Final 01

Joul - 2

Editorial............ .

Suo - 7

July - 2009

?

Nam khat khantounading le kilungtonading a thil poimo tampi lah a khat chuleh eiho Kuki society a ilhahsamnau lenpen tampi lah a khat seitheipenchu News le Media (thuso) lampanghi ahi kitileh kikhellouhelding ahi. Niseh/lhaseh thuso kituptah nei nam-mite chu aneilouho sanga ipilam hijongleh khangtouding tina ahi. Adeh in nam sunga dinga kilungtona, genthei hahsatna kihuto/kihetto chuleh kilainatpitona apunsah in ahi.

Bungsung vop Article 1.Kuki-Chin-Mizo Nomenclature thua a KSDF pomdan (Lulun)

--- phengmai-2

2. Politics hi koihon atohding ham? (Khupmang)

---phengmai-3

Vanoi a tu-le-tu a ipi thusoh a ipiboina le kipana um em? ti inop phatphat uvin ihejengthei uvin, hinlah ihinpiu Kuki nam sunga thuso le lunggel hovang ikihet sohpouvin ahi. Hichehi lhaset um tah khat le Kuki nam khantounadinga adaltan lenpentahjong chu hiding ahi.

3. Zanphad asottai, thophad alhingtai (Letpu)

---phengmai-3

Tua akivet leh hoilaimun hijongleh Kuki te ichennau munjouse ah, hiche thuso kituptah (adeh a niseh thuso) chu inei tapouvin ahi. Hijehchun ilunggel ujong akibangthei tapon, ihahsatnau jong ikihettopeh tapouve. Jatdang namdang thusojoh isim taovin ahi. Jatdang namdang thuso akisimjingteng jatdang namdang lungthim akinei in nam sunga inam hina pau amangsuh chehcheh in ahi.

Thusoh

Adeh in ichennau munho akivet leh nam tampi kisuhkhomna mun ahitoh kilhon in eiho (Kukite) sang a namngailutna (nationalism) hatjo nam lah a cheng ihi jehuvin niseh a kihettonading thuso um lou aboilhehtan ahi. Thuso kiti hi sih-nei-lang-nei na umlou (neutral) ahi in thuso adih bangtah a kiso ahi kitijong leh tulai thuso jouse hi ama ama mudan le deidan (angle) a hung kisun/kijih ahitah jehchun eiho thuso kituptah ahilouleh thusomi (journalist,.reporter) neilouhoding a chu, imudan u, igeldan u umtalouva, chuleh igentheinau koiman eihetpeh joutahlou ahi. Kuki toh kisai thuso umtalou, aum sunsunjong jatdang (adeh a ikitomo piu) hon eisutpeh u ahijeh in eiho thuso dihtahchu aum louna bannah, asimhon hiche thuso dihlouchu anasim jing u ahi. Tunjong Kukite thuso lang a ikhantou uva, vannoi in igentheinau le inatoh phatna hou eihetpeh theinading a tohding tampi aum nalai in, hiche kinchu khat-le-ni bol a kichaithei ahikit pon, inam sung uva khatcheh a pan ilahkhom kitdiu angai in ahi. Chutileh abanban in thildangdang ah jong kikhangtou vintin Kukinam a dinga machalna le lungtup moulso na hinte.

5. Western (NATO) Sunga kikhen telna hungkipat dan (L.Kuki)

6. Kuki suhmang nading kigo jing nalai

---phengmai-5

---phengmai-8

Zaila 1. Chunnu ding (Hegin)

---phengmai-3

2. Zalen-gam (H K ginpa)

---phengmai-2

3. Mundih (Liufu)

---phengmai-5

III. Nuibom

---phengmai-5

IV.Koisei ham

---phengmai-4

V.Activities photos

---phengmai-7

--------------------------------------------------------------Koitabang Gam le Nam ngailut na thu a Lekha (article), Zaila le adag..sun hon anoi a address a hi ipeh thei u ahi.

* Editor :

Khupmang Thingkho le Malcha WZ - 87 (A), Budella Market, Vikaspuri, New Delhi-110018 E-mail : [email protected]

