Issue 16

Vol. 30

Issue No. 16

TUALCHHUNG CHHIATNI FUND Branch YMA Executive Committee-in a lo rel tawh angin, vengchhungah Chhiatni Fund Section tinah khawn `an mek a ni a, hei hian Non-Mizo pawh a huam vek a ni. Chhiatni Fund atan Chhungkaw tinah Rs. 100/- aia tlem lo khawn ni se tih a ni a, hemi rual hian Mission Veng Joint YMA Football Field thawhlawm atan Rs. 10/- khawn tel nghal tur a ni bawk a, chhung tinten ngaihpawimawh i tum `heuh ang u.

BASKETBALL COURT HNATLANG Ni 8.8.09 leh 15.8.09 (Inrinni) khan Aizawl Basketball Court-ah hnatlang neih a ni a, a hmun samfai leh a siamna tur Balu te thiarin member `hahnemngai tak takte an thawk chhuak `hin a, an fakawm hle.

SMS GUPSHUP Vengchhung chanchinthar Mobile hmanga inhriatpawhna pawimawh tak SMS Gupshup hi Mike hmanga puan chhuah loh leh mike `hat loh thuah te vengchhung mipuite tan thuthar hriatna pawimawh tak a ni a. Vengchhunga cheng chhung tina mobile pakhat talah zawm `heuh tum ila a `ha ang. Tunah hian mi 333 in an zawm tawh a, `angkai taka hman zel a ni. A zawm dan : Join YMATKT chhut hmasak a, 567678-ah sms hmanga thawn mai tur a ni.

PEM THAR Pu V. Lalramthara te chhungkua chu Khatla Branch a`angin an rawn pem a, Sec - III PHE Quarter-ah an awm.

SECTION CHE VEL Section - III te chuan sum tuak nan Aug. 13, 2009 (Ningani) zan khan Pu Sangzuala rora thiarin member 20 bawr vel an hnatlang.

YMA Tuikhuahtlang Branch Chanchinbu (Forthnightly)

15 — 28 Aug., 2009

BRANCH THUKHAWCHANG - VII August 13, 2009 (Ningani) zan Branch YMA Executive Committee meeting vawi 10-na chu YMA Committee Room-ah neih a ni a, Pu Lalhmingliana Colney, Branch President chuan a kaihruai a, Committee Member 22-an kal. Thupawimawh tak tak rel a ni. Aizawl Basketball Court Aizawl Basketball & Volleyball Court chu MP Fund kan hmuh a`angin siam chhunzawm leh mek a ni a, Work Supervisor atan Pu Bobby K. Zolenpuia, Branch Asst. Secretary chu ruat a ni. YMA Libray YMA Library tihchangtlun nana Fund hmuh a`angin tunah hian Children's Corner atan hmalak chho mek zel a ni a. Naupang lehkhabu pawh 340 chuang vel lei tawh a ni. Tin, Children's Corner-a lo hman lailawk turin YMA Committee Room chhung chhawrdawh (loft) chu hman remtih a ni. Zotlangsang sum tuakna Zotlangsang Editorial Boardten chanchinbu buaipuina tura sum tuak nan English Premier League (EPL) Fixture zawrh chhuah tura an buatsaih chu remtih sak an ni. Section Secretary thar Nl. Lalmuanpuii, Br. Exe. C/M & Sec - III Secretary ni bawk chu zirna avanga chawlh a dilna chu pawmsak a ni a. Branch Exe. Comtt. chuan Sec-III Secretary atan hian Nl. Maria Zothanpuii, Br. Exe. C/M `anglai chu a ruat thar. CCC Meeting CYMA a`angin Central Coordination Committee (CCC) meeting Sept. 9, 2009 (Nilaini)a Central YMA Hall-a neih turah kan Branch aiawha tel turin Pu Vanlalfela, Vice President chu ruat a ni.

