Issue#14

Vol. 30

Issue No. 14

YMA Tuikhuahtlang Branch

TUALCHHUNG THUTHLENG DONATE Pi Dawrhmingthangi, Sec-I chuan an pa Pu K. Lalhnuna hriatreng nan Vantlang hman tur Thuthleng sei pali (4) a donate a, hetianga vengchhung tana mi `hahnemngai kan nei hi Branch YMA chu a lawm tak meuh a ni.

RATION CARD Ni 13.7.2009 khan YMA Committee Room-ah Retailer No. IV-a Ration late 'Family Ration Card' enfelna neih a ni a. VC-in record fel taka a vawn dawn avangin in-report lo kan la awm a nih chuan Thawh`anni Chawhma ngei hian Pu Biaktluanga leh Pu Lalhmingliana Colney te hnenah in-report ngei tur a ni a, List te hi hemi ni chawhnuah hian VC kutah hlan a ni dawn a ni.

GAS HRIATTIRNA Tunlaia eirawngbawlna Gas a hlawma transfer hun chhung atan thla khat tih hriattirna an lo chhuah tawh chu thla khat dang atan - August 3, 2009 thleng hun pawhsei leh a ni a, hemi hun chhung hian Gas connection la transfer lo ten tifel hman vek tura hriattir kan ni.

SECTION CHE VEL Section tinten Budget kan tlak vek hnuah hmalakna lian tham nei kan la awm leh rih lova. Hetih lai hian Sec - II te chuan sum tuak nan remchang hmasa berah Lapua zawrh an tum mek a ni. Tin, Sec - I te chuan YMA Daya Zaipawl Intihsiakna Trophy an lak chu 11.7.2009 khan YMA Hallah member-ten hlim taka lawmin chawhlui an kilho.

Chanchinbu

(Forthnightly)

18 July —7 Aug, 2009

YMA History - 'YLA hnathawh hmasa' YLA ding tir khan inhnialna `angkai (Debate) te, lemchan awmze nei (Drama) te, khawtlang hriselna (Community Health) te, infiamna lam leh thil chi hrang hrang beiin hma thar an la nasa hle a. An tih zawng zawng a kim a changin hre thei tawh lo mah ila a tlangpui talin thlir kan tum dawn a ni. Debate: Hei hi pawl thil tum pawimawh tak pakhat a ni a, inhnialna satliah ni lovin Zoram hmasawnna kawng zawn nan Subject pawimawh an thlang chhuak a, urhsun takin an bei `hin a ni. An inhnialna hmasa ber 1935 June-a h chuan , ‘Kut themthiam hi Sikulah zira ngai nge ngai lo’ tih a ni a. Kum 1935 August thla khan, ‘Thingtlanga M.E. School awm a `ul nge `ul lo’ tih Debate an bei leh a. Kum 1937 May thlaa an inhnialnaah chuan inneihna lam hawiin ‘Man leh Mual neih a `ha nge `ha lo’ tih chu an khel a. Hemi kum June thla hian, ‘High School neih a `ha nge `ha lo’ tih thuah an inhnial leh a. Mizawn inchuh chungchangah tihdan `ha zawk rawt chhuah theih beiseiin 1938 March-ah an inhnial a, chumi hnu lawk June thlaah ‘High School `an nan thawhlawm khawn a `ha nge `ha lo’ tih thupui bei lehin July-ah an chhunzawm hial nghe nghe a. High School chu 1944 khan a lo piang ta a ni kha. Chumi hnu lawk September- ah Zora m hmasa wnna chungchang bik atan Debate an huaihawt a, December lamah ‘Thlaw hhma tih `hat’ t hua Debate nei lehin 1940 Januaryah naupang thunun chungchanga nu leh pa mawhphurhna lam Debate an nei leh bawk. ‘Mikhual thlen chungchangah kan `ha ta zawk nge kan sual ta zawk’ tih nen lam, thupui ze hrang hrang hi tuithawl hullovin