È

: +91 (0) 9891330628

Phengmai-2

Kuki-Chin-Mizo-Zomi Nomenclature thua KSDF pomdan

Zalen-gam H. K Ginpa

By: Lulun

Tunia kibol Kuki movement hi achesa Kum 90 masang 1919 May 20 nigeia Kukiten vai anahopna Kukite gam, chule tunigeia Kuki ho agamsung uva nam dangho soh (vaipohna noi) a aumna gamhou hi agamnei Kukite khutsunga ahunglutkit theinadinga kibol movement ahi. Hijehchun, hitobanga Kuki te namkhat ahinau suhmang a aumlounadinga movement kibol ahijeh in Nomenclature kichuna maimaija revolutionary bol akihipoi, chule hitobang boldingjong akigelkhapon ahi. Ahin ipi mi ihiuvem tichu kichehtah a het angaibang in neidingjong angai e. Keihohi Kuki kahiuve tiuleh kichai ahijeng e, achutilou leh Chin ham Mizo ham ti ngai ahi. Hin lah Chin, Kuki, Mizo thakhat kahiuve kititheilou ahi. Kuki kiti hi nam danghon eihetpehnau min ahitoh kilhonin, van noia lekhasun masaho record khu akivetleh, tunia Chin State sunga cheng jouse, Mizoram State sunga cheng jouse, Manipur thinglhang gamkaija chengho, Tripura State sunga chengho, Chit tagong hill tract a chengho, Assam sunga Karbi Anglong le NC Hills a cheng tunigeia kuki minna umho, Nagaland sunga chenga tunigeia Kuki a umho, chuleh Upper Chindwin District sunga chengjouse hohi Kuki ahiuve tia van noi in hetpehna ananei ahi. Ahinla, vannoi in Kuki kitihi namlentah a anahetvangin vaipoho divide and rule policy noijahin ama changcheh phatchom kiholna jala Kuki a kon’a anapotdohjeh uvin kuki kitijonghi alhom cheh cheh in tunia agamsunga namdangho vaipohna noija potdoh jouloulaihobou hi Kuki kiti minin hesohna le gentheina tintang athoh uvin ahi. Hichechun tunia Kuki kiti hohi Chin, Mizo, kiti hon lungmonna ape joupouve tihi kichentah in akimun ahi. Chu kei hilouvin Kuki suhmang teitei a vallhumding policy tampi ana gong uvin tunjong Kuki movement ahipouleh boina asem jing uve tihi imujing uvin itohjing uve.

Y Agam vang la jongleh kakipat doh na nahin, Ka seilet pen jong nahi Navang ngai in kakap jinge Zalen-gam…

Y

Mourlou vin pah jingin Ateh akhang, nu nao kilungto nadingin Gamsung vaipote selung heithem o Zalen nadin…

Y Thingna louna hingdel del in Kaleng chim pouve Zalen-gam.. Chung Pathen in hin phungvuh jingo. Tahchapa te lungkhat son nadin

Y Nagam vaipo te selung morl jeh in Navon choi te gam tin kithe thang.. Aum deh poi, Zalen-gam tilou keiho din…

Y Dam mel hunglhungin samang jal mon Hinkho kamang kajar na ngai in, Monmo na gam thousi vaibong lah ah Nagam singsung cheng ngai pum in..

Y Hetlou manggam vangla hen, Henkol kai ta jong leng Lunga nalang chim sampoi Aw Zalen-gam...

------------- ****-------------

Chuchekeo hilouvin Chin, Kuki, Mizo kitihohi kinaichachu ahinauvin ahin, namkhat hikhom navang anaum pon ahi. Ajeh chu thusim chomchom inei uvin ahi. Ipukhang ipakhang uvinjong namkhat hikhomna ana umpoi. Chin in Chin State aneivangin Kuki hon phatchomna aneipoi. Chutobang chun Mizo in State aneijong chu Kuki te dingin imacha phatchomna aumlou akimun ahi. Tunia namdang khutnoia gentheitah’a um Kuki tia kiminsah hohi MNF movement laichun Mizo inahiuvin, ahin chanvou akimu Burma solkar in kuki ho kuki kahipou’ve Thadou chin kahi u’ ve tia soi akaisah jeh a dem na a New Delhi a kijot na kineipet. Aban phengmai (4) ven-

Phengmai-3

POLITICS HI KOIHON ATOHDINGHAM

Chun’ nu ding

By: K. Khupmang Hegin Kuki Politics kitihi alhangpi a seidingchun gamsung le agamsung mite kin le dong boinaho ahin, hiche boina kindol suchetpeh a bollhap pehna tiajong seithei ahi. Tinachu mipiho inchenkhosah hihen, lamlhah khoheina hihen, sumlepai holna hihen, kivaihop kivaipohna hijongleh, hiche mipi boinaho jouse chu mipiten lungmongtah le bai lamtah a achelhahpi theinading a kinla a suhlhappeh tina ahi. Korlgam a Gen. Aung San in, “Politics kitihi gamsung kinledong jouse chule agam mite boinakin jouse ahi” tin anasei in ahi. Chule mikangte hotoh annehkhom aneinao achun mikangpa khat in, “Politics kiti hi mijou, minal ho kisuh khomna ahi” atileh Gen. Aung San in aledonbutna achun,“Inn khatna gucha michom

