Daddy Bible

“Ang unang pagbasa kinutlo gikan sa buhat” Ang pundok sa mga magtutuo usa ra sa hunahuna ug kasingkasing. Ug wala kanilay miingon nga siya ray tag-iya sa iyang kabtangan, kondili nag-ambitay silang tanan sa tanang mga butang nga ilang gihuptan. Uban sa dakong gahom, ang mga apostoles nagsaksi sa pagkabanhaw sa Ginoong Jesus, ug ang Dios nagpanalangin pag-ayo kanilang tanan. Walay usa kanila nga nakulangan. Kadtong may mga uma o mga balay nagbaligya niini, ug ang halin gitugyan nila sa mga apostoles; gibahinbahin kini sa mga apostoles sa tagsatagsa kanila sumala sa ilang gikinahanglan.

1.

2.

3.

Paingna ang katawhan sa Israel, “ang iyang gugma walay kataposan.” Ang Tubag: Pasalamati ang Ginoo kay siya maayo, ang iyang gugma walay kataposan. Paingna ang mga pari sa Dios, “ang iyang gugma walay kataposan.” Ang Tubag: Pasalamati ang Ginoo kay siya maayo, ang iyang gugma walay kataposan. Paingna ang may kahadlok sa Ginoo, “ang iyang gugma walay kataposan.”

Ang Tubag: Pasalamati ang Ginoo kay siya maayo, ang iyang gugma walay kataposan. 4.

5.

6.

7.

8.

Giataki ako nila pag-ayo ug hapit na ako mapukan, apan gitabangan ako sa Ginoo. Ang Tubag: Pasalamati ang Ginoo kay siya maayo, ang iyang gugma walay kataposan. Ang Ginoo maoy naghatag kanakog gahom ug kalog-on; siya ang akong manluluwas. Ang Tubag: Pasalamati ang Ginoo kay siya maayo, ang iyang gugma walay kataposan. Pamatia ang mga awit sa kadaogan diha sa mga tolda sa katawhan sa Dios; “ang gahom sa Ginoo maoy naghimo niini.” Ang Tubag: Pasalamati ang Ginoo kay siya maayo, ang iyang gugma walay kataposan. Ang bato nga gisalikway sa mga magtutukod kay walay hinungdan, nahimo hinuon nga labing importanteng bato. Ang Tubag: Pasalamati ang Ginoo kay siya maayo, ang iyang gugma walay kataposan. Buhat kini sa Ginoo ug katingalahan kayo. Ang Tubag:

Pasalamati ang Ginoo kay siya maayo, ang iyang gugma walay kataposan. 9.

Mao kini ang adlaw nga gibuhat sa Ginoo; maglipay ug magmaya kita niini. Ang Tubag: Pasalamati ang Ginoo kay siya maayo, ang iyang gugma walay kataposan.

“Ikaduhang pagbasa kinutlo gikan sa sulat ni Juan” Humana niini, dihay pangilin sa mga Judio, ug miadto si Jesus sa Jerusalem. Didto sa Jerusalem, duol sa ganghaan nga ginganlag ganghaan sa mga karnero, may linaw nga gitawag Betsata sa Hebreo. Kining maong linaw may lima ka pultahan nga gitapangkohan diin may daghang mga masakiton nga naghigda mga buta, mga bakol, mga paralitiko. Ug didtoy tawo nga nasakit sulod na sa 38 ka tuig. Nakakita siya ni Jesus nga naghigda didto, ug nasayran ni Jesus nga siya nagmasakiton sa maong gidugayon; busa gipangutana niya ang tawo, “gusto ka bang mamaayo?”