an lo zirho `hin tak meuh a ni. ‘Mizote hi kan lehkha zir hian min tithatchhia nge thatchhe chuang lo’ tih te pawh 1940 April thla khan inhnial nan an hmang a ni. Drama (Lemchan): Hei pawh hi an tum pakhat a nih ang ngeiin bei `ha tak an ni. An lemchan hmasa ber YLA bul `an nana an chhuah chu 1935 June ni 21 zanah an bei a, ‘Rs 45/- lai kan hmu’ an ti. High School leh College-a zirho Pu Sangliana leh Tv.Lalchungnu nga te hovin Sap` awngin ‘The Bisho p’s Candlestick’ an chhuah a, Aizawl tlangval hovin Pu Pasena siam ‘Tinreng Daih Khawl’ an chhuah bawk a ni. Welsh Mission Commission lo kal te pualin 1936 January thla khan Pu Kailuia buatsaih ‘Liandova te Unau’ lemchan an chhuah a. A kum leh May ni 10 zanah Pu Kailuia siam bawk ‘Tualvungi leh Zawlpala’ an chhuah leh a. Pu Chawngzika leh a `hiante Mission veng leh Th a k t h in g t l a n g v a l h o v in C o r o n a t io n Da y ( L a lb er Khumtima Ni) lawm nana an chhuah a ni. Shillong a`anga DPI-in Aizawl a rawn tlawh laiin 1939 February ni 10 zan khan ‘ Sa lu la m ’ leh ‘ Da ib a w i Inthawina’ Drama an lo chhuah leh a, an bei `ha kher a ni ang. A en t u Sa p h o m a w lh in hmuhnawm an ti. phek 2-na zawm

Vol. 30

Issue No. 14

YMA Tuikhuahtlang Branch

EDITORIAL BOARD Editor

:

Lalrinkima  9862331191 Lalmuanpuia Sailo  9612178689 Kapthanga  9436143439

Jt. Editor : Patron

:

Chanchinbu

(Forthnightly)

Section Leader & Secretary - 2009

YMA Branch Tuikhuahtlang : Office Bearers - 2009 President Vice President Secretary Asst. Secretary Treasurer Fin. Secretary

: : : : : :

Lalhmingliana Colney Vanlalfela Kapt hanga Bobby K. Zolenpuia Vanlalliana Lalbiakliana

9862809363 9436159930 9436143439 9862363682 9862305138 9863225664

18 July —7 Aug, 2009

Section - I Section - III Leader : B. Lalchhanhima Leader : Malsawmsanga Secretary : Lalruatk im a Secretary : La lm ua npu ii Section - II Section - IV Leader : R. Lalliantluanga Leader : Lalthangmawia Secretary : C. Lalnunm awia Secretary : Dr. Lalrosangi

NEWS EDITORS Lalrinhlui Lalmuanpuii Jesse Lalpianpuia Boris Lalnunzova M.S. Dawngliana Baby Lalchhandami Lalngainatawma

Sec - I Sec - I Sec - II Sec - III Sec - III Sec - IV Sec - IV

DISTRIBUTORS Section - I Zorinngheta B. Zirnuntluanga Section - II Lalengmawii Martin Zorinmawia Section - III Lalhmingmawii Hanah Lalbeiseii Section - IV Samuel Malsawmzuala Vanlalmuanzova

Lalrinkima

Ramengmawia Lalsiamthari Lalhlimpuii

Lalremruati Lalchhantluangi

E - M A IL S : [email protected] [email protected]