ho aumkhomleh hiche inn chu gucha michom ho inn akiti in, mi chonpha ho umkhomna chu miphaho inn akiti in ahi. Hichejeh a chu politics kitichu mi nunnemho, mikitahho tilouvin aboljoupoi” tin anadonbut in ahi. Atahbehin jong politics kitihi mipi kin, mipi boinajouse suhlhap pehnadinga kinla a kitong ahin, thilpha chungnungpentah le thil loupipentah ahi. Ahin hichetoh kilhonchun politics hongsunga chun thuneina le thaneina, minthan nom na, a dangdang…tiho mi tam tah awchatpithei le thangsetpithei thilho ahung umdohtan ahi. Hiche thuneina bahkaichu haosat na ahung hikit in ahi. Hicheho jehchun politics hongsung a chun mijou, minal, amachang phat chomnadinga kivet mihon politics chu lhokhonna aneija haosat nading ngaitoa sumkolvei miho in ahin lonkhum kittauvin ahi. Hitabang mihochu akilep themkit uvin, lepchedan lungthim ajat jat athem uvin, ajonchih uvin, bolngamlel aneipouvin, jachat ki phatlam jong ahepouvin, amachang phatchomnading in innsung, khosung le vengsung, loilegol, inko sopi ulenao hocheng lhep lhahding jong ngap lallou mi ahiuvin ahi. . Hijehchun politics kiti ipiham?, ti hetna lhom, hechenlou mipiho lah a chun hititabang mihon ahin vaihopphat uchun politics jong aminse in, ahidingdoltah in ahidohthei jitapon chule mipi kiloikhomna jong asuh minsetan ahi. Sum le pai holnalam ahin, khankholam ahin, jat le nam chondan leh mihem nun le khanjong a chatvaisah gamtan ahi. Achutiphatchun mitamtah in “Kakom ah politics hungbol hin un” ati jiuvin chutengleh politics bolho chun “Kei jat le nam natong kahi” ati jiuvin ahi. Ahin politics natohna a jat le nam umloutheilou ahi, ahin politics panlouna a jat le Nam natoh chu phungle chang kikhentel na ahungsohdoh jitan ahi.

Aban phengmai (4) Col. 1-ven-

Y Pen na chun’nu noitwi malkhat man jong Lesah joulou, damdoi inn zalkhunchung a Kazal laijin…….

Y

Khatveivei nang ngaina’n chun’nu choi laa Lunguh in kasa ji-e.

Y

Khatveivei nang ngaina’n “zai laa” zih in Jankho kavahden ji-e.

Y Khatveivei nang ngaina’n nalengpi Nute lungguh in kakoukou ji-e.

Y Khatveivei nang ngaina’n neolai neipom geldoh in lonlhi thonggon eichup ji-e.

Y Khatveivei nang ngaina’n Zalengam Lim ven thangvan sang in katao jie.

Y Khatveivei nang ngaina’n Paochang hoilou hon, melma te kase Kalo jie.

*******************************

Zan phad asot-tai, Tho phad alhing tai By: Letpu Ikinep nau le ibidoi u chu kivaipoh kikhelnading le Kuki State tundoh nading phad anai agamlat hi eimaho amitakipcheh lungsunga ichangei a ingaichad uva, ichangei a pan ilahuva gam le nam ngailutna le mihemchanvou khohsahna inei uvem? ti chungah akingam in ahi. Ahilou leh itohna muncheh uva ipanlah nau kinteho chunga ngailudna le kitahna inei uvem, ti chungah akingam in ahi. Tulaihi Nam zousen khonunga dia ama ama nampi khankhoding asiemlaitah ahi. Adeh in Burma gamsunga namlhom (kuki ho sanga lhomjo ho) in zong dinmun khat a dinga kilungtohtah a pan alahlaitah u ahi. Ahin eiho kuki nam sungah vang tuni changei in kilungtona umtheilou, ei le ei chunga thiisen naisen lonna aumnalai in ahi. Chuban ah eima le eima ipi kahim ti chajong kihechenlou itam na lai uve. Hizieh in tunichan in Chin le Mizo hotoh thakhat in ikimu jingnalai uvin, ikigelzing kei uve. Kuki gamchu hicheho hin ahin siemdohding ham?

