobby K. Zolenpuia, Asst. Secretary chu phungbawm sawma hma la lo tura ruat a ni. 6) Gupshup SMS chungchang: Bran ch Exe. Committee memb er-te t an a b ikin Gupshup SMS siam tum a ni. Hei hi Committee memberte information chak zawka inhriattir theihna tura tih a ni.

ZONUN ZEMAWI ZIR THAR ILA Zonun zemawi zirtir tur hian YMA huangchhunga mite hian nun zemawi kan lantir hmasak phawt a ngai a, Zonun zemawi lan chhuahna lo zir chiang dawn ila. 1. CHHIATNI ~HATNIAH Ruang tlaivarpui: Lusun chhungte kan inhnem theih dan pawimawh pawl ber a nih vangin, Mizo hnam hian a bansan mai lo ang. Tute tih bik tur emawa dah chi a ni lo a, a thei apiangte mawh a ni. Ngeih loh chhuanlama hman chi a ni lem lo. Mi indaih deuhna hmunah chuan, thlanlai tur tlangvalte an inkhek a, an tlaivar ve lem lo. Mihring tlemna hmunah erawh chuan a inkhek theih chuang loh.

Thlanlai thingpui: Khawpui, thlanmual hlatnaah chuan motor hmangin kan inpe tam ta hle. Nula sem ngei hi tlawmngai thlanlai tan a tui bik. Veng tam takah nulaten `an lak thar a ngai hle.

Zu alko: Mihr ing tha hmang lova thiamna thar hmanga zualko hi Zo nun ze mawi tihdalnaah ngaih loh tur a ni.

Khawhar in riah: Thihna thlen dan azirte, chhungkaw dinhmun azirtein khawpuia veng tam tak chuan Khawhar in riah hi a tlachawpin an rel. Riahpui kher `ul ti lo chhungkua pawh a awm theih. Khawsak phung inan loh luat vang a ni deuh ber. Hruaituten lusun chhungte an lo zawt ru `hin hi tihdan fing tak a ni. Veng/ khuain kan boruak enin kalphung neih hran mai hi a `ha a, tihdan a inan loh vanga indem chi a ni lo a, Zonun zemawi tihbawrhbannaah ngai lo ila.

Thlanlaih: Mipa, la valai chin leh rawlthar, dam bawk si, thlan laih hun laia veng/khaw chhunga lo awm chu zahthlaka ngaih a ni a, Mizo tlangval nungchang pangngai hnuai lama ngaih chi a ni. Kuang siam: Val upa lam leh veng mistiri deuhte mawhphurhah ngai ila, hna a sawtin a zangkhai `hin.

Khawntesep: Veng `henkhatah chuan khawntesep hi a awm tawh lo. Kum bulah Chhiatni Fund khawnin, chhiattawkte chhungkaw dinhmun azirin an mamawh zawng an ngaihtuahsak mai a, a remchang viau.

(A rem chan dan azirin chhunzawm zel a ni ang. -Ed.)

YMA PICNIC (BUNG BANGLA) 4 March, 1989

Vol. 30

Issue No. 15

YMA Tuikhuahtlang Branch Chanchinbu (Forthnightly)

1 — 14 Aug., 2009

Mizo ~awng Huang

VENGCHHUNG THUTHAR

R OZA M A C HAWN GT HU

SECTION - I * Pu Benjamin Zochhuanawma (Ben-a) s/o Zahmingliani te nupa chuan 8.6.2009 khan a pakhatna atan fanu duhawm tak an nei. * Tv. Malsawmzuala s/o Lallungmuana chu a zirna hmun Delhi-ah 23.7.09 khan a chhuk leh tawh. * Tv. Malsawmtluanga, s/o Dr. H.C. Laldina pawh a zirna hmun Guwahati-ah 20.7.09 khan a chhuk.

Tarmit bun nge Tarmit vuah ? Tarmit ka bun tih hi mi tamtakin hmang mahse `awng dika pawm theih a ni chuang rih lo. Sikul naupangte hian exam naah chuan Mizo ~awng tih dik turah tarmit bun chu tarmit vuah tia thlakin mark an hmu zel a, mahse a takah erawh chuan tarmit bun an ti leh `hin. Tarmit hi bun chi a nih lohzia kawng thumin han sawi teh ang.