Editorial........... IN CHIM RALNA Tunlai kan Zoram chu inchim ral hlauhna avangin kan buai nuaih nuaih a nih ber hi. Sairangah rel kawng luh tir an tum laiin a khua lam leh pawl `henkhatten an lo duh si lo. Hei hi ram pum nghawng thil a ni a, a khua ni ve lemlo te pawh hian kan vei ve hi a `hain a rinawm. Kan rama rel lo lut hi a `ha ang nge `ha lovang tia ngun taka kan ngaihtuah hi a hun hlein a lang. YMA lam a`ang pawh hian ngaihtuahho a `ha ve lo maw? Ngunthluk leh uluk taka inrawnkhawmin he thil hian thil `ha nge a thlen ang thil `ha lo tih hi a hun lai taka ram pum hian kan ngaihtuah loh chuan khua hi a tlai mai ang tih a hlauhawm em em a ni. Rel (train) lo lut hian thil `ha a thlen rualin thil `ha lo a thlen thei tih chu a chiang em em a, hei hi buk thiam pawh a ngai a, sawrkarin luh tir ngei a tum hi a `ha ber em? Mi `henkhatin lut lo se an tih hi a `ha ber em? Hei hi hriatthiam chu tunah chuan a har hle laiin thuthlukna engemaw zawk zawk hi neih a ngai si a, keini hian kan pawngpaw sepui ruah tuar ngawt mai dawn em ni? Engemaw zawkah chuan thuthlukna neih ve ngei ila, kan thuthlukna chuan a hrilhfiahna `ha, chiang leh felfai tak nei thei bawk se. Kan ramah rel a lo lut ta se, Chim ralna nge min thlen ang a Hmasawnna ? Ngaihtuah chiang ve teh!!

YMA History - ' YLA Hnathawh Hmasa ' (chhunzawnna) Lemchan lama tui zet mai Zosap thar, Pu Samuel Davies (Zos iami Pa ) kha 1938 December khan a lo chhuak a. Pu Samuela hova an lemchan hmasa ber 1939 May ni 2 zana ‘Kristian Vanram Kawng Zawh’ an chhuah phei chuan mi rilru a hneh danglam riauvin an sawi. Kum 1940 July ni l5 zante khan YLA Meeting ropui an ko va, Red Cross pawl `anpui dan an ngaihtuah a. Hemi zana Pu Hrangaia leh a `hiante’n ‘Herr H it l er - M u s s o li n i- C h u r c h il ’ lemchan an chhuah chuan indona rim a nam rum rum a, miin an lawm nasa mai. Pu Samuela khan hemi kum hian a fanu hmingin lemchana inelna ‘Zosiami Cup’ a buatsaih a, Mission Veng, Kulikawn leh Wolf cup-ho chuan 1940 October ni 3 zan khan inelna ropui tak an buatsaih ta a ni. Mission Vengin Pu Chawngzika siam ‘Princess Pocahontas’ an chang a, Ku likawnin ‘Kum 1999-a Aizawl khawpui awm dan tur’ an chhuah a, Wolfcuphovin ‘Thil `ha tihin lukhawng a nei’ tih an chhuah a. Zoram Bawr hsap McC all-a k han, “Sap ramah pa wh zir sela hetiangin an thiam lovang” a ti. "Sapr am Drama nen a danglamna a awm lo" tiin sap `henkhatin an lo comment bawk a. Kulikawn Drama buatsaihtu Lalzuithanga te unau mawlhin mipui an chawkhlim nasa. Kum 1940 August ni 5 zante khan Dawrpui YLA hovin Pisa rorelna Drama an chhuah a, O ctober ni 21 z anah Sap`awngin Monkey Scout leh Successful Doctor an chhuah a, a hunlai ngaihtuahin a nep lo hle mai. Hmunpui ber Mission Venga Branch YLA an dintirh 1941 khan Hall sak nan Tolstoya thawnthu a`anga an siam Michaela Drama an chhuah a. Zoram Bawrhsap thar A.R.H. Macdonald a lawm nan Kulikawn YLA-in 1943 July ni 30 zanah