Phengmai-4

Phengmai (3) ban jom-

Chuleh mitampi hi pulepa teho thusim (Folktale) ho in ikinem uve. “Chuche mun a moungphung bah chun toul ahin phah tengleh Kuki ten gam imudingu ahi tai”. Ahilou leh “Chuche vadung chu alon na ngai/lui a alelon tengleh Kuki ten igam u ile lodingu ahitai” ti in imoh bong nga tho uve. Thil kitichu azieh umlouvin asohdoh ngaipon, natoh umlou in zong aga akilou ngai poi, ti geldoh ute. Mi namdang louvaikon laitah a khonung ikhankho ding u gelkhoh louva ei le ei chunga ha hem a zanmang tabangho a kinem a hinkhomang ihi nahlai ule vang, lhankhuh a sana vaipho kikhuhpa tabang ihidiu, khonunga ikisihnau sangding ahi. Langkhat ah Nam natoh akitengleh mitampin imudan uvin, thalchoi a galgam kondingtoh imutha jiuve. Hichu ahipoi. Nam na kitichu alampi tamtah a tohtheina zoh ahi. Inn mun hihen, hoilaimun hizongleh iumnau munzouse a iboltheina pen chu ijo chan a tohthei ahi. Chuleh ichondan le ipaothozong hi nam ngailut nei na bulpi ahin, nam natoh lentah ahi. Chondan le pao ngailut hin khankho asiem in ngailutna apunsah in kilungkhatna aumthei ye. Hizieh a chu ipao le ichondan hi zachatpi lou a kilet sahpitah a tho a pohdohjingding joh ahi. Imalam jouse a kichat na le tijatna inei a ahileh hichu eima kihilou ahitai. Eima eima lung kipulou ahitai. Elungchu atomkhat um ahitai. Hichu Soh lung pu akiti-e. Enam khantounading le kilungkhat nadinga chu isoh lungchang jong ipailhah diu ahi. Tunia Pa-then in Kuki nam a eihinsiem’u hi vangset na a sanglou a ikithang at pi dingu ahi. Vannoi a namkhat a ihungpen toh lhon a, jatdang ho toh chanvou kibang le dinmun kibanga ihinthei na diuva chu Gam neidinghi ahi. Hiziehchun thusimho a kinep in Kuki gam hunglhung ponte. Daw AungSanSuuKyi hungin tin Kuki te ding gam hungsemponte. Bankimon jong hungin tin kuki te Zalen-gam hung peponte. Eima ho zousen ingailutna jal a kilungkhattah a ipanlahna te hochu ahungkigop a vadung twigol thahattah banga ahung lonkhomtengleh Zalen-gam, Kuki Land, Kuki State chu hunglhungding joh ahi.

Politic hi koihon ....ban jom-

Hichechu ahileh abul a hungkiseibanga chu politics hi agamsung mipi jouse kin ahileh geldingkhatchu gamsung mipi akititeng alen aneo, ahao avai, aching athem umlouva mijouse tina ahi. Hijeha chu politics hi mijouse kin ahi. Tunia eiho kuki minam sunga hi politics akititeng leh mitamtah in eimakincheh a latalouvin, adeh in houlam natongho akidalse gam jitauvin ahi. Hijehchun politics hi alamdihtah le athudol dihtah in ache lhathei jitapon ahi. Politics hi alam dihtah le athu dihtah a achelhahthei nadinga chu mijouse kin ahi. Koimachom a ahidehpoi. Nang le kei kin ahi ti,hi ikihet uleh ijat le inam, ikhosung ivengsung, phung le chang khentum umlouva iumnau muncheh ah boipicheh leuhen politics jong hungchedih intin ijat le inam u jong hungkhangtou tante.

************************************

—

Koi sei ham....??

¯

Ihinkho lhum keiya kel-ngoi hiding sangin nikhat humpi hi ding kanom jo -e. -Sister Elizabeth Kenny

¯

Kamat sat leh kanung hin hui uvin lang, kanung chon leh nei that uvin, kathi leh kaphu hin la uvin. -Beneto Musolini

¯

American khat in kahung peng in, American khat in kahung hing in, American khat hina a kathi ding ahi. -Daniel Webster

¯

“Kalai natna khatchu ken kagam leh kanam a dia kapeh dohthei hinkho khat bou kanei ye” tihi ahi. -Nathan Hale

************************************ ************************************

Burma sunga kon Computer Basic jilnom hon Moreh a jil thei ahi tai.

Ahetbe nom aumleh:Address: H.No.Ward No. 3, Moreh-, Chandel Dist., Manipur. Burma solkar in kuki ho kuki kahipou’ve Thadou chin kahi u’ ve tia soi akaisah jeh a dem na a New Delhi a kijot na kineipet.

Phengmai-5

Mundih By: Liufu kuki

L

Western Group (NATO) sunga kihet khel hungkipat dan By: L. Kuki

Nien kiti hi… Um na khel jeh ahi.

L

Sam jang khat jong bu lah a akimu teng Kidah aum in nien ahi tai.

L

I neh bu jeng jong lhonglai a athan leh Nien asoh in thieh mang ahi zitai.

chun nang jong… N Himabang Nadin mun dih hi nam? Na minput dih hi nam? Lung giltah in kikhol phan Nakhel khah leh jamai mit a Nien nahi ding ahi.. ------------------------------------***-----------------------------------

J Soh Pa : Hepu Pahcha ho khu twi kachap ding ham? Apu : Go ju khu namu lou ham..! Soh Pa : Akhoh poi, vaipho (umbrella) kikhuh nange, ahin ti nalai set e.