SECTION - II * Pu R. Hrangkunga damlohna avangin Aizawl Hopital-a awm pawh 28.7.2009 khan a lo chhuak tawh a, in lamah enkawl mek a ni. * Pu H. Lalrosanga (Chawng`huama Bldg.) te nupa chuan 30.7.09 khan fapa duhawm tak an nei. SECTION - III * Pu Ramrorela chu damlohna avangin Aizawl Hospital-ah enkawl mek a ni. * Pu K.C. Vanrammawia chu hun engemaw chen hna `ul avanga Gurgaon, Kolkata-ah a cham hnuin 25.7.09 khan dam takin a lo haw. SECTION - IV * Pu P.C. Ngente chu 28.7.09 khan Guwahati-ah in check up turin a kal a, 31.7.09 khan zai a ni. * Pi Lalruatpuii te chhungkua chu chhiat tawhna avangin Khawzawlah 31.7.09 khan an kal. * Pi Biakhmingthangi w/o Lalthangmawia dam lohna avanga Durtlang Hospital-a awm pawh a rawn chhuak tawh a, in lamah enkawl mek a ni. (News te hi July 18 - 31 inkara mi kan han hriat theih chinte an ni a, Ed.)

1) Nghawng chin chung lamah engmah kan bun ngai lo. ~hi kan awrh a, bengbeh kan beh a, lukhum kan khum a, diar kan khim `hin. Tuna kan la hman ngai loh thil thar pawh hmang dawn ila, lu-ah anih chuan bun ani chuang lo vang. 2) Kut hmawr lam leh ke hmawr lamah kan bun `hin. Ngun te, zungbun te, pheikhawk te, mawza te kan bun `hin. Vai angin kan ban bulah hian thil kual dah duh ta ila, bun a la ni chuang lo vang. A thil azirin hreng emaw, vuah emaw tih a `ul tho vang, ban hmawr lam ni lo, a bul lamah kan dah dawn chuan bun a ni thei lo. Tarmit bun tur chuan banrekah emaw ngalrekah emaw dah a ngai dawn a, thil hmuh nan kan hmang hauh lo vang le. 3) Bun tur chuan, thil kual chhuak emaw, chhung nei emaw a nih a ngai. Chutiang zawng zawng chu bun vek a ni chuang hek lo. Tarmit chu a kual chhuak lo. Tukkhum lama hren zawm chiin rawn siam ta se, bun a la ni chuang lo vang, vuah tih aiah hreng tih a `ul zawk ang. Infiam mite pawhin an sam tih beh nan puanin lu an hreng `hin, an bun ngai lo.

EI RAWNGBAWLNA GAS YMA LIBRARY HMASAWM ZEL Hun engemaw chen mumal taka YMA Library hawn a nih loh hnuin 25.7.2009 (Inrinni) a`anga mumal tak hawn `an a ni leh ta. Kan veng YMA Library hi State Library-a kan hotuten min duhsak `hin hle a, hmasawnna tur hrang hrang sum leh bungraw dawng tura thlan chhuah zingah min telh ve `hin a, a lawmawm takzet a ni. Tunah hian Library tihhmasawnna turin Naupang Pual lam (Childrens' Corner)-ah `anpuina kan dawn chu a taka tihlawhtling chho zel turin hmalak mek a ni a. Amaherawhchu, Library hmunhma fel tak kan la neih loh avang erawh chuan duh angin hmalak zung zung a harsa a, Sub-Committee-te pawhin Library Building tur liau liau kan neih thuai theihna tur hi an buaipui chho mek a ni. July 24, 2009 khan State Library-a Asst. Librarian Pu Lalramliana'n zingkarah kan Library min rawn tlawh a, kan Branch hruaitute leh Sub-Committee member ten kan lo dawngsawng a. Kan hmalak mekna leh `an lak zel dan turte min kawhhmuh a ni. Library tihhmasawnna tura sum kan dawn a`ang hian 23.7.2009 khan Steel Book Case (4 doors) leh Naupang lehkhabu engemaw zat lei a ni a, naupangte pawhin Library member fee pein heng lehkhabu te hi rawn chhiar a, rawn hawh fo turin kan sawm che u a ni. Naupangte tan lehkhabu hi English leh Mizo thawnthu ngaihnawm tak tak hawh tur a awm tawh a, Fairy Tales etc. hrang hrang te pawh a awm e. Library hun hawn: Inrinni 10:00 AM - 12:00 Noon Member fee : (1) Naupang - Rs. 10/(2) Puitling - Rs. 20/-