Los Hawng Drama an chhuah bawk. Hetia hmunpui lama lemchan an uar ang bawk hian Thingtlang lama YLA Branch te pawhin an uar a, a zawng a za chhuisen a nih loh avangin hmunpui lam chauh kan thlir ta a ni. Pawl inthlun khawmna : Aizawl khawpuia YLA a lo ding kha chanchinbu a`angin hmun tina mi’n an lo hre nghal a, “Lo din ve ru” tih a ngai lem lo. Duh takin an lo din ve thuai thuai mai hlawm a ni. . Genera l Conference hmasa ber : Hei hi Central YLA kawl en tirh, 1941 October ni 23-26 khan an kova, Central zawmna Fee pe leh pe lote pawh kal `heuh tura hria ttir leh sawm an ni. Conference thupui atana an thlan ‘Kan tih tur’ (Our Duty) tih chu mi hrang hrangin chan insemin hetiang hian an sawi a Mahni chunga kan tih tur - Major Kawlkhuma Chhungkaw tana kan tih tur - Pu Muka Kan ram tana kan tih tur - Pu Vankhuma Hnam tana hmeichhiate tih tur - Biaki & Dengziki Pathian tana kan tih tur - Pu Samuela Hetia Aizawla Conference hmasa ber an koh tum hian thingtlang lam Branch a`angin palai 120 lai an kal a. Thupui sawituten an sawi zawh hian urhsun takin an sawiho zui `hin. Palaite’n thu pawimawh tak an rel thluk chu “Intawhkhawm leh hmain member zawng zawngin la kaih thiam i tum vek ang u. Puan mawl pakhat daih kaih tum `heu h ila, z iaktu t inin intawhkhawm lehah la puang rawh se. Chumi hunah chuan Mizo tah ngei sin leh hak tum `heuh ila `ha kan ti,” tih a ni.

Vol. 30

Issue No. 14

YMA Tuikhuahtlang Branch

Chanchinbu

(Forthnightly)

18 July —7 Aug, 2009

Mizo ~awng Huang

VENGCHHUNG THUTHAR

R OZA M A C HAWN GT HU

SECTION - I * Tv. Lalthanmawia (TM-a) chu Office thil pawimawh avangin Shillong-ah a cham mek. * Pu H.L. Malsawma te nupa chu 15.7.09 khan Kolkataah an kal. * Pu Lalrinliana te pawh hna thawhna hmun Kawnpui a`angin a lo haw. * Tv. Andy Lalrinawma chu Civil Hopital a`angin 15.7.09 khan a lo chhuak a, In lamah enkawl mek a ni. * Tv. Lalruatfela s/o Vanla Tlana pawh a zirna hmun Mandya, Karnataka a`angin 9.7.09 khan chawlh hmangin a lo haw. * Tv. Ramdinsanga s/o Lallungmuana chu a zirna hmun Tirunelveli, Tamil Nadu panin 12.7.09 a kal. * Pu Vanlal Tlana Mumbai-a hna `ul buaipuia kal pawh 14.7.09 khan a lo haw. * Tv. Lalrinnunga s/o Vanlalzawma pawh a zirna hmun Delhi panin 14.7.09 khan a kal. SECTION - II * Pu R. Hrangkunga chu damlohna vangin Aizawl Hopitalah enkawl mek a ni. * Pi Sanghnuni te chuan Wagon-R Car nalh tak a nei thar. * Pu Lalnunmawia te nupa chu damlohna vangin Aizawl Hospital-ah enkawl mek an ni. * Nl. C. Lalengzami d/o Lalnghakliana chu kar hmasa khan a rawngbawlna hmun Samoa-ah a kal leh tawh. * Pi Vanlalveni leh Nl. Hmingthansangi te nufa leh Tv. R. Lalruatkima, s/o R. Lalawia te chu mi mal pawimawhah avangin Silchar-ah 16.7.09 khan an kal a. * Tv. Lalnuntluanga chu chhungkaw thilah N. Hlimenah a cham mek.