-----------------------------***----------------------------Upa cha (5) nga neikhat hi chapang kichepna (toy) khat lottery in aphao vin amanjong achate lah a seingaipen leh thungaipen khat peh dingin achate chu akoukhomtan ahi. Chu in achatechu hitin adong tan ahi: “Koi ham?”, “Na nu in thu asei seh leh ledonbut lou..!”, “ Koi ham..? ”, “Na nu uvin asolteng nomjet jet a, aseijouse bol jet jet..!”, tia adohleh thakhat thun achate mi nga chun hitin ahin sei tauvin ahi. “Achuti leh Hepa kichepna chu nang a ding joh ahi, nang in kilah tan atiuve.

1993 kum kichai konin Australia gam a lekha sun (amin) Owen Harry kiti pa hin of Foreign Affair kiti Journal Disruption of Western Groups tin article khat anasun in ahi. Hiche ahin aman leiset chung hi Group ni in akhenin, USA, UK, European democratic gam holeh NATO member hochu Western Group atin, USSR leh WASAW a jao hochu Eastern Group tin aminvon ahi. Aman asei na ah NATO hi vannoia communist leh USSR kichatnajala hung kiphut doh ahi jeh in WASAW abei leh NATO jong acham a hungbei ding ahi tai tin ngam tah in asei in ahi. Aman asei be na ah chuche keo hilou vin NATO member ho hi Politically a aki vop vang’uvin asung’vah boina leh personal interest kibah louna tampi aneijeh u jong hin NATO hung bei ding hi kilom tah ahi tin ana seie. Ahin, hitia asei lai chun koiman ana tahsan pon, nahnoi kamhom mana moh seisei danin anagel uvin ahi. Ahin kum 10 jouvin NATO member ho ki het khelna ahung kipan tan ahi. Athu umdan chu hi ti hi ahi, Iraq gam hi ihet ma banguvin democracy umlou va Sadam Hussein athuthua vai apoh na mun ahi jeh in agam sungah gamsung mite kisuh gen theina leh ethnic minorities ho ki suh gen thei na hi aum jingin hijeh chun UNO leh USA in oimona ana pejing in ahi, Ahin Saddam Hussein hi dictator ahi keu hilou vin 1993 kuma Kuwait thua USA lamkaina noia gotna ana kip e ahi jeh in jong USA seipoupou chu dem ding ti hi Sadam Husein dinga jui sanga engkhan joh ding hi ama dinga baijo dan in ana gelin ahi. Hijeh chun CIA in Iraq hin Nuclear manchah jong anei jeh a hitia hi olmo loutah a um ahi tin gimo na anei tan ahi. Hitichun hiche thu hi USA in UN sequrity Council ah 2003 Feb sungin apo lut in Iraq a galbol dingle bol louding thu kihou limna anei tauvin ahi. Hichea hin lungdon um tah in hiche US te lung gel chu gal mia agel hou Russia leh China ho hilovin kumsot tah ahin atohkhom piu French leh Germany hotoh ki het khelnan ahin taovin ahi. Hiti chun masanga ahin seidoh qwin haary jongchu michingtah danin amin ahung kithang tan ahi.

-----------------------------***-----------------------------

UNSC kihou na

Thinglhanga kon hung nupi khat chu akholjin leh alhun na ten Ahsa ahonpeh in aneh lai tah in innei nun“Nangnu mechu tui nam mo?”tia adohleh Jin nun “ Ki ne khamo behseh in atui atuilou jong kathei poi ye,tin ahin donbut ne.

Achunga kisun bangin 2003 Feb kihou na ah US hin Iraq hi gal a no a Saddam Husein leh a Government hi suhbei a mipi ho khohsah thei vaipoh sah ding,ti hi ahi. Ajeh chu Iraq kisah dan hi vannoi mihemjouse dinga tijat umtah chuleh mihem tamtah suhmang theina gal manchah akoi uve,ti hi ahi. Hijehchun hiche thu hi UNO danpi 1441 toh kitoh a khol chil theina dingin enquiry commission khat Hurmblerg lamkainan asem uvin ngan sena ape tauvin ahi. Hitichun amanjong ajo chanin pan alah to kilhonin UNSC ki houna ah apo lut in ahi. Aman asei na ah Iraq government in US sei banga nuclear gal manchah nei dinga aginchatlou dan leh Saddam Husein din mun chu ama het dungjui in asei in ahi.

-----------------------------***----------------------------Tehse Nupa ni hi alup lhon pou2 leh Tehse pu hi anah hai pai jin, hichun tehse pin – Nangjong nalhuh pou2 leh na nah haipai ji e,ati leh Tehse pu jong Na nah a nahai lou leh na taw a ba nahai ding ham,ahin ti e.