Cyber-Crime Seminar CYMA leh Information & Communication Technology Deptt. ten August 21, 2009 (Zirptawpni)-a Central YMA Hall-a 'Cyber-Crime an d Mizo Socie ty' tih thupui hmanga Seminar an buatsaih turah kan Branch aiawha tel turin Pu Bobby K. Zolenpuia, Asst. Secretary leh Tv. Lalmuanpuia Sailo, C/M te chu ruat an ni. Kumpuan leh Agenda Kumin YMA Gen. Conference Oct. 20 - 22, 2009 Darlawna neih turah Kumpuan thupui atan 'Mizoram - Mizote tan' tih leh Agenda atan "Mizorama hnam dangte dawnsawn dan turah CYMA-in Seminar emaw Symposium emaw buatsaih rawh se" tih te chu rawt a ni a, hei hi CYMA-ah thehluh tura tih a ni. Faina chungchang Village Health & Sanitation Committee-in ngenna a siam Fa in a ch u n gc h a n ga h na s a zawka hmala turin chhungkaw tinte leh vengchhunga Office hrang hrangah lehkha pek ni se tih a ni. Vantlang Inkhawm Vengchhung a lo felfai a, a lo thianghlim zawk theih nan Vantlang Inkhawm Aug. 20, 2009 (Ningani) zan hian buatsaih a ni dawn a. Hetah hian ruihhlo chungchang leh sualna kaihhnawih lam chi sawiho tura tih a ni.

Vol. 30

Issue No. 16

YMA Tuikhuahtlang Branch Chanchinbu (Forthnightly)

EDITORIAL BOARD Editor

:

Jt. Editor : Patron

:

Lalrinkima  9862331191 Lalmuanpuia Sailo  9612178689 Kapthanga  9436143439

NEWS EDITORS Lalrinhlui Lalmuanpuii Jesse Lalpianpuia Boris Lalnunzova M.S. Dawngliana Baby Lalchhandami Lalngainatawma

Sec - I Sec - I Sec - II Sec - III Sec - III Sec - IV Sec - IV

DISTRIBUTORS Section - I Reuben Lalmalsawma B. Zirnuntluanga Section - II Lalengmawii Martin Zorinmawia Section - III Lalhmingmawii Hanah Lalbeiseii Section - IV Samuel Malsawmzuala Vanlalmuanzova

Lalrinkima

Ramengmawia Lalsiamthari Lalhlimpuii

Lalremruati Lalchhantluangi

E - MA I LS : [email protected] [email protected]

Editorial...........

Section Leader & Secretary - 2009

YMA Branch Tuikhuahtlang : Office Bearers - 2009 President Vice President Secretary Asst. Secretary Treasurer Fin. Secretary

: : : : : :

Lalhmingliana Colney Vanlalfela Kapthanga Bobby K. Zolenpuia Vanlalliana Lalbiakliana

9862809363 9436159930 9436143439 9862363682 9862305138 9863225664

15 — 28 Aug., 2009

Section - I Section - III Leader : B. Lalchhanhima Leader : Malsawmsanga Secretary : Lalruatkima Secretary : Maria Zothanpuii Section - II Section - IV Leader : R. Lalliantluanga Leader : Lalthangmawia Secretary : K. Lalzarliana Secretary : Dr. Lalrosangi

YMA CHHANG - ONE DAY INDOOR SPORTS Ni 13.8.2009 zan khan YMA Chhang i/c Tv. Lalremruata, Convener leh Nl. Lalnunkimi, Secretary te leh Office Bearer-te chuan Committee neiin 'One Day Indoors Sports' neih an rel chu Branch Exe. Committee remtihpuina angin 14.8.2009 (Zirtawpni) khan Sports hlimawm tak Table Tennis Hall leh Badminton Hall-ah te neih a ni. YMA Chhang Sports-ah hian member 20 bawr vel kal khawmin infiamna neih a ni a, intihsiakna lawmman te hi Convener Tv. Lalremruata'n a tum sak vek a, a lawmawm takzet a ni.

Badminton (Girls) 1-na : Lalthangpuii, Sec - II 2-na : Teresa Lalsangkimi, Sec - II 3-na : Esther Lalrinchhani, Sec - II Badminton (Boys) 1-na : Lalremruata, Sec - II 2-na : Laldintluanga, Sec - I 3-na : Lalrinzuala Colney, Sec - III Hmalak zelna tur: YMA Chhangte hian sum tuak nan Newspaper hlui khawn khawm leh Lucky ticket siam an tum a. Hun remchangah Picnic neih ngei pawh an tum a ni.

