Fulfilling-a-promise.docx

Nagpaalam si Roxanne kay Weldie pinaagi sa pagtawag sa telepono. Matrabaho kuno sia sang iya matuod nga kahimtangan. Nadiagnose sia nga may metastatic melanoma, isa ka sahi sang kanser nga ang talalupangdon nga indikasyon amo ang pagpalanghubag sang panit. Nagpa-Manila sia agod magpabulong sang iya masakit. Sabat ni Roxelle nga iya kapid ang tanan nga gastos. Himuon ni Roxelle ang tanan agod lamang maglawig pa ang iya kapid.

Roxanne said goodbye to Weldie by phone. She wanted to figure out her true condition. She was diagnosed with metastatic melanoma, a type of cancer wherein the most remarkable indication is skin abrasion. She went to Manila to cure her illness. Roxelle, her twin, will handle all the expenses. She will do everything to lengthen her twin’s life.

Halin pa sa Amerika ang isa ka duktor nga nag-atipan sa iya kapid. Isa si Ralph sa mga ispesyalista nga iya ginkuha. Wala sing kaso kay Roxelle bisan daku nga kantidad ang iya pagagastuson. Sia na karon ang tagpatikang sang isa ka sanga sang ila kumboyohan nga ara sa Vintar.

One of the doctors who took care of her twin is from America. Ralph is one of their specialists they get. It doesn’t matter to Roxelle even if she has to pay a big amount of money. She is now the one who runs one of their branches of their company that is in Vintar.

Apang nabatyagan na ni Roxelle nga indi na sia maglawig pa. Imbes nga magpaidalom pa gid sa madamo nga tests kag chemotheraphy, ginpangabay na lang sini nga magpahuway sa isa ka matawhay nga lugar. Wala na nagpamatok si Roxelle. Bisan si Ralph naghambal nga malala na matuod ang sakit sang dalaga kay ang cancer cells nagulamid na sang madamo nga organs. Sa ila rantso sa Vintar nagpahuwayhoway si Roxanne.

But Roxelle felt that she won’t last any longer. Instead of undergoing a lot of tests and chemotherapy, she felt it good to just rest in a peaceful place. Roxelle didn’t oppose anymore. Even Ralph said that the lady’s condition has gotten worse because the cancer cells spread to the other organs. At their ranch in Vintar, Roxanne rested.

Kag didto, ginpakilala sa iya ni Roxanne si Weldie pinaagi sa sugilanon. Sa litrato niya una nga nakita ang lalaki. Kag ang tingog sini, sa telepono niya una nga nabatian. Sang ulihi, sia na ang nagabaton sang mga tawag sang lalaki sadtong indi na makahambal ang kapid tubtob nga ginbawian na ini sang hulam nga kabuhi.

And there, Roxanne introduced Weldie through their conversation. In the photo, she first saw the man. And his voice, she first heard in the telephone. In the end, she’s the one who received the call of the man, because her twin can no longer speak; she passed away.

Bag-o nagtaliwan, ginpangabay ni Roxanne nga indi lang anay pag-isugid kay Weldie ang nahanungod sa iya kahimtangan. Basi maapektuhan ang trabaho sini kag indi na matapos ang nabilin nga tuig sang iya kontrata. May talapuson pa ini nga mga proyekto. Luyag niya ng indi mangin-upang ang iya kahimtangan sa paglambot ni Weldie sang iya mga handom.

Before she passed away, Roxanne requested not to tell Weldie her real situation. It might affect his work and he won’t be able to finish the remaining years of his contract. He still got some projects to finish. She hoped that her condition won’t hamper Weldie to reach his dreams.

Malawig nga comatose si Roxanne kag mga apparatus na lamang ang nagabulig sa iya nga makaginhawa. Sa amo sini nga kahimtangan nga nagapadayon lang ang pag-ilig sang iya mga luha. Padayon man ini nga ginapahiran ni Roxelle.

She’s been comatosed for a long time and the apparatus are the ones that helped her breathe. Because of this situation her tears fall constantly. And this is continuously being wiped by Roxelle.

“Kon ginabudlayan ka na, pwede ka na makalakat sing hilway nga may bug-os nga pag-ampo sa aton Mahal nga Ginuo. Indi ka magkabalaka, tumanon ko ang saad ko sa imo nga pakigkitaan si Weldie sa iya pagpauli halin sa luas sang pungsod.” Amo lang yadto kag makatatlo nga nagsidu si Roxanne kag nagdunglay ang iya ulo sing inanay. “Indi matuod ina!” gaab ni Weldie.

“If you are already tired, you can now go freely and surrender everything to our Lord. Don’t worry, I will fullfil my promise to you to meet Weldie on his return from the other country. That’s the last thing and for the third time Roxanne grasped her breath and her head bow down slowly. “That is not true!” expressed Weldie.

“Luyag ni Roxanne nga ipangayo ko sa imo sang kapatawaran sang iya paglikom. Nahimo lamang niya ato bangod indi niya luyag nga maguba ang imo obra. Luyag niya nga mapatapos mo patindog ang ginahandom mo nga balay, makabakal ka sang salakyan, kag makasupot ka para sa isa ka pagapundaron nga negosyo. “Kag para kay sin-o na ini tanan? O, Roxanne! Roxanne!”

“Roxanne wants me to ask your forgiveness for keeping her secret. She only did it because she doesn’t want to ruin your work. She wants you to finish building your dream house, to buy a car, and to save to put up a business.” “And who is this all for? O, Roxanne! Roxanne!”

Grabe ang paghilibion ni Weldie. Daw narumpagan ini sang langit. Tuman nga kaluoy ang nabatyagan ni Roxelle para kay Weldie nga nagaluhod sa salog samtang nagahilibion. Ginasinggit sini ang ngalan ni Roxanne. “Husto na ini. Indi luyag ni Roxanne nga tuman kita nga magkasubo sa iya pagtaliwan.” Nagkuha sia sang tubig agod ipainom sa lalaki.

Weldie wept. It’s as if the heaven has befallen him. Roxelle felt extremely sorry for Weldie who’s kneeling on the floor while crying. He is calling Roxanne’s name. “This is enough. Roxanne won’t want us to be sad for her loss.” She gets water for the man to drink.

Nahibal-an niya, wala nagatapos ang iya misyon sa pagtuad lamang sang daku nga balita kay Weldie. Kabahin man sang iya saad nga buligan ang lalaki nga mabaton ang natabo kay Roxanne, ang iya pinalangga nga kapid. Padayon ang pagtalangison sang lalaki nga ginapugpog ang tiles nga salog. Tuman gid ang iya kaluoy nga nabatyagan. Wala sing paghimugong nga ginhapulas niya ang likod sang lalaki bilang paglugpay sa nagabalakhuon sini nga balatyagon.

She knew that her mission for revealing such a great news to Weldie hasn’t ended yet. At the same time helped the man to accept what happened to Roxanne, her beloved twin. The man kept on crying while hitting tiles on the floor. She felt so much pity. Without hesitation, she then pat the back of the man to relieve his unfathomable emotion.