Phengmai-6

Humblerg in report apeh joujou in France Foreign Minister pa Dominus dibely in tule tua Iraqa bolding avatlou lai dan leh banjoma kholbe kit a hiche dungjuia action lah ding asei in ahi. Ama sei hi atam jo ngaidan ahin tokilhonin h chun akhut u mitampin along lhai nau avesah un ahi.. Hichejou chun Colin power (USA) in ”Eiho chung geia Iraq in ilep bolu hi kichihthei ute. Chuleh hita banga kitahna nei lou hochu gala boltei tei aki same. Kamiteu ima hephalou ho het manlou a athi gam ding ka nompoi. Hiche hin ka khopiu ahin phah gei in ngahjou ponge. Abana kholbe ding na tiu jong phataan te. Ajeh chu hiche chu Iraq te dinga lou phapen ahipoi, tia aseileh Ama thusei chu mikhat in bouvin akhut abeh peh e akiti e. Hitichun USA hin Inquiry commission ho report jong ngah jou talouvin 14th Feb in Iraq in galman chah asuhmang thei nadiuva chance kipe chu alhaso tai Hijehchun tu (7th,march) apat 17th March gei nisom sunga vet a akidoilou leh 18th ni a galpat ding tiin aphong doh in ahi Chuleh Iraq a gal kibol na chuna vannoi oimo achan lou nadingin achesa a Iraq in US ana demna hochu UNO asei nadanin aseilep in ahi. Hitichun March 11a UNSC sunga galbol dingle bollouding vote a kivet ding ti ahi tai. Hitichun France Foreign Minister pan iham tia UNSC sunga atamjon gal bolding naphat sah tah uleh veto power a reject kabol diu ahi,tin asei tan ahi.France president Yatsirus tah in jong foreign minister pa thusei apomdan chu 10th March nin TV program ah aseitan ahi. Hitichun NATO leh UNSC sungah kipumkhat na abei chehcheh tan ahi.Ahin US leh UK in vang aloiho lung gel toh kikal in Persian Gulf ah galkap na ding machah atollut tauvin ahi.Hitichun chom lou kah in galkp mi sang janile somnga (250,00) akoilut tauvin ahi.Feb (6) ni in Bush in hiche tijat umtah hi aphad ide sot chan in vannoi dingin tijat aum e,tin aphongin ahi.Athu chedan akivetleh UN da hen koi da jong leh sattei tei ding,ti aki mudoh tan ahi. Chutobanga Bush leh Tony Blair in galsat ding ati vangin agam sung, England mipite noplou na asangcheh cheh in ahi.Chuleh mipi keo hi louvin parliament a atohkhompi ho jengjong ahi. Hitabangma chun USA mipin in jong Bush natoh adeilou nau aha bol chehcheh uvin ahi. Mipin hitia alamkai teniu adem uleh Bush le Tonyblair din mun jong ahoimo chehcheh tan ahi. UN secretary Kofi Anan jengin jong March (10) in UNO phat sahna umlouva gal bolchu UN noisena ahi,tin USA oimona apetan ahi. Hiche keo hilouvin Non alliance movement lam kai Mahatiha (Malaysia) prime minister injong galbol ding aphatsah lou na aphongdoh in ahi.

Gal bol ding thua mipi ngaidan Hitichun US le UK in Middle East a galkap mi 150,000 tabang asollut jouvin mi-750,000 in London khopi ah UK le US natoh deimo jal in kijotna anei uvin ahi.Mi 750,000 ahi, kiti hi amun a um UK Police Report dungjui ahi.Hinlah akijot ho sei na ah mipi (2) million aval e,tin asei uve.Koijoh chun dih jong leh hiche kijotna chu England thusim a gimnei pen ahi,atiu vin ahi. Hiche a kijot ho chu T-shirt aki ah uvin, achunga gal adeilou nau aphongdoh uvin