Intihsiakna lawmman dawngte: Table 1-na : 2-na : 3-na :

Tennis Lalthangpuii, Sec - II Joseph Lalrinzuala, Sec - IV Laldintluanga, Sec - I

RUIHHLO-AH KAN HIM EM? Sawrkarin kan ram chhung a lo thianghlima a lo felfai zawk beiseiin 'Total Prohibition' a puang rup mai a, ruihhlo chi hrang hranga sumdawngte leh a ti `hin te pawh an ip zawr in a lang. Sawrkar puibawm turin YMA in kumpuan thupui atan 'Ruihhlo Do' a han puang ve leh nghal zat a, tichuan sawrkar leh YMA te chu inpui tawn zelin kan rama ruihhlo chi hrang hrang tihrem/tihtlem tumin theihtawp chhuah in hma kan la tlang a nih kha. Hetianga thi leh thau pawlh a kan member `hahnemngai te hnathawh avang hian mi `henkhat huatthu leh pawi sawi pawh a awm mai thei e. Amaherawhchu mi`hahnemngaite thawh rah avang khan kan ramah ruihhlo chu a tawmim phahin a thlem phah hle a ni. Tunah hian Ruihhlo Do kumpuan hlih a nih takah hian a zuar leh a in `hinte pawh an ngampa leh ta riau mai a, kan veng chhung ngeiah pawh a zuar leh in hmuh tur leh hriat tur an awm leh ta nual mai. YMA in ruihhlo do kumpuan atan a puan tak lo avang hian YMA tan ruihhlo hi a huatthlala ta lo tihna a ni lova, sawrkar hian Total Prohibition hi lo hlip ta pawh ni se YMA te chuan ruihhlo hi kan do reng dawn a ni, a chhan chu Ruihhlo hi kan member, kan naute nun tichhetu, an nih tur ang nih tir lotu leh thihna hial thlentu a ni a, chutihlaia kan nau te, a te lehzual ten tunlai hian ruihtheihthil dang, Dendrite, Correcting Fluid etc. tih ching an awm thar zel hi a pawi tak meuh meuh a, nu leh pate hian kan fate hi chik lehzual ila, pawi lian tham a thlen hma hian `an ila tlang sauh sauh teh ang u.

ZONUN ZEMAWI ZIR THAR ILA

(chhunzawnna)

Zonun zemawi zirtir tur hian YMA huangchhunga mite hian nun zemawi kan lantir hmasak phawt a ngai a, Zonun zemawi lan chhuahna lo zir chiang dawn ila. 2. RIKRUM CHHIATTAWH NAAH * Branch YMA hruaitute mawh: Branch YMA hruaitu awm apiangin chak taka rorel thuai loh chuan, fel lam aiin buai lam a pan duh hle. * Aurinna hmanga mipuite thunun: Chhiat tawhna eng chi pawh thleng se, Aurinna nen thawhchhuah a, roreltua insiam vat hi Branch hruaitute tih tur pawimawh tak a ni. Keinin kan rel loh chuan rel tur dang an awm lo. * Chhanchhuah thiam dipdal loh: Chhanchhuah hna thawk thiam lo, hawkdak vanga pungkhawm chiam hinte hian chhiat lehzualna an thlen fo. Eng chhiat tawhnaah pawh za rual vel bak a `angkai theih tak tak loh. ~angkai lo pungkhawmte lakah hawihhawm a ngai lem lo. 3. T L A W M N G A I H N A CHUNGCHANGAH Kan pi leh pute ngaiha tlawmngaihna tam tak kha tunlai hunah chuan ‘atthlak’ rawng a kai lek lek. Chuvangin tlawmngaihna her rem ngai a awm ta nual mai. Pawi khawpa thukhuh chin tawh loh tur: Thu-khuh hian thiamna leh dikna a bum thei a, thil pawi zawk a thlen thei. Kan natnate a hun taka enkawl dam a nih theihna turin, tuar zuau vang ni lovin a dik tak sawi a ngai.

Chu chuan Zonun zemawi a pawlh dal taah ngai lo ila. * Ei leh in ngeih loh zawng zep loh a mawi: BP sang te, Zunthlum te leh pumpui lawng lam chi reng rengte hi thatchhiat vangin a neih theih a, taimak vangin a neih theih bawk; ei `hat vangin a neih theih a, ei chhiat vangin a neih theih bawk. Heng natna tlanglawn takte hian ei huat an ngah a, harsatna ruk zep vangin mahni leh mi dang kan tibuai vak thei. Ei leh in ngeih loh zawng tlang taka sawi hreh loh hi, tun hunah chuan Zonun zemawi atan kan pawm a ngai. * Zu rui nge Damlo finfiah a `ha: Kawng kama lo indawm kun reng, chau hmel tak site hi finfiah hram ila, `anpui ngai lem lo an nih chuan ngaihngam takin kalsan zawk ila. * Chatthla nge Ruang finfiah a `ha bawk: Kawng sira ruang tlu rengte hi chatthla satliah emaw tia kan kal pelh palh lohna turin, finfiah theih zel a `ha khawp mai. * ~helret kutkawr pai a `ha: Puih ngai apiangte a `ul ang anga pui bawrh bawrh thei turin, YMA tlangval chuan kutkawr fan thei chite hi pai reng thei ila a `ha.