T u nl ai in eir awng bawl na G as a h ar s a h le a, kan vengc hhungah pawh kan duh angin a rawn thleng tam lo `hin h le. Gas lo k al r in gi n zi ng karah Gas bu r lo t lar lawk p awh T l an gz awl T ui zem s en b ul ah a s ei th ei hl e a, t uk li t uk n ga c h an g tl awn pawh an awm nawk m ai . Hetih lai hian Vigilanc e Sub-Committee pawhin c hak takin hma an lak mek a. Ni 28.7.2009 khan Vanbuangi Gas Agencyah Vigilanc e Su b-Committee hruaitute zu kal in vengc hhungah Gas mumal zawka s em a n ih th eih dan t urte, Gas rawn s em tur zat leh hun tur c hiang zawka in hriatti r theih dan turt e an s awi a ni. An h mal akn a h ian k awn gr o t hui tak a s u n geiin a r in awm. ( Pi c . Z ts )

SUNNA 

Pi Sangmawia (kum-68) m/o Lalrinliani, Sec - III chu 26.7.2009 (11:00 A.M.) khan Kalna avangin a boral a, a tuk ni 28.7.2009, dar 12:00 Noon-ah Mission Veng thlanmualah vui liam a ni.



Pu Lalram liana (kum-60) b/o J. Lalhmachhuana, Kawltheihuan, Mission Veng 'N' chu 31.7.2009 (3:00 A.M.) khan Cancer avangin a boral a, hemi ni vek chawhnu dar 1:00 PM-ah Mission Veng thlanmualah vui liam a ni. Khawhar chhungte Thlamuan tu Pathianin venga awmpui turin Zotlangsang Editorial Board-in duhsakna kan hlan.

Vol. 30

Issue No. 15

YMA Tuikhuahtlang Branch Chanchinbu (Forthnightly)

LAWMTHU SAWINA Kan nu/kan Pi Sangmawii'n hun lo taka min boralsan chungchangah kan veng YMA leh khawtlang mipuite chungah lawmthu kan sawi a, ruang awm zana min tlaivarpui zankhua a, kan khawhar hlauva min zaipuia in hun hlu tak senga min lenpuia min buaipuina zawng zawngah lawmthu kan sawi tak meuh meuh a ni. In mi khawngaihna leh lainatnate Pathianin a let tam takin malsawm che u rawh se. In Khawngaihna dawngtu Lalrinliani leh a chhungte Section - III Enkawltute thukhawchang....

ZOTLANGSANG HI Vengchhung chanchin inhriatpawhna pawimawh ber pakhat Zotlangsang Chanchinbu hi kan tarlan tawh angin veng mipuite zarah mahni intodelh chunga kal tura beisei a ni a. Kumtirah Branch Executive Committee-in bul tan nan Rs. 1,000/- min pe a, chumi hnu chuan a buaipuina tur hi chhung tinah Rs. 30/- kan khawn a`angin tun thleng hian bahlah awm lovin la kalpui zel a ni a. Tuna kan sum dinhmun thlirin September Thla thleng buaipuina tur kan la nei a, enkawltute lam pawhin inren takin kan buaipui `hin a ni. Zotlangsang intodelh `ha tak pakhat Advertisement hi duh angin kan hmu tam lo va, sum hnar a vang `hin khawp mai. Hetiang hi kan dinhmun a nih avangin Editorial Board chuan sum tuak nan 'English Premier League Fixture' (EPL) chu a bu te-a siamin zawrh chhuah kan tum a, vengchhung mite `hahnemngai taka min lei sak turin kan ngen lawk che u a ni. Tin, thuchhuah chungchangah hian tihchhuah duh bik emaw chhuah duh loh bik emaw kan nei lova, Editor-te leh News Editor -ten kan lo hriat tawk loh vangte a ni zawk `hin a. Chuvangin, tumah inthlahrung lovin enkawltute hriat loh awm thei turah inhrilh hriat ni sela, a lawmawm hle ang. Zotlangsang hi vengchhung miten kan ta vek a ni tih hriain intineitu tak leh thurawn pawh a `ul ang zela min pe fo turin kan ngen che u a ni. A lang lo lam leh hriat phak loh tura insawiselna ngawt a`ang chuan thil `ha zawk ti tura hmalak a har `hin si a. Kan veng Tuikhuahtlang chuan i ching ve lo hram ang u tih hi Zotlangsang Editorial Board ngaihdan a ni e.