ahi.amaho lah ah chun Conservation Leftist ho keo hilouvin kiloikhom na chomchom a kon ah member ho ajao vin ahi.Akichoi u poster khat chungah Saddam Husein nadeidei uvin bol uvin,ahin galvang bol hih uvin,tin akisun in ahi.Poster khat ah “Monkey and Funkey ti aun uvin,anoi ah Bush leh Tony blair lim asem uvin ahi. Hiche nima chun Belgium Brushell khopi a jong mi-40,000 akijot uvin ahi.Poster khat ah Old Europian kahiu hi vangpha kakisauve, tin akisun in ahi.Donald Rung fle in galsatding deilou ho chu Old Europian ati a anungjui ho chu New Eropian tia aminsah jeh a chu asut u ahi.Italy gam Rome khopi a vang 1 million val mipi techu (10) KM valin akikai uve.USA jenga jong phalbilai buhbang khohsah louvin mi (500,000) val akijot uvin hiche a chun Bishop Desmun Tutu leh miloupi adangdang hon demna thu asei uvin ahi. Zeek president Bar Clack in US natoh support abol vangin amite (15000) in adeilou nau asei uvin ahi. Philosopher Karazin ahou limna ah US in i atileh gam hijat lah a Iraq bou satdinga alhendoh ham? Saddam Husein kum (5)sunga mihem tamtah thi na thei manchah ahin neiding jeh a satding ati theileh itia tule tua vannoi suhmang nathei nuclear manchah nei North Korea chunga chatloh lou ham? Chuleh India le Pakisatan jong itia alimsah lou ham?tin asi in ahi.Hitichun South East Asia leh gam dangdang jong USA te demna niseh in aumin ahi. Hiche ho jouse chu Saddam Husein deina hilou vin, galdei mo najoh ahi tin aphongdoh uvin ahi. Banjom in UN le vannoi kiloi khomna dang dang honjong gal umlou nadingin jo chanin pan ahinla tau uvin ahi. Hitichun NATO sungah galbolding dei le deilou tin,keh (2) ani so tau uvin ahi. Hiche phadchun USA in ama support Spain le UK toh kihou na anei in ama ho hin gam (9) phatsah na beh amu lou uleh alel diu ahet jeh uvin apetition uchu akile ladoh uvin ahi. Chuleh leh Britain leh Spain injong US te dinmun apom nao statement ahin son ahi. Hi che jouchun Bush in press conference abol in hiche a chun Saddam Husein leh asopi hon nidan 48 sunga Iraq adalhah diu, adalhah lou uleh gal kapat diu ahitai tin,gihna anei tan ahi. Hitichun athu hi suhlhap joulou ahito kilhonin 10th March in ahung pisohdoh tan boina aumin NATO sunga kihet khel na jong thusim a suhmangthei lou in aum tan ahi. 1

.......................................................................................................................... Refrence: 1 News week –Feb 24 2003 Economic —Feb 15 2003

Phengmai-7

Kuki- Chin- Mizo.... ban jom -

phat in haimil in iumtauvin ahi. Chuchekeu hilouvin Burma in Independence amujouva patna kum (60) val sunga hi Chin minna ana kium vangin Chin hina chanvoujong akineipon, Kukite gen theinajong chu Chin ten imacha lungmonna apejoupon ahi. Hiche in avetsahchu Kuki te chanvou neitheinading leh, Kuki te lungmon nadingchu Kuki te maman akibol u tailouvin nam danghon abol thei ujong aumpon, kineppi theijong ahipoi tichu phatmasa a thil soh masahon aphotchet ahi. Khanglui thusimjong akivetleh, lenggam khatsunga chenkhomna anaumkhapon ahi. Chin te hihen Mizo te hijongleh Kuki hon kai anapeh khahlou u akimun ahi. Hichechun nam chomchom anakihijeh a kivaipohna jong achom chom ananei u aphotchet ahi. Chuchekeu hilouvin nam chomchom hina anaumjeh a Britishte jongchu anasatkhomlou u ahi. Achaina a seidingin, Chin le Mizo hivanga aphatchomlouchu achesa phat sungin imutauvin ahi.

A sagi (7) vei chan lhin na KSDF General Conference cum Election nikho a Lamkai thah ho kihahsel pet

Hijehchun KSDF tahsan pomdan in Kuki kiti nam minhi khel lele thei ahiloubangin tunia Kuki movement kibol hi dalhah a um Kuki nam mite lungmontheinadinga kibol movement ahi. Chujongleh, tunia Kuki movement kibolhi lungneomanjong hilou, lunglet man jong hilouvin Kuki te dinga tohdinga kilomtah ahito kilhonna pathen mitmua jong kilomtah ahi tihi KSDF in abidoi kichehtah a ahin chepiu chena lhongpi chu ahi. Amavang Chin ahilouleh Mizo hivang a Kuki te dinga khonung changeia phatchomna aumloudinghi kichentah a akimujeh a hitobang movement hi gentheitah a kichepi ahi hi mipiten ahet chetdiu akisamin ahi. Ajehchu KSDF hin Chin le Mizo lamkai hotoh kihoumatna kineito kilhonin amaho lunggelhi Kukiten aphatchompiloudiu akimuchetjeh a hitobang ideology hi kichepi ahi.

Kum (15) vei chan lhinna KSDF kiphudoh nikho (Foundation Day) geldoh na New Delhi a kinnei pet

Kuki , Chin, Mizo hi namchomchom ahi tiloi aumtohkilhon in nam khat kikhentheilou ahi tijong aum in ahi. Namkhat ahi kiti jengjongleh adeh a Chin, Mizo ho lunggel chuleh iumdan u ichen dan u akivet leh tua Kuki tia kiheho dia phatchomna chu ima cha aumpoi tihi ihetchetdiu ngai ahi. Alangkhat a seidingin jong min thum kigom a nam khatchu hitheilou ahi. ************************************ International Day of Action For Dams nikho (14th March-2009) a Tamanthi Dam kisah demna KSDF in Jantar Mantar le Parliament mai a kiphin na kinnei pet