Vol. 30

Issue No. 16

YMA Tuikhuahtlang Branch Chanchinbu (Forthnightly)

Mizo ~awng Huang

VENGCHHUNG THUTHAR

R OZ AM A C HAWNGTHU

SECTION - I * Pu Lincoln Lalfakmawia te nupa chuan a pahnihna atan 3.8.2009 khan fapa duhawm tak an nei. * Pu H. Lalbiakmawia chu 13.8.09 Aizawl Civil Hospital-ah zai a ni a, enkawl zui mek a la ni. * Pu Zorema s/o K. Sanghnuni te nupa chuan fanu duhawm tak 29.7.09 khan an nei. * Tv. Lalruatfela s/o Pu Vanlal Tlana chu a zirna hmun Mandia panin 4.8.09 khan a kal. * Pu Bobby K. Zolenpuia chuan Scooter nalh tak a nei thar. SECTION - II

15 — 28 Aug., 2009

Lawmthu (sawi, ba, etc.) Kan chhiattawh chungchangah `henawm khawvengin inkhawngaihin min `anpui nasa hle mai a, in chungah a) lawmthu sawi kan ba a ni. b) lawmthu sawi kan duh a ni. c) lawmthu sawi tur kan nei tam hle mai. d) lawmthu kan sawi a ni. e) kan lawm tak zet a ni. A chunga lawmthu sawi dan chi hrang hrang hi a mal tê tê in i han chhui zau teh ang.

* Pu R. Lalawia chu in chek-up in a nupui leh a fapa te nen 3.8.09 a Delhi-ah an kal a, 14.8.09 hian lo tura beisei an ni. * Pu M. Lalthanzuala chu rawngbawlin Mimbung, Hrianghmun, Teikhang leh Ngopa-ah te hun engemaw chen a kal hnu in 14.8.09 khan a lo haw. * Pu Lalhruaitluanga te chuan Santro Car nalh tak an nei thar. * Pu Lalengkima Vangtlang lama zin chho pawh 10.8.09 khan a lo haw leh tawh.

a) Lawmthu sawi kan ba: Inbat leh sawi ula ti nia. Lawmthu sawi si lova, bat thu sawi ringawt chu leiba rul chuang si lo va, ‘I lei ka ba a ni’ tih leh ngawt `hin a ang deuh. Amaherawhchu, thil`ha min tihsaktu, lawmthu kan hrilh duha tak chu a awm ve rih si lo va, mi dang hnenah sawi lan kan duh bawk si a nih chuan, kan ba tih a dik theih hun chu a awm.

SECTION - III

b) Lawmthu sawi kan duh: In duh chuan sawi rawh u. Lawmthu hrilh i duha chu a awm a nih chuan sawi nghal mai a `ha zawk, khek khek a `ul lo.

* Tv. Zonuntluanga, s/o Lalnunthari chu PTC-ah hun engemaw chen Indian Reserve Police a training zawh hnuin 7.8.09 khan a lo chhuak ta. * Pi Vanlalmuani w/o R. Lalpiantluanga chu an chhungte tlawh turin 14.8.09 khan Serchhip-ah a kal. * Nl. Baby Zosangpuii chu 5.8.09 khan zirna chhunzawm turin Delhi-ah a kal. * Nl. Rody Lalrammuani chu 5.8.09 khan zirna chhunzawm turin Bangalore-ah a kal. * Pi Lalrinzuali w/o Lalhmingliana chu Training in Guwahti ah a cham mek. * Pu C.L Ruala, MP Lok Sabha chu 14.8.09 khan Delhi atangin a lo haw. * Pi K. Zonunsiami chu tunhnai khan Kolasib-ah a zin. SECTION - IV * Pu P.C. Ngente Guwahati-a in check up kal pawh 7.8.09 khan an lo haw a, in lamah enkawl mek a ni. * Nl. Zokimi s/o Dr. R.L. Nunthara chu zir chhunzawm turin 6.8.09 khan Burdwan, West Bengal-ah a kal. * Pu R. Zathanga te nupa chu chhiat tawhna avangin 2.8.09 khan Champhaiah an kal. * Pu Joseph Lalremmawia te chhungkua chu an in chungah an indang. (News hi August 1 - 14 inkara mi kan han hriat theih chinte an ni e–Ed.)

RUIHTHEIH THIL - CORRECTING FLUID Tunlai hian ruihtheih thil chi hrang hrang a hluar hle a, naupang lam deuhah pawh a ruihtheih thil chi dang deuh a hluar niin a lang. Kan vengchhung ngei (Basketball Court)-ah Correcting Fluid bur ruak engemaw zah chhar a ni a, hei hi naupang lam deuh ten ruih nana an lo hman ve nia hriat a ni a, hei hi kan vengchhung naupangte hnimna nge ni anga veng dang tih erawh hriat mai theih a nih loh laiin kan vengchhunga hetiang chhar tur a awm erawh hi chu a `ha lo hle a ni. Kan vengchhung hmun fal lai `henkhat hi vengdang naupang ten thilsual tihnan an rawn hmang `hin nia hriat a ni bawk a. Hetiang ti `hin kan hmu/hria anih chuan YMA hruaitute hriattir `hin tur a ni.

c) Lawmthu sawi tur kan nei tam hle: In nei tam hle maw? Sawina chhan tur a tam a nih a rinawm zawk. Sawi tur in nei tam a nih chuan sawi mawlh mawlh rawh u. Sawi si lo va, neih tam thu ringawt sawi chu a tawk lo deuh. d) Lawmthu kan sawi a ni: Hei chu a ziaawm deuh hret. Hei pawh hi Sap`awng zia a la ni tho va, mahse sawisel chi ni tawh lo khawpin kan hmang nasa tawh a, hnawl bik chiah tawh lo ila a `ha mai ang e. e) Kan lawm tak zet a ni: Hei ngei hi Mizo `awng ze dik tak chu a ni. ‘Kan lawm takzet’ i tih chuan i lawm hle thu i sawi a ni. Mahse a `ha ber nia lang hi kan hmang `ha duh hlawm si lo. Engpawhnise, a chunga lawmthu sawi dan hrang hrang kan sawisel te khi kan hmang a, kan pawm tlang vek a nih chuan a `ha tho ve. Miin thil an pek chein eng nge i sawi `hin? “Ka lawm e,” i ti `hin , a dikin a `ha reng a ni. Mi thilpek dawn veleh, ‘Lawmthu sawi ka ba,’ tih ai chuan, ‘Ka lawm e,’ i tih khan lawmthu i sawi a ni.

SUNNA 

Pu Lalzarliana (kum-44) s/o Solfathangi, Sec - I chu 9.8.2009 (8:15 P.M.) khan Pumna avangin Aizawl Hospital, Mission Vengah a boral a, a tuk ni 10.8.2009, dar 12:00 Noon-ah Mission Veng thlanmualah vui liam a ni.  Pu Lalramliana (kum-60) b/o J. Lalhmachhuana, Kawltheihuan, Mission Veng 'N' Branch chu 31.7.2009 (3:0 A.M.) khan Cancer avangin a boral a, hemi ni vek chawhnu dar 12:00 Noon-ah Mission Veng thlanmualah vui liam a ni.  Tv. John Vanlalrema (kum-35) s/o Kapzama (L), Model Veng Branch chu 4.8.2009 (4:30 A.M.) khan Septicemia avangin a boral a, hemi ni vek chawhnu dar 1:00 PM-ah Mission Veng thlanmualah vui liam a ni.  Pi Lalmalsawmi (kum-50) w/o J. Lalsailova, Mission Veng 'S' Branch chu 8.8.2009 (5:00 P.M.) khan Zunthlum avangin a boral a, a tuk ni 9.8.2009, dar 12:00 Noon-ah Mission Veng thlanmualah vui liam a ni. Khawhar chhungte Thlamuantu Pathianin venga awmpui turin Zotlangsang Editorial Board-in duhsakna kan hlan.

MOBILE HANDSET CHHAR

Basketball Court-a Correcting Fluid bur ruak chhar

Mobile Handset chhar a ni a, a tibo kan awm chuan a nih dan chiang taka sawiin August thla chhung ngeiin Zotlangsang Editor hnenah hriattir tur a ni. Hemi hun chhunga inhriattir a nih loh chuan a neitu awm lo anga ngaih a ni ang.