1 — 14 Aug., 2009

SANITATION CHUNGCHANG ZIRHONA REPORT - Bobby K. Zolenpuia, Branch Asst. Secretary

July 23, 2009 khan CYMA Hall Tuikhuahtlang-ah 'VANTLANG AW' (Public Consultation at Grass Root Level) Faina, Thianghlimna leh Bawlhhlawh Sawngbawl dan (Sanitation and Waste Management in Mizoram) tih thupui hmangin veng 72 a`anga kal khawmten Faina chungchang zirna leh sawihona hun kan hmang a. He programme hi Mizoram Council of Science, Technology & Enviroment buatsaih niin Catalysed & Supported by NCSTC, DST New Delhi a ni. Kal khawmten Faina lama kan hmasawn nan ngaihdan chi hrang hrangte sawina kan nei a, ngaihpawimawh leh vei zawng pawh a inang tlang hle. Faina lama hmalatu Department `henkhatte pawh an hmalakna te report pein an rawn tel ve bawk. Kan sawi tlangpuite chu hengte hi an ni. 1. 2. 3. 4. 5. 6. 7. 8.

Sanitation lama hmasawnna hian Economic lamah hmasawnna tam tak a siam. Sanitation atan mipui hian pawisa thawh ve ila hma kan sawn phah a rinawm. Village Level Sanitation Committee hi veng tinah dina tihchangtlun ni rawh se. Khawpuiah hian ran `henkhat vulh hi a inhmeh tawh lo. Bawlhhlawh Paihna (Dumping Ground) hmun hi ngun taka ngaihtuah chian a ngai. Kan zin leh veivahna vela chaw eina Restaurant te hi che thianghlim tura inzirtir. Septic tank siam, enkawl leh paihfai chungchanga `ha tak leh felfai taka kan enkawl theih nan. City Immigration hi control a ni vat loh chuan faina lamah hma kan sawn lovang.

Heng bakah hian hmasawnna tur kawng tam tak sawi a ni bawk a. Health & Sanitation Department lam paw'n an hmalakna `henkhat te leh an bawlhhlawh paih motor indaih loh thu te an rawn sawi a, chutih rualin Garbage Compactor Vehicle thar hman an tum thu te an rawn report bawk. He programme hi Plan siamna atana ngaihtuahna siamtu atana hmalakna a ni.

Ngaihtuah ve teh... FAI KAN TLIN CHIANG MAI - A THU MAI NI LOVIN Kan veng hi Aizawlah chuan tlâng thengthaw nuam lai tak a ni a, tuma thli dawng lova, vengdang pawhin an paltlang tam loh veng a ni bawk a, fai hliau thei tûra ngaihna lian tak a awm a ni. Amaherawhchu, kan khawlai leh hmun kilkhawr deuh `henkhatte hi a fai mang der si lo. Engtin nge tan kan lâk tak ang le? Tunhnaiah Village Health & Sanitation Committtee-te hial kan lo nei ta a, he Committee hmalâkna rinchhan chung hian chak taka faina kawngah hmasawn ngei i'n beisei phawt teh ang. Veng fai tak ni tur hian Mobile Handset changkang tak neih emaw Fashion changkang tak neih emaw lam a ni mai lova, zir san avanga fai vuk pawh a ni ber lo. Hetiang thil nei chung hian bawlhhlawh paihna tur hre lo kan awm ve thei tlat nia. Kan bawlhhlawh paih danin kan mizia hi thui takin a târlang a ni. A fai sa tihhnawktu ni lovin, a tifaitu nih tum `heuh ila, awlsam tein fai hi kan tlin dawn chiang mai. 'A thu mai ni lovin, a taka thawk turin' tih hi kan rilru thar ni teh se. Published by : YMA Tuikhuahtlang Branch & Printed at J.P. Offset Printers, Tuikhuahtlang, Aizawl. C-370.