Phengmai- 8

Kuki suhmang nading kigo jing nalai By: Chuchung

Milham hihen lang Government ntongho hijong leh, Kuki ihinapao eisuh mangpeh got u chu, Koi hijong leh Kuki teding a imelma ahijeng e. Minamkhat chu anamhina akimin votheilouna ding a natongho leh mihem namkhat suhmangnading doitupjeh a mihem tampi thathojongchu thakhat ahi, imelma ahijeng e. Tukhang a Kuki ten igam u inung chantheinading uva Revolution ibol u jong Kum (20) tobang alhing kittai. KNO (KNA) in jong Burma military ho anakisatto pin, KSDF, KWHRO, KPC injong thilchomchom boltheijouse burma sunglangchen a tohgon kinei a ana kiboljing ahi. Adeh a Kuki gamsunga thilse thilpha kiboljousechu Burma Government in Kuki nam natongho tailou adang angohtheiding aumpoi je. Hinla Center SPDC Government in vang, tunichen in vannoihet in Kukiho thilbol ahi tin aphongkhapoi, eingohkha pouve. Ajehchu Kuki kiti nam minchu ahetphahpeh nomlou u tina jong ahi. Kuki kitihi akhang akhang a um Burma Government holeh Chinhon anasuh mang gotjing nam ahi.

Tamu khopi center venga cheng eimiho chu “Kuki kahi po ve, Thadou Chin joh kahibou uve” tin Burma gam vaipohon hunom in sign (soi) abolsah uvin ahi. Hichehi Kuki Nampi suhmangteiding gotna tohgon ahi. Kuki Nampi kitihi Burma gamsung ah aumpoi atiuva, Kuki te Gam jouse chanding agotmong mong u ahitai. Langkhat a Kuki chatechu Thadou Chin ahi akitisah uhi aki vet leh Kuki techu Chinte vallhum mangsahding agot u ahitai. Kuki le Chin kikah a boina umtaahen tiajong abollhim naojong ahi e. KSDF in delhi ah Aug 23 le hiche chungchang oimona a Demonstration che ding in phadsahna anei uvin ahi. Delhi a um KSO le Kuki nammi tehojong jao theisoh leh kipa umlhehding ahi.1967 Kha Daw Mi Operation laijongchun Kuki te 20,000 var Burma akon in eina nodoh uvah ahitai. Tuchung a jong Kuki te hitobang a inam hinapao eisuhmang pehkit got u hi thangtom cheh u hiute. KSDF Korea Branch in jong Aug 21 chun Korea aum Burma Embassy chu phone abolin Oimona thu, chule Kuki Nam miten mohvetlou a lethuhna nasa tah a kahinneiding u ahi tinjong hetsahna akineijin ahi.

Alang khat a Kuki Gam sung a vaipo ho leh Military hon vang, Kuki kiti a aki min phah poupou le Thingnoimi gaal mi, mel ma mongmong in ei su genthei jing un ahi e. Kuki ten Kuki kahi e tia aki sei ngam lou na dinga, Kuki Gamsung a thilse-thilphalou soh kiti jouse Kuki te angoh u ahi e. Kuki Gam sunga vaipo ho leh Military hon vang Kuki te suh mang na ding doile tup a nasa tah a thilse abol un na atong e, alang khata Center SPDC Government in Kuki kiti Nam chu thilse thil pha thilsoh ho chung a jong ngoh na het phah peh na jong anei pove. Hiche ho ivet a, Kho nung khoma thil thu um chen jouse phatecha a ikhol chet ule, kichen tah a kimu chu Kuki Nam kiti Burma ah aum poi tia abol u ahi e. Ajehchu Kuki kiti mi nam aum tah hih le Kuki gam chu aki lah thei dingu ti na ahi jeng e. Kuki chate lung kitoh tah a pan i lah khom jing dingu angai lheh tai je. Igam ducha hon i nam u sumang ding go a ikim vel u va apang dimset u ve. Kuki chate dinga ki lungtoh ki pumkhat a pan lah tai lou gaal jo na ding lampi aum ta poi je.

************************************

KNO/KNA in jong kamchang le Statement bouseh hilouva, tha le jung a lethuh na ahin neiding uvin Kuki Nammiten kinepna lentah akineijin ahi. Muntin a um Kuki chate jousen lung kitohtah a pan kilakhom ah ahitai. Mihem khatding a Human Right kitihi apena pata pellouva achanding lomtah chanvou ahi.Chutobang machu ahi, Kuki ihinaochu ikimin votheinading pachu Kuki Nam mitedinga ipen a pat pel louva ichan chehding u chanvou thupipen khatjong ahi. Burma solkar in kuki ho kuki kahipou’ve Thadou chin kahi u’ ve tia soi akaisah jeh a dem na a New Delhi a kijot na kineipet.