Pu Chairman leh `hiante : “Pu Chairman, kan Chief Guest zahawm tak leh `hiante. Vawiinah hian ....” ( dik lo. ) “Pu Chairman leh kan Chief Guest zahawm tak leh `hiante u. Vawiinah hian .....” tih zawk awm tak a ni. Inkohna (address) a ni a, Sap-in Friends tia an address chu `hiante u kan ti tur a ni ang. A hma lamah mi dang sawi tel mah ila, ‘u’ hi a tel tho tur a ni. ~hiante aiah Thawhpui duhtak te, tiin lo tawp ta se, ‘u’ belh tho a `ul. Kan address kha plural form a nih chuan, ‘u’ a tel ngei tur a ni. Kan address-ah singular form leh plural form kan sawi kawp dawn anih chuan, plural form chu a hnuhnung bera dahin, ‘u’ belh tur a ni. Plural dah hmaa singular-a kan tawp chuan, ‘u’ dah lova dik si lo, dah dawna rem si lovin a buar hle ang. “Pu Chairman leh `hiante leh kan Director Pu Thanga,” ti ila, a nalh lo zo vek a ni. Thu zawmna leh hi a karah dah zel a Mizo zawk bawk. Ziakah erawh chuan hmun ren vang te, hun ren vang tea Sap tihdan laka kawma (,) dah mai pawh a hriat thiam theih; chu pawh a tha ber lo

SECTION - IV

Angin (As) : (a) Biak In sak hnatlangah hian, Kohhran ang chuan kan thawk tam tawh a, K~P angin kan la thawk lo a ni. (b) ~awng`aipui ka ngai hle a, Kohhran ang te, mimal ang tein min lo `awng`aipui `hin dawn nia. Tunlaia kan thusawi duh dan hi a Sap hle tawh mai. A chunga ang hmanna te hi Sap-in as an hman dan kan letling deuh a ang tlat; a Mizo lo riau. Mizo takin i han dah `ha leh chhin teh ang. (a) Biak In sak hnatlangah hian, Kohhran chu kan thawk tam tawh hle a, K~P hming chuan kan la thawk lo a ni. (...K~P nihna chuan... tih a dik bawk.) (b) ~awng`aipui ka ngai hle a, Kohhrante leh mimal te’n min lo `awng`aipui `hin dawn nia. “Tun tum chu YMA angin kan lo leng ve thung a ni.” Hun dangah kan leng tawh a, mahse YMA prawkram bawhzuiin kan leng leh ni ta se - angin hi a `ul chuang lo. YMA hmingin tih mai a tha zawk

* Pu B. Rochungnunga, Aizawl Civil Hospital-a awm pawh `ha takin a lo chhuak leh tawh.

VANTLANG STEP

(News te hi June 20 - July 3 inkara mi kan han hriat theih chinte an ni a, Ed.)

SIAM ZAWH A NI

SECTION - III * Dr. Lalhmingmawii d/o Vaivenga (L) chu a hnathawhna hmun Delhi a`angin 12.7.09 khan a lo haw. * Pu Lalramchhana chuan Pulsar Bike thar nalh tak a nei . * Tv. Zodinsanga s/o Lalhmingliana Colney chu a zirna chhunzawm turin 13.7.09 khan Kolkata lam a pan. * Pi P.C. Laltlanmawii w/o Denghmingthanga chuan Scooty thar nalh tak a nei.

VILLAGE HEALTH & SANITATION COMMITTEE, TUIKHUAHTLANG

Chairman

: Pu Lalhmingliana Colney, President, YMA Vice Chariman : Pu Vanlalfela, Vice President, YMA Member Secretary : H. Lalzidinga, Health Worker Asst. Secretary : V. Laltluangi, Health Worker Committee Member-te 1. Pi Chawnglianpuii,President, MHIP 2. Pi Lalsangliani, Secretary, MHIP 3. Dr. C. Silvera, President, MUP 4. Pu Vanlalliana, Treasurer, YMA 5. Upa P.C. Ramengzauva, Presbyterian Kohhran 6. Pi Lalthanfeli, Anganwadi worker 7. Pi Lalzarliani, FTD (Fever Transmistted Disease) 8. Pu Kapthanga, Secretary, YMA 9. Pu Bobby K. Zolenpuia :- Asst. Secretary, YMA 10. Pu Biaktluanga, Secretary, MUP 11. Pi Ramsangpuii * Village Health & Sanitation Committee te hian 17.7.2009 khan Anganwadi Centre, Tuikhuahtlangah Committee an nei.

Tuikhuahtlang leh Upper Republic inkalpawhna kawng pawimawh tak Vantlang Step Dr. C. Silvera leh Dr. H.C. Laldina te In inkara mi chu zawh fel a ni ta. He step hi MP Fund (Vanlalzawma hunlai) a kan hmuh a`anga siam a ni a, a `um khatnaah hian Rs 1,00,000/- (Nuaikhat) a thawh a ni phawt a, hei hian duh anga a daih lo deuh avangin MP Fund a`ang bawka kan hmuh Rs 1,00,000/- (Nuaikhat) chu Basket Ball Court siamna tur nen a zat ve a `henin Step siam hna hi thawh zawh a ni ta a ni. Vantlang Step `ha taka siam a nih theihna tura a bul hnaia In neitu ten min lo `anpuinaah lawmthu kan sawi tak meuh a ni.

A chhuk lam

A chho lam

Vol. 30

Issue No. 14

YMA Tuikhuahtlang Branch

Zotlangsang thangkhâwk........ Zotlangsang kan thawn `hinten kan thu ngaipawimawha min rawn chhanlet avangin kan lawm e. In awmna `heuhvah tluang tak leh hlim taka awm zel turin ZTS chuan duhsakna a hlan a che u. # Zotlangsang Issu e 13-na hi ka lo hmu a, a lawmawm khawp mai, lungte pawh a leng thin rum2 reng a ni..hmel hlui leh `hangthar te an kat ta nuk mai le. - S a n g te a @ B an g a lo r e #

Zotlangsang Editorial Board chibai ule, Hei ZTS copy ka lo hmu ziah a, ka lawm hle mai. Vengchhung chanchinte hriat a nuam ve `hin. Email a in rawn thawn a`ang phei hi chuan thla khat/hnih hnu vela chhiar a ni tawh lova, a zia khawp mai. In mi ngaihsaknaah lawmthu kan sawi e. Pathianin veng zel che u rawh se. - R em tlu an g i@ A m eric an S am o a # Chibai, Zotlangsang ka lo dawng a, ka lawm khawp mai. In veng mi poh ni chiah tawh lo mah ila, ka dilna te ngai pawimawh a min lo thawn ve vangin ka lawm takzet a ni. Next issue Nghakhlel takin ka lo awm zel ang. ‘Zotlangsang’-in ngaihawm hle mai. Duhsakna ka hlan a che u. - E velyn @N ew D elh i # Zts ciar mek e - va han nuam `hin em (4.7.2009 - sms) e hei in mail k lo hmu a, k rn reply ngal e - a ccbu poh dwnld hma in rn reply ngal e!! Lmom e. (email) - C. L alnu n m awia, D elh i # ZTS leh Olive ka lo hmu `hin e. A bengvarthlak `hin khawp mai. - D o ro th y, S u b ath u

ZOTLANGSANG NET WORK THAR Social Network `angkai tak a nih beiseiin Zotlangsang hmingin network siam thar a ni a, hei hi Tv. Jacob Lalhnehliana (Buangpuia) Sec - II chuan a mi mal `hahnemngaihin a lo buaipui a, a lawmawm hle. He site-ah hian Zotlangsang Issue pawh download theiha dah a ni a, mahni duhzawng sawina hmun pawh siam a ni bawk. A tlawh duh tan : tuikhuahtlang.ning.com-ah luh theih a ni e.

BASKETBALL-AH RUNNER UP

Chanchinbu

(Forthnightly)

18 July —7 Aug, 2009

CHESS COACHING CENTRE Mizoram Chess Association Coaching Centre, Mission Veng chuan Govt. Boys' M/S-ah Chess Coaching Class July 4, 2009 a`ang khan infiamna lama bul `anna 'Catch them Young' tih chu `an a ni. He Coaching Centre hian Aizawl South Area huamin naupang 30 chuangin Coaching class hi an nei tawh a, kan veng a`angin pawhin mi 4 lai an in-register ve tawh bawk. Class hi Inrinniah dar 11:00 AM - 2:00 PM thleng neih a nih bakah Zirtawpni tlai dar 4 - 5 chhungin neih zel tum a ni bawk. He Coaching Centre-ah hian naupang (mipa leh hmeichhia) kum 13 hnuai lam tan Rs 20/- a in register-in Coaching Class-ah hian a tel theih reng a. Hrechiang duh chuan Coaching Centre Fin. Secretary Tv. Lalbiakliana (Lam-a) hnenah zawhfiah theih a ni. Chess thiam naupangte hi an zirlai Maths leh Scienceah te hma an sawn phah nasa hlea hriat a ni a, nu leh pate pawhin kan fate tel tur hian i ngaihven `heuh ang u. Chess Coaching Centre Office Bearer-te President : C. Lalsangluaia, Mission Veng 'N' Vice President : Zohmingliana, Mission Veng 'N' Secretary : C. Vanlalsiama, Mission Vengthlang Asst. Secretary : T.B.C. Laldawngliana, Republic Treasurer : Vanhmingthanga, Mission Veng 'N' Fin. Secretary : Lalbiakliana, Tuikhuahtlang

LAWMPUINA MPSC-in PHE Department hnuaia Mizoram Engineer Service (AE/SDO) Grade-V atana Technical Competitive Exam result a tihchhuahah Pu Lalhruaitluanga, s/o Lalremsiami, Sec - II chu mi pasarih tling zingah a tel ve a, a hlawhtlinna hi Zotlangsang Editorial Board-te chuan kan chhuangin kan lawmpui takzet a ni.

MHIP DAY HLIM TAKIN HMANG Tuikhuahtlang MHIP te chuan July 6, 2009 (Thawh`anni) khan Tuirial Hyde-out Picnic Spot-ah MHIP Day hlim takin an hmang a, member 50 bawr vel an kal thei a ni. Hemi nia an kalna tur Bus hi Dr. H.L. Malsawma'n a lo ngaihtuah sak avangin a chungah lawmthu an sawi takzet a ni.

MBBA Men's & Women's Basketball Championship 2009 July 11-a khel zawh takah kan veng hminga chhuak 'The Group My Band (TGMB) chuan Runner-up an hauh a, kan chhuangin kan lawmpui takzet a ni. TGMB hi Pu C. Lalfakzuala (Sec-I) te chhungkuain an sponsored niin, tunah hian MBBA hnuaiah 3rd Division ni mek chunga final thlenga inhlangkai theia an awm hi an chhuanawm hle a, final-ah hian Club Francis (1st Division) te chu 72-69 in an hneh zo ta lo a ni. TGMB te hi hmingchher thama an kal zel theih nan duhsakna kan hlan e.

ERIC RESTAURANT - ERIC RESTAURANT Ei tur tuihnai, thianghlim tak leh changkang taka siam, i duhzawng tak i lam theihna turah hian rawn chawl ve rawh le.... Rawn chawl la, hengte hi i lam thei ang:Sou, Bugar & Sand wish, Choupsey, Rice, Meat, Haka Chow, Spring Roll, Chow mein, Noodle soup, etc.

A hmunah i rawn chawl remchang thei a nih pawhin Birthday, Party etc. tan pawh order theih reng a ni bawk e.

Contact : 9615180160 / 9436388981

Prop : Puia, R. Lalrammuana Bldg., Tlangzawl, Tuikhuahtlang.