Vol. 30

Issue No. 16

YMA Tuikhuahtlang Branch Chanchinbu (Forthnightly)

LAWMTHU SAWINA Kan fapa/Kan pa/Kan unaupa Lalzarliana'n hun lo taka min boralsan chungchangah kan veng YMA leh khawtlang mipuite chungah lawmthu kan sawi a, ruang awm zana min tlaivarpui zankhua a, kan khawhar hlauva min zaipuia in hun hlu tak senga min lenpuia min buaipuina zawng zawngah lawmthu kan sawi tak meuh meuh a ni. In mi khawngaihna leh lainatnate Pathianin a let tam takin malsawm che u rawh se. In Khawngaihna dawngtu A nu Solfathangi leh a tu leh fate Section - I Enkawltute thukhawchang....

ZOTLANGSANG - EPL FIXTURE 'Z otla ng sa ng ' chu an sum tuak nan EP L Fixt ure 200 9-20 10 a b u tein a buatsaih a, hei hi rem chan dan angin Vengchhung mi te hnenah Bu khat Rs. 10/- zelin za w rh kual a ni d aw n a. Tlaw m ng aih chhuaha m in lo leisak v ek turin Vengchhung mite kan han ngen a che u.

15 — 28 Aug., 2009

VILLAGE COUNCIL LEH VIGILANCE SUB-COMMITTEE JOINT MEETING August 14, 2009 khan Mission Veng Village Council hnuaia, Vigilance Sub-Committee te leh V.C member ten DYO Hall, Mission Veng South-ah Joint meeting an nei a. Meeting hi Pu Zolawra Hnamte,VCP in a kaihruai a, Intensive Revision on Ration Card-a an hmalakna te thlirletna hun an hmang a. Ran khuahkhirh dan tur chungchang pawh khunkhan takin sawiho a ni a, tlai lamah chawhlui an kil ho nghal a ni. He Joint Meeting-ah hian kan veng a`angin heng mite hi an kal: 1. Pu Biaktluanga 2. Pu C. Lalhmunmawia 3. Pu Zamzela 4. Pu K. Zamlova 5. Pu Bobby K. Zolenpuia 6. Pu Vanlalfela 7. Pu Lalhmingliana Colney 8. Tv. Boris Lalnunzova

LAWMPUINA Tunhnaia CBSE-in Class XII Compartment Exam result a tihchhuahah kan member pahnihten hlawhtlinna an chang a, Zotlangsang Editorial Board-te chuan kan lawmpui takzet a ni. 1. Nl. Hmingthansangi, d/o Malsawmtluanga, Sec - II 2. Tv. Benjamin R. Lalruatkima, s/o R. Lalawia Sec - II

ADVERTISEMENT ~~~ ICFAI ~~~

TABLE TENNIS

The Alpha Skills Institute of ICFAI University, Mizoram invites applications for Spoken English (three months) and computer Course(six months).

Tunhnaia Mizoram Table Tennis Championship, Kulikawn Indoor Stadium-a neih mekah, kan veng Table Tennis Club a`angin Pu Zochhuahthanga (Veteran), Lalduhsanga, Joseph Lalrinzuala, Lalhlimpuia, Lalawmpuia, Lalrinzuala Colney (Sub-Junior) te an tel a, dinhmun sang tak an thlen kan beisei laiin beisei ang erawh an thleng thei ta lo va. ~um danga an inkhelh leh zelna turah duhsakna kan hlan a ni.

Application forms will be available at the office during hours from 1 s t September, 2009. Monthly fees will be Rs. 300/-pm. No admission fee. Course will be started on 16th September, 2009. For details contact: The Alpha Skills Institute, The ICFAI University Mizoram Building, Chaltlang Dawrkawn, Aizawl. Ph: 9612166708, 9862575100, 9856836080, 9862133075, 9612163906.

(2 - 1)

Hetih lai hian B. Zirnuntluanga s/o B. Lalchhanhima (Synod HSS Club) chu Sub-Junior leh Junior-ah final a lut a, chanchin buatsaih lai hi chuan result hriat a la ni lo a, vawiin ni 15.8.2009 hian final hi khelh a ni dawn a, hlawhtlinna duhawm tak a chan ngei Zotlangsang Editorial Board chuan a beiseiin duhsakna kan hlan a ni.

ZTS Editorial Board 2009 te chungah lawmthu ka rawn sawi leh e ZTS Issue 15na pawh kan dawng leh tawh e. - RDS@Bangalore

Published by : YMA Tuikhuahtlang Branch & Printed at J.P. Offset Printers, Tuikhuahtlang, Aizawl